قديم 11-08-2009, 07:23 PM   #1
-||[عضو قادم بقوة ]||-
 
تاريخ التسجيل: Nov 2009
المشاركات: 3
معدل تقييم المستوى: 0
pink-rose is on a distinguished road
روايــة يـآرضـآها وقف ونــآآظر شوووي


السلام عليكم ورحمة الله وبركاته

روايــة يـآ رضـآآها وقــف ونــآآظر شوووي

طبعا اول ما كتبتها كان لها اسم غير الاسم الحالي

لكن حبيت اغيره

كتبت اجزاء كثيره منها

وصلت لمنتصفها بنزلها على اجزاء هنا

ابي تشجيعكم وتفاعلكم عشان اتحمس واكملها





ابعثر حروفي على واقعي المجنون
و ارسم لوحات الرحيل
واقدمها لشوقي...
هالروايه واقعها مجنون
لأن رومنسيتها تسحر وتأخذك من واقع لخيال
فنان... ومن هدوء وسكون ... لآهات وشوق
وابطالها كلهم قلبهم
حنون بس الا مايكون فيه ناس ماتعرف تحب .. بس الي يحبون...كثار...




نبدأ بالعائلات ( وطبعا اسماء العائلات وفقا لابطال الروايه


عائلة شوق عمرها 21سنه(بطلة الروايه)

الاب:ابراهيم
الام: صالحه
عندها ثلاث اخوات
منال24سنه هديل 17سنه
غدي 14سنه

عائلة سهام عمرها 21سنه بنت خالة شوق


الاب: عبدالله
الام :مزنه

عندها سته اخوان
فراس عمره 28سنه سامي عمره 26سنه
فهد عمره 23سنه بتال عمره 18 سنه
عبدالرحمن عمره 12 سنه وجهاد عمره 9 سنوات
واهم شي الجده : فاطمه

عائلة مهند عمره 29سنه ولد عم شوق وخطيب اختها منال

الاب :سالم
الام: عايشه
عنده ثلاث اخوان واختين
ضاري اخوه الكبير 34سنه متزوج عزه بنت جيرانهم
وعنده بنت اسمها ريماس
راشد عمره 24سنه خالد عمره 16
احلام عمرها 23سنه رهام عمرها 19 سنه


عائلة نادرعمره 25سنه ولد عمة شوق

الام : اصيله ابوه : فايز
عنده اخ واحد ريااضغط هنا لتكبير الصوره5سنه وثلاث بنات لميس30 سنه و ورده28 وهبه سنه23

عائلة حنين عمرها 21سنه صاحبة شوق

الاب :سعيد ....امها ميته

عندها اخ واحد ماجد عمره 25سنه

في عائلات بتظهر في الروايه بس بشرحها من خلال الروايه












الجزء الأول

في الجــــــــــــامعـــــــــــــــه

شوق تعدل في مكياجها بعد محاظره طويله وممله ... تسمع محمد عبده على الهيدفون


يارضـــآآها وقف ونــآآضر شووي
شوف غلاهــآآ اش سوووى بشخص حي


تصارخ عليها سهام بنت خالتها: شوق ياعفن انا لي ساعه انتظرك طفشتيني والله اروح واخليك

شوق بإبتسامه عريضه :ماتسوينها بس بالله شكلي حلو ..؟؟
سهام: تجننين تطيحين الطير من السما بس ياالله الحين دلع تزعل علي...
شوق تحط في روجها الوردي الترابي على شفايفها الممتليه اللي كنها
شفايف "باريس هيلتون" طيب بس شعري كاش اعدله وبعدين نروح
(\\طبعا شعر شوق قصه وروايه لوحده لأنه ناعم وصحي لونه اسود ومخصل بالبذنجاني وكثير وكل الجامعه تحسدها عليه ووجها كربوج ودبدوب على انها مو دبدوبه بس هي طويله حيل وجسمها متوازن ولابسه بلوزه فوشي وبدي ليموني
مو باين منه إلا مثلث من قدام صدرها ولابسه عدسات موف على عسلي محليه عيونها الوسيعه الناعسه الي راسمتها بأسود عريض.. وشوق قسم حاسب\\)
شوق: خلصت إنتي مو ناويه تتركيني في حالي يعني لازم اشوفك هنا وفي البيت
سهام: يالي ماتستحين انا الحق علي الي ابغاك تشوفين البنت الي تشبه هيفا وهبي طيب وربي ما تشوفينها
شوق: سهومه حياتي امزح تعرفين دمي ثقيل واحاول استخفه ههههه
والا إنت لو تتسطرين 24 ساعه قدام وجهي مامليتك ههههههههههه
سهام: اقول كثري منها يا الله امشي تأخرنا على دلع.......... والحين تشوفيها
شوفي اقولك من الحين شفتي الدرج الي جنب الكافتريا على يدك اليمين إشفيك فاتحه فمك الي جهة المختبرات
شوق: إيه دليته
سهام: الحمدلله هي جالسه عالدرج لاتستهبلين وتتمقلين يمين ويسار زي عوايدك اوكيه
شوق: طيب والله لو إني رايحه اشوف هيفا وهبي عن جد
((\\سهام تدق في كتف شوق هذي هي شعرها اسود ولابسه بلوزه رماديه\\))
شوق: ياربي لك الحمد لوعت كبدي وانا طفشانه خلقه..... حنين ريم وهنادي وحتى الست لموش كلهم ماجوا الجامعه وانا قرفانه من نفسي ومن البرمجه لا وفوق كل هذا اخوك المملوح فهيد جاي ياخذنا
سهام: ياشيخ فلها وربك يحلها
شوق: سهام اشفيك حبيبي انا شوق والله خربوك عيال خالتي مزنه وصار كلامك زيهم يا ماما لاتفضحينا نحنا في الجامعه بعدين يشكوا في اخلاقك
سهام ميته من الضحك : طيب اش اسوي عايشه مع ست عيال مقاريد
دلع: إنتم وين تعبت وانا ادوركم بنات فاتكم البارح شفت فيلم رومنسي جنان واااااو ليش ماعندنا شباب رومانس كذا لو شفتوا لاري كريهيد وهو يطالع في عيو ن إنجيليا ويضمها وااااو
شوق: ياربي يسعدك يا دلوع ويحبك لاري كريهيد "بزات نفسه"
سهام خبطت دلع على كتفها : والله إنك فاضيه فضاة جدتي فاطمه بس روحي " رومانس" يا ربي تثبت نعمة العقل والدين
((جوال سهام يدق )) :هلا ارحب فهد طيب الحين نطلع..... اوكيه طيب 5 دقايق وانا مفحطه " يعني واصله" عندك
دلع: حتى انا السواق لاطعته "يعني تاركته ينتظر" من ساعه
((\\ فهد واقف لابس ثوب ابيض وغتره بيضا وجزمه بيضا ولابس نظرات شمسيه تسطل هو حليوه نحيف شوي وطويل متكي على باب اللكزس وينتظر ونبضات قلبه تزيد في كل لحظه بس شاف سهام وشوق وهو مو داري بالدنيا يفتح الباب الي ورا لشوق ويستناه تدخل ويقفله برقه متناهيه\\))
سهام: طيب ياخي يوم اعتبرني شوق وافتح لي الباب ترى انا اختك وهي بنت خالتك اقول لايكون الشمس عامله عمايلها معاك ولخبط بيننا
فهد: لا إنتي و وجهك بس إنتي تعرفين سيارتي وهي اول مره تركبها
سهام بستهبال: هااااه توني فهمت صح صادق والله ذوق
((\\فهد وهو يعدل في المرايه عشان يشوف
احلى عيون في هالدنيا)) ويقول: شوق كيفك ..
شوق بدون نفس: بخير
فهد: والله لو شفتوا مزنه "يقصد امه بس هو من كثر ماهو خفيف دم يناديها بمزنه" تتابع MAKE OVER على MBC4 حق العجايز
والله هالعجوز مو هينه
شوق: بس خالتي مو عجوز
((\\فهد ذاب من صوت شوق وسكت يبغى صداه يملأ عليه المكان وشغل اغنية
ماهو هاليله وبس..... وإنت متغير علي
صار لك كم ليله.....وإنت بالك ماهو لي
شوق حطت الهيد فون على اذانيها وتسمع اغنية
(وين احب الليله وين)\\))
سهام:فهد واللي يرحم والديك وطي الصوت شوي راسي مصدع من المحاظرات
فهد :وشفيك ياسحليه والله مصدع من الهياته
سهام: ترى شوق محطيه الهيد فون يعني ماتسمع
فهد: سحليه اقضبي لسانك لرميك من السياره وربي اسويها
((\\يناظر لشوق من المرايه وشوق ما تناظر فيه ويزود السرعه180 هو مجنون ومتهور\\))
تصيح شوق : واااااااااو اشفيك فهد تكفى خفف سرعتك إشوي جنيت إنت
فهد توه رجع طبيعي وكن صوت شوق سحره:
انا جنيت من زمان.........!!!! بس على آمرك كم شوق عندي....؟؟؟؟؟
سهام: لنا الله قالها محمد عبده ما اقولها انا آه ياسهام يابنت عبدالله لي ساعه اقوله وطي الصوت ومو راضي هذي بس قالت تكفى وبغيت توقف السياره عشانها..
فهد: اقلبي وجهك يا سحليه إنت تحمدين ربي إن مدخلك سيارتي والله حتى السحليات يتشرطون
سهام: طيب يافهيد اعرف كيف اذلك طييب
شوق بصوتها المبحوح الدلوع: سهومه عشاني إنزلي معاي اليوم
سهام: والله ودي عاد إنتم غداكم مايتفوت بس خالتك مزنه تعرفينها
فهد: انا ما انفع....؟؟؟؟؟
شوق متأففه: ياربي ... سهام انا اكلم خالتي
فهد: وكلميها عشاني بعد..........
شوق: فهد مو وقت غشمرتك .. يا الله سهام
" طبعا فهد تجمد لحظة سمع اسمه مع شفايف شوق وربي مايدري وين طريقه "
سهام: شوق إشفيك توك تعرفي عادات امي.....؟؟؟؟؟؟
( يوقف السياره قدام الفيلا يفتح الحارس البوابه الخشبيه مع هانداتها وإطارها الذهبي يدخل فهد بسيارته في حوش واسع في نصه جسر طويل يوصل المسبح بالفيلا والجسر ذهبي معتق واطرافه نيليه غامقه
في نهايته قبل المسبح بمترين تقريبا مظله دائريه كبيره من قش مطلي بالذهبي ومرشوش فوق القش ورد احمر جوري مجفف
وتحتها شجرتين مربوط فيها مرجوحه على شكل سرير قماشي
يوقف السياره قدام باب الفيلا الداخلي و هو قلبه وده ماتفارقه لحظه لأن
فهد يحب تراب من يحب شوق فكيف شوق
وهي سنينه وايامه وعمره )
شوق برقتها المعهوده: سهومه باي حياتي
See you tomorrow‏
سهام:مع السلامه بيننا الووو
فهد: باي شوق
شوق:‎‏ باي
!
!
!
!
!
!
!
تدخل شوق
( و زي العاده هديل وغدي صوت خصامهم واصل آخر الشارع)
شوق : هديل روز وجع ترى مصختوها كل يوم تتناقرون فضحتونا
هديل ثاني ثانوي علمي
و غدي ثالث متوسط
غدي: شوفي هديل شالت صورة وائل كفوري وحطت صورة السهتانه هيفا
((\\غدي مجنونه في ولد كفوري وفي الصيف تحظر كل حفلاته إذا سافروا اهلها\\))
شوق: يا الله تخيلي هديل عندنا في الجامعه وحده نسخه من هيفا
بس هي ابيض من هيفا وبنات الجامعه منهبلين عليها..... سهام تتريق تقول بجيب كاميرا واتصور معاها ...هههههههه
هديل: بروح معاك الجامعه امانه خذيني وياك.....
غدي زعلانه تضغط على زر المصعد: والله اقول لماما تعطين غرفه لوحدي
شوق :غدي يابعد هلي استني
((\\وتطلع معاها المصعد وتحط يدها على شعر غدي الأشقر مقصوص قصة بوي\\))
شوق :حياتي والله اشتري لك صورته الجديده وحطها قدام وجهك بس امي مو ناقصه عيارتك إنتي وياها
غدي: ابغى غرفه لوحدي
وإلا بقول لماما
شوق: اوكيه بس انا بروح انام تعبانه حيل
غدي: انا عارفه إن ماعندك سالفه بس روحي نامي
( شوق تفتح باب غرفتها الكبير الي كنه بوابه
وتلاقي منال اختها الكبيره نايمه على سريرها المخملي الناعم ومخداته الكبيره لونه وردي وابيض
شوق ترمي نفسها على السرير وتتأمل في لوحه شرتها من باريس
اللوحه يمكن مترين في متر مالها إطار شاطي بحر وقت الغروب وصخور متناثر وشمس محمره خجوله نصها في البحر والبحر هايجه امواجه)
شوق تناظرها وتكلم نفسها: ليش حياتي راكده كل البنات اللي اعرفهم حياتهم مليانه احداث...
" على إن شوق هي دلوعة العايله وكلمتها ماتصير ثنتين
صح جمالها خيالي والكل منبهر فيها بس لما كانت صغيره 8 سنوات تحديدا مرضت وكان في دمها جرثومه وموتها مؤكد100% حتى عمها محمد كان يقول هذي ملاك مستحيل تعيش
بس معجزه الهيه شفتها
وكلهم يقولوا إن امها كانت ماتنام لاليل ولانهار وهي تدعي لها وربي استجاب دعواها ونجاها بكرمه ويمكن عشان هالمرض كل العايله صاروا يدلعونها حتى بعد ما كبرت ومايرفض لها طلب
بس..... الظاهر هالحال ماراح يستمر "
شوق اقوم اغير ملابسي وانخمد ازين من هالأفكار...إش ابغى في الحب والمشاكل وتفاهت البنات انا اكبر من كذا
‏!
‏!
‏!
نواف ينادي بكل صوته: هند وصمخ إن شاء الله
هند: وويعه ياخبل شنو تبي..
نواف : سوي لي شاي..
مو فاضيه لك سوه بنفسك وإلا اجلس
نواف : شوفي...... ثامر بعد إشوي جاي لو ماتسوينه وربي
لااخذ الكمبيوتر غرفتي
((\\ هند عمرها بعمر شوق 21 سنه ونواف عمره 25 وهو استاذ علم نفس بالجامعه
بس حالتهم الماديه مو ذاك الزود لأنهم ايتام نواف وهند عايشين في شقه صغيره بس نواف شوي عصبي يمكن لأنه تحمل المسؤليه وهو صغير15سنه وهند كان عمرها 11 سنه ماتوا امه وابوه واخوه الصغير كان عمره شهرين بس في حادث سياره وتربوا عند خالتهم نوف بس زوجها كان قاسي واول ما اشتغل نواف استأجر شقه على قد حاله وهالوضع بنشوف كيف اثر على نواف وهند\\))
&
&
" هند في المطبخ اللي كبره مترين في مترين يعني اكبر من لوحة شوق بمتر.. !!
بوتو قاز اسود مغطيته هند بورق قصدير
دولاب صغير كل هانداته مخلعه وواحد من ابوابه طار مخلوع يعني
والثلاجه حجم صغير لونها اخضر ومايله لأن وحده من كفراتها انكسرت ومغسله حديد..قديمه حوافها مصديه ..هند واقفه قدام البوتو قاز تنتظر الشاي يخلص والغريب إن هند بنت ناعمه حليوه بس جذابه موت بياضها زي بياض الحليب وشعرها احمر بركاني قاصته مدرج وكانت لابسه بيجامه برموده حمراء وبلوزتها بيضاء
خلصت الشاي وجهزت اكواب الشاي الي ماتطلعها إلا لشخصيات الهامه... دخلته المجلس وراحت طيران على الحمام *الله يكرمكم* اللي مافيه غيره بالبيت وكانت متأكده إنها بتطلع قبل مايدخل ثامر "
صوت الجرس @@
نواف يفتح الباب: هلا والله بالقاطع كيفك....؟؟؟
ثامر: يامكبرها عند ربي انا اللي قاطع وإلا انت....؟؟؟؟
نواف: ادخل والله جده لاحسه عقلك
لايكون عنك شي هناك ........!!!!
ثامر:عشان مين ياحسره إنت تعرف انا بصوب والبنات وحركاتهن بصوب بس تعرف الوالده ماتصبر عني يوم يا شين افكارك....؟؟؟
( هند في الحمام والمشكله البيت غرفتين غرفه لنواف وغرفه لهند وغرفه يستقبلون فيها الضيوف و الشباب جالسين فيها ومن زود القراده غرفة الضيوف قدام الحمام بالتمام
هند تكلم روحها: بجلس إلين يروحوا وجلست تتملق في وجهها شوي صوت اذان المغرب )
نواف : يا الله نصلي بالجامع اللي جنب العماره......!!!
ثامر : بس اتوضا الله يحييك
نواف: انا متوضي يا غالي الحمام الله يكرمك قدامك
" نواف بعفويه ونواف تصرف ومتأكد إن هند في غرفتها الي ورا المطبخ وواثق في صاحبه وتوآم روحه ثامر : انا بنزل الجامع وإنت الحقني اوكيه
ثامر وهو واقف : ثواني والحقك
@@ الدلخه هند سمعت صكة الباب وحسبتهم طلعوا وفتحت قفل الباب
وفتحت الباب بشويش @@
وصرخت يمه ياويلي
ثامر يطالع في هالبنت قدامه تصارخ : اهدي انا طالع لاتصارخين اشفيك
---- طبعا ثامر مو قادر يفتح الباب وهي تصارخ يحاول هديها قبل لايفتح باب الشقه ويسمع صراخها احد خصوصا إنهم في عماره وكل الناس طالعين يصلوا ----
ثامر: بالله عليك لاتصيحي وربي طالع بس لاتصيحي
هند ياويلي يانواف ياويلي: اطلع طيب
ثامر: اول اسكتي وبطلي صياح وانا بطلع
هند سكتت وثامر ناظر سحر عيونها وغمض عيونه وطلع
وبعد ماسكر الباب فتح عيونه
%% ثامر غمض عيونه عشان يحفظ كل ملامحها تكأ بثقل جسمه على باب الشقه %%
ثامر ينزل مع الدرج وهو يفكر: اش الحلاوه هذي كلها
والله خايف يصير للبنت شي وانا السبب فديت هذيك العيون اللي تجنن
%%في نفس الوقت كانت هند تتأكد وتقفل في الباب
وانطلقت بسرعه واخذت جوالها اللي حالته مو أحسن من الثلاجه والدولاب وتدق%% تنتظر :الو شوق الحقي علي سويت مصيبه ياويل قلبي
شوق بصوت ثقيل لأنها توهافتحت عيونها: هند إش صاير
هند:ثامر شافني وانا طالعه من الحمام
شوق : شنو......... من ثامر........؟؟؟؟
هند: إشفيك استاذ ثامر اللي يعطي ندى علم نفس النمو
شوق: مع إني ماعرفته بس إشفيه
هند: يووه مو متذكره ندى يوم خذتنا لمحاظرتها وقالت في استاذ سعودي صوته جناااأن
شوق: إيه إيه توني ذكرته طيب إش صار.......؟؟؟؟؟
هند: هو صاحب نواف..... وهده اخوي المعتوه بالبيت... على بالي طلعوا مع بعض وبعد ماسمعت الباب تسكر طلعت وإلين شاب طويل اسمر لابس ثوب ومشخص واقف قبالي
شوق : واااو إش سويت
هند: إش ماسويت.....؟؟؟!!! صرخت وطردته وهو فديته كووول جلس يهدي فيني
شوق: فديتيه....!!!! من الحين يعني قصة حب جديده في الشله
هند: وربي من الفجعه قلبي كان بيطيح في بنطلوني
شوق: هههه الله ياخذ إبليسك من الفجعه و إلا من.......
هند:هههه لا والله اقول اسمعي في شي غريب صار
شوق بحماسه: إيييش....؟؟؟؟؟
هند: ترجاني اسكت واول ماسكت ناظر في عيوني وبعدين طلع وسكر الباب وهو مغمض عيونه.... شكله استحى .....***
شوق : ما اتوقعه استحى..... ها ها ها ها لأنه لو استحى ما طالع في عيونك ... يا شاطره
هند: بلاك ماتدرين وش انا لابسه تخيلي برموده حمراء وبلوزه كت بيضا....***
شوق: طيب الحمدلله إن البلوزه بيضا لو حمرا ضاعت علومه %%
هند :ههههه بس نفسي اعرف ليش بعد ماناظرني.... غمض عيونه
ما اقدر اطول رصيدي بيخلص... ياشين الفقر
شوق: سكري الحين ادق عليك
يدق جوال هند ترد بنبره عاليه : هلا شوق
شوق:طيب بشويش خلاص بنسحب منك لقب نعومة الشله هههههه
هند معصبه: انا كلشي فيني ملخبط والأخت رايقه وتنكت بعد
شوق: إشفيك مكبره السالفه هو استاذ جامعه يعني افكاره متحرره وعارف إنها صدفه
ورب صدفه خير من الف ميعاد ههههههههههه
هند:هههه ليش دمك خفيف اليوم عشان خليناك مع سومه
يعني من عاشر سهام يوم ....هاه
شوق: إي وربي افتكيت من قرادتكم إنتي والثلاثي المرح
هند: بكره مابتشوفوني
اها اها اها
شوق تسوي نفسها تدلع زيها : وليه إن شاء الله
هند: عشان بروح واخذ جدول استاذ ثامر من القسم واحضر كل محاظراته
شوق ميته ضحك: صدقت عمرها هالمجنونه....؟؟؟
اقول انا ماعندي كلام فاضي لاتنسي إني ام الشله وبناتي مايعصون كلمتي وإلا بتعقين امك
هند: الحين تسمحين لهم يحبون كل وحده شكل الا انا.. والله انتحر
شوق: هدي نفسك ياماما .. اترك تتخيلين الطويل الأسمر وانا بروح اكل شي ميته من جوعي تآمرين شي ياقلبي...؟؟؟
هند: ما يآمر عليك ظالم حياااااتي
شوق: يلاه باي
هند: باي
!
!
!
!
!
!
!
!


شوق: منول حياتو ليش كاشخه على وين العزم
((\\منال اكبرهم واكثرهم هدوء وحكمه مخطوبه لولد عمها مهند هي حلوه بشرتها صافيه وشعرها حليو ..إذا جعدته تطلع خرافه ..عيونها واسعه وجهها دائري متوسطة الطول(اقصر طويله عالقول ناصر القحطاني ههههههه) حساسه لأبعد درجه واهم شي تموت في مهند ..\\))
منال:مهند فوق..
شوق: اهاه عشان كذا لابسه الليموني والزيتي
(منال حاطه شدو ليموني مزجته طرف عينها ومن تحتها بزيتي ومكحله عيونها بكحل اسود وبلاش اورنج وروج اورنج وفارده شعرها ...)
منال: ذكيه والله باي
(لأن مهند يحب هاللونين عليها ومنال ماقصرت صارت معظم ملابسها زيتي وليموني)
شوق: بايات
طلعت منال المصعد ووصلت
السطح
" هالمكان منتهى الروعه والإبداع لأن كله مزروع بأعشاب خضراء قصيره شوي وفيه مسبح صغير دائري في آخر السطح والمسبح محاط بشموع لولبيه وعلى يمين المسبح جلسه شعبيه فخمه الوانها احمر وبيج والإضاءه خافته
تقدرون تقولوا مكان شاعري "
‏وصلت منال ....
مهند: ياهلا بأغلى الحبايب ياهلا بريحة هلي مسك إيدينها وباسها
ومنال دوروها ماتلاقونها.........*****
مهند متوله : منال بنتزوج في إجازة الحج
منال مفجوعه: مهند تونا مالكين في إجازه عيد الفطر
مهند ترك إيدنها: يعني مو مشتاقه يضفنا بيت واحد بدل هالسطوح
منال:مهند إحنا اتفقنا في الصيف لأني ماجهزت شي لاتفهمني غلط
مهند:منال
منال :لبيه
مهند: لا بس احب اناديك واسمعك تلبيني..ياما اناديك واشتاق لك
منال: ياقلبي
مهند: ِشنووو....؟؟؟
منال: اهاه سمعتها
مهند: انا قلبك..؟
منال: وكل مافيني....
مهند: بقولك عالشي.....
منال: شنو...؟؟؟؟؟
مهند: بس تصدقيني----
منال: طيب قول
مهند : اول ما ابعد عنك خطوه احس المكان يضيق بي والأكسجين يقل وخاطري يتعب
منال: لاتقطع قلبي
مهند: طيب روفي بحالي ووافقي
منال: يعني إنت تظن إني ماودي اكون معاك دايم بس غصب عني
مهند: طيب اعطيني يدك منال ناولته يدها
مهند :ودي اخترع شي بحيث اني لا حطيت يدي في ايدك تتلصق في بعض و مايفرقنا شي...آه لو اقدر
منال: سلامتك من الآه ليتها بقلبي ولافيك
مهند ماسك يدها بقوه وعصبيه: تعرفين وش اتمنى ...؟؟؟
رفعت كتوفها: مدري...!!!
مهند: ودي اتعذب اموت بس تكوني مبسوطه وبخير
منال: ياحياتي
مهند: ابغى اسمعها
منال بصوت اوطى: ياحياتي
مهند: لامو هذي إنت عارفه وش اقصد
منال:مستحيل
مهند: ليش طيب
منال: بس****
مهند: ترى ابكي واصيح
منال: مافيه حد بيسمعك
مهند بصوت عاااالي:أحبك منال
منال بإبتسامه عريضه: وطي صوتك
مهند: طيب قوليها من ملكنا الى هالحين ماقلتي لي أحبك
ليش إنتي ماتحبيني ..؟؟؟
منال: إسأل نفسك..؟؟؟
مهند: منال إنت تحبيني ؟؟؟
منال: قلت إسأل نفسك...
مهند: طيب انا سألتك وانتي نفسي ودنيتي وروحي وعمري.. وكل كلي
ومسك طرف شعرها
قصيتيه يا خاينه.....؟؟؟؟
منال تسحب شعرها بعصبيه: ماقصيته ولاتقول خاينه انا مو كذا ترى ازعل..
مهند:حبيبتي لاتزعلين ترى انجن بعدين انا امزح
منال: هالكلام ماينمزح فيه.... اوعدني ماتقولها...
مهند: وعد.. منال انا واثق فيك وربي من اول ماشفتك وإنتي بالمتوسط(المرحله الإعداديه في السعوديه) الين اليوم وإنتي ملاكي
ملكة قلبي .. وحبك يوم عن يوم يزيد
منال: ههههههه تذكرت يوم انا في ثاني متوسط وتشرح لي رياضيات
" مهند تقريبا مات من الضحك..."
منال: بعدين الغريب في الموضوع إنك اكثر واحد من عيال عماني طولت ماتغطيت عنك........؟؟؟؟
مهند يتنهد: جلستي إلين ثالث ثانوي وتغطيتي عني ياااااه لو شفتي حالتي هذيك الأيام كان الموت اهون علي لو ما اخاف ربي كشفت وجهك بالغصب
منال: بس إنت ماكنت تبين حبك لي...؟
مهند: كنت خايف اتكلم بعدين اخسرك...!
منال: إش قصدك..؟
مهند: خفت اصارحك وتكوني ماتبادليني نفس الشعور وطبيعي تتركيني وماعاد اشوفك مجنون اذبح نفسي بيدي
منال: لهالدرجه.....
مهند: واكثر وربي شاهد علي انت كلشي بالنسبه لي.. انا اضحك عشانك
وافرح عشانك.. آه لو كل اللي احسه اقدر اوصفه
بعدين ايامها كنت عارف إنك طموحه ومو حلمك
إنك تتزوجي وبس عشان كذا وعشان انا احب فيك طموحك.. قلت بطلبك بعد ما تكملي دراستك
(مهند يشتغل في وزارة الداخليه وعشان كذا كان مهتم ان حبيبته تكمل دراستها....)
منال: والله ماكنت اعرف صح إنت مهتم فينا حيل
وماقصرت معنا بس كنت احسب بس عشان ماعندنا اخوان
مهند: إيش..؟
منال بحنيه : اقولك كنت بس الحين غير..
مهند :كيف يعني غير
منال: يعني إنت الحين خطيبي
مهند: انا زوجك بعدين الواحد مايأخذ منك لاحق ولاباطل........
منال: حرام عليك ..
مهند: اقولك عالشي ....بس اخاف تقولي مجنون
منال: حشاك والله... ولو إنك بعض الأحيان تخورها .. (طالعها بنظره وكأنه زعل) منال: قول وربي امزح
مهند: طول الأربع السنوات وانتي تدرسي في الجامعه كنت اوقف لك عند الجامعه وانتظرك تدخليها وبعدين اروح
وجلس يغني
اجي لك كل يوم واروح
واقول نظره ترد الروح
اعيش فيها عشان بكره
عشان ليلي الي كله جروح
منال: تدري دايم يجيني إحساس إني في حلم مو مصدقه ...
مهند: إش رايك اعضك عشان تصدقي
منال تضايقت: لا لا لا مابقي الا هي
مهند: مدري عنك متأثره بالأفلام العربيه... انا هنا جنبك وبكون معاك إلين تصيري كهله مو قادره توقفي
منال طقتها ضحكه :ههههههههههههههه
مهند بانت ضروسه من الضحك: هههههههههه..... حبيبتي توصني شي تأخرت وعندي دوام بكره ...من بدري... وإنتي بعد .. عندك دوام ... والا نسيتي....!!!
منال: اوصلك تحت طيب
ومشوا مع بعض ومهند مشبك يده في يدها وطرت لمهند فكره : من زمان ودي اطفي هالشموع
منال: اوكيه
تمسك منال الشمعه بيدها ومهند يحط يده بكل رومنسيه على يدها ويطفوها في موية المسبح
وبعد ماطفوا 5 شمعات
منال: مهند تعبت والله
"مهند يرشها بالمويه ويضحك ... ومدام يده على يدها لا والله الا نسي الدنيا واهلها"
وصلته السياره وهو مانزل عيونه عنها
مهند: حبيبتي انتبهي لنفسك ترى شغل البنوك متعب لاتعبين نفسك اوكيه
منال: تآمرني شي ثاني
مهند: إيه... ابي تموتي فيني
منال وهي تضحك : لاتوحشنا ...
مهند وهو يبوسها : مع السلامه حبيبتي
‏!
!
!
!
!
!
!
!

p!nk-rose




الساعه 7,45 الصباح....... في الجامعه
سهام ودلع جالسين على حافة درج قسمهم
"لغه إنجليزيه"
و سهام تدق على حنين
وحنين ماترد
سهام: العفن هذي ماترد
دلع :مين...؟؟؟
سهام: مين الطفقه اللي ماتدري عن نفسها إذا دخلت الجامعه غير حنينوه
دلع: هاها هاها...... ياويلك شوفيها جايه مع شوق وريم وهند
سهام: الحين شوفي وش اسوي فيها ...
شوق : صباح النور يا حلوات ‎
سهام : صباحووووه يامرحبا ياهلا وينكم
حنين تسوي نفسها ناعمه عشان ترفع ضغط سهام لأنها ماتحب التدلع :موجودين وبالخدمه بعد ....هاو ار يو.....؟؟؟
سهام: بخير حنونه عندك مرايه
حنين بعفويتها : خذي الشنطه كلها ياقلبي
سهام تفتح الشنطه وتأخذ جوال حنين وتحطه على السايلنت...... وتأخذه معها : خذي ثانكس ياقلبي....... وفي نفسها تقول :طييييييب والله لا اندمك يا حنوونه ........!!!!!
" حنين قسم حاسب حلوه شعرها ناعم والي محليه إنها إذا فردته او جعدته او لفلفته او لمته يطلع حلووو يعني تناسبه اي تسريحه وهالنوعيه نادره لونه اشقر عالبني عيونها حلوه ووجهه مليان هي دبدوبه شوي بس حلو عليها
احلى مافيها شفايفها ... من جد تسطل ...
خفيفة دم، طيبه، ذوق ، صاحبة صاحبتها ، اجتماعيه وتدخل القلب
هي اصغر وحده في عيلتهم بس زي مايقولوا سكر معقود بس عندها عيب واحد بكايه(يعني دمعتها في طرفه عينها) لابسه

، بلوزه لونها احمر
مفتوح صدرها مكتوب عليها بخط عريض بلأصفر RED GRIL
و مجعده شعرها وماسكه شعرها من قدام بفونكه صفراء
وشدو عيونها الجزء الأول احمر ومحدده العين بليموني بلاش وردي
والروج احمر كأن شفايفها فريز...^^~
ولابسه بوت سبور(الله يكرمكم) لونه احمر وفيه خطوط طويله لونها ليموني....^ (+يعني لاقلت هالبنت منتهى الذوق والكشخه لا تلوموني بس ليت بعض الناس يقدر...؟؟...")
شوق: بنات انا عندي محاظره من يوصلني..؟؟؟
هناد :زي ماقلت لك انا مو فاضيه بروووح اشوف حبيبي.......
" البنات بين وحده تقول مين...؟؟؟ والثانيه واااااااااو 'قولي لنا القصه يا خاينه.........!!!
سهام: طيب يا رمه (يعني قليلة اصل) تحبين من ورانا ...
هند: شوي .. شوي ..علي ، هذاني بقول بس من دون تعليقات
سهام : لامافيه لاتعليقات.... ولا ....خواتم..... ههههه بس اخلصي علينا..
هند تحكي في السالفه والشله شوي يصفرون وشوي يصارخون
سهام : والله فله ...(يعني وناسه)
حنين تقرب من ريم وتهمس في إذنها : إشفيك ريمو صاير شي...؟
ريم: لا بس طفشانه xxxx
حنين: لافيه شي انا متأكده إنتي مو على عواديك........
ريم: اسطوانة كل يوم.....
حنين: ابوك... صح
ريم: فيه غيرها...!!
" ريم بنت بسيطه حليوه
قصيره شوي لاهي دبدوبه ولانحيفه ... بشرتها تأخذ العقل كأنها عايشه ببيروت مو بالرياض بيضا حيل وصافيه ومشدووده شخصيتها رومنسيه حيل طيبه واحيانا طيبتها توصل لدرجة السذاجه
فرفوشه رغم عيشتها مع الهم والحزن اللي متسبب فيه ابوها
ابوها مستبد ...متزمت
لايعجبه العجب ولا الصيام في رجب...بخيل مع إنه غني... بإختصار جاي من القرن الفكتوري ... لدرجة إن مافي شي اسمه البنت تروح السوق... وعياله الشباب في الجامعه وممنوع يشتروا جوال كاميرا ... ومشفر قنوات الستالايت كلها ماعدا السعوديه والمجد... والكل مايتكلم في التيلفون ولا يخرج إلا بإذنه..‎‏ ‏:-@ "
حنين: إش مسوي هالمره...
ريم: البارح خالي تعب واول ماعرفت امي اخذت اخوي وراحت له المستشفى ولما رجعت غسل شراعها وسحب السياره من اخوي علي وصارت مشكله كبيره .........امي من كثر خوفها على خالي راحت من دون اذن ابوي... وقلب البيت فوق رؤسنا .. وانا مانمت لهالحين..
حنين حطت إيدها على كتف ريم : حياتي لاتشيلين هم .. بعدين المفروض تعودتي عالأسلوب ابوك ...يسعدك وإنتي زعلانه...لو ندري إنك بتركدين كذا ...كان وصينا ابوك يغسل شراعك إنتي ....ها ها ها ها
ريم تضحك: يا ويلك من الله حرام عليك
سهام تناظر في حنين وريم : والله هذولا الثنتين يحشون فينا(يتريقون علينا)
ريم : حرام عليك نحش في ابوي^^^
سهام: والله ابوك هذا انا في يوم من الأيام بروح وتفاهم معاه......
ضحكوا البنات كلهم........ههههههههههههههههههههه
(سهام حياتها بين 6 شباب اثرت على شخصيتها وصارت تتصرف زي الشباب تماما صح عندها اخت اكبر منها بس فارق العمر بينهم خلها تتأثر في اخوانها اللي من عمرها اكثر من اختها )
شوق: اشوفكم بعد المحاظره وجع في هالوجيه......... اروح لوحدي اصرف لي.........
هند: انا جايه معاك......
سهام: وانا بروح معاكم ياشباب..,,,!!
مسكتها شوق مع إذنها: ياماما نحنا بنات... كل هالزين والكشخه و شباب.... بعدين شباب تقوليها لفهد وسامي وفراس وعبدالرحمن وشلتك في البيت مفهوم....
حنين: وااااو اخطبيني لواحد منهم
سهام : طبي وإختاري,,,,,
حنين : لازم اشوفهم اول-----
سهام: طرار ويتشرط ...عندي صوره لسامي وفتحت بوكها وجلسوا البنات يناظروه
دلع : واااااو
والله قمر
حنين : لا والله تركي احلى....
سهام تشد البوك من حنين : من زينك .. إنتي ووجهك ... ليت تركيك داري عنك ... بلى في هالخشه
حنين : يكفي انا احبه واموت عليه .. موتي بقهرك ... لاتحبي ولا احد يحبك ...
شوق: شكلي مابحضر المحاظره اليوم....... السوالف بدت تحلى
سهام : فوقه (يعني اوكيه بقوه) والله كنسلوا اليوم خلونا نفلها قبل الإجازه
دلع : انا معاكم
هند : انا مو فاضيه بروووح لثمورتي بنات اهم شي هالخبر لاينتشر والله لو يوصل لنواف يذبحني
البنات يضحكون من قلب.....
حنين : اوكيه بتصل على لمى.........
حنين تفتح شنطتها تدور على جوالها : ياويلي جوالي مو لاقيته
ريم اتصلي عليه واللي يعافيك....
ريم تتصل: ما احد يرد......-------
سهام تستهبل ومسويه نفسها مالها دخل في السالفه: انا من الصباح اتصل ما احد يرد...-------
حنين: متأكده مانسيته في الصباح دقيت على لمى ... ياويلي انا احب هالجوال بقوه *****
سهام : ياشيخ اشتري لك غيره ...
حنين : انا رايحه ادوره
راحت حنين لوحدها وهي تتذكر موقفها مع الشخص اللي حبته وهو مو داري عنها(تركي ولد جيرانهم) وتتذكر كيف
كانت متأخره عالجامعه وخرجت وهي تسكر في شنطتها وجوالها في يدها ولسى مالبست غطوتها وفتحت باب المصعد وتفاجأت بهالشاب واقف طاح جوالها وما اهتمت وجلست تلبس في غطوتها وهو جلس يجمع في جوالها طبعا لما طاح الجوال البطاريه في جهه والكفر في جهه دخل البطايه وركب الكفر واعطاه إيه وتذكرته وهو يقول: إذا تبيني اخرج خرجت...........
حنين تذكرت كيف ردت عليه بنبره قويه: لا عاااااااادي
"في المصعد طلع جواله وجلس يطقطق فيه ولا كأن جنبه بنت آآه ياحنين
تتذكر هذيك العيون....
هذاك الشاب اللي ما اهتم لوجود بنت ولا استهبل زي شباب هالأيام
وتسأل كيف دخلت معها.......
في المصعد..؟؟؟
يارب إش ردت فعله
اكيد قال هالبنت مو متربيه....!!!
انا اشوف كيف يتجنبني
وإذا شافني تنحى ونزل عيونه ...
وانا ليش احبه هالحب وانام وانا اذكره واصحى وانا احلم اشوفه
هالتركي قلب حياتي
ملك قلبي وللأسف
إنه مو داري عني ولاعن هالحب له ...
"حنين تعبت من كثر التدوير دورته في كل مكان راحت له.... قررت ترجع وهي متأكده إنه انسرق حنين مو همها الجوال بس لأنها يذكرها بتركي رجعت وهي واصله حدها"
سهام : ياهلا بفغرة الشله ..... (مصطلح عربجي يطلق على الأشخاص المضيعين )
حصلتي جوالك ..؟؟
حنين : لا
سهام تفتح شنطتها تطلع الجوال وسط شهقات حنين: شوفي وربي لو اتصل مره ثانيه ولاتردي .....ما يصير طيب
اخذت جوالها حنين وضمته لصدره وقالت بدلع : واااي جوالي حبيبي
سهام بالفصحى : وما حُب الجوال شغف قلبي
ولكن حُب من مسك الجوالُ ...!!
"والكل ضحك"
حنين تضرب سهام على كتفها : الله يطيحك في حب عامل زباله ...~
سهام : من قلك اني ما احب
حبي لمملكتي شوقا يناديني .... هاها ها ها
حنين : وين هند....؟؟؟
ريم : راحت لحبيب قلبها.....
هند وصلت القاعه دخلت
قاعه مليانه طالبات جلست عالكرسي تسمع في صوته.....
استاذ ثامر: الفتره مابين 70الى ماقبل الوفاه هي مرحلة الشيخوخه او الكبر
ابغى وحده تتكلم فيسولوجيا عن هالمرحله
هند بلا وعي تمسك المايك : يتحول لطفل
ويريد ان يصبح هو محور الحياه وان زمام الأمور
لم يفلت من يده ويصبح عنيد متمسك برأيه
يعني لايعجبه العجب ولا الصيام في رجب
الطالبات واستاذ ثامر يضحكون
استاذ ثامر: اسمك
هند متردده :انـ انـ انا اسمي هند سعد وبصراحه انا هذي مو محاظرتي بس ماعندي شي قلت اشغل وقتي بشي مفيد..... (كذاااااابه)
"طبعا ثامر مو طالع عالشاشه مع إن بعض الأستاذه والدكاتره يطلعوا عالشاشه"
في نفس الوقت "وقت هند تقول في اسمها"
ثامر سحب يدينه من عالطاوله واستند عالكرسي وقال في نفسه: ياحي هالصوت انا احلم والا اهوجس
وقاطعه صوتها بحده: استاذ انا آسفه آذا ضايقتكم اوكيه بطلع...
ثامر رجع من رومنسيته الى الجديه : لا بالعكس انا مبسوط إن عندنا طالبات في الجامعه بهالتفكير(كذااااااب هههههههه)
هند : شكرا استاذ ثامر
صوتها من حلاته ذوب مسامعه بس رجع وقال : نرجع للمحاظره
" هند تسمع في صوته وهو يشرح ... ومنسطله
في نهاية المحاظره
طلعوا البنات وهند جلست تعدل ميك آبها "
صوت ملا القاعه عالكبرها : هنـــــــــــــــــد
هند مصدومه : إيه استاذ
ثامر: في احد غيرك في القاعه
هند : لا
ثامر : طيب رخي صوت السماعات حتى يسير
مره واطي..................
هند : اوكيه \\وجلست تعدل في موجة الصوت\\
ثامر : انا آسف ذاك اليوم عسى ماصار لك شي انا كنت قلقان خصوصا إنك كنتي في حالة هيجان بس إيش اسوي لأخوك راح وتركني

هند :والله مدري إش اقولك......... انا يمكن تعاملت بقلة ذوق بس من الصدمه ماعرفت ارجع خطاي واقفل علي الباب انا اللي آسفه
ثامر : صار خير وفي نفسه.... كل خير واحلى خير
بقولك شي....... حاولي في زي هالمواقف تتعاملي ببرود عشان صحتك انا كنت خايف يصير لك شي
هند: الحمدلله جت سليمه
ثامر: دوم إن شاء الله بس لا اوصيك ... انا عندي محاظره
هند في نفسها .: عارفه هاها (طبعا الاخت حافظه الجدول عن ظهر قلب)
هند طلعت وراحت لشوق على طول وفي حالة هيجان : شوق شوق كلمني ، جلس يعتذر، وكان خايف علي
سهام : الطفاقه مي زينه شوي شوي تكلمي جعلك الماحي هذي حنين عدتك بطبعها
حنين : انا إش دخلني هالحين ماتتركيني من شرك...!!!
دلع : خلونا نفهم السالفه بعدين تهاوشوا
||هند حكت الحكايه بعد ماتعاهدوا مايطلع الموضوع برى الشله||
"وزي العاده تصفير من سهام.... وحنين تصارخ واااي واااي.... ودلع تسبل عيونها..... وشوق مو عاجبها الحال...... وريم متفاعله بقوه مع السالفه"
_مر الوقت بين تريقه وتنكيت ومقالب وقرروا كل وحده ترجع البيت_
شوق: سهام انا اتصلت على السواق لو اموت ماركبت مع فهد مره ثانيه
سهام : انا بنقلع معاك
شوق: قلعة شرقي والهوى غربي يابنت إش انقلع اسمها اروح ، اطلع
متى بتصير الفاظك الفاظ بنات (هههههههههه)
"دق جوال سهام واحرمها من الرد على شوق": هلا بفهد يامرحبا
فهد وهو اضناه شوقه لشوق : هلا سحليه ماودك اجي اخذكم
سهام: لا ريّح عمرك بنروح مع سواق خالتي.....
فهد: اقول انا ما احب الجيات والروحات مع السواويق مفهوم جاي جاي الله لايعوقني بشر....
سهام: اقول ريّح نفسك ياولد مزنه ترى حتى إذا جيت ما بيروح معك الا انا شوق ملزمه تروح مع سواقهم وانا بصراحه ودي اتغدى غدى كشخه
فهد متضايق: بطقاق(يعني بالناقص)...
وقفل
سهام : ياحبيب اختك حظه شين ‎‏ يحبها وهي ماتحبه ‎;-(‎
حنين : والله عذاب يا الله باااايو بروح سواقي برى
الكل باي
سهام :باي ياطفقه
ريم : حتى انا طالعه لو يجي ابوي وتأخر عليه ذبحني وشرب من دمي
شوق: باي حياتي الله يعنيك
سهام : باي وإذا تبين فزعه جوالي عندك
ريم مبتسمه : باي
هند: متى طالعين انا بتأخر لأن نواف عنده محاظره سابعه
شوق: ولايهمك نخلي السواق ينتظر إلين يجي عين السيح ...
دلع : باي بنات .. السواق برى ..
البنات بااي
‏!
‏!
‏!
‏!
‏!
حنين نازله من السياره معها اربع مذكرات والشنطه وكيس مليان شيبس وحلويات وجوالها في يدها
داخله مع الباب
وتركي نازل مع الدرج
"المصعد معطل"
تطيح المذكرات والجوال
تركي لابس جينز بيج وتشيرت زيتي وكاب بيج يجمع المذكرات ويأخذ الجوال : المصعد معطل بطلع اغراضك عند نايفه اختي وخذيها من عندها
حنين وهي معرقه :لا عادي انا اشيلها
تركي: لا انا بطلعها
حنين استحت من ذوقه: مشكور....
تركي حس إنه اعطاها وجه : لا مافي داعي
اي واحد في مكاني لو لقى شغاله طايحه اغراضها ساعدها........
حنين عصبت وبنبره قويه : حط اغراضي عالأرض وانا اشيلها
تركي حطها : براحتك
"تركي شاب جذاب يهتم في شكله طويل بشرته حنطيه جسمه حلو واحلى مافيه عيونه تذوب الحجر آخر سنه في الجامعه قسم صحافه"
تركي يركب جيبه الرنج ويسكر الباب بقوه :اشفيني .. اش سويت
انا احبها واموت عليها
من يوم دخلت المصعد دخلت قلبي
بنت قويه ماتهاب احد
ولاتهتم لرأي احد
ياويلي عليها
من عيونها لفمها ليدنها
بس هي ماتفكر فيني
واحسها مستحقرتني
لا وبعد اليوم مو بس ماتفكر فيني الا بتكرهني
وقلبي إش اسوي فيه
وانا أحبها واحب الأرض اللي تدوسها
صوت داخلي: تركي إشفيك جنيت انا احب بنت واركض وراها انا اصير زي الشباب اللي ماهمهم الا البنات
لا اللي سويته معاها صح..... اجل احب وحده مو طايقتني ...

في نفس الوقت حنين طايحه على سريرها وتبكي: ياربي ليش احبه و هو مو طايقني
طيب ياتركي
الشره والعتب علي اللي تحبك وتموت فيك
شغاله ... هذا اللي قدرك ربي عليه
ياليت اقدر اكرهك ...


نهــآآيه الجزء الاول









همسه

النفس موجوده ولاني بـ موجود
كني بـ معزل عن حيــآآتي بـ همي






اكمــــــل ....؟؟؟!!!





...


pink-rose غير متواجد حالياً   رد مع اقتباس
قديم 11-09-2009, 02:39 PM   #4
-||[عضو قادم بقوة ]||-
 
تاريخ التسجيل: Nov 2009
المشاركات: 3
معدل تقييم المستوى: 0
pink-rose is on a distinguished road
افتراضي


هـــــلآ نب ــض الج ـــروح

سلم قلبك

من عيوني يالغ ـلآ

كل الشكر لك على المتابعه






/


هــــــلآ دمع ـــة الن ـــدى

الشكر لك ياغاليه على المتابعه


الحين بنزل الج ــزء الثاني

بس ابي تفاعل اكثر ..اضغط هنا لتكبير الصوره


pink-rose غير متواجد حالياً   رد مع اقتباس
قديم 11-09-2009, 02:45 PM   #5
-||[عضو قادم بقوة ]||-
 
تاريخ التسجيل: Nov 2009
المشاركات: 3
معدل تقييم المستوى: 0
pink-rose is on a distinguished road
افتراضي


الجــــزء الث ــآآني
حنيـــــــــــن
(بين دمعات عيونها بعد الكلام اللي قاله لها تركي
تأخذ دفتر مذكراتها
وتجلس تكتب اللي صار معاها ...^)


....في نفس الوقت ...
" تركي في الرنج لونه بحري ...ولا هو عارف
وين يروح والدنيا ضاقت بوجهه ..‎:-x‎
له اكثر من ساعتين ... يفتر ... دار الرياض كلها ...
وقف الرنج ريح مقعد السياره وغمض عيونه صورتها اول مره شافها
ارتسمت قدامه ..
يقول لنفسه : وبعدين ياتركي ... وصلت حدي
إعترف إنك تحبها ... ليش تكذب على نفسك...
والله حنين بنت حلوه وقويه ..يا ويلي على صوتها ..
. بس المشكله البنت تكرهني ..
"فكر شوي"
رجع يقول : والله فكره .. هذا هو الحل الوحيد.كذا بس اقدر ادخل حياتها...
‏!
‏!
‏!
‏!
‏!
في الجامعه الساعه 2ونص


هند: مشكورين حياتي
شوق : ماسوينا شي ...
بس لاتنسين موعدنا في الملاهي يوم الخميس
هند: وهذا شي ينسي
سهام : يلا ياشيخ مشينا مو كفايه لاطعيني إلين هالحين
وبعد داقينها سواليف .. بمووت من جوعي
هند تضحك : الله يأخذ إبليسك ...باااايات
شوق وسهام يلبسوا عباياتهم ...
سهام: بسرعه خلينا نشوف استاذ نواف له 3 سنوات
يدرس وماعمره طلع صورته ... ودي اشوفه ... يمكن قلبي يفطس فيه ...
شوق : لا انا بحبه ...ماصارت كل شي لك
"طلعوا برى سهام تناظر ولا لقيتهم.."
سهام : هذا من شين النيه
وجع طار الولد
شوق : اوكيه امشي امشي ابرك لك
















ساعات ... أحس إن الزمن قاسي قاسي ولايمكن يلين
ساعات ... احس إن الفرح محال ولايمكن يحيــــــــــــــن...

" الإجازه "


منال تكلم في الجوال: هلا ... مهند
وحشتني وينك...؟
مهند : ياهلا بأغلى الحبايب ياهلا بريحة هلي ... وإنتي اكثر ...
بس كنت مشغول كان عندنا قضيه صعبه وسريه
منال : طيب حرام عليك
مو اتفقنا ماتوحشني
مهند: خفي علي واللي يخليك .. انا ميت من شوقي
... لاتزيديني بدلعك .. تري اترك الدنيا واجيك
منال : إش اسوي مشتاقه.... لك ثلاث ايام ياظالم ما اشوفك
.. وربي لولا الحيا ... ولولا إنك رديت
عالجوال كان جيت اسأل عنك في بيت عمي..**
مهند : انا وين اروح اليوم من هالكلام...~
"بنبره إجراميه": ليتني مارديت ...
منال بدلع : و اهون عليك
مهند بحس شاعر: تهون الدنيا والعالم عشان عيونك الحلوين ...
منال بجديه : يعني مو جاي اليوم
مهند : اشوف اي وقت افضى واجي...
منال : لا يا حبيبي ماعندك الا العصر... لأني بطلع مع شوق
بعد المغرب
مهند : يكفي إنك قلتي حبيبي ويكفي إني حبيبك عشان
هالكلمه ربع ساعه وانا عندك بس وصي الشيف عالغدا لأني ميت جوع
منال : يخسى الجوع
اوكيييه .. باي
منال : ماما .. مامي مامي
ام منال : إيه يمه وشفيك
منال : مهند جاي بعد شوي...
ام منال : طيب يمه وش اسوي له .. اغطرف له
منال بدلع : مامي مو وقت دمك الخفيف ويقولوا سهومه على مين طالعه
"تمسك بيدينها خدوود امها "
لا مامي ابغاك توصي الشيف على الغدا تعرفي انا ما اعرف في هالأمور ...
ام منال :ماطلبتي شي ابشري وانا امك ..
منال : ربي لايحرمني من هالوجه يا اغلى ام بالدنيا
غدي : هاي
How are you
What is a matter...??
ام منال : ليش هالرطل وانا امك اختك تفهم عربي وانا ما افهم غير عربي
غدي : إش اسوي مامي تعودت ... حد قالكم تدخلوني مدرسه امريكيه
ام منال : والله ماكان ودي بها وانا امك بس ابوك الله يصلحه ..
منال : يمه مهند ميت جوع استعجلي الشيف
ام منال : طيب يانظر عيني .. هذاني رايحه
منال : غدي حبيبي وين شوق...؟؟
غدي : may be in the garden

منال : غدي امي تتضايق إذا سمعتك تحكين إنجلش
.. صحتها مو ناقصه تكلمي عربي ..^
غدي : I will attempt but you should help me
منال :O.K deal
بروح لشوق
"شوق نايمه في المرجوحه اللي قدام المسبح "
منال وصلت شوق تدف المرجوحه: بووووووووووووووووه
شوق : يا مـــــــامي فجعتنيني
منال : ليه حبيبتي في شنو مسرحه ...؟؟
شوق : يعني بسرح في مين...... بس افكر في ريم ...
منال : ليش ابوها بعده يضربها
شوق بتأفف: هالشايب ليت ربي يأخذ عمره ويريحها مسكينه
..اللي قاهرني يامنال إنه متعلم وفاهم ...
منال بنظرة استغراب : لا ما اصدق ... مستحيل!!
"جوال منال يدق... بستناك ..واعيش العمر كله معاك..": الو حياتي
مهند بحزن : منال انا ما اقدر اجي .. ماعليش حبيبتي ...
منال سكوووت تام ...
مهند يضحك : امزح معاك انا داخل مع البوابه
منال : من جد عند البوابه..... وويعه صدقتك.......
شوق : اطلعي مع الباب الثاني لايجي حبيب قلبك ويطب هنا
"منال راحت حتى من دون ماتعلق ..مشتااااااقه"
‏§
‏§
مهند : ياهلا بأغلى الحبايب ..
"ما نتظرته يكمل كلامه" منال : وحشتني .. وحشتني
" أخذها وضمها حيل ولأول مره"
مهند : ودي اعيش عمري كله وإنتي بين احضاني
ولانبعد عن بعض ولا لحظه
"بعدت عنه منال شوي"
منال : وربي كنت بموت هي ثلاث ايام بس عدت علي مدري كيف...
مهند : والله انا اكثر بس غصب عني
منال : يلا نتغدى .. أكيد ميت جوع
مهند : انتي جوعي
انا اجوع إذا ما شفتك
واشبع بشوفك يا حياة وروح وعمر مهند
منال مستحيه : يلا ترى الأكل بيبرد
مهند : خليه يبرد ... انا اناظر في هالعيون وافكر في شي ثاني.............
يااااه وربي جننتيني ..بصير مجنون منال ..
منال : هههه عشان منال ممكن تقوم تأكل
مهند برومنسيه:عشانك مو بس اكل ... لو ودك اموت نفسي عشانك اموتها
منال معصبه : سلامة عمرك..ليش تقول كذا
مهند : إش اسوي أحبك أحبك أحبك
منال تبتسم : اوكيه يلا ..
قدامي عالمطبخ ...
‏!
‏!
‏!
‏!
‏!
"تركي جالس على كرسي هزاز ... ويفكر ...يعني خذيت جوال هديل ولا استفدت شي...........
ياربي كيف اعرف رقمها ..هديل الله يهديها كل القائمه القاب .. بس اكيد
هي .. يا أميرة الحنين ..او حنين الورد ... يا الله كيف اعرف رقمها ... انا لازم اعرفه كذا اقدر اقرب منها ... اكيد ماراح اكلمها ... بس براسلها ... عالأقل تحس بي شوي ... يقاطعه دق هديل عالباب غرفته
تركي : ادخلي
هديل تدخل وهي تحرك جوالها في يدها : تركي ممكن اطلب طلب..؟
تركي : آمريني
هديل : حنين تقول صاحباتها بعد المغرب بيتجمعون في الملاهي وبروح معاها
"تركي يقول لنفسه والله وجتني بارده مبرده"
تركي : ومين بيوصلكم.....؟؟؟؟؟؟
هديل : مدري والله
تركي : اتصلي عليها وإسأليها ...
هديل تدق على حنين : هاي حنين
حنين : عمرك طويل سبحان الله توني بدق عليك .. والله ورطه ...
هديل : إش الورطه بعدين مين بيوصلنا ..؟
حنين : مو الورطه إن مافي احد يوصلنا ابوي عطى سليم اجازه.. والمشكله وعدت البنات
هديل تبعد الجوال عن فمها : تركي توصلنا
تركي : إيه عادي ماعندي شي ..!!
"في نفس الوقت حنين سمعت كلامه "
هديل : حنين عادي تركي يوصلنا
حنين وهي تقول لنفسها لا والله مابقي الا اروح معاه : لا لا مافي داعي
هديل : إشفيك عادي
هو متبرع يوصلنا بعدين إنتي وعدت البنات
"تركي يكلم نفسه : حتى مو طايقه اوصلها...؟"
حنين : اوكيه ربع ساعه و اجهز ..(والله لأرجع له اللي سواه فيني
من يومين وإلا ماني بنت ابوي)
تركي : هديل عندك في جوالك ... اغنية راشد عشان الحب ..؟؟
هديل : إيه
تركي : اعطيني جوالك برسلها لي بلوتوث
"هديل تناوله الجوال ": بروح اجهز لاتطول ما ابغى اتأخر عالحنين
تركي : اوكيه... وفي نفسه يقول‏ .. لاتوصي حريص...
"تركي يشوف آخر المكالمات الصادره ...حنين الورد ...
يسجل الرقم بسرعه ... " : يلا هديل تأخرنا ..
\\\

\\\

حنين تلبس عبايتها تسمع صوت الجرس
حنين : مين
هديل : انا هدوله
حنين تفتح الباب : يلا انا جاهزه ...
هديل : يلا تركي ينتظرنا في السياره ...

..(تركي في السياره كتب رساله ...إضافة مستلم .. اميرتي حنين...
ومابقى الا يضغط زر اوكيه وتنرسل بس ينتظر تدخل حنين السياره
و عدل مرآيته عشان إذا جلست حنين ورا يقدر يشوف ردة فعلها )..


"تدخل حنين وهديل الرنج"
حنين : السلام عليكم
تركي : وعليكم السلام
..........تن .. تن .. تن
"تفتح حنين شنطتها تطلع جوالها .. وتقرأ"
%% ودي انقل لك شعوري واستريح...
من وجع في القلب تاعبني معاك
لوتجرب شوقي مره من صحيح ...
كان قلبك ضمني داخل حشاك %%
مجنوHونك

"تركي يشوف نظرات الأستغراب من حنين "
"حنين .. تكلم نفسها .. رقم غريب... بس الرساله تجنن ..
الله لو اقدر ارسلها لبعض الناس ..."

............ بعد عشر دقايق تقريبا............"


حنين قاصده تغيظ تركي : سليم شغل الكوندشن ورا .. "بستعباط" وااي نسيت .. ماعليش متعوده عالسواق ..
هديل تضحك "
تركي يناظر في المرايه مقهور انا آخر عمري .. سواق .. ي
شوف عيون حنين .. ويقول في نفسه : كلشي عشان هالعيون يهون ..
. وحده بوحده ..
والله إنك بنت ابوك...
نفسي اعرف ليش تكرهيني ياحنين.. ليتك تعرفي وش كثر أحبك...
يدق جوال حنين "الدنيا حلوه واحلى سنين ..
"ترد: هلا سهام إشفيك ... انا في الطريق
سهام : وينك والله لو جايه من القصيم
حنين : زحمه إش اسوي
سهام : قولي لدلخ الي يسوق يستعجل كل الشله وصلت
حنين : احترمي نفسك... ونتفاهم إذا وصلت..يلا باي مو وقتك.. وتقفل
"تركي يهدي سرعته لعانه "


"...يوصلوا .. مع إن تركي حاول يطول في الطريق ويمر مع اكثر الشوارع زحمه ..."

تركي : إذا خلصتوا اتصلي علي هدوله اوكيه .. خذوا راحتكم..
هديل : اوكيه الله يعطيك العافيه ..
‏"




‏...!! في المنتزه !!...
شوق : وين حنين ..؟؟
سهام : مدري وش سالفتها ... اول مره تكلمني بهالطريقه ...
شوق خايفه : إش فيها..؟
سهام : والله مدري بس كانت مستحيه ..
دلع : ما اصدق حنينوه مستحيه ...!! غريبه
"جوال سهام يدق" ترد:هلا والله وينك
حنين : انا عند بوابة الدخول
سهام : 5 دقايق وانا مفحطه عندك ...
وصلت البرنسيسه حنينوه بروح لها
شوق : اوكيه بس لاتتأخروا
منال : دلع إش سالفتك مع الجوال ...
هند : ههههه تراسل بلوتوث...
دلع مصدومه : لا حرام عليك انا محترمه... بس استقبل
منال تضحك : لا والله محترمه ...
هند : إلا الإحترام من جهه وهي من جهه .. هاهاها
دلع : احسن منك ... هاه خليك ساكته .. .
شوق : صح ... إش صار
مع الأسمر الطويل
هند : ما صار شي .. حضرت له ثلاث محاظرات ...على مبدأ
صوتك يكفيني بلا شوف
... هاها هاها .. بس وحشني صوته
دلع بستهبال : ما يوحشك غالي .. بالله كيف تحبين واحد
لا وبعد تشتاقين له عشان شفتيه مره وحده
والله ماعندك سالفه
منال : إش السالفه .. ترى انا خبرة 9 سنوات حب ...
شوق : تعرفي استاذ ثامر مسفر ..؟
منال : إيه اعطاني علم نفس عام وانا مستوى ثاني وكان
توه جديد ..بس ....إش دخله هذا
دلع : هو .. الصوت يكفيني بلا شوف...
هند : مدري ليه دلع ناشبه في حلقي...
منال : لا دلوعه ... والله انا حبيت مهند من اول مره شفته
ومرت 9 سنوات وانا بعدني احبه وهو يموت عليه
دلع : بلا علينا مهند ولد عمك وفي وجهك دايم بس
هذا ماتعرفه .. ومستحيل تشوفه مره ثانيه ...
حنين : هايات ... آسفه عالتأخير ..
شوق : ياهلا والله .. بطفقة الشله ... هاها ها
حنين :اعرفكم على هديل بنت جيرانا وزي اختي ..
وغمزت بعينها للبنات
دلع : هلا فيها والله
هديل : هلا فيكم
سهام تهمس لحنين : عشان كذا انتي مستحيه جايه مع الاخ........
حنين : انطمي سومه هذي أخت تركي
و نبهي البنات لايجوبوا سيرته قدامها ..
سهام : لا يا الملعونه وهو عيونه حلوه زيها
حنين : واااااي .. وربي عيونه احلى بكثير .. بس انتبهي قولي للشله
.. لاتفضحوني
سهام : never mind
"جلسوا الشله كلها"
واستاذنوا دلع وهند
هند : والله بنروح نمشي
وإنتوا ياعجايز انبسطوا بالجلسه
سهام : روحي لاتتكفخين اليوم ...
هند : لا والله .. خوفتيني..ابي ماما .. ابي بابا .. ابي ثموري
سهام : ماشاء الله
استاذ ثامر صار ثموري والله تطورات ... بعدين اركدي ترى جايبه
معاي سامي وبتال يعني بس اتصال واحد
دلع : اقول هند بتجين وياي...
وإلا ترى ماراح تقدري على ام لسان هذي
سهام : اقول روحوا ابرك لكم


"دلع وهند يمشوا"
دلع : هند شايفه هذا الشاب اللي يعدل غترته
هند : وين ..؟؟
دلع : معطينا ظهره لابس غتره بيضا...^
هند : هند شفته .. شفته .. إشفيه ..؟؟
دلع : شكله حلو ...
هند : اهاه تراهنين إنه مو حلو ...
دلع : انا متأكده إنه حلو
هند : كم .. لكم.......؟؟؟؟؟؟؟؟
دلع : على حسابي .. عشاك والتحليه بعد ..
هند : اتفقنا .. يلا نلحقه
" دلع وهند يمشوا وراه .....هند اخر زمان بنات يلحقوا وراى شباب هههههههه"
يلف ويقف يشتري مويه .. دلع : هذا سامي اخو سومه
هند : إيه وربي هو...
دلع : يا ويلي عليه .. يجنن .. إش رايك نشتري ..ايس كريم
هند : اقول بلا علينا تبي توقفي جنبه ...
"دلع تروح وتقف جنبه" دلع : لو سمحت ممكن اثنين آيس كريم كاراميل...
البايع : خمسه دقيقه
(سامي يبي يطلع بوكه من جيبه وتطيح ورقه منه)
سامي : لو سمحتي اختي
\\دلع تناظره وهو يناظر عيونها وينسى نفسه ...(هاهاها)\\
دلع مسويه معصبه: خير إن شاء الله
سامي متوهق مو عارف يناظر عيونها والا يتكلم: لا .. بس ممكن ..
واشر على الورقه وطرف منها تحت بوتها" الله يكرمكم"
دلع ترجع شوي

وترفع رجلها.. وتأخذ الورقه وتحطها على الطاوله"
( سامي يناظر لها بنظرة استغراب .. اعجاب.. هالبنت مو عاديه .
. إش الإحترام هذا ... سامي ماتحرك من مكانه وكأنه تجمد)
" دلع بعدت عنه شوي دق جوالها" :هلا شوق ...
انا اشتري آيس كريم ...
شوق: ياخاينه
دلع : والله انا طفرانه يعني تحلمي اشتري شي كفايه هند
معاي بس فاتحه فمها وتأكل .. وانا ادفع ...
شوق : بلاش ... قرطنه ( بخل) جيبي لنا معاك
دلع : تامريني بس بشتري على ذوقي ...~
شوق : اوكيه ننتظرك .. باي
دلع : باي
هند تنادي وكأنها في الجامعه وناسيه العالم : دلع ..
دلع يلا ترى طفشت انا... بتشترين المحل كله
دلع : انطمي الله يأخذ إبليسك...^
" سامي يشرب في المويه " ويقول في نفسه : من شوق .. معقوله بنت خالتي ...!!!!!!!!!!!!!!!
هالدلع كله واسمها دلع .. لا ودمها زي العسل..
. هذي إش خلت لغيرها...
"دلع وهند شايلين ايس كريم ورايحين للشله"
( سامي ماتحرك من مكانه ويراقبها ... بعيونه...)

'....كنافتن ذابت بفمها كنافه
معسولة اغلب حلاها اناني
علمتي الشارع يتمتم حسافه
كيف اقتفيها لاتعدت مكاني....'


هند : إش قلك ...؟؟ إش صار ..؟؟
دلع : ماصار شي ... طاحت ورقته ودعست عليها ... وقال
لو سمحتي اعطيني الورقه....
هند : بس ... عالبالي .. صار شي ...
دلع : مو قلت لك ما صار شي ...!

((وصلت دلع وهند الشله))
سهام : يا هلا بالحامل والمحمول ...'
دلع : هالنحف كله وفمك مايتسكر اكل السوس والحال ممصوص
.. هههه
سهام : ههههه ...موتي بقهرك ... اجل زيك تعدين كل كارولي ... هاها ها ها
منال : انا اعذروني بطلع وعدت مهند نتعشى سوى
شوق : منوله .. توكم متغدين مع بعض ....~
هديل : منول اجلسي شوي .. والله مستانسين ..
سهام : منال لاحقه على مهند .. اهجدي الحين و الساعه 11 نطلع كلنا
منال : والله مو بيدي ... مهند بيجي يأخذني بعد شوي ..
.وربي لو اقوله بتعشى مع البنات ... ليدخل ويأخذني
هند : ياعيني عالحب ...
دلع : معقوله .. . لا مايسويها ..
سهام : اها ... وربي يسويها ... ونص .. هذاك اليوم ...
في عيد الفطر .. كنا متجمعين كلنا فوق السطوح ... وناداها من تحت ...
وقالت هبه ..: منال بتسهر معانا .. قام يصارخ
"تقلد صوته": منال بتنزلي وإلا وربي اطلع ... وإحنا مسكنا منال
وقلنا وربي ماتروحي
ومنال تصارخ : مهند البنات ماسكيني
قال مهند : الوعد السطوح
وحسبناه يمزح... شوي باب المصعد >ينفتح< واستاذ مهند يصارخ:
شوفوا قدامك دقيقه تدخلون الغرفه كلكم الا منال ...
ودخلنا الغرفه الي عالسطوح .. والتقوا الأحبه ..
هند : يااااي يجنن
منال : من هو ..؟
هند متوهقه : هااااااااه ... أقصد الموقف
منال : إيه احسب ...يلا جوالي يدق اكيد مهند برى ... اشوفكم عالخير.. بايات ...
الكل : باي
حنين : شوق بغيتك شوي
شوق : تحت آمرك
سهام : ياكرهي... لك ياحنين ... خلينا متجمعين
"اول مره واحده من الشله تسوي هالحركه بس عشان هديل موجوده والسالفه بخصوص تركي..."
شوق : ماعليك فيها حنونه اصلا انا ابي امشي شوي .
"حنين مع شوق وقالت لها عالسالفة تركي من يوم رجعت من الجامعه الى توصيلة اليوم "
شوق : حنين لاتتعبين نفسك معاه .. إنتي حاسه إنه مايحبك ... حاولي تنسيه ...
حنين : ماقدر ياشوق ... تركي كل حياتي ..
"تن .. تن .. تن .. توصل رساله جوال حنين تفتحها وتقرأ"


جرب تعيش الشوق مره مكاني
جرب تحب إنسان وبالحيل تغليه

جرب مثل قلبي تحب وتعاني
تسهر طوال الليل والنوم جافيك

لو عشت جرحي ياعزيزي مكاني
تحب غيرك وهو مادرى فيك

تشتاق له تبكي .. وقلبك ينادي
ودك يجي يمك وودك تحاكيه

وانا جرحي صار بين المحاني
ما قويت انساك ولاقدرت اجيك

اخفي غلاك بعيوني وقلبي يعاني
أخاف لابينت حبك يبان لي تجافيك

ابكتم اشواقي وحبي واحزاني
وببقى احبك واعشقك واموت فيك

مجنو'H'نك

شوق : حنين إشفيك ..؟
حنين تبلع ريقها : شكل وحده من البنات مسويه فيني مقلب ...
شوق : مقلب إيش ..؟
حنين : شوق أمانه ماتعرفين ..؟
شوق مستغربه : والله مدري عن شي ...
حنين : أكيد ...
شوق : يوووه حلفت لك بربي ..
حنين : من اليوم وصلتني رسالتين من رقم غريب خذي إقريها ...
"شوق تقرأ في الرسايل"
شوق : مدري بس حاسه إنه مو مقلب .. تدرين نوده (هند) وسومه ودلوع مايخبون علي ... ولمى و ريم اللي فيهم مكفيهم مو فاضين لهالكلام
حنين : طيب مين اجل ..؟
شوق ترفع حواجبها : ابصر ... ،، من ده يا بت اللي دايب في هواك
حنين : آه صدق القايل
اللي يبينا عيت النفس تهواه
واللي نبيه عيى البخت لايجيبه ...
شوق : وصرت تحفظين شعر ... لا والله حالتك صعبه ...
حنين بحنيه : تدرين ياشوق .. ودي ارسل هالرسالتين لتركي ...
شوق : حنونه إنتي من جدك تحبيه ... والله شكله ماخذن عقلك
حنين بجديه : يمكن عشان اسولف عنه بمزح واخذتم السالفه غشمره
بس وربي إذا ناظرت في عيونه احس قلبي بيوقف .. جنتل .. و رزه ...اسولف لك عن طوله والا عن مرجلته ... وإلا عن عناده ...
شوق : حنين .. إنتي متأكده إنه مايحبك .. إش دراك يمكن يحبك ..
حنين : يوووه ياشوق ماهو شايلني من ارضي يتحاشى حتى يتكلم معاي .. اقولك ماخذ عني فكره مو زينه .. الله يهديني يوم دخلت معاه المصعد
شوق : بصراحه .. تصرف غبي .. إلين الحين وانا مو مصدقه إنتي بروحك معاه في المصعد
حنين : لاتذكريني ... بس كان عندي محاظره ولو ماحضرتها حرمان...ليتني خذيت حرمان ولا صار اللي صار ...
"تن .. تن .. تن جوال حنين في يد شوق "
شوق : واااو رساله
حنين : اعطيني الجوال .. بليز شوق ...
شوق : اقراها انا اول وبعدين إنتي هاها هاها نسيت إني امك .. لازم اطمن على بنيتي ...
"تقرأها شوق بصوت عالي" ..

يعلم الله كم لك بقلبي غلا
ويعلم كيف عن بالي ماتغيب
بس الظروف تجبر الواحد ولو مابغى
يبعد عن الغالي وهو من قلبه قريب

متى اشوفك .. متى نظرة عيونك تمسح الآمي ..؟؟
وتروي لهفة الضامي....؟؟؟؟؟؟
‏والله أحبـــــــــــــــــــــــك ...

مجنو‎'H'‎نك

شوق : حنين والله مجنون من جد ... يابختك

حنين : تلاقيه واحد يتسلى او يمكن هديل مسويه فيني مقلب
شوق : والله واحد يتسلى مستحيل .. لأنه هذا عارف اسمك ... بس ممكن تكون هديل .. عالفكره حبوبه هالبنت بس غريبه ليش هي وتركي هنا واهلهم في الشرقيه ...
حنين : تركي يدرس في الجامعه والظاهر على ايام تخرجه ماكان فيه صحافه في الشرقيه بصراحه مدري عنه ..وهديل تخرجت بعده بسنتين وكان نفسها تدرس علوم طبيبه ولزم عليها تركي تجي معاه عشان هو بيستقر في الرياض ... وشرى شقه تمليك ... ومن قرادة حظي سكنوا يمنا ...
شوق : الحين إش رأيك تدقي على رقم مجنونك
وتشوفي إذا مقلب وإلا لا...
حنين : شوق إنتي صاحيه وإلا مسخنه شايفتني جنيت .. خليه يرسل انا مو خسرانه شي ... توصلني رسايل تجنن ... بس في شي غريب ... هالرسايل كنها طالعه من قلبي ... نفس الكلام اللي ودي اقوله لتركي ..
شوق : حياتي حنوونه ... حاولي تشغلي نفسك بأي شي ... لاتفكري فيه وهو مايفكر فيك ... صدقيني مليون واحد يتمون بس تناظريهم مو تحبيهم .. خليك من هالمعفن تركي على قول سومه
حنين : شوق لاتسبيه ... ترى دمعتي بطرف عيني
شوق : وربي لو تبكين عشانه لتنضربين ..مو ناقص إلا تبكين ... ياستي تبين تحبيه .. حبيه وموتي بعد فيه .. بس لاتسوين بنفسك كذا ...

حنين اخذت نفس : خلاص لانقلبها دراما ..بس يمكن هالرسايل اثرت فيني ... خلينا نروح لسومه والبنات يغيروا علينا الجو

شوق : as you like honey
‎‏\\

\\

\\



دلع : سومه من جد اخوانك جايين معاك ..؟
سهام : إيه ... ليش قالوا لك اهلي مضعيني عشان يرسلوني لوحدي .... زيكم ... اهلي يخافون علي
دلع : تكفين ... يا جليسكيا لوفر ... إنتي اهلك ممكن يخافون عليك في حاله وحده ... لو سافرتوا الطايف ورحتوا الشفا .... ممكن يخافوا عليك من القرود
عشان الفصيله وحده ...
سهام : لا ياشيخ ... شوفوا مين يتكلم ...؟؟ باسكال مشعلاني عالغفله ...
هند تهمس لدلع : ياهبلا هذي أخت الحبيب
دلع : من وين لوين صار حبيب ...هو بس عاجبني ..
سهام : حتى إنتي ياهند صرتي معاها علي تحشين فيني معاها لا وتتكلمون بصوت واطي ... طيب...
هند : لا ياسمسومة قلبي انا اهزئ فيها تهزئ محترم ... ماعليك فيها ...
بس من جد غريبه كيف اخوانك جو معاك ..؟
سهام : لا بس سامي كان طفشان ونفسيته مو ذاك الزود وقال بيغير جو
اما ميسو بتال فيحسب هديل اخت شوق جايه معاه وانصدم يوم ناظر بس شوق داخل السياره
دلع : إشفيهم اخوانك طايحين في بنات خالتك حب
سهام : حرام عليك بس فهد وبتال ... لا هديل بركه تعطي بتال وجه واحسها تحبه بس شوق الي معذبه فهود
شوق : سمعت اسمي .. انا اقوم من هنا وانتو تنزلوا فيني حش من هنا
هند بحماس : انا اقلك هذي دلع وسهام يحشون فيك وفي حنين بعد .... يقولوا عنكم كلام بصراحه ماقدر اقوله ...
دلع : يا المفتريه .. يانصابه ... وربي بس نسولف عنك وعن فهد وماجبنا سيرة حنين من اصله ...
هديل : والله صادقه دلوع .. اما عليك تلفيق قصص ياهند على كيف كيفك
هند : اعجبك ... اصلا انا من زمان ... ما افتريت على احد .. يعني مشتاقه مره
دلع : بس والله حرام اللي تسوينه في فهد
شوق : وربي إني اعزه بس فهد اعتبره اخوي يمكن عشان ماعندي اخ. يعني ماتخيل إنه يصير ..زوجي...ولا تحسبوني مبسوطه إنه يحبني واصلا انا متعمده اتصرف معاه بجلافه (قسوه) عشان يشوف حياته ... وربي ودي اخطب له بنفسي احلى بنت في الرياض .. بس هو يرضى ...
سهام : وربي عجزت وانا اقله هالكلام ... بس هو يقول إذا ماتزوجت شوق اموت احسن لي
شوق : ياقلبي عليه ... والله إني مقهوره عليه
"تن .. تن .. تن .. جوال حنين طبعا هاها...تطالع حنين في جوالها .. رساله وارده : 1
تفتحها "





تعال ياغالي انا مشتاق لعيونك
عجل وشوفي لك طريقه نلتقي فيها
مشتاق تقول هلابك كيف الحال وشلونك
وقول لاتنشد عن الحال وإنت مشقيها
لاتخلي الشوق يذبح حال مجنونك
لاجتك فرصه طلبتك لا تعدييها
إذا انت عايش انا ماعيش من دونك
العيشه اللي على هالحال ما ابيها
من زود حبك احب اللي يحبونك
"وإنت مدري ليه عيوني ماتراعيها"
(اسألك بالله ترفقي بي على هونك)
مافي داعي معك حالي تعنيها
لو فتشوا عنك وسط الروح يلقونك
كنك مع الروح ياعمري
مخاويها
" لو طالعوني على غفله يشوفونك "
اغلب اوقاتك بوسط العين تقضيها
عيني وقلبي من اللهفه ينادونك
(عجل أنا مشتاق لعيونك)




عزاه ليت الصبر يشرى والله إني لاشتريه
ياليتها تدري بقلبي وشهو فيه
كان اعذرتني واتركت قلبي على سجيته
مجنون خلقه وابتلاني واحدن حسبي عليه
ملك قلبي من يسار وقام يسحب مايليه
الله مسخرني كذا والقلب في راحة يديه
قلبي معه بشهود ومعرف على ملكيته
بس اطالع طلته واقول يا الله تهديه
عساه يوقع في محابيل الغرام وخيته
((الله معنيني معه من بيته لكليــته))
ابيه من قلبي ابيه وكل مافيني يبيه
لاخطيت من حسناه راضي تجيني سيته
لو المطالب بالتمني دون كيف ودون ليه
كم واحدن لامن طلب تحققت امنيته
ليت له أخن صغير واتعذر به واجيه
وإن قال وش عندك هنا طلعت له عيديته
والله لأعزه وإن تعثر قلت بسم الله عليه
ماهو لجل عين الصبي لجل عيون أوخيته
ذبحت نفسي من غلاه الله يرحم والديه
‏اللي ذبح نفسه بنفسه كيف تدفع ديته

مجنوHونك






حنين : شوفوا اللي مسويه هالمقلب تعترف... احسن لها .. لأن وربي ناويه لها نيه ...
سهام : اقول لاتطالعيني ... والله مدري عن شي ... ولا ادري عن إش تتكلمين ..
حنين : وإنتي ياست هند
هند جاده بقوه : شوفي من البدايه بحلف عشان ماراح تصدقيني .. والله لاسويت مقلب ولادري مين سواه ...
حنين : باقي هديل ودلع ليش ساكتين
دلع كانت مسرحه : هاه إش السالفه
حنين : إش السالفه ....!!
والله شكله إنتي يادلوع
دلع ببرأه : إش .. ماني فاهمه .. وش انا مسويه
هند : لا دلع براءه ... البنت في وادي وإنتي بوادي ***تفكر في سامي ****
هديل : انا والله ماسويت مقلب فيك حنوني ... بس إش المقلب
شوق : يوصلها مسجات من رقم غريب ... ويوقع في النهايه مجنونك H
يعني اكيد حد عارفها ...
سهام : الله يرزقنا ... انا حتى ما أحد يغلط في رقمي.... والله يانونه ماارسلت ولا ادري عن هالسالفه الا الحين ...
شوق : حنين مصيرك بتعرفي إذا مقلب والا عن جد ... بس البنات حرام كلهم حلفوا .."ومن حلف بالله فصدقوه"
حنين : على قولك ...



(نخلي الشله مبسوطين في المنتزه ونشوف إش اخبار عشاقنا مهند ومنال في حديقة بيت منال)‏
مهند : منولتي طالعي بعيوني
منال : ليش ...؟؟
مهند : إنتي طالعي وتعرفين ...
منال : طيب على آمرك
" تناظر منال بعيون مهند وهو يناظره بوله ... منال حست بإحساس غريب ... ودمعت عينها قرب منها مهند زود ومسك بيدينه الثنتين يداتها" : منال ليش حياتي بكيت ...؟؟ إشفيك ..؟ تكلمي
منال : لا بس كنت ادعي يارب لاتحرمني منه ... كيف اعيش ثانيه واحده بلاك ...
مهند : منوله .. شوفي مافي شي بيفرق بيننا إلا ..الموت .. بعيد الشر على قلوبنا .. منال إنتي تحسبيني صاحي ... انا مجنون فيك ... تعرفين إنتي جهاتي الأربعه من وين ماتلفت الاقيك ...
منال : ههه .. قالبها جغرافيا
مهند : فديت هالسنون وهالضحكه ... اقلبها لك هندسه ..!!!؟ههههه
منال : هههه لا والله
مهند : شوفي انا مربع ... وإنتي اضلاعي والزوايا
وانا دايره وإنتي محيطي والقطر والمحور ...ههههه
منال : يسعدك ربي ...
مهند : منوله ... والله ماودي اكدر عليك .... بس بعد العيد عندنا دوره في بريطانيا
منال مصدومه : كم مدتها...؟
مهند : شهر ... يعني ثلاثين يوم ... بس اضربيها في عدد نبضات قلبي في الدقيقه ...ولا تطلعي الناتج ... لأنه عشر شوقي لك ... حاولت قد ما اقدر اعتذر بس مافي امل ... والله شايل هم من الحين ...
منال : الله يعيننا ... كيف بيعدي هالشهر .. والله مدري
مهند : انا ما تحملت يومين كنت بموت ... حتى الشباب في الدوام لاحظوا علي ... كيف ببعد عنك ... شهر .. ياصبر ايوب...
منال : ترى شوي واصيح ...
مهند : لا حبيبتي ... بتصل عليك كل ثانيه ...
منال : ياشينك إذا كذبت
مهند يضحك : يعني مو كل ثانيه .. مع إنك معي دوم ...
منال : والله عارفه ياحبيبي ... ياجعلني فداك ... انا معاك وقلبي وتفكيري معاك
مهند : ياربي وين اروح ياكبر حظي اليوم .. لو دريت قلت لك إني مسافر من زمان
منال : طيب يامهند ... ماعاد إني قايله شي ...
مهند : لا واللي يعافيك ...
لاتحرمني من هالصوت الا إذا ودك يصير لي شي ... اهون عليك ..!!
(اخذ منال مع يدها وضمها يمه ... ) تدرين يامنول ودي يتوقف الوقت ... وانا يمك وإنتي بين إيديني ...
(غمضت منال عيونها ): الله لايحرمني منك (وبعدت عنه )
مهند : إش فيك ... حتى هاللحظه مستكثرتها علي ... اجل لو ابوسك إش تسوين ....^
منال : لا والله إلا طالت وشمخت ... بدخل عندي امي ابرك لي
مهند : لا لا اجلسي والله اقعد محترم .... والله ما اعيدها .. التوبه
منال : اوكيه سماح هالمره ...
‏منال : وين بنعيد ..؟؟
مهند : والله مدري ... انا ماخذ إجازه يعني لو ودكم بالمريخ ماعندي مانع
منال : المشكله فيني ..؟ ماراح يعطوني إجازه
مهند : نعم .. وانا إش اسوي .. اعتبري نفسك في إجازه من بكره .. حبيبتي إنتي مدام مهند صالح .. اكلم لك مدير البنك لاتشيلي هم ...
منال : فديتك ...‏
مهند : يمكن نعيد في جده الرياض برد مره
منال : والله فكره ... بس تتوقع عمتي اصيله ... توافق....!!!!!!!!!!!
مهند : والله مدري عنها ... تعرفي عمتي اصيله ... دايم تحط العقده في المنشار... بس مو على كيفها نحنا بنقولها وإذا ماودها تعيد بلحالها... زوج خالتك عبدالله بيعد معانا
As usual
منال : إيه اكيد .... خالو الله يسعده .... مايقدر يفارق ابوي حتى لما يسافر ابوي يسافر معاه ...
مهند : والله انا احبه ... بس كل ماتذكر إنه خطبك لسامي .... انجن
منال تضحك : يااااه ... إنته لسى فاكر ... هههه
مهند : هذي حاجه تنسي ... بس سامي رجال من ظهر رجال ... ما انسى له موقفه معاي
منال : هو كان عارف إنك تبيني
مهند : لا والله انا بسبة شغلي ماكان لي صله قويه فيه بس يوم عرفت إنه خطبك رحت له وقلتانا ابي بنت عمي كنت انتظر تخلص جامعتها واتزوجها ... انا مدري إش صار لي ذاك اليوم جنيت وقعدت وما وعيت الا وانا قدام سامي واقول له هالكلام ....وسامي قال ابشر يا بو صالح ابوي كلم خالي وانا مدري.... والا منال زي اختي عندي وبعدين انا عرفت هالسالفه من اختي وقالت إن منال تبي مهند وإن شاء الله اكلم ابوي الليله ومالك الا طيبة الخاطر إنت وبنت خالتي
منال : تصدق سومه ماقالت لي .... يسعدها يا ربي ... بس هالبنت ما احد يقولها شي
مهند يضحك من قلب : هاهاهاها ... يوم قال لي سامي منال تبيك ... بغيت اطير من مكاني ... مصيبه ماكان باين عليك ... الين الحين مو باين عليك ....انا رحت لسامي وكنت احسبك ما تبيني ... وقلت هذي الحين توافق على ولد خالتها .. وانا اقعد بها ...
منال : إنت من جدك ... ابوي مايجبرنا عالشي ... صح وقتها خفت بس كنت متأكده إن ابوي وامي إذا ماوافقت ماراح يوافقوا ...
مهند : ياعيني إنتي مرتاحه ... وانا عايش في عذاب ... لا ليلي ليل ولا نهاري نهار ...كانت حالتي حاله ...
منال : اش كنت تبيني اسويلك إن شاء الله ...؟؟
حتى انا ماكنت اعرف إنك تحبني ... بس ماكنت بوافق عليه ...
مهند : آآه يامنول .. اهم شي إنك الحين معاي ... وربي احمد ربي كل يوم إنك صرتي من نصيبي
منال : الحين خلينا بالعيد ...
مهند : طيب إش يسوي اللي كل أيامه عيد ...
منال تبتسم : هااااه مين هذا ..؟؟
مهند : واحد اسمه مهند وعيده منال ... وانا معاك ماتمنى شي ثاني .....~
منال : شوق تقول سمعت ابوي وعمي يقولوا بنعيد في جده .. عالبالي عندك خبر ...
مهند : ياحبك لتغير المواضيع ... "يبعد شعرها عن وجهها طبعا منال ماكنت محطيه ميك آب .... ويناظر بعيونها ": سبحان اللي خلقك .. إش العيون هذي ... ياكبر حظي ....
ام منال طالعه مع البلكونه : يمه مهند منال تعالوا العشا ...
مهند : طيب ياعمه الحين جايين..... منال كيف عمتي إن شاء الله صحتها احسن
منال : الحمدلله احسن بكثير بس هي إذا زعلت تجيها الحاله ...
مهند : الله يشافيها ... عمتي تستاهل كل خير .. ياحبي لك ولها ... يلا لانتأخر عليها ..و تمسكنا تريقه الحين والله مانخلص هههههه‎ ...
منال : هههه ... يلا
"يمسك إيدينها ويمشوا مع الجسر ومهند يغني
بعيد عنك ... حياااتي عذاب..."
-- في غرفة الطعام--
ام منال : يمه منال .. اختك بتتأخر ..؟
منال : لا يمه الساعه 11 بترجع .... وابشرك سومه بنتام عندنا
ام منال : الله يبشرك بالجنه ...
مهند : هاه ياعمه تبون العيد في جده....؟؟؟؟؟
ام منال : إيه وانا عمتك جده ادفى لنا
لا يكون عندك شغل ....
منال : لا يمه الحمدلله عنده إجازه ......
مهند : يا بختي ... حتى عمتي ماتقدر تعيد بدوني
ام منال : لا تشقق وانا امك ... ترى بس عشان بنيتي.... هههههه
منال : هاها هاها الله لايكشمنا ... تعيش وتأكل غيرها
مهند : اللي ماله حظ لا يتعب ولا يشقى ...
ام منال : ماعليك منها ... والله يامهند إنك وليدي اللي ماجبته
مهند : عشتي يا عمتي ....
لقطي وجهك منول
(منال عشان تخقه سبلت عيونها وطالعته بدلع): شنو حبيبي ماسمعت.....؟؟؟؟؟
مهند فتح فمه : هــــــــــــاه لا ... اقول فديت وجهك
منال بدلع : حسبتك تقول شي ثاني ...هههه





في المنتزه ...


شوق : خلاص اتفقنا لا وحده تعتذر وربي بزعله
بعد بكره العصر وانتم عندي اوكيه
سهام : انا اعتبريني عندك من الحين
دلع : وانا إن شاء الله جايه ...
حنين : والله بحاول يا شوشو بس مو اكيد
شوق : بلا دلع
دلع : لا انا هنا هههههه
شوق تضحك : مو إنتي ياحظي ....حبيبي حنين عشاني تعالي ... وإنت هديل
هديل : والله ودي بس ملكة رهف صاحبتي بعد بكره ...
شوق بقهر : خسااااره ...
وإنتي ياست هند ماعندك عذر ... نواف مايرفض لك طلب ..
هند : انا اعتبرني عندك بس بعد سومه طبعا ... عاد هي ما احد يسبقها في قطة الوجه
سهام : نعم ... عيدي يابو الشباب ماسمعتك ...
شوق : لا ماقالت شي شوفي لنا سامي يلا تأخرنا
هديل : مين بتكلمين حنونه ؟؟؟
حنين : بكلم ماجد يجي يأخذني ...
هديل : بلا ثقاله ... انا كلمت تركي وهو في الطريق ...
حنين : لا بس والله ثقلت عليكم
هديل مصدومه : لا والله وانا رازه وجهي كل يوم معاك إنتي وماجد يعني اثقل عليكم
حنين : لا هدوله ... خلاص ماني متصله ...
دلع : انا سواقي برى يلا اشوفكم عالخير
هند : دلوع نامي اول ماتصلين البيت ... التفكير قلة حيا آخر الليل........&&عشان ما تفكر في سامي&&
دلع : سومه بالله ردي عليها ... باي
سهام : ماطلبت إلا حلالك
اقول علمي نفسك ... دلوع زي تحب المنتخب وبس ... مو زيك
هند : إيه صادقه بالحيل
شوق : سهام لايكثر هرجك ... شوفي سامي وينه

(تن .. تن ..تن .. جوال مين ..؟؟ أكيد حنين ... رسالة وسايط : 1
مقطع صوت شغلته حنين )
اجيك .. يسلم رأسك وشلون ما اجيك
وياك انا بالذات صعب اتغلى
والله مدري من الغلا وين اوديك
تسوى عيوني لابعد يمكن اغلى .... مجنوHنك


شوق : الله فيني رقص $
سهام : الله يقلعك ... من مرسلها هذي .. طلع مع موبايلك غبار .. هاهاها
حنين : من سي مجنون صح قديمه بس حلوه
هند : وإن شاء الله وين بيجيك...؟؟
حنين : في مستشفى المجانين متواعدين ... ياه جات عالقافيه ... هاها .. صرت شاعره ...
هديل : هههه لا والله صرت مجنونه وشهي اللي جات عالقافيه
حنين : إش فيك مجانين ومتواعدين
سهام : لا وضعك صعب ....الحين السجع صار شعر
هند : اقول ماعليك فيهم هذولي محترين ... واااو نحب وهم لأ ... حبيبي شوق اعطيني شنطتي من على الكرسي اللي يمك ... نواف جا ...
شوق : خذي ياقلبي ...
هند : تسلمين ... باي
سهام : انتظري جايين معاك ... يلا شوق سامي ينتظرنا ...
شوق : مع السلامه ..هدوله .. لاتقطعي فينا .. باي حنو .. وافينا بالتطورات هههه
هديل : إن شاء مع السلامه حياتي
حنين : هههه ... كل شي عكس ... باي


حنين : طيب ياسهام راحت حتى ماقالت باي
لا وتقول انا طفقة الشله ...
هديل : ههههه والله شلتك يهبلون
حنين : اجل ماشفتي ريم ولموش ...
هديل : بعد ... ناقصين ... والله اخاف احسدكم
حنين : إحنا على قلب واحد ولا نخبي عن بعض شي
(جوال هديل يدق )
هديل : هلا تركي ... طيب حنا جاهزات وتسكر..يلا حنونه


نهــآآية الج ــزء الث ــآآني










همسه

يوم صاح [ اللوم ] فيني
غاااب : غاااب : (
كنت [ اعااتب ] جور وقتي .. و [ اقصدك ]
ما تمنيت امسك [ ايدين السحااب ] !
كان كل الحلم :
[ تمسكني يدك ]
قلت [ احبك ]
كثر حبات التراب
حتى اني صرت مني [ احسدك ] ..
عمر عمري .. ما احس الفرح / تااب !
لين ينصفني نصيبي واحصدك ..
لو يصير الحب غالبني { .. عذااب
[ مرحبا به ].. بس تكفى
لا افقدك
!!


pink-rose غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:21 AM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.