قديم 11-11-2009, 06:20 PM   #1
كبار شخصيات المنتدى
 
الصورة الرمزية جـــذابـــه
 
تاريخ التسجيل: Jul 2008
الدولة: في قلب من أحب
المشاركات: 9,593
معدل تقييم المستوى: 21
جـــذابـــه is on a distinguished road
افتراضي ديوان حامد زيد


الاسم : حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج ولديه ثلاث ( اسماء-ساره-ريم )

حاصل على شهاده دبلوم تجاري من كلية الدراسات التجاريه

عضو ديوانية شعراء النبط الكويتيه بدرجة شاعر ممتاز

موظف في وزارة الشؤون الاجتماعيه والعمل

كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

له أربع إصدارات ...
_ ديوان مقروء ويحمل اسم أربع خناجر
_ والبوم مسموع يحمل أسم شعر حامد زيد
_ وآخر يحمل أسم السفينه
_ والاخير شريط مشترك للشاعر حامد زيد والشاعر خالد المريخي
_ واسمه امسية هلا فبراير ...



التوقيع
ممنوع وضع صور اعلانيه
جـــذابـــه غير متواجد حالياً   رد مع اقتباس
قديم 11-11-2009, 06:23 PM   #2
كبار شخصيات المنتدى
 
الصورة الرمزية جـــذابـــه
 
تاريخ التسجيل: Jul 2008
الدولة: في قلب من أحب
المشاركات: 9,593
معدل تقييم المستوى: 21
جـــذابـــه is on a distinguished road
افتراضي


مشكله لا جات حاجتك بيديـن البخيـل
مايفكـك ليـن تدفـع كثـر مايدفـعـه

ومشكله لا صرت مطعون بكفوف الدخيل
في ظهرك اربع خناجر وبالصدر اربعـه

ومشكله لا ضاق بالوقت رجـالً ثقيـل
يطلـب احبابـه وعيـا زمانـه ينفعـه

ليت ربي مايحاسب خليـلً مـن خليـل
دام مال الحـظ فزعـه وللوجـه اقنعـه

ودام مال العذل تالـي ومابالحيـل حيـل
الغـلا سمـاً نذوقـه ومـرً نجـرعـه

نحتري فيه القا والحصيل هو الحصيـل
مثـل حلمـاً ماتحقـق وعيـت اقطعـه

كني اللي حط بشفاه من جمـر المليـل
لا قـدر يرميـه للنـاس وزرا يبلـعـه

والظروف اللي حدتني لنيـران وفتيـل
عرضت دمع المحاجـر لشـيً يجزعـه

والمدامـع بالغـلا لا تحـال ولا تحيـل
والمشاكل كـل ماجـات جـات مجمعـه

اعذلوني عن هوى النفس وعيوني تخيل
في حبيـب ٍ ماتركتـه ولازلـت اتبعـه

مغرم في حب مثله ولا ارضى له بديـل
عيني تشوفه وقلبـي يجـوع ويشبعـه

ذاك كل مازان بالـي وطالعـت النخيـل
ماذكـرت الا ثباتـه بوقـت الزعزعـه

ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه

لا جميل شفت قبلـه ولا بعـده جميـل
العذارا رهن رمشه وانا رهـن اصبعـه

والله انه لو طلبني اطلـوع المستحيـل
لا اطلعه منـي منـاك يعنـي لا اطلعـه

ماعلي مـن الملامـه وهـرج الهبيـل
مشجع الرجال لا ثـار غيـره مشجعـه

في عيون اللي عشقني ولا جاني هزيـل
الله اللي حط عشقـه بقلبـي وزرعـه

لو سكت ينطق له الصم والدنيـا تسيـل
وان حكى لو يمشي المزن ياقف يسمعه

سلسبيل من شفاتـه يخالـط سلسبيـل
معمعه بسكات واحـلا سكـات بمعمعـه

ماهقيت ان اكثر الليل يمـرح بالجديـل
لين شفته شوف عينـي بكفـه يرفعـه

وان حيت ومابقالي معـه ياكـود ليـل
لا اسهره بأول غروبه وموت بمطلعـه

والله ان العشق جمره وطاحت بالشليـل
وان حصل ماطاعك الوقت بحبابك طعـه

من هو اللي علم عداي نكران الجميـل
ومن هو اللي خان خلي وحـاول يقنعـه

كل عاذل ردني عنك يالطـرف الكحيـل
ياعسى الله يقلعـه ياعسـى الله يقلعـه

يامعرض قلب الاحباب للـدرب الطويـل
السعه لا بـارك الله بالضيـق السعـه

والله ان الوقت قاسي وانا مانـي ذليـل
واشهد ان الرجل مرات ظنـه يخدعـه

وانتم اتعذلون خفـاق بعيـون العديـل
مارحمتم نـار جرحـه وحيـرة مدمعـه

والسوالف ليلها ليـل والحايـل يحيـل
والمشاكـل مشكلـه بمشكلـه متجمعـه

مشكله لا خانك الوقت بالحمـل الثقيـل
لو زرعت الزرع هوج العواصف يشلعه

ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه

ومشكله لا صرت مطعون بكفوف الدخيل
في ظهرك اربع خناجر وبالصدر اربعـه


0 أنواع الغنم
0 مجموعة صنادل للمناسبات
0 طرق تعطير المنزل‎
0 معلومات كامله بالصور عن عالم ديزني لاند
0 هلـ ٍٍ تحـ‘ب ٍٍ العـضـوـوـو ٍٍ × الي ٍٍ قبلك ،، (( بصرآحه وبدون زعل )) !!
0 غرفتك تحت المجهر ..
0 اجمل مرااهقة
0 شًقِـآؤٍة صًـِغَـآرٍ .. وٍَ .. رٍَبًع ريآل .. , لِكن..طاإر
0 وشلون ماتت وهي البارحه كلمتني؟؟
0 باقه من الورود إهداء لأعضاء برق وخاااصه ملكة الورد
0 رسائل غزليه sms روعه لا تفوتكم
0 قصتك مع اول سياره تسوقها....*
0 أوقعت الجميع في حبها
0 قطط تضحك هههه
0 اتوقعوا..مين الولد اللي عاليسار؟
التوقيع
ممنوع وضع صور اعلانيه

التعديل الأخير تم بواسطة جـــذابـــه ; 11-11-2009 الساعة 06:27 PM
جـــذابـــه غير متواجد حالياً   رد مع اقتباس
قديم 11-11-2009, 06:30 PM   #3
كبار شخصيات المنتدى
 
الصورة الرمزية جـــذابـــه
 
تاريخ التسجيل: Jul 2008
الدولة: في قلب من أحب
المشاركات: 9,593
معدل تقييم المستوى: 21
جـــذابـــه is on a distinguished road
افتراضي


(الثريا)




ليـه تطعنـي وانـا ميـت بليـا
ماكفاك الي حصلّـي قبـل ساعـه

كن بيـن همومـي وبينـك حميـا
جيتكم واحـد وجيتونـي جماعـه

انت منـا والمصايـب مـن هنيـا
كلكم ضدي ترى ماهـي شجاعـه

ما ابشع من جروح طعنات القفيـا
غير سكيـنٍ تصيـب بهالبشاعـه

لاتتـوب ولاتــذوب ولا تـريـا
جرحها جرح وفظاعتهـا فظاعـه

ترتوي من فيـض دمـي والتفيـا
وصار قلبي مثل اخوها بالرضاعـه

وانت ليل لـو ضويتـه مايضيّـا
ضعت فيه وشفت نفسي في ضياعه

اتهيـا ويـن مـا اشوفـه تهيـا
وارسي بمرساه وشراعي شراعـه

مـن عرفتـه والمحيـا بالمحيـا
ومايروح الا ذراعي فـي ذراعـه

ان رضيت ارضيه وان عييت عيا
وان طلبني قلت له سمـع وطاعـه

ما عشقت من النجوم إلا ((الثريا))
وماملكت من الكنـوز إلا القناعـه

وانت وجيوش المـوادع والجفيـا
كيف اوقف ضدكم وانتـم جماعـه

لوبجيكـم بالشجاعـه والحمـيـا
البلا ان الكثـره تغلـب الشجاعـه


التوقيع
ممنوع وضع صور اعلانيه
جـــذابـــه غير متواجد حالياً   رد مع اقتباس
قديم 11-11-2009, 06:35 PM   #4
كبار شخصيات المنتدى
 
الصورة الرمزية جـــذابـــه
 
تاريخ التسجيل: Jul 2008
الدولة: في قلب من أحب
المشاركات: 9,593
معدل تقييم المستوى: 21
جـــذابـــه is on a distinguished road
افتراضي


(الحلم)





بوقـت مـن البطا،وبليـل تتـراقـص شياطيـنـه
بعد شفت الضيا ينـزع مـن ثيـاب المسـا ثلثيـن

تحايلـت المنـام اللـي مـثـل بيـتـك تمريـنـه
وانا اللي من تفارقنا وأنـا ماغمضـت لـي عيـن

غريبـة كـل حلـم يـمـر بـرقـادي تزوريـنـه
والاغرب كيف أحلم الحلم،وارجع واحلمـه بعديـن؟

قبـل يومين،شفتـك بالمنام..وقمـت مـن حينـه!
ونمت أمس،ورجع نفس المنام اللـي قبـل يوميـن

أنا اللي قبـل اسافـر شلـت قلبـي مـن شرايينـه
تركته فـي يـدك مثـل الأمانـه ،واحفظيهـا زيـن

تـرى حفـظ الأمانـه دين..مجـبـورة ترديـنـه
أجل ، مافيه أحد كد قال لك(حفـظ الأمانـة ديـن)؟!

مـرد المقفـي بيلفـي.. ويستـوفـي ،وتوفيـنـه
بعـد ليلـه ،ثلاثه،أربعه،عشره،شهـر، شهـريـن

إذا انتـي ،ماانتـي بقـد الكـلام اللـي تقوليـنـه
حرام..استامنك حاجـة،وإذا جيـت اطلبـك تنسيـن

تخونين،وتبيـن أرضى.!وأحـد يرضـى تخونينـه!
أنا لاجيـت أخونـك، مـع حبيبـة ثانيه،ترضيـن.؟

من أول مارجعت من السفـر ماشفـت لـك بينـه؟
وأنا اللي كنت أحسبك قبل ادوس ارض المطار..تجين

تكونين أنتي أول شخـص عينـي تحتضـن عينـه
وكنـت أتخيلـك مـن زود فرحـة رجعتي..تبكيـن

وأشـوف بدمعتـك حكيك..وأعرفـه قبـل تحكينـه
واجيب أحلى مـن اللـي بتحكينه،وأتركـك تحكيـن

تقولين:الـوطـن نـور..وأقـول بنورمضـويـنـه
تقولـي لي:غديـت أحلى،وأقول:عيونـك الحلويـن

كــلام نــام بشفاهك..وخفـتـي لاتصحـيـنـه
ذخرتيـه لغـرام للـي ينام...ويـتـرك تصحـيـن

تغانمـتـي غيابي..لـيـن رجحـتـي موازيـنـه
تعلم مـن يـدك لمـس الكفـوف وعلمـك تجفيـن

وليتـك لاقـيـه بــه شي..فيـنـي ماتلاقيـنـه!
مهـو بغرور..لكـن خابـرك مالـك أمـل تلقـيـن

تغافلـك بغـلا..والإ الحـلا مهـو بمـن زيـنـه!!
تزينه الصور ..بس الصحيح ابـن الحـلال زويـن

وأنـا مانـي بنقـاص عنـه يـوم أنـك تبديـنـه
نصيبي..هو نصيبي لـو يسددهـا مـن الصوبيـن

قنـوع بمظهـري ،والـسـم مايـذبـح ثعابيـنـه
على قول المثـل مانـي حلو..لكنـي مانـي شيـن

إذا أهـداك الزهـر مره،فأنـا اهديتـك بساتيـنـه
وإذا ألهاك بفرح ليلـه، فانـا تهـت لبكـاك سنيـن

وإذا استضعفـتـك أملاكه...وشتـتـك ملاييـنـه
أنا حتـى فتـات الخبـزة أقسمهـا معـك نصيـن

طموحـي ،بـس أجـي وأظفـر بشـي تستحقينـه
تدينـتـه ،تسلفته،سرقـتـه ،مومـهـم منـيـن؟

كأنـي مـن كثـر ماارضـى بكـل اللـي تمنيـنـه
لـو انـك تطلبيـن الله ..يعنينـي، بقـول آمـيـن

أنا ماالعب علـى الحبلين،وقـت الطيـش وسنينـه
تبين الحين يوم أني كبرت العـب علـى الحبليـن؟

ترى عنـد البـدو بالـذات عيـب اللـي تسوينـه
حـلاتـك لاعشقتي..تعشقيـنـي لـيـوم الـديـن

غـرامٍ نسكـن ضلوعه..حشيمـه مـن مجانيـنـه
جفا،يجمـع معزتنا...ولاعـشـق يــذل أثنـيـن

كـثـار الـلـي تحـدونـي وقالـولـي :تحبيـنـه
امانـه ...لاتخلينـي صغـيـر بعينـهـم تكفـيـن

لانــي كـــل ماقالوا(تخون)..اقول:مسكـيـنـه
عليـك الله وأمانه..علميهـم منـهـو المسكـيـن

أنـا خايـف لياطـاح الجمـل تكـثـر سكاكيـنـه
وأنـا ماعـاد بضلوعـي مكـان لطعنـة السكيـن

مثـل ماقالواالمكتـوب واضـح مــن عناويـنـه
لو ارحل منك للغربه بسافـر مـن ظلامـك ويـن؟

كفايه..كـل حـلـم يـمـر بـرقـادي تزوريـنـه
كفاية..مـن تفارقنا..وأنـا ماغمضـت لـي عيـن

قبل يوميـن شفتـك بالمنـام وقمـت مـن حينـه
ونمت أمس،ورجع نفس المنام اللـي قبـل يوميـن



التوقيع
ممنوع وضع صور اعلانيه
جـــذابـــه غير متواجد حالياً   رد مع اقتباس
قديم 11-11-2009, 06:38 PM   #5
كبار شخصيات المنتدى
 
الصورة الرمزية جـــذابـــه
 
تاريخ التسجيل: Jul 2008
الدولة: في قلب من أحب
المشاركات: 9,593
معدل تقييم المستوى: 21
جـــذابـــه is on a distinguished road
افتراضي


(ادلعها وولعها)




بعـد ماقابلتنـي عاتبـوهـا
على شوف الحبايب حاسبوها

خذوها وأبعدوها غصب عني
وعن وجهة طريقي جنّبوهـا

وشالوها عن عيوني غصيبه
عواذل وأغصبوني وأغصبوها

خذوها من يديني شوف عيني
وعن عيني تعدّوا وأحجبوهـا

كلام وصدّقوا بالبنـت كذبـه
وهم اللي مـن أول كذّبوهـا

وهم وشدخلهم في مال بيّـن
لبوهـا والخلايـق طالبوهـا

وفيّـه لاتخـون ولاتعـانـد
جسوره والمواعيد أرعبوهـا

مـلاكٍ كاملـه والكامـل الله
ولكـن العـواذل عذربـوهـا

وهي كلما دعتني تشتكي لـي
عن اللي سالفتنـا سرّبوهـا

تخاف وتلتفت مع كـل كلمـه
تظـن أن العـواذل راقبوهـا

تلفّت من عقب ماهي جريئـه
شجاعـه ماتهـاب وهيّبوهـا

وأهدّيها وأنـا حايـر وثايـر
مصيبـه ياعـذابٍ عذبوهـا

وهم كلما خذوها عن طريقـي
تراهم صوب قلبـي قرّبوهـا

وأنا ماتعّبـت قلبـي خيانـه
خيانـه رتّبوهـا وأحسبوهـا

ولا يعجـز خفوقـي لايقابـل
جفا من حاربـوه وحاربوهـا

وأنا لي عزّة ٍ تفرض عليّـه
أخاطب بالجفا من خاطبوهـا

وأكسر لوحة الماضي وأزيلـه
وأخرّبهـا مثـل ماخرّبوهـا

وأذوّقهم نـدم ماصـار فيهـا
وأشرّبهم من اللـي شرّبوهـا

وأدلّعهـا وأولّعهـا بنفسـي
وأشرٌّقهـا بعـد ماغرّبوهـا

وأعوّضها عن اللي راح كلـه
وعن ذيـك الليالـي كلّبوهـا

غلاها بالحشـى لازال ثابـت
ولو حتـى بغيـري حبّبوهـا

وغلاي بقلبها مـرّ وتعـدى
غلاهـا لأمهـا ولا لأبـوهـا



0 للبرداااانين...مسجات شتويهــ دافئهـــ
0 أطفال على الموضه
0 خمسة توابل تحمي القلب
0 تيشرتات للشباب
0 مناكير بشكل مموج بالخطوات المصورة
0 تعالوا وشوفوا ملكات الجماااااال‏
0 صينية تتعلم التواصل مع أولادها عبر الإنترنت في سن الثانية والثمانين
0 يا ترى شنو بيصير إذا اختفت الجاذبيه
0 خاطره من تأليف أختي أتمنى تعجبكم
0 لو اعطوك بخاخ ايش راح تكتب ؟؟؟
0 ستاإآيــــــٍر ستأإآيـــــــــــلشـــِ مـــرهـــ ....
0 لابتوبات للشباب
0 استمع للقرأن الكريم بجميع الأصوت ، ما أحلا الحياه في طاعة الله
0 // خ ـلفيآإتٌ بأإلـلوؤونُ ـآإلـبنٌفسجـِـِـِي..,,//
0 6 اكتوبر << كل عام وانتي بخير يا مصر >>
التوقيع
ممنوع وضع صور اعلانيه
جـــذابـــه غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:46 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.