قديم 01-13-2010, 12:20 PM   #1
-||[كبار الشخصيات في المنتدى]||-
 
الصورة الرمزية (LILY)
 
تاريخ التسجيل: Jun 2009
الدولة: الكويت
العمر: 41
المشاركات: 1,826
معدل تقييم المستوى: 12
(LILY) is on a distinguished road
افتراضي علي بابا والأربعين حرامي (بالغزاوي)


منووريييين كلكوووو

أظن معظمكم بيعرف قصة علي بابا والأربعين حرامي

وتترجمت هالقصة لأكتر من لغة .. ووصلت للانجليزية

فعاد أنا قلت ليش ما تترجم للغزاوية

فترجمتها للغزاوي .. وحصلت على عدة جوائز في مجال الطبخ

أترككم مع القصة


7
7


يحكى انو في ببلاد غزة تنين اخوة .. الكبير اسمو قــاسم .. والتاني علي بابا .. وكانو ولاد واحد ماسك وضعه في سوق فراس ومن أكبر تجار الطرمس .

وأبوهم اعطاكو عمره .. ساب لولاده ثروة طاااائلة .. قصور وفلوس واراضي وآخر حلاوة
عاد قــاسم دحك على أخوه .. ولطش كل هالشغلات .. وصار تاجر غني زي أبوه .. وساب أخوه علي بابا كحياان وبيشحت في الشوارع .. وصار يبيع حطب << عشان الكهربا بتقطع

وكل يوم بيكحين بزيادة علي بابا .. لأنو متجوز وعندو ست طنفار .. بس هو شاطر بشغلانته .. كل يوم من الصبح بيروح عالغابة بيقطع خشب وبيخلي حماره المسكين يحمله .. وبيروح عالمدينة وبيبيع الحطب وبيشتري أكل لولاده

وكل يوم بيروح في الصبح يقطع خشب ويبيعه .. والحمار متشاهد من هالعيشة .. ففي مرة من المرات وهو رايح يقطع خشب .. سمع صوت ضجة ودوشة وجري حصن وابصر شو. . عاد علي بابا بيخاف من خياله .. فطلع على شجرة كبيرة .. وخبى حماره في جوورة .. الحمار كيف .. يرتاح من الشغل هاليوم

دار وجهو علي بابا على مكان الدوشة الا هو شاف فرسان راكبين حصن .. مشخصين .. ولابسين هالقمصان .. وراشين عطر .. وحاطين جل على شعرهم وآخر حلاوة

وكانو حاملين سيوف .. وعاكسة ضو الشمس وعاملين زي النيون

وضلهم يمشو هالفرسان في الغابة لحد ما وصلو صخرة كبيرة .. وحكا رئيسهم للصخرة : " افتح يا فجل "

وفجأة زلزلت الأرض وعلي بابا فكر انو صار قصف

بس الصخرة تحولت لكهف وفتحت زي الباب .. ونزلو الفرسان من حصنهم وخشو جوا وتسكر الكهف عليهم..

بعد ربع ساعة تقريبا طلعو الفرسان وحاملين كياس وركبو حصنهم .. وحكا رئيسهم : " اغلق يا فجل"


**********

نزل علي بابا من الشجرة وراح يتطلع عالصخرة وهو مبلم .. بطل يجمع .. قال كيف صخرة بهالضخامة بتفتح لما تسمع هالكلمتين.
فحكا: عليا الطلاق غير لأجرب أحكي اللي حكوه
وصار يحكي بعقله : " طب أنا بعرف انها افتح يا سمسم مش يا فجل "

فحكا : " افتح يا فجل" .. والا الصخرة فتحت فخش جوا .. وشاف دهب وفضة وحجار وأواعي وحاجة بتخوت من الآخر



فصار يفكر : الظاهر هدول حرامية وهادي المصاري كلها سرقة بسرقة.. آخد منهم .. ولا حرام ... لا ما بظن حرام .. لا حرام .. بس لو حدا كشفني

ضل بيصارع حالو بهالأفكار .. بعدين قرر هالقرار بسرعة وحكا : أحسن اشي أحكي للشرطة وأريح راسي

فحكا للشرطة .. ودلهم للمكان .. فصارو يستنو في الأربعين لص .. فلما اجو الحرامية قبضت عليهم الشرطة .. وحبسوهم بالسجن.. وشكرو علي بابا عالمساعدة واعطوه ميت شيكل أجارو

اتطلع عليها علي بابا وكانها مش عاجباه

.. فحكولو : ايش مش عاجباااك ؟؟

حكا : اه مش عاجباني .. منا كنت بقدر آخد الكنز

حكولو : ههههههه ومين قالك ما تاخدهوش .. يلا روح روح يا شييخ وريحنا من هالوجه اللي عليك

بعدين اجا واحد من الشرطة ووشوش الشرطة .. فشنكت الشرطة لعلي بابا وحكولو : " استنى" .. عدينا الحرامية لقينهم 39 .. مش 40 .. ليش تكزب ولا .. ولا لتكون انتا واحد منهم وبدك تفضحهم

عاد المسكين بطل يعرف ايش يحكي وهمهم قليلا بكلام غير مفهوم <<

وحبسوه في الآخر مع الـ 39 لص

وتوتة توتة خلصت الحدوتة




و هي ملخص عن الشخصيات الرئيسية ايش صارلهم بعد القصة :

1- علي بابا : طبو فيه اللصوص ضرب لما خلوه يعطيهم الميت شيكل

2- الشرطة : راحو على الكهف وأخدو الكنوز ووزعوها بينهم وبين قائد اللصوص .. اللي هم خبوه عشان يدحكو على علي بابا ويقولوله انو كزب عليهم بشأن عدد اللصوص

3- الـ 39 لص : اعطو الميت شيكل للحارس تبع السجن بغشيش .. وطلعهم من السجن

4- قاسم : صار يبيع حطب لأنو فلوسه هو اللي طلعو سارقينها اللصوص وخبوها بالكهف

5- ولاد علي بابا ومرته : طلعو محوشين مبلغ مزبط .. وفتحو متجر وصارو من أغنياء غزة

6- حمار علي بابا : المسكين ضل في الجورة اللي جنب الشجرة بيستنى حدا يطلعه .. لحد ما اجاه واحد .. وطلعو من الحفرة ورباه عنده وصار يدلله .. ويجبله أكل مخصص .. وصار يتبطر الحمار ويتدلع


يللا شو رأيكو بالقصة







منقول


0 حملة "لا للمشاركات التي تخدش الحيـــاء"
0 الردود والتعليقات - سب ونقد وشتائم
0 كرش الوجاهة
0 باصات المدارس في اليابان///هيك الباصات واللا بلاش///
0 العرس الأسطوري لفرح ديبا (إمبراطورة أيران)
0 المعتقدات الدينية للفراعنة المصريين
0 نصيحة حلوة
0 بين إنفلونزا الخنازير وإنفلونزا البورصة
0 إخواني / أخواتي في عائلة برق وعلى رأسنا أستاذي عماد **شكرا**
0 ما الذي يضحك المرأة ويبكي الرجل؟؟؟؟؟
0 القانون والأحداث والتربية
0 والله انه قوي هالجندي
0 شعر حمصي هههههه
0 عفــواً أستاذي
0 النوم طيلة اليوم في رمضان
التوقيع
اضغط هنا لتكبير الصوره
(LILY) غير متواجد حالياً   رد مع اقتباس
قديم 01-13-2010, 12:48 PM   #2
-||[عضو فعال]||-
 
تاريخ التسجيل: Jan 2010
المشاركات: 68
معدل تقييم المستوى: 10
AngelDust is on a distinguished road
افتراضي


هههه قصة جميلة مشكورة يا قمر


AngelDust غير متواجد حالياً   رد مع اقتباس
قديم 01-28-2010, 05:15 PM   #5
-||[قلم من ذهب]||-
 
الصورة الرمزية منو برق
 
تاريخ التسجيل: Jan 2010
المشاركات: 215
معدل تقييم المستوى: 10
منو برق is on a distinguished road
افتراضي


ههههههههههههههههههههههه


يسلموووووووووووووووواااا


منو برق غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:53 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.