قديم 02-12-2010, 08:24 PM   #1
-||[كبار الشخصيات في المنتدى]||-
 
الصورة الرمزية &Dolor Chica&
 
تاريخ التسجيل: Apr 2009
الدولة: ديرتي السعودية
المشاركات: 3,297
معدل تقييم المستوى: 14
&Dolor Chica& is on a distinguished road
افتراضي تقاليد العرس السوري


اضغط هنا لتكبير الصوره




امم التعريف بالاعراس بسوريا
اكتر الزواجات عادة زواجات تقليدية محافظة وليس كما يعتقد كثيرين , غالبا الحكي بيكون بين النسوان على التلفون واذا كان في قبول بتجي الأم مع حدا من بناتها او اقاربها , وان صار في قبول بيجي العريس بالزيارة المقبلة وبيشوف العروس طبعا بحضور والدها او اخوها , في حال ربنا تمم على خير يبدا التحضير للخطوبة الرسمية , يتم الاتفاق بالبداية بين الرجال في زيارة بيسموها " فصل النقد " عن المتقدم والمتأخر وهيك امور , وبيعطي العروس مبلغ بيسموه " ملبوس البدن " مشان الجهاز .. بعض الأسر تعلن الخطوبة مجرد اعلان وبالتالي مابيقدر العريس يجي يشوف عروسته بدون حجاب او لحالها , بعض الأسر بتعمل " كتاب شيخ " يعني عقد غير مسجل بالمحكمة بتصير البنت زوجته شرعا وبيقدر يجي يشوفها لحاله ..

بعد ايام عادة بييروح العريس والعروس وامه وامها حتى يشتروا المحابس " خواتم الزواج " , وبتصير كما العادة في كل مكان فترة الخطوبة العزايم والمشاوير والطلعات وبدا تأثيث بيت الزوجية .
بالنسبة لحفلة الخطوبة فيتولى اقامتها اهل العروس , البعض بيحبوا يعملوها باليت والبعض بالصالات , بتكون حفلة بسيطة مافيها تكلف زيادة بيجتمعوا فيها اقارب وصديقات العروس و اهل العريس من النساء وبيصير فيها هيصة ورقص وفرفشة , وطبعا الزلاغيط الشامية المعروفة :

اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي


لوووووووووووووووووووليش


اوووووووووووها صلو عالنبي
اوووووووووووها وزيدو صلاتو
اوووووووووووها ويلي مابيصلي عليه
اوووووووووووها تطء مرارته


لوووووووووووووووووووليش

وبآخر الحفلة بيجي العريس شوي وبيلبسوا الخواتم قدام الحاضرين ..


اجينا للعرس , الاغلبية العظمى بتعمل الاعراس منفصلة يعني النسوان لحال والرجال لحال , في عادات حلوة كتير خاصة بالتحضير لهذا اليوم سواء للعريس او العروس ,, بالنسبة للعريس بيحلق وبترتب و اهم شي حمام العرس من قديم كانوا يروحوا على حمام السوق وفي ناس لسه محافظة على العادة , وبنسمع انه كتير بيصير ضحك ومزح بحمام الرجال و الكل يشارك و بيدعكوه العريس لما ينهري , وبعدين في شغلة بيسموها " التلبيسة " هون اصدقاء العريس مع والده او حدا من اعمامه , وفي عادة تتمثل في انهم بيفرغوا عليه قارورة عطر بالداية وبيفتحوا الملابس بعد البسملة وبيجهزوه لليلة العمر .
وبيعملوا مولد تحكى فيه السيرة النوبة الشريفة وتنشد الاناشيد الدينية , وضروري بيوزعوا " الملبس " على الحضور (اللي طبعا كلهن رجال ) حتى يصير موعد العرس بالصالة .


اجينا للعروس ,,
قبل العرس , في ناس بتحدد نهار بيروحوا فيه مع العروس على بيتها الجديد مشان يساعدوها بتعليق تيابها غالبا قبل يوم او يومين من العرس , اما نهار العرس فتحضيرات العروس العصرية وحدة بكل مكان , يعني المكياج والشعر والفستان الأبيض وكل هالقصص , وبالوقت المحدد بيجي العريس لبيت العروس مع السيارة المزينة والسيارات المرافقة وفرقة العراضة اللي رح احكي عنها بعد شوي . بيجيب العروس وبيوديها على الصالة وبيروح مابيفوت معها هلأ (العرس طبعا مسؤولية اهل العريس عكس الخطوبة ) , بيستقبولها البنات بالزلاغيط والأغاني وبتروح بتقعد على " الاسكي " يعني الكوشة وقبل ماتقعد بتروح بتسلم على امها وحماتها , بيكمل العرس عادي , في اعراس عادية اغاني و DJ طبعا بس بنات , واعراس تانية دينية مافيها اغاني لكن بيكون فيها فرقة انشاد مع الدفوف فقط ..
ايضا بعض الاعراس بحسب القدرة بيعملوا بوفيه , وفي اسر بتكتفي بضيافة البوظة العربي بالفستق ( مشهورة فيها الشام ) او كاسيتا وطبعا عصيرات وبيتفور , وهيك ضيافة تعتبر كافية وما حدا بيقدر يقول انهم قصروا , لأن من احلى العادات بالاعراس عنا بشكل عام انه مافيها تكلف واسراف والحمد لله .
بعض الأعراس الخاصة بالطبقات البسيطة ( البلدي وعفوا على التعبير ) بيخلوا العروس تدخل تبدل فساتين من جهازها , لكنها عادة قليلة وبدأت بالنحسار وبصراحة انا مابلاقي الها طعمة ومو حلوة

بعد حوالي ثلاث ساعات بيعطوا خبر عن وصول العريس , البنات بيتغطوا , وبتكون خارج الصالة شغالة العراضة , العراضة ياسادة ياكرام احلى واشهر شغلة بالعرس الشامي , هي عبارة عن فرقة من الرجال بيرددوا كلمات معينة وبيدقوا على الطبول وبيصير في استعراض بالسيف والترس , بيحملوا العريس على الأكتاف والدور والباقي على اصدقاء العريس يحموا العراضة ويشعللوها بالحماس والتصفيق والهيصة . طبعا لا داعي لذكر ان البنات بيكونوا واقفين ورا الأبواب عم يتلصصوا ويتفرجوا على العراضة وعن جد عن جد فرجة بتجنن
كلمات العراضة الشامية :

صلــــــــوا
على محمد
مكحول العين
نير وغضير
والعادينا وهيييييييه


أول مانبدا منقول
صلوا على طه الرسول

أول ما بدينا
على النبي صلينا

يا صلاتك يا محمد
والصلاة بالصوت صلوا

ياصلاتك يامحمد
والصلاة صلوا عليه

وعلينا وعليه
وعلى من زار قبره

وعلى من حج إليه
حجيت الحجاج لاجله

انشق القمر بنص الليل
من هيبة رسول الله

لا إله إلا الله
محمد رسول الله



===

في وحدة تانية :

شنكليلة شنكليلة
الله يعينه على هـ الليلة
من هالليلة صار له عيلة

الى آخر من هنالك من العراضات ..

بهاد الوقت بتروح العروس لباب الصالة استعدادا لاستقبال العريس اللي بيدخل بمرافقة والده و اخواته الشباب واخوان العروس وابوها بعد فترة ( من العادات الغريبة ان البنات بيوصوا العروس بالسر انها تدعس على رجل العريس اول ماتشوفه حتى تصير بالمستقبل كلمتها ماشية عليه )

اول مايشوف العروس بيرفع عن وجهها الطرحة وبيبوسها وبيتوجهوا على الاسكي , بيلبسها الدهب و بيبدلوا مكان الخواتم من الايد اليمين الى اليسار , وببيسلموا على الناس وبيرقصوا عادي وبيرقصوا slow , وبعدين بيقطعوا الكيك وبيتصوروا وبيكون العرس بدا يخلص , متوسطيا بتخلص الاعراس حوالي الساعة 12 او 1 , وفي اعراس بتضل للاربعة الفجر تقريبا ..

بنهاية العريس بيطلعوا العرسان بالسيارة المزينة ووراهم سيارات الاصدقاء والاقارب وطبعا التزمير شغال بيوصلوهم على الأوتيل او على البيت , ان كانوا رايحين على البيت من العادات القديمة انه مستحب بيدخلوا معهن على البيت اول شي مصحف وسجادة صلاة ويحطوا اعند الباب نبات اخضر ( باعتبار النبات رمز الخصب والحياة ) .
تاني يوم الصبح في ( الصباحية ) والتحية المعروفة فيها ( صباحية مباركة )بيجوا امهات العروسين بيزوروهن وبيباركوا الزواج ..
بعد الزواج بفترة قصيرة ام العروس بتعمل " مباركة " للعروس , وكمان بيجوا بنات العائلة والصديقات بيعملوا بالبيت حفلة صغيرة ..
وبيعيشوا بتبات ونبات وبيخلفوا صبيان وبنات ..
طبعا الي تغير اليوم هو مسألة الطلب التقليدي يعني بحكم الانفتاح صار ممكن يتم الزواج بين شخصين بعد معرفة سابقة تتكلل هالمعرفة بزواج يباركه الاهل
أتمنى ان يسركم موضوعي و تتعرفوا على تقاليدنا بسورية و أتمنى ان اعرف تقاليدكم كمان


التوقيع
أسمـعكـ تمشي وسط قلبي
وأناجيكـ
والناس تحسب مشيتكـ:
ـ ـ ـ ـدقــات قــلبي
مادرو عني
ونا كل اطرافي تناديك
&Dolor Chica& غير متواجد حالياً   رد مع اقتباس
قديم 02-12-2010, 08:29 PM   #2
-||[كبار الشخصيات في المنتدى]||-
 
الصورة الرمزية &Dolor Chica&
 
تاريخ التسجيل: Apr 2009
الدولة: ديرتي السعودية
المشاركات: 3,297
معدل تقييم المستوى: 14
&Dolor Chica& is on a distinguished road
افتراضي الجهاز الحلبي <<< لعبد الرحمن الحساني





جهاز العروس الحلبية قديماً







اضغط هنا لتكبير الصوره




<!--[if !vml]--><!--[endif]-->أثواب العروس...


من بين تلك الجدران


وهذا المنزل العريق


بدأت أم العروس


بتجهيز جهاز العروس


من أثواب وأقمشة عبر


سنوات وشهور كي


تحضر لفرحة يوم مميز بالنغم والفنون


اضغط هنا لتكبير الصوره

ثوب مطرز بالقصب
<!--[if !vml]-->اضغط هنا لتكبير الصوره<!--[endif]-->اضغط هنا لتكبير الصوره
ثوب من لخمل مع قطع مصاغة من الفضة الحلبية وذات القطع الفضية كانت تستخدم أيضاً للمد في المفروشات
حرير الصاية الحلبية

اضغط هنا لتكبير الصوره



اضغط هنا لتكبير الصوره



اضغط هنا لتكبير الصوره


<!--[endif]-->



الخطبة
دق دق ”
خطابين!
في عندكن بنات
للجازة؟
وهيك من باب لباب ومن صقاق لصقاق ومن حارة لحارة أيام وجمع وشهور كانت بتتفتل أم الشب وخواتو وخالاتو وعماتو .

اضغط هنا لتكبير الصوره

وقالت خالتو: شفتو شفتو شقد مبتكة! بتتكحل وبتتبودر وبتتحمر وبتلبس البدلة المزمكة ...
وقالت أختو الكبيرة: لكن يا خيتو! أنا لسع ما شفت متل شعرا الناعم الأشقر الطويل الوصلان لآخر ضهرا...
قالت الأم: آه آه أش عرفكن ما شفتو أما شلون عيونا متل الشوحة عم تزورنا وبتتمتلنا والله لو بقي عزابي كل عمرو ما باخدلوا ياها...
قالت الأخت الزغيرة: يايامو ! نحنا منا نتجوز البنت إلا أما.
وشفنالك اليوم وحدة دلتنا عليها الست زلوخ بحارة العريان هادية وتقيلة ومبربسة وبتحكي تركي بلبل أبّوا كان ظابط ومات هيّ بتخلصك مالعسكرية ومبين عليها خدومة وطبخا شغل استنبول بس يا حسرة عيونا زرق وتما شوي زغير .
وهيك من بيت لبيت بيشوفولوا عدة بنات وبيوصفولوا ياهون ليقرر
العريس ويرتاح قلبه....

اضغط هنا لتكبير الصوره

وقرروا كلن يخطبوا والولد طار عقلوا من فرحو..
وأهل الولد بطلبوا :جيناكن خطابات لا تردونا خايبات
قال لن أبوّا الكلام لجدّا والله يقدم اللي فيه الخير
تفضلوا زورونا بعد جمعة .
وبعد جمعة قال جدّا: والسبع تنعام منكن بنتنا خدّامة
بمطبخكن وهي شعراية بشاركن
بجاوبوا الأهل وردة وشكيناها براسنا.
وانخطبت البنت واتفقوا عالحق :
” ميّة دهبة مقدم وميّة مأخر“
وقروا فاتحة بيوم التمشاية وعشر مالقرآن والدعاء
وأكلوا فرمة الراحة ومربى الكباد وشربوا شراب اللوز والنوبة عم بتدق
وقالوا ” يجعله الله الف مبارك“ ...
وأجا يوم نقل الجهاز
وتعوا معي واسمعوا وشوفوا صوت الطبل والزمر
والعبلة عم ترقص على جملا وجق جق جق جق
صوت الصناجات عم بناغش رقصاتا ونقزاتا
وقدّام هالكرادة والتراسة اتنين عم بلعبوا بالحكم
ولا تظن في الدنيا بلد بتتبارز بالسيوف في لعبة
الحكم متل حلب .
وورا هدول أجا عرض الجهاز...
شوف الحمالين شايلين
على روسن الصواني
الملفحة بالشالة أو
بالقازية وعليها الزهر

اضغط هنا لتكبير الصوره




صينية عليها قمقم العطر


اضغط هنا لتكبير الصوره




اضغط هنا لتكبير الصوره


اضغط هنا لتكبير الصوره


<!--[endif]-->

وصينية عليها عليها فناجين القهوة والركوات




اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1320x763 .اضغط هنا لتكبير الصوره



اضغط هنا لتكبير الصوره


اضغط هنا لتكبير الصوره


وصينية عليها كاسات الشراب...


<!--[if !vml]--><!--[endif]-->اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 697x611 .اضغط هنا لتكبير الصورهاضغط هنا لتكبير الصوره



اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1320x537 .اضغط هنا لتكبير الصوره



اضغط هنا لتكبير الصورهاضغط هنا لتكبير الصورهاضغط هنا لتكبير الصوره



<!--[if !vml]--><!--[endif]-->

ولازم تعرفوا أنو الأصول يكون الجهاز على حسب مقدرة أهل العروس إذا انقطع المهر من المقدم بينحسب على العريس وإذا المقدم غير مدفوع فبيجهزوا أهل العروس وكل واحد على قدوا الزنكين بيجهز بنتوا كاسات فضة لشراب اللوز كاسات الشاي فضة وطقم القهوة فضة ... العريس بيفرش البيت بالجاردينيار والعروس بتعبي وبتمد
وصينية عليها الطشت والإبريق شغل سوق النحاسين ولا تنسى الصينية اللي شايلتا قيمة الحمام وعليها طاسة الحمام ولكن ...

اضغط هنا لتكبير الصوره


وصينية عليها يشمق العروس الوردي


وصينية عليها القبقاب الشبراوي المطعم بعرق اللولو


اضغط هنا لتكبير الصوره



اضغط هنا لتكبير الصوره



وكمان لا ننسى اللي شايل بقجة الحمام المربوطة بالقيطانة وأخيراً بيجي دشك الحماية


اضغط هنا لتكبير الصورهاضغط هنا لتكبير الصورهاضغط هنا لتكبير الصوره


وشوفوا بقى المد والصمد


اضغط هنا لتكبير الصورهاضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 673x449 .اضغط هنا لتكبير الصوره



اضغط هنا لتكبير الصوره


اضغط هنا لتكبير الصوره




اضغط هنا لتكبير الصورهاضغط هنا لتكبير الصوره


اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 963x716 .اضغط هنا لتكبير الصوره


ومانسيت صندوق السمع والعـــــــود


اضغط هنا لتكبير الصورهاضغط هنا لتكبير الصوره


وأجا دور القطع الكبيرة


شوف تنين شايلين المراية الحجرية الكبيرة البلجيكية المزينة بالريبان


اضغط هنا لتكبير الصورهاضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 803x688 .اضغط هنا لتكبير الصوره


وشوف أربعة حاملين الجاردينيار


اضغط هنا لتكبير الصوره



وكمان بعدن اربعة شايلين السكرتون ودمغة المرايات ملزوقة عليها



اضغط هنا لتكبير الصوره


وهلق أجا دور الدواب


دابة شايلة الصندوق شغل البندقية أو من خشب السرو اللي إلو ريحة


اضغط هنا لتكبير الصوره


ودابة شايلة الطنافس واليانات ..


اضغط هنا لتكبير الصورهاضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 646x915 .اضغط هنا لتكبير الصوره


ودابّة شايلة الفرشات والمخدات والشراشف ...


اضغط هنا لتكبير الصورهاضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 704x576 .اضغط هنا لتكبير الصوره


ودابّة شايلة التكايات والدشكات ...


اضغط هنا لتكبير الصوره


ودابة شايلة القياس الضوناضو المرقوم بالمفضضات وغيرا وغيرا ..



ويمكن لفت نظرك أنّو هالدواب مزينة بالخرز والودع والريش والجراس وروسا معصبة بالمناديل الملونة
هالموكب عبمشي والدنيا قايمة وقاعدة والمتفرجين في الطريق والمتفرجات من شبابيك الدور عم بناديّن صوت الطبل اللي عم بتصدّر هالموكب . وكل اللي جرا تمهيد ليوم التعليلة والحنة ...
وقبل التعليلة ليلة الحنة

اضغط هنا لتكبير الصوره

وأجا دور الحنة ....
ودخلت صواني الحنة ، شوف عددا يمكن عشرين صينية وكل صينية مقنزع فسطا دقاميق الحنة وحواليها الشموع شوفن قلعوا جروايات صواني الحنة وشعلوا هالشموع وركدوا الشباب وهنن كانوا عم يرقصوا وحملوا هلاصواني تترقص معن بشموعا ،بلهب شموعا العم بتمايل معن هيك وهيك وعلى إيقاع الرقصات : رقصات الرقاصين ورقاصات اللهيب بكون العريس عم بتحنا وبعدا بتحنوا كل المعزمين..
وقبل العرس أخدوا عالحمام عروستنا وأخدت معها

صابون الغار والبيلون وبيلون الورد مع اللكن


اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 687x458 .اضغط هنا لتكبير الصورهاضغط هنا لتكبير الصوره


والطاسات


اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 652x435 .اضغط هنا لتكبير الصورهاضغط هنا لتكبير الصوره



اضغط هنا لتكبير الصوره


والدريرة وليفة القطن وليفة القش وكيس التفريك


اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 691x710 .اضغط هنا لتكبير الصورهاضغط هنا لتكبير الصوره



اضغط هنا لتكبير الصوره

والميزر العرايسي المقصب وقبقاب الحمام وطقم الخويلي الأبيض المطرز بالصرما الدهبي من خوليتين كبار وخوليتين زغار ...

وخسّلتا القيمة سبع مرات ومعمكتا ببيلون الورد ....


وبعدا اجت المنقشة ونقشت إيديها وأجريها .


اضغط هنا لتكبير الصوره<!--[endif]--> <!--[if !vml]--><!--[endif]-->

يوم العرس
جهزنلا أما سبع غيارات ...
الغيار الاول بتطلع في من بيتا روب الخطبة اللي لبستوا يوم المليك
وتاني غيار بتلبس بدلة كتيبا اللي لبستا يوم كتب الكتيب
والتالت والرابع والخامس والسادس حسب الألوان الموجودة
في الألمازي والريشي والوردي والحبري والفيروزي
والبنفسجي والبطيخي والسكلما
وما تبلى عليها بدلة السودا قبل ما تبدل وتلبس بدلتا
البيضا لجيّة العريس اللي هي من قماش ضانتيل أو
كيبير مع يشمق على راسا طويل وتاج ألماس أو ورد
وعرق القصب منسمي شريط العروس عبارة عن
شريط من خيوط القصب الفضة
وما تنسوا كان ضروري
أهليتا تبدل لما بتلبس
بدلة السودا
والحماية أم العريس بتلبس
البدلة السكري من الكبيير
أو قص المخمل أو
البروكار أو الضانتيل
الفرنسي التقيل
بتدخل العروس على عرسا بدون سيغة وأهلا
بيشيلوا لاسيغة بالصندوق وبيلبسوها يا بالعرس
وأهل العريس بيشلحوا صيغة أهلا وبيلبسوا قبل ما
يجي العريس صيغتون
أهم قطع صيغة العروس ...
البغمة اللولو الطوق مع السوارة

الكوردون الدهب طول مترين تقريباً


اضغط هنا لتكبير الصوره


السوارة والطوق الليرات


اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1092x622 .اضغط هنا لتكبير الصوره


جوز المباريم


اضغط هنا لتكبير الصوره


الكردان الألماس...

والسنارات الفرط....

والمباريم...





أما اللواحة الليرة الانكليزية



اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1320x807 .
اضغط هنا لتكبير الصوره


و السوارة الدبابة... ولا كمر الدهب...


اضغط هنا لتكبير الصوره




اضغط هنا لتكبير الصورههذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 884x663 .
اضغط هنا لتكبير الصوره


حلق الدهب والأم بتهمس بإدنا لما بتلبسا الحلق :
هاد مو حلق هادا حلقة بإدنك بيتك مقبرتك وطلاق ما في عنا
ولجيبان العروس أهل العريس بيعزموا من أهل العرس تفضلوا
عجيبان العروس وبتروح مع العريس خواتوا وخالاتو وعماتو
والمعازيم بس أم العريس بتبقى مع ضيوفا بالعرس بيصلوا
على العرس وبتزفون الخوجة وفي أحيانا بالعرس نفسه بيتجوز
أخين سوا فبينزف الأخ الأكبر هو ومرتو وبعدين الأخ الأصغر
وبتغني الخوجة
أهم أغاني الزفة ...
هالله عليك ياعروسة والله واسم الله ...
وبيلبقلك شك الألماز ...
وبعدا بيقعدوا وبتدخل الرقاصة وصناجاتا بإيدا وبيعلقولا
أهل العريس المصاري على بدلتا الرقص .
كوشة العروس
مسطبة من خشب تبنى في أرض الحوش إذا العرس في البيت وتغطى بسجاد وأطرافها ساتان مع عواميدج وعليها زهور وببدا العرس بكير بعد صلاة العشا وبينتهي بعد منتصف الليل
وبيخلص العرس وبيروحوا على بيتون وبتكون آلة الخزانة عم تستناهون بالمكسرات والفواكة
وصباح هالليلة بيسموا الصباحية ...
بجوا الناس وبفطروا في بيت العريس شعيبيات ومامونية علىنغمة المزيكة والعريس بهدي عروستو هالصباحية هدية قطعة دهب وهيه بتهدي هدية بيجاما وروب ديشامبر ...وبتهدي أمو وأبوا وأخواتو العزابية في البيت
وهيك بتستمر الفرحة سبع تيام بلياليهون وبترجع العروس لتلبس فيهون روب عرسا
وتحضر جهاز بنتا متل جهازها واحسن
”وياكنة مصيرك تبقي حماية“
ويا أم العروس وحشة الدايمة
ويا أم العريس عقبيل البكاري.

هوووف والله بتتعب الصور هاد
لكن لعنون الحلوين تهون


التوقيع
أسمـعكـ تمشي وسط قلبي
وأناجيكـ
والناس تحسب مشيتكـ:
ـ ـ ـ ـدقــات قــلبي
مادرو عني
ونا كل اطرافي تناديك

التعديل الأخير تم بواسطة &Dolor Chica& ; 02-14-2010 الساعة 12:57 AM
&Dolor Chica& غير متواجد حالياً   رد مع اقتباس
قديم 02-13-2010, 12:53 AM   #3
-||[عضو النادي الملكي]||-
 
الصورة الرمزية Roraa
 
تاريخ التسجيل: Jun 2009
الدولة: Egypt
المشاركات: 25,909
مقالات المدونة: 33
معدل تقييم المستوى: 36
Roraa will become famous soon enough
افتراضي


تقاليد العرس السوري بيشبه شوي العرس المصري



ميرسي ياقمر على طرحك الجنـــــان



في حفظ الله ورعايته


التوقيع
اضغط هنا لتكبير الصوره

احلم واحلم واحلم اكتر واوعى حلمك يبقى كابوس
احلم قبل الحلم ما يغلى لو فاكر حلمك بفلوس
احلم واعمل واصبر واتقل مهما كان الحلم بعيد
راح يجى يوم واتحقق حلمك الاحلام مالهاش مواعيد
Roraa غير متواجد حالياً   رد مع اقتباس
قديم 02-24-2010, 01:54 AM   #4
-||[كبار الشخصيات في المنتدى]||-
 
الصورة الرمزية &Dolor Chica&
 
تاريخ التسجيل: Apr 2009
الدولة: ديرتي السعودية
المشاركات: 3,297
معدل تقييم المستوى: 14
&Dolor Chica& is on a distinguished road
افتراضي


اها اكيد اختي رورا مش قريبين من بعض

ونا افضل المصري مشان الجرة فيه اكتر

يلا عقبال ما اجي عرسك

والعفو يا اختي

واشكرك انا لتفاعلك معي

مع حبي

مخملية


التوقيع
أسمـعكـ تمشي وسط قلبي
وأناجيكـ
والناس تحسب مشيتكـ:
ـ ـ ـ ـدقــات قــلبي
مادرو عني
ونا كل اطرافي تناديك
&Dolor Chica& غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل حلقات المسلسل السورى الشتات الى الحلقه العشرون 20 !!!ADO!!! منتدي المسلسلات العالمية والعربية والبرامج التلفزيونية 5 01-07-2010 03:40 AM
محــتآجه لكم ’’ آرجو م الجميع الدخول kaki المنتدي الاسلامي (الشريعة و الحياة) 12 03-15-2009 05:49 PM
تحميل الحلقه السادسة عشر 16 المسلسل السورى باب الحاره الجزء الثالث 3 !!!ADO!!! منتدي المسلسلات العالمية والعربية والبرامج التلفزيونية 4 09-17-2008 02:58 AM
تحميل الحلقه السادسه 6 المسلسل السورى الحوت !!!ADO!!! منتدي المسلسلات العالمية والعربية والبرامج التلفزيونية 0 09-07-2008 03:30 AM


الساعة الآن 11:36 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.