قديم 02-20-2010, 03:07 PM   #1
-||[قلم من ذهب]||-
 
الصورة الرمزية نــوافــ
 
تاريخ التسجيل: Feb 2010
المشاركات: 199
معدل تقييم المستوى: 10
نــوافــ is on a distinguished road
افتراضي حـــــامــد الزيــــد


السلام عليكم ورحمة الله وبركاته



حبيت اهديكم وحدة من افضل القصايد اللي قريتها بالنسبة لي

وهي للشاعر الكويتي المميز : حامد زيد

واهداء لكم


ضاقت وساع الفيافي والوعد متن السفينه

للطريق اللي دعاني بعد أمان الله وأمانه

لاتناديني وصوني قلــبك الله لايهـينه

لايراهن في رجوعي لجل مايخسر رهانه

ليه ما أرحل عن غرامك بعد ماذقت الغبينه

أذكريلي شي واحد يستحق أقعد عشانه

قلـب ماحن لوصالي ماني بحاجة حنيــنه

وأشــهد أنه مايعـزر بالرفيع الا هوانه

الــهوى الغدار حد الله مابيني وبينــه

والرجل لاخير فيـه إن ماحفظ قدره وصانه

واحدٍ مثلي اليا من حدته عوجا سنينــه

ماشكى لقرب أبن ادم لوهو أقرب من أخوانه

يـوم قلبي ماعصاك وماقدرتي تذبحينــه

ليه خنتي فيه وأنتي معه من نفس الديانه

كان ذبحي بـيدك أرحملي من اللي تفعلينه

وأن طلبتك تذبحيني ماذبحتيــني لعانه

كل جرحٍ من جروحي تذكرينه .. تنكرينه

كن مالك في نزيفه يد خانت بالأمانه

ينـزف الخافق تـواضع لين لطختي جبينه

والا أنا ماكنت أبيها توصل لحد الأهانه

قلـت من باب الميانه صاحبك وتعذبينه

لعنبوك إرخي معاي أشوي ماصارت ميانه

طعت عقلك يوم قيل إن العقل للبنت زينه

لكن الشرهه علي اللي كنت أحسب إنك تكانه

من بعد ماكنتي أنتي في حشاي أغلى سجينه

بوعدك بطلق سراحك وأتهميني بالأدانه

وين رايح..؟ لأي دربٍ مايـرجع للمدينه

ليه رايح..؟ لان قلبك ماترك قلبي وشانه

كيف أبنسى.؟ ربي اللي ملهم القلب السكينه

مثل ماعانه بقربك لانوى فرقاك عانه

كان قاسي يجرح أطراف السكاكين السنينه

مايطيح وبنتٍ مثلك حبها هزت كيانه

والا أنا خابر خفوقــي مايمد الا الثمينه

وإن بغى يغيض الثريا قعد القمرى وزانه

مزعلٍ لجلك هنوفٍ رجـت عقول رزينه

وإن تهادت بالطريق الجرهدي تزهر جنانه

جادلٍ كن الجمال قبالـها كتف يديـنه

والقمر لو شاورت له ينـزح وتقعد مكانه

كانت أول من تحكم فـي فروع الياسمينه

وأن تعدتهن تثـنن خيزرانه .. خيزرانه

بعتها لجلك وصارت لأصغر أطرافك رهينه

وألا هي لفتة هدبها تغمرك ثقل ورزانه

والخفوق اللي تغذى مـن معزة والدينـه

مشكلته إنه تعلـق في زمن ماهو زمانه

كل مازادت جراحه وأكتشف غلطة ضنينه

صدقيه أن قال مابه شخص يستاهل حنانه

يـوم نادا يافلانه مارضيتي تسمعينــه

لين صوت يافـلانه ,يافـلانه ,يافـلانه

كنت أشوفك زعفرانه تقرض الورد وتدينه

يمكن أني ماقطفتك بس أشوفك زعفرانه

كنت أهاب البعد عنك وأطلبك لاتذكرينه

كان خوف من الفراق وخطوت الفرقا جبانه

وماقتنعت أن الخيانه للـرجل تلوي يمينه

لين ماربي بعثك وذقت من طعم الخيانه

إسمحيلي..مابقى فينـي مكـانٍ تطعنينه

وأقبلي من جوف قلبي كل عطفه وأمتنانه

والله الله في عذابك بتركـك عينك بعينه

دللـيه ولايرده عن شقـاك إلا لسانه

والا أنا قررت أسافر وأمتطي ظهر السفينه

لأن مابه شي واحد يستحق أقعد عشانه


تحــــاتي لكمــ..


التوقيع
اضغط هنا لتكبير الصوره




kaid
نــوافــ غير متواجد حالياً   رد مع اقتباس
قديم 02-21-2010, 04:46 PM   #4
-||[كبار الشخصيات في المنتدى]||-
 
الصورة الرمزية ™al3nood
 
تاريخ التسجيل: Oct 2009
الدولة: بــالحلم
المشاركات: 2,881
معدل تقييم المستوى: 13
™al3nood is on a distinguished road
افتراضي


صح لسانك وعلا شانك ياحامد

وتسلم ايدينك يانواف

على هالابيات الرائعه..

ونورت قسم الشعر بطلتــك..

تقبل طلتي

دمتــ كما تحب


التوقيع
هاديہ وأنا هوج العوآصف بـ عيني

اضغط هنا لتكبير الصوره

أبشركم ماما نجحت عمليتها ولله الحمد ،
وهذي هي كل يوم تتحسن عن اللي قبله بفضل من الله (=
..
™al3nood غير متواجد حالياً   رد مع اقتباس
قديم 07-18-2011, 02:10 PM   #5
-||[عضو فعال]||-
 
تاريخ التسجيل: Jul 2011
العمر: 28
المشاركات: 50
معدل تقييم المستوى: 9
اسير الجبال is on a distinguished road
افتراضي


هاد شاعر والله احبه واحترم كلامه
مشكور


اسير الجبال غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:50 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.