قديم 02-07-2011, 06:41 PM   #21
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


((البارت السابع))

اريام بغرفتهآ : ياربي اشلون الليلة اروح جمعة اروى وهالموضوع شاغلي بالي وتذكرت فارس يوم بالمستشفى : ياترى فارس يفكر بلي حصل ولابس انا لا لا مابي أأمل روحي وبالأخير يروح لغيري ياربي تختار الصلاح لي

ام يوسف بغرفتهآ: قاطع وطول عمرك قاطع
سامي ببيته: ههه الناس يسلمون قبل والله يحق لك تزعلين ادري اني مقصر
ام يوسف: وتعترف بعد
سامي: خلاص الليله العشا عندي انتي وبويوسف والعيال
ام يوسف: يعني تبي تراضيني بس ولايمك عيونآ تجي لك بس ترى البنات معزومين بيت عمهم
سامي: اجل خلاص أأجلهآ لبكرآ
ام يوسف: خلاص انت تعال عندنا وبالمرة انا ابغا اتكلم معاك بموضوع
سامي: ابشري الليلة عندك
ام يوسف: مع السلامة


بالليل السآعة ٧ ونص البنات يجهزون نفسهم لعزيمة آروى طبعا سارة قلبها يدق طبول تحس نفسهآ فرحانة ونفس الوقت مرتبكة اثناء ماهي بغرفتها تدور شي تلبسه رن جوالهآ
سارة:أهلين وسهلين ومرحبتين
نجود: هلافيك والله وباين فرحانين
سارة: دوبآ والله فرحانة يوم شفت اسمك انك داقة
نجود: ميرسي عمري من طيبك
اممم سارونة ابي اسئلك
سارة: أمري
نجود: لجين بنت عمتك مرتبطة
سارة: لآ اشفيه؟
نجود: بس اسئل
سارة: عيارة يانجود
نجود: ههههه بعدين تعرفين بس هآ بيني وبينك
سارة: اوكيشن
نجود: باي
سارة: سيآ


نور تجهزت والبست وضبطت شعرهآ رفعت جزء منه بمساك وجزء تاركته مسدول على اكتافهآ
ومنزلة خصل من قدام صاير جونآن شعرهآ

امانوار لبست بس باقي لها تضبط شعرهآ طلبت من نور تساعدهآ لمت شعرهآو رفعته كله على فوق ومنزلة قذلتها على جنب ومنزلة خصل صايرة مرة رهيبه

سارة طلت عليهم الغرفة طبعاسارة شعرهآ مفتوح : يالله تراني انتظركم تحت
نور ببتسامه : كلها دقايق ونلحقك

نزلت سارة والبست عبآيتها ودقت على عبدالله : عبود يالله خلصنآ
عبدالله: ٥ دقايق وعندكم
نزلوا نور ونوار والبسوا عبايتهم وهم نازلين: سارة متى بيجي عبدالله؟
سارة: دقايق بس
نور: سارونة
سارة: همم
نور: سمعنا بآبآ يقول ان علي تقدم لك
سارة: ايه صح بس لساتني افكر بينه وبين طلال
نور ونوار ناظروا بعض ورجعوا ناظروا لسارة: موانتي رافضة طلال
سارة وميلت راسها: كنت رافضة بس بعدين تراجعت قلت بفكر
رن جوال سارة وعطته مشغول: يالله جا عبدالله قوموا

طلعوا وراحوا على بيت عمهم سارة قلبها بيطلع من مكانه أول مادخلوا بعد مافتحت لهم الشغآلة شافوا تركي جالس بصالة نزلوا راسهم مستحيين
سارة بهمس وتحرك اصابعهآ : الله يرجك يآروى فشلة
نورمن بين اسنانهآ: سارة سكتي لايسمعنآ
تركي بيصعد لغرفته بدون لايناظر لهم ومعطيهم ظهره ويأشر بيده: دخلوا بالمجلس الي
على يدكم اليمين اشوي وتخلص اروى
راحو ودخلوا ونزلوا عبآيتهم وشيلاتهم نور: الله يقطع شرهآ اروى تقول لاتتأخرون وهي لسآتها ماخلصت
سارة وهي تلف عبآتهآ: عالأقل وصت الشغالة تدخلنا المجلس
نوار: ههههههههههه شكلنآ توحفآ واحنا واقفين
دخلت آروى عليهم كآنت لابسه فستان اصفر تحت الركبة كات وحاطة عليه شال عشان لما تطلع واخوانها كانوا موجودين<< تستحي خخ
سآرة راحت عند آروى سحبتها وسكرت الباب اروى مستغربه بس ساكته: اشلون انتي تحطينآ بهالموقف
اروى يادوبها تذكرت: هههه والله موقصدي بس ابد ماتوقعت تجون مبكر
نور ببتسامة خبث: لوكان احد ثاني بدل تركي كان سارة ماقالت شي
آروى وراحت بجنب نور وتكتفت: آفآ ياذا العلم لوادري خليت علي يتنصب بصآلة
سآرة ببرود اعصاب ومتخصرة: سخفيييين وربي
البنات: ههههههههههه
وجود ولطيفة توهم يجون ودخلوا عند البنآت وسلموا على بعض واسئلوا عن أخبار بعض
لطيفة: ياربي تعبت وانا اخطط في الكتب
نور: اقول لطوف كتابي لاتنسينه
سارة وتأشر على نور بصبعها وتناظر لطيفة تتريق: لطوف من صجك انتي مآخذه كتاب نور
نور: اسوير شو شايفتني
سارة كاتمة ضحكتهآ وحطت يدها على فمها: تبين الصراحة ماتوقعتك تتابعين اول بأول يعني توقعتك أكس
نور: من شابه اخاه فماظلم
وجود تحامي عن نور: حرام عليك سارة والله نور مرة تهتم بالمحاضرات
سارة بعدم تصديق: آهآآ
اريام حايرة : ماودي اروح أحس لوبروح مابكون مرتآحة مثل كل مرة
رن جوالهآ : اريام تأخرتي لجين بطريق ماباقي الا انتي
اريام ودها تقول ماراح اجي: خلاص بس يادوبني جهزت الحين بجي
سكرت اروى من اريام : الله يستر
لجين بتنزل من السيارة فتحت الباب بخبث: ماتبيني اوصل شي لأحد
بدر ابتسم: اقول بلا ماتنزلين احسن لك
لجين: ان شآء الله يأخ



>>>>يتبع


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 02-07-2011, 06:42 PM   #22
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


الكل جآ وسلموا على بعض
نوار: لجين متوقعين منهآ تتاخر
بس اريام غريبه تأخرت
لجين بخبث: والله مسيو بدر آخرني يعني موبيدي
نور حاولت بقد ماتقدر تتجاهل وتنسى احساسها تجاه بدر: افا عليك يالجين بيجي من يعدل بدر
لطيفة ووجود موفاهمين طبعا البنات خبروا بعض عن سارة ونوار بس اريام ماأحد يدري عنها غير اروى: آوه آوه آوه وسارة وقفت وقامت تصافر: وانا اشهد ان بدر بعدين بيقول آمري
نوار استحت بقوة بس ارحمتهآ اروى :بنآت بروح اجيب لكم تشربونه
لطيفة: نوار ترى موفاهمين شي
وجود: فهموني
نور : امم قريب بتفهمون لاتستعجلون
وجود ولطيفة ناظروا بعض: ننتظر هالقريب
اريام وتهف بيدهآ: بنات حر ولابس انا؟
سارة: لا بالعكس برودة التكييف زينة يمكن انتي
ضيفتهم آروى وجابت العصير وجلسوا يسولفون عن حال الجامعه ومذاكرتهم والبيت
لحد ماجا وقت العشا
وقاموا يتعشون
أريآم رن جوالهآ: هلا/طيب خلاص/ ان شاء الله/ نص ساعة وانا عندك/ في امان الله
اروى: على وين؟
اريام: سوري اروى ماقدر اكمل معاكم السهرة أمي تبيني ضروري
الكل: خسآره والله تمنينآك معانا
اريام ببتسامة: خيرهآ بغيرهآ ان شاء الله
لجين وهي تآكل: امم والله الكبه لذيذة اعترفي منو مسويهآ؟
اروى: هههه حوري ماقصرت والله احس تعبتهآ معآي

بعس ثلث ساعة الكل خلص ودخلوا عالمجلس مرة ثانية
اريام : يالله بنات اخليكم السواق ينتظرني برة طلعت بعد ماودعتهم واروى تسولف معاها على بال ماتوصل للباب
اريام: اروى قلت لك افكر هذا زواج مولعبه
اروى: والله مو عن اخوي بس تركي محظوظة الي بتآخذها والراي رايك
اريام وتضبط شيلتها: خير ان شاء الله مع السلامه سلمي على خالي
اروى: ان شاء الله مع السلامة
دخلت اروى لداخل للبنات
وجود: اروى
اروى: لبيه
وجود: طربآنه حدي
نور: رحنآ وطي
وجود: ليه
نور: لان حتى انا طربآنه هههه
اروى وتطق بصبعها :كملت بجيب لكم من سيديآت علي<<ناظرت لسارة بخبث
وطربوا
سارة تجاهلت نظرة اروى وسوت حالها تلعب بالجوال
صعدت اروى لغرفة علي بعد مادقت تستئذن منه وخذت سيدي لراشد الماجد ونزلت عند البنآت : يالله قوموا بس انتظروا اشغله
نور ووجود هيئوا حالهم والبنات قاموا يصفقون ويصافرون متحمسين... نور متعمدة تدلع عليهم باستهبال: شكرا شكرا خجلتوني
اشتغل السيدي اغنية(تنحط عالجرح يبرى) سارة تموت عالأغنية هذي
وقاموا يرقصون وهبلوا برقص وقامت لجين معاهم خذها الحماس
اروى بأذن سارة: علي تجن جنونه عالأغنية هذي
سارة وقلبها يدق تتريق: طيب شالمطلوب؟

عالساعة١٠ ونص مشوا وجود ولطوف ولجين
فارس وعلي بجنب بيت بوتركي فارس بسيارة فتح النافذة: علي قول لأختك تقول لخواتي يطلعون
علي ببتسامة خبث ويأشر على عيونه: من عيوني
فارس يبتسم: تسلم عيونك
دخل علي بالبيت وطق باب المجلس اروى: مين
علي: انا
نور واروى ونوار صفقوا: آووووه حركآآآت
علي سمع صوتهم وابتسم بقوة طلعت له اروى وتكتفت: آمر ياخوي
علي عرف انها تتعمد عشان تجنن سارة: اقول بلا لعانة وقولي لبنات العم فارس ينتظرهم برة

دخلت اروى بلعانة تنطق كلمة كلمة: اخوي الي اسمه علي الي واقف برة الي طق الباب .....
قاطعتها سارة سحبتها ومسكتها من شعرها بمزح مبتسمه: انتي سخيفه مافتك من نوير تجيني انتي مابعد اقول رايي وهذا انتي كذا
اروى: آي آآي يادوبآ تركيني

طلعوا البنات بعد مالبسوا عبايتهم اركبوا السيارة وعلي كان يكلم فارس من النافذة
فارس يناظر الساعه: يامعود مايمدي عالقهوة
علي: اجل خلها بكرآ
سارة منزلة راسها لانها قدام راكبه وقلبها يدق علي خذ له نظره سريعة بس سارة تجاهلتها
فارس: يالله بروح فيني النوم
علي: اوكي سلآم

وصلوا عالبيت وصعدوا على غرفهم سارة بتبدل الا وصلها مسج بس مافتحته الا بعد مابدلت وانسدحت عالسرير وفتحت المسج انصدمت



سامي ببيته جالس يفكر بالأتصالات والتهديدات الي جات له ورى عمه: معليه الأيام بينآ

حور: يوسف
يوسف ينطالع التلفزيون: همم
حور قربت منه تلعب بشعره: حبيبي عندك رحله اسبوع الجآي؟
يوسف: ايه ليه
حور: امم ابغا اروح معآك
يوسف نآظرها بتعجب:...........
انتهى البارت السابع
انتظروني بالبارت الثامن


0 أحلى ما خلق ربى
0 نـفـع و إسـتـنـفـع ~~ حـاجـه مــنا و لـيـنا -- مـتـبـخـلش عـلى نـفسك
0 ماتبين لبس ساتر ؟؟؟؟؟؟؟؟؟مش غصب!!!!!!
0 كلمات خطيرة ... لازم نتجنبها ... انتبه !!!
0 من 1 ل 5 وارمى عضو من الطياره
0 هل هذا اسمك ؟
0 حلـا النوتيلـا
0 انت تدري البنت لا عشقت وش ممكن يصير!؟
0 حــوار بـيـن الـحـور العين ... و نـسـاء الـدنـيـا ---
0 البنات والتشجيع وإعجآب
0 نصائح 2011
0 فيس بوك ( ابو لهب)
0 شـــــــــــــباب آخـــــــــــــر زمــــــــــــــــن !!
0 رسالة زوج لزوجته
0 بدلات رسمية ايطالية
التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 02-07-2011, 06:43 PM   #23
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


((البارت الثامن))

حور قربت منه تلعب بشعره: حبيبي عندك رحله اسبوع الجآي؟
يوسف: ايه ليه
حور: امم ابغا اروح معآك
يوسف نآظرها بتعجب:...........
حور عقدت حوآجبها وميلت راسها: ماعجبك كلامي خلاص بلاه
يوسف : حبيبي حور مومسألة مآعجبني بس اسبوع الجآي الرحلة على ماليزيا يومين وراجع بليز حبيبتي خليها برحلة اطول فيهآ لان هم انا ببالي الفكرة بس الظاهر انتي موبس سرقتي قلبي سرقتي افكاري
حور وعاجبها كلام وحركات يوسف وتعابيرة: اوكي حبيبي الي تآمر فيه
يوسف بآسها على جبينهآ..

فارس ضرب غرفة سارة : تفضل
فارس: مشغولة
سارة وبعالم ثاني: حياك ماعندي شي
فارس : ابغا اكلمك بخصوص موضوعك
سارة : موضوع علي
فارس ورفع صبعينه: الاثنين طلال وعلي
سارة: كنت انتظرك تناقشني بس الحمدلله ماخيبت ظني
فارس: انتي اشرايك؟
سارة بثقه: علي ولد عمي وانت ابصر بمشاعري تجاهه وطلال ماينعاب بس ابغا افكر قبل اتخذ قراري
فارس منصدم: افهم من كلامك بتفكرين بعقلانية بعيد عن عاطفتك قبل اي حاجة ترى يوم سمعت ان طلال تقدم لك وقفت بوجهم لان علي اساسا كان مكلمني قبل لاعمي يكلم ابوي
سارة استغربت بأن فارس ماقال لها من البدايةبدهشه: صج؟
فارس: ايه وليه مستغربه؟

سارة: لآ مستغربه لانك ماخبرتني من البداية
فارس: وهذا انا خبرتك والراي رايك اختاري الي تحسين قلبك مرتاح له
سارة نزلت راسها وتلعب باصابعها: ان شاء الله
طلع فارس من غرفة سارة سارة على طول رجعت لرساله الي جآتهآ وقرتها اكثر من ١٠مرآت ((يهمــــني!!..
أمِرك " وأحـــبــك "
وأداريكِ..
واسعد بشــوفك يامداوي جروحي..
لكِ بالحنايا موقع مايخليكِ..
لو قلت أبسكت!!
خافقي لكِ يبوحي..
"غلاكِ ملكــــني"
ما بها أي تشكيك؟؟
قليل في حـــقـكـ
ليا
قلت
"روحـــــــي"..))






المرسل:*******٠٥٠
<<< طبعا رقم علي

سارة فرحانة ونفس الوقت مستغربه ومصدومه من تصرف علي بصوت منخفض:ياربي اشفيه هذا أكيد انجن رسمي .. اشلون يرسل مثل هالرساله ..
ووبتسامة خبث: بس معليه ياعلي راح اخليك تتعلق فيني اكثر واكثر وبعدين راح احن عليك .. ذق اشوي من الي ذقته

علي بغرفته وينتظرها ترد ..: ياربي ماردت .. لايكون بس تضايقت من رسالتي .. والله بس كنت ابي ابين لها اني احبها واحرك مشاعرها تجاهي.. آآه ياربي..
خلني انام قبل لاتضرب فيوزي من التفكير..

اريام : يمة يعني الحين انتي داقة علي ببيت عمي وضروري ضروري.. عشان موضوع تركي ..
شريفة:ايه يايمه تركي كلمني قالي هآآ عمة متى بترد ..
اريام وبزفره : يمه خلاص سكري الموضوع..
شريفة بانفعال: وليه اسكره وانتي اساسا مابعد تفكرين وتونا يومين اواقل يمكن من كلمني خالك ..
اريام :أجل خلاص خلوني على راحتي وصدقوني والله اذا قررت راح اقول لكم رايي ..لاتخافون مابتأخر بالكثير خلوني اسبوع..
شريفة بحنيه ويدها على كتف بنتها:ان شاء الله يايمة سامحيني لو ضغطت عليك بس منى عيني اشوفك عروس ..
اريام ببتسامة :الله يكتب الي فيه الخير.. يالله يمة بصعد انام ..وباست راس امها :تصبحين على خير
شريفة :تلاقين خير يايمه

اريام صعدت غرفتها وسكرت الباب وتسندت عليه وانظارها توجهت لصورة على طول راحت وضمتها وهي تبكي : آآه يالغالي .. تمنيتك بهاللحظة جنبي .. تحس فيني . تطبطب علي صحيح امي مومقصرة ومعوضتني بس انت تعرف شكثر احبك واشكثر احس بوجودك ..
وبعدها حطت الصورة مكانها>>صورة ابوها ..
وانسدحت عالسرير وحاولت تنام ..وبعدها نامت ..


نور منسدحة عالسرير : نوار .؟
نوار تلعب بالجوال : هممم
نور : فكرتي بالموضوع ..
نوار التفتت : تصدقين والله مافكرت فيه عدل .. لساتني يبي لي وقت
نور : تكفيين وافقي ..
نوار وعدلت جلستها : ليييه .. مصره اوافق .؟
نور : بدر يستاهل وطيب ورجل وماينعاب وانتي تستاهلينه يعني اثنينكم تستاهلون.. وحطي ببالك ان اذا رفضتي عشاني ترى انا ماراح اوافق لو جالي لان تدرين وجهة نظري تجاه هالشي ان الواحد يخطب غيري قبل..
نوار : عارفة انك بتقولين ماحب اخذ فضلة غيري.. بس هذا ولد عمتنآ..
نور: حتى ولو .. تتذكرين الي خطب سارة ورفضت وقالوا يبوني..
نوار : ايه
نور: انا رفضت على اساس هالشي .. لان ابصراحة .. أحسها اهانة بحقي..
نوار : تفكيرك مو منطقي مع احترامي لك .. بالعكس هذا كتبة الله .. يعني المفروض ماتقولين فضله وما فضله ..خلاص يمكن هالشخص يكون لك انتي حتى لو خطب الف قبلك ..
نور : كلامك صح ..بس ماراح اغير وجهة نظري لو شيصير..
نوار وميلت راسها ورفعت كتوفها: ابراحتك يانور ..





في اليــــــــــــــــــــــــــــوم الثاني ..

العصر الساعه 4 الاربع ..

خالد وربعه ..وعبدالله وربعه في طعووس وكل واحد وي ربعه الربع جلسوا عاالمدرجآت ..
فواز وفيصل وفهد ربع عبدالله جنب بعض .. ونايف ولؤي واحمد وحمد ربع خالد على المدرج نفسه بجنب بعض وشباب يشجعون الي يميلون له من عبدالله وخالد ..


>>>> يتبع


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 02-07-2011, 06:44 PM   #24
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


قام فيصل من مكانه وراح عند عبدالله ويده على كتف عبدالله : عبود تكفى لاتفشلنا ارفع راسنا واكسر راس خوويلد ..
عبدالله ويغمز للفيصل: ابشر بن عمي ..

احمد راح جهة خالد ويعقد حواجبه >>صديق خلوود بقووة : اقول خلوود انا ولد عمك ابيك تكسر مجاديفه ..
خالد ببتسامة انتصار واستفزاز لعبدالله : افا عليك .. انت شووف الحين ..

كل واحد بعد عن ربعه وعبدالله يمشي بكل ثقة ويمشي مقابله خالد ومبتسم ابتسامته الي تستفز عبدالله ..
وتقابلوا وجه لوجه وخالد ابتسامته مافارقته وكأن يقول لعبدالله انا الي راح افوز بالتحدي ..
عبدالله وابتسم ابتسامه جانبيه وناظر خالد من فوق لتحت.. خالد هز راسه ومشى عنه وعبدالله مشى وكل واحد ركب سيارته الي راح يطعسون بها في الطعووس
والشباب بدوا يصاافرون ويصفقون ويغنون كل واحد للي يميل له ..
الحكم بدأ يعد .. 1 2 3 ... انطلاااق..

انطلقوا

سيارة عبدالله غرززت في الرمل يحاول بقدر امكاانه انه يتعدى هالعرقله
خالد كل ماصعد بسيارة انزلت ..وكل واحد منهم يحاول انه هو الي يصعد للنهاية طعووس ..









بدر: يمة مادقت مرت خالي او خالي ..
لجين ببتسامة :ياعيني .. كل هذا غرام وانا مدري.. حركات ياخوي
بدرببتسامة: ورى ماتسكتين .. لأجي اشدك من شعرك
لجين :ههههههههه ان شاء الله انت تآمر..
مريم :لا لان انا قلت لهم خلوها تفكر لاتعجلونهآآ ..
بدر يحك راسه وغمض عين : عدل ..

يوسف بما ان ماعنده اشغال بشركة جنب ابوه ..
يسوولف ويحكي عن الشركة واخبارها ..
بويوسف: اسبوع الجاي عندك ارتباطات ..
يوسف :ايه والله عندي رحلة لماليزيا .. ليه .؟
بويوسف: لا بس جا على بالي نطلع البحر احنا وبيت عمك وعماتك ..
يوسف : اجلوها لشهر الجاي ..اتوقع اني افضى..
بويوسف :خير ان شاء الله
جات رساله على جوال يوسف وفتحهآ : ((ليتنـــي بحضنـــــكـ طول الأيـــام مسجون
وأقول حطوا من ورى القفــــل قفليــن..
تلمنـــي بالحيـــــــــل .. ماقـول بالهووون
حتـــى نصيــر بجسم واحـــد وقلبيــن..
مفتون بي وآنــا بعد فيــــكـ مفتووون
وتقـــول ياحبــــي وآنـا أقوول (((لبيـــهـ)))

المرسل : الحب ..>>حور

يوسف ابتسم بقوة .. ورسل رساله ((من يقول انساك!!
يكذب مانسيتك ,, كيف وانت القلب من دونك عصانى؟
انت لو تظما من عروقى سقيتك ,,
وانت لو تبعد يصير العمر فانى,,
وانت لو يقسى زمانى ماجفيتك,,
كن ربى عن هوى غيرك نهانى))
المرسل : دنيتي >>يوسف

حور ابتسمت بقوة وفرحت .. وضمت الجوال بين يدينها ..

نرجع لعبدالله وخالد ..

عبدالله : حآول يتعدى المرحلة الصعبة وصعد بس للأسف نزلت السيارة .. مرة ثانيه
خالد : داس بكل ماعنده وبكل قوته وصعد لنهاية ..
والكل صوت ويصافر ويصفق عدا ربع عبدالله الي انصدم والي انقهر على عبدالله وعلى طول راحوا لعند سيارة عبدالله بعد مانزلوا من طعوس..
وربع خالد حضنوه وبوسوه من الفرحة وبعدهآ ارفعوه فووق وهو البسمه مو مفارقه شفته ..ويناظر عبدالله ويبتسم ابتسامة النصر.. وبعدهآ اشر لربعه انهم ينزلونه
ونزلوه وضبط نفسه يعدل ملابسه ويمسح على تي شيرته بطريقة تستفز عبدالله .. راح لعند عبدالله واشر عليه وعلى ربعه : شفت اشلون وطيت راسك وراسهم في الأرض ..
عبدالله ناظره بنظارات احتقار ورفع حاجبه : تكفى عآد ياعنتر زمآنك ..
خالد والتفت على ربعه ورجع نظاراته لعبدالله : مسكين يابن العم >>عبدالله فار دمه خلاص ماقدر يمسك نفسه ..
رفع يده وعطى خالد رااشدي >>كف
خالد مازالت ابتسامته مثل ماهي وربعه كانوا بيفزعون بس اشر لهم بيده انهم مايتحركون : قدهآ ؟
عبدالله : قدهآ وقدود ..واعلى مافي خيلك اركبه ..
خالد باستفزاز لعبدالله : بس ماكان اتفاقنا كذا ..
عبدالله : انا ماعندي اي اتفاق مع هالاشكال .
خالد ببرود اعصاب يضرب كتف عبدالله عالخفيف : بتندم يابن العم
عبدالله بعد يد خالد عن كتفه :لاتقرفني اكثر يكفي وجودك ..
خالد >>وصل حده تحمل بما فيه الكفايه .التفت على ربعه وصافر لهم بصوت عالي .. : الفزعة ياشباب ..
ربع خالد على طول على عبدالله وربعه وعبدالله قدر يفلت من خالد وعلى طول فتح السيارة وطلع السكين.. :قرب ..والله لاغرز هالسكينة بكتفك ..
وقامت االفزعة بين ربع عبدالله وخالد وبين خالد وعبدالله خاااصة..


اروى : اقول تركي
تركي يقرأ بالجريدة: اسمعك
اروى: تتوقع اريام بتوافق
تركي نآظرهآ : الله العآلم بس اتمنى موافقتها
اروى: انا حاولت اكلمهآ بس
قاطعها تركي وحط الجريدة عالطاولة بحدة: مين قالك كلميهآ انا شكيت لك الحآل
اروى والقهر بعيونهآ: لا بس انا ابي اجس نبضها
تركي بزفره: الله يجيبك ياطولة البال وطلع هو معصب
اروى انقهرت من اسلوبه اول مره يكلمها بهالأسلوب صعدت غرفتهآ ورمت نفسها عالسرير وضلت تبكي لحد ماغمضت عينهآ

نواف: يابن ال**** تسبني انا اعلمك وضرب لؤي بوكس بفكه

أحمد بكس فيصل ولآقال بس
خالد وعبدالله زادت الهوشه بينهم خالد: اذا فيك خير تجرأ واضرب كتفي
عبدالله: والله لاشرب من دمك
عبدالله تقدم لخالد وغرز السكينة بكتفه
خالد بألم: آآآه

الشباب الموجودين حاولوا يفكون بينهم بقد مايقدرون بس ماقدروا
راح واحد من الشباب لسيارة عبدالله واخذ جواله ودق على فارس: السلام عليكم
فارس مستغرب من هالصوت: وعليكم السلام
الولد: لوسمحت انا فاعل خير دقيت من جوال اخوك لان حاولنا نفاكك بينهم هو ولد عمته بس ماقدرنا وصلت لسكاكين
فارس يحس تفكيره انشل وقف من الكرسي: خلاص انا جاي بس وين انتوا
الولد: عند طعوس
فارس: جاي جاي وسكر الجوال على طول استئذن من المشفى ودق على بدر وعلمه السالفة وقاله يجي عشان يشوفون حل لاخوانهم

بدر: قربت اوصل
فارس: بنزل الحين انا وصلت

نزل فارس وراح قريب عندهم الا بجية الشرطة بعد ماخبرهم شخص ثاني
فارس انصدم من وجود الشرطة راح لعند اخوه الي تركوا الهواش بعد مالمحوا لسيارة الشرطة: ليه كل هذا ياعبدالله
عبدالله يحترم فارس منزل راسه: استفزني وماقدرت امسك اعصابي
جا بدر وعلى طول راح بجنب فارس: وين خالد؟
فارس بقهر: انقلوه للمستشفى لان نزف طبعا بعد اذن من الشرطة لان راح يصير سين وجيم
عبدالله ساكت الكل استدعوهم بمركز الشرطة عدا خالد واحمد الي راحوا المستشفى بسيارة الشرطة الثانية
فارس وبدر ركبوا سيارتهم ومشوا ورا سيارة الشرطة طبعا كل واحد دق على ابوه عشان يقدرون يحلون المشكلة بشكل ودي بوبدر وبويوسف مفتشلين اول مرة يدخلون مراكز شرطه



عالساعة ٧ المغرب

تركي طق باب غرفة اروى بصوتها المبحوح: مين
تركي: ممكن ادخل
اروى بقهر: ادخل
تركي فتح الباب ووقف عنده وببتسامه تشرح القلب: زعلآنة مني
اروى دموعهآ نزلت ودفنت وجهها بالمخدة وتبكي
تركي انقهر عليها وراح لعندها بعد ماسكر الباب وجلس على طرف السرير وحاول يرفعها: اروى حبيبتي قومي والله ماكان قصدي
اروى ولازالت وضعها وتشاهق ببكائهآ: انت طعنتني ياتركي
تركي بنبرة قهر: طيب ارفعي راسك انآ رجعت البيت والله عشآنك... رفعهآ تركي واروى ماكسرت بخاطره ارفعت راسها برضآها وحضنهآ تركي: حبيبتي اروى ابغاك تفهمين ان انا وقتها كنت متضايق ومدري شلي خلاني ارفع صوتي سامحيني حبيبتي
اروى وهدت نار قهرها بصوت شبه مسموع: خلاص مسامحتك بدون لاتقول اساسا انا مسامحتك
تركي بعدهآ عن ورفع راسها: فديت هالسماح وصاحبته









انتهى البارت الثامن
انتظروني بالبارت التاسع





التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 02-07-2011, 06:45 PM   #25
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


((البارت التاسع))


اروى ولازالت وضعها وتشاهق ببكائهآ: انت طعنتني ياتركي
تركي بنبرة قهر: طيب ارفعي راسك انآ رجعت البيت والله عشآنك... رفعهآ تركي واروى ماكسرت بخاطره ارفعت راسها برضآها وحضنهآ تركي: حبيبتي اروى ابغاك تفهمين ان انا وقتها كنت متضايق ومدري شلي خلاني ارفع صوتي سامحيني حبيبتي
اروى وهدت نار قهرها بصوت شبه مسموع: خلاص مسامحتك بدون لاتقول اساسا انا مسامحتك
تركي بعدهآ عن ورفع راسها: فديت هالسماح وصاحبته

في بيت بويوسف .. ام بدر وام يوسف .. ينتظرون جيت الرجال على احر من الجمر ,.. والجوالات ماسكتت .. والبنات
خاايفين .. على خالد وعبدالله وان المسائلة تكبر بين العايلة ..
شريفة خافت على ولد اختها وولد إخوها وعلى أخوانها نفس الوقت واختها شالت نفسها ومع بنتها على بيت اخوها محمد

في مركز الشرطة...
الضابط: أنا الحين مآقدر اي حآجة الا لحد ماخالد يتشآفى
ونسمع اقواله
بويوسف بعصبية: بس انا اقول لازم القانون يآخذ مجرآه
وانا مع الحق حتى لوعلى ولدي
بوبدربهدوء: هد اعصابك يابويوسف مآيصير كذا حضرة الضابط خلاص انا نيآبه عن ولدي متنازل
الضآبط: وانا قلت لكم ودي تحلونها بشكل ودي بس المشكلة مانقدر نسوي اي حآجة الا بعد مايقوم خالد بسلامه
الكل سآكت
الضابط: خلاص انا استئذن عشان تتفاهمون وتآخذون راحتكم
طلع الضابط وفارس وبدر واقفين قريب من الباب فارس رايح جاي بالممر ومتوتر ويحك ايدينه ببعض اما بدرمسند راسه عالجدار وثاني رجله على الجدار وواصل حده

شافوا الضابط طلع واستئذنوا منه بيدخلون ورخص لهم الدخول

فارس عند رجول ابوه وابوه عالكرسي: يبه تكفى أهدأ لاتغيض حالك
بويوسف : اشلون أهدأ واخوك وطى راسي بتصرفه الشين آخ بس لواشوفه الحين
بوبدر: رحت لاخوك يابدر المستشفى
بدر: لا يبه
بوبدر بحدة: شنو تنتظر روح له بسرعه
بدر: طيب ان شاء الله
بوبدر: يابويوسف والله موحلوة بحق عبدالله ينسجن
بويوسف: بلعنه خلى يتأدب بكرآ لو ماسجنوه بكرآ بيسويهآ مرة ثانية وبيقول بتعدي
فارس: بس يايبه الناس شبتقول
بويوسف وقف: مابتقول كثر ماهي جالسه تقوله الحين وخلاص اعفوني من الموضوع واخوك خبره ان مالا مكان بالبيت وطلع من مكتب الضابط
فارس انصدم ماتوقع ابوه يتخذ القرار هذا بيوم من الايام بحق اي احد من اخوانه حط يده على راسه من القهر وجلس
بوبدر: لاتفكر ان شاء الله بتنحل هوبس من التوتر قال كذا
سارة: يوسف وينك
يوسف: انا بسيارة راجع للبيت خير فيه شي
سارة: تعال وبتعرف كل شي ماقدر افهمك عالجوال
يوسف: دقايق وجاي

بالمستشفى بعد ماخذت الشرطة خوي خالد للمركز
خالد يتالم من الجرح:آآخ ياكتفي
بدر واقف متكتف: ابغا اعرف شصار بينكم فشلتونآ انت وولد خالك
خالد بنرفزه وعافس وجهه من الألم: روح اسئل ولد خالك هالتبن
بدر: للأسف ودي سئلته بس بالتوقيف
خالد رغم الألم ابتسم باستهزا: يستاهل

ببيت محمد
ام يوسف مقهورة: حسبي الله عليك ياعبود كأنك بتصير نغمه لي
مريم: لاتدعين عليه ادعي ان الله يسهل امره ويهدآه

شريفه: الله يهداهم ماكأنهم قرايب
لجين: هلابدر
بدر: هلا
لجين: اشصار عليهم
بدر: عبود بالتوقيف وخلود
هذا هو صار زين
لجين: لاحوول
بدر: اقول بسكر الحين وبجيكم

يوسف دخل البيت : هآ اشصاير وبينه وبين نفسه: غريبه الكل مجمعين

سارة وقفت عند اخوها: يوسف بقولك بس لاتعصب
يوسف بانفعال: قولي
سارة قالت له السالفه كلها يوسف طلع وهو معصب حتى من غير لايسلم على الموجودين وراح لشرطه على طول

فارس بخوف: انت شلون دريت
يوسف بعصبية: مومهم ابوي وين..!
بوبدر: هد من عصبيتك يايوسف المشكلة ماراح تنحل بالعصبية
يوسف الاوبدخلة الضابط: ليه والأخ خلى فيهآ اعصاب
الضابط: هآ يابوبدر شنو ارسيتوا عليه؟
بوبدر: مثل ماقلت لك أترك الولد على كفالتي وان شاء الله لصار خالد تمام يصير خير
يوسف ساكت وواقف متكتف وفارس المسكين ابتلش بلي قاعد يصير
الضابط آمر احدى العساكر يجيبون عبدالله وطق الباب: اتفضل
العسكري:سيدي عبدالله محمد برى
الضابط: خلى يدخل
عبدالله وحآلته حآله من بعد الفزعة فارس متحسر على الي يصير باخوه والي سواه اخوه
يوسف متكتف ويناظر اخوه باحتقار: والله ورفعت راسنا اشهد لك يأخ
عبدالله هز راسه بسخريه على اخوه
يوسف بيرفع يده يعطيه كف الا وقفه صوت الضابط: رجاء اخ يوسف بلآه الضرب
يوسف ناظر لضابط:..............
الضابط: ياعبدالله أحنا اخذنا اقوالك باقي اقوال ولد عمتك اذا شفنآها تطابق مع بعضهآ هالشي راح يخفف عليك طبعا الحين راح تطلع بكفآله بوبدر


بدر: هلا علي
علي: هلا فيك
بدر: دريت بلي صآر
علي باستغراب: لا شوصار
بدر علمه السالفة كلها
علي مصدوم: آوووه شلون يصير كذا خلاص انا جايك انت وين
بدر: رايح لبيت خالي محمد
علي: ربع ساعه وعندك سلام

طلعوا من مركز الشرطه بوبدر مشى من يمهم
: ايه خلاص مثل ماقلت لك شنطة صغيرة جهزي لعبود ولي ملابس قد اسبوع
سارة: طيب ماقلت لي ليه ..؟
فارس : لما اجي اخذها اقولك لي ..
سارة : طيب اوكي ..

يوسف : على وين ..ان شاء الله ؟
فارس : عبدالله خذ مفتاح السيارة وروح شغلها على بال ماجي .. راح عبدالله يشغل السيارة ..شووف يوسف لاتزيد على عبدالله فوق طاقته لان هو متندم باين عليه من عيونه
وخالد هم ماقصر استفزه .. وانا فهمت من الشباب لاهم ربع عبدالله ولا هم ربع خالد انا خالد هو الي بدأ المعركة .. ويتحملها وانا بدق على خالي سامي يشوف لنا صرفه ..
يوسف: ماعندي كلام اقوله اذا انت وواقف صفه
فارس: انا واقف مع الحق ... مع السلامة انا بمشي ..
يوسف وفاؤس كل منهم راح على سيارته ..


علي : هآ بدر اشفيك مادخلت ..
بدر واقف ومتسند على سيارته بجنب بيت خاله محمد: والله قلت انتظر فارس استحي ادخل ولا في رجال ..
علي يغمز : لالا بدر يستحي .. اكيد رحنآآ وطي ..
بدر رفع حاجبة : تنكت وي فيسك..
علي: أووب ماتنتحاكى ..

وصل بويوسف جنب البيت بعد مالف بسيارته عشآن يحاول يلاقي حل للهلمشكلة :خير علامكم واقفين هنآ ليه مادخلتوا داخل..
بدر: سلامتك خالي مافينآ شي .. بس استحيت ادخل ولا في أحد من الأولاد ..
بويوسف :اشدعوة تعال وانا خالك ..وانت ياعلي يالله دخلوا داخل ..
دخل بويوسف ووراه علي وبدر كل الي بصاله التفتوا وقاموا من مكانهم أأشر لهم بويوسف أنهم يدخلون دآآخل ..
ودخلوا :يالله علي وبدر دخلوا ..
دخلوا وجلسوا .. وراح بويوسف داخل عند الحريم والبنات
ام بدر : هآ ياخوي شصاار .. أحنا على اعصابنا وانتوا للآن ماعطتونا غاية ..
بويوسف جلس معاهم بالمجلس : ...........
ام يوسف: بويوسف يرحم والديك لاتسكت قول اي حآآجة ..
بويوسف مقهور : شقول .. انا حتى لو بوبدر تنازل انا ماراح اتنازل .. ولدك وطأ راسي بالارض بتصرفه هالشين ..
وللعلم انا خبرت فارس حتى لو طلع الليل من التوقيف .. مالا مكان ببيتي يدور له ملفآ ثاني يروح فيه ..
أم يوسف ودمعتها بعينها من القهر: يابويوسف مهما صار هذا ولدك ..
شريفة : ياخوي مو انت الي تتخلى عن اعيالك حتى بأشد المواقف ..

وصلوا يوسف وفارس وعبدالله.. عبد الله مانزل من السيارة ..يوسف وفارس دخلوا بالبيت وشافوا علي وبدر جالسين .. علي على طول فز عند فارس ومسكه من كتوفه : فارس اشلون ماتخبرني
مادريت الا من بدووور..

فارس بزفره : والله ياعلي ماجا على بالي لان شوفة عينك تبهذلت بالمركز ..
علي وفارس عند الباب .. وااقفين
يوسف وهو يمشي رايح لعند بدر وحط مفتاحه على الطاولة : والله ماحد جابرك تتبهذل على حساب هالاشكال..
بدر: بس مهما كان هذا اخوه ..
فارس تنرفز من يوسف بس سكت : هلا سارة
سارة : اهلين
فارس: جهزتي الشنطة
سارة: ايه بس ماعرف اطلع لان بدر وعلي برة ..
فارس: خلاص خلاص وينها وانا اروح اخذها ..
سارة: عموما عرفت سالفة الملابس والشنطة الله يهدى ابوي .. بغرفتك تركتهآآ.
فارس: يعطيك العافيه خلاص..
تحرك فارس من مكانه وعلى طول صعد غرفته على اساس ياخذ الشنطة علي راح لعد بدر ويوسف ..

سارة برجآ: يبه بس هذا اخوي مهما كان ..تكفى يبه ..
بويوسف: بس ولا كلمة مابي اسمع من احد شي ..

ام يوسف انقهرت ونزلت دموعها على ولدها .. ام بدر وشريفه يهدون فيها ..

طلع بويوسف الا بنزلة فارس من الدرج واستغرب من الشنطة الي ماسكها بيده.. : هآ على وين العزم؟
فارس: سلامتك يبه .. بس عمي بوبدر طلع عبدالله على كفالته من التوقيف لحد ماياخذون اقوال خالد.. وانا بحجز لي مع عبدالله بفندق .. مايدعيني قلبي
اتركه لحاله..

بويوسف : سووا الي تبونه بس بيتي يتعذره ..
فارس : لاحول .. خلاص يبه عن اذنك>>باس راس ابوه
وكل يوم انا ان شاء الله بجي عندكم عشانك وعشان امي وخواتي ..



يوسف : يبه هذا احسن شي سويته يستاهل التبن ولدك والله لو انا مكانك لأقبره ..
بويوسف بصوت مرتفع: خلاص يكفي . . بكرة لما تصير ابو يايوسف سوا بعيالك الي تبيه ويالله انا صاعد .. يكفي الي شفته اليوم..

وصعد لغرفته ..

بدر وعلي ساكتين .. يوسف وفارس عيونهم متعلقة ببعض .. فارس استصغر يوسف ورفع حآجبه ومشآآ عنه ..
وتراجع .. ودق على جوال امه .. على طول ردت : فارس يمه وين اخوك ..
فارس: يمه لاتخافين معاي .. بس انا ابغاك طلعي لي..
ام يوسف: يمة انا ماعندي عبآيا واعيال عمك وعمتك برآ وصعبة ادخلي المجلس والبنات بيلبسون عبايتهم ..
فارس: ان شاء الله..
دق الباب ودخل ..
وكلهم التموا حوليه عماته وامه وخواته .. نوور: فارس تكفى وين عبدالله نبي نشووفه ..
فارس وهو هايم بتعابير ملامحهم وقلبه مكسور على أمه وخواته : اهدوآآ أهدوآآ عبدالله معاي برآآ بسيارة عمي بوبدر طلعه على كفالته ..
ام بدر: الحمدلله يارب .. خالد شخباره ..؟
فارس: الحمدلله صار احسن بكرآ بياخذون اقواله ..
شريفة : فارس والي يخليك نبي نشوف عبدالله ..
فارس : ان شاء الله بس اذا تبون تشوفونه طلعوا برى الحديقة وشوفوه .. لان ماراح يدخل..
ام يوسف: وليه مايدخل .. مو على كيفه ..
فارس: يمة والي يرحم والديك .. لاتنسين كلام ابوي .. وتدرين عبدالله كرامته ماتسمح له يدخل .. تعالوا بالحديقة وشوفوه لان انا معاه بنأجر لنا بالفندق..
سارة : ايه معليه اهم شي نشووفه ..

ام يوسف بقهر: امري لله..


اطلعوا المحلين على عبدالله بعد ماكل واحدة خذت عباة الثانيه اريام خذت عباتها سارة ولجين خذت عباتها نور ونوار انخشت بعباة عمتها شريفة ..
وأم يوسف خذت طلبت من الشغالة تجيب لها عبآيآ عشآن تتحجب من بدر وعلي الي جالسين برى..

بدر: خطآك السو خالة ..
ام يوسف: خطاك اللاش..
علي : ماعليكم شر ياخالة ..
ام يوسف: الشر مايجيك .. عن اذنكم انا بروح اشوف عبدالله ..
يوسف تنرفز ان الكل مهتم لعبدالله وكأن مو غلطان .. وصعد على طول لجنآحه ..

بالحديقـــــــــــــــــــــة .. الكل ينتظر عبدالله وقلبهم متلهف لشووفته..

فارس طلع برى : عبود يالله انزل ..
عبدالله : والله ماني بنازل الا لما ابوك يتراجع وبنفسه يقولي ادخل .
فارس : بلا مكابره وبنهاية هو ابوك طيب .. لاتدخل بس بالحديقة امي وخواتك وعماتك يبون يشوفونك قبل لانروح ..
عبدالله : عشآن امي .. بس..
فارس: طيب يالله ..

نزل عبدالله طبعا وضعه مثل ماهو الدم بثيابه .. وبنطلونه المنمزع عند الركبه ودخل عندهم على طول التاموا عليه واحضنوه وخنقته العبرة بس كاابر وماخلى دمعته تنزل ..
ام يوسف: ليه سويت كذا يايمه ليه ..
عبدالله ومستحي من ام بدر : .........
أم بدر : ام يوسف لاتزيدين عالولد مو قت العتب .. أجلي كل شي لبعدين ..
نور ودموعها بعيونهآ : عبدالله تكفى .. لاتروح .. والله ماتعودنا على عدم وجودك ..
عبدالله بقهر : خلاص شبعتوا مني .. اقدر اروح .؟
ام يوسف: ولا عمري بشبع منك انت ولدي .. انت ضناي اشلون تقول هالكلام ..
عبدالله باس راس امه وبعدها عماته : يمه مع السلامة انا بمشي ماكنت بعتب حتى الحديقة بس لما غلآآك وغلا خواتي وعماتي ..
فارس ومسك عبدالله من كتفه : يالله مشينآ .. يمه بكرى راح امر عندك ..
سارة وقلبها مقهور: فارس تكفى انتبه لنفسك ولعبدالله..

شريفة تهمس باذن فارس: حاول تطلع اخوك من الي هو فيه شكله ماينطمن
فارس بهمس: ابشري عمه من عيوني .. ((ويأشر على عيونه))


الكل دخل لداخل .. وهو مقهور ..

بدر وعلي طلعوا بعد ماسلموا على ام يوسف ..

ام بدر: يمه لجين يالله اخوك ينتظر ..
لجين بهمس لنوار تنغزهآ: بدر ينتظر >>فاضية ^_^
نوار: لجين .. قد مرة احد قالك انك فااضية ..
لجين : آخس اسفه .. يالله باي ..

الكل مشى على بيته بعد ماسلموا على ام يوسف وبناتها ..

حور : يالله خالة تصبحين على الف خير ولا تحاتين ان شاء الله .. الي ربي كاتبه يصير ..
ام يوسف: والنعم بالله .. تلاقين خير..

صعدت حور واستغربت انها لاقت يوسف نايم حتى ماعبرها بمكالمة .. يخبرها ان هو جآ ..
بس ماعطت الأمر اهمية ..
بدلت وبعدهآ نامت ..

البنات كل واحدة راحت لغرفتها ونامت ..
ام يوسف طول الوقت تحاتي بولدها .. وفكرت تدق على فارس بس ترددت .. : خلني بكرة الصباح ادق عليه ..
قامت وتوضت وصلت لها ركعتين تدعي الله ان يسهل امر ولدها ويلين قلب ابوه عليه ..





بعد اســـــــــــــــــــبوع من الأحدآآث ..

بويوسف ..ماغير رايه وجازم على قراره ان عبدالله مايعتب باب البيت
ام يوسف.. حاطه بخاطرهآآ حاولت تقنع بويوسف بس مارضآآ
يوسف .. رجع من رحلته الي بماليزيآآ .. لاجديد ..
حور ..تأخرت عليهآآ الأخت .. وشكت بوضعهآ انها حآمل.. ^_^ >> باقي لها سمستر وتتخرج من الجامعه في غلط بالبداية كتبت تخرجت ((سوور ي))
فارس.. مع اخوها بالفندق وحآول ان يخفف عنه ويحسسه بالأمان وضل متابع مع اخوه وخبر خاله .. عن القضية وصار خاله يحامي عنه ..
سامي: لاجديد ..
عبدالله .. حالته النفسية تعبآآنه ..بس متحمل .. لجل مايتعب اخوه معاه اكثر ولا يحمله فوق طآقته ..
سارة .. لازالت تتظاهر بتفكير بين علي وطلال ولا هي اختارت علي بس تبي ترفع ضغط علي..
نور .. خبرت وجود بلي صار .. وجود انهارت لدرجة اغمى عليها واهلها انقلوها للمستشفى بس رقعت السالفه وقالت ان هي راسها مصدع ..
نوار .. وافقت على بدر ..
ام بدر.. فرحت بخروج ولدها بسلامة وفرحت بخطبة بدر نفس الوقت وصارت عندها الفرحة فرحتين ..
بوبدر : لاجديد سوى الفرحة الي فرحت ام بدر..
خالد..طلع من المستشفى بعد ماسمعوا اقواله وطبعآ ماراح يتنآزل على الطعنة الي طعنها اياه عبدالله بس بضغط من ابوه تنازل ..
بس الشرطة قررت ان لازم القانون ياخذ مجرآه ونجازي عبدالله بعقاب على الي سوااه وراح يجلدونه .. عشآن لايكررهآ مع أحد ثاني
اما ربعهم حكماهم لمدة 3 شهور ..
بدر..فرح والدنيا مو سايعته يوم سمع موافقة نوار ..

لجين .. تقدم لها اخو نجود وعمره 28 سنة ويشتغل مدير بالبنك .. بس لساتها تفكر..

شريفة .. لاجديد..
اريام ..بعد تفكير بينها وبين نفسها رفضت تركي>> صدمة ياتركي..

عبدالعزيز .. مستئ لحالة تركي الي تكسر الخاطر .. >>الحب عذاب ..
تركي .. كاره نفسه ووده يهاجر السعودية بسبب رفض حبيبته له .. وهو لازال قلبه يحبها
علي .. كل يوم يحاتي اكثر ان لايكون مصيره زي اخوه وترفضه سارة ويدعي ربه انها تكون له ..
آروى .. انقهرت من اريام بس ماتغيرت عليها مثلل ماهي معاها ..





فــــــــــــــــــــارس وعبـــــــــدالله بالفندق ..

عبدالله : فارس..
فارس وهو يقرا الجريدة :همم ..
عبدالله : ابي اتمشآآ..
فارس سفط الجريدة وابتسم وفز: عيوني لك يالله قوم >>ماصدق ان اخوه طلب منه هالطلب ..
عبدالله :انتظر علي اتروش بس ..
فارس: خذ راحتك ..



خــــالد بصالة : مبروك بوناصر ..
بدر مبتسم : ربي يبارك فيك ويهداك
خالد عرف قصد ابتسم ابتسامة جانبيه وماعطى الموضوع اهمية ..

بوبدر: اقول بدر متى راح تسوي خطوبتك على بنت خالك ..
بدر: انا مافكر الحين اسويها يعني بعد شهر ..
بوبدر: الي يريحك..
ام بدر: ناصر سئلت انت عن سلمان الي متقدم للجين ..
بوبدر : لا والله تدرين كنت مشغول بقضية خالد وعبدالله .. ان شاء الله هاليويمن اسئل ..
ام بدر: ان شاء الله خير..




ببيت بويوسف..الكل جالس بصاله ..


بويوسف : سارة ترى عمك دق علي وسئلني وقال طولتوآ .. اذا مواقفه قولي اذا مو موافقه قولي .

سارة وقلبها يدق طبول: يبه ابي افكر ..

حور ومآكلة هوى من التعب ووجه اصفر تبتسم تجنن سارة: ترى علي باارد بس غريبة مستعجل هالمرة

سارة ابتسمت :............

يوسف : اقول يبه اخبار الشركة من زمان عنها ..؟

بويوسف : واله ماشيه امورهآآ .. الحمدلله .. ام يوسف اشفيك سااكته ..؟

ام يوسف: مالاداعي اكررواقول .. انت ادرى..

بويوسف عرف مغزى الكلام: ..........

نور : ياربي باقي اسبوع ونخلص اختبارات .. الشهرية
نوار : ايه والله متى زهقت وانا اذاكر ..

نور بخبث تتعمد تحرجهآآ : آهــآآآ يعني انتي زهقتي من المذاكرة ولا زهقتي وانتي تذاكرين عقلك تايهه ..
نوار بحيآآ: نويير

حور طيرااااااان على دورة المياه ((الله يكرمكم)) تستفرغ ..

ام يوسف: يوسف علام حور هالايام ماحسها طبيعيه يعني كله تعبانه ..
يوسف ويرجع ايدينه ورى راسه ويتسند بعدم اهتمام : يمكن اراهاق ولا فلونزا .. مدري ..

سارة : وليه ماتكون حامل ..
يوسف ورفع ايدينه من وراء راسه ووقف : هييي انتي .. حور تمانع ..

سارة : لا والله مو عن بس هذا الاعراض المعروفة للحمل.. خل تتأكد مافيها شي ..

يوسف على طول راح لها بعد ماصعدت من التعب : حور لازم تروحين المستشفى ..
حور بتعب : شفيك يوسف.. مافيني الا العافيه يمكن من تغيير الجو ..
يوسف باصرار : خلاص بعد المغرب تكونين جاهزة ..
حور حاطة يدها على بطنها : أمرك ..


شريفة : بس غلط الي سوتيه يااريام ..
اريام عقدت حواجبها ولفت على امها : يمة شنو غلط انا اتخذت قراري .. وانا رفضته مو عن حآجة بس حسيت اني ماراح اكون مرتآحة معاه
بكل شي اضحي يايمة الا بحيآتي ..
شريفة : يااريام يايمة .. بس تركي والله مافي شي مو زين
اريام : يمة مو شرط رافضته على هالاساس انا مو مرتاحة للموضوع واذا يرضيك اني اتزوج تركي خلاص .. اقولها لك اني موافقه ودقي على خالي وخبريه
شريفة : مابي اغصبك براحتك ..

اريام بانكسار : طيب بصعد غرفتي بريح من جيت من الجامعه ماغفت لي عين .. عن اذنك ..
شريفة : الله وياك


>>>>>>يتبع ,,,


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 05:00 PM


الساعة الآن 09:34 PM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.