قديم 04-05-2010, 01:12 AM   #11
-||[عضو فعال]||-
 
تاريخ التسجيل: Mar 2010
المشاركات: 53
معدل تقييم المستوى: 10
ريـــــري is on a distinguished road
افتراضي


وصلوا الراشد ونزلوا
وقعدوا يفرفرون من محل لمحل
مشاعل: اوووف ياريم والله مليت حرام عليك شوفي العيال شلون اشكالهم تشرين وحنا نشيل شوفي وش الاغراض اللي معنا
ريم: طيب طيب
وليد : بروح انزل اودي الاغراض بالسيارة ويطالع ريم خلاص ترى السوق مو طاير كل الاغراض ذي مره وحده
ريم طيب
نزل وليد ومعه عبدالله
جلست ريم والبنات بكوفي مع سلمان وراكان
قامت مشاعل بروح محل شوي وبرجع
سلمان: طيب لا تتأخرين
مشاعل: ان شاء الله
راحت لمحل عطورات واشترت عطر رجالي بعدين راحت لمحل هدايا وغلفته وحطته بكيس فخم وراحت تجلس معهم
جاء وليد وعبدالله وجلسوا شوي بعدين طلعوا
مشاعل: وليد شرايك نروح نتعشى على الكورنيش
وليد: والله ماهي شينه نتعشى ليه لا
مشاعل:خلاص بدق عليهم اقولهم
مشاعل:اهلين ركوني
راكان: هلا والله
مشاعل: اسمع ترى حنا بنروح نتعشى على الكورنيش خلكم ورانا اوكي
راكان: اوكي


راحوا الكورنيش وجلسوا
راحت تمشي لحالها سرحانه وتفكر بيجي يوم وبقعد فيه لحالي
ريم وبتتزوج ووليد بعد وشكل بسومه بتلحقهم وهاجر وسلمان انا لازم اشوف معهم حل هذولا
/ بايش سرحانه
مشاعل: هااااه
عبدالله: بايش سرحانه
مشاعل: ولا شئ بس اطالع البحر
عبدالله: طيب
مشاعل: تذكر يوم نسافر حنا وياكم لمكه وجده يوم ضعت
عبدالله: ايه اذكر يوم لقيتك ضميتيني وعجزت افكك
مشاعل: بلاك ماشفت اللي انا شفته
عبدالله: ليت ذاك اليوم يرجع كان للحين مافكيتك
مشاعل لفت عليه : هاااه مافهمت
عبدالله:افهمي مثل ماتبين بس انا ابي اعرف انتي ليه تكرهيني وش سويت انا ذكريني يمكن ناسي مع اني اذكر كل شئ يخصك
مشاعل: انا ما
قطع عليهم صوت الجوال
ردت : هلا سلوم
سلمان: مشاعل وينك يله بنروح نتعشى
مشاعل: طيب يله
لفت على عبدالله : بيتعشون يله تعال


دخلوا مطعم فرايديزوتعشوا وطلعوا

وهم بالسيارة منزله راسها وتفكر وش قصده بالكلام يحبني ولا لا
بس يوم قال لو علي مافكيتك للحين يعني يحبني رفعت راسها وهي مبسوطه
وجت عينها بعينه هي مبسوطه وهو العكس حزين

قطع تفكيرهم صوت الجوال
وليد: هلا يبه
ابو وليد: نبيك تستأجر شاليه يكون كبير وحلو نبي نغير جو يومين
وليد: والشاليه حقنا وش فيه
ابو وليد: لا الكهرباء فيها مشاكل ومانقدر نروحله
وليد : ابشر يبه
وسكر
لف على البنات:انبسطوا الوالد يقول استاجر شاليه
عبدالله ليش تستاجر شاليهنا موجود
وليد: لا عبدالله لاتحرجني مقدر
عبدالله: انت اللي لاتزعلن اللحين ابوك والله اني اعزه اكثر من اعمامي
وليد: تسلم هذا من طيب اصلك
عبدالله:خلاص اللحين اكلم العامل ينظفه لبكره اوكي
وليد: شلون نظامه شاليهكم
عبدالله: شاليه خاص مو مشترك مع شاليهات ثانية
فيه 4 غرف نوم ومطبخ وغرفة خارجية ومسبح وطبعا فيه دبابات بحرية ولنش
وليد: زين زين



وصلوا والكل نام

في الصباح
مشاعل: بنات ابوي علي جاء بسرعه قوموا
البنات بسرعه قاموا وراحوا يغسلون
جهزوا اغراضهم للشاليه ونزلوا تحت

دق تليفون مشاعل
هلا وليد
وليد: الله يعافيك ميشو روحي للملحق وجهزي شنطتي
مشاعل: طيب
راحت للملحق وكان فاضي دورت شنطة وليد ورتبتها وسكرتهاولقت شنطه غريبه عليها: قالت هذي اكيد شنطة عبدالله بس لازم اتاكد فتحتها ولقت ملابسه اللي امس لابسهم جت فتحت شنطة يدها وطلعت الهدية وحطتها بشنطته وسكرتها



طلعوا للشاليه

وتغدوا وارتاحوا شوي لأن الشاليه بعيد مره

العصر
هدى :بنات خلونا نقوم نمشي على البحر
البنات يله
عند العيال قرروا يدخلون البحر ويسبحون
الكل قام يجيب ملابس السباحه
قام عبدالله وفتح شنطته واستغرب لقى كيس فتح الكيس ولاقى هدية وفيه ورقه
فتح الورقه وقعد يقراها

عبدالله: من يوم وانا صغيره وانا اميل لك واحبك بس الفتره اللي ابتعدنا فيها عن بعض لخبطتني
ويم شفتك بالاستراحه تجدد كل شئ معاي

انا احبك من يوم وانا طفلة وحبك يكبر معاي

بتقول عني جريئة بس خلاص مليت احس اني بنجن من الكبت

احبك من كل قلبي m


عبدالله حط الورقة ببوكه وانبسط ولبس لبس السباحه وراح ركض للعيال

وهو رايح للعيال شافها ابتسم لها ابتسامه تدوخ <<< عرفت منه انه قرا الورقة

قعدوا يستهبلون وصراخ ووناسه


في الليل الرجال مع الحريم قاعدين على البحر يشوون والعيال يتمشون على البحر ويسولفون

البنات جوا الشاليه يرقصون


عبدالله: اووه نسيت جوالي بروح اجيبه واجي
العيال : طيب لاتتاخر
عبدالله اوكي


عند البنات
ريم: ميشو ارقصي مصري
هدى : ايه يله
مشاعل: طيب خلاص لاتزنون فوق راسي
راحت لجهة الاستيرو وحطت شريط مصري واختارت اغنية سواح
كانت لابسه بنطلون جنز وتوب ابيض وشعرها فاكته
و ربطت الطرحه وقامت ترقص مصري وكانت فنانه فيه

طبعا الشباك حق الشاليه عاكس واللي برا يشوف اللي جوا في الليل

عبدالله وهو ماشي سمع الاغاني ورفع راسه وبلم قعد يطالعها : هي مشاعل الله تجنن ورقصها يهبل جلس يطالعها وبعدين انتبه لعمره وراح يجيب جواله


تذكر انه اخذ رقم جوالها

ارسل لها رساله(مشكور على الهدية كلك ذوق بس ودي اسالك سؤال هو شوي محرج ممكن عبدالله)

خلصت رقص وجلست

جتها رساله فتحت جواله وانصدمت من وين جاب رقمها اكيد اخذه من وليد بدون مايدري

ارسلتله: ايه تفضل

ارسلها: اذا خطبتك بتوافقين

ارسلتله: اذا وافق ابوي انا موافقه

ارسلها: حلووه اذا وافق افرضي ماوافق ماتوقفين بوجيههم وتدافعين عن حبنا

ارسلتله: وليش مايوافق اصلا اذا انا وافقت اكيد هو بيوافق

ارسلها : ههههههههه طيب كان قلتي موافقه من اول اللحين خسرتينا الله يهديك

ارسلتله: يابخلك خلاص هونت ماابي بخيل

ارسلها: خلاص وربي امزح تدرين انا جبتلك هديه بس مدري شلون اعطيها لك

ارسلتله: ماله داعي

ارسلها: تدرين متى شاريها

ارسلتله: لا مدري متى

ارسلها: من بعد ماشفتك بالاستراحه المهم روحي لغرفة العيال وتلاقينها بشنطتي

ارسلتله : طيب
طيران لغرفة العيال
فتحت الشنطة ولقت علبة
مشاعل فتحت العلبة ولقتها اسوارة ذهب وفيها جملة a love m
بعدين انتبهت لعمرها وراحت داخل وخبت الاسواره
وراحت للبنات تستهبل معهم


في الصباح
قاموا الكباروافطروا وقعدوا العيال والبنات
قاموا البنات وافطرواوطلعوا برا وقعدوا مع الحريم قهوه وسواليف

العصـــــــر

ريم: ودي اركب دباب بحري
سمية: يله هذا اخوي خالد هناك خلونا نروح نقوله
اتجهوا البنات لخالد وكان يتأمل البحر
سمية: خالد
خالد: هلا
مشاعل: ضمته اهلين خلودي وحشتني خالص
خالد: ههههه ماتتركين الهبال انتي
مشاعل : اذا اعرست عقلت
خالد: عيب عليك هالكلام
مشاعل: لا عيب ولا شئ هذي سنة الحياة
سمية: خالد نبي نركب الدبابات
خالد: طيب بنادي عبدالله يجيب المفاتيح
خالد نادى عبدالله وجاب المفاتيح
وشغل الدبابات هاجر دباب وابتسام دباب وريم دباب وسمية دباب ومشاعل دبابوانطلقوا
الدباب السادس عيا يشتغل
توهقت هدى ووقفت مكانها تنتظر البنات
خالد في نفسه: من هذي هدى ولا ريم
بس سمع صراخ البنات وهو ينادونها هدى
خالد: شلونك هدى
هدى: الحمدالله
خالد: تدرسين ولا بطلتي
هدى: الا ادرس
خالد :بأي قسم
هدى : رياض اطفال
خالد: زين الله يوفقك

جت هاجر وركبت اختها معها
وتسرع وتفحط وقلبت
طبعا هاجر تعرف تسبح اما هدى للا
خالد شافهم هو وعبدالله وعلى طول طبو يسبحون مشاعل شافتهم وراحت للعيال علشان تركبهم علشان يمديهم لقت خاللد وركب وراها وعبدالله يسبح
على طول خالد طب وطلع هدى
شاف سمية وقالها انزلي واركبي مع البنات
سميه وهي تصيح طيب وركبت مع ريم
اخذ دباب سميه وراح للشاطئ وركبت هاجر مع ابتسام وراحوا وراه
مشاعل قعدت مكانها تبكي


العيال انتبهوا لخالد وهو جاي ومعه وحده وشكلها غرقانه وراحوا ركض للشاطئ

نزل خالد للشاطئ ونزلها وحطها وقعد يضغط بطنها وسوالها تنفس صناعي مافيه فايده
سوا مره ثانية تنفس صناعي ويضغط بطنها












كح كح كح شرقت بالمويه اللي طلعت من خشمها

لحظه صمت
فتحت عيونها الا خالد بوجهها ويضرب خدها هدى هدى اصحي
هدى طيب وفقدت الوعي شالها ووداها للشاليه

محمد يبكي: خالد تتنفس
خالد: ايه بس هي فقدت الوعي من الخوف والتعب
خالد لف عليهم: لاتخافون حيه اطلعوا برا علشان تتنفس زين وانتوا(يقصد البنات) غيروا ملابسها بروح اجيب دكتور واجي
هاجر تبكي وسمية ضامتها وجلست على الارض وسجدت شكر ان اختها عايشه

طلع خالد وقلبه يضرب : مايدري وش يحس فيه احساس غريب
سلمان : خالد انت ارتاح بروح انا اجيب دكتور واجي
خالد: بس انت ماتعرف المنطقة زين
سلمان: لاتخاف باخذ راكان ولا ثامر معي
خاالد: زين يله روح وش تتنظر
سلمان: طيب

عبدالله للحين بالبحر تعب من السباحه سمع صوت صياح قعد يدور وشافها تبكي مكانها راح لها وركب وراها
عبدالله :ليش تبكين الحمدالله هي طيبه
مشاعل: هذا وقف علي (تقصد الدباب) ابي اروح اشوفها وضمته وكملت بكي
عبدالله ارتبك ووده يقعد مايتحرك بس لاالوقت ولا المكان مناسب
شغل الدباب مااشتغل شغله مره ثانيه مااشتغل
عبدالله: حتى جوالي خرب من المويه انتي معاك جوالك
مشاعل: لا خليته على الشاطئ
عبدالله مافيه الا اني اسبح واجيك بدباب
مشاعل : لا اخاف اصلا كل مالنا ونبعد شف
عبدالله قعد يناظر: ايه والله والله مشوار وانا متكسرمن الجيه
مشاعل: ههه طيب تعرف هدى وش صار عليها
عبدالله: ايه سمعتهم انها تنفست الحمدالله
مشاعل: الحمدالله

الكل انشغل بهدى ونسوا مشاعل

وليد: وين عبدالله
سليمان: مدري يمكن راح مع سلمان وثامر يجيبون دكتور
وليد: ايه زين



جاء الدكتور وطمنهم على هدى


عند البنات
ابتسام: وين ميشو
سمية: ايه صح وينها
هاجر: يمكن عند العيال
البنات كلهم: يمكن



عند الحبايب بوسط البحر
عبدالله: الله ياحلو وقت الغروب وانتي بوسط البحر كأنك تلمسينها
مشاعل: ايه صادق حلوه
عبدالله وش تمنين اللحين
مشاعل: اتمنى اشوف هدى بخير واني المس الارض
عبدالله:ههههه امحق رومانسيه
مشاعل: هههه مو قت رومانسية
عبدالله: تخيلي اننا بقارب وهاربين سوا وش بيكون شعورك
مشاعل: بيكون شعوري مثل شعور أي وحده هاربه مع حبيبها
عبدالله: الله عيدي اخر كلمه
مشاعل: نسيت وهي تتثاوب عبدالله
عبدالله: عيون عبدالله
مشاعل: ابي ارجع وانام تعبانه
عبدالله هانت الا هذولا للحين مافقدونا
مشاعل: لايكون حسبونا متنا
عبدالله : بسم الله علينا
مشاعل : تعبانه ابي انام
عبدالله:طيب نامي
مشاعل: شلون انام
عبدالله: مدري فكري (وده يقولها بحظني بس يخاف يتهزء)
عبدالله: تذكرين يوم حنا بجده وقعدت استهبل على بنت وانتي تحسبيني قاعد اتغزل فيها بس صراحه ردة فعلك كانت عنيفه
مشاعل : ليش عنيفه
عبدالله: لايكون نسيتي يوم وقفتي قبالي وعطيتيني ذاك الكف اللي عمري ماراح انساه
مشاعل عصبت: احمد ربك اني ماذبحتك بعد
عبدالله: ههههههههههه الدعوه بها ذبح لا خلاص ماابي اناظر بنات انتي ماليه عيوني بعد ماشفتك ويحرك حواجبه
مشاعل استحت
اظلمت الدنيا ومشاعل رجعت تبكي من الخوف
عبدالله: لاتخافين وانا معاك
فتح نور الدباب وحاول فيه مره مرتين وثلاث واخيرا اشتغل
مشاعل انبسطت قعد يسوق ومشاعل قدامه يعني صايره بحظنه وقعد يدور ويمشي لمين وصل الشاطئ حق الشاليه


راحت ركض للشاليه
الكل استغرب من حالتهاوتصارخ : وين هدى
هدى: هلا خير ميشو وش فيك
مشاعل: راحت وضمت هدى وقعدت تبكي
هدى: خلاص ميشو والله مافيني شئ
مشاعل: لاتخوفيني عليك مره ثانية
ريم: الا وين كنتي مشاعل
مشاعل: انتم اللي وين رحتوا وتركتوني الدباب حقي وقف وعيا يشتغل لوما عبدالله كان يسبح مع خالد ولا صارت علوم ويمكن اوصل للبحرين وانتم مادريتوا عني
البنات قعدوا يضحكون على مشاعل



عند العيال
دخل عليهم وحالتة حالة
وليد: خير ان شاءالله وش فيك ووين كنت ندق على جوالك مقفل
عبدالله: ابد كنت اتشمس بوسط البحر
خالد: اووووه والله نسيتك معليش بس والله اختبصت
عبدالله: لا عادي الحدلله اني لقيت مشاعل ولا كان ضعت بوسط البحر هههه
لفو عليه كلهم
ومشاعل وش جابها عندك
ابد وقالهم السالفه طبعا ماقالهم اانها ضمته ووالسواليف الرومانسية

وعذروه ولو هم مكانه كان سوو كذاواكثر



في اخر الليل
ماقدر ينام قاعد يعيد كل شئ براسه من وقت ماشافها وهو محتاس( اللحين انا ليش مااكلم ابوي يخطبها لي انا ولد عمها واولى من الغريب)

خالد نام وقرر انه يكلم ابوه في الصباح




في الصباح:

الكل صاحي لأنه اخر يوم لهم بالشاليه وبينبسطون

الرجال جالسين عند البحر

وليد: عم وش رد سميه تأخرت بالرد ولا
الرجال يضحكون على وليد
ماجد: اصبر عليها ترى اختك قعدت شهر وهي تفكر يالله وافقت وانت تبيها توافق بيومين
وليد: وانت وش يدخلك يومين ولا شهر ويلف لعمه هاه عم وش ردها

ابو خالد: والله انشغلت وماسألتها اللحين اسألها
ابو خالد: خالد روح اسال سمية
خالد اضغط هنا لتكبير الصورهفرح لأنها فرصه يروح يشوف هدى) ان شاء الله




بالشاليه
البنات يلعبون لعبة ولا كلمه


طق خالد الباب وتنحنح ودخل الكل تغطى ماعدا سمية وخلود مشاعل
سمية: خالد عيب عليك داخل البنات يبون ياخذون راحتهم
خالد: ادري بس
مشاعل: بس ايش
خالد: حبيت اتطمن على هدى
الكل قعد يطالع هدى
هدى وجهها احر وحمدت ربها انها متغطيه ولا كا الكل قعد يعلق عليها
خالد: شلونك هدى ان شاء الله بخير
هدى بصوت واطي: الحمدالله
خالد: خير ان شاء الله وهو طالع سمية تعالي ابيك بموضوع
سميه: ان شاء الله

خالد: ازيك ياعروس
سميه ووجهها طماطه : بلا تريقه اخلص وش الموضوع
خالد: وليد نشب لأبوي يبي يعرف ردك اللحين
سميه: هاه
خالد: وش هاه اخلصي ياايه يالا
سمية: وش لا بعد انت
خالد يطالعها بنص عين: طيب خلاص عرفت الرد يله سلام
سمية انحرجت ودخلت

خالد حب يلعب باعصاب وليد غير ملامح وجهه سوى نفسه متضايق

وليد: هااه بشر

خالد لف على ابوه: هذي نهاية الدلع يبه ولا وين بتلقى احسن من وليد
الكل تضايق واولهم وليد تغير وجهه وتضايق وجاء بيقوم الا خالد يمسك ايده ويقعده بالغصب
خالد: مبروووووك منك المال ومنها العيال
وليد بعصبية: الله ياخذك لعبت باعصابي وقام يكفخه
والكل قعد يضحك على وليد وهو يكفخ خالد

يوم خلص تكفيخ

وليد: عم ابي اشوفها
ابو خالد : خير ان شاء الله اذا رجعنا حددت لك موعد
وليد: خير ان شاء الله


قعدوا حتى الليل وقاموا ضفوا عفشهم ومشوا للبيت




في البيت الكل دخل علشان ينام


عند العيال
عبدالله : وليد ترى بمشي بكره
وليد : اصبر ياخي كلها يومين وكلنا بنرجع بعدين بكره ببنزل للبحرين حنا والبنات
عبدالله: زين خلاص بأجلها لبعد بكره علشانك بس
وليد: خير ان شاء الله يله نام اللحين يطلع النهار وبتلقى مشاعل فوق روسنا من الحماس هههههههههه
عبدالله: ههههههههههه

نامـــــــــــــــــوا




الساعة 11

قام وليد من ازعاج التليفون
وليد: هلا
مشاعل: صباح الليل وين اللي بيقوم 9 علشان نمشي
وليد: ليش الساعه كم اللحين
مشاعل: 11 يله قوم
وليد: طيب اللحين بقوم واقوم العيال جهزوا جوازاتكم خلاص
مشاعل : جاهزين
وليد: طيب جيبوا لنا شئ ناكله قبل مانمشي
مشاعل : طيب





نزلت مشاعل وقالت للبنات
وراحت مشاعل عند سمية وقالتلها ان العيال يبون فطور
سمية : طيب من يجي معاي
مشاعل انا بقوم اصلح معك
وراحوا للمطبخ وصلحوا فطور وحطوه بالمقلط

كلمت مشاعل وليد وعلمته ان الفطور جاهز وانها هي وسميه اللي مصلحينه

وليد انفتحت نفسيته على الاكل زود
وراح للعيال وقالهم عن الفطور وراحوا يفطرون
خالد: ماشاء الله وش اللي طاري على الخدامه ذي الاصناف
وليد: خدامه بعينك هذي حرمي المصون واختكم مشاعل اللي مصلحينه
عبدالله قعد يطالع السفره وانبسط: ياسلام مشاعل مسويه هذا

الفطور كان عبارة
عن فول وشكشوكه وبيض اومليت بالجبن وجبنه وزيتون ومربى وقشطه ومرتديلا

خالد: احلا اكيد الفول مصلحته سميه اكيد
راكان: ماضنتي يطلع من سميه كذا يمكن ميشو لأنها ماشاء الله فنانه بالمطبخ ليتها كل يوم تطبخ لنا
سلمان: بالاحلام تطبخلك حنا نترجاها ترجي علشان تصلح لنا حلى ويالله توافق
سليمان : الله اشتهيت التشيز كيك الفراوله اللي تسويه
ثامر: يوووه من زمان عنها الشيطونه هذي
خالد: الا من اللي علمها ماشاء الله
وليد: الكتب طبعا ماتاخذها حرفيا الطبخه لازم تسوي فيها تعديلات هي قالت لي كذا
عبدالله كان مستمع وماتكلم ولا كلمة ومبسوط وياكل

وليد: يله مشينا ياشباب

العيال هم عند السيارات

اللحين شلون نظامنا لازم كل واحد معه خواتع علشان البوابه

ماجد ايه خلاص

ماجد : معه ابتسام والعنود
خالد : معه سمية وخلود
محمد : معه هدى وهاجر
وليد: معه عبدالله ومشاعل وريم
بسيارة سلمان راكان وثامر وسيلمان وعبدالعزيز


انطلقوا ودخلوا البحرين واتجهوا لمجمع السيف ودخلوا فيه
قعدوا يتمشون ويستهبلون
وليد: كان لابس ثوب وشماغ وجزمه سوداء وساعه سوداء ومسوي سكسوكه وطالع جنان كل البنات يطالعونه
ماجد: لابس بنطلون جينز اسود وتي شيرت رصاصي فيه كلام بالاسود وطلع يجنن حتى ريم انصدمت فيه من جماله وانقهرت من البنات اللي يطالعونه
محمد: لابس ثوب وشماغ وطالع حلو
عبدالله: لابس ثوب وغتره وجزمه بني وساعه بني ومسوي سكسوكه مع عوارض خفيفه وطالع شكله خيال
سلمان: لابس بنطلون جينز مع قميص زيتي
راكان: لابس بنطلون اسود وقميص ابيض
ثامر: لابس برمودا اسود وتي شيرت كت احمر وجزمه سوداء
سليمان: لابس برمودا زيتي وتيشرت اصفر
عبدالعزيز: لابس ثوب وكاب

والبنات طبعا عليهم عباياتهم

العيال قعدوا بكوفي والبنات راحوا يتسوقون
بعدين دخلوا فلم مصري كوميدي

في السينما
البنات قدام العيال
ترتيب البنات من جهة الجدار
ريم هاجر ابتسام عنود خلود هدى سمية مشاعل
ماجد سلمان راكان عبدالعزيز سليمان خالد وليد عبدالله
وثامر ومحمد جلسوا بعيد شوي لأن المقاعد فل

قام البنات كان فيه شباب سعوديين يتميلحون عند البنات جاء واحد لف على مشاعل ورمى عليها ورقة عبدالله انتبه له انحنى وهو بمكانه واخذ الورقه اللي بحجر مشاعل بحيث صدره صار قريب لراس مشاعل وارتبكت وقال عبدالله للولد: لو سمحت
الولد: لف مستغرب نعم
عبدالله: ابتسم له ودخل الورقه بفمه وقاله عيدها وشوف وش يجيك فاهم
الولد لف وانحرج <<<< تأدب
وليد: وش فيه عبدالله مع هذا
عبدالله وهو معصب: ماشفته قاعد يتميلح ورمى ورقه على البنات
وليد عصب : الحيوان وقام يبي يأدبه
عبدالله جلسه: لاتخاف ادبته لك ولو اهلك اهلي واغار عليهم
مشاعل كانت تسمعهم وانبسطت

خلص الفيلم

مشاعل : اللحين ابي ادخل فلم هندي من يبي يدخل معاي
وليد: يووه وانتي والهنود عشق لاينتهي
مشاعل: وهـ فديته يهبل يهبل
وليد: من هو ذا وجع
مشاعل تضحك على وليد: هههههه وش فيك الفنان الهندي فاردين خان يجنن ابن الذين
وليد: ايهم ورين شكله اللي منهبله عليه
مشاعل اشرت على الملصق اللي فيه فيلمه
وليد: صراحه معك حق يهبل بس مو احلى مني
مشاعل: ياشين الغرور وراحت للبنات
مشاعل: بنات من يبي يدخل معاي هذا الفلم بيبدا بعد ساعه
هاجر وابتسام : اكيد معك

طبعا ريم وهدى وسمية راحوا يكملون تسوق
وراح معهم وليد وخالد ومحمد وماجد

خلود والعنود راحوا يلعبون بالملاهي ومعهم عبدالعزيز

سليمان وثامر راحوا يتمشوون

مشاعل وهاجر وابتسام راحوا ياكلون قبل لايبدا الفلم
ومعهم عبدالله وراكان وسلمان


داخل صالة السينما

وطبعا الافلام الهندية دايم الصاله تكون فاضيه فيها باايام الاسبوع


هاجر : بروح اجيب بوب كورن ومشروب تبون شئ
مشاعل: ايه جيبي لنا
هاجر: طيب
سلمان شاف هاجر رايحه تجيب اغراض راح معها
راكان: مشاعل تعالي اجلسي جنبي
مشاعل: لا اذا جلست جنبك بيزعلون بعض الناس
راكان: لا وش دعوه يزعلون خلينا نسألهم
ابتسام: حمر وجهها ولفت عليهم عادي اجلسي جنبه اخته وش فيها
مشاعل انهبلت: بسم الله شوي شوي اكلتين
ابتسام استحت اول مره تعلي صوتها قدام راكان : هااه اسفه
راكان: ول ياما تحت السواهي دواهي
مشاعل: حرام عليك والله ان بيسو طيبه
راكان: بيسو بعينك قطوه هي تنادينها بيسو
ابتسام انحرجت وطلعت راحت لهاجر
مشاعل: احلااااااا طيب ليش ماتخطبها وتفكوني من غثاكم ترى والله مليت بتفرغ شوي لنفسي وتطالع عبدالله
عبدالله: ابتسم لها
راكان: حلوه ذي تتفرغين لنفسك
مشاعل شدت شعره: لاتخرعني كذا مرره ثانية
راكان: اااااااااااي فشلتينا عند عبدالله
مشاعل: عادي صديق طفولتي امون عليه
راكان : حلوه ذي صديق طفولتي
مشاعل: ايه وش عليك مني
(علاقة راكان بمشاعل مرره قويه وتقريبا يكلمون بعض يوميا ياعلى التليفون او الماسنجر)


عبدالله بينهي الحوار : خلاص الفلم بدأ
مشاعل: وين هذولاء ساعه
راكان: كان رحتي تجيبين لنفسك دامك مستعجله
مشاعل: ايه بقوم ماراح اخذ رايك اووف منك عله
طلعت مشاعل تشوف اللي تأخروا

عبدالله: عن اذنك بروح لدورة المياة
راكان: اذنك معك

رجعت ابتسام وجلست وماانتبهت لراكان لأنه ظلام
راكان عرف انها ابتسام
ركان: هلا والله بالطش والرش والبيض المفقش تو ماتنور الصاله
ابتسام لفت لراكان ولقته لحاله : استحت ولفت للشاشه
راكان : ابتسام انتي اللحين ليش تستحين مني
ابتسام: ____________
راكان: ابي اسمع صوتك اللي تو وش طوله
ابتسام: هههههههههه
راكان: ههههههههههه طيب يكفي اني سمعتك تضحكين
ابتسام: ________ مستحيه
راكان: ترى اول مايخطب اخوي خالد بجي اخطبك استعدي هااه
ابتسام: هااه
راكان : هااه اقول لايكثراحمدي ربك اني للحين صابر ترى عطيتك وجه
ابتسام بصوت واطي: طيب لاتعصب
راكان: لا مو معصب
جاء سلمان وهو مبسوط ومعاه هاجر وكانت مرتبكه
راكان: اللحين مشاعل طلعت تجيبكم وانتوا جيتوا
سلمان: ماشفناها ياخي زحمه مو طبيعية
راكان: دايم كذا اصلا انتم غلطانين كان يوم بدا الفلم رحتوا اخذتوا لأن الزحمه قبل الفلم
سلمان: المره الجايه ان شاء الله

ابتسام: هاجر وش فيك ترتجفين
هاجر: هااه لا مافيني شئ ومسحت دموعها بخفيه علشان محد يشوفها
ابتسام : طيب



عند الحبايب اللي يتسوقون

وليد: ماجد شرايك نتملك انا وياك بيوم واحد
ماجد: والله فكره
خالد: احسبوا حسابي معكم
وليد: ماشاء الله خاطب من ورانا
خالد: لا مابعد خطبت
ماجد: ماشاء الله تبينا ننتظرك لمين تخطب
خالد: لا انت ياماجد لاتتنظر لأن زواجد اتحدد بعيد الفطر وانت لازم تتملك قبلنا وانا ووليد نتملك بيوم واحد شرايك وليد
وليد: ماشاء الله تخطط من وراي
خالد: مادريت عنك انت ووجهك انا اخطط لملكة اختي
وليد: اللي هي ملكتي لايكون ناسي انت الصراحه عقب الشاليه ضاربه فيوزاتك ويطالعه بنص عين
خالد: وش قصدك
وليد: قصدي انت عارفه واذا تبيها صدق اخطبها بسرعه لا تروح من ايدينك ترى فيه ناس متكلمين عليها
خالد: تتكلم جد
وليد: ايه جد انا سمعت مرة عمي تحاكي احد بالتليفون وكانو يتكلمون عنها
خالد: اجل خلاص اول مانرجع بكلم ابوي يخطبها لي
ماجد: وش تتكلمون عنه انتم
وليد: ولا شئ خلصت قاز اختي
ماجد: هااه لاماخلصت
وليد: بعد ويرد هو ووجهه يله امش خلصنا
خالد: ههههههههه





عند السينما
مشاعل: اووف وش ذي الزحمه
تبين اجيبلك شئ معاي
مشاعل لفت عليه وشافته وانحرجت: لا شكرا
عبدالله : لا لازم اجيبلك خلاص انا اعرف وش تحبين روحي ارتاحي هناك
مشاعل: طيب


راح اشترى بعدين دخل معاها للصاله
وكان الفلم له شوي بادي



كان الفلم مرره رومنسي وحزين



بعد 3 ساعات


خلص الفلم وطلعوا

عبدالله: اوووف مابغى يخلص
راكان: صادق مدري شلون البنات يطالعون ذي الافلام
سلمان: توبه ادخل فلم هندي كله صياح يضيق الصدر
مشاعل: محد ضربكم على ايدينكم وقالكم ادخلوا معنا
سلمان: هذا اللي ناقص نخليكم لحالكم تدخلون
راكان: وحنا معكم الشباب يسوون حركات اجل لو لحالكم كان طبو عليكم
مشاعل تذكرت الفلم ودمعت عيونها
سلمان: ناظر للحين متأثره بالفلم ههههههههه
مشاعل ضربت سلمان بالشنطه : كل تراب
كلهم: هههههههههههههههههههههه

طلعوا من المجمع وركبوا السيارات وانطلقوا متجهين للسعودية


ريـــــري غير متواجد حالياً  
قديم 04-05-2010, 01:54 PM   #12
-||[عضو قادم بقوة ]||-
 
تاريخ التسجيل: Apr 2010
المشاركات: 9
معدل تقييم المستوى: 0
المتحمسسه is on a distinguished road
افتراضي


يالبـىـآ مشاااعل وعبود والله اني عشقتهم
متى ينخطبون ابي اشوف وش بيصير


يالله عساك ماتطولين علينا بعد اتمنى انك تحطين كذا جزء
لان هيك بنطووول واحنا ننتظرك

ومشكووره مرا تانيه


المتحمسسه غير متواجد حالياً  
قديم 04-06-2010, 09:16 AM   #13
-||[عضو فعال]||-
 
تاريخ التسجيل: Mar 2010
المشاركات: 53
معدل تقييم المستوى: 10
ريـــــري is on a distinguished road
افتراضي


ههههههههههههههههه
مشكوره وانا تحمست اكمل الرواية علشانك وهذاني قاعده اعصر مخي علشان اكملها وبنزل البارت الجاي الليلة ان شاء الله
ادعيلي *_^


ريـــــري غير متواجد حالياً  
قديم 04-06-2010, 12:42 PM   #14
-||[عضو قادم بقوة ]||-
 
تاريخ التسجيل: Apr 2010
المشاركات: 1
معدل تقييم المستوى: 0
.:مليت ضلمك:. is on a distinguished road
افتراضي


ـآلصصصراحه روواااااااية في قمة الرووووعه


وانا الصراااحه ماسجلت الا عشششان الروايه هع



بالتوفيييق اختيي وياليييت تكمليينها باسسرع وقت


.:مليت ضلمك:. غير متواجد حالياً  
قديم 04-06-2010, 01:04 PM   #15
-||[عضو قادم بقوة ]||-
 
تاريخ التسجيل: Apr 2010
المشاركات: 9
معدل تقييم المستوى: 0
المتحمسسه is on a distinguished road
افتراضي


يامرحبا
هاه مرت ليله ولا كملتيها اضغط هنا لتكبير الصوره

وانا بعد مسجله عشان الروايه بس


يالله انتظزرك الليله بعد


المتحمسسه غير متواجد حالياً  
موضوع مغلق

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية عشـــاق من احفـاد الشيـطان - كامله $$$ الحب الخالد $$$ قسم الروايات المكتملة 171 03-27-2017 04:01 PM
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 04:00 PM
رواايــه حقكـ علي ان كنـت زعلان-قمـه الرووووعهـ- انفاس الورد قسم الروايات المكتملة 80 09-23-2016 11:49 PM
رواية عشانك بس ضحكتي دمعة قسم الروايات المكتملة 122 02-18-2016 04:49 PM


الساعة الآن 10:58 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.