قديم 03-27-2007, 11:19 AM   #1
-||[قلم من الماس]||-
 
الصورة الرمزية أوراق العمر الضائع
 
تاريخ التسجيل: Feb 2007
المشاركات: 679
معدل تقييم المستوى: 13
أوراق العمر الضائع is on a distinguished road
افتراضي 6 أشياء يعتقد الرجال أن المرأة تعشقهم


6 أشياء يعتقد الرجال أن المرأة تعشقهم
اضغط هنا لتكبير الصوره

تقعد مع أي ولد تلاقيه بيقولك "يا عم أنا عارف الستات دي عايزة إيه .. اسألني أنا" وواحد تاني يقول " أنا فاهم دماغ البنات بتفكر إزاي" تعالوا بقى نعرف إيه الحاجات إللي الرجالة فاكرين إنها بتجنن الستات.

مساعدتها في الأعمال المنزلية
اضغط هنا لتكبير الصوره
من كتر ما المرأة بتشتكي في الحقيقة وفي الأفلام من إن الراجل رامي عليها شغل البيت كله، فالرجالة افتكروا إن مساعدتها في الأعمال المنزلية سيجلب عليها السعادة والحب، ولكن الموضوع مش سهل كدة، صحيح المرأة عايزة إللي يساعدها في البيت ولكن الراجل أحيانا بيقوم بالدور ده بشكل خاطئ ويدخل نفسه في حاجات ميفهمهاش ويبوظ الدنيا بفكاكته ونصاحته ويقلب البيت على بعضه.




الصراحة والشفافية
اضغط هنا لتكبير الصوره
وطبعا الصراحة مطلوبة، ولكن كتير من الرجالة فاكرين إن الصراحة تساوي البجاحة، يعني لو مراته سألته "هل ملكة جمال العالم أجمل مني؟" تلاقيه قالها "طبعا أحلى منك .. دي ملكة جمال العالم كله" وهنا بقى سلملي على الصراحة، وابقى قابلني لو الشفافية نفعتك.




الإصرار على دفع الحساب
اضغط هنا لتكبير الصوره
مش هنقول هنا إن المرأة مش دايما عايزة الراجل إللي يدفع الحساب، ولكن في بعض الأوقات وخصوصا في فترة التعارف بتبقى عايزة تبينله إنها مش فقيرة وإنه مشترهاش بفلوسه، وتعمل فيها عنتر بن شداد وتبقى عايزة تدفع الحساب، وكل ما الراجل يصر على الدفع هي ممكن تسترخمه جدا.




مداعبتها ومغازلتها دائما
اضغط هنا لتكبير الصوره
برضه مش هنقول إن المرأة مش عايزة إللي يغازلها، لكن تخيل كدة البنت تكون تعبانة ومتبهدلة وساقطة في الامتحان، وييجي فارس أحلامها بكل سماجة ويقولها "أنا بموت في جمال عنيكي" وهو طبعا فاكر إن الكلمتين دول هيخففوا عنها، ولكن العكس هو الصحيح، ويمكن تطلع غلها كله فيه.




الستات بتحب الرجل المهزار دائما
اضغط هنا لتكبير الصوره
وهنا الرجالة بيعتبروا إن الست تريد أن تسخسخ دائما طول ما هي قاعدة، وفاكرين إن المرأة تهوى الرجل الفكاهي إللي قالبها مسخرة وضحك وتريقة ومقضيها افيهات، ولكن احذر عزيزي الرجل فالمرأة أحيانا تريد أن تراك جاد وحازم في أمور عديدة ولا تنتظر منك وقتها أن تكثر من الهزار لأنها تعتبره استظراف.




الراجل دايما معاها وميسبهاش لحظة
اضغط هنا لتكبير الصوره
كل الرجالة فاكرين إن اللزقة للمرأة بتعجبها وإنها بتحب الراجل إللي دايما تحت عينها وميروحش بعيد أبدا، ولكن المقوله دي مش صح على طول الخط، فأحيانا تكون لزقة الرجل للست خنقة وتتضييع وقت ورخامة.



بقلم / جورج صبري


أوراق العمر الضائع غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
موسوعة الأحاديث الشريفة (الصحيحة )... *رحيق الجنة* منتدي السيرة النبوية والسنة المطهرة 25 10-07-2018 04:38 PM
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 04:00 PM
رواية عشانك بس ضحكتي دمعة قسم الروايات المكتملة 122 02-18-2016 04:49 PM
مدينة الخليل مدينة سيدنا ابراهيم عليه السلام" تاريخ وحضارة"معلومات مفيده وصور تفصيليه عـاشق الاقصى منتدي السياحه (رحلات وسفر) و المغتربين 7 04-05-2011 05:49 PM


الساعة الآن 07:38 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.