قديم 07-01-2010, 07:05 PM   #1
-||[قلم من ذهب]||-
 
الصورة الرمزية مجنونك ما يخونك
 
تاريخ التسجيل: May 2010
الدولة: الحب الحقيقي هو الخلص
المشاركات: 430
معدل تقييم المستوى: 10
مجنونك ما يخونك is on a distinguished road
قصة حب با لصدفة رجو تاثبيت


سلام للحلوين والرومانسيين

هذي قصه حب قريتها وهي حقيقية

عاد الله أعلم

قصة حب بالصدفة

قصه واقعية أعجبتني وأتمنى أن تعجبكم
كن يا ما كان في سالف العصر والأوان

كان فيه بنت حلوه اسمها شجن وحيدة أهلها ما عندها خوات ولا إخوان
كانت عايشه في الخارج لتكمل دراستها الجامعية
فكانت تعيش في سكن طالبات الجامعة في كندا
وأيضا في نفس الجامعة شاب وسيم اسمه بدر

أخونا بدر كان ابن عز ومتعود على حياة الترف
أما شجن فكانت حياتها عاديه جدا

في يوم من الأيام كان بدر وصديقه يوسف في مواقف السيارات

حصل اصطدام بسيط بين بدر وشجن لأنه بدر كان يبي يفتح باب السيارة فخبط شجن على وسطها دون قصد

طبعا شجن ما سكتت له وقالت له
شجن: يؤيؤ شفيك أنت ما تشوف منت شايفني واقفة ليش تفتح الباب وتخبطني فيه
بدر : سووووري ما كان قصدي غصبن عني

شجن: أنتوا كذا يالشباب يوم ودكم تتحرشون في بنت تسوون أي طريقه وبعدين تقولون سووري
بدر:لو سمحتي أختي أنا غير عن كل الشباب أنا ما أفكر أصلاً إني أطالع في أشكالك

شجن: تراك قليت أدبك منت ملاحظ
بدر: وش يعني ما هميتيني

يوسف: خلاص يا جماعة حصل خير آسفين أختي

شجن: يالله روح بس اركب سيارتك قبل ما أكلم لك الأمن
بدر يطالع فيها بنظرات ازدراء ويضحك ويمشي عنها هو ويا يوسف

شجن معصبه تركب سيارتها وتروح تتمشى جلست تراجع نفسها وش ذا اللي سوته مع الشاب
مبين عليه محترم بس هي ما عرفت تتصرف معاه وفكرت وهي تتمشى أنها تروح للسوق تقضي هدايا قبل الإجازة
لأنها بتسافر خلال الإجازة لأهلها تقضي الصيف عندهم وخلال ما هي تتسوق اصطدمت بشاب على طول بادرته بالأسف وهو بعد تأسف منها
يوم طالعوا ببعض زين عرفوا بعض قام بدر قال لها

بدر: أنتي ملاحقتني
شجن: أنا ولا أنت اللي ملاحقني على العموم حصل خير عن أذنك

لما اصدموا ببعض اتلخبطت جوالاتهم

بدر يرن عنده الجوال

بدر: ألووو مين
سمر: أنت مين ووين شجن
بدر:شجن مين ؟ هذا جوالي أنتي غلطانة

وتوالت عليه الاتصالات

شجن: ألووو
يوسف: مين أنتي ؟
شجن: خير اخوي تبي شي أنت داق علي
يوسف: أنا داق على خويي بدر وهذا رقمه
شجن: شلون كم الرقم اللي أنت طالبه
يوسف: 0000000000
شجن: غلطان اخوي

تروح شجن تدق على جوالها
بدر: الوو
شجن: مين أنت وشلون جوالي عندك
بدر: جوالك !! يبه هذا جوالي أنا بدر أنتي اللي داقه غلط
شجن: لا مو غلط ارجع أنت ودق على رقمك وشوف مين يرد عليك
بدر: اوكي

يدق بدر وترد عليه شجن
شجن: شفت اخوي مو قلت لك انه اللي معك جوالي واللي معي جوالك
بدر: أي صحيح شلون آخذه منك
شجن: نتقابل في الحديقة العامة
بدر: اوكي الساعة 4 زين
شجن: اوكي

تقابلوا وكل واحد منهم اخذ جواله وراح بحال سبيله..........


-----
بعد أسبوع تجهز شجن شنطة سفرها لأنها بترجع

لأهلها .......... وصادف انه بدر بيرجع في نفس الرحلة هو بعد ..... تقابلوا بالمطار وابتسموا لبعض
واستغربوا من الصدف اللي للحين تجمعهم ببعض حتى يوم سفرهم

كل واحد منهم حط شنطته بالجهاز ومشيوا عشان يركبوا بالطيارة
بس بالطيارة ما كانوا جنب بعض
بدر كان درجه أولى
وشجن درجة ضيافة (سياحية)

الرحلة كانت مزحومة خاصة درجه الضيافة وكان جالس جنب شجن شاب قليل أدب ضايقها
واضطرت إنها تكلم السوبر فايزر عشان يوقفه عند حده

فااقترح عليها السوبر فايزر بما أنها بنت لوحدها والطيارة لسه ما أقلعت إنها تروح لدرجه أولى فيها مقعد شاغر وبدون ما يحسب عليها شي ابتسمت له شجن ووافقت

ولما وداها السوبر فايزر لقيت انه الكرسي الشاغر هو الكرسي اللي جنب بدر
فرفضت إنها تجلس جنبه عشان لا يقول إنها تلاحقه

فضحك لها بدر وقال لها
بدر: تفضلي أختي ارتاحي ما راح اسويلك شي
شجن: لا مشكور أنا برجع مكاني
بدر: لا والله ما يصير أنا بروح مكانك وأنتي ارتاحي هنا
شجن: لا اعذرني
بدر: اجل خلاص اجلسي هنا وأوعدك إني طول الرحلة ما أتكلم ولا أطالع يمك أبد
شجن: أوكي اتفقنا

أقلعت الرحلة .....طول الرحلة بدر يبادلها نظرات متخفية ويحاول انه يلفت نظرها بس ما فيه فايده

شجن: لو سمحت ممكن الجريدة إذا انتهيت منها
بدر: أكيييد تفضلي
شجن: شكراً
بدر: عفواً

وبعد شوي ..... كل واحد منهم استسلم لنومه.... وصلت الرحلة .... نزلوا المطار
طبعاً لقيوا أهلهم استقبلوهم وراح أبو شجن يستلم شنطتها .... لكن تلخبط واخذ شنطة بدر وبدر بعدين ما لقى غير شنطة شجن وآخذها لأنها شبيهه جداً بشنطته ...

شجن في البيت

شجن: وحشتيني يامي وأنت يابوي تعالوا اوريكم وش جبت لكم من كندا

تفتح الشنطه وتلاقي صورة بدر وملابس رجالية .... عرفت إنها تلخبطت معاه بالشنط
فقال لها أبوها: طالعي بأغراضه ما في عنوان أو رقم ..... دورت شجن وما لقت إلا رقم واحد وبدون اسم
فاتصل أبوها على الرقم وقال له: تعرف بدر >>> طبعاً اسمه موجود على الشنطه
صديق بدر: إيه خير وش فيه؟
أبو شجن: خير إن شاء الله بس في المطار اتبدلت شنطته مع شنطة بنتي
وإذا كنت تعرف له رقم يا ريت تدلنا عليه

طبعاً الشاب ما قصر وعطاهم رقم بيته وجواله

بدر يوم وصل البيت وسلم على أهله
طلع غرفته يرتاح وطلب من الخدامة إنها تجيب له الشنطه ..... وهو يفتح الشنطه استغرب لقى ملابس بنت ملابس نسائيه

بدر: يؤيؤ وش ذا أنا في كندا ما صار معي كذا ... وش ذا الزين !!

ولقى صوره لشجن وعرف إن الشنطه لها ...مكتوب عنوانها ورقم تلفونهم
ويرح ويتصل

بدر: الوو السلام عليكم
أبو شجن: وعليكم السلام
بدر: معاك بدر
أبو شجن: جيت والله جابك ... شنطتك يا ولدي عندنا
بدر: والله وانتوا بعد شنطة الآنسة شجن عندي

تواعدوا أنهم يتقابلوا ويبدلوا الشنط وكل واحد يأخذ شنطته ...... وفعلاً تقابل أبو شجن وبدر
شجن استغربت من كل الصدف اللي جمعتها ببدر للحين

في مواقف الجامعة
في السوق
الجوالات
في المطار
في الطيارة
والشنطه



>>>> ما أحب أخليكم على أعصابكم عشان كذا بكمل




جلست شجن طول الليل تفكر في بدر ..... وبدر نفس الشي انشغل فكره بشجن .... وتمنى انه تبادله نفس الشعور
لأنه معجب فيها لدرجه كبيره ووده لو تكون زوجته بس صعبه شوي لأنه فيه عقبه في طريق بدر
انه خاطب بنت خاله قبل ما يسافر ..... وما يقدر يسيبها ..... حاول انه يتصل على شجن لكن ابد ما صادف إنها ترد عليه ... وصار يتخيلها طول الوقت ومو قادر يشيل صورتها من باله......
خاف بدر انه يعلق عقله وقلبه في إنسانه ما تفكر فيه ابد ........ فحاول انه يتناسى الموضوع

انخطبت شجن وتحدد موعد الفرح ...... ومن محاسن الصدف أيضا أنها طلعت تعرف خطيبة بدر وطلعت صديقتها ........ فراحت شجن لبيتها تعزمها لحفل زواجها

دانا: هلا والله شجن
شجن: يا هلا فيك
دانا: يا هووو وين الغيبة ولا كأن لكي صديقه تسألين عنها
شجن: اعذريني يا دندون بس من يوم ما رجعت من السفر وأنا معتفسه
انخطبت فجأة وتحدد موعد العرس بين يوم وليله وأنا ما ني مقتنعة بالرجال لكن أهلي يشوفون انه انسب واحد لي
لأنه غني ومركز أهله عالي وسمعته زينه .......... لكن أنا ما أبيه ما أحس انه الشخص اللي في بالي .... ودي بإنسان !! لكن من الصعب إني ألاقيه ثاني
دانا: يعني في احد في بالك
شجن: إيه
دانا: منو
شجن: شاب قابلته في كندا وصارت بينا مواقف كثيرة لكن ما أعرف إحساسه شلون ناحيتي
دانا: طيب ما تعرفين عنه شي
شجن: للأسف لا
دانا: الله يعينك ... طيب حاولي فهمي اهلك الموضوع قولي لهم انك ما تبين اللي اختاروه لك
شجن: ما فيه فايده أمي مقتنعة فيه وأقنعت أبوي وأبوي ما يهمه المركز والفلوس أبوي يهمه الشاب شلون دينه واستقامته ......... لكن أمي الله يهديها أقنعت أبوي بكل الوسائل
دانا: الله يكون بعونك
شجن: على العموم هذي بطاقة دعوه لعرسي أنتي والأهل طبعاً تتفضلون
دانا: طيب أقدر أعزم اللي أبيه
شجن: أكييد ... اعتبريه عرسك أنتي مو عرسي
دانا: يا بعد عمري
شجن استأذنك الحين وراي كذا مشوار للسوق
دانا: الله يعينك فمان الله
شجن: فمان الله

بعد شهر عرس شجن دانا تكلم بدر
دانا: حبيبي لك معاي عزيمة في عرس صديقتي
بدر: شلووون ..!!! أنتي تعرفين أنا ما أحب أروح للأعراس ندون بلييييز لا تجبريني ما أبي
دانا: بدر ما يصير لازم تروح لأنك أنت اللي بتودينا أصلا وبدل ما تروح وبعدين ترجع .. خلاص احضر العرس مره وحده
بدر: منا لذاك اليوم يصير خير
بدر: أقول هو عرس مين
دانا: صديقتي شجن
بدر: شجن!!!!
دانا: إيه شفيك كأنك غصيت
بدر: لا ابد بس ارسلي لي الكرت ودي أشوفه
دانا: تعال اتغدى عندنا اليوم وبعدين شوفه
بدر: اوكي

يروح بدر زي الريح لبيت دانا .... ويشوف الكرت ويقرا الاسم ... شجن ...
ويعرف إنها نفس اللي شاغله تفكيره .... ويزيد كآآبه .... ويتغير حاله ...

ويوم العرس ... طبعاً شجن طلعت من أجمل ما يكون

دانا: بدر وينك ما راح توديني أنا وأمي للعرس
بدر: إلا بجيك شوي

بدر يسوق السيارة ودانا تسولف معاه وهو أبد مو وياها ..... إلين وصلوا الفندق اللي فيه العرس
تدخل دانا وأمها لصالة الحريم .. وبدر يروح لصالة الرجال ويقابل أبو شجن ويسلم عليه ويتذكر أبو شجن انه هو الشاب اللي تبدلت شنطت بنته معاه




شوي وبدون سابق إنذار يشب حريق بصالة الحريم والأصوات تتعالى ...... أبو شجن خايف على بنته وزوجته ..... ويجون رجال الإطفاء ويحاولون يسيطرون على الوضع
بدر يقول للمعرس

بدر: ادخل أنقذ زوجتك
المعرس: لا يبه أنا مو بايع عمري إذا لها عمر ومكتوبة لي ما راح يحصل لها شي

بدر يطالع فيه بنظرة استحقار
دقت شجن على أبوها تستنجد فيه وتقول له إنها بغرفة العروس ........ وهي تصرخ ويسمعها بدر ويطير لها طيران
ويحاول انه يقتحم النيران .... الين ما يقدر يوصل للغرفة اللي فيها شجن ويوم فتح الباب .... وجت عينه بعيونها أغمى عليها ما صدقت اللي صار

يقوم بدر ويشيلها بين ذراعه ...... ويطلع فيها من بين ألسنة اللهب
طبعاً بدر نسي خطيبته وخالته لأنه ما في أحد في باله إلا شجن

طلع للخارج ولفها بشماغه عشان لاحد يشوفها من الرجال اللي بره ....... ويطلع مع أبوها وأمها بسيارة الإسعاف
وطبعاً عريسها منذهل من بدر شلون ما خاف على نفسه وأنقذها وهي ما تصير له شي ولا تقرب له
وتجلس بالمستشفى يومين من أثر الصدمه ويجي يزورها عريسها في المستشفى لكن أبوها يطرده لأنه مو كفؤ انه يكون زوج لبنته

ويتصل أبو شجن على بدر ويطلب منه انه يشوفه

أبو شجن: والله يا ولدي ماني عارف وش أقول لك أنا عاجز عن شكرك
لأنك أنقذت حياة بنتي وأثبت لي إن النذل زوجها ما يستاهلها
بدر: يا عمي ودي أطلبك طلب
أبو شجن: تفضل أطلب اللي تبيه

بدر: ودي أكون نسيبك
أبو شجن: وأنا أتشرف أنه واحد مثلك يكون زوج لبنتي

وطبعاً الباقي معروف تزوجوا وعاشوا أحلى حياة

ودانا انصدمت صدمة كبيرة في خطيبها وصديقتها
لكن تفهمت الوضع بعدين



وانتهت القصة يا حلوييييييييييييييييييين



تحياتي


التوقيع
اضغط هنا لتكبير الصورهياصـآحبي..!
ماعـآد به شي أدآريه..
[ بيني وبينك ] مابقت كلمة عتآب
ومن لايدآري بـ "خاطري" ليه أحآتيه..؟!
مآهوب يستاهل..شقآ وحرقة أعصآب..!
لو كل شي بـ خـآطري رحت آسويه وش عـآد أبسوي إذآ خـآطري طـآب ؟!

]

سكوتي
مو ْلـ إجل ضعفـي إنـآبطبعي { مــآ بالـي///.... وصيتي قلبي لا تجرحونه [أمانه]

-----
]




وصيتي قلبي لا تجرحونه [أمانه]
مجنونك ما يخونك غير متواجد حالياً   رد مع اقتباس
قديم 07-12-2010, 01:26 AM   #2
-||[قلم من ذهب]||-
 
الصورة الرمزية shoali
 
تاريخ التسجيل: Jun 2010
الدولة: algeria
المشاركات: 218
معدل تقييم المستوى: 10
shoali is on a distinguished road
افتراضي


هه
قصة جميلة
ما اظن انها واقعية
مشكور (ة)


shoali غير متواجد حالياً   رد مع اقتباس
قديم 03-01-2012, 09:02 AM   #3
-||[عضو VIP]||-
 
الصورة الرمزية قلبي مسروق
 
تاريخ التسجيل: Jul 2010
الدولة: السعوديـة [ الريـآض ]
المشاركات: 5,549
معدل تقييم المستوى: 15
قلبي مسروق is on a distinguished road
إرسال رسالة عبر Skype إلى قلبي مسروق
افتراضي


ههههههههههههههه
تعجبني الصدف ^_^
بس شكلهــآ خيـآليـة
يسلموو غلآتي
ودي..//~


0 :::::[عــنــدمــاــا عــبـــروا حـــدود الــظـــــ(الجزء الثاني)ـــــلام]:::::
0 جمـآلك + ذوقــك [ تحت المجهر ]
0 الـــ فــلــــتـــــه ,, و أأبــدو ,, و أشياء أخرى !!
0 حبـآيبـي أبــي أغنيـة لزفـة العروس !
0 روآإآإآإآيـــة فــــإآإآإآرس أحــــــلإآإآإآإآإآمـــي =)
0 طيور تسمـى بـ [ طيور من الجنـة ] ..!
0 :"( هــــــوـــو يـــحـــس بـــكـــبـــر جـــرحـــي ,, وآلآ مـــــآـــآت الـحــس فيه!
0 آخـــــر رقــــمـ مــن رقــــمــ جـــــوالـــك ,, ولك مني تعرف شخصيتك..!.
0 عندما عبرو حدود الظلام
0 لآمنْ لقِيت منْ يِطْبَخ لكْ أحسَن مني .. تعَـَـآل وكلمْنِي [ 2]
0 ستايلك فـ الجامعه // السسكول ... كل البنات يشرفوني هووون =)
0 إبدآع في العلك !!!!!!
0 اختبار للنفس ممتع بشكككل!! <3
0 خـــاص للأعضــاء الحلـــوين !!
0 اختبار للنفس ممتع بشكككل!! <3
التوقيع
اضغط هنا لتكبير الصوره


i just wanna go back
in time when
everything was okay
and beautiful : ) $$.
قلبي مسروق غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
Ooاشهر عشرين قصة حب في التاريخ والأدبoo ليان الامورة منتدي الأدب العالمي و روائعه 15 02-09-2019 08:00 PM
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 04:00 PM
رسائل حب وغرام وهيام وشوق "كــت كــات" منتدي مسجات الجوال - رسائل الجوال - mms & sms 16 07-25-2013 11:04 AM
صور حب صور شوق صور رومنسية صور غرامية صور جميلة برامج في العاب منتدى الصور و الغرائب 70 11-02-2012 09:38 AM
أنواع الحب nadin22 المنتدي العام 4 01-25-2011 07:31 PM


الساعة الآن 10:55 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.