قديم 12-07-2007, 05:17 PM   #1
-||[عضو فعال]||-
 
تاريخ التسجيل: Dec 2007
المشاركات: 14
معدل تقييم المستوى: 0
ملووووكه is on a distinguished road
جروح قلبي قصه سعوديه روووووعه


جروح قلبي..... قصة سعودية رووووووووووووعة


هذي القصة للكاتبة المتألقة أميرة الورد
أتمنى إنكم اتابعونها وان شالله بتعجبكم

نبذة عن شخصيات القصة::

هديل 19سنه متخرجه من الثانويه ولا كملت دراستها بسبب مرت ابوها برغم نسبتها قويه..انسانه حساسه وخوافه بالحيل و دايم تحط كل شئ بقلبها لكن عيونها تفضحها ..
ابوها ابو وليد(ابراهيم)كان متزوج من ام هديل(ليلى)ودام هذا الزواج حوالي السنه وعاشووا بسعاده اي زوجين بس حصل شئ عكر جو الاسره السعيده وراح تعرفونه مع احداث القصه هديل تربت بعيده عن امها من يوم كانت في المهد انحرمت منها ومن حنانها وتربت على يدين عمتها(نورة)طبعا ابو هديل تزوج من شيخه(ام وليد)بعد طلاقه بـ5 شهور لان ابو هديل عاش بنفسيه صعبه من بعد ماطلق زوجته ليلى وصار انسان عزولي وغير مسؤول عن البيت يعنى زوجته هي المدبره فيه ولا يحب ان يجتمع مع الناس الين ماقرر هو بنفسه يتزوج وينسى الماضي..ولهديل 3 اخوان واخت من الاب وليد الاخ الاكبر لهديل ومابينه وبين هديل الا اشهر يدرس بجامعه الملك سعود قسم هندسه اول سنه حنون وخاصه على اخواته..
عبدالله15سنه يدرس ثالث متوسط وهو الثاني يحب هديل ولا يزعلها وتطلع منه حركات هبل
احمد 3سنتين وهذا متعلق باخته هديل ويحبها ونجي لاخر العنقود وهي ريمي اللي هي ريم سنه وشهرين وهذي الثانيه متعلقه باختها ..ابو وليد له اخوين عبدالعزيز وصالح واخوتين نورة وسارة...
العمة سارة (ام نواف)وهي الصغيرة لها ولدين وبنت ولا كتب لها ربي تنجب غيرهم بسبب انها نسبه الاجهاض عندها كبيره مما سبب لها خطوورة عليها..فعشان كذا حمدت ربها على اللي معطيها واكتفت فيهم ...نواف يدرس مع وليد بنفس التخصص وطول عمرهم مافارقوا بعض .. فواز بعمر عبدالله وطاق الصحبه معه ونجي للاخر العنقود نوف 18سنه صديقه هديل ولسانها طويل مثل مادايم امها تقول يعنى ماتستحي من احد بالعكس ماخذه كل شئ ببساطه...
العمة نورة وهي الكبيرة كانت متزوجه وتطلقت بسبب الانجاب..سبحان الله ربي رزقها بزوج حنون
وعوضها اولاد زوجها يحبونها زي امهم واكثر..فتزوجت من ابو محمد(مبارك)وهو صاحب شركة مقوالات كبيره لها اسمها.. و كان متزوج من قبل ولكن توفيت زوجته وله 3 اولاد :
محمد 28 سنه هو الابن الكبيرويشتغل بشركتهم له 3شهور متزوج من اسماء وهي بنت ابو سعد اللي داخل مع ابو محمد بشركته يعنى شريك معه عقله كبير ويوزن بلد ...
خالد 26سنه وهذا الابن الثاني وتوه متخرج من جامعه الملك سعود قسم ادراه اعمال ويشتغل مع ابوه بالشركه طيب ولكنه اذ عصب لاحد يجي يكلمه وعالطول يتدراك الخطاء ويعتذر بطريقته الخاصة وهذا اللي محبب الناس فيه ...ناصر الابن الثالث 23سنه يدرس بالجامعه قسم محاسبه اختار هذا القسم عشان يشتغل مع ابوه يعني مع الخيل يا شقراء..عليه حركات وسوالف تحرج الواحد وراح تعروفونه..طبعا العمه نورة هي اللي مربيتهم من كانوا صغار فعشان كذا يسمونه يمه نورة...
اما الاخوان العم عبدالعزيز(ابوسلطان)وهذا اكبرعمام هديل له 3اولاد 4بنات وكلهم متزوجين ماعدا بنته منال وهي بعمر هديل تدرس بالجامعه قسم انجليزي انسانه حبوبه..
والعم صالح(ابوحمد)عنده ولد و4 بنات البنات كلهم متزوجات ماعدا حمد لانه اخر سنه بالجامعه قسم اداره اعمال مثل صديقه الروح بالروح خالد بس هو تاخر في الدراسه عشان كان يحمل مواد معه فحب يعيد سنه عشان يطلع بشئ حلو.....
***************************************
::الــــــــقـــــــــــصـــــــــــــــــــــة::

::::الجزء الاول::::

ام وليد:هديل هديل وصمخ انشاءالله...
هديل نازله من فوق:هلا خالتي بغيت شئ ؟؟؟؟
ام وليد:بدري ...انتي صمخه او تتصامخين
هديل:كنت... قاطعتها ام وليد
ام وليد:كنت ما كنت اسمعي روحي سوي الشاهي والقهوه بعد شوي بيجون اهلي يله تحركي
هديل:ان شاءالله..ورحت تسوي اللي قالت عليه وخلصت تبغي تطلع فوق..
ام وليد:هديل ...؟؟؟؟
هديل واقفه على الدرج:نعم خالتي ..!!!
ام وليد:روشي ريمي وحماده ولبسيهم و نزليهم عندي يله بسرعه
هديل:ان شاءالله..طلعت لفوق وشافت عبدالله يركض ويضحك وقفت بوسط الدرج تناظره بستغراب وهو حاط اصبعه على فمه يقول اووووووووووش.....
لان تعرف هبل اخوها وجلست على الدرج تترقب وش يسوي..وفجاءه انفتح باب غرفه وليد بقوه وطلع منها وليد وباين عليه معصب مره ويتلفت يمين وشمال يدورعلى احد ولما شافها هدأ..
وليد واقف عند اخته:هدوووله ..
هديل تبتسم:هلا وليد...
وليد:بسالك شفت احد دخل غرفتي؟؟
وقبل ما تجاوب تذكرت اخوها عبدالله فعرفت انه مسوي شئ فحبت تكمل اللعبه...
هديل:لا ماشفت احد ...ليش؟؟....وليد يعرف ان هديل ما تكذب فعشان كذا صدقها
وليد:لا بس احد رشني بمويه وانا نايم ومالحقت عليه..وبعدين انتي وش مجلسك هنا ؟؟
هديل:هاه ...امممم لابس حسيت رجلي نملت وجلست اريحها ليش..حرام الجلوس بالدرج؟
وليد يمشي عنها بيروح لغرفته:لا مو حرام بس انتي نسيتي انه مايجوز وانه ...
قاطعته هديل بخوف:بس بس خلاص لاتكمل..عالطول قامت وراحت غرفه حمادة وجلس وليد يضحك عليها وعلى خوفها..وعلى دخلته للغرفه هاجمه عبدالله برشاش المويه وهو فاطس ضحك
وليد بقهر:هييييييييه وجع انا كنت حاس مايسوي الحركات الا انت شله..عبوووود
عبدالله فاطس ضحك عليه لانه تقريبا تسبح..فقام على اخوه اخذ الرشاش لان عبدالله ماقدر يتمالك نفسه هو يرش على اخوه...
وليد بعصبيه:انا اوريك يا الثور..وجلس وليد يرش على عبدالله اللي ميت ضحك
وليد معصب:وجع ضحكت من غير سنون احر ماعندي ابرد ماعندك صدق ان ما عندك سالفه
عبدالله وهو يضحك:هههههههه ياخي وش اسويبك ههههههههههه موراضي تقوووم قلت ياولد استعمل معه الخطه رقم 11ههههههههه..
وليد:وفرحان حظرتك وبعد مسميها خطة11 يا فلاحتك بس
عبدالله:اكيد مسميها عشان يا شاطر ماتتلخبط مع باقي الخطط يعنى كل طريقه لها خطة ورقم
وليد:اقول لاتكثر ..وش تبي انت الحين زاعجني
عبدالله:ابد والله اشتقت الى اخي الغالي الى اخي الحبوب الى...
وليد قاطعه:اخلص وش تبي سيارتي ماراح اعطيك اياها..وبعدين وين تبي تطس ؟؟
عبدالله:والله بروح انا فواز بنتمشي شوي وبرجع والله ياوليد ماراح اتاخر ..
وليد:طيب..عطيت امي خبر؟؟ اومثل كل مرة...!!!
عبدالله:لا تخاف قبل ما اروح بقولها انت هات المفتاح الحين والله ابلشني ولد عمتك بسرعه
عبدالله ماعنده سياره عشان كذا ياخذ سياره وليد برغم انه يعرف يسوق ويدل كل الاماكن اللي ماتخطر على البال بس حكم سنه ودراسته.. رفضت امه تجيب له سياره عشان ماتشغله عن الدراسه
وليد:خذ الاذن من امي وتعال كلمني ....OKودخل الحمام اللي بغرفته عشان ياخذ له دش
هديل تحاول تصحي حماده اللي مو راضي يقوم فراحت تدغدغ فيه عشان يصحى وكانت ريمي عندها وفاطسه ضحك من هديل وحماده
هديل:يله حماده حبيبي قوم يله..وتدغدغ فيه هو يصارخ من الضحك وشافت ريمي اللي كان الوضع جايزلها ...
هديل بخبث:هاه ريمي تبين اجرب فيك..هزت ريمي راسها بالنفي وهي تبتعد عنهم بس ماخلتها تنحاش عالطول مسكتها وهي تضحك بصوت عالي وشالتها وحطتها بجنب حماده فجلست تدغدغ بالاثنين وهم فاطسين ضحك
حماده:ساني ساني ...هزيل
ريمي:اني اني زيل...(يعني ثاني ثاني هديل)
هديل :لا ماراح اسوي لين ماتقومون و اروشكم وبعدين اسوي لكم اللي تبونه يله قدامي
سحبت يد حماده وعالطول قام اما ريمي معروفه بالعناد الا الحين او مافيه..فرضت تقوم
هديل:يله حبيبتي الحين عبووود بيروح البقاله وبيجيب حلاوة لحماده وانتي لا..
لما سعمت طاري حلاو وبقاله قمزت من السرير تتسابق على الحمام ضحكت عليهاوهي تقول بنفسها ياحبل الاطفال للبقاله والحلاوه ..
جلس عبدالله بغرفته وهو يفكر وشلون يقنع امه لانها ماراح ترضى بالسهل وقطع عليه حبل افكاره الجوال ولما شاف مين رد عالطول
عبدالله:ياخي ترى ازعجتني مافيك صبر..
فواز:بسم الله ..طيب سلم بالاول مو تهب فينا
عبدالله هو يبتسم:ولايهمك السلام عليكم..زين كذا
فواز:ايه توك تصيرعبود اللي اعرفه هاه وينك فيه ساعه انتظرك
عبدالله مستغرب:اي ساعه الله يهديك مالي الا ربع ساعه مقفلين ومتفقين على كل شئ
فواز:المهم تجي او لا ..؟
عبدالله:اكيد بجي بس ابي خطة اقنع امي فيها...!
فواز:حنا نبي موافقه وليد وش دخل امك بالموضووووع .؟
عبدالله:يا ذكي انت وش فيك وليد طول عمره ماقل لا..المشكله الكبيرة امي !!!
فوازمستوعب:اهاااااا قلتلي امك طيب يا حلو وش رايك تقولها انك تبي تروح تجيب من ناصر اغراض...
عبدالله يضحك:هههههههههههه اقول كثر منها انت ماتعرف امي زين تحب تعرف كل صغيره وكبيره...
فواز:طيب امممممممممممم قولها اني غايب اليوم وتبغى تعطيني جدول الاختبارات والملخصات وغيره
عبدالله:والله فكرة ..اثريك داهيه وانا اخر مايعلم طيب واذ قالت ان اليوم الاربعاء او اتصل عليه
فواز بدءيعصب:وش فيك دلخ انت دبر نفسك بنفسك يله انا انتظرك..باااااي
عبدالله مستغرب :باااااي ..طرار ويتشرط..وطلع عبدالله من غرفته يبغى يروح لامه وتقابل هو هديل بالممر ..
هديل:اشوفك طالع على وين ..؟
عبدالله:هديل طلبتك قولي تم ..؟
هديل :يوه ياعبود من متى وانا ارفضلك طلب من غير ماقول وش عندك امرني ..؟
عبدالله:مايامر عليك عدو..امممم ابيك تقنعين لي وليد يعطيني سيارته لمده ساعتين..؟
هديل مستغربه:الله ساعتين وين تبي تروح ؟ وبعدين ماعتقد وليد يصبر على سيارته ..
عبدالله:انتي اقنعيه تكفى هدوووووله طلبتك..
هديل:بحاووول معه واذ رفض بقوله ساعه ..؟
عبدالله:زين اهم شئ اطلع شوي مواعد فواز بطلعه...
هديل وهي تناظرة بخبث وتبتسم:طيب بشرط
عبدالله مستغرب يقول بنفسه غريبه هديل تطلب او تتشرط لانها ماتطلب شئ دايم تقتنع باللي عندها ..
عبدالله يبتسم:امرني هدووووله كم هدووووله عندي...
هديل مبتسمه:اممممممممم دامك طالع ياليت تمر على ستاربكس وتجيب فربتشينوا ..
عبدالله يناظر فيها بمكر:وانتي وش عرفك فيه..؟
هديل مستغربه:تموت على بلاغه الشف ..نوف ذاقته وتقول جربيه
عبدالله:ماخربك غير نوف هذا ام الدوابير..
هديل:حراااام عليك والله مافي مثل هالبنت ..
عبدالله:ايه دافعي عنها بس بكرة تقووولين عبود ماقال المهم ماطلبتي يا الغاليه بس قولي لوليدووووه لاتنسين بروح اخذ الاذن من امي وبجي ..OK
هديل:ولا يهمك انت روح جب الموافقه وراح تحصل اللي يسرك..
عبدالله وهو ماشي عنها ولف عليها ويطير بوسه على الهواء ابتسمه من حركه اخوها..دخلت غرفه وليد لقته بالحمام ياخذ دش جلست تنتظره وبعد ربع ساعه طلع وكان لابس فنيله وسروال طويل وحاط الفوطه على راسه واستغرب ان هديل تنتظره اكيد في شئ مهم مو من عوايدها تنتظرني اما هديل كانت ميته من الحياء "وش خلاني انتظره بغرفته كان انتظرته برا"وقطع عليها افكارها
وليد:هاه هدوووووله وش عندك ؟
هديل مستحيه:كل خير بس ابي منك طلب ولا تردني ..
وليد:افاااا يا هديل متى رديت لك طلب امريني وش طلب الغاليه ..؟؟؟
هديل تعرف ان اخوانها يحبونها بسبب امهم وطريقه معاملتها وكل ماتقارن بينهم وبين مرت ابوها تخنقها العبره وتسكت وتحاول تكون طبيعيه واكره ماعليها الشفقه وكانت دايم تحذر اخونها من ان يشفقون عليها بس وضحولها انهم يحبونها على انها اختهم الحبوبه...قطع عليها وليد
وليد:هدوووووله وش فيك..؟
هديل تبتسم:مافي شئ اممممممممم ايه صح عبدالله يبغى ياخذ سيارتك لمدة ساعتين ؟
وليد:نعم نعم ساعتين وين يبي يطس هذا .؟
هديل:والله مدري بس مسكين خله يروح يتمشى ترا اليوم الاربعاء و خله يفرله شوي
وليد:وانا اجلس مثل الحريم احط يدي على خدي انتظره لالالالا قوليه I'm sorry
هديل تضحك على طريقه اخوها:طيب هو طلبني وانت تقول ماقد رفضتلك طلب
وليد:هدووووله حبيبتي والله مقدر مواعد نواف وصديقاني وصعبه اخلف الوعد..
هديل:طيب خذه معك وربي يكسر الخاطر عشاني حطه عند فواز وهم يدبرون اعمارهم..
وليد:ماطلبتي يا الغاليه اوامر ثانيه..
هديل تبتسم:لاسلامتك يالله انا استاذن بروح اشوووف اخوانك الصغار..
وطلعت من غرفه وليد وراحت لغرفه اخوانها الصغاروشافت حماده محتاس بلبس الجزمه وريمي مثل براءه كل طفل تناظر فيه جلست هديل عند حماده تبتسم كملت لبسهم وشالت ريمي ونزلوا تحت
عبدالله:يمه تكفين والله ماراح اطول ساعه وبرجع ..حب راس امه
ام وليد:لاتطول والا والله يا عبووود اذ مارجعت بعد ساعه راح احبسك مع هديل انت تسمع..
كانت هديل واقفه تسمع الحوار حكم القوي على الضعيف ما قالت شئ اكتفت بتنزيل راسها وانتبه عبدالله لنظرات امه اللي متجه لهديل وشاف هديل واخوانه الصغارولاقال شئ لانه لوحاول راح يخسرالطلعه ففضل السكوت
ام وليد:بس ماتطلع الا اذ جت امك موضي وخالتك هدى وحنان تسلم عليهم..
عبدالله مستغرب:متى بيجيون ؟؟
ام وليد:بعد المغرب ...تعال يمه حماده انت وريمي اشوف لبسكم
راح لها حماده واخته ريمي ..كل مايسوي شئ حماده تسوي مثله كانهم تؤام وقف عند امه وهو يبتسم
ام وليد:والله عندك ذوق ياهديل تعرفين تختارين المهم روحي نادي وليد خليه ينزل وانتي بعد روحي تعدلي وتزيني تعرفين امي تحب تكونين معنا ...
وراحت هديل لفوق وتقابلت مع اخوها بالممراللي توه طالع وقالت ان امه تبغيه
ودخلت هديل غرفتها وقفلت بابها وتسندت على الباب وتطالع لفوق تستنجد ربها:يارب يارب لمتى وانا صابره اخاف يجي يوم وانفجر ساعدني يارب وزدني قوه من عندك يارب ..واستغفرت ربها ودشت الحمام تاخذ لها شور..
لما نزل وليد شافهم مجتمعين وحب على راس امه وقال انه بيطلع
ام وليد:وين تروح وامي بتجي بعد شوي مع خلاتك...
وليد:والله مدريت يمه وانا مواعد نواف وصديقاني بس احاول مااتاخر عليكم انشاءالله
ام وليد:لايايمه اجلس وسلم وبعدين توكل مابيهم يقولون شيخه ماعرفت تربي
وليد يبتسم:ماعاش من يقول ذا الحكي ولا يهمك بجلس اوامر ثانيه يا الغلا
ام وليد:انت الوحيد اللي تحن علي عسى ربي يوفقك ...
عبدالله متغاظ من اخوه:لاوالله الحين هو اللي يحن وحنا بطقاق
ام وليد:والله كلكم سوا يمه وش فيك زعلت انت عاد اطيبهم كلهم
عبدالله متشقق من الوناسه وخاصه اذ احد يمدحه يروح فيهااا..
عبدالله:وبعدين وين تروح ماقلتلك هديل شئ..!
وليد:الا قالت لي عشان كذا تجهز عشان اوصلك لفواز ....
عبدالله انبسط من الاقتراح لان موقع بيت عمتهم سارة ممتاز يعنى اي شئ يبونه مو شرط يرحون بسيارة
ام وليد بعصبيه:الحين من امكم انا او هديل اشوفكم تقررون معها ولا كني موجوده..
وليد بارتباك:محشومه يمه بس هديل طلبتني لاني كنت رافض على عبدالله وهي تتوسط له..
ام وليد بعصبيه:عبووود تروح للغريبه تتوسط لك وانا امك ماتجيني ماقول غير الله يخسك من ولد قوم عني
ومافي روحه لفواز ولا مكان ثاني واجلس فوق ولا اشوووفك قدامي ...
عبدالله متضايق من اسلوب امه:يمه لا تفهمين غلط الله يهديك مو تتوسط ..يمه الله يخليك لاتاخذين الامور بزعل وبعدين هديل مو غريبه هديل اختي .تكفين يمه طلبتك لاتردين بكلامك وهديل كانت رافضه تقول لي لازم اشاورك وتاخذ الاذن منك وكانت معارضه ان تكلم وليد بس انا اقنعتها يمه تكفين عاد وافقي.."طبعا اللي قاله ماصار بس يبغى ينقذ اخته من الموقف"..
ام وليد مفوله على الاخر:وش رايك ماتتوسط عندها عشان اوافق..
وليد:يمه انتي رضيتي وانا رضيت وخلاص ياالغلا هذا المهم ولاتدخلين هديل بالموضوع ..هديل ماله ذنب يعني هذا جزاتها انها رافضه من الاول وعبدالله اقنعها يعنى فكرت فيك خلاص هالمرة سماح والمرة الثانيه وريه شغلك زين..
ام وليد بزعل:طيب هالمرة بس سماح عشان وليدي وليد والا المرة الثانيه يا عبيد ماتلوم الا نفسك ..قامت عنهم عشان تشوف الخدامه وش قاعده تسوي بالمطبخ.....
وفي الساعه 11 بالليل دق التلفون وكان جالس بالصاله ابو وليد وزوجته وريمي كانت نايمه بحظن امها وحماده جالس يلعب مع عبدالله....
ام وليد:عبدالله رد على التلفون ماقدر اقوم معي اختك..قام ورد على التلفووون
عبدالله:الوووو
نوف:الوووو...السلام عليكم.."عرفت انه عبدالله لانه هو الوحيد اللي يرد على التلفون"
عبدالله:وعليكم السلام...
نوف:اففففففف انت دايم بس تنط بوجهي وترد ياخي احد مشغلك سنترال بهالبيت
عبدالله مستغرب:بسم الله الرحمن الرحيم..الوحد توه بيقول ياهادي وانتي تاكلينه اكل ..
خير وش تبين احد يتصل بذا الوقت ..؟
نوف:والله اذ اتصل وطلبتك تعال وعاتبني انا مابيك ابي حلوة البيت
عبدالله:ايه والله حلوة البيت غصب عنك يعنى تعترفين انك ولا شئ عند هدوووووله سبحان الله كل واحد يعرف قدر نفسه ههههههههههههههههههه
نوف بدت تعصب:وين هديل ليجيك كف بوجهك..
عبدالله مبسوط لانه رفع ضغطها:بسالك انتي بنت والا لا ماقد عمري شفت بنت ناعمه كثر اختي
دامك تماشين حلوة البيت ليش ماتصيرين مثلها نعومه ورقه وحلى
نوف:تناديها والا اسكره بوجهك ياالشين..
عبدالله يضحك:انا شين ههههههههه تتمنين ربع جمالي يا الشينه هههههههههههه..
نوف:ويييييييييييييييييييييييع عليك والله ماخذ بعمرك مقلب اقول روح نادى عمتك هديل
عبدالله يضحك:انشاءالله ولا تنسين انها عمتك بعد يا ...الشينه هههههههههههههههههههههه
وترك السماعه عشان ينادي هديل ولما وصل عند غرفه هديل سمع صوت انين وتقرب من عند بابها عشان يقدر يميز اذ انه صادر من غرفتها او لا .."يالله ليش هديل تبكي وش صارلها اليوم"..وطق الباب وحاط اذانه على الباب يتسمع الصوت وفجاءه سكتت وطق الباب مرة ثانيه ولا فيه اي جواب وطق للمرة الثالثه ...
عبدالله:هدوووووووله نايمه او لسه..؟
ماحصل جواب وطق مرة رابعه ولما يأس مشى بيروح عنها انفتح نص الباب ولاحظ ان الغرفه مظلمه
هديل بصوت مبحوح:هلا عبدالله بغيت شئ؟
عبدالله ونظرة حنان بعيونه:لا مو انا اللي ابي لو ابي منك شئ بطلب سلامتك ورضاك..
هديل تنهدت:اكيد خالتي تبي شئ ؟
عبدالله:لا..هذه الخبله نوووفوووه تبيك على التلفووون بس شكلك نايمه وازعجتك صح؟
هديل تحاول تكون طبيعيه:ايه كنت نايمه بس دامني صحيت بكلمها دقيقه ونازله..
عبدالله عرف ان اخته فيها شئ ولا حب يستفسر لانها ماراح تقول شئ ابتسم وراح عنها وجلس يفكر فيها نزل تحت يكمل اللعب مع حماده وبعد دقيقه جت هديل منزله راسه ماتبي احد ينتبه عليها واخذت السماعه وكانت حاسه ان عبدالله يراقبها عشان كذا لفت عنهم....
هديل:الووووووو
نوف بصوت خايف:هديل وش فيه صوتك..؟
هديل:هلانوف وش اخبارك واخبار عمتى واخوانك.؟
نوف:هديل ترى الحركات ماهي علي تقولين وش فيك او شلون؟
هديل بصوت واطي عشان تدري ان مرت ابوها قاعده تحاول تتسمع لها: بعدين اقولك
نوف:طيب اقوووول هدووووووووله لاتنسين تجين بكرة ترى عمامي وعمتى نورة بيجون وياليتك تجين
هديل:مدري يانوف تعرفين مابيدي شئ وبعدين خالتي معزومه بزواج وماظن تخليني اجي ..
نوف وهي تكلم امها:يمه تقول هديل ماتقدر تجي لان خالتها معزومه بزواج
ام نواف:قوليلها جمعه بيننا ومافيها شئ خالتها تروح للزواج وهي تجي ..
نوف:سمعتي عمتك يعنى لامحال تجين تجين Ok واذ ماخلتك خالتك تجين حاولي معها تكفين هدوووووله وربي من زمان ماشفتك لك وحشه اخر مرة تذكرين متى بزواج محمد ولد عمتي ولا شفتك يعنى كم شهر امممممممم ثلاث شهور يالظالمه حرم عليك حاولي..
هديل تبتسم على خبال بنت عمتها: ان شاءالله بحاول
نوف بصوت حنون:هدوووووله اكيد الغوله مزعلتك صح
هديل:...........
نوف:هدوووووله انتي معي؟
هديل:هلا..ايه معك ان شاءالله بكرة اردلك خبر اول مااقوم حلو كذا..
نوف تبتسم:حلو وانتي احلى يا حلوة
هديل:طيب مابغى اطول تعرفين انتي
نوفاضغط هنا لتكبير الصورهk تامرين شئ ياقميييييل...
هديل تبتسم:لاسلامتك ..بااااااي
نوف:الله يسلمك بااااياااات
سكرت هديل السماعه ولما تبي تطلع فوق نادتها ام وليد وقالت بخاطرها الله يستر
هديل:هلا خالتي..وقفت مقابلها
ام وليد:خوذي ريمي خليها تنام عندك وبالمرة خذي حماده
ولما تقدمت تاخذ ريمي انتبت على عبدالله الله يناظر فيها ونزلت عيونها وشالت ريمي
ابو وليد:هديل وش فيها عيونك متنفخه..؟
هديل ارتبكت:هاه ......كنت نايمه وقمت مفجوعه على طقت الباب
ابو وليد معصب:ليش تصحي اختك دامها نايمه متى تتعلم انت هاه..
عبدالله:..........
هديل:لايوبه عادي اصلا نوف كانت تبيني ضروري ...ونزلت راسها لان عيونها تفضحها
ام وليد تناظرها من فوق لتحت:وش كانت تبي بنت سارة؟
هديل:تقول ان عندهم جمعه وتبينا نكون معهم بس انا قلتها انك معزومه على زواج ومانظن نجيكم
ام وليد:ايه والله نسيت بكره زواج ولد ام صالح قوليها مانقدرنجي يوم ثاني..
عبدالله تدخل:طيب وش فيها يمه انتي روحي وخلي هديل تروح لهم وبالمرة انا بعد بروح لهم تكفين يمه ترى الساعه اللي جلست فيها مع فواز ماتكفى وبعدين بكرة خميس وانتي تطلعين وحنا محبوسين
والا وش رايك يا بو وليد..؟
ابو وليد:صادق الولد خليهم يروحون لبيت عمتهم ينبسطون وانا معهم دامهم جمعه زي ماتقول اكيد امي بتكون فيه والله هالاسبوع مازرتها واكيد زعلانه وانا بنفسي بوديهم وبجيبهم
ام وليد وتناظر ولدها بعصبيه:دامك معهم على كيفكم ..قامت ام وليد وراحت فوق وهي متضايقه من ولدها وخاصه باللي قاله ام وليد ماتحب تكون عند زوجها المرأة الظالمه دايم تظهر عنده المرأة الطيبه اللي ترضى بكلامه بس من داخلها بركان وده ينفجر ...
طلعت هديل فوق لغرفتها ومعها ريمي وكان حماده يلعب وراها وكانه يسوق سياره وقاعد يفحط وطلعت ام وليد عليها وهي ميته من القهر..
ام وليد:يكون بعلمك لاتحسبين اني راضيت عشان تروحي لحالك وتنبسطين هالمرة بس بعديها والا مرة ثانيه مابعديها لو على قطع رقبتي فاهمه..
هديل خافت من تهديد مرت ابوها نزلت راسهاوتكمل دربها بس الغوله مثل ماتقول نوف
ماخلتها جرتها من قميصها...
ام وليد:كأن الكلام مو عاجبك تروحين وتمشين..
هديل:لاياخالتي ماقلت كذا بس ريمي اخافها تقوم واذ قامت ماراح تنام
ام وليد بعصبيه:هالمرة ريمي رحمتك بس والله العظيم ماحد راح يرحمك مفهوم..وراحت عنها
دخلت هديل غرفتها وهي متضايقه بالحيل حطت ريمي على فراشها وغطتها وجلست على الفراش تفكر انا وش سويت؟؟
حماده:هزيل ..هزيل
هديل:..............
حماده بعصبيه :هزززززززيل ..
هديل :هاه حماده وش عندك؟؟؟
حماده:وين انام ؟
هديل تبتسم على براءه اخوها:وين ودك تنام عندي او بغرفتك ؟
حماده منزل راسه ويحرك رجله كانه يشوت:ابي انام عندك..ابتسم...مايحلى ويزين حماده ابتساماته اللي يوزعهن على قولت عبدالله..
هديل وهي تضم اخوها:خلاص ياسيدي تنام عندي ولا يهمك امممممممم وش رايك الحين نروح لغرفتك نغير ملابسك وملابس ريمي وننام ..تبتسم له
هز حماده راسه بالايجاب وهو يبتسم وراحوا لغرفته ولبسته بجامه نوم واخذت ملابس لريمي وكم غرض لهم وطلعووا وهي تبي تدخل غرفتها شافت عبدالله طالع وهو يغني ولما شافهم جاء عندهم
عبدالله:وش تسووون ليش مارقدتوووا..؟
هديل تبتسم:الحين بنرقد ..انت ليش مارقدت ؟
عبدالله:مافيني نووووم اقول هدوووووله وش رايك تنيمين ابو راس هذا ونسهرعلى فلم انا وانتي ..؟
هديل:والله فكرة ولا يهمك شوووي واجيك..
حماده برطم:انت ابو راس ومابي انام ابجلس معكم...
عبدالله:حبيبي حماده انت راسك اكبر من راسي عشان كذا اقولك ابو راس بس انا راسي صغير مثل راس ريمي هههههههههههههههههههههههههههههههههه
حماده:لالالالالا ريمي راسها كبير بعد صح هزيل
هديل تضحك على اخونها:لاحبيبي مو صح كلنا روسنا كبيرة مو بس انت وريمي يله حبيبي نروح ننام عشان بكرة بروح لعمتي سارة وعمتي نورة يله لازم تنام عشان تقوم بدري شوف ريمي نامت قبلك
عبدالله:خلاص خليه ينام عندي هاه بو حمود تنام عندي او لا ..؟
حماده انبسط على الفكرة:ايه بنام عند عبوووود..وراح معه وهو ينطط من الفرحه
دخلت هديل لغرفتها وهي تفكر باخونهاوعماتها وعمامها كلهم يحبونها حتى ابوها مرات يكون حنون وطيب ومرات يكون انسان اول مرة تعرفه بس على كلام عماتي انه عانى من طلاقه كثير ويمكن اللي يسويه يعاقب امي فيني انا آآآآآه يا يمه وينك ؟ وشلون تتركيني من غير تسالين عني وشلون؟؟ وشلون طاوعك قلبك ؟؟ وقطع حبل افكارها عبدالله اللي شايل حماده ..
عبدالله:وين احطها لارميه من النافذه...
هديل ماهي مستوعبه :بسرعه هذا نام وش سويت فيها ؟
عبدالله:اي سرعه الله يهديك معانه انا وياه وطقاق الين مانام بس شكلك بعالم ثاني.."يالله كنت سرحانه من غير مانتبه للوقت الحين الساعه2وربع وماحسيت بعمري"حست بالاحراج لان عبدالله كشفها..
هديل:هاته عنك كل شئ ولا حماده ترميه اذ رميته انا ارميك ..اخذت منه
عبدالله:الله كل هذا عشان ابو راس طيب يا هدوووووووله نشوف مين بينفعك انا او هو
هديل وهي تحط حماده على السرير وتغطيه:والله كلكم بتنفعوني ماراح ابدي احد على الثاني ترى اطالع الله ثم اطالعكم مالي غيركم بالدنيا ..تغير صوتها
عبدالله:هدووووووووله ترى مهما اللي يصير انتي اختي حبيبتي واللي يرشك بمويه ارشه بدم كل شئ ولا هدوووووله يله بتروح علينا السهر وحنا جالسين نسولف..ابتسم لها
طلعت هديل وعبدالله وراحو لغرفه وليد ياخذون كم فلم وراحوا لبيت الشعر اللي بالحوش لانه فيه كل شئ فتحوا الانوار والمكيف وجلست هديل وعبدالله راح يشغل التلفزيون ويعيد الفلم من الاول
هديل:عبووووود وش اريك نجيب شئ ناكله او نشربه...
عبدالله:ايه والله صادقه روحي سوي شاهي وجيبي فصفص...
هديل مطيره عيونها:لالاوش فصفص وشاهي بالليل بروح اجيب عصير او ببسي ومكسرات حلو
عبداللهاضغط هنا لتكبير الصورهk
قامت هديل تجيب اللي قالت عنه وعبدالله يضبط الالوان والصوت وفجاءه جاهم وليد وشاف بيت الشعر مفتوح وطل براسه..
وليد:السلام عليكم...وش تسووووووي لحالك..!!!!
عبدالله:وعليكم السلام تفضل حياك..دخل وليد وجلس وهو مستغرب من اللي قاعد يسويه
عبدالله:ابد جالس انا والغاليه بنتفرج على اخر الافلام اللي عندك
وليد مستغرب:ليش هديل بعد مانامت ؟؟؟.." هديل معروفه عند اخونها الغاليه"..
عبدالله:لامانامت وليد بقولك شئ قبل ماتجي هديل
وليد باهتمام:وشو عندك..!!!
عبدالله:سمعت هديل تصيح اليوم وتعرفها لو بسالها ماراح تتكلم عشان كذا انت شوف وش فيها يمكن تقدر تتكلم معك..!
وليد جلس يفكر وش فيها هديل اكيد في شئ يخليها تبكي بصوت مسموع اجل وش عرف عبدالله انها تصيح هي صح كانت تصحي بس ماكن يدري عنها احد الا من عيونها باليوم الثاني بس دام عبدالله سمعها اكيد في شئ كبير..
وليد:انت وش عرفك انها تصيح؟
عبدالله:دقت نوف تبيها ولما رحت اناديها وقفت عند بابها قبل مااطق الباب سمعتها..
وليد:زين انك علمتني والحين قفل على الموضوع شكلها جت..وابتسم
هديل:هاه ابو خالد مشرفنا ..
وليد:احرجتيني ابو خالد مرة وحده هههههههههههههههههههه خليني اخلص دراسه واشتغل بعدين قولي ابو خالد..
هديل:اجل اذ نويت ترى العروس عندي...
وليد:دامها من عندك راضي يكفي انها من عند الغاليه...
هديل مستحيه:انت انوي وماراح تحصل الا اللي يسرك..
وليد:اجل مشتغله خطابه هههههههههههههههههههههههههههههههه
هديل:ههههههه ابركها من ساعه اذ صرت خطابه لخواني عسى ربي يخليهم لي.
وليد:الله على الكلام الحلو المهم تبون شئ بروح انام لاني مانمت زين اليوم...يناظر لعبدالله
عبدالله ويتذكر شكل اخوه:ههههههههههههههههههه نوم العوافي
وليد:تصبحون على خير
هديل+عبدالله:وانت من اهل الخير
بدوا الاثنين سهرتهم وهم متحمسين على الفلم لين ماخلص وطلعوا فوق دخل عبدالله وهديل غرفهم
فتحت هديل الابجوره اللي عند راسها عشان تشوف اخونها حصلت ريمي ماعليها غطى وحماده معتفس نومه يعنى كل شئ فيه بجهه ضحكت عليهم وعدلتهم وباست كل واحد ولما شافت الساعه لقتها3ونص الفجر ولسه ماذان وقالت ماراح تنام الين ماتصليوجلست تفكر باحداث اليوم وتنزل دمعتها وماحست الا وقت اقامه الصلاة وقامت تتوضى وصلت وحطت راسها على المخده.....
اليوم الخميس الساعه11وثلث قامت هديل على اصوات اخونها حماده وريمي وتذكر كيف كانت ليلتها امس من محزنه الى سعيده وشافت حماده يحرك يدينه وكانه يشرح لريمي شئ معين تقربت منهم بكسل ماشبعت نوم..
هديل:صباح الخير على الكتاكيت الحلوين
حماده:صباح النور
ريمي:اور.....شافتها بحنان وباستها على خدها
هديل:وش عندكم قايمين بدري.؟
حماده ببراءه:هزيل...انا...نايم...عند عبووود....ليس انا عندك..؟
هديل ابتسمت:حبيبي انت امس نمت عند عبوووود بس انا اخذتك منه.
حماده برطم:ليس؟
هديل:عشان ماقدر اصبر عنك وانت نايم بعيد عني ليكون ماتبي تنام عندي ..
حماده:لالا انا احبك هزيل ..وقام ونام بجنبها وباسها على خدها وسوت بالمثل ريمي ماقلتلكم تؤام
قامت هديل روشت حماده وريمي ولبستهم وخلتهم ينزلون تحت اما هي فاخذت لها دش ونزلت تحت
قامت هديل روشت حماده وريمي ولبستهم وخلتهم ينزلون تحت اما هي فاخذت لها دش ونزلت تحت
هديل:السلام عليكم
ام وليد+ابو وليد:وعليكم السلام..حبت راس ابوها ومرت ابوها..طبعا هي ماتبغى هذا الشئ بس موصيه هديل بالشئ هذا عند ابوها بس عشان تكون زوجه المحبه قدامه
ام وليد:بدري تون الناس كان نمتي حتى الظهر ..
هديل:نسيت اركب الساعه ..
ابو وليد:هديل تجهزي انتي واخونك بوديكم العصر لعمتك سارة لان عندي مشوار المغرب واخاف اتاخر عليكم...
هديل:ان شاءالله يوبه..وباللحظه ناظرت خالتها اللي مفوووله على الاخر
ام وليد:الله من العصر بتوديهم لا مايطلعون الا عقب صلاة المغرب وزين مني خليتهم يرحون المغرب
ابو وليد:انتي وش فيك احد يروح لناس اخر الليل لانتي رايحه معهم ولا شئ لو رايحه معهم بكيفكم لو تروحن اخر الليل روحوا بس انتي معزومه مافيها شئ اذ راحوا من العصروبعدين ماراحو لبيت اغراب
ام وليد تحاول تكون طبيعيه:انا ماقلت شئ بس فشيله يرحون بدري انا اقول وليد يوديهم بعد صلاة العشاء احسن يكنون مجتمعين كلهم..
ابو وليد:انا قلت انا بوديهم وانا بجيبهم وانتهينا ..
ام وليد صدت لصوب الثاني وهي تحوس بشفايفها وتقول بعديها هالمرة بس المرة الجايه ماراح تخليهم
حماده:ماما زوعان..
ريمي:ان ..(يعنى جوعانه)
ام وليد بنرفزة:هديل اشوف قمتي ولا فطرتيهم قومي اشوف فطريهم ياحبيلك لتسمع السواليف
قامت هديل ولا قالت شئ وعلى روحتها سمعت ابوها يقول
ابو وليد:خفي على البنت وش بلاك عليها لاتنسين تراها بنتي مو شغاله عندك..
ام وليد تتصنع البراءه:يوه ياابراهيم والله ماقصد شئ وهذولا بعد عيالك وانا اذ صرت مع هديل كذا عشاني ابيه تكون حرمه سنعه ويقولون ان شيخه عرفت تربي بنت زوجها ...
ابو وليد ماقال شئ لانه يعرف انه زوجته على حق ..

ام نواف:نواف وين اختك نوف ؟
نواف:اعتقد انها نايمه..
ام نواف:يوه الى الحين نايمه قوم طق عليها الباب يله تقوم تسوي الحلى اللي صاجتنا فيه من اسبوع
نوف تطل عليهم:انا هناااا كاني سمعت اسمي ينذكر..تبتسم
ام نواف:ايه ذكرنها تعالي الحين وش ناويه تسوي حلى القهوة
نوف تستهبل:جبتو اسمي خير او شر..وبعدين اي حلى قهوة ماذكر اني قلت بسوي حلى قهوة
ام نواف:يومي ماراح يجي الا على يدين ام لسان هذي...
نوف وعلامات الاستغراب :ليش يمه عسى عمرك طويل ان شاءالله وش قلت الحين
ام نواف معصبه:نووووفووووه قومي عني الشرهه مو عليك على اللي يتكل عليك
نوف تحتضن امها وتبوس راسها:لالا خلاص ولا يهمك الحين اسويك صنفين من الحلى كم سارة عندي هي وحده ويله قادرين عليها..
ام نواف تمسكها من اذنها:ياللي ماتستحين على وجهك صدق انك ام لسان الحين انا يله قادرين على طيب يانويف تبين شئ مني يصير خير روحي عني .وانت(تكلم نواف اللي فاطس ضحك عليهم) بدل ماتضحك وقوم ادب اختك ام لسان طويل يبيله قص ..قصه وريحني منه..
نواف:يمه انتي ماقدرتي عليها تبيني انا اقدرلها والله لو اني عايف نفسي هههههههههههههههههههههههه
نوف بعصبيه:هييييييييييييييه احترم نفسك وش شايفني عفريت قدامك"تقلد بصوته"والله لو اني عايف نفسي مالت عليك وعلى نفسك ..
نواف:هههههههههههههههههههههههههههههههههههههههههه صدق ماكذبت امي ام لسان طويل
نوف:على الاقل احسن من اللي ماله صوت بالبيبت وجوده مثل عدمه..
ام نواف:نوووفووووه قومي يله طسي عني للمطبخ من على الضحى صاجتنا
نوف تحب على راس امها:انشاءالله يا ام نواف ولا يهمك كل شئ ولا زعل الغاليه الحلوة ام نواف اللي طالعه علي انا وبس ..
نواف:ههههههههههه وربي ماخذه على عمرك مقلب هههههههههههههههههههههههههههههههه
نوف:يازينك ساكت انت بعد..
ام نواف بعصبيه:نوووفوووه لا احترامتيني ولا احترمتي اخوك قدامي اشوف رفعتي ضغطي
نوف:طيب طيب لاتعصبين يالغاليه بروح see you
نواف:هههههههههههههههههههه بنتك هذي رهيبه ماا قوول الاالله يعين زوجها
ام نواف:عسى ربي يهديها ويثبت عقلها
نوف تطلت من المطبخ:اميييييييييييييييييييييييييييييييييييييييين ... ضحك اخوها نواف وامها فتحت عيونها..."وين تعقل وهي لسانها طويل"....
ام نواف اللي هي العمه سارة حنونه وطيبه وتحب الناس اجتماعيه مع الكل تزوجت ولد خالتها ابو نواف يحب زوجته وعياله وخاصه نوف لانها البنت الوحيده قلبه كبيره يسامح.. امانواف هذا صديق وليد الروح بروح خفيف دم وطيب بس انه خجول ومتسامح امانوف هذي زي ماشفتوها لسانها طويل وتاخذ حقها بالسانها زي مايقولون وامافواز اخرهم صديق عبدالله ودايم مع بعض بس فواز عكس نواف يحب يتناقر مع اخته مو يسكت مثل نواف..
دق التلفون وقام نواف رفعه السماعه
نواف:الوووووووو
هديل بحياء:السلام عليكم ..
نواف:وعليكم السلام..
هديل:ممكن اكلم نوف .؟
نواف:طيب لحظة..راح للمطبخ ينادي نوف
نواف:Noof you are wanted on the phone
وطلعت نوف تركض من المطبخ عشان تكلم واخوها يضحك على خبالها
نوف:hlleo,Noof is speking
هديل تبتسم:هلا نوف وش اخبارك..
نوف:هلاوالله بالصوت هاه بشري؟
هديل:بسم الله انتي دايم كذا عجله يابنتي اركدي..
نوف برطمت:حتى انتي اليوم قايمه علي مو يكفي اللي عندي..نواف فاطس ضحك على اخته وامها مسكت راسها عشان ماينفجر زي ماتقول..
هديل:عسى ماشر وش مسوينلك؟
نوف:ماشر ..هاه بشري وش صار؟
هديل حبت تستهبل على بنت عمتها:مدري وش اقولك اكيد لا
نوف بضيق:اهااااا طيب حاولي قولي وليد يجيبك ..
هديل:حاولت تقول مين يجلس يالبيت ومافيه احد وانتي ابخص عاد...مسكت ضحكتها
نوف وخلاص وصلت معها:طيب خلاص الله موكاتبه نشوف بعض ...سكتت
هديل ميته ضحك على نبرة صوت نوف وقالت ياويل انا وش قلت
هديل تضحك:هههههههههه نوف وش فيك هههههههههههههههههههههههههههههههههههههههههه
نوف بعصبيه:لاوالله ماتدرين وشفيني ليش الغوله كذا تسوي معك لييييييييييييش؟وانتي مبسوطه حظرتك اجل مو الغوله اللي رافضه انتي اللي رافضه ماتبين تجين....
هديل:ههههههههههههههههههههههههههههههههههههههههههههه ههههههههههههههههههههههههههههه
نوف بعصبيه:هديلوووووووووه ووجع احر ماعندي ابرد ماعندها احسن لاتجين حنا اصلا مانبيك تجين
هديل تحاول تتكلم:ههههههههههههههه نوف لحظه هههههههههههههههههههههههههههه خليني اتكلم
نوف بعصبيه:تكلمي من ماسكك انتي اتركي الضحك وتكلمي ....
هديل ميته ضحك عليها مو قادره تسكت
نوف وهي تصرخ :هديلووووووووووووووووووووووووووووووووووووووووووه ووعمى تكلمي
هديل:ههههههههه طيب طيب لاتعصبين ههههههههههههههههههه بنجيكم ان شاءلله هههههههههههه وازيدك من الشعر بيت بنجيكم بدري يعنى العصر حنا عندكم انبسطتي ...
نوف مو مصدقه:احلفي هديل قولي والله بتجووون ولا العصر يااااااااااااي طيب بروح اخلص اللي بيدي عشان اتجهز لكم بس حسابك معي عسير يالدبه...
هديل:هههههههههههه خلاص بكنسل الجيه...
هديل:هههههههههههه خلاص بكنسل الجيه...
نوف:لالالالالالالالالالا خلاص ماراح اسوي شئ اهم شئ تجين الللللللللللله وناااااااااااااااااسه
هديله:يله ماطول عليك روحي خلصي اللي بيدك بااااااااااي
نوف:بااااااياااات..سكرت نوف من عند هديل وهي تدور بالصاله وكانها تطير..
نوف:يمه ياحلى ام بالدنيا هدوله بتجي واخيرا نبشوفها..
ام نواف:اشوا والله هالبنت كاسره خاطري ماتطلع زين جت عندنا ..ماقالت تجي خالتها
نوف:ماقالت شئ يمه وش تبين فيها الغوله ياربي ماطيقها خيرشر...
ام نواف:انا مادري متى تعقلين وتلمين هالسان الطويل يام لسان استحي على وجهك تقووولين للحرمه غوله عيب عليك ياربي منها هالبنت..مو اسمعك تقولينها عند امي وعمتك نورة والا عند اي احد والله لجيب يومك تسمعيني انتي..
نوف:وانا صادقه ماتشوفين وشلون ماتخلي هديل تروح معنا مكان عشان ماننفرد فيها وتقول عمايلها معها بس هديل الغبيه ماتتكلم ..
ام نواف:ياليتك بس يصير عندك نص عقل هديل
نواف:هههههههههههههههههههههه يمه كثير منها هههههههههههههههههههههههههههههههههههههه
ام نواف:لا اذ جلست عندكم انتم الاثنين بيجيني شئ منك خلوني اقوووم احسن لي ..وقامت عنهم وطلعت فوق تشوف ابو نواف فواز ليش ماقاموا
نوف تقلد بصوت اخوها:يمه كثير منها هههههههه مالت عليك ..ورمت عليه المخده
نواف:هههههههههههههههههه تراى والله اذ قمت تعرفين وش اسوي..
نوف:والله خوفتني ياعنتر زمانك يعنى وش بتسوي هااااااااااه
ولما شافته قام وجاء صوبها خافت وانحاشت للمطبخ وقعد يضحك عليها...
*
*
*خلصت هديل الصلاة وكانت الساعه3ونص ..حماده متجهز من بدري وراحت لريمي شافتها بسابع نومه فتركتها واخذ ت ملابس احتياطيه ورتبت كل شئ بشنطه صغيرة معها ولما طلعت من غرفه حماده شافت وليد طالع فوق ابتسمت له ..
وليد:هلا والله بالغالية..
هديل مبتسمة:هلابك من وين جاي..؟
وليد:كنت ببيت الشعر الا صح ماقلتيلي صدق بتروحون لعمتي سارة؟
هديل:ايه محد قالك ماتشوف عبدالله مبسوط ومشتط بغرفته فرحان..ولا تنسى تجي لان الكل مجتمع
وليد بجديه:هديل ابيك بكلمه راس ممكن..!
هديل تبتسم:افاااااا عليك هديل تحت امرك ..
وليد:اجل تعالي لغرفتي احسن..
هديل مستغربه:OK.. ومشت وراء اخوها لغرفته وسكر الباب عشان محد يزعجهم
وليد:اجلس هدوووووووله ليش واقفه..
هديل تجلس على السرير :خير وليد اشغلتني وش فيك..؟
وليد بتردد:احم احم ..هديل امممممم ليش ...ليش.. امس تبكين؟
هديل نزلت راسها:عبدالله قالك؟
وليد:ايه..واعرفي انه ماقالي الا خايف عليك مثل ما انا خايف عليك وكان بيسالك بس يعرف انك ماراح تقولين له شئ فعشان كذا قالي ..هديل انا اخوك صارحيني وش فيك؟
هديل:..........
وليد رفع راسها وشاف عيونها مليان دموع:هديل احنا سندك بالدنيا بعد الله ثم ابوي عسى ربي يطول بعمره اذ ماقلتي لنا لمين تقولين...؟
هديل تحاول تمسك نفسها:مافي شئ ياوليد لاتشغل بالك..
وليد بنظرة حنان:اذ ماشغلت بالي على اختي حبيبتي اشغل بالي لمين ..هاه قولي وش مضايقك؟
هديل:..........
وليد: كلنا نعرف ان امي وشلون تعاملك بس صدقني قلبها طيب وماتقصد شئ ..
هديل:وليد ما اقدر اتاخر على الساعه 4 لازم نكون جاهزين ..قامت تبغى تطلع
وليد مسكها بكتفها:توعديني انك تقوليلي اللي مضايقك..؟
هديل ابتسمت:اوعدك بس مو الحين..هز راسه بالايجاب وطلعت وهي ماسك نفسها تخاف تنفجر باي لحظة ودخلت غرفتها عالطول وسكرت الباب وتسندت عليه ورفعت نظرها لفوق تستنجد ربها مثل كل مرة ولما هدت شوي راحت تقوم ريمي اللي مو راضيه تقوم اخذت لي دش سريع وتتجهز قبل ماتقوووم..
دخلت العمة نورة في بيت الشعر اللي بالحوش تدور على ناصر عشان يوديها لبيت اختها يوم عرفت ان هديل بتجي من العصر من زمان ماشافتها وهي ماتحب تروح لبيت اخوها كثير عشان زوجته شيخه تترصد حركاتهم وكلامهم ولاتتركهم على راحتهم..طبعا انتم عارفين ان نورة ماعندها عيال وربي رزقها اولاد زوجها ومعتبرينها امهم واكثر عشان كذا يسمون نورة(ام محمد )..
ام محمد تطلقت من زوجها الاول بسبب الانجاب ماقسم لها ربي وجلست مطلقه 3سنوات وكان عمرها 27سنه ولما طلق ابو هديل امها جابهاعند اخته عشان تربيها من غير ماحد يعرف وش هي الاسباب وابتعد ابو هديل عنهم ولاحد يعرف وينه بس قبل مايبتعد قال لخته نورة وامه...
"ابو هديل:اللي يجب طاري امها..(ياشر على هديل الطفله)راح تتضرر وانتم بكيفكم وطلع "..عشان كذا خافوا على هديل ان تضرر زي مايقول ابوها وفضلوا السكوت لانهم يعرفون وش بيسوي اذ عصب وهي مالها ذنب..ونورة من النوع اللي يفووووله بسرعه بس عالطول تهدي لان قلبها طيب ومتسامحه ..ولما تزوجت من ابو محمد كان عمرهديل سنه وشهرين فاخذت هديل معها للبيت ابو محمد والكل انهبل على الطفله الصغيرة ...
دخل خالد البيت وشاف امه طلعه من بيت الشعر.....
ام محمد:يمه خالد اشوا انك جيت ..
خالد باهتمام:عسى ماشر يايمه وش فيك..؟
ام محمد:لايمه مافي شئ بس ابيك توديني لبيت خالتك سارة.. "طبعا دام امهم نورة اكيد اخوانها يكونون خوالهم" ..
خالد يبتسم:الحين عاد يمه خليني ارتاح شوي ونعين من الله خير ولحقين على خالتي سارة وبعدين مو انتي قايله تبين تروحين من المغرب وش اللي غير رايك الحين..؟
ام محمد:ايه انا قلت بس عشان هديل واخوانها بيجون الحين وانا ودي اجلس معها واخذ علومها وانت تدري هالبنت قليل ماتجتمع معنا ..
خالد مستغرب:هديل بنت خالي ابراهيم ..؟
ام محمد بعصبيه:ايه هديل بنت خالك وش فيك مستغرب كانك اول مرة تدري بهديل ليكون نسيت اني مربيتها بعد ..
خالد يبتسم:لا والله مانسيت بس من زمان ماسمعت عنها ..
ام محمد:والحين سمعت هاه توديني او اشوف غيرك..؟
خالد يحب راس امه:ماطلبتي يا ست الحبايب انا جاهز بس خليني اخذ كم ورقه من مكتبي واكون جاهز ..
ام محمد:خلاص انا بكون جاهزه بعد ربع ساعه زين كذا يكفيك ..؟
خالد:على راحتك يايمه وترى هديل ماراح تطير ..راح وهو يبتسم على امه
راحت نورة المطبخ عشان تشوف الشغالات وش سووى بالاكله اللي مسويتها...
ام محمد:انتي سوي الحين واذ خلص اتصلي علي عشان اقول مستر خالد او ناصر ياخذه .
الشغاله:تيب مدام .. وراحت عنها ام محمد عشان تتجهز مثل ماقالت لولدها قبل شووي..
طلعت هديل من الحمام ولحظت ان ريمي مالها نيه تقوم عالطول فتحت دولابها وطلعت منه تنورة جينز لونها مرة حلو مو الجينز الكحلي..كان الازرق الي مو غامق ولا فاتح وكانت مخصرة من فوق ومن عند تحت وسيعه بس مرة حلوة واختارت بلوزة من نفس درجات الجينز مقلمه بخطوط عرض وكمها طويل ولما لبستها شافت انها متناسقه وتذكرت كلام خالتها ان عندها ذوق وابتسمت قالت غربيه احصل مدح منها وهي دايم تنتقدني..عالطول راحت لتسريحه عشان تعدل نفسها ولما رفعت للميك اب وحطت شوي على وجها لان لحظت شحوب فيهابشره هديل من النوع الحنطي الفاتحه الميلة للبياض ولما خلصت من الميك اب وحطت شدو خفيف مرة مناسب للالوان ملابسها وحطت كحل وغلوس ثم سحبت الفوطه اللي على راسها وعالطول طاح شعرها ميزة شعر هديل انه اسوووود بقوة مثل ماتقول جدتها منيرة مثل سواد الليل وكان ناعم بس فيه تموجات خفيفه يعنى لو تتركه على الطبيعه يصير مجعد بس كان مرة حلو ولا يحتاج للاستشوار ابدا ويوصل لنصف ظهرها قامت نشفته بالاستشوار عالسريع عشانه مبلول ومافي وقت ..وفكرت هالمرة تتركه مفتوح لان دايم ترفعه وخذت خصل من على جوانب
شعرها وشبكته بشباصه صغيرة من الوسط وطلع شكلها جنااان..
وناظرت لنفسها بالمرايه لقت شكلها بسيط جدا لانه هديل تقتنع بالموجود وتحب البساطه..هديل على قدر من الجمال ولاهي بطويله ولاقصيرة يعنى مثل طول بنات الوقت مناسب..تحركت ريمي على صوت الاستشوار وفتحات الادراج فانزعجت وقامت تبكي على دلع راحت لها هديل وهي تبتسم
هديل:هاه حبيبتي قمتي يله خليني البسك عشان بروح الحين والا بتجلسين عند ستي..اسم الشغاله
ريمي هزت راسها بالنفي وحاطه يدها على عيونها تبي تطرد النوم فضحكت عليهاوشالتها وغسلت وجها ولبستها وحطتلها شوي عود مخلط جابته عمتها نورة وتعطرت هي منه ولما خلصت سمعت صوت عبدالله ينادي عليها عرفت انه الحين بيروحون..
سكرت بابا غرفتها وقفلته لان ماراح احد يكون بالبيت ولما مشت في الممر طلعت مرت ابوها وهي تناظر فيها من فوق لتحت..
ام وليد:اشوفك ماصدقتي خبر متزينه ومتعدله..المهم لاتتاخرون بعد ماتتعشووون عالطول تجون للبيت مفهوم..وراحت عنها مرت ابوها من غير ماتسمع رد من هديل واصلا ماراح تقول شئ غير
ان شاءالله..نزلت هديل بسرعه وشافت عبدالله وابوها جالسين ينتظرونها ..
هديل:انا جاهزة....وين حماده..؟؟؟
عبدالله:الحين بيجي يقول بيشرب مويه..
ابو وليد:هاه جاهزين او لسه لان عندي موعد بعد ساعه ..؟
هديل:لايبه جاهزين..عبدالله حبيبي شيل الشنطه ..
عبدالله:تامرين امر لو تبيني اشيلك انتي وريمي ماعندي مانع..وابتسم لهديل اللي انحرجت من كلام اخوها وتقول بنفسها مايترك حركاته وجاهم حماده وهو يبتسم..
وركبوا بالسيارة هديل طلبت من عبدالله يركب قدام لانها ماتعودت تجلس قريب من ابوها بس عبدالله عدا الموضوع ولا حب يناقشها ..
وصلوا لبيت العمه سارة وكان الباب مفتوح هذي عوايد بيت ابو نواف عمر بابهم ماتسكر الا اذ سرووا
ودخلت هديل الصاله وهي شايله ريمي اللي كانت نايمه وحماده وراها مستحي وقلبها يدق بقووووة كانها اول مرة تدخل البيت يمكن من زمان ماشفتهم..اول مادخلت للصاله وقفت مكانه عجزت رجولها تتحرك ماتدري خوف او حياء ماكانت تدري وش السبب..استهدت بالله ومشت للكنب اللي بالصاله ونادت ..
هديل:عمتى سارة ..نوف ..؟
ولاحصلت رد جلست على الكنب لانها تعبت من ريمي وحماده مبتسم ووقف عندها وشوي ودخل ابوها وعبدالله وحصلوها لوحدها...
ابو وليد:وينهم مانديتي عليهم..؟
هديل:الا بس محد رد اكيد هم فوق..!
عبدالله:اجل بروح فوق اشوف فواز وبنادي عمتي مرة وحده..وراح فوق
عبدالله متعود على بيت عمته وكانه بيته ونفس الشئ فواز بس مايطلع فوق لان يعرف هديل تستحي ومايحبيحرجها ..
ام نواف فرحانه:اسفرت وانورت تو ماتبارك البيت هلا والله باخوي وعيال اخوووي وحبت راس اخوها وراحت عند هديل..
ابو وليد:متبارك باهله وش اخبارك ياسارة وش اخبار ابونواف والعيال..
ام نواف لامه هديل ومقربتها عندها:كلنا بخيرنسال عنكم انت وش اخبارك واخبارشيخه والعيال؟
ابووليد:بخير وشيخه بخير وتسلم عليكم وكان ودها تجي بس تعرفين معزومه على زواج نسايبهم بس مثل ماتقول الجايات اكثر من الرايحات..
ام نواف التفتت على هديدل وتبتسم :وانتي يمه هديل وشلونك عساك بخير ؟
هديل تبتسم:بخير الحمدلله ..
ام نواف شافت ريمي وهي نايمه بحظن اختها وباستها
ام نواف:ياربي عليها ماكبرت هذي البنت سبحان الله تبي تصير مثل عودك ياهديل ..هديل نحيفه مرة مو محرومه بالعكس كل شئ متوفرلها بس النفسيه والتفكير وش تسوووي
هديل انحرجت من عمتها وتعرف ان عمتها ماتقصد شئ :والله ياعمتي هي ماتاكل الا بطلوع الروح ولاتنسين انها عنيده على عمتى نورة ..
بهالوقت دخلت نورة وولدها خالد للصاله وهو يبتسم على امه وعصبيتها ..
ام محمد بعصبيه:وش فيها عمتها نورة هااااه هي تطول تصير مثلي ...السلام عليكم
الكل:وعليكم السلام..عالطول هديل من لمحت زول رجال داخل مع عمتها تغطت وام محمد راحت تحب على راس ابو وليد
ام محمد:وشلونك ياخوي عساك بخير وشلون شيخه والعيال؟..عاش من شافك.
ابووليد:عاشت ايامك..بخير الحمدلله..
ام محمد وهي تحتضن هديل وكل هذا قدام عيون خالد:هلايمه هديل وشلونك يمه وين ماتسالين على عمتك ولا شئ ..
هديل وهي تحاول تتزن بوقفتها ومحتاسه بعبايتها وباختها:هلاعمتي بخير عساك بخير..انتي وشلونك وشلون عمي ابو محمد والله مشتاقه لكم..ام محمد تضرب هديل على كتفها بخفه..
ام محمد:والله لو اني ماربيتك بقول تكذبين علي..مشتاقه طيب اسالي عني مو شرط تجين كلمي بالتلفووون على الاقل اطمن عليك وعلى اهلك ..
خالد:هلاخالي شلونك عساك بخير..وحب على راسه لان ابو وليد ماانتبه لخالداللي واقف وراه
ابو وليد:هلا بوليدي خالد..بخير انت شلونك وشلون دراستك..؟
خالد:الحمدلله بخير..ودراستي خلصتها والحين اشتغل مع الوالد بالشركه..
ابووليد:ماشاءالله ياسرع الدنيا تركض الله يكفينا شرهااا.
الكل:اميييييييييييييييييييييييييييين

جاء المغرب وكانوا البنات فوق يصلون والكل كان موجود الجده منيرة ومرت ولدها عبدالعزيز ام سلطان وبنتها منال..اما ام حمد زوجه ولدها صالح ماجت لانها معزومه على زواره من جماعتهم..
كان بالصاله الجده منيرة وعيالها فواز وعبدالله وحماده اما ريمي فكانت مع هديل وين ماراحت ويوم نزلت هديل تحت وكل شوي تناظر وراها لان ريمي متمسلك بالدرازين خايفه تطيح ومرة بطيئه وهديل تبتسم لها ماتبي كل شوووي تشيلها تبيها تتعود..وقبل ماتنزل وقفت مكانها لما سمعت فواز وعبدالله يضحكون مع جدتهم رفعت الجلال اللي على كتفها وحطته فوق راسها لان فواز بعمر عبدالله ولاحبت تتغطى عليه اكتفت بالحجاب ونفس الشئ مع البنات..وكان موقع درجهم في وسط الصاله الكبيرة اللي مجتمعين فيها وينزلك عالطووول لها..
هديل:السلام عليكم..
الكل:وعليكم السلام..
الجده:هديل وين عماتك والبنات ؟
هديل تناظر وراها وتبتسم:الحن يجون يمه ..فواز شلونك وشلون الدراسه؟
فواز:بخير الحمدلله واذ على الدراسه اسالي اخوك عني وش يقووولك..
عبدالله يرفع ضغطه:ترى دااااج بالدراسه ولا يدري عن شئ وكله نايم بالفصل ههههههههههههه
الجده بعصبيه:فووووززززوه تنام بوقت الحصة يا البليد..وترفع العصى عشان تبي
تضربه..هي ماراح تضربه بس تخوفه
فواز يدافع عن نفسه:لاوالله يمه منيرة والله انه يكذب عليكم اصلا هو اللي ينام مو انا ولا ينحاش من الحصص بعد..عبدالله كان فاطس ضحك عليه و لما سمع الجمله الاخير طير عيونه...وهديل تضحك على هبال هم وجلست عالطول وجلست ريمي بحظنها..
الجده:هاه يا اللي متستحون على وجيهكم ياللي ماتخيلوووون تنامون بالحصص وتنحاشوون الشره مو عليكم على امهاتكم اللي مخلينكم تفرفرون بالليوول لارقيب ولا حسيب بس هين دواكم عندي ..ورفعت عليهم العصى عشان تضربهم بس تقامزوووا الاثنين وطلعوا للحوووش..
هديل تضحك:هههههههههه يمه منيرة وش فيك عليهم تراهم يمزحون معك..والا فواز وعبدالله ماشاءالله عليهم شاطرين بدراستهم..
الجده معصبيه:يمزحون مالت عليهم وعلى مزحهم اللي مثل خششهم انا مادري ليش مايضربونهم عشان يتادبوووون ويصيرون رجاجيل ..
هديل تهدي جدتها:يمه منيرة الله يهدك عمر الضرب ماجاب نتيجه وانتي لاتزعلين عشان اثنين مهبل
الجده:ايه والله صادق مهبل ولاتربووووا بعد..
نزلووا البنات بذا الوقت وجلست منال عند الجده منيرة ونوف جلست بجنب هديل وتسالها..
نوف بصوت واطي:وش فيه امي منيرة شابه نار...
هديل:عشان الثنائي المرح اخوك واخوي..
نوف مشمئزه منهم:اسكتي الله يعافيك لاتجيبين طاريهم يسدون النفس هالاثنين...
منال:انتم وش عندكم تتساسرووون..
نوف:وانتي وش دخلك يا الملقوووفه..وطلعت لسانها
هديل تسال منال:وش اخبارك مع الانقلش..؟؟؟؟
الجده:وش العنشليش..
البنات:ههههههههههههههههههههههههههههههههههههههههههه ههههههههههههههههههههههه
الجده مفوووله:تقووولون مثل العالم والناس والا والله اكسر هالعصى على روسكم..
منال كانت اقرب وحده منهم وخافت على عمرها:خلاص خلاص يمه هههههههههه بقولك هههههههههههههههههههه هذا يا طويله العمر ماده اسمها انجليزي ادرسها بالجامعه هههههههههههههههه
الجده:يابنتي وش الله حادك على الدراسه والغثاء اجلسي بالبيت وادرسي المطبخ من امك مو اللي قلتي عنها مدي وش هي ...
نوف:لايايمه وش تبي تتعلم الطبخ وريحت البصل والزفره ويييييييييييييع اللهم لك الحمد لازم تدخل الجامعه عشان تصير معها بكالوريوووس....
الجده:وش يطلع بعد هذا البكوولوروكس..وش يطلع هذا بعد.؟؟؟؟؟
البنات:ههههههههههههههههههههههههههههههههههههههههههه ههههههههههههههههههههههه
الجده:هاه ياوسيعات الوجيه بلاك متربيت زين لو انكن متربيات كان صرتن مثل حريم اول يطبخن وينفخن مو تدورن على بكوووولوووركس ومدري وش الثاني ..
دخلن العمات الصاله ويشوووفون البنات فاطسات من الضحك وامهن مفوله عليهن ..
ام نواف:ياحافظ وش فيكم تضحكون ؟وش مسويه فيهم يمه؟
الجده:انا مسويه فيهم ليش ماتسالين بناتكم وش مسوين فيني..بنات الوقت هذولا يبيلهن تاديب وتربيه من اول وجديد بس ماقول الا الله يخلف على امهاتهم..
ودخلت عليهم ام سلطان وهي نفس الشئ مستغربه من صاير في الصاله..ويدق جوال ام محمد وطلعت من عندهم للحوش ..ناظرت الجده منيرة لشعر هديل المفتوح
الجده:هديل يمه ليش فاتحه شعرك يله اربطيه لايجيه شئ وتقصينه بعدين..تغدين مثل الجخاخه المنتوفه...وهي تناظر نوف لان نوف ماتحب تطول شعرها يعنى تحب تبدع فيه من قصات وصبغات ونفس الشئ مع منال بس منال تحب تصبغ من غير ماتقص لو تقصه تختار موديلات بسيطه وناعمه..هديل تضحك على جدتها ونوف اللي مفوله على جدتها
نوف بعصبيه:وش فيها الشعر القصير هذه موضه الوقت واتحدي تحصلين احد مطول شعره..
الجده بنرفزة :ماقول مالت عليك من وين طلعت علينا هالموضه..شوفي هديل بسم الله عليها وشوفي شعرها اسود اصلي مثل سواد الليل مو انتي اللي كل يوم لون كانك علبه الوان تتنقل بكل مكان وهذا منال بسم الله حارسها شعرها طويل وش زينوه مو انتي فالحه موضه ماموضه بيجي بكرة وتتحسفين تقولين ياليتني مثل شعوركن ....
نوف مفتشله:اصلا هالثنتين مهبولات عمرهن مافكروا وشلون يغيرون من اشكالهم مافيه مخ..
الجده معصبه:والله انتي مافيك مخ والمهبووووله الحمدلله احد يغير خلقه ربك ((وخلقنكم في احسن صورة))هذووولا يفكرن بعقلهم مو مثل بعض الناس يدبكن مع اللي يدبكون..وهنا الكل ضحك على الجده ونوف اللي ماقدرت تجادل جدتها ..
وبعد النقاش والضحك على نوف والجده دخلت ام محمد تنادي هديل ..
هديل:هديل تعالي ابيك شوووي..
هديل:انشاءالله..ريمي حبيبتي تجلسين عند عمتوه سارة شوي واجيك حلاص حبيبتي
ريمي من النوع اللي يرضى بسرعه هي صحيح عنيده بس بوقت اللعب وراحت لعند عمتها سارة اللي تموت بالاطفال وخاصه تموت بريمي وجلستها بحضنها واعطتها بسكوت وكم قطعه بيتفوور..
نوف:وش معنى هديل ليش حنا مو قد المقام ياخالتي والا لا..؟
ام نواف ترص بسنونها:انتي استحي على وجهك كم مرة اعلمك ماينفع معك غير عصى امي يمه هاتي عصاك شوي بضرب ام لسان طويل..
منال تضحك على نوف ولقافتها وام سلطان تطلعهم وتتبسم والجده عالطول جاهزة لكل شئ عطت بنتها العصى اقل شئ تاخذ حقها من ضحكهم عليها ..
نوف:خلاص يمه والله توبه والله ماعيدها..وضربتها امها بس خفيف
نوف تتصنع الالم:اح اح يمه والله ضربك حار ..وتفرك مكان الضربه
ام نواف:احسن يازين هبدت هالراس عشان تعرفين اذ يعور او لا..
طلعت هديل للحوش تدور على عمتها نورة وشافتها جالسه على درج مدخل قسم
الرجال لانه بعيدعن مدخلهم الاساسي وعشان ياخذون راحتهم بالكلام..
هديل تجلس بجنبها:هلا عمتي امريني.. تعرف ان عمتها ماتناديها الا عشان
تسالها عن اخر التطوارات في بيتهم وهي من النوع اللي يكتم بداخلها الا عن
عمتها لان ماقد خبت عليها اي شئ ....
ام محمد:مايامرعليك عدو..انتي تعرفين ليش مناديتك..يعني مايحتاج اتكلم واسأل..
هديل عضت على شفايفه..ونزلت راسها ماقدرت تقول شئ غير حضنتها
بقوه وصاحت و ماقالت شئ غير تمسح على راسها وتسمي عليها وتهديها..
منال طلعت تدور عليهم عشان تبي تسال عمتها وش يبغون يطلبون عشى
لما سمعت اصوات راحت لجهه الصوت وشافت عمتها حاضنه هديل وتبكي...
"وشفيها هديل؟ توها وش زينها معنا"..عمتها انتبهت عليها واشرت لها ماتقوول
شئ وتروح هزت راسها وراحت..
دخل الصاله ولقتهم يضحكون كلهم ..
ام نواف:هاه منال وش قالت عمتك..؟
منال تحاول تبتسم:ماشفتها..
نوف قمزت من مكانها:وين راحوا بروح ادور عليهم..بس الجده قفلت الطريق بعصاها..
الجده:انتي وش دخلك بين بنت وامها..هاه
نوف ببراءه:والله صدق خالتي هي ام هديل؟
ام نواف ماسكه راسها:اااااه ذبحتيني جننتيني قومي روحي للمطبخ جيبي القهوة
ولاتنسين قهوة امي على النار سكري عليها وجيبها..ام نواف ماعندهم شغاله
مو رفض من زوجها لا هي اللي ماتبي الشغاله تحب تدبر بيتها بنفسها...
رحت نوف للمطبخ وتسحب منال من يدها ولما وصلوا المطبخ سالتها..
نوف باهتمام:احلفي ماشفتيهم؟
منال:شفتهم بس ماحبيت اقولهم اللي شفته..!!
نوف:وش شفتي..؟؟؟
منال:شفت هديل بحضن عمتي وتصيح مسكينة وربي كاسرة خاطري..
نوف بضيق:طيب توها وش زينها معنا وش فيهااا.؟
منال بحيرة:والله علمي علمك هي معنا من اليوم ولا طرت لنا شئ وانتي تعرفين
بنت خالك ماتقول شئ الا لعمتي ..
نوف بتفكير:يعنى تتوقعين هديل مو مرتاحه لنا ومرتاحه لخالتي نورة اكثر..؟
منال فقدت اعصابها:انتي وش فيك مو مرتاحه لنا(تقلد بصوتها)لا هديل من يومها
وكل سوالفها عند عمتي نوره مو مساله راحه مساله بنت وامها..
نوف بتفكر:انا قايله من الاول خالتي نورة هي ام هديل..وماحست الا ضربه قويه
من منال على راسها ..
نوف تتالم:اي اي اي هيييييييييه وش فيك؟اقسم بالله ان يدك مو يد بنت اح اح ..
وتفرك على مكان الالم..
منال مفوله:اجل بالله هذا كلام تقولينه صدق انك بقرة هديل مين مربيهااا؟
نوف بعصبيه وتفرك بالالم:مين غير عمتى نورة..اي اي اي
منال:اشوا يافالحه مانسيتي والحين خلينا من هديل اذ جت الحين نمسكها
ونعرف منها كل السالفه..
بعد ماهدت وهي بحضن عمتها .. بعدت ام محمد هديل ووقفت عشان تبي تروح
عنها بسطلعت اسرع منها ومسكتها
هديل بين دموعها:وين عمتي لاتخليني بروحي..
ام محمد بنظرة حنان: بروح اجيبلك كلينكس ومويه عشان تهدين شوووي..
هديل:لا لاتروحين اذ رحتي الحين بيسالونك عني ومابي احد يدري تكفين عمتي لاتروحين..
ابتسمت لها ام محمد وجلست بجنبها وحضنتها وهي تعرفها انها ماتحب تظهرمشاعرها ولا مأسيها لاي حد.. عمتها نورة ماتخبي عن امها منيرة صح مرات تقول لسارة بس مو كل شئ اهم شئ امها لان اول يوم دخلت عليهم هديل بالبيت تعاهدووا الثنتين يكونو سند لها بعد الله سبحانه.. وتعرف ام محمد ان هديل ماتتفجر مشاعرها الا سبب كبير صاير لها عشان كذا ماحبت تضغط عليها وخلتها على راحتها.. لما هدت كليا..
ام محمد:هاه يمه الحين تقدرن تقووولين وش فيك..؟
هديل بعدت عن عمتها بنفس الوقت دخل خالد البيت من غير ماحد ينتبه له:انا..سمعت ...
وسكتت فجاءه ..ونزلت راسها وام محمد تنتظرها تتكلم وخالد لما سمع الصوت توقف مكانه وراح لجهه الصوت وشاف امه ومعها وحده ولما تراجع عشان بيطلع سمع البنت تقول..
هديل: سمعت.... سمعت ... ام خالتي بالصدفه تقووول تبغى تخطبني لولدلها ماجد...خالد عرف الشخص اللي جالس مع امه لانها الوحيده اللي تعاني فلما سمعهم طلع برا ..
ام محمد تبتسم:وهذا الحين مزعلك ومضيق خلقك يالدلوووووعه ..وتمسك خشمها تتحركه بخفه..
هديل بصوت مرتجف:لا انا اللي زعلني الكلام اللي قالته خالتي عني..
ام محمد بجديه:اي كلام..هي اصلا تقدر تتكلم عنك بشين وحنا موجودين..بدت تعصب لان
مو معقوله هديل تزعل بسبب زواج اكيد شئ اعظم منه وزي ماتقول كلام انقال عنها..
هديل بصوت مبحوح:تقول...اني ....موكفوا....عشان ياخذني اخوها....واني معقده و........."تهجد صوتها" ..ولو امي تبيني ماخلتني عندهم... تبينا نخلي اخوي
ياخذها... ......وصاحت
ام محمد معصبه:الله يخسها من مرة حسبي الله عليها .. هديل يمه لا يهمك كلامها ولايهزك هي منقهر منك وتغار اسمعيني .." ترفع راسها" ..لاتخلين الامور تضعفك يايمه خليك قويه و...قاطعتها
هديل بصوت عالي:اي قوه يا عمتي ...من وين اجيبها...ابي اعرف تكفون.... وينها امي قولووولي ....انا اروح لها بس دلوني عليها....تكفين ياعمتي قووولي وينها..
تكفين....وصاحت اكثر
ام محمد تحاول تفهما وتهديها:يمه ياهديل وشلون نعرف وحنا ماندري عنها بالاساس..وابوك لو تقولينه او اي حد يسال عنها انتي يا حبيبتي تتضررين هو قالها زمان عشان كذا ماسالنا عنها خفنا عليك يضرك وانتي لسه صغيرة ماتتحملين..يمه هديل لاتجيبين السيرة عند ابوك والله ماراح يخليك عشاني ... "خافت على هديل عشان كذا وضحت لهاموقف ابوها"
هديل تحاول تتماسك :يعنى انا الحين متحمله ياعمت يياليتني امووووت وارتااااح ...وصاحت
ام محمد تحتضنها:بسم الله عليك وش ذا الحكي لاعاد اسمعه منك فاهمه خلاص انتي اهدي
وان شاءالله نلقى حل ..اهدي خلاص ..



خالد كان واقف عند باب الشارع مع حمد ولد خاله وكان كل تفكيره بهديل المسكينه ولما سمع صوتها عالي دخل البيت وكان وراه حمد وسمعوا الحوار الاخير وخالد من النوع اللي مايتحمل..
خالد بضيق:يمه نورة تعالي شووووي..
ام محمد:طيب ان شاءالله ..هديل روحي ادخل الملحق وغسلي وجهك واستهدي بالله وانا شوي وبرجعلك...اكتفت بهز راسها وقامت عنها تحاول تتزن وتضبط نفسهااا
ام محمد اللي تقطع قلبها على بنت اخوها ومسحت دموعها عشان مايشوفها احد وراحت عند خالد
ام محمد :هاه يمه وش بغيت...هلاحمد وشلونك وشلون امك وابوك وخواتك؟
حمد يبتسم:الحمدلله بخير يسالون عنكم..انتي وشلونك وشلون ابومحمد ومحمد وناصر..؟
ام محمد:تسال عنكم العافيه .بخير عساك بخير..هاه يمه جبت الصينيه من البيت ..
خالد بضيقه:ايه هذا هو...اعطاها الصينيه ولما راحت عنهم ام محمد تبي تدخل للبيت وقفها خالد
خالد:يمه حمد يبي يسلم على امي منيرة ...طبعا خالد استحى يسال امه عن هديل عشان حمد فيه ولايبي يمسك عليه لانه حمد اذ مسك سالفه يعلقها فيك مدى الحياة..
ام محمد:ان شاءالله اصبروا شوووي كلهم جالسين بالصاله اجلسووا ببيت الشعر الين مااناديكم ..وفجاءة اذان صلاة العشاء ..
خالد:خلاص اجل بنروح نصلي وبنرجع لكم تامرين شئ يمه..
ام محمد:لا يمه سلامتكم ..ودخلت الصاله وكان باين عليها الضيقه ولااحد علق عليها وراحت للمطبخ وحصلت اختها ..
ام نواف:وش هذا يا ام محمد كلفتي على عمرك..واخذت منها الصينيه
ام محمد تعطيها الصينيه:لا كلافه ولا شئ شوووي حلى اشتهيتها لكم ذوقووها وعطوني رايكم..
ام نواف:مايحتاج نقولك راينا..راينا واضح ومن البدايه...ابتسمت ثم سالتها
ام نواف:اقووول ام محمد..هديل فيها شئ؟
ام محمد بحزن:والله هذه البيت بجيها شئ من اللي فيها..الله يهدي ابوها ويهديها...
ام نواف باهتمام:وش فيها هديل عسى ماشر...؟
ام محمد:تبي امها وذبحت روحها بالصياح بس وش نسوووي مابيدينا حيله..اذ سالنا ابوها اخاف يضرها زي مايقوووول واذ اهملنا بالموضوع اخاف البنت يصير لها شئ وهي بذمتنا..
ام نواف:لاحول ولاقوة الا بالله...الله يهدي اخوي والحين هي وينها؟
ام محمد:راحت للملحق لما جاء خالد قلتلها تستهدي بالله وتغسل وجهها ...وعسى ربك يهديها ان شاءالله..
ام نواف مستغربه:ليكون سمعكم بس؟
ام محمد:والله شكله ان سامعنا لانه باين عليه متضايق عاد وش نسوووووي ولاحمد معه
ام نواف:حمد ولد اخوي ماشاءالله وش عنده..؟
ام محمد:يقووول جاي يسلم على امي منيرة..والحين راحوا وبيجون بعد الصلاة..يله انا بروح اشوف هديل وبنسيها شوووي عشان تنبسط وتترك الحزن اللي مقصر عمرها..
ام نواف بحزن:الله يصبر قلبها ويفرج همها ..
وطلعت ام محمد من المطبخ للصاله عشان تقوووولهم ان العيال بيجون بعد الصلاة لاتشوف احد بالصاله
طلعت ام محمد للحوش بتروح لهديل اللي حصلتها جالسه على مدخل وهي بعالم ثاني جلست بجنبها ولفت عليها ...
ام محمد تبتسم:الحلوة وش قاعد يفكر فيه..؟
هديل اكتفت بابتسامه سخريه :وش افكر فيه بعد ياعمتي ...
ام محمد:طيب الحين انتي هديت ولا تفكري باي شئ الحين وخلينا ندخل جوا لان البنات منهبلين عليك يسالون عنك وفوق كذا الحين بيجيوون العيال ..ماقالت شئ هديل غير تنهيده طويله ورفعت
راسها للسماء..
هديل:ان شاءاللله...طيب عمتي وسالفه الزواج؟
ام محمد:انتي تبين تتزوجين والا لا؟
هديل بحيرة:مدري ياعمتي خايفه من مرت ابوي وبعدين انا ما افكر بالزواج الحين..ابغى
اكمل دراست...ونزلت راسها
ام محمد:تبين انا وامي منيرة نكلم ابوك عشان دراستك...؟
هديل بخوف:لالالا تكفين عمتي لاتقولين شئ لبوي اخاف مااسلم من مرته..
ام محمد بعصبيه:شوووفي ياهديل شيخووووه اانا اعرف وشلون اوقفها عند حدهااا بس عشان اخوي وعياله اللي مالهم ذنب تشوفيني ساكته انتي وش عليك منها لاتعطينها مجال خليها تولي وكمل دراستك ولا يهمك احد ابوك ماهو قايل لا ومن ناحيه الزواج ما في اب يبيع ظناه انتي توكل وكلمي ابوك ولاتخافين من شيخووووه واذ ماقدرتي انا بخلي امي منيرة تقوووله بس من غير مانذكرك هاه زين كذاابتسمت...
هديل براحه:الله يخليك لي يا عمتي ولا يحرمني منك يارب...وضمت عمتها
وقامو مع بعض ودخلوا الصاله الا ماكان فيها احد غير الجده منيرة وريمي جالسه بالارض تراقب حماده وهو يركب تركيبه ...
هديل تحاول تكون طبيعيه:حماده من وين لك هذي؟
حماده:من عند عمتوووه..؟
هديل:طيب عمتي انا بطلع فووووق بروح اصلي وبشوف وين البنات ...لما مشت سمعت ريمي تناديها..
ريمي:زيل زيل..ماده يدينها عشان تشيلها
هديل تهز راسها بالنفي:لا ماراح اشيلك تبين تجين معي امشي ..وراحت عنها وهي مسكينه يالله تطلع درجه درجه ولما وصلت لفوق وهي تنتظر اختها الين ماوصلت مسكتها على ايدها ورحووا غرفه نوف..
*
خالد:السلام عليكم..
ام محمد:وعليكم السلام..هلا يمه جيتوا من المسجد؟
خالد:ايه يمه ..في احد بالصاله او لا..؟
ام محمد:لايمه مافي احد ادخلوووا...
سكر خالد من امه وقال لحمد انه مافي احد ..ودخلوا الصاله لقوووا الجده منيرة وحماده ..
خالد+حمد:السلام عليكم..وحبووا راسها
الجده:وعليكم السلام ..ياهلا بعيال شلونكم؟
حمد:بخير عساك بخير وشلونك انتي وشلون صحتك بشريني عنها؟
الجده:والله الحمدلله ياوليد ان شاءالله طويبه..
خالد:شلونك يمه منيرة عساك بخير..
الجده:هلا بوليد انت مين خالد ولا ناصر...لان خالد وناصرطولهم نفس بعض بس خالد لون بشرته حنطيه وعلى قولتهم يقط الطير من السماء اما ناصر فكانت بشرته بيضاء بس ماعليه مزيون
خالد:لايمه انا خالد ..بشرينا عن صحتك؟
الجده:ان شاءالله بخير ..اجل وينه ناصر ماشفته..وعلى طرت ناصر دخل عليهم وهو رافع يدينه ويلوح لهم ..
ناصر:السلالالالالام عليكم..وحب راس الجده وجلس بجنبها
الكل:وعليكم السلام...
الجده:الطيب عند ذكرة وشلونك عساك بخير وشلون ابوك ومحمد؟
ناصر:بخير ياوجه الخير ..شلونك عساك بخير يقوولون منت صويحيه؟.."ماحد قال اصلا لان الكلام من عنده"..
الجده بحزن:ايه والله ياوليدي رجيلاتي وظهيري مدري وش بهن يوجعنن ماقدر انام بالليل..خالد وحمد فاطسين على سوالف جدنهم ويعلقون عليها توها بخير والحين تتشكى...
ناصر يضحك على امه:طيب نوديك للدكتور يشوفك..ويبتسم
الجده اللي ماتحب طاري الدكاتره:لايمه وشوله الدكتور مافيني الا العافيه...والكل فطس ضحك عليهاناصر شاف حماده مشغووول عنهم فحب يجننه شوووي
ناصر بخبث:حماده انت متاكد اسمك حماده ..؟
حماده ببراءه:ايه... قول.... هزيل.....وتقووولك......وكمل شغله
ناصر يضحك:هزيل ماعندنا احد اسمه هزيل شفت ماقلتلك انك مو متاكد لا من
اسمك ولا من اسم هزيل..؟
حماده راح ووقف قدامه:انا(يأشر على نفسه)اسمي حماده وهزيل اختي وانا احبها وانام عندها ...... وعقد حواجبه يقاله عصب
ناصر يضحك على براءته:طيب طيب ولايهمك ولاتعصب انت اسمك حماده واختك هزيل تدري شلون وش رايك ماتروح تسالها هي هزيل والا هديل؟.... وهنا فطسوووا كلهم ضحك على براءه حماده اللي عالطووول ركض فووق وراح يسال اخته..
دخلت هديل للغرفه نوف وشافتهم مجتمعين عند الكمبيوتر ويضحكون فستغربت
هديل:وش تسوووون؟
منال اللي منحنيه على نوف وعيونها على شاشه الكمبيوتر:تعالي شوووفي الهواش هههههههههههه
هديل مستغربه:اي هواش ماشوف الا انتم وهالكمبيوتر وعيونكم عليه..
نوف:بالنت وش فيك انتي سوينا فتنه بين الموجودين ههههههههههههه ...
منال تكلم نوف وتاشربشاشه:شووفي شووفي هذا طلبك خاص ردي عليه خلينا شوي نهزئه ونستهبل عليه..وردت عليه نوف وهم يضحكون جلست هديل على سرير نوف وتطالعهم وجتها ريمي ووقفت قدامها وحاطه اصبعه في فمها بعدت اصبع اختها وهي معقده حواجبهاوهزت راسها بالنفي ...
منال تجلس بجنبها:هديل ماعندكم نت بالبيت..؟
هديل:الا عندنا بس بغرفه اخوي وليد ليش..؟
منال:ليش ماتدخلين فيه ترى يضيع وقتك وكانك بعالم ثاني ومنها تقدرين تطلعين مواهبك وتقولين ارائك من غير محد يقولك لا..
هديل:والله اخاف اقول وليد ويهاوشني وانا موناقصه خليني كذا احسن..
منال تقنعها:ليش يهاوشك ترى مافيه شئ والسالفه كلها تسليهx تسليه وبعدين مو شرط تدخلين للشاتات ادخلي منتديات اقري مواضيعي ردي شاركي شوفي اخر الابداعات والتشكيلات اللي تنزل اعتقد مافيها شئ ولا احد بيعرف انك بنت او ولد وانا عندي لك كم منتدى راح يعجبك والله راح تستفيدين منه..منال تعرف ان هديل تكتب خواطر فعشان كذا تحاول تشجعها ولاتدفن موهبتها لان منال قرأت بعض خواطرها وانجنت عليهن...
هديل:بقول وليد وبشوف وش يقول واذ وافق كلمتك تعطيني موقع المنتدى ..
منال:بعطيك كم واحد انا مشاركه فيهم وكلهم حلوين وانتي اختاري ويمكن وليد عنده
خلفيه اساليه ..
هزت هديل راسه بالايجاب وعالطول انفتح باب غرفه نوف وجاهم حماده اللي يركض وكان احد يلاحقه ووقف عند هديل ويالله يتنفس من الركض..
هديل بخوف:حماده وش فيك ..؟
حماده يلقط انفاسه:هزيل ....هزيل ....يبلع ريقه....اسمك هزيل صح؟
حماده مايعرف ينطق حرف الدال زين عشان كذا اكتفى بسؤال ..اسمك هديل صح؟
هديل متسغربه:بسم الله عليك وش فيك انت وش تقول؟
حماده: ناصر يقول مو اسمك هزيل؟...... فتحت هديل ومنال عيونهم مستغربات وش قاعد يقول...... وش دخل ناصر باسمها..
منال:هيييه وش فيك انت وهو؟ شاربين شئ ؟ ماكلين شئ؟ بالله هذا سؤال ينسال وانت مثل الخبل طاير تجي تسالنا اذ اسمها هزيل او لا...... برطم حماده على كلام منال وسكت
هديل بحنان:منال شوي شوي عليه يمكن ناصر حب يمزح معه تعرفيه ولد عمتي .... حبيبي حماده قوله انا اسمي هزيل واذ مو عاجبك اشرب من مويه البحر..وضحكوووا وطارحماده يوصل الرساله لناصر اللي يوم نزل ماحصله ونسى الرساله وكمل لعبته..
نوف يوم خلصت من النت راحت لهديل تستجوبها وهديل ماقالت شئ ونوف فولت عليها وقالت لها نست توريها شئ يحبه قلبها..
في الصاله ماكان في احد الا خالد وحمد جالسين يشربون شاهي ويطالعون حماده وهو يركب تركيبات وكل ماسوا شئ يوريهم وهم يثنون على جهوده..والجده منيرة قامت تصلي العشاء وتعرفون العجايز
اذ راحوا يصلون كانهم يصلون التراويح اما ناصر فراح لعند امه وخالته بالمطبخ وحب يستهبل عليهم
ام محمد بعصبيه:نويصر اطلع دام النفس عليك طيبه..
ناصر يضحك:يوه يا ام محمد وشفيك علينا اليوم..اشبك يا قمييييل..ولمس ذقن امه بحركه سريعهليكون خالتي سارة مسويه لك شئ ؟؟قوولي ترى عند الفزعه جاهز...
ام محمد:نويصر الحين تارك اخوك وولد خالك وجاي وش تبي ؟ انا عرفك واعرف حركاتك ماتدخل الا وانت رافع الضغط عندي..
ناصربزعل:بسم الله عليك افااااا يام محمد ماهقيتها منك والله انا ارفع ضغطك...مشكورة وماقصرتي يا ست الحبايب تبين شئ انا بطلع ولاني جاي للعشى..ومشى وماحس الايد امه مسكت يده ماتبيه يطلع وهو زعلان..نوره قلبها رهيف على عيالها وخاصه مع ناصر لانها تحبوووه موت اكثر من اخوانه هي صحيح تحبهم بس هذا له مكانه بقلبها..
ام محمد بعطف:لايايمه مو قصدي لاحول ولاقوة الا بالله تعال يمه تعال وش بغيت ..؟
ناصربزعل:خلاص مابي شئ كنت بسوي خدمه بس هونت خلاص....
ام محمد بحنان:لاوالله تقول وش عند تراك الغالي ولد الغالي ليكون ماتدري..وش كنت ناوي تسوي انا اعرفك كريم وراعي خدمات هاه يمه وش الخدمه اللي كنت ناوي تخدمنا فيها..تبتسم
ناصربخبث:بما اني ولد الغالي مثل ماتفضلتي يا ست الكل..بتنازل وبتعاطف وبتكرم لكم اجيب العشى على حسابي ..
ام محمدبعصبيه وهي تبعد ناصرعنها:طس عن وجهي..وهو فاطس على امه وعلى عصبيتها
ناصر:اقول خالتي وين فواز وعبدالله ماهم مبينيين ووين نواف ووليد؟
ام نواف وتحرك السليق لان الجده ماتحب تاكل شئ ثقيل بالليل:والله عبدالله وفواز مايجلسون اذ اجتمعوا بس اتصل عليهم وشوفهم وينهم ونواف مع وليد رايحين مع خالك صالح مدري وش يبغى منهميمه ناصر اتصل على نواف وقاله يمر يجيب عشى معه..يوه انتم وش تبون الحين عشى؟؟
ام محمد:والله مدري عنهم بس احسن شئ اطلبي من كل مطعم نوع لاتعتمدين على نوع واحد..
في الصاله دق جوال حمد ورد عليه وطلع للحوش عشان ياخذ راحته وجلس خالد مع حماده في الصاله وفجاءه سمع خالد صوت صراخ وازعاج وركض وعقد حواجبه وشوي يسمع تهديدات وضحك وفجاءه شاف وحده نازل من الدرج وكانت واقفه بوسطه وباين انها ميت خوف وتطالع لفوق وهي تهدد بيدها..
هديل بصوت خوف وعالي شوي:والله ماراح اقولك لو تموووتي الين ماترمين هالقرف اللي معك
نوف تطل من فوق الدرج:شوووفي اذ ماقلتي والله ارميها عليك ....
خالد عرف انها هديل مايحتاج اقولكم وشلون عرف؟اكيد من شعرها لانها من يوم كانت صغيره وهذا لونه وكان جلالها طايح على كتوفها وفوق كذا اثار الصياح باقي بوجهها وقعد يطالعها وهي خبر كان ولادرت عنه..هديل من النوع اذ خافت ماتشوف طريقها اهم شئ توصل لبر الامان..كانت تسوي حركات بسرعه لريمي اللي خايفه من قلب وكانت تصيح صياح دلع ويلله تنزل
هديل بخوف وتحرك يدها:بسرعه بسرعه ريمي لتجيك الخبله..عالطووول نوف يوم سمعت اخر جمله تركض تبي توصل لهديل ويوم شافت نوف تنزل عالطول طلعت شوووي عشان تاخذ اختها اللي ميته خوف وكانت اسرع من نوف عالطول شالتها اللي تمسكت بكل قوتها في هديل ونزلت وسيده للحوش من غير ماتنتبه لوجود خالد..نوف لما وصلت لوسط الدرج تداركت عمرهاوشافت خالد اللي كان فاطس ضحك ومنزل راسه وهي من غير شعور طيرت عيونهاوطلعت لسانها وقمزت لفوق وهو ماشافها..
تدرون وش مع الخبله نوف.....................قطوة(نيووووووووو)
طلع ناصر مع خالته للصاله وشافوا خالد فاطس ضحك وطالعوا بعض مستغربين
ناصر:هييييييييه خبل انت تضحك لحالك؟؟؟
ام نواف:بسم الله عليك وش فيك خالد..؟ وين امي راحت؟؟
خالد وهو يضحك:ههههههههههههه لاياخالتي ههههههههه مافيني شئ ههههههههه امي منيرة راحت تصلي وبتجي هههههههههههههه...
ناصرمنقهرمنه :تقووول ولا افقع وجهك الحين؟؟
خالد يضحك:مافي شئ هههههههه بس حماده قاعد يسووولف وسوالفه تفطس ضحك ههههههه..حماده يطالع خالد اللي ميت ضحك ...
حمادهببراءه:لا لا لا انا ماقلت سئ ...ساف هزيل تنزل مع ريمي و يضحك..
خالد سكت فجاءه وبان انه مفتشل بقوة لان يعرف الاطفال عمرهم ماكذبوووا ..
ام نواف:وين راحت هديل؟؟...حماده وهو يأشر على الباب اللي طلعت منه ..
ناصر بخبث:طيب ماشافتك انك جالس بالصاله ..؟؟؟
خالد وباين انه منحرج:لاماشافتني..
ناصر بنظرات خبث:معقوله نزلت من غير ماتشووووفك علينا ذا الحكي...غمز لاخوه
خالد بعصبيه:والله صدقت اهلا وسهلا ماصدقت بطقاق يطقك ويطق تفكيرك...عالطول قام يبي يطلع بس ام نواف مسكته عشان مايروح وهو معصب..
ام نواف:وين تروح يمه اجلس ولاعليك من كلام اخوك بس لاتعصب وتنكد على عمرك حنا مجتمعين نبي ننبسط ونستانس مو تزعل وتروح اجلس يمه وتعوذ من ابليس...خالد وهو يجلس ويطالع اخوه بنظرات قهراللي يضحك عليه..
دخل حمد للصاله وسلم على عمته وجلسووا الشباب وجتهم الجده تقعد معهم وساره راحت تتصل على نواف عشان العشى ومرة اتصلت على فواز عشان يجون ويجلسون مع عيال عمتهم وولد عمهم..
بالوقت اللي طلعت هديل للحوش سمعت صوت احد وهي خافت وراحت وراء البيت لما شافت رجال دخل للصاله ماكنت تعرف عيال عماهم ولا عيال عمتها الا بالاسماء لفت على البيت عشان تدخل للمطبخ لان مطبخ عمتها له بابين باب من جهه الصاله داخل البيت وباب من وراء البيت ومن اول مادخلت طارت عيون عمتها نورة وهي مستغربه شلون نزلت والعيال بالصاله مع جدتهم وام سلطان قاعده تشغل الفرن ولاانتبهت الا بعدين بس ما استغربت مثل نورة
ام محمد مستغربه:يمه هديل وشلون نزلتي ؟وش جابك وراء البيت .؟؟
هديل بخوف وهي شايله اختها:عادي من الدرج اللي طلعت منه وش جابني وراء البيت من عمايل بنت اختك نوووفوووه ..وبدت تعصب ودخلت عليهم ام نواف اللي بان عليها الدهشه..اجل ماكذب حماده وسالت هديل من غير ماتقولها ان خالد كان جالس بالصاله..
ام نواف بدهشه:يمه هديل وشلون نزلتي؟وش عندك تسوووي وراء البيت؟
هديل مستغربه من عمتها:وش فيك عمتي ؟..تناظر عماتها..وشفيكم تسالون عن نزلتي ؟عادي نزلت من الدج..عمتي فيه شئ؟؟
ام نواف وتحاول تكون طبيعيه:لا يايمه مافيه شئ بس حبيت استفسر وش جابك وراء البيت ..
هديل بضيق:عمتي ماقلتي لي ان عندكم بسه(قطوه)...
ام نواف تبتسم:طلعتها لك نوووف عشان كذا..عرفت ان هديل ماانتبهت على اللي بالصاله..لان هديل خوووووافه وهمها الوحيد الوصول لبرالامان...فضحكت سارة على نووووف وهديل وتخيلت الموقف وقالت اجل مايلام خالد اذ ضحك.....
ام محمد وام سلطان وهديل مستغربات من سارة ولاهم عارفين ليش تضحك ولاحبت تفسر لهم سبب الضحك لان لو قالت بتحرج هديل ولاتبي تحرجها لانها من النوع اللي ماتنسى الموقف بسرعه وتجلس تحاسب نفسها..
ام محمد:وش فيك اختي بسم الله عليك انهبلتي ..؟
ام نواف:ههههههههههههههههههههههههههههههههههههههههههه
باللحظة دخل حماده المطبخ يبي عمته نورة
حماده:عمتي ....خالد......يقوووول......تعالي ..ميزة حماده انه مايطلع الكلام بسرعه يعنى يتذكر وبعدين يتكلم
هنا هديل انصعقت وكان احد صب عليها مويه بارده وشلون ؟؟من وين طلع هذا بعد؟؟يالله ليكون شافني ؟؟بس انا متاكده ماشفت احد بالصاله وشلون طلع؟؟وبان عليهاالضيقه..ام نواف شافت هديل وتعابير وجهها وتبي تطمنها..
قامت ام محمد اللي جالسه على طاوله المطبخ وهي تمسح الترامس والفناجين وراحت تشوف وش يبي ولدها..
هديل بضيقه:عمتي ....من متى العيال موجودين؟؟
ام نواف تبي تشيل فكرة ان العيال بالصاله:والله توني جايه من الصاله ماكن فيه احد حتى امي ماهي فيه شكلهم توهم واصلين ..وشافت الراحه بوجه هديل وابتسمت لها
من بعد اللي صار والموقف اللي شافته نوف بالصاله عالطول سحبت منال ودخلت غرفتها وهي خايفه
نوف بخوووف:ياويلي من امي والله ماراح تخليني ياربي وش سويت..؟
منال باهتمام:وش سويتي يعنى بغيتي تذبحين البنت من الخوف وتقولين وش سويت وبعدين شيليها انا ما اتحمل شكلها والله تخوووف...ناظرتها نوف من طرف عينها ورمت القطوة على منال اللي قمزت وهي تصرخ..
دخلت ام محمد المطبخ وحصلت هديل تكمل التمسيح واختها تلاعب ريمي وام سلطان تناظر فيهم
ام محمد وهي تجلس:يقووولووون وش عشاكم تراهم ميتين من الجوووع
ام نواف تضحك على ريمي:قولي الحين بيجي نواف ووليد..خليهم يصبرووون شوي عاد هم شباب يتحملون لوانهم بزارين كان صح...
ام محمد وتطالع لريمي:هديل عطي اختك شوي سليق سدي جوعها يمكن جوعانه الحين..
هديل تبتسم لريمي:ريمي جوعانه..هزت راسها بالنفي وتلعب بيدينها وكانها مستحيه
ام محمد:لاتاخذين بكلامها اخذي شووي وعطيها الين مايجي العشى..
قامت هديل وحطت شوي لريمي وطلعوا برا في الحوووش عشان تاكلها وتاخذ ريمي راحتها بالاكل
وراحت وراء بيت الشعر وجلست هي واختها كل ماشفت ريمي شئ تروح تستكشفه وتجي تعلمهاوتضحك على ريمي وعلى اكتشفاتها...
*
*نوف:منال .... منال ووجع ؟
منال تسمع الراديو من جوالها: What do you want
نوف بحزن:ابغى انزل مليت وانا فوق ......
منال:OK..Let's go وقامت منال تفتح الباب بس نوف وقفتها
نوف:هييييه انهبلتي عيال خالتي فيه و صعبه ننزل...
منال: Don't by sad .. ونامت على السرير ورجعت السماعات
نوف بعصبيه:احر ماعندي ابرد ماعندك الشره على اللي يشتكيلك ... وخذت تلفونها ودقت على امها
ام نواف:هاه وش تبين يا وسيعه الوجه..
نوف ببراءه:يمه بننزل مليان وحنا فوق وبعدين عيال اختك مالهم نيه يرحووون طفشت صرفيهم خليهم يرحون للبيت الشعر ....
ام نواف بعصبيه:احسن انقعي فوق الين ماتخيسين هين حسابك عسيرولاتقولين ماسويت شئ يصير خير ان ماخليت نواف يشيل البسه(قطوة) ويرميها ماكون بنت امي .. قفلت بوجهها
نوف ضاقت على كلام امها ..
نوف:شوووفي يا طويلان.."منال اطولهم..ونوف نفس طول هديل"..انا بنزل واللي فيها فيها وانتي تبين تنزلين تعالي ..وخذت جلالها وطلعت من الغرفه ومنال قمزت من على السريرتلحقها .. نزلتوا تحت و باين انهم مستحيات بالمرة ومشوووا بسرعه ...
الجده:وينك فيه من طلعتوا تصلون العشاء وغطستوووا فوق .. وقفوا مكانهم و ساكتين
الجده:انا اتكلم معكن ليش ماتردن طرمان.. " طبعا العيال عرفوا انهم منحرجات"
الجده بعصبيه:هاه ياللي ماتستحن شايفيني خبله اكلم نفسي نوووفوووه وين لسانك من ساعه..
نوف بجرائتها:حنا صح طلعنا فوق نصلي بس ماغطسنا..." ظربتها منال بخفه وينتبه عليها ناصر لانه يحب يطالع اللي قداموه بس بنيه طيبه وهذا طبع فيه..."
الجده:اجل وش تسووون كل هالوقت وبعدين وينه هديل ماشوفها معكم ..
هنا خالد نزل عيونه وشافوه اخوه ناصر فضرب ركبته بركبت اخوه وطالعه خالد بنظرة كلها جديه وعقد حواجبه....
نوف:مدري وين تروح اصلا هي تماشي خالاتي ماتماشنا..
عبدالله يقهرها:اكيد ماتماشي الخبوووول اختي مستواها راقي هههههههههههههههه
فواز:ههههههههههههه ايه والله ترى هديل تماشيك عشان تكسرين الخاطر ولا هي ماهو من مستواها تماشي مثلك ههههههههههههههههههههههههههههههههههههه
نوف مفوله عليهم:من زينكم عاد ومن زين كلامكم اول شوووفوووا انفسكم وتعالو تكلمووووا ..
فواز:اقول منال لاتماشين اختي ترى اللي يماشيها يصير مثلها ... ولا يصير اشد منها ولا تقدرين تتحكمين باللسانك ويمكن يقطعونه لك لاسمح الله هههههههههههههههههه..
نوف:وهذا انت اخووووي ابيك عون تطلع فرعون شوووف عبدالله وش يقول لاخته مو مثلك ياالكمخه
فواز: ماالكمخه غيرك اقووول لاتطوولين روحي طسي ...
منال وهي تسحب نوف اللي ناويه على اخوها الليله يا ذابح او مذبوح ووصلوا للمطبخ..
منال:وش فيك انتي ماتستحي من احد اثقلي اثقلي ...
نوف معصبه:ماتشووفيني وش يقوولون لي لا ياقلبي انا ماقدر اصبر لازم اخذ حقي وزياده بعد..
ام نواف بتريقه:خوش بنت ماشاءالله عليها والله اعرف اربي ..
نوف تجلس عند امها:يمه انا ماقلت شئ هم اللي بدوا علي تبيني اسكت...
ام نواف:لا يايمه لاتسكتين كان اخذتي سكين وقطعتي لسان كل واحد ..
نوف بزعل مصطنع:يمه لاتتريقين .. باللحظة هذه دق جوال امها
نواف:هلا يمه ترى وصلنا ومعنا خالي صالح
ام نواف:وصلتوا الحمدلله على السلامة ادخلووا للصاله ترى العيال وامي فيه
نواف:ان شاءالله يله مع السلامه
ام نواف:الله يسلمك....وسكرت تلفونها
هديل اللي تحاول توكل اختها وموراضيه تاكل كل شوي تطلع لها شغله وهي خلاص ملت من اختها فجلست عند مدخل الرجال اللي صارت فيه مع عمتها..وسمعت بس ماقدرت تميز فحطت الجلال على راسها وشافت اختها تطلع على اللي دخلوووا
هديل بصوت واطي:بنت ....ريمي .....ريمي ..التفتت عليها ريمي وهي تضحك فشافت رجال من غير ماتنتبه مين واقف يشيل ريمي وهي عالطووول غطت وجها ....
وليد:هدوووووله وش تسوين هنا..؟
هديل براحه وشالت الغطى :هلا وليد كنت اوكل ريمي ..
وليد:اجل وين حماده عنكم ..؟
هديل:الكل داخل ماحبيت اوكلها عندهم وانت تعرف اختك ماتاكل عند احد غريب تستحي عشان كذا طلعنا بالحوش ..
وليد ويطل بالصحن اللي بيدها:لاتقووولين انها كلت..
هديل تبتسم:واذ قلتلك ايه تصدق...
وليد بدهشه:بربك اكلت شكلها مالمسته
هديل:زين اكلت لها شئ ...وين رحتوووا.؟؟
وليد وهو يجلس بجنب اخته:ابد رحنا مع عمي صالح للاستراحته اللي مأجرها يبغالها شوي تعديلات بس عمي ماقصر شغلنا سواويق عنده ههههههههههههههههههههههههههه
هديل تبتسم:ياحليلكم صرتوا سواويق هههههههههه تعرف انه ماعنده الا ولد واحد ويعتبركم
مثل عياله
وليد:اكيد وانا اعتبره ابوي والله لو يقول ارمي نفسك بالبحر رميت من غير تفكير...
هديل تبتسم لاخوها تحبه وتحب فيه طيبته وخفه ظله لانه هو الوحيد اللي يفهمها بعد عمته نورة..
وترتاح تتكلم معه ...
وليد: وين سرحتي يالغاليه..؟
هديل بحياء: فيك..؟
وليد بدهشه: فيني انا ... بايش سرحتي فيني؟
هديل ومنزله عيونها:اممممممممممم افكرمين هي البنت اللي تستاهل اخوي الغالي ..؟
وليد منحرج:اذ جاء وقته انتي تقولين لي مين هي .. "وقام عنها" يله انا بدخل اكيد حطوا العشاء.. وقامت معه وراحت وراء البيت وهو دخل من المدخل..
دخلت هديل المطبخ وشافتهم مجتمعين الا عمتها سارة ونوره..
نوف تتصنع العصبيه:انتي وينك طسيتي ..؟؟
هديل بنفس عصبتها:لاوالله يعنى تنكرين انتي ولسانك الطويل..لاعاد تكلمني وصدت عن نوف اللي تخصرت ..
نوف تتريق:عاد انا ميته عليك وعلى سوالفك اللي مثل وجهك.. طالع وجه العنز واحلب لبن
عضت نوف على طرف لسانها لان شافت ملامح وجهه تتغير ..
ام سلطان تلطف الجو:هاه هديل كلت ريمي عشاها..
هديل تحاول تبتسم:كلت شوي والحين اذ شافتنا ناكل تجي وتاكل معنا..وراحت تغسل الصحن ولانا ظرت لنوف اللي كانت تراقبها .. فضربتها منال على رجلها
منال بصوت واطي:صادقه ماكذبت عمتي لسانك يبيله قص..وقامت راحت لريمي عشان تغسلها
هديل:لاتتعبين نفسك منال الحين بغسلها..
منال شايله ريمي: Don't Warry .. وطلعت للمغاسل
ام سلطان:نوووف طلعي صحن عشان احط عشى خالتي..
نوف قامت وهي تحس بندم على كلامها لهديل لان ماشافت منها الا كل خير دخلت ام نواف للمطبخ عشان تقولهم ان العشاء جاهز..
الساعه 11 وربع بالليل راحوا الشباب للبيت الشعر و الحريم بالصاله مع امهم اما البنات دخلوا المطبخ عشان يغسلون الموجود وينظفونه..دخل حماده المطبخ
حماده:هزيل .....جاء بابا.....
هديل:قال يله ..؟ حماده يهز راسه بالنفي وابتسمت على براءه اخوها..
نوف:طيب واذ جاء ابوك خلاص يعنى تبون تروحون ماتبونا..
حماده براءه:لالالالا......عشان امممم ....اخز.....ريمي عنده
هديل:الحين بوديها بس اصبر بغير لها وبعدين تاخذها وانت بعد تعال اغيرلك...ماسمع
كلامها وراح عنهم..وكانت تبي تروح معه ريمي بس لحقت عليها هديل ومسكتها وقعدت تصيح..
هديل:لالا مافيه اغيرلك اول وبعدين تروحين ..
ريمي بصياح:اده..اده..ااح...اده...(حماده راح)
هديل تحاول تشيلها وهي ماتبغي :طيب الحين بنروح لحماده خليني اغيرلك اول ..و شالتها وهي ترافس تبي تروح لحماده..وطلعت للصاله..
ام نواف:وش فيها ريمي بسم الله عليها..؟
هديل تحاول تمسكها :شافت حماده وتبي تروح عنده ..
الجده:خليها تروح لاتردينها خليها ...وريمي مازالت ترافس وتصيح وانتم تعرفون اذ الطفل جلس يراسف وانتي



شايلته ..
هديل:ان شاءالله بس بغير لها وبكيفها تروح..قامت ام نواف عشان تاخذها من هديل...
ام نواف تكلم ريمي:خلاص الحين نروح لحماده اول شئ نلبس ملابسنا الحلوة ونروح خلاص ماما ....
وريمي هدت شوي لان استحت من عمتها وسكتت..وراحت هديل تجيب الشنطه ..عشان تلبسها وام نواف دخلت غرفه حطينها للاحتياط وجلستها على السرير
دخلت هديل ومعها الشنطه ...
هديل:عمتي ياليت تكلمين فواز يجيب حماده.. ودخلت عليهم ام محمد
ام محمد:يمه هديل تقدرين تتكلمين بالتلفون او مانعتك شيخه؟
هديل بنظرة حزن:لا ياعمتي بس ما اخذ راحتي فيه.... "فهمت مقصدها "...
ام محمد:طيب اذ شفتيها طالعه او انشغلت بشئ ارفعي السماعه ودقي علينا اهم شئ نسمع اخبارك
هديل:ان شاءالله...
ام محمد:هالمرة بنغير بنخليها كل جمعه بعد الصلاة وتصير غدا احسن..ونبداها من الجمعه الجايه عندي بس عسى مرت ابوك تشيل معنا وتوافق واذ ماتبي تشيل بسلامتها...
هديل بحزن:والله ياعمتي انتي ادرى بالحال ..
ام محمد تطمنها:لا تخافين اذ رفضت بنشب فيها الين ماتوافق مو شرط تجي هي اهم شئ انتي نبيك تنبسطين معنا وحنا بعد ترى 3شهور ماشفناك كل هذا عشان ارتباطاتها هالمرة والله ماراح اسكت ماتبي تجي بسلامتها تربطك معها ليش ..
هديل بضحكه امل:ياليت عمتي والله زهقت وانا بالبيت وتسمعني كلام يغث..
ام محمد:ولا يهمك انا بكلم ابوك وان شاءالله مايقول لا دامك عندنا..في هذه اللحظة دخلوا البنات عليهم بالغرفه...
منال : no no no I'm can't do that
نوف معصبه:تكلمي زين والا ترى بوكس على خشتك..
ام محمد تبتسم:وش فيكم انتم دايم تتهاوشووون؟
نوف:اسالي هذي اللي شاطره علينا وكانها هي الوحيده اللي تعرف تتكلم وهي من جنبها..
منال ببرود: You are very kind ..
نوف تصد عنها:خالتي ...الخميس الجايه عند مين؟؟
ام محمد:غيرنا الخطه ماراح نجتمع كل خميس بنخليها كل جمعه بعد الصلاة وتصير غدا ..قامت وطلعت للصاله..الساعه 12 بالليل راحت ام سلطان وبنتهاوراحت معهم الجده منيرة .. فمابقى غير هديل واخوانها وعمتها نورة وعيالها فكانوا جالسين بالصاله...
حماده يطل من باب المدخل:هزيل ....يقول......بابا يله..وطلع عالطوول
هديل قامت تجيب الشنطه وعبايتها ونزلت عليهم نوف مغيره ملابسها وجلست
نوف:هاه هديل مشيتوووا..؟
هديل تحاول تكون طبيعيه معها:ايه مشينا.....نوف حست ان هديل متغيره عليها
نوف تبتسم:عاد لاتقاطعين..
هديل تلم شعرها وترفعه:ان شاءالله..
ام محمد:لاتنسين اللي وصيتك عليه وحاولي تكلمينا واذ ماقدرتي من تلفون البيت عندك جوالات اخوانك اهم شئ لاتقطعين وانا بكلم اخوي بخصووص جمعاتنا عشان نحجزك..ابتسمت
هديل تلبس عبايتها:ان شاءالله مايصير خاطرك الا طيب..ومشت مع عمتها
هديل :يالله مع السلامه نوف..
نوف:مع السلامه بتوحشينا..ماسمعت رد وحز بخاطرها" لدرجه هديل حساسه صادقه امي يبيل لساني قص بس كنت امزح معها بكرة اكلمها واتاسف منها"....
بالحوش شافت عيال عمتهانورة وسارة واقفين مع ابوها وعمتها ساره معهم يضحكون وريمي نايمه على كتف عبدالله وحماده يفحط بالحووووش ..خالد انتبه لامه واللي معها وعرفها نزل عيونه وطلع بالشارع وشوووي لحقه ناصر ...
ام محمد وحاطه يدها وراء ظهر هديل:وش عندكم تضحكون ضحكونا معكم..وانا اقول وين غطست اختي اثريك عندهم..
ام نواف:مليت من سوالفهكم قلت بغير شوووي..
ام محمد:ابو وليد طلبتك..؟
ابو وليد:افااا يا نورة انتي ماتطلبين انتي تامرين على الرقبه امري..؟
ام محمد مبسوطه عشان ظمنت الموافقه:الجمعه الجايه بعدالصلاة الكل معزوم عندي ولاابي اي واحد يجلس بالبيت الكل يجي سمعتوووا الكل يجي.".تناظر اختها"..حتى ابو نواف يجي بلغيه
ابو وليد:ابشري ماطلبتي شئ ولايهمك ..
ام محمد:واذ انتم مرتبطين بشئ ولاتقدرون تجوون مو مشكله بس خل هديل تجي ترى من زمان عنها ولاتحسب شبعنا منها ماحسينا بالوقت يركض اللهم ياكافي..
ابو وليد عرف قصدها:ولايهمك هديل اول الحاضرين حتى لو كان براسنا ميت شغل وشغل..
تطمنت ام محمد من رد اخوها خلاص دام قال انها تجي يعنى تجي لان ابو وليد من النوع اذ قال كلمه مايترجع عنها...
ابو وليد يكلم عياله:يالله جاهزين تاخر الوقت وورانا صلاة جمعه ...يله فمان الله
الكل:مع السلامه..وطلع بالشارع
هديل+عبدالله:مع السلامه ..
وليد:يالله فمان الله وطلع وسكر الباب وراه..
طلعوا بالشارع اول ماطلعت هديل شافت اثنين واقفين عند سيارة لوميناخضراء(زيتيه)وواحد منهم يكلم بالتلفون عرفت عالطول انهم عيال عمتها نورة بس ماتعرف تفرق بينهم لانهم نفس الطول ولاقد مرة دققت بملامحهم عشان كذا ماتعرف منهو خالد وناصر..وقفت بجنب السيارة من الجهه وراء لان ابوها مافتح السيارة ووقف يكلم ناصر..
ناصر:هاه ياخال سريت..؟
ابو وليد:ايه سرينا ماعاد الا خير ..تصبحون على خير
ناصر :وانت من اهله....
وليد:كلكم مع ابوووي....هدووووووله وش رايك تركبين معي
هديل:يوبه اروح مع وليد..؟
ابو وليد:بكيفك تبين معي او مع اخوك كلنا واحد..عالطول ماحست الابيد وليد مسكتها وجرتها لسيارته..سياره وليد كامري لانها شبابه وخفيفه عليه ولونها ذهبي بس جناااان اللون..
هديل تركب السيارة وكانت مفتشله من عيال عمتها اللي يناظرون لحركه اخوها..
هديل بحياء:الحين ماصدقت ابوي يقول ايه وانت عالطول سحب ولاسمعت راي يمكن مو موافقه اركب معك...
وليد بزعل:هذا جزاتي ابي امشيك شوووي على شوارع الرياض وبعزمك على عصير او قهوة وانتي تقولين مو راضيه خلاص روحي لابوي مابيك عندي ....هديل لفت وراء تبي تشوف ابوه
اذ مازال فيه او لا...
هديل:لاوالله يوم راح ابوي تبي تجلسني هنا بالشارع امري لله اخوي وملزومه فيك...ضحكت على اخوها اللي متكتف مثل الاطفال ومبرطم ولايبي يتحرك..
هديل تضرب اخوها بخفه على كتفه:يله عاد بو خالد امزح معك احد تجيه فرصه ثمينه ولا يركب سياره الشيخ وليد بن ابراهيم.. "شافت اخوها ومازال على حاله"
هديل بحزن:يله وليد عاد والله من انا عشان ارفض....عالطول قاطعها وليد
وليد:انتي الــــغــــــالــــــيــــــة...وضحكوا وشاف ناصر جاء عندهم وفتح النافذه له
ناصر:وش فيك ماحركت خالي له 10 دقايق متحرك فيها شئ سيارتك؟
وليد يبتسم:لاوالله مافيها لدرجه مضايقين عليكم ياخي شارع عمتي وقفين عند بابهم عندك مانع؟
ناصر مستغرب:لاماعندي مانع بس خوفتنا قلت اكيد سيارتك فيها شئ..
وليد:طيب انتم ليش مامشيتوووا؟
ناصر ويأشر على اخوه:الحبيب ينتظر امي يقول مع مين تركب..ابتسم ..
وليد يضحك:والله انكم مجانييين ياخي انتم عيالها مو مهم تركب معك او معه ..
ناصربجديه:والله ما المجنون الا انت هو متحديني ان امي بتركب معه من غير ماحد يسالها مع مين تركب ؟؟
وليد:والله انك غبي دام سيارته عند الباب شئ اكيد بتركب معه والله انك مخفه وخف عليك يالله بمشي تامر شئ..
ناصرتوه يستوعب كلام وليد وتحدي اخوه:لاسلامتك مع السلامه...
وليد يسكر نافذته:الله يسلمك...وحرك وليد سيارته ومشوووا
هديل تستفسر:وليد هذا اي واحد من عيال عمتي نورة..؟
وليد يطالع السيارات عشان بيدخل للشارع العام:هذا ناصر..ماتعرفين عيال عمتي؟
هديل بحياء:وش عرفني فيهم..وبعدين اول مرة اشوفهم دايم اسمع عنهم...
وليد بخبث:اجل دققتي بملامح ناصر زين..؟
هديل مستحيه:لاوالله ماانتبهت عليه قلتلك بس اسمع عنهم ولا اشوفهم
وليد عرف ان اخته ماتقصد شئ و حب يستهبل:طيب مين احلى انا ولا ناصر؟
هديل بدت تعصب :انت وش فيك اقولك مادققت فيه تقول من احلى ..وصدت عنه
وليد يضحك:هههههههههههه طيب طيب لاتعصبين هههههههههههههه وربي عارف بس حبيت استهبل معك هههههههههه هدوووووووله ..؟
هديل ساكته وصاده عنه وتناظر للجهه الثانيه...
وليد بحنان:هدووووووله ؟يله عاد والله امزح
هديل بزعل:نعم وش تبي..؟
وليد:اووووف وش النفس عليك..لالالا تكفين لاتزعلين ترى مو زين عليك ولاليق بعد
وليد يطل عليها:هدووووووووله؟؟
هديل :هاه وش تبي ..؟
وليد يبتسم:ماراح اقولك الين ماتضحكين اول... "سكتت هديل "
وليد:يله سمعيني ضحكت هدووووله الحلوة..بنبرة قهر...يله لااعطيك كف يخربط لك اسنانك؟؟..ضحكت على نبرة اخوها وهو منقهر منها...
وليد يبتسم:ايه هذي هدووووله اقول ياالغاليه انا عازمك وش تبين..؟
هديل: تونا متعشيين..؟
وليد بقهر:ياحبلكم يا البنات للاكل ماتفكرون الا فيه واذ جاكم جاهزقلتوا(يتكلم بصوت ناعم مثل البنات) تونا ماكلين..والله مسوين رجيم قاسي..حيرتونا معكم
هديل تضحك على طريقته:ههههههههههههههههههه وانت وش عرفك باعذار البنات..
وليد:ايه والله..وش عرفني هذا كلام ناصر مايخلي شئ الا ويطلع عيبه ماحد يسلم منه..
هديل:وناصر وش عرفه..؟
وليد:والله روحي واساليه وش دراني..المهم وش تبين..؟
هديل مبرطمه:امس طلبت من عبووود يجيب لي فربتشينوا من ستاربكس ولا جابلي وربي ياوليد ودي اذوقه..
وليد يبتسم:ابشري..من وين نحصل ستاربكس فاتح الحين بس هاه اذ ماحصلنا فاتح باخذلك.. عسكررررررررريم ..يقلد بصوت الاطفال.....ضحكوووا على بعض



::::الجزء الرابع::::

ام محمد:ناصر يله يمه قوم مابقى على اقامه الصلاة شئ يله يمه...وسكرت الباب
ام محمد وهي تنزل من الدرج طلع عليها خالد:صباح الخير يا ست الكل...وباس راسها
ام محمد تتصنع العصبيه:اي صباح خير حنا بالضحى وتقول صباح يله يمه رح اكلك لقمه قبل ماتروح للصلاة ..
خالد بابتسامه:ان شاءالله اوامرك على راسي من فوق ...ونزلوا تحت وحصلوا ابو محمد جالس بالصاله ينتظر ام محمد تجيب له البخور..
ابو محمد بعصبيه:وينك يانورة مابقى على الصلاة الا نص ساعه وين بخورك خليني الحق على الصلاة
ام محمد مستغربه:هذا انت قالتها باقي نص ساعه يعنى فيه وقت..اعوذبالله دايم انت عجل بكل شئ
وراحت ام محمد للمطبخ تشوف الجمر وتجيبه لزوجها...
ابو محمد:خالد شووف ناصر قام والا لا..ورح لغرفتي جب العلبه الحمراء فوق التسريحه تحصلها
خالد واقف:ان شاءالله..طلع خالد فوق ودخل غرفه ناصر حصله بالحمام ياخذ له دش ودخل غرفه ابوه حصلها شبه مظلمه لان مانفتحت الستاير وكانت ريحه الغرفه تجنن ولما وقف خالد قدام التسريحه اخذ عطر عطر عشان يدور على العطر اللي فايح بالغرفه ولما حصله قراء اسمه ورجعه مكانه واخذ العلبه الحمراء وطلع..


وهو نازل سمع ابوه يتكلم عن جمعتهم وعن تغير الخطه الى صارت كل جمعه بعد صلاة الجمعه
ام محمد:عشان كذا ودي اغدي اخوني من زمان ماغديتهم مابعد زواج محمد وابيك توصي لنا على خروف زين من اللي تعرفه ومانبيه خروف كبير لانبيه طلي صغير وش قالت..
ابو محمد وياخذ العلبه من خالد:ان شاءالله مايصير خاطرك الا طيب..على طاري محمد بيجي مع مرته اليوم..؟
ام محمد وتعطيه المدخنه:يوه وش فيك نسيت كل جمعه يجون يتغدون عندنا والخميس تروح عند اهلها
خالد حب يمزح مع ابوه:هاه ابو محمد شكلك كبرت وخرفت..غمز لامه
ابو محمد بعصبيه ويقوم عشان تبخره زوجته:الله يغربل ابليسك من ولد انا كبرت وخرفت..سمعتي كلام ولدك...
ام محمد تمزح:صادق ولدي ماكذب اجل تنسى جيات محمد هو صح مايجي كثيرمن جمعه لجمعه..
ابو محمد:هذاك انتي قلتيها من كثر جياته مايجي الا من جمعه لجمعه
ام محمد:بس المفروض ماتنسى يوم الجمعه بالذات عشان ولدك الكبير يجيك..
ابو محمد:طيب وليش مايجي وسط الاسبوع لازم الجمعه..
ام محمد تاكد كلام ولدها:صدق انك مخرف انت وش فيك قمت تنسى نسيت البنت تدرس ومسكينه وين تحصلها دراسه ولا بيت ولا زيارات ..
ابو محمد يعطيها المدخنه:اقول لايكثر هرجك ويله ياخالد عجل مابقى وقت انتظرك برا فمان الله وطلع ابو محمد يحب يروح مع واحد من عياله كل جمعه للمسجد اول كان دايم مع محمد بس الحين خلاص تزوج وتركهم والحين يروح مع خالد وناصر قليل مايروح لان اخر شخص يقوم ..
ام محمد:فمان الكريم...وحطت المدخنه على الطاوله تنتظر ولدها يخلص من الفطور عشان تدخنه
وبالوقت نزل ناصر..خالد قام وراح يغسل
ناصر:صباح الخير يمه...حب راسها
ام محمد:اي صباح انت الثاني تعال اكلك شئ..وجلس ياكل عالسريع ويشرب شاهي..جاء خالد وامه كانت تحط له عود عشان تبخره وجلست تبخره وهي تبتسم ولما خلص مشى يبي يطلع
ام محمد:يمه خالد تعال احط البخور تحتك..استحى خالد هذي مو اول مرة تحطه تحته بس استحى من شئ ثاني لانه من اول ماتخرج ومايسمع غيره
ام محمد بابتسامه وتحطه تحته:عساني ابخرك معرس ان شاءالله واشوف زوجتك تبخرك قدامي..
خالد يحاول يكون طبيعي:بحياتك وبحياه ابوي ان شاءالله..
ام محمد تقترح:الحين انت خلصت دراسه وتشتغل وش ناقصك..غير العروس هاه ابدء اشتغل خطابه لك..وتبتسم
خالد:لايايمه مو الحين خليني اتنفس وبعدين لكل حادث حديث يالله فمان الله...حب راس امه وطلع مايبي يسمع اي تعليق منها..
حاولت تفتح عيونها من حره النوم..اقتلبت للجهه الثانيه ورصت على عيونها مرة تسترجع احداث امس في بيت عمتها ومع وليد ومشويرهم من بعد مااشترلها اللي تبيه ودخلوا على بنده يشترون لهم كم غرض وتمشووا على شوارع العليا ومروا على الفيصليه والمملكه .. فتحت عيونها وعرفت انها ماكانت تحلم وانه واقع حدث فحمدت ربها على كل شئ ولفت تبي تشوف اخونها شافت حماده لسه نايم وريمي جالسه تحاول تصحيه بنعومه ....
هديل بصوت كله نوم:ريمي ...التفتت عليها...صباح الخير ليش ماقيمتيني..
ريمي تأشر على حماده:اده..نام (حماده نايم)..باستها هديل وعالطول قامت ودخلت الحمام اخذت لها دش وطلعت عشان تروش اختها وتنزل وبتخلي حماده براحته..
نزلت تحت وماحصلت غير ابوها واخوانها يفطرون فراحت عندهم..
هديل:السلام عليكم...
الكل:وعليكم السلام..جلست وجلست اختها بجنبها واعطتها خبز ممسوحه بجبن..
ابو وليد:ابوي هديل..حطيلنا جمر نبي نتدخن..
هديل:ان شاءالله يوبه..وراحت هديل للمطبخ وحصله الشغاله تقطع السلطه ..
هديل:ستي خلي هذا الحين وحطي فحم على النار..واذ خلص ناديني وطلعت من المطبخ
الشغاله:تيب .... رجعت عندهم و قبل ماتجلس ..
ابو وليد:هديل ماتدري متى جت شيخه من الزواج؟ .... "هديل تعرف متى جت لانها بعد ماصلت الفجر عالطول راحت للسريرها وبنفس اللحظة انفتح باب غرفته وتظاهرت و كانها نايمه لان عرفت مين دخل عليها من ريحه البخور ومن فستانها اللي مع كل حركه يطلع صوت صحيح ماسوت شئ بس كانت تبي تطمن انهم موجودين يعنى تبي تشوف هديل موجوده او جلست عند احد عماتها وطلعت بهدوء مثل مادخلت..
هديل وتحاول ماتناظر ابوها:مدري..
وليد:هديل الله لايهينك عطيني خبز..واعطته وهي تفكر وسرحانه
عبدالله يبتسم:هديل .....هديل...وفجاءه ضرب رجلها بخفه وهي عالطول قمزت
هديل بخوف:هلا عبدالله وش تبي خبز...ضحك عبدالله ووليد بصوت واطي عشان ابوهم فيه وهي اكتفت بتنزيل عيونها..
عبدالله يبتسم:شوفي ستي تناديك...قامت للمطبخ تشوف وش عندها الشغاله
هديل بضيق:هاه سيتي وش تبغين..
ستي:انتي قووول كلص فحم نادي انا والهين كلص...اخذت المدخنه وحطت الجمر فيها وطلعت للصاله واعطت ابوها المدخنه وراحت تجيب علبه العود من المجلس..اعطت ابوها العلبه وجلست توكل ريمي و اكتفت بالحليب..
خلصت من الصلاة ويله تقوم من ظهرها وجلست بالمجلس عشان كل بعد صلاة جمعه يجونها عيالها
الجده:صفيه...صفيه ..تعالي افتحي التلفزيون خلينا نشوف خطبه الجمعه..وجت صفيه وفتحت التلفزيون وحطتلها على الحرم(مكه)عشان تشوف الخطبه وعلت على الصوت وقامت..
الجده:صفيه...جيبي القهوة والشاهي الحين العيال بيجون
الشغاله:تيب ماما..وراحت ..ودخل عليها ولدها عبدالعزيز ومعه سلطان وفيصل..
ابو سلطان:السلام عليكم يمه..شلونك وشلون صحتك ..وحب راسها
الجده:هلاوالله وغلا بوليدي بخير عساك بخير انت وشلونك وشلون عيالك وبناتك.؟
ابو سلطان يجلس عند امه:كلهم بخير يسالون عنك وعن احوالك..
سلطان:وشلونك يمه عساك بخير؟
الجده:ياهلاومسهلا..وحطت ايدها على جبينها تبي تشوف اي واحد من عيالها..؟
سلطان يجلس:انا سلطان ولد ولدك عبدالعزيز ..يضحك
الجده:هلا بولدي ولد الغالي وشلونك وشلون عيالك؟
سلطان:كلنا بخير يا وجه الخير..
فيصل يحب على راس امه:شلونك يمه عساك بخير.؟
الجده تحاول تشوف مين هو:هلا والله بوليدي بدر وشلونك ؟
فيصل يضحك على جدته:لايمه انا فيصل..وشبلاك يمه بديتي تخرفين؟؟
الجده بعصبيه:انا عارفه انك فيصل الظاهر انت اللي مخرف انا اسال عن بدر ماشفته معكم
الكل يضحك على تصريف العجيز وعلى عصبيتها ..
ابو سلطان:الله يهدك يايمه ترى منتي صغيره ....
الجده مفوله:هاه يا وسيع الوجه الحين تقول ذا الحكي قدام عيالك ماقول الا خسارة تربيتي فيك ياولد ابوك..وصدت للجهه الثانيه ابو عبدالعزيز متوفي من زمان بس غلاته للحين بقلبها...
ابو سلطان يحب راسها:كل شئ ولا زعل الغاليه ام عبدالعزيز ترى مو انا قايله هالكي هذا فيصل بس الظاهر ان نظرك وسمعك بدء يضعف هاليومين...
الجده متنرفزة:سمعي ونظري احسن منكم واعرف افرق بينكم واعرفكم باصواتكم بس ماقول الله يخلف على تربيتي فيك ..
ابو سلطان يبي يلطف الجو:عسى ربي يحفظك ويطول بعمرك ان شاءالله ويعطيك القوة والصحه انتي تعبتي وربيتي وطلعت رجال وانا ماقالت انتي كبيرة يعنى خلاص راحت عليك انا اقولك كبيرة بعقلك وقلبك الوسيع..شاف ملامح امه تلين على كلامه الحلوو...
الجده فرحانه:عسى يوفقك ياوليدي ويفتحها بوجهك وبوجه عيالك ويستر عليك..ودخلوا عليهم صالح وولده حمد وجلسوووا يسلموا على بعض وياخذون علوم بعض..الجده منيرة تسكن ببيت لوحده مع شغالتين وسواق ومارضت تعيش مع واحد من عيالهم لان بيتها فيه ذكريات زوجه وانتم تعرفون العجايز والرومانسيه الزايده اللي تطلع معهم باخر اعمارهم..
دخلت هديل المطبخ وشايله معها صينيه الفطور ووراها ريمي اللي تشرب الحليب بكاس خاص للاطفال
وهي تحرك راسها يميل وشمال كانها ترقص بشعرها شافتها هديل وابتسمت لها وعالطول طلعت من المطبخ وشافت مرة ابوها نازله وباين اثار النوم في وجهها وبنفس اللحظة دق التلفون..
ام وليد:الووووو
...:السلام عليكم..شلونك ام وليد؟ ..ام وليد استغربت من الصوت الناعم وتحاول تستوعب وتعرف من هو صاحب الصوت..
ام وليد بحيرة:وعليكم السلام..مين معي؟
شذى:انا شذى صديقه هديل ..؟ شذى صديقه هديل من يوم كانوا باول صف لين اخر سنه دراسيه بس هي كملت دراستها الجامعيه..ومازالت على اتصال معها ومع الجوهرة اللي بنفس التخصصات(احياء)وتعرف مشاكل هديل مع مرت ابوها وام شذى جيران ام شيخه وتعرفها عز المعرفه بنفس الوقت تصير عمتها نورة مرت عمها..
ام وليد:هلا والله بشذى عاش من سمع الصوت وشلونك وشلون امك؟
شذى:عاشت ايامك بخير نسال عنكم..
ام وليد:تسال عنكم العافية..وين امك غاطسه مانشوفهم كذا مرة نجتمع مع حريم الحارة ولاتجي عسى ماشر..؟
شذى:ماشر بس امي حصة(جدتها)متنومه بالمستشفى وامي معها..
ام وليد بخوف متصنع:يوه سلامتها ماتشوف شر وش فيها؟..ماقد اجتمعت مع الجده حصه اساس لانها ام رجلها....
شذى:الله يسلمك بس السكر نازل عليها وان شاءالله كم يوم وتطلع..
ام وليد:تطلع لكم بالسلامه..
شذى:امين..اجل وين هديل؟
ام وليد تناظر هديل اللي وقفت لما سمعت اسم شذى:لحظة....كلمي شذى
هديل بابتسامه فرح:السلام عليكم..هلا شذى عاش من سمع الصوت وش اخبارك واخبار الاهل؟
شذى بنفس النبرة:وعليكم السلام هلا هدوووووله وحشتيني موووت انا بخير وكلنا بخير انتي طمنيني عنك وعن احوالكم؟
هديل تتجنب نظرات خالتها:الحمدلله كلنا بخير وانا مشتاقه لك اكثر..وش اخبارالدراسه واخبار الجوهرة..؟؟
شذى:والله ماشيه والحين نستعد للاختبارات الفصلي..لاتبخلين علينا بدعواتك والجوهرة بخير مشتاقه لك بس تخاف تدق وتتصرف وانتي ابخص عاد..تضحك
هديل:اهااااا طيب سلميني عليها وقوليلها له وحشه الدبه..
شذى حست بصوت هديل وانها تسرعت بكلامها:ان شاءالله معليش هديل دقيت عليك بذا الوقت اذ مسببه لك احراج ..قاطعتها هديل
هديل:وش ذا الحكي شذى لا احراج ولا شئ عادي وكويس انك دقيتي وسمعت صوتك واخبارك..
شذى براحه:طيب وش اخبار ريمي هاه بدت تمشي ولا لسه؟
هديل تناظر اختها:ريمي بخير صارت حرمه بسم الله عليها ..تضحك على اختها اللي استحت
شذى:الله يخليها لكم ايه على فكرة امس دقيت عليكم ماحد شاله ؟
هديل وتناظر خالتها ونزلت عيونها عالطول:ايه كنا عند عمتى سارة مجتمعين كلنا
شذى بفرحه:اخيرا طلعتي وغيرتي جوا..طيب هدووووله انا لازم اقفل الحين ولاتقاطعين
هديل بحزن:طيب الله معك وسلمي على الاهل..وسكرت منها
ام وليد بتفحص:وش عندها شذى..؟
هديل:كل خير..ومشت عنها تتهرب من اسئلتها المعتاده
ام وليد:وش اخبار جمعتكم ؟
هديل ومعطيه ظهرها لخالتها:الحمدلله بخير يسالون عنك و..قاطعتها ام وليد
ام وليد وهي تمسك طرف قميصها من الكتف:بلا كذب وقولي كل شئ من الالف الى الياء
هديل بخوف:والله ياخالتي ماكذبت عليك..
ام وليد بعصبيه وهي تهز هديل:مين كان فيه وش سويت....
هديل ترتجف:الكل فيه الا مرت عمي و...قاطعتها
ام وليد:وينها..تكلمي بسرعه قاعده اسحب منك الكلام سحب
هديل:معزومه بزواره من طرفهم...
ام وليد:ومرت عمك عبدالعزيز وبناته ؟؟
هديل:بس مرت عمي وبنتها منال وبناتها ماجوا..
ام وليد تترك هديل:اسمعي يا هديّل هذي اخر مرة تروحين عند عماتك سامعه..وراحت عنها وهديل خانقتها العبرة وطلعت فوق بسرعه لان سمعت اخونها جووا من الصلاة ولاتبيهم يشفونها..
نوف بصوت عالي:طيب ان شاءالله يمه الحين بجي..رجعت تكلم منال..هاه وش اسوي وربي مو قصدي اجرحها
كنت امزح..
منال وكانت مبعده السماعه من صوتهاالمزعج:اعوذبالله عليك صوت اللهم ياكافي يا بنتي فيه شئ اسمه حطي ايديك على السماعه مو باذني تصارخين.
نوف بعصبيه:يوووووه منك وبعدين هذا جزاتي اتصل عليك واقولك ابي حل..
منال بهدوئها المعتاد:It wasn't my fault(ماهي غلطتي)
نوف بنرفزه:تدرين عاد الشره مو عليك على اللي يستنجد فيك طسي عني..وقفلت بوجهها
منال تبعد السماعه:Crazyوقفلت السماعه وسمعها ابوها عبدالعزيز اللي توه داخل من برا ..
ابو سلطان يبتسم لبنته ويحط يده على كتفها:مين الـCrazy ؟
منال بزعل مصطنع:Your niece
ابو سلطان وقف مكانه عشان يفهم كلام منال:هاه وش قلتي نيس وش نيس بعد يطلع..؟
منال بدلع:هذا يطلع ياطويل العمر نوف بنت اختك..برطمت مثل الاطفال
ابو سلطان يضحك:هههههههههههههههههه نوف وش فيها
منال:سكرت التلفون بوجهي..
ابو سلطان يضحك على هبال البنات:هههههههههههههههه نوف تسوي كذا لاماصدق نوف اكبر من الحركات هذي الا اذ انتي رفعتي ضغطها بحركاتك ..
منال بجديه:لا والله يوبه الحين انا ارفع الضغط وهي مسبعه من الكوثر لالالا هذي بنت اختك ماحد يقدرلها واسال عمتي عنها وش سوت امس مع هديل اللي بغت تموت بسبت حركاتها
ابو سلطان وهو يجلس:وش سوت لها يله سمعيني عن اخبار بنت اختي ..وقالت له سالفه هديل والبسه(القطوة)وسالفتها والكلام اللي انقال لها وصد هديل عنها..
ابو سلطان وهوفاطس عليها:هههههههههههههههههههه الله يهديكم ان شاءالله ونوف تدري ان هديل خوافه وليش تخوف هالمسكينه هههههههههههههههههههه
منال:نحاسه ومنقهره منها..ام لسان طويل صادق فواز المفروض ماماشيها اخاف تعديني بالسانهاااا..وابوها فاطس ضحك عليهم
ابو سلطان:وحتى فواز على اخته المسكينه هههههههههههههه الله يهديكم ويصلحكم
منال:طيب يوبه وش رايك بالكلام اللي قالته نوف لهديل..منال تحب تاخذ وتعطي مع ابوها لانه من بعد ماتقاعد وهو جالس بالبيت ماغير يسمع بناته ويسمع شكاويهم مع ازواجهم يعنى مصلح اجتماعي
ابو سلطان بجديه:غلطانه والغلط راكبها من راسها..الحين من زمان ماشفتوا هديل ولا تتكلمون معها مثلك انتي ونوف المفروض تقدرون شعورها بعد مو عشانها بنت عمي او بنت خالي اطيح الميانه البنت مسكينه الواحد لازم يراعي ظروفها حتى لو هي اختي..منال تفكر بكلام ابوها ولقته صحيح المفروض نراعي شعورها مو نزيدها..
ابو سلطان:منوووووله وين امك؟
منال بدلع:بالمطبخ بروح اشوفها..وقامت عن ابوها اللي يدعي لها بالهدايه والتوفيق
جتهم نوف وهي متضايقه من برود اعصاب منال وهي على نار فجلست بعصبيه
ابو نواف:وشفيك نوف عسى ماشر ليش عابسه هالوجه؟
نوف بعصبيه:مافي شئ يوبه؟
ام نواف:انا اعرف وش سوت اكيد مافي غير لسانها تبراء منها مثل كل مرة ..
نوف تناظر امها بعصبيه من غير ماتعلق شئ لانها صادقه بكل اللي تقوله..
فواز يبتسم:مين الضحيه هالمرة يا ام لسان طويل هههههههههههههههههههههههههههههههههههههه
نوف بعصبيه:فووووزوووه وربي مو رايقه لك ترى احط الحرة فيك..
ابو نواف بعصبيه:نووووف...اذ ماحترمتي اخوووك اقل شئ احترميني انا وامك مافي اي اعتبار
نوف:اسفه يوبه بس ماتشوفه وش يقوووول ..
ابو نواف يوجه الكلام لفواز:فووواز خل عنك اختك كل يوم هواش خاطري يوم اشوفكم ماتتناقرووون تجلسون بهدوء من غير هواش..
فواز انحرج من كلام ابوه:ان شاءالله يوبه بس خلها تبعد عن البنزين شووووي ترى البنزين والنار يؤدي الى الاحتراق ...يغمز لاخته
نوف بنرفزة:شفت يوبه شفت اني مظلومه وتحطون كل شئ على..شافت ابوها يهز راسه وكانه مل من الديباجه الطويله العريضه كل يوم..
ام نواف تسكتها:انتي اسكتي واخليه عنك ماكان ظلمناك زي ماتقووولين..نواف يبي يلطف الجوا
نواف:يمه وين الدقوس اللي من عمتي نورة..
ام نواف:يوه نسيته تلقاه على طاوله المطبخ..قام ولدها يجيب الدقوس ..هات صحنك فهد..مد صحنه لزوجته..وجاء نواف ومعه الدقووس
ام نواف:اقووول فهد ترى اختي نورة عازمتنا يوم الجمعه اللي تجي عندهم ووصتني ابلغك
ابو نواف:يالله تلحقنا خير اذ جاء الجمعه لكل حادث حديث..وبعدين وش المناسبه
ام نواف:والله تقول من زمان ماغدت اخواني وتبي تجمعهم ما نشوف الواحد بالسنه مرة وخلينها غدا بعد صلاة الجمعه يصير الكل مجتمع احسن وراح تبداها هي ...
ابو نواف ويرفع كاس اللبن:يعنى بتكنسلون جمعتكم كل خميس..ويشرب
ام نواف:ايه تقول الجمعه احسن ووصتني اقولك واكدت على جيتك بعد
ابو نواف:ان شاءالله يصير خير...
الساعه 3باقي على صلاة العصر نص ساعه وهديل مثل ماهي ماتحركت من فراشها وكانت شبه منسدحه وبين يدينها دفتر خواطرها وتمسح دموع نزلت من غير ماتحس وهي تكتب خاطرتها...
وليد يطق بابها:هديل ....هديل ...هدووووله
هديل وهي تمسح دموعها وتركت الدفتر على السرير وناظرت نفسها بالمرايا وحمدت ربها ماكان باين عليها اثار الصياح فعدلت من شعرها وفتحت الباب وحصلت وليد وحاط يده على الباب متسند
وليد بابتسامه:ممكن اعرف الغاليه ليش ماتغدت معنا..؟
هديل منزله راسها:مالي نفس ..ورفعت عيونها لخوها اللي يناظرها بكل اهتمام
وليد:مالك نفس او...زعلانه
هديل تحاول تكون طبيعيه:لا مو زعلانه بس جد مالي نفس..
وليد بجديه:والسبب....؟
هديل تحاول تقنع اخوها:عندي صداع ذابحني ...
وليد بخوف:من متى؟وليش ماقلتي؟
هديل تطمن اخوها:من ساعتين تقريبا والحين الحمدلله بدء يخف..نزلت عيونها ماتبي تنفضح
وليد:لالالا البسي عباتك وانا انتظرك بالسيارة ..ومشى عنها بس هديل عالطول مسكته ماتبيه يروح
هديل بابتسامه:ماله داعي وليد قلتلك الحين بدء يخف بعد ما اكلت بندول لاتكبر السالفه وهي ماتسوى
وليد بنظرة جديه:متاكده انه بدء يخف او تضحكين علي..
هديل منزله عيونها:قلتلك خلاص اكلت بندول والحين بيروح ولاتشغل نفسك..تناظر اخوها وتبتسم
وليد براحه:طيب انا بروح اريح شوي قبل صلاة العصر تامرين شئ...يبتسم
هديل نفس الابتسامه:سلامتك ...وراح عنها وليد ودخل غرفته عشان يرتاح مثل مايقول وانسدح على السرير وفجاءه سمع طق باب غرفته وقال ان الباب مفتوح وطلت من الباب هديل وهي مستحيه وباين عليها تردد فعدل وليد نفسه
وليد بحيرة:هلا هدووووله تبغين شئ ..؟
هديل منزله راسها ومتردده:اممممممممم ممكن ....اخذ رايك بشئ؟
وليد مبتسم:افاااااا عليك انتي تامرين امر تفضلي تعالي..دخلت وسكرت الباب وراها وجلست على كرسي الكمبيوتر وماهي عارفه وشلون تبدء تحس بخوف وباحراج ففضلت السكوت..
وليد بعد ماطال سكوتها:هاه هدووووووله وش عندك كل اذان صاغيه..يبتسم لها وهي رفعت عيونها
هديل متردده:احم احم ......وليد......انا......خلاص انسى...
وقامت عالطول تبي تطلع بس وليد اسرع منها ومسك الباب عشان ماتطلع ووقف مقابلها
وليد باهتمام:هدووووووله وش فيك..قووولي اللي بخاطرك من غير اي خووووف الا اذ انتي ماتحبيني ..برطم مثل الاطفال
هديل:لاتقول كذا وليد بالعكس انت وعبدالله اللي اعزكم ..نزلت راسها
وليد مبتسم:طيب دامك تعزينا قولي اللي بخاطرك وش تطلب الغاليه؟
هديل منزله راسها تخاف يعصب عليها:اخاف تعصب علي ...
وليد:هديل وش فيك تكلمي قولي طلعي اللي بداخلك والله ماراح اتكلم اللين ماتخلصين كلامك و شيله فكرة اني اعصب عليك انا وليد مو حي الله ...يغمز لها ويضحك
هديل مبتسمه:ابغى..اشترك..في..منتدى....نزلت راسها وليد ماقل شئ غير يناظرها
هديل بخوف:خلاص وليد انسى اللي قلتلك وفتحت الباب تبي تطلع بس وليد وقفها
وليد بجديه:لحظه هديل..في اي منتدى تبغين تشتركين؟؟ناظرت له هديل وشافت الجديه بوجه
هديل:مدري...بس قلتلك انسى خلاص هونت اصلا...
وليد:سؤال واحد مو اثنين ..!هديل بنظرة خوف
وليد:من اللي شجعك او دخل الفكرة براسك؟؟
هديل باحراج:منال..وقالت راح استفيد منه وخاصه ان عندي مواهب وحرام ادفنها وقالت انه مافيه شئ اقرأ مواضيع او ارد اواشارك من غير ماحد يعرف اني بنت او ولد وعندها كم منتدى مشاركه فيه وتقول اسالك اذ عندك خلفيه...نزلت راسها
وليد مبتسم:ابشري يا هدووووووله ماطلبتي شئ انتي خوذي المنتدى وراح تحصلين اللي يسرك كم هدوووله عندي...ابتسم
هديل براحه وفرح:مشكووور وليد ماقصرت انا الحين بدق عليها واخذ المواقع عشان تشوفهم
وطلعت عالطووول لغرفه عبدالله اللي يلعب بلاستيشن2...
هديل بفرح:عبوووود طلبتك..؟
عبدالله ويوقف اللعب:وشو هديل....؟
هديل:اقولك طلبتك تقووولي وشووو.....برطمت
عبدالله يضحك:تـــــــــــــــــم....ويحرك راسه مثل الهنود
هديل مبتسمه:ممكن استخدم جوالك لمده لاتتجاوز 10دقائق..؟؟؟؟
عبدالله ويعطيها الجوال:اخذي راحتك فيه لو ان شاءالله ساعه تدرين شلون حلال عليك الجوال واللي فيه..ابتسم
هديل بفرح:لا مايطوعني قلبي اخذ شئ مو لي المهم بس 10دقايق ويرجع لك سالم..
اخذت هديل الجوال وعالطول راحت لغرفتها عشان تطلع النوته اللي كاتبه فيهم ارقام اللي يعزون عليها ودقت رقمها وكلمتها واخذت المواقع وشكرتها ورجعت جوال عبدالله سليم مثل ماقالت وراحت لوليد واعطته الاسماء وعرف 2منهم ونصحها تختار الاحسن وسوا لها ايميل عشان تستقبل الرسايل فيه وعلمها عن كل شئ في المنتدى كيف ترد وكيف تكتب موضوع ..وغيرها الين ماصارت تعرف كل شئ وقالها كل ماتحب تدخل وتشوف غرفته وصاحب الغرفه تحت امرها ماعليها من احد تدخل وتسوي اللي تبي وارتاحت هديل اقل شئ لقت اللي بيشغلها ونزلت اول مشاركاتها بقسم الخواطر وحصلت مدح كبير وثناء لايوصف وحست ان الدنيا تضحك لها من جديد ....
مرة الايام واشهووورمثل ماهي على هديل وتقبلت اعتذار نوف ووضحت لها انها نست السالفه..بس نوف تعرف هديل تحط بقلبها ولاتبين..ومرت الاجتماعات مع عماتها وعمامها فقرروا بالنهايه يكون مكان الاجتماع ببيت الجده منيرة بعد صلاة الجمعه والشخص اللي عليه تكاليف الاجتماع يجي من بدري و يتكفل بكل شئ من قهوة وشاي والغداء وبعد صلاة العصر الكل يروح لبيوتهم بس الوضع ما عجب ام وليد فحبت تتماشى معهم عشان ماحد يمسك عليها شئ ومع ازمه الاختبارات النصفيه فكانت ام وليد كثير تتعذر عشان عيالهم بس العمه نورة توصى اخوها قبل مايجي يجيب هديل بحكم ماعندها شئ فكانت شيخه تظطرتروح معهم بس ماتطول اول ماتقول الحمدلله سيده تقول مع السلامه فكان هذا الشئ يزعج نورة وحاولت تتحمل عشان اخوها عدت الاختبارات على خير وباقي الاختبارات الاعظم اللي تحدد مصيرهم..كانت الجمعه على العمه نورة والكل مبسوط ومستانس فكان بالمطبخ معها هديل ومنال
وام وليد كل شوي تجي تجلس معهم تراقب الوضع ويقالها تقدم خدمه بس الحركه ماتغيب عن نورة عشان ماتخليهم ياخذون راحتهم ومن ثم تروح للمجلس ..
ام محمد تدق بالجريش:ماترتاح الا وتمسك شئ علينا..
هديل تحط السلطه بصحونها:الله يستر منها..كذا زين عمتي
ام محمد بحذر:ايه زين..هديل حطيتي عليها ليمون وملح.
هديل:لا ماحطيت تبني احط عليها...
ام محمد:لالالالا عشان ماتخرب علينا خليها ساده وقطعي شرايح ليمون وحطي فوقها..منال جيبي بوادي الجريش تلقينهم بالمقلط بسرعه..
منال اللي ترتب الفاكهه بصحونها الخاصه:عمتي يدي مشغوله قولي لنوف تجيبها...تو نوف داخله
نوف باللسانها الطويل:وش اجيب لالالالا خالتي قالت لك انتي يعنى انتي ترروحين
منال:ماقد قلت شئ الا وانتي معارضه اف منك..وراحت للمقلط تجيب البوادي اللي قالت عليهم عمتها وهي تفتح الدولاب عشان تطلعهم دخل ناصر للمقلط ولاانتبها لها لان الدولاب كان مغطيها ولاشافها وفوق كذا كانت لابسه تنورة بني غامق نفس لون الدولاب تعرفون لقافه الرجال يحبون يشفون وش فيها السفرة قبل مايقلطووون وجلس يرتب السفر فجاءة انتبه للبنت الواقفه وراه وسمعها
منال تمد البوادي لناصر من غير ماتشوفه:نوف اخذي البوادي ووديهم لعمتى..انبسط ناصر وابتسم على الخبله اللي ماشافته ولما سكرت الدولاب ولفت تبي تطلع شافت رجال واقف مقابلها قاعد يبتسم وهي مطيرة عيونها من الخوف ماتدري تتغطى او تنحاش او ..ماتدري وش تسوي غير طلعت بسرعه وهي ترتجف من الخوف بس وقفت مكانها واستوعبت ان مامعها الا 4 بوادي والباقي معه واذ رجعت للمطبخ بتهاوشها عمتها فتشجعت وتغطت ودخلت للمقلط وحصلتها فاطس ضحك وهي تحاول تاخذ منه البوادي بقوة بس كان اسرع منه وبعدهم عنها عشان ماتخذهم ..
منال مفوله:الظاهر اهلك ماعرفوا يربونك زين ...ومشت تبي تطلع ووفقها
ناصر مبتسم:اذ اهلي ماربوني زين اعرفي وابصمي بالمليون %ان اهلك بعد ماربوك زين..
منال وهي تلف عليه بعصبيه:Please help yourself(رجاء احترم نفسك)عالطول طلعت عشان ماتسمع كلام اكثر منه وتسب فيه بخاطرها وانه مايستحي على وجه..
اما ناصر فعرف انها منال لان هي الوحيده اللي تخصصها انجليزي فضحك عليها وعلى عصبيتها وقال بنفسه ماشاءالله عليها حلوة وعصبيه وضحك لماتذكر الربطه اللي حاطتها في جبهتها وكانها من الهنود الحمر بس طالع عليها جناااان ومشى لمجلس الرجال وهو يتذكر تعابير وجهها ويضحك
اما منال اول مدخلت المطبخ ترتجف ماتدري خوف او شئ ثاني وهي سرحانه وشلون جتها الجراءه تكلمه كذا والله ماستحي على وجهي بس اه عليه مزيون هذا اي واحد فيهم حمد ولا خالد ولا ناصر..
هديل باستغراب:منال وش فيك عمتي تكلمك..
منال تنتبه لهم:هاه..هاه..ايه جبت4 يكفون....
ام محمد مفوله:4 وش يسدون اربع يالله بسرعه روحي جيب 6 واعطي هذووولان للشغالات تغسلهم يا بسلكم من بنات.....واعطت الشغالات يغسلون البوادي..
خلص اليوم مثل اي يوم وراحوا العوايل لبيوتهم وماجلس الا نورة محمدومرته عند الجده منيره
الجده:اقووول اسماء مافي شئ بالطريق..؟؟
اسماء مستحيه:لا لسه ماكتب الله شئ للحين...
الجده:كم لكم متزوجين..؟؟
اسماء:....6شهور..
الجده مستغربه:6شهور ولافيه شئ طيب روحي اكشفوا انتي وزوجك ترى مافيها شئ..
محمد:لا يمه حنا مأجلين الين ماتخلص اسماء دراستها..كل شئ بوقته حلو..
الجده مفوله:وليش مأجلين ترى ياولدي مايجوزحرام اللي تسووونه تقطعون ذريتكم..
محمد:ومن قال حنا نقطع ذريتنا احد يتمنى ما يشوف عياله..
الجده تبي تخرب ولدها:اجل خلاص لاتحرم نفسك وشوف عيالك وماعليك من احد..محمد يطالع اسماء اللي استحت ونزلت عيونها فاكتفى بابتسامه ونزل عيونه
ام محمد بخبث:يمه هذا شئ متفقين عليه لاتخربين مخططاتهم الله يهدك..قاصده تقول كذا عشان يستحون على دمهم ويفكرون يجيبون حفيد لها..
تنحنح ابو محمد ودخل مع خالد وناصر بنفس الوقت استاذن محمد بيروح يرتاح لانه عنده سفرة للشرقيه
الجده تكلم خالد:وانت متى ناوي تتزوج بسلامتك اللي بعمرك عيالهم بمدارس
خالد يقول بنفسه اشتغلت الاسطوانه الله يعدي اليوم على خير..
ام محمد تتشكى:والله يا يمه تعبت وانا اقوله يقولي لسه ابي اتنفس حاولي فيه يمكن يقتنع..خالد منزل عيونه...
الجده مستغربه:وش يتنفس بعد الحمدلله والشكر احد خانقك ماعليك منه يمه نورة من الحين دوريله بنت الحلال اللي تناسبه..
ام محمد مبتسمه وتناظر ولدها:البنت موجوده بس خليه يوافق هو بالاول..خالد يطالع امه ووده يعرف من هي هالبنت اللي امه اختارتها له..
الجده بفرح:والله يانورة مين هي؟؟ ومين بنته؟؟
ناصر قفز بالسالفه:اقول يمه انتي وامي منيرة دامك متحشرات وتبون الحبيب يتزوج ولاهو راضي انا قدامكم ابي اعرس..ماحس الا وامه تضرب كتفه بخفه
ام محمد:ياللي ماتستحي على وجهك انت خلص دراستك واشتغل بعدين فكر بالعرس اللي اكبر منك مافكر تجي انت وتفكر عيال اخر زمن..
ناصر:الدراسه باقي سنه واخلص والحمدلله والوظيفه مظمونه عند الوالد هاه وش قلتي انا ماقلت بعرس خطبه او ملكه اهم شئ ارتبط..مسكته امه من اذنه
ام محمد:نويصر حركات الاستهبال في مواضيع جاده خلها عنك واثقل والا ترى ماتشوف اللي يسرك
ناصر وهو ماسك يد امه عشان ماتشد بقوة::اي اي اي اي ان شاءالله بس فكي اول..فكته وجلس يفرك باذنه..
ام محمد:هاه خالد وش قلت اتوكل وافاتح العروس واخذ رايها مبدئيا او لا..
خالد باهتمام:قبل كل شئ ابي اسمع رايي ابوي بالموضوع..؟
ابو محمد:انت تعرف رايي من زمان هذا يوم السعد اذ شفت عيالي ببيوتهم مبسوطين ومتهنيين الله يوفقك ويعطيك الخلف الصالح..
ام محمد بابتسامه انتصار:اعتقد مالك اي عذر الحين..
خالد:بالاول اعرف من هي ومن بنته وبعدين افكر واقولك رايي..؟
ام محمد بفرح:هديل...بنت اخوي ابراهيم..
::::الجزء الخامس::::

الساعه8وثلث دق تلفون الصاله ولا احد كان فيه وطول وهو يدق وينقطع ويرجع يدق الين ماجاء حماده يركض وشاله...
حماده ياخذ نفس:الوووو....الووووو
ام محمد:السلام عليم ..حماده شلونك وشلون ابوك وامك؟
حماده:بخير..
ام محمد:وينكم من ساعه وانا ادق طالعين؟
حماده:لا....بالخميه....
ام محمد:طيب وين هديل؟ عالطول حط السماعه وراح ينادي هديل
حماده:هزززززيل.......هززززززيل......تلفون
طلعت هديل بسرعه من غرفه وليد ووليد معها يشفون وش فيه حماده يصرخ لانهم ماسمعوا الجمله الاخيرة ونزلووا بسرعه من الدرج
وليد بخوف:وش فيك تصارخ...حماده يمد السماعه لهديل
حماده:تلفون....عالطول راح للحوش استغربت هديل مين اللي طالبها
هديل بحيرة:الووووووو.....
ام محمد:السلام عليكم وشلونك هديل؟؟؟
هديل بفرح:هلا عمتي وعليكم السلام بخير عساك بخير وش اخبارك؟
ام محمد:بخير الحمدلله..هديل مابي اطول عليك تقدرين تجين لبيتي الحين
هديل باستغراب:ليش عمتي وش صاير؟
ام محمد تطمنها:ماصاير شئ بس جالسه بروحي ومليت قلت تجين عشان نسولف وننبسط
هديل تناظر وليد:والله ياعمتى ماظن اقدر اجي الحين؟
ام محمد بحزن:ليش ليكون ممنوعه بعد..؟
هديل بصوت واطي عشان مايسمعها وليد:ايه..
ام محمد بنرفزة:لاحول ولا قوة الا بالله..طيب انا بجيك الحين ابوك فيه؟؟..
هديل:مادري ياعمتي ..
ام محمد:خلاص ساعه او اقل وانا جايه مع السلامه..
هديل بحيرة:الله يسلمك..سكرت السماعه
وليد باهتمام:وش عندها عمتي متصله..؟
هديل بحيرتها:مدري والله ياوليد تقول تعالي عندي والحين تبي تجي..
وليد بحيرة:غريبه..المهم خلينا نشوف ابدعاتك يا مبدعه تفضلي..تقدمت قبله وابتسمت وطلعوا فوق....
كان جالس باحد المقاهي وهو يشرب قهوته وهو بعالم ثاني يفكر بهديل اللي سمع صياحها هديل اللي شافها والخوف بعيونها قطع عليه حبل افكاره جواله يدق..
خالد:هلا حمد ..
حمد:السلام عليكم..وينك فيه؟
خالد بضيق:وعليكم السلام انا بالمقهى بغيت شئ؟
حمد بحيرة:خالد وش فيه صوتك..؟
خالد يتنهد:تعال واقولك كل شئ تعرفه المقهى اللي دايم نجتمع فيه..؟
حمد:ايه اعرفه احسبلي 10 دقايق وانا عندك..وسكر ورجع خالد بعالم التفكير وماحس الا حمد يكلمه
حمد يحط يده على وجه خالد:ياالحبيب...هييييه...
خالد بأنتباه:شفتك وربي شفتك ...ابتسم
حمد بخوف:لالالا الاخ مو بعالمنا وين سارح فيه
خالد بحيرة:سارح بعالم مايعلم فيه الا ربي واحس اني متوهق..
حمد ويعدل الكرسي:قبل ماتقولي..اول شئ اطلب لي موكا هوت وبعدين تكلم على كيفك
خالد:والله انك قعيطي ياخي قم اطلب لنفسك انا حدي مفلس ..
حمد مستغرب:افااااااااا يا ولد عمتي ماهقيتها منك اثريك قعيطي الله يعين حرمتك اجل تبي تجلسها على بساط الفقر..شاف تعبير وجه خالد لما طرأ العرس
حمد بخبث:هاه ولد عمتي وش فيك ليكون الوالده صاجتك للحين..؟
خالد بتعب:والله من ناحيه صجتني صجتني بس اللي تعبني شئ اعظم..
حمد بخوف:وش فيك ياخالد عسى ماشر..؟ قاله خالد كل الحوار اللي دار من 3 ايام في بيت الجده منيرة..
حمد:طيب كلام جميل الى الحين وانت ماغلطت قلت تبي تعرف من هي وتبي تفكر وتعطيهم قرارك وش اللي متعبك مافي شئ يتعب بالموضوع..
خالد وبدء يعصب عليه:اللي متعبني ان الوالده تبي تفاتح البنت الحين وتاخذ منها جواب مبدئي وانا ماحب الطريقه هذي..
حمد:لا بالعكس كويس اللي سوته عمتي احسن من تروحون وتتعنون وبالنهايه ولا شئ..تعال انت ماقلتلي مين العروس..؟
خالد مبتسم:لو اقولك ماتصدق ..؟
حمد:يوه وش فيك انت اليوم تكلم مثل العالم والناس ليجيك كف الحين تعدل هالخشه ..
خالد انبسط على ولد خاله:هههههههه طيب طيب مايسوى علينا..تصور تبيني اخذ هديل بنت خالي ابراهيم..
حمد مستغرب:هديل ماغيرها..بس ماكانها صغيره عليك؟
خالد:هذا اللي محيرني صغيرة وفوق كذا ماكملت دراستها..وش رايك
حمد بجديه:تبي نصيحتي وافق ترى ماتحصل مثلها والله اتكلم جد كثير ماسمع عنها كلام طيب الكل يمدح فيها ماشاءالله عليها وبعدين من ناحيه السن ترى مو مشكله كثيرين بنات تزوجوا وهم 15 وفوق ولاتنسى امهات زمان متى كانوا يتزوجون ومن ناحيه الدراسه اشرط عليهم تكمل دراستها والا بلاش من الزواج وانتهينا..واذ محتار مثل ماتقول صلى استخارة عشان ماتظلم نفسك ولا تظلمها معك وتوكل على ربك الللي ماينسى عبده..
خالد:انا مو معارض على هديل انا معارض على الفكرةنفسها فكرة الزواج ودي اجلس سنه سنه ونص وبعدين افكر لحقين عليه توني مخلص دراستي ابغى اتنفس شوووي..
حمد ويستنشق هوا:تنفس ماحد ماسكك..غطى وجهه من ضربه ولد عمته وضحكوووووا
جت العمه نورة بيت اخوها واللي جايبها ناصر وقالت له بعد ساعه تجي وياويلك ماجيت لان نست جوالها بالبيت قال انا بجلس مع وليد او عبدالله واذ خلصتي تلقيني ببيت الشعر ارتاحت امه من كلامه ونزلوا عالطول دخلت الصاله ولاحصلت احد فيها وقالت احسن مابغى اشوف شيخه عالطول طلعت فوق لغرفه هديل..برغم انها عمتهم فعادي انها تطلع وتنزل مثل ماتبي بيت اخوها....
طلعت فوق وحصلت وليد طالع من غرفته وجاء سلم عليها وسال عن اخبارهم وقالت له عن ناصر وراح له بعد ماقال ان هديل بغرفتها دخلت عالطول للغرفه وقفلت الباب ولاشافت احد بالغرفه وسمعت صوت مويه بالحمام عرفت انه هديل تاخذ لها دش وراحت تستعجلها طلعت هديل لافه على راسها الفوطه وسلمت على عمتها وجلستها بجنبها
ام محمد:اسمعيني ياهديل في كلام بقوله لك بس مابغى اسمع ردك الين ماتفكرين زين
هديل بخوف:عمتي عسى ماشر..
ام محمد:بدخل عالطول بالسالفه...هديل ابيك لولدي خالد وش قالتي..
هديل متفاجاه:عمتي......انا......وبلعت ريقها...قاطعتها
ام محمد:لاتقولين رايك ابيك تفكرين زين ولك 5 ايام انا ابي اسمع رايك اذ بالموافقه خطبنا رسمي واذ لا لاحدن شاف ولا حدن سمع ولاتحسبين ياهديل اذ رفضتي اننا بنتغير عليك لايايمه بتضلين هديل اللي نحبها واللي نعزها ..هديل منزل عيونها مستحيه
ام محمد:هديل يمه انا مافكرت فيك زوجه لولدي الا عشان ابيك جنبي ابي اشوفك وفوق كذا اشوفك مناسبه له...ورفعت عمتها راسها وشافت الخجل ووخدودها حمراء
ام محمد تبي تحرجها:يازينك ياهديل وانتي مستحيه...وضحكت عليها
ام محمد:شوفي ياهديل واسمعيني زين...ناظرتها هديل بخجل
ام محمد:مو عشانه ولدي بقعد امدح فيه واذكرلك محاسنه ومااقول عيوبه الانسان يايمه فيه عيوب ومحاسن..هزت هديل راسها بالايجاب
ام محمد:من يوم دخلت بيت مبارك وشفت عياله باستقبالي حسيتهم عيالي اللي انحرمت منهم.. حسيت بالامان معهم وتعلقت فيهم ماراح اذكرلك صفات كل واحد بخصص لك خالد زوج المستقبل.. خالد اطيب اخونه وماشاءالله عليه ماعمري قلت شئ وجلس يتعذر مو عشاني امه او مره ابوه لا عشان قلبه اللي كل الناس تشهد عليه برغم من طيبته الا انه عصبي..يمه هديل انا عارفه وش تفكرين فيه..
هديل بخجل واستغراب:وش افكر فيه ؟؟
ام محمد:اني اخترتك عشاني اشفق عليك صح..شافتها تهز راسها بالايجاب
ام محمد:غلطانه يايمه انا ابيك لولدي عشانك تناسبينه اكثر من منال..لاتحسبيني عالطول فكرت فيك لا فكرت منال وبشذى بنت عمه اللي هي صديقتك وضحكت.. وبنوف بعد..طيرت عيونها لما ذكرت نوف وابتسمت عمتها..فكرت نوف بس مو بجديه مثلك ومثل منال وشذى نوف صغيرة على ولدي واذ اخذته بتهبل فيه..ضحكووووا على المسكينه
ام محمد بنظرة حنان:الحين عرفتي ليش اخترتك..هزت راسها بالايجاب..حلو الحين ابيك تفكرين واستخيري ربك ولاتتسرعين باي شئ اخذي وقتك واذ 5ايام ماتكفى اعطيك اسبوع زين وعندك وليد اساليه عن خالد..
هديل بخجل:وشلون عمتى اساله؟؟بيقولي ليش تسالين؟؟..
ام محمد مستغربه من كلامها:حلوة ليش تسالين عادي قوليله عمتي خطبتني له وانا من حقي اسال عنه شافت وجه هديل احمر من الخجل ومنزله راسها
ام محمد وتبوس على راسها:الله يوفقك يايمه ويسعدك انا الحين بمشي واذ قالت شئ لك هالعقربه قولي ان عند نسايبهم زواج وتشوف ملابسي عشان اروح معها ولو انها ماراح تقتنع بس نسكتها اهم شئ..
هديل توقف بجنب عمتها اللي وفقت وتعدل طرحتها:ان شاءالله..عمتي اجلسي تعشى معنا..
ام محمد:ودي يايمه بس تعرفين تركت البيت من غير ما اقول لاحد بس ان شاءالله نتعشى سوا ببيتك قولي اميييييين..ضحكت على هديل وخجلها ...وقالت بعصبيه قولي امييييييييييييييييييين
هديل فاطس حياء:امين..
ام محمد:ايه كذا ابيك يله مع السلامه..وفتحت الباب
وهديل وراها:مع السلامه....ووصلتها عن المدخل البيت وطلعت فوق وهي مو مستوعبه باللي يصير لها اتزوج وبذا السن؟ياربي مو مصدقه اللي قاعد يصير؟خايفه ومدري وشلون افكر ابغى احد يشير علي..وتنهدت تنهيده طويله وطالعت لفوق تستنجد الله ::وش اقرر ياربي اوافق والا ارفض خايفه من مسؤوليه ماكون قدها ساعدني يارب وخذ بيدي يارب و لاتتخلى عني يارب ::
************
رجع خالد على الساعه 2بالليل واول مادخل حصل كل شئ مظلم و طلع فوق وحصل غرفه ناصر مفتوحه انوارها طق الباب عليه وفتح الباب وحصل ناصر جالس على جهاز الكمبيوتر ويضحك وحاط الهاندفون ووقف عنده...
خالد بجديه:ماوراك بكرة جامعه..؟
ناصر بهبل ويشيل الهاندفون :Excuse me,What are you say
خالد بدهشه:الله الله من متى الاستاذ ناصر يتكلم انجليزي..
ناصربنفسه من يوم شفت منووووله:من اليوم...يبتسم
خالد ويطالع شاشه الكمبيوتر:بالله عليك ماتمل من النت وخرابيطه ..
ناصر:لا ولا ابغى امل منه..مشى خالد يبغى يطلع ولاحب يقول اخوه شئ لانه يعرف من هو اخوه زين ولا هو من النوع اللي يدور على البنات لانه ببساطه ياخذ كل شئ تسليهX تسليه وتضيع
وقت وبس...يعنى يحب تكون علاقاته سطحيه وفي النت اما تطورات وخرابيطه ماعمره فكره فيها
اول مادخل غرفته وهو يعلق شماغه بالشماعه سمع طقت باب ففتحه وحصل امه واقفه
خالد بارتباك:يمه وش فيك ليش مانمي بذا الوقت..؟
ام محمد ببرود:انتظرك انتظر تشريفك..؟
خالد مستغرب:عسى ماشر يمه فيه شئ..؟
ام محمد:لامافي شئ بنوقف كثير على الباب..تدارك خالد وعالطول سحب امه وسكر الباب
خالد:اسف ياست الكل والله من التعب ماحسيت تفضلي اجلسي..وجلست عالى السرير
ام محمد بجديه:مابغى اطول عليك ابي اسمع قرارك..نزل خالد عيونه
خالدبتردد:انا.......انا......مو موافق
في بيت ابو حمد..صالح وزوجته مع بناتهم وكانوا يضحكون بنفس الوقت جاء حمد من برا
حمد:السلام عليكم..وراح باس راس امه وابوه
الكل:وعليكم السلام..
حمد بطبيعته:ماشاءالله اخواتي مجتمعين اليوم..ابتسم
لمى الاخت الصغيرة وماعندها الا بنت وحده بالاشهر(رغد):ليش يا استاذ حمد ماتبغان نجي عشان مانسرق عليك الاضواء....
حمد بتكبرمصطنع:اصلا ماعاش اللي يقدر يسرق الاضواء مني..يأشر باصبعه على نفسه
منيرة الاخت الكبيرة ولها 3اولاد وبنت(ام عبدالله):يوه والله ماخذ بروحك مقلب خلاص راحت عليك الحين الدور على عيالنا وانت انقعها واشرب مويتها..ضحكوا خواته
ام حمد بعصبيه:هذا حمد الغالي ولد الغالي اذ الاضواء انسرقت منه يكفى انه محله مثل ماهو بالقلب
حمد حب راس امه:تسلمين يا اروع ام..هذا الكلام مو كلامكم اللي يحبط..
مها بعد منيرة ولها بنت وولد والحين حامل(ام حمد):اول مرة تعترف بالهزيم والله قويه ياخووي حمد احباط مرة وحده والله وعرفنا نضرب ضربتنا صح..
حمد بغرور مصطنع:اقول ترى ماهون عليك تدري ليش لاني تنازلتلك وتواضعتلك عشان اعطي اسمي لولدك الكمخه..ولدها مو كمخه بحكم سنه يخاف من عيال خالاته يكفخونه ولايقدر ياخذ حقه
مها بعصبيه:لابسم الله عليك والله ماالكمخه الا انت هذا الشيخ حمد بن تركي...
حمد يضحك على اخته:امحق.. لو ماهو اسمي كان ولدك هذا اللي صاجتنا فيه وجوده مثل عدموه
مها:كفوك...وصدت عنه يقالها زعلت واخوها يضحك على اخته
ام حمد تكلم زوجها :اقول ابو حمد اخوي سعود عازمنا على البر يوم الخميس هذا وتبيني ابلغك وابلغ البنات بعد..
ابو حمد:والله ونعم بابو عبدالرحمن راعي واجب ماعمره نسى احد ان شاءلله ان كنا من الحيين جيناهم
ام حمد:يقول نبي نطلع جماعه مرة وحده عشان ماحد يضيع عن الثاني ..
ابو حمد:مايخالف ماقلنا شئ..بس متى يمشون ووين يبون يرحون؟
ام حمد:على كلامه من الساعه 6الفجر بيمشووون وبيروحوون للصمان او الطوقي..
ابو حمد بدهشه:الصمان بعيده ..قوليلهم يصير خير...
ام حمد تناظر بناتها:وانتم بعد ترراكم معزومات ولاتنسون رجالكم بعد..
حمد باقتراح:يوبه وش رايك حنا بعد مع عمامي وعماتي نطلع الخميس للبر والله زمان عن البر ..
ابو حمد عاجبته الفكرة:ايه والله صادق خوش راي ياوليدي خلاص انا اتفق مع عمك عبدالعزيز وعماتك ونطلع الخميس الجاي للبر..
الساعه7 الصباح جهزت الفطور لزوجها وعياله جلست وهي متضايقه من خالد والقرار اللي سمعته وماصارت تتكلم معه الا باشياء بسيطه هو صحيح الزواج مو غصب وهذا الشئ مو مزعلها اللي مزعلها رده فعل خالد والكلام اللي قالت له دليل على ان كلامها كان بمحله وماكذبت فيه..
((انا مو من حقي افرض عليك رايي لاني بكل بساطه مو انا امك الحقيقه انا بس رشحتلك البنت ولك الاختيار هذي حياتك ومافي اي احد يضغط عليك حتى لو انا اللي اكتشفت اني زوجه اب فقط
ولاتحسب اني بزعل لا ..انا بس متحسفه انك ضيعت جوهرة..يمكن ماحد فيكم يستاهل الثاني وهذا نصيب ولااحد يقدر يغيره بس اللي صدق ضيقني مالي وجه اقابل هديل مرة ثانيه بعد ماعرفت قرارك كان لي امل انك توافق..والله يوفقك يايمه واذ بغيت او فكرت انك تتزوج عندك خالتك ساره او عماتك واذ تبيني اخطبلك انا تحت امرك..وطلعت وتركته))هذا الحوار اللي دار من 4ايام يوم كانت نورة عند خالد..واكتفى يسمع من غير اي كلامه يعنى موافق على كلامها ومن يومها متضايقه.. نزل ابو محمد وجلس على الطاوله ونزل وراه ناصر..
ناصر:صباح الخير..وباس راس امه وابوه
الكل:صباح النور..
ام محمد:هاه يمه تبي حليب بشاهي او شاهي لحاله..
ناصر ياكل:لاشاهي لحاله..وين خالد مانزل
ام محمد :مدري عنه مامريت عليه؟؟؟...
ناصر ويشرب الشاهي:لا مامريته..ونزل خالد باللحظة
خالد يبوس راس امه وابوه:صباح الخير...سمع ابوه وناصر وشاف امه اللي مانطقت بشئ وجلس بجنب اخوه وبنظرة سريعه لقاها ماهي امه نورة اللي يعرفها....
ابو محمد:اقول خالد وش صار على مشروع المجمع السكني ؟؟؟؟..
خالد بضيق:الى الحين تحت الدراسه..مين داخل معنا بالمشروع؟
ابو محمد:داخله شركتين مقاولات من احسن الشركات..
خالد:طيب قبل ما نتشارك اسال عنهم اخاف يكونون شركات صغيرة وبعدين يصير المشروع
كله على روسنا..
ابو محمد يطمنه:لاتخاف اخوك محمد احرص مني ومنك..يالله تامرون شئ بمشى
ام محمد:سلامتك ايه ابو محمد بروح لامي الضحى اذ ماعندك مانع ..
ابو محمد مستغرب:عسى ماشر وش فيها خالتي..؟؟
ام محمد:تقول شغالتها مدري وش فيها وحابسه نفسها ماتبي تطلع ..
ابو محمد:خلاص اجل دقي على خالد يجي يوديك انا مقدر اطلع من الشركه عندي مع ابو سعد اجتماع وفوق كذا بنطلع للمشاريع اللي ماسكينها..فمان الله
الكل :مع السلامه..
ام محمد تكلم خالد:مايحتاج تطلع خلك بشغلك اختي بتمر على
ناصر:ليش تمر وانا موجود ..!!!
ام محمد باستغراب:ماعندك جامعه..؟ ..وخالد يناظر امه اللي متلوم على نفسه
ناصريقوم من مكانه:ماعندي الا محاظرة وتخلص الساعه 11 بس عشان ست الكل اقدر اعتذر
ام محمد براحه:خلاص اذ خلصت تعال وتلقاني جاهزة لك..
خالد:لامايحتاج تعتذر انا اجي واوديها..وناظر امه عالطول وحصل نفس تعابيرها
ام محمد ببرود:مايحتاج تجي انت عندك شغل انا اقول اختي تمر علي وانتهينا لاتجي وتعطل شغلك ولا تعتذر من محاظراتك...عالطول نزل عيونه وقام باس راسه وطلع ونفس الشئ سوا ناصر وجلست متضايقه "انا وش اسوي مايبغى يتزوج بكيفه هو حر بس ياليت ياخالد قلت اني غلطانه بكلامي ولاخليتني اكتشف الشئ من نفسي"....
من بعد ماقالت لها عمتها وهي ماتعرف تنام تفكير يسحب تفكير مدري كيف تفكر..اقتلبت للجهه الثانيه شافت اخوانها نايمين ومسحت على شعر ريمي وهي تفكر بخالد وبكلام عمتها اسال وليد عنه ضحكت وهي تتخيل الموقف وانا اسال اخوي عن خالد ...جلست على السرير وشافت الساعه كانت 8 الصبح يالله معقوله ماجاني النوم...ابغى اناااااااام
فتحت درجها وطلعت دفترها اللي يشاركها احزان وبدت تكتب فيه وبعد ماخلصت سكرته وعالطول رجع لها التفكير..خالد ولد عمتي اقصد اللي ربته عمتي وشلون شكله حلوة والا لا..يووووه وانا وش همني بشكله اهم شئ نفسيته وقلبه..عمتى تقول قلبه طيب بس عصبي..عقدت حواجبها..عصبي اخاف يكون مثل مرت ابوي بعصبيتها..غطت وجهها وجلست تفكر انا لازم اشاور احد اكبر مني اقل شئ اعرف رايهم بخالد مافي غير عمتي سارة لالالالالالا اخاف تفهم غلط وعمتى تقول لامن شاف ولا من عرف مين ياربي مين نوف لا منال لا ايه شذى مافي غيرها شذى بنت عمه واكيد تسمع عنه من اخوانها بس وشلون اسالها وخالتي ماتخليني على راحتي...ايه مافيه غير اروح لنوف او منال واتصل عليها من هناك.."وضحكت على افكارها"بس ان شاءللله خالتي توافق وتخليني اروحومن كثر التفكير ماحست الا وهي بسابع نومه
مرت الايام مثل ماهي على خالد وامه.."امي تحاول تكون طبيعيه معي بس من داخلها زعلانه انا لازم اراضيها بس شلووون مافي غير خالتي سارة تنقذني ودق عليها"...
ام نواف بفرح:هلا والله بولدي خالد شلونك وشلون اهلك؟؟
خالد مبتسم:هلا خالتي بخير عساك بخير انتي شلونك وشلون ابو نواف والعيال؟
ام نواف:كلنا بخير نسال عنكم وينك مانشوفك ولا تجي تسلم لازم اعزمك والا احلف عليك يعنى..
خالد:لا والله ياخالتي بس مشاغل وانتي تدري وخاصه الحين ماسكين مشروووع وش اقول غير الله يعينا..
ام نواف:امين يمه ويعين الجميع..طيب وش رايك تجي تتقهوى معي مافي غيري وفواز وبعد شوي يجي نواف..هذاني اعزمك عشان ماتقول مشاغل
خالد:مايحتاج عزيمه ياخالتي ليكون نسيتي ان البيت بيتي..
ام نواف:ايه والله صادق البيت بيتك انت الداخل وحنا الطالعين..
خالد:تسلمين ماتقصرين اقووول خالتي ابغاك بموضوووع وابي مساعدتك..
ام نواف باهتمام:امرني ياخالد وش بغيت..؟
خالد:مايامر عليك عدوو..انا بجيك الحين وبقووولك السالفه كلها بس بيني وبينك
ام نواف بخوف:ابشر يا ولد اختي بتحصل اللي يسرك اول ماتجي تحصلني بالملحق
خالد براحه:ان شاءالله..مع السلامه
ام نواف:الله يسلمك..سكرت منه وعالطول راحت للملحق ترتبه وجلست تنتظر خالد....
دق تلفون البيت وماكان فيه احد غير منال ونوف اللي تنتظرها بالحوش لان نواف حرص عليها ماتدخل وانتم تعرفون اذ دخلت تجلس وتنسى روحها..وعلى دخله منال للصاله دق تلفون بيتهم..
منال:الووووووو
...:............
منال بعصبيه:الوووووووووووووووو
..:شوي شوي لاتدفين هههههههههههههههههههه
منال بنرفزة:نــــــعــــــم
ناصر:الله ينعم عليك..ياربي وش النفس عليك ....
منال بجديه:نعم اخوي اي خدمه...
ناصر اللي انبسط عليها:ايه ياطويله العمر انا عندي كذا خدمه بس ياليت تحنين علينا شوووي..
منال مفوله بصدق:صدق انك ماتستحي على وجهك..قفلت السماعه بوجهه ومشت شوي الا ويدق
منال بعصبيه:انت وبعدين معك..وش تبغى؟؟
ناصر كاتم ضحكته:من ناحيه ابغى فانا ابغى وابغى وابغى ههههههههههههههههههههههههههههه
منال بتوتر:الظاهر اهلك ماعرفوا يربونك زين..وسمعت ضحكته وسكرت عالطوووول..ورجع يدق وهي خايفه ومتردده..الين مانقطع ورجع يدق مرة ثانيه
منال ترفع السماعه تصارخ بعصبيه:انت وبعدين معك ماعندك محارم تغار عليهم..سكتت فجاءة
سحر صديقتها:منال وش فيك ؟؟...
منال تداركت الوضع:هاه....هذا واحد ...فاضي قاعد يزعج...تبلع ريقها
سحر بخبث:مايلام سمع الصوت الناعم قال خليني اشبك معها ههههههههههههههههههههه
منال بعصبيه:والله انك فاضيه اقول اسكتي دام النفس عليك طيب ..وش بغيتي ؟؟؟
سحر بغرور مصطنع:يوه انا سحر تقولين وش ابغى مالت عليك..هذا جزاي اسال عنك ليش غايبه؟
منال تضحك:ههههههههههه سحوره شوي وادق عليك بنت عمتي تنتظرني الحين OK..
سحر:Don't Late.....See you
منال:Me too ..... Bay سكرت عن صديقتها وعالطول طلعت فوق تجيب الكاتلوج وبعد مااعطتها وسمعت كم تهزيئه من نوف اللي ماتترك طبعها دخلت للصاله وهي طالعه
الدرج عشان تتصل على صديقتها دق التلفون فوقفت مكانها وهي تتأفف وتقول هذي البنت عمرها ماصبرت ....
منال:الوووووو..
ناصر:اذ اهلي ماربوني زين اعرفي وابصمي مليون %ان اهلك بعد ماربوك زين..
منال انصدمت وكان احد صب عليها مويه بارد هذي الجمله سمعتها بس وين ومين قالها...ايه تذكرت سمعتها يوم كنا ببيت امي منيرة بس ماعرفت من هو..معقوله يكون هو ايه صح هذا صوته كيف ماركزت ياربي وش قلت ووش سويت...قطع عليها
ناصر بجديه:خالي عبدالعزيز موجود؟؟؟..
منال مندهشه يقول خالي يعني ولد عمتي بس مين هو اي واحد لالالا ماظن يكون نواف..نواف قبل شوي هنا وفواز اعرف صوته معقوله يكون من عيال عمتي نورة ياربي فشيله...
ناصرلما طال سكوت منال:الوووووو..الوووووو
منال بصوت مرتجف:الــ.....الـ...الوووو
ناصر:خالي عبدالعزيز موجود....ابتسم عليها "شكلها عرفتني"
منال بحياء:لا مو موجود.....
ناصر:طيب اذ جاء قوليله مبارك زوجه اخته اتصل عليه وخليه يكلمه اوكيه....مع السلامه وقفل الخط ...
ومنال مو مستوعبه اللي قاعد يصير معقوله يكون زوجه عمتها بس اصغر منها لالالالا مو معقول
وبعدين قال من الاول خالي يعنى واحد من عيالها..وسكرت السماعه وطلعت فوق وهي تفكرفيه ماتعرف مين هو خالد او ناصر...
دخلت هديل بيت عمتها ساره بعد ماقنع وليد امه ان فيها صداع..اول مادخلت الصاله ماحصلت احد وفجاءة ينزل فواز من فوق ..
هديل مبتسمه:شلونك فواز..؟؟؟
فواز:بخير شلونك انتي...
هديل:بخير امممممم فواز وين عمتي ونوف؟
فواز بحيرة:امي شفتها تدخل الملحق اكيد ترتبه بس نوف راحت لمنال تقول تبغى تجيب كتالوج منهااستريحي هديل الحين يجووون...
هديل تجلس:اهااااا ونوف لها زمان طالعه..
فواز:لا لها ساعه بس هي على وصووول تبيني ادق عليها ..
هديل:ياليت تدق وانا بروح اشوووف عمتي...
قامت هديل تبغى تشوووف عمتها اللي بالملحق واول ماصلت سمعت صوت عمتها تتكلم بعصبيه..
ولما مشت تبغى ترجع وقفها صوت رجال ..موعشان صوت الرجال لا الكلام
اللي سمعته عرفت انه خالد ....
خالد:خالتي افهمني اقولك امي زعلانه علي وابيك تكونين لي عون طلعتي فرعون..
ام نواف بعصبيه:ماتلام امك اجل ترفض هديل احد بالعالم يرفضها الكل يتمنى اشاره منها وانت تجيك جاهزةوتقول لا...هديل ماقدرت تتحمل وعالطووول ركضت للصاله عشان ماحد يشوووفها ماتعرف وش تسوي تتصل على وليد وتقوله يجي؟ حطت ايدها على راسها محتارة وش تسوووي..
خالد:خالتي الله يخليك افهميني انا ماقلت مابي هديل انا قلت مابغى اتزووووج..
ام نواف:نفس المعنى ياولد اختي نفسه ماجبت شئ جديد..
خالد:خالتي والله العظيم ثم والله العظيم اني مو رافض هديل انا رافض الزواج حاليا
ام نواف:دامك رافض الزواج ليش خليت امك تفاتح البنت وتاخذ رايها تشوفها زينه بحقها..
خالد ظل ساكت لانه غلطان المفروض يرفض من الاول مو الحين..
ام نواف تتنهد:شووف خالد مو عشاني عمه هديل وانت ولد اختي بقولك اخذها الزواج مو بالغصب واذ حصل صدقني ماراح يستمر اختي وانا اعرفها زين مو زعلانه عشان ماتبغى هديل زعلانه من شئ شوف انت وش سويت لها واستسمح منها ولاتفكر ان اختي من النوع اللي مايرضى الين ماياخذ الا اللي اشرت عليه..انا عارفه ماتبي فكرة الزواج حاليا وهذا شئ يرجعلك ....
خالد يبي يطمنها:اذ تبوني اخذ هديل ماعندي مانع بس الزواج مو الحين يعنى احجزوها الين مااقولكم اذ هذا يرضيكم..
ام نواف :ليش شايف بنت اخوووي سلعه احجزها واذ جاء وقت تقديمها اخذها لا ماراح تحجزها..
هي حرة الين مايجي رزقها فاذا هي من نصيبك بتاخذها لو هي بالمريخ واذ ماهي من نصيبك الله يعوضك احسن منها بس نسد طريق البنت لامايجوز يمه ..
خالد :طيب وامي ياخاله...
ام نواف:انا قلتلك اختي مو زعلانه على شئ مو مكتوب..اعرف اختي زين هي اكيد زعلانه على شئ انت قلته او سمعته وانت ابخص فيها شوووف امك ليش زعلانه وراضيها..
خالد يقوم يبي يطلع:ان شاءالله مشكورة خالتي يله مع السلامه..
ام نواف بحزن:الله يسلمك..ياليتك موافق مو عشان امك عشان المسكينه اللي تتحسر كل يوم..وقامت قفلت الملحق ودخلت الصاله وشافتها قاعده وقعدت معهاودخلت نوف وجلسوووا يسولفون وبعد ساعتين جاء وليد وراحت للبيت من غير ماتتصل على شذى من بعد اللي سمعته شالت الفكرة عالطووول واخذوا كم علاج واغراض من الصيدليه عشان تصدق ام وليد انهم راحوا المستوصف اللي كان عنده زحمه ولخبطوا بالاسماء عشان كذا تاخروووا هذا كلام وليد لما شاف امه مفوله عليهم و اقتنعت وجلست هديل بغرفتها تفكر بالكلام الليسمعته "ياربي لما حسيت ان الدنيا فتحت ابوابها بوجهي مرة ثانيه تتقفل شكل مكتوب علي اتعذب طول عمري مع مرة ابوي ياربي وش اسوووي "وتنهدت تنهيده طويله ونامت تبغى تنسى اليوم بطوله.
مر على سالفه رفض خالد الزواج شهر وحالته مع امه كماهي وكل ماحاول يتكلم معها يخاف تصده الين مارح وكلم اخوه محمد لان يحب يسمع رايه بالبدايه تضايق مرة من اللي سمعه فقاله"غلطان ليش يسمع الكلام من غير مايقول شئ بالعكس حسسها انها مو امهم انها زوجه اب فقط" تضايق خالد من كلام اخوه ولقى فعلا انه غلطان وشار عليه محمد يروح يكلمه ترى مهما كان هذي امهم..هي صحيح ماولدتهم بس يكفى ربتهم وطلعتهم رجال الكل يمدح فيهم ولو ان امهم الحقيقيه عايشه ماراح تسوي كثر اللي سوته ارتاح خالد من كلام اخوه محمد وقرر يكلم امه حتى لو تقوله انت مو ولدي..نورة كانت جالسه مع زوجها بالمجلس و عندهم اسماء زوجه محمد ..
ام محمد:مبارك عطني البشاره ...تناظر اسماء اللي مستحيه من خالتها.
ابو محمد:البشاره جاهزة بس خير وش عندك؟..
ام محمد:اسماء حامل...
ابو محمد مبسوطه:الله يبشرك بالخير اجل سواها زين زين مو يقول مأجلين..مبروك يا اسماء
اسماء بحياء:الله يبارك فيك خالي..
ابو محمد:الله يتم عليك وهالله هالله بروحك لاتجهدين نفسك..
اسماء:ان شاءالله...عالطول دخل محمد
محمد مبتسم:السلام عليكم....وحب راس امه وابوه وجلس بجنبه
الكل:وعليكم السلام...
ابو محمد بفرح:مبروك يابومبارك عسى يجعله من الذريه الصالحه
محمد:الله يبارك فيك وبايامك وماراح يشيله الا انتي وبس
ام محمد بزعل:الحين ابوك هو الوحيد يشيله وانا لا..تدري شلون مابي ولدك ولا ابي اشوفه هالافطس ....الكل ضحك على كلام نورة ..
محمد يهديها:ههههههههههههه افاااا عليك يمه وش عرفك انه افطس عاد انا احلى خشم اخواني لاتنكرين واسماء بعد خشمها حلو من وين يطلع افطس هااااه هههههههههههههههههههه
ام محمد صاده عنهم:طالع وجه العنز واحلب لبن....الكل ضحك عليها
خالد سمع ضحكهم وراح للمجلس اللي هم فيه وقبل مايدخل تنحن ...
خالد:السلام عليكم...وراح باس راس امه وابوه..
الكل:وعليكم السلالالام ..وعالطوول قامت اسماء لانها منحرجه وبيتكلمون عن الحمل..
ابو محمد بفرح:اخيرا يا خالد انبسط بتصير عم
خالد بفرحه يناظر اخوه:والله مبروك الله يتم عليكم..
محمد:الله يبارك فيك عقبالك شد حيلك واعرس....
ابو محمد مايدري بسالفه:ان شاءالله قريب بيعرس بس خلنا نخلص من المشروع عشان يصير كل شئ رسمي ونفرح بخالد وهديل........الكل سكت
ام محمد ببرود:لحقين عليهم خالد يبي يكون نفسه وهديل صغيرة على الزواج..
ابو محمد:وشو..يبي يكون نفسه وهي صغيرة وش الكلام يا نورة يوم ماصدقنا الولد موافق تجين تخربين كل شئ ماهقيتها منك والله.....
ام محمد مستغربه:وش اخرب انا اقول الصدق هديل صغيرة على مسؤوليه الزواج وخالد توه متخرج وماكون نفسه خله يتنفس شوي......تضايق خالد لما نطقت بالاخيرة
ابو محمد:اي ماكون نفسه ماشاءالله تبارك الله خالد ماعليه قصووور وكل شئ متوفر واذ على هديل صغيرة كثير بنات تزوجوووا وهن صغار ولاتنسين زمن اول من سن كم يزوجون بناتهم و
اهالينا ماقالوا صغيره..
ام محمد تهدي الوضع:خلاص لاتكبر السالفه بس نصبر شوووي الين ربي ييسر الامور..سكتت وقامت عنهم لانها مفوله على زوجها اللي مو راضي يقتنع...
خلصت صلاة المغرب وجلست تدعي ربها يفرج عليها مصيبتها ويصبرها وفجاءة انفتح باب غرفتها
ام وليد بتوتر:هديل اللبس وتعدلي وانزلي للبيت الشعر فاهمه..تبي تسكر اللباب
هديل بحيرة:ليش خالتي......جتها عالطول ووقفه بوجهها
ام وليد:اسمعي الكلام من غير اساله ولاتنسين تلبسين طرحه على راسك..وراحت عنها
هديل استنكرت طلبها ياربي وش ناويه عليه وش عندها بعد انا ناقصني الحين ....
نزلت ام وليد وهي مستعجله ودخلت ببيت الشعر بسرعه..
ام وليد بتوتر:انت الظاهر تب توهقني مع ابوها تعال اخطبها رسمي وشفها واذ ماصلحت افسخ الخطوبه كل الناس تسوي كذا وبعدين ماظن ابوها يرفض حقك بالشوف..
ماجد بابتسامه خبث:وش فيك انتي خايفه بشوفها مو ماكلها بشوف اللي قالت عنها امي اذ صلحت تقدمت واذ ماصلحت كان شئ لم يكون..
وقفت هديل عند اخر الدرج خايفه قلبها مو مطمنها شكل خالتها مايريح وش تبغى فيني وتنهدت خوف
"الله يستر..يارب اوقف معي يارب"..وبلعت ريقها ومشت بتردد لين ماوصلت للمدخل فتحت الباب وقلبها كان يدق بقوة وصلت للخيمه لمحتها خالتها وعالطول جت وسحبتها داخل الخيمه وسكرت بابه وهديل تناظر فيها وكان الخوف باين على عيونها بس هديل ماشافت الرجال اللي يناظر لها
هديل بخوف وهي تناظر خالتها:خير خالتي فيه شئ..وقمزت بخوف لما سمعت صوت الرجال..
ماجد مبتسم:هديل كيف حالك..؟ انصعقت باللي قاعده تشوفه تحس بجسمها بشلال كامل مو راضيه تتحرك وتناقلت نظراتها بينه وبين خالتها اللي جالسه بالزاويه وتطل من الشباك..
ماجد بنفس الابتسامه:ماشاءالله تصدقين يا شيخه امي عرفت تختار تعالي هديل اجلسي شوي
هديل لفت تبي تطلع بس كان اسرع منها ومسك الباب :وين رايحه اقل شئ سمعيني صوتك..
مو قادره تحرك لسانها ولاقادرة تنظق بحرف..وشوي وانفتح عليهم الباب والمصيبه كانت اعظم
انصدم لما شاف اخته وخاله بالخيمه ولا انتبه على امه وكان الشر راكبه من راسه...
وليد يصارخ بعصبيه ويمسكها من يدها:انتي وش تسووووين هنا...؟
هديل بخوف وترتجف:وليد انا .....انا......انا......سكتت
ماجد تدخل عالطووول:وليد وش فيك شوي شوي على اختك...
وليد:وانت وش تسووووي معها ..ويناظر باخته...هذا اخرتها ياهديل اخر شئ اتصور اختي يطلع منها كل هذا...
هديل بصوت خايف:انا.......انا......انا......
وليد يصارخ:انتي وشو انتي وشو..انتي ولا شئ سامعه...عالطووول دفعها بقوة خلها تطلع من الخيمه...
وليد يمسك خاله من ياقه ثوبه:ليش ياخالي ليش مالقيت غير هديل...
ماجد يحاول يفهمه ويهديه:وليد لايروح بالك بعيد الله يهديك..وليد انا ابغى اخطب اختك بس قبل اشوفها اذ تجوزلي او لا..
وليد بتريقه وعصبيه:وعسى انشاءالله جازت للاستاذ المحترم ..
ماجد بدء يعصب:اسمع صدقت بكيفك ماصدقت اشرب من مويه البحر ماعندي استعداد ابرر للبزارين مثلك..هنا عصب وليد عالاخر وكانه بدء بمعركه الا لما سمع امه من وراه واندهش اكثر وبنفس الوقت حس راحه لان هديل ماكانت لوحدها..
وليد بنرفزة:انتي بعد فيه وساكته عاجبك يعنى اللي صار... ..
ام وليد بتوتر:وليد انا امك وكلمني زين وبعدين مافيها شئ اذ خالك شاف اللي ناوي يخطبها ..
وليد مفول على كلامها:اللي يبغى يخطب يدخل الباب مو من الشباك مثل ماسوا المحترم..يناظرله بشمئزاز ومن فوق لتحت الا لما حس ضربه قويه على خده ..
ام وليد بخوف:الظاهر ماعرفت اربيك زين...
وليد ببرود ويحط يده على خذه:مشكورة يمه بس بقولك شئ حطيه ببالك زين ترى الدنيا دواره وماتدرين وش تسوي فيك او فينا ولاتنسين ان عندك بنت وش راح تسويلها الدنيا..وطلع ماقال هالكلام الا حس ان امه وراء السالفه كلها وهديل مالها ذنب بس حز بنفسه عشان ماسمعها..وطلع عالطووول من اول ماطلعت من الخيمه عالطووول راحت فوق تبغى تستنجد باحد او بالاحرى تبغى تنقذ نفسها تخاف وليد يضربها عالطووول دخلت غرفتها وقفلت الباب وهي ترتجف وخايفه وكانت متسنده على الباب الين ماجاء عبدالله وطق باب غرفتها يبغى يسالها اذ تبغى شئ لانه بيطلع وماحصل جواب وقبل مايمشي سمعها تصرخ من وراء بابها خاف عليهاطق الباب وحاول يكلمها ويهديها وقال بينادى وليد بس طلبت منه جواله وفتحت الباب واخذت وسكرته وكلمت عمتها نورة لانها حافظه رقمها عن ظهر غيب ...
طلع خالد يلحق امه عشان يكلمه ويفهمها وجه نظرة..فدخلها بغرفته وقفل الباب
ام محمد ببرود:هاه..خالد وش بغيتني فيه وش السالفه اللي ماتحتمل التأجيل؟
خالد يجلس بجنب امه على السرير:يمه انا اسف..اذ زعلاتك بشئ وانا مااقصد..يمه قولي انك سامحتيني والله يايمه اني ماقصد ولاتحسبيني اني مبسوط على وضعي والله اني الوم نفسي كل يوم اتمنى نظرة منك او ضحكه عشان اكون مرتاح وتكونين راضيه علي يمه اذ يرضيك اتزوج هديل والله اليوم نروح ونخطبها بس ارضي علي وارجعيلي..انا فقدت ام ماعرفتها والحين تبغيني افقد اعظم شئ بحياتي وانا اعرفها يمه..باس راسها..سامحيني
ام محمد تتنهد:خلاصت كلامك..تناظر لولدها اللي هز راسه بالايجاب
ام محمد:يمه ياخالد طول عمري مازعلت منك ولا من واحد من اخونك واذ على زواجك انت رجال وتعرف مصلحتك اكثر مني ولاتحسب اني زعلانه عشانك ماتبي بنت اخوي لا شيل الفكرة من راسك انا زعلانه لاني اكتشفت مكانتي عندك واكيد عند اخوانك وبعدين يايمه الزواج بالغصب مكروه وشلون تبيني اغصبك على شئ ماتبيه عشان النتيجه تكون اعظم ولانقدر نحلها بعدين انا اخترت لك هديل لانها هي الانسب لك واذ ماتبي هديل انت حر فيه مليون بنت احلى منها واحسن منها بس انا كنت ابي افرح فيك وابغى اخلصها من ظلم مرت ابوها وانت ياولدي مسموح والله يعلم ان قلبي مو شايل عليك ولا شي بالعكس ابغالكم التوفيق والسعاده ..
قام خالد لوى عليها:الله يخليك لي يايمه ولا يحرمني منك..انا ماعندي اي مشكله بهديل بالعكس
انا....انا.......نزل عيونه ..انا ابغى هديل تكون الزوجه اللي اخترتها امي .....ولانها عاجبتني...
ام محمد تبعد عن ولدها:وشلون عاجبتك وين شفتها..؟
خالد يضحك على عصبيه امه:هههههههههههههههههههههههه صدفه
ام محمد:وشلون صدفه تكلم زين ؟
خالد:اقولك بس مايطلع الكلام...؟
ام محمد نفذ صبرها:بسرعه قووول والكلام بيني وبينك..قالها خالد سالفه هديل ونوف مع البسه
(القطوة)..
خالد يلوى على امه مرة ثانيه:هاه ام محمد راضيه علي؟
ام محمد مبتسمه:اكيد يمه راضيه عليك طيب تعال دامها عاجبتك ليش مأجل ؟
خالد بحياء:عشان كذا ابيك بسالفه...ابغاك تحجزينها لي الين مايجي الموعد
ام محمد بتريقه:ومتى ان شاءااله يجي الموعد مثل ماتفضلت..؟؟
خالد:قريب يايمه والله قريب بس خليني اكون نفسي مثل ماقلتي قبل شوووي ونخلص من المشروع اللي ذابحناو اقولك روحي اخطبيها لي.. وش رايك بعد .......يبتسم
ام محمد بجديه:اجل ليش رافضها من الاول ؟
خالد:والله العظيم مو رافضها انا رافض الفكرة فكرة الزواج بس لما استخرت ارتحت عشان كذا اقولك تحجزينها الين ربي يكتب اليوم الموعود..
ام محمد:كان قلت من الاول ولاتسبب لي التعب والضيقه تدري لي شهر ماكلمتها مالي وجه وربي اقابلها بس دام هذا رايك ابشر بكلمها مرة ثانيه واشوف رايها
خالد باستغراب:ليش ماردت عليك للحين..
ام محمد تبغى ترفع ضغطه:الا ردت بس بتاكد انه ردها النهائي
خالد بخوف:وش قالت..؟
ام محمد تلعب باعصابه:اخاف اقولك واصدمك لالالا خليني اتاكد وبعدين اقولك..وفجاءة يدق جوالها وتشوفه الا رقم عبدالله ولد اخوها
ام محمد باهتمام:الووووو...الوووو....هديل ....هديل.....وش فيك تبكين
انتبه خالد على امه ووقف عندها ...هديل يمه اهدي لاتبكين عشان افهم عليك..اسمعيني
انا بجي الحين لاتطلعين من الغرفه الين اجي ولاتفتحين لاحد سمعتي..اهدي وسمي بالرحمن خلاص يمه لاتبكين انا جايه الحين مع السلامه...سكرت منها
خالد باهتمام:وش فيها يمه عسى ماشر..؟
ام محمد بخوف طالعه من غرفته:مدري مافهمت منها ولا شئ..انا بروح لها
خالد:انا بوديك تلقيني تحت...نزل عالطول وركب سيارته و جت امه وركبت معه..
جالس بالصاله مع اخوه محمد وزوجته ويسولف عليهم وهم يضحكون اسماءعادي تداخل مع ناصر لانه بعمراخوها سعد عشان كذا تجلس عادي معه مو مثل خالد تستحي منه ..ويدق تلفون البيت ويشوف الرقم..
ناصر:هلا والله وغلا بالصوت اللي يسدح شباب الرياض كلهم...يضحك اخوه وزجته عليه
منال تبلع ريقها هذا نفس الصوت ياربي كل شوي ينط بوجهي وش ذا الاحراج
ناصر بعد ماطال سكوتها:الوووووو...خالتووووووه..وين رحتي اللي ماخذ عقلك...يضحك
منال بتوتر:احم ...احم....السلام عليكم...."الله يزين ضحكته تذووووب"
ناصر عدل جلسته وانبسط لما عرفها:هلاوالله...وعليكم السلام...
منال بتوتر:عمتي نورة موجوده....عضت على شفايفها
ناصر يستهبل:قبل شوووي كانت موجوده والحين شفتها اخذ عبايتها وراحت ..
منال بنرفزة:طيب...مع السلامه
ناصر يوقفها:لحظه ...لحظه....اذ جت مين نقولها
منال :منال..وخلها تتصل على جوالي او على بيت عمتي
ناصر:اصلا انا عارف ههههههههههههههههههههههههه...
منال بخوف:وش عارف..؟
ناصر بخبث:انك منال بنت خالي عبدالعزيز اللي تدرس بالجامعه وتخصصها انجليزي..
"وش عرفه فيني ؟ووش عرفه بتخصصي ياربي هو يعرفني وانا ماعرفه "....
منال بتردد:انت مين...خالد او ناصر...؟؟؟
ناصربخبث:يهمك تعرفين....
منال اللي وجهها صار اشاره مروور وحمدت ربها ان محد عندها والا راحت فيها..
ناصر مبتسم:الوووو....الوووووو.. Are you on the phone
منال اللي ماتت قهر من طريقته:خــــيـــر وش تبي؟
ناصر ماسك ضحكته:لاسلامتك مابغى شئ بس اعتقد انتي تبين شئ...
منال بنرفزة: Yes..I'want my aunt
ناصر اللي جازله الوضع:Your aunt is not hear هههههههههههههههه
منال بغرور:OK.....bay
ناصر مبتسم:Excuse me..What's your number
منال مندهشه على جرائته:لييييييييييييييييييييش؟؟
ناصر يبتسم:كنت بقدملك خدمه عشان اعطيها امي اخاف ماعندها رقمك ..
منال:مشكووور خل خدماتك لنفسك...باااي عالطووول سكرت وناصر فاطس عليها
محمد بجدبه:انت ماتستحي على وجهك تكلم بنت ماتعرفها..؟
ناصر يضحك:والله بنت خالي هذي فله هههههههههههههه وبعدين لايروح فكرك بعيد ترى سمعتها من سمعتي لاتخاف ههههههههههههههههه بس مدري ليش احب اطفشها...
اسماء:عاد منال مشاءالله عليها ادب واخلاق وماشفت منها الا كل خير وحرام عليك تطفشها ترى ماتستاهل تصدقون افكر اخطبها لخوووي سعد والله البنت ماتتعوض وش رايك محمد..تضايق ناصر لما سمع اللي قالته وحاول يكون طبيعي
محمد:انتم يالحريم ابخص وبعدين بنت خالي مثل ماتقولين مااسمع عنها الا كل خير مو نوف الا اسمع الا لسانها...ضحكوا الا ناصر...
اسماء:حرام عليك والله البنت جنااان بس الله يهديها لسانها متبرئ منها بس والله البنت ماعليها كلام
محمد انتبه لناصر:ناصر وش فيك..؟
ناصر قام :مافيني شئ تذكرت صديقي بيمرني ولازم اكون جاهز...سلالالام
وقفت سيارة خالد عالطووول ونزلت ام محمد منها وهي تدق الجرس فجاءة جاء اخوها وشافها تدق الجرس بعصبيه ورح لها ...ميزة ابو وليد يعرف يميز الشخص عالطووووول
ابو وليد :نورة..عسى ماشر وش فيه؟
ام محمد بعصبيه:افتح الباب بسرعه مابغى اتكلم بشارع..عالطوول فتح باب .....
ابو وليد هو اخر اخوان نوره بما ان نورة الكبيرة يحب يسمع كلامها وياخذ برايها ..
اول مافتح الباب عالطووول نورة راحت لغرفه هديل اللي شافت بطريقها شيخه جالسه بالصاله ولا كأن شئ لم يكن..طلعت فوق وطقت على بابها ولما سمعت صوت عمتها حست براحه وعالطووول فتحت الباب ورمت نفسها عليها وصاحت صياح يقطع القلب وابوها كان وراء اخته خاف على بنته ماهن عليه يشوفها بالحال ويسكت عالطووول راح لها ومسح على راسها..
ابو وليد بنظرة عطف:بسم الله عليك هديل وش فيك احد مزعلك قولي..هديل اول ماسمعت صوت ابوها خافت عالطووول وبعدت عنه وعن عمتها ورجعت وراء ترتجف تخاف يسويلها شئ..
ام محمد تتقرب منها:يمه هديل تعالي يمه..تمد يده لها..هديل انا عمتك نورة تعالي....اماهديل فكان عيونها على ابوها ووشافت اخوها بحزن..
ام محمد:معليش اخوووي خلني انا وياها يمكن تبغى تقول شئ ومستحيه منك..
ابو وليد:قصدك خايفه...ابوي هديل ترى مافي اب بالدنيا يرضى يشوف بنته تصيح ولايسوي شئ..بس عشان عمتك بخليكم ...ناظره بحنان وطلع منهم و جت عمتها واخذت بيد هديل اللي قاعده تصيح وتحاول تهديها وتعرف منها القصه بس مافيه فايدة مستحيل تتكلم وهي بذي الحال
بعد نص ساعه وهديل على هالحال وشوي ويدق جوالها
خالد بخوف:هلا يمه بشري..؟؟؟ .......ويسمع صياحها
ام محمد تتنهد:وش ابشر..ماهي راضيه تتكلم..انت وينك يمه؟
خالد بضيق:انا تحت انتظرك..تبغين تجلسين واجيك بعد ساعه او ساعتين؟؟
ام محمد بتعب:لايايمه انا نازله الحين...
خالد:يله اجل انتظرك...مع السلامه سكرت وقامت تبغى تروح عالطووول مسكت يدها وجلستها عندها...
هديل بين دموعها:وين عمتي...الله يخليك لاتخلين لحالي...صاحت
ام محمد بحنان:طيب يايمه تكلمي فهميني ...ذبحتي عمرك بالصياح....
هديل بين دموعها:تكفين عمتي اخذيني معك...تكفين لاتتركيني هنا...تكفييييين
وحطت يدينها بوجهها وتصيح ام محمد ماقدرت تتحمل نفسيه بنت اخوها وعالطووول قامت وفتحت دولابها وطلعت كم غرض لها ....
ام محمد بعصبيه:جهزي نفسك دام السالفه وصلت اني اخذك معي..انا اعرف وشلون اتصرف مع العقربه..عالطووول قامت وحطت اغراضها ولبست عباتها ونزلوا ...
ام محمد بصوت عالي:شووف ياخوي انا اعزك واحبك بس اشوف بنتي تتعذب وتنذبح قدامي ماراح اسكت..باخذ هديل لبيت امي منيرة كم يوم الين ماعرف سالفتها مع العقربه زوجتك..تناظر فيها..اعتقد من حقي اطلب هالطلب..ابو وليد ماقال شئ عشان بنته اللي مايعرف وش قصتها من زمان ماتتشكى من شئ..
ام محمد تقطع افكار اخوها:هديل انا اعرفها كثرك وماتبكي بسبب تافه تبكي لانها ماعندها استعداد تتحمل وتصبر عشان كذا بعد اذانك ...باخذها الين ماتهدى وبعدين لكل حادث حديث..
ومشت عنهم ...
ام وليد بتحدي:على وين يانورة لاتحسبين داخله بوكاله من غير بواب..
ام محمد بنفس التحدي:لا انتي الصادقه ببيت اخوووي اللي مايرضى بالغلط ويسكت..ومشت
ام وليد وقفت بطريقها:تبغين تمشين مع السلامه اما تخذين هذه..تأشر على هديل باصبعها..فلا
ام محمد بصوت عالي:ومين انتي عشان تمنعين دام ابوها عايش وراضي انتي تسكتين ولا تتكلمين فاهمه...ومشت واعترضت طريقهم مرة ثانيه بس نورة مايهمها احد وخاصه من النوع اللي يشبه شيخه فابعدتها بقوة عنها وكملت طريقها...
منسدح على السرير ويتذكر كلام مرت اخوه تبغى تخطبها لاخوها..ياربي راح اموت اذ تزوجت غيري والله البنت تنحب بحاول اقول امي تخطبها لي ماعندي استعداد اخسرها..
رهيبه البنت عليها براءه ماشاءالله بس ودي اعرف شئ واحد ياليتني سالتها الربطه اللي على راسها دوووم تحطها ولا بس ذاك اليوم..الصراحه محليتها كانها من الهنود الحمر..عقد حواجبه..اذ امي رفضت الخطبه انا لازم اوصلها قبل ماتروح علي لازم تفهم اني ابغاها زوجه لي بس شلون..شلون..شلون..شلون..ايه مافي غيرها..والله اثريني داهيه وانا ماعرف يضحك على نفسه وقام يتجهز للطلعه اللي ينتظر صديقه مثل ماقال لمحمد
منال اللي بعالم ثاني سرحانه وتلعب بخصله من شعرها بهالانسان اللي قلب موازينها فوق تحت..ياربي مين هو خالد والا ناصر..ااضغط هنا لتكبير الصورهفف بيضرك يعنى اذ قلت اسمك..دامك تعرفني وتعرف كل شئ ريحني وقل من انت..دخلت عليها نوف بصينيه الشاهي وهي تناظرها سرحانه بعالم ثاني..
نوف بصوت عالي:اسفرت وانورت واستهلت وامطرت...ضحكت على بنت خالها اللي قمزت وباين انها خافت ..
منال بعصبيه:انتي ماتستحين احد يهلي بضيوفه بالطريقه الهمجيه ذي..
نوف تبتسم:وش اسوي فيك انت بعالم ثاني..كم قطعه سكر..
منال:نص قطعه......
نوف:من سمنك عاد تاخذين نص سكر..المهم متى قالوا يطلعون للبر...عطتها الشاهي
منال:على مخططات ابوي وعمي الخميس الجاي ومايدورن عن الباقين
نوف:الله ونااااااسه من زمان ماطلعنا للبر تتوقعين هديل تطلع ..؟؟
منال تشرب:اكيد دام عمي ابراهيم بيجون اكيد تجي...
نوف:طيب منوله وش راح تلبسين..بنطلون او تيور او قميص مثا امهاتنا..؟؟
منال بغرور:ودي يبغالها كلام of course....trousersوماانتبهت الا وساده الكنب على وجهها..
نوف بعصبيه:انا كم مرة اذ صرتي معي لاتتكلمين عنقريزي مفهوم...
منال متضايقه:اعتقد في اسلوب وطريقه احسن من كذا افرضي لو اني معي البياله وانكبت علي وش اسوي هاه...
نوف مبسوطه:احسن عشان تتعدلين معي..دخلت ام نواف عليهم
ام نواف:وانا كل مادخل عليكم الا هواش اعوذ بالله..وبعدين دامكم مجتمعات ليش ماقلتوا لهديل؟
نوف:والله كلمت عليهم وقالي عبدالله انها طالعه مع عمتي نورة ؟؟
ام نواف بحيرة:غريبه وين رايحين؟؟ماسالتيه..؟
نوف:الا سالته..قال خلي عنك اللقافه وطواله اللسان ...وقفل بوجهي..
ام نواف مبسوطه:بعدي ولد اخوي زين سوى افشى غليلي..
نوف بزعل:يمه حرام عليك وش سويت لكم الكل منتقدني...
ام نواف بجديه:الكل مو منتقدك منتقد تصرفاتك..ماقول الا الله يهديك..قامت عنهم تشوف العشاء
منال بصوت واطي:نوف بسالك سؤال ذاك اليوم اللي صارت عندكم الجمعه ببيتكم اخر جمعه ..
نوف تهز راسها:ايه ايه ايه اخلصي وش عندك..
منال:لما نزلتي بالصاله وشفتي رجال جالس تعرفين مين هو؟؟
نوف بنظرة شك:وليش تسالين.؟؟؟
منال بتوتر:هاه......لا.....بس كذا....حبيت اعرف....
نوف:انتي اصلا ماشفتيه وشلون تعرفينه..بس بيني وبينك مادري والله هذا مين...
منال مستغربه:معقوله ماتعرفين عيال عمتي ؟؟يعنى ماقد شفتيهم..؟؟؟
نوف:لا ماعرفهم الا محمد اما خالد وناصر ماقد شفتهم اسمع فيهم بس ماحصلي الشرف للحين..تبتسم
منال بتفكير:صح كلامك محمد ماعرفانه ولا قد شفناه الا بزواجه يوم يزفونه على اسماء ولو انه
ماتزوج كان احتارت صدق واموت قهر الين اعرف مين هو....قالت اخر مقطع وهي سرحانه
نوف قمزت عليها وجلست بجنبها:مين اللي مخليك محتارة ولا عرفتي مين هو...
منال مكبره عيونها وخافت من طريقتها:بسم الله الرحمن الرحيم..انتي وشو..بفهم ادميه والا لا..وبعدين وش قاعده تخربطين وربي الشره على اللي جايك..وعالطووول اخذت جوالها وتبغى تدق على امها ترسلها السواق بس نوف اسرع منها وخذت الجوال
نوف:اكيد ادميه من لحم ودم وعظم بعد..يله بلا هبل مين اللي محير الاميرة منال بسرعه تكلمي والا بالجوال اكسر سنونك ..
منال خايفه تنفذ تهديدها:بنت اعقلي وش تقووولين انتي لاتتبلين على وتقولين شئ ماقلته..
نوف:انا مو صمخه مااسمع..ترىسمعي 1000على 1000 تتكلمين او...
منال صرخت تستنجد عمتها:عمتي سااااااااااااارة....عمتي سااااااااااااارة..وحطت نوف يدها على فمها تبغاها تسكت..جت ام نواف طايرة لهم ونوف عدلت من جلستها
ام نواف بحيرة:وش فيكم..وش فيك يمه منال..؟؟
منال خايفه منها وجلست بجنبها وتنبها اذ تكلمت بتقرصها:لامافيه شئ بس كنت بقولك اني بمشي الحين ..
ام نواف:وين تروحين تو الناس اجلسي تعشى وتوكلي..وبغت تمشي عنهن
منال قمزت :عمتي بجي اساعدك ..تناظر نوف اللي حطت يدها على حلقها
(العنق)تهددها بالذبح ولاتنسووون تطليعه اللسان..منال خايفه من ذي البنت وشلون اماشي سفاحه وراحت مع عمتها وهي تتلفت وراها تخاف تكون نوف وراها وتسحبها او تسوي فيها شئ
::::الجزءالسادس::::


في السياره تصيح بصمت وتناظربالنافذه وكانت بعالم ثاني..وكل شوي تطل عمتها عليها وخالد يناظر من المرايا اللي قدامه..وصلوا لبيت الجده منيرة وكانت جالسة بالصالة
الجده:نورة ..وش فيكم..وش صاير..؟
ام محمد تتنهد:ولاشئ يمه بس هديل تعبانه شوي واذ ماعندك مانع خليها تجلس عندك كم يوم ...
الجده تروح تاخذها بحظنها:وش فيك يمه..هاه..بسم الله عليك..نورة وش فيه هديل؟
نورة بتعب:قلتلك يمه خليها تجلس كم يوم وبعدين نفهم السالفه والا اوديها لبيت اختي سارة او .
الجده معارضه:لالالالالالا تجلس عندي وين تروح انتي خليها ولا عليك.ابراهيم عارف
ام محمد تتنهد:ايه عارف بس تكفين يمه الله يخليك مانبغى احد يعرف ....
الجده بعصبيه على بنتها:ليش شايفتني خرفت والا بزر انقل الكلام من مكان لمكان....
ام محمد:يمه الله يهدك انا ماقلت كذا بس اذ جاء واحد من اخواني وشاف هديل قوولي انك انتي اللي طلبتيها تجلس عندك كم يوم او انها زايرتك هذا قصدي..والحين انا بروح للبيت وبتصل عليكم
"تكلم هديل"هديل اسمعيني..لاتحسبين حنا راضيين اللي يصير لك واعرفي شئ واحد انه لا انا ولا اخواني راضي وحقك اذ مااخذنه ربك فوق ياخذه وانتي توكلي عليه..زاد من صياحها لما سمعت كلام عمتها ماتدري تحس براحه او خوف او..او...او....
مايدري وين يروح لف شوارع الرياض كلها من غير تفكير..انا وش سويت معقوله اشك باختي شلون..وين راح عقلي..هديل الحبوبه...شلون..وضرب بكل قوته على الدرقسون(عجله القيادة)ودق جواله ولا اهتم ان يرفعه ويشوف مين كل تفكيره باخته عبدالله اللي حاول يدق على اخوه بس من غير فايدة..ياربي وين راحه هذا الثاني يكفى مصيبه وحده وتصير مصيبتين..عبدالله مايعرف وش السالفه..ويناظر باخوانه حماده وريمي اللي خانقتهم العبره يبغون اختهم وطلع من غرفته وعند الدرج سمع ابوه ..
ام وليد بتوتر:مدري عنها روح اسالها..!!!
ابو وليد بعصبيه:بتقولين دام النفس عليك طيبه..والا اتصرف معك تصرف ثاني
او وليد:انت ليش مو راضي تفهم..اقول شئ ماعرفه ولا ادري عنه..
ابو وليد بنفاذ صبر:شوفي ياشيخه..قسم بالله الكريم اذ عرفت ان لك يد بالموضوع ماراح تجلسين عندي دقيقه وحده..مفهوم.."شيخه اللي انصدمت من كلام زوجها وخانقتها العبره"
ام وليد بصوت مخنوق:هذه اخرتها يا ابراهيم..هذه اخرتها..كل هذا عشان هديلوووووه..انا وش سويت؟هذا جزاتي اتحدى اهلي اوافق عليك وعليها اللي فرضتها بحياتي..
ابو وليد:اللي تتكلمين عنها تراها بنتي ماجبتها من الشارع..وبعدين قلتيها انتي اللي وافقتي براضاك واهلك كانوا رافضيني لان بكل بساطه كنت متزوج وعندي بنت..تبغيني اشوف بنتي تبكي و تطلع من بيتي..واسكت اسمعيني ياشيخه..دامني عايش هذا بيت هديل واللي عنده اي اعتراض الباب يفوت جمل هي الداخله وانتي الطالعه..مفهوم...ومشى عنها...
ام وليد بابتسامه خبث:اذ هي مثل ماتقول..اجل ليش خليتها تطلع مع عمتها...
ابو وليد:مايحتاج اجاوبك..انتي قلتيها مع عمتها..واذ عمتها تشوف بعدها عن البيت يريحها منك انا ماعندي مانع....طلع عالطووول وتركها ميته قهر من رده...
دخلت بيتها وهي تعبانه وحصلت الكل جالس بالصاله الا اسماء اللي كانت بالمطبخ واول ماجلست قمز عليها ناصر وخالد استأذن طلع لغرفته..
ناصريبتسم:يمه..يمه..توقعي مين متصل عليك....
ام محمد مالها نفس:مين يعنى هيئه الامم المتحده..؟؟
ناصر يضحك:هههههه حلووووة هههههه وش عرفك انها هئيه الامم المتحده تصدقين يمه اثريك ساحرة ههههههههههههههههه
ام محمد تبعد ولدها عنها:قوم ..قوم..عني مالي خلق لهبالك الماصخ.....
ابو محمد باهتمام:وش فيك على الولد..؟؟ ام محمد سكتت وقلت بعدين تقوله وطلبت من ناصر يدق على رقم خاله عبدالعزيزعشان تبغى تروح منال عند امها منيرة ولاقال شئ غير بالموافقه وحرصته ان زوجته ماتعرف شئ تقوله ان البنات قرروا ينومون عند جدتهم وهو سمحت لها..قفلت السماعه من اخوها...
ناصر:يمه منال مو ببيتهم وشلون تروح لامي منيرة....
ام محمد بجديه:انت وش عرفك ان منال مو ببيتهم...
ناصر بتوتر:يوه يمه وش فيك توني قايل توقعي مين متصل..المتصله منال من بيت خالتي سارة تقول اتصلي عليها..وراحت للصاله الفوقيه واتصلت على منال وطلبت منها تروح للبيت امها منيرة وقالتلها عن هديل وتبغاها تجلس معها تحاول تفهم منها..بعد ماخلصت العشاء وكانت الساعه 10وربع بالليل طارت عالطووول لبيتهم تاخذلها اغراض وتروح لبيت الجده منيرة وتجلس مع هديل...
بعد ماراحت عنها عمتها وجلست عند الجده منيرة مو راضيه تسكت وكل ماهدت ترجع تبكي والجده منيرة تسمي عليها وتعطيها مويه مقريه وتهدي بنتها جتها الشغاله صفيه عشان تقولها ان العشى خلص وطلبت تقوم تتعشى بس رفضت ومالها نفس بشئ..وطلبت منها تطلع فوق ترتاح بغرفه وراحت فوق واول ماطلعت دخل ابو سلطان مع منال للصاله يسالون عنها وقامت منال طلعت عندها ويدخل عليهم
ابو وليد الخوف والضيقه على وجهه يسال عن بنته وكان يبغى يطلع فوق عندها بس ابو سلطان وامه منعوه يخاف يكون هو سبب في حاله هديل النفسيه وطلبت منه امه بكرة يشوفها لان البنت مو راضيه تتكلم وبعد اقناع ومحاولات من امه واخوه رضى وطلع وهو متضايق اما منال اللي اول مادخلت على هديل حصلتها سرحانه ولاتنطق باي حرف وماقدرت تتحمل بنت عمها وعالطووول شاركتها المناحه بس بصمت الين ماهدت هديل ونامت بحظن منال ونامت منال معها..
صار على السالفه 3 ايام وهي مثل ماهي موراضيه تتكلم ولا تاكل وكل مايحاولون معها تكتفي بالسكوت ومنال طبعا ماقدرت تجلس معها بسبب دراستها وعلى وشك الامتحانات النهائيه فكانت تزورهامن فترة لفترة..الوضع ماعجب لانورة ولا امها واذ سكتوووا راح تروح عليهم البنت ..
ابو وليد بعصبيه:وش تقولين يانورة انهبلتي تبغيني اخلي بنتي تعيش بعيده عني وبيتي موجود لالالا اسمحيلي يانورة كلامك مو كلام ناس عقال!!!!..
نورة تهديه:الله يهديك يا ابراهيم يعنى عاجبك وضع بنتك..انت شووفها وشلون صايره..الاكل ماتاكل وفوق كذا سكوتها اللي مايطمن..الله يخليك ارحمها واذ اشتقتلهاتعال وشفها وبعدي ماقلنا تعيش بالمريخ وصدقني هذا احسن حل لك ولها...
ابو وليد:وشلون احسن لي ولها..وضحي اكثر؟؟؟
ام محمد:احسن لها عشان ترتاح من شيخه اللي مدري وش قايله او مسويه لها واحسن لك عشان ترتاح من المشاكل مع شيخه وبكذا تكسب الطرفين..واذ تحب بنتك وتبغى راحتها خلها هنا احسن ..
ابو وليد:لالالا كلامك مااقنعني اسمحيلي..لاتظنووون اني اقوف مع شيخه ضد بنتي لالالالا هذي بنتي بنت الغاليه...فجاءة سكت وعض على شفايفه ونزل عيونه..نورة خافت من اخوها..طال السكوت وطال وضع اخوها على حاله..رفع راسه وعيونه كانت حمراء
ام محمد بخوف:ابو وليد عسى ماشر فيك شئ..؟؟
ابو وليد طال سكوته وهو يناظر اخته اللي توترت ولاعارفه وش تقول فجاءة قام من مكانه
ابو وليد بصوت مخنوق:يمه انتي وش تشوفين ...؟؟...طوول الوقت امه ساكته لانها عارفه بالنهايه راح يرجعون لها وهذا صفه وحكمه عند الجده منيرة.....
ام عبدالعزيز:اذ تبي شوري ياولدي اتركها تعيش عندي ورح لعيالك وكل مابغيت تشوفها اعتقد تقدر تجي ومحد راح يمنعك..البنت وحيده وتحسب ان مانبغها خلونا نحسسها اننانبغها ونحبها عشان تحس بالامان معنا واذ اصريت واخذتها تعيش معك صدقني ياوليد بتخسرها للابد..وهذا اللي اشوف..تناظر ولدها وقبل مايمشي عنهم...
ابو وليد:اللي تشوفونه دام هذا بيريح بنتي ويخليها ترتاح..ولاتحسبوني اعمى ماشوف تصرفات شيخه..من اول مادخلت بيتي وكل شئ اشوفه بس انا ساكت لان هديل ماعمرها اشتكت برغم اشوف معاملتها مع بنتي واذ سالت هديل تقول انها مرتاحه ودام راحتها انها تعيش بعيد عن شيخه..............تنهد...........اللي تشوفونه وطلع
مر على حاله هديل شهر والحمدلله تغيرت نفسيتها..وماحد فتح السالفه معها لانها طلبت منهم النسيان ومو هديل اللي تنسى بسهوله وخاصه موقف مثل هذا ..وكل من سال عن سبب نقلها عند الجده منيرة يكون الجواب تبغها بقربها هذا الكلام يقولونه للناس اما اهلها يعرفون السبب..بدت الاختبارات النهائيه وتأجلت رحله البر الى مابعد الاختبارات....
وليد من بعد الحادث ماصار يجلس بالبيت لان اخته مو موجوده ولا يتكلم مع امه مثل اول .. وحالته النفسيه زفت لانه ماله وجه يقابلها من بعد ماظلمها ومن غير مايسمعها..امه مو عجبها الوضع تشوف ولدها يطلع من الصبح ومايرجع الا اخر الليل يعنى على قولتها ماخذ البيت فندق للنوم..
ابو وليد تغيرت معاملته مع زوجته وصار يرهق نفسه بالدوام..عبدالله اللي يحس بفقدانها كثير اغلبيه وقته برا بس مو مثل اخوه..خلصت امتحانات الجامعات ومابقى غير المدارس....
وقت العصر وكانت بالمطبخ تسوي كيك عشان منال بتجي مع امها وعمتها نورة اما سارة ماقدرت تجي عشان نوف وفوازتقعد تراقب دراستهم..ودخلت عمتها وسلموت على بعض وجلسوا يسولفون لان خالد جالس مع امه منيرة...
ام محمد تبتسم:هاه اشوووف تضحكون ضحكوني معكم..جلست بالكنب المقابل لامها وخالد اللي جالس بجنب الجده...
الجده بخبث:هاه...خالد اقووول ؟؟؟؟...
خالد منحرج:لالالالايمه تكفين محنا ناقصين محاظرات وهوشه...
ام محمد معصبه:هاه خالد اشووف بديت تخبى علي دام السالفه فيها هواش لالالا لازم اعرف وش قاعدين تخططون له...
الجده تناظر ولدها اللي نزل عيونه من الحياء:يقووول خالد نادي هديل شوووي بسلم عليها واطمن عن حالها...
ام محمد بجديه:متاكد ياخالد من اللي قاعد تسووويه..
خالد بجديه:متاكد..مثل ما انا متاكد انك ست الكل
ام محمد براحه وبابتسامه:الله يوفقكم ويسعدكم.....
الجده بصوت عالي:هديل .....هديل ......هديل......جتها صفيه
صفيه:نعم ماما...ايش يبقى؟؟ ..."امي نادت هديل مانادتك" وام محمد تضحك على شكل خالد اللي منقهر ووده يكفخ المسكينه..
الجده:انا ناديت هديل ماناديتك..روحي روحي نادي هديل بسرعه....راح الشغاله للمطبخ وقالتلها ان الجده تبغها وان خالد فيه..خافت هديل ومو عارفه وش تسوووي اطلع او اجلس وسمعت جدتها تناديها زادت دقات قلبها بقوه ولفت جلالها عليهاوقعدت تهدي نفسها وتوكلت على الله وطلعت..
هديل بحياءبصوت واطي:السلام عليكم...رفع خالد عيونه يطالعها صحيح ماقدر يشوفها بسبب الجلال بس يكفى شاف هيئتها وطولها.....والجده تراقبه
الكل:السلام عليكم....
هديل منحرجه:يمه بغيتي شئ..؟؟؟....
خالد بحياء:شلونك هديل عساك بخير...؟
هديل ترتجف خووووف:بخير......"زين طلع معها شئ"...
الجده بخبث:طيب اسالي عنه وعن احواله....شافت خالد مبسوووط ان امه منيرة معه
ام محمد:يمه تقولك تبغين شئ؟؟؟؟..
الجده:ايه يمه اجلسي معنا..ليش جالسه بالمطبخ مع الشغالات....خالد اللي كل شوي يرفع عيونه عليها وينزلهن ويبتسم "شكلها يكسر الخاطر لدرجه ذي اخوف"...
هديل بصوت متوتر:يمه الكيكه بالفرن واخاف تحترق..خالد يبتسم .."تعرف تطبخ بعد"
ام محمد:خلاص روحي كملي شغلك...عالطووول ماصدقت تروح للمطبخ وزين منها وصلت قبل ما يغمى..
ام محمد بخبث:هاه شبعت من شوفتها....
خالد بزعل:لا ماشبعت انا شفتها اصلا كان قلتولها تشيل هالجلال..ماحس الا ويد الجده على اذنه
الجده:هاه يا وسيع الوجه لاتحسبنا رضينا انها تجي بنرضى تتكشف لك..هاه ..
خالد يمسك يد جدته:يمه افهمك..افهمك بس شيلي يدك بالاول..
الجده:يالله فهمني يا فالح....ام محمد تضحك على ولدها وكانه طفل يبغى يبكي...
خالد:لاني ببساطه بتكون زوجتي المستقبليه وش فيك يمه ليكون نسيتي انكم خطبتوها لي اذ نسيتي انا اذكرك..
الجده بجديه:لا مانسيت بس ماخطبتها رسمي من ابوها...
خالد قام يبغى يطلع:قريب ان شاءالله تفرحون فينا ...يله تامرون على شئ
ام محمد:وين اجلس...
خالد:عندي سفره للشرقيه وطيارتي بعد ساعتين يله فمان الله وحب راس امه وجدته..وطلع
الكل:مع السلامه..
اول مادخلت المطبخ وهي ترتجف خوووف "الله يهديك يا يمه هذا وقته تبغين تجلسيني عند غريب ولا عمتي مبسوطه ماقالت شئ كانه خطه مدبرينها"وجت عمتها تقولها ان خالد طلع ويدق جرس الباب وراحت صفيه تفتح وكانوا منال وامها ومعهم مرت اخوها عبدالعزيز وبعدين جتهم اسماء وكملوووا اليوم كله ببيت الجده منيرة ....
الكل عطل من الدراسه وارتاحوا منها ومابقى غير النتيجه..كان اليوم الثلاثاء وعلى وقت المغرب الكل مجتمعين ابو سلطان وعياله وابو حمد وولده وابراهيم وعياله وازواج اخوتهم وعيالهم عند الجده منيرة يتفقون على ترتيبات البر..وبما ان ابو سلطان متقاعد راح يطلع ويخيم هناك مع ناصر ووليد ونوافوفواز وعبدالله وقرروا يرحون لطوقي لانه يمدحون الارض والعشب هناك وخاصه انهم بالشتاء والامطار ماشاءالله ماتوقفت..
وكانت هديل مع نوف ومنال بالمطبخ يسوون الشاهي والقهوة هديل تحب تتفنن يعنى تسوي كيك باشكال غريبه وانواع مختلفه ونفس الشئ مع حلى القهوة..جاء عبدالله وفواز عشان ياخذون القهوة
عبدالله بعد ماعطل صار يجي لبيت جدته من فترة لفترة..يجلس كم ساعه معها ومن ثم يمكل سهرته مع صديقانه..اتفقوا الرجال على كل شئ والحين يبقى دور الحريم اللي عليهم اغراض الطبخ والمطبخ...بعد صلاة العشاء الكل راح لبيوتهم الا نواف ووليد جلسوووا لانه قرر يتكلم مع اخته
لما جت صفيه تاخذ الشاهي طلب منها وليد تنادي هديل..
هديل بصوت مرتجف:السلالالالام عليك..وتناظر اخوها اللي منزل عيونه
الكل:وعليكم السلام.....ناظرها وليد نظرة حنان
وليد بحزن:هديل شلونك...مازال يناظرلها ووده يصرخ ويقووول انا اسف..
هديل:بخير...انت وشلونك...وشلون والامتحانات معك؟؟...
وليد:بخير...ننتظر النتيجه...
هديل:الله يوفقكم....شلونك نواف؟؟ ........."تعتبره مثل اخوها "
نواف:بخير وشلونك انتي ؟؟؟
هديل:الحمدلله.....ناظرت اخوها وللحين يطالع فيها..
وليد:هديل ابيك بكلمه راس اذ ممكن....هديل نزلت راسه ومو عارفه وش ترد خايفه تنفرد معه ويضربها او يهاوشها....
وليد بحنان:طلبتك......
هديل بتوتر:تعال لفوق....قام وليد وراح معها للغرفتها...
هديل بين دموعها تحاول تتماسك:امرني يا اخووووي.....نزلت راسها
وليد ماقدر يستحمل منظر اخته المسكينه اللي انظلمت على يده وعلى يد امه وخاله وهي مالها ذنب
وليد خانقته العبرة ويرفع راسها:سامحيني هديل..."بلع ريقه"......انا اعرف مين هديل....هديل انتي الغاليه علي وعلى عبدالله وعلى ابووووي....هديل انا محتاج لك وابغاك ترجعين اختي حبيبتي.....هديل انا ماكنت بعقلي....ماتوقعت ....ان.....امي ........"سكت"......هديل.....سامحيني..نزل دموعه ماقدر يتحمل و صاحت معه واحتظنت اخوها اللي فقدته وفقدت طلته عليها وحرصه وخوفه فقدت ضحكته وقلبه وكل شئ فيه ..
وليد يمسح دموعها:هديل.....دموعك غاليه...ياالـــــغــــــالـــــيـــــــــــة..ابتس مت بين دموعها وارتاح اخوها لانه قدر يقول اللي بقلبه وكانه هم ثقيل وانزاح..
وليد يبتسم:تدرين حتى ابوي يسميك الغاليه.....يبتسمون لبعض....هدوووووله وربي لك وحشه....هديل ارجعي للبيت.....
هديل بحزن:وليد....ممكن اوضح لك شئ....هز راسه بالايجاب
هديل بصوت مرتجف:والله العظيم ماكنت اعرف ان خالك بالخيمه...نزلت راسها وصاحت..
خالتي جتني وقالت البس وانزل للخيمه...والباقي تعرفه......وحطت يدينها على وجهها وصاحت ومسح على شعرها ...
وليد بحنان:اولا مايحتاج تحلفين لاني اعرف من هي الـــغـــــالــــيـــــه....ثانيا انا عرفت بوقتها ان امي لها يد...الله يهديها....بس اللي عذبني وقتلني ....."نزل عيونه لما رفعت عيونها عليه"....بلحظة شكيت فيك......المفروض اسمعك مااظلمك...ونزلت دموعه بصمت ومدت هديل يدها تمسحهن...
هديل مبتسمه:دموعك غاليه....يا الــــــــغـــــــالـــــــي..ضحكوا مع بعض
وليد:هديل ...سامحتيني...
هديل بابتسامه:عمري مازعلت عليك...وليد انت اخوي ومن حقك تعاقبني اذ انا غلطت..لانك انت وابوي وعبدالله سندي بالدنيا بعد ربي سبحانه..
وليد براحه:الله يخليك لي يا اعظم واحلى هدوووووووله بالكووووون...
هديل بحياء:ويخليك لي يا احلى وارقى واطيب اخى بالدنيا كلها...
وليد:طيب هدووووله انا بروح الحين عشان استعد لبكرة..
هديل تمسح دموعها:مين بيروح يخيم معكم..؟؟؟
وليد:عمي عبدالعزيز ونواف وانا وفواز وعبدالله وناصر..هدووووله محتاجه شئ قووولي؟؟
هديل تبتسم:محتاجه اخوي وليد اللي فقدته وكاني فقدت العالم..
وليد يبتسم:واخوك وليد عندك وماراح يتخلى عنك...
هديل:الله يحفظك ويخليك لي..وطلعوا من الغرفه ونزلوا تحت وحصلوا نواف مع اخته جالس بالصاله والجده راحت تصلي ومنال ناقعه بالمطبخ مفوله على الثنتين كل وحده مع اخوها..راحوا عشان يستعدووون لبكرة...
يوم الاربعاء العصردق الجرس وراحت الشغاله تفتح ورجعت للصاله وقالت ان رجال يبغونه برا راح يشوف مين طلع وتطلع نورة من بيت الشعر سلمت عليه وشاف ابو محمد وخالد..
بعد السلام والسؤال عن الاحوال قام ابو وليد يقول للشغاله تسوي قهوة بما انه عياله خيموا ومافيه احد
وقعد مع اخته وزوجها وولدهم وجابت الشغاله القهوة واخذت نورة عنه تصب..
ابو محمد:شووف يا ابراهيم بدخل بالموضوع عالطووول بما اننا اهل ونعرف بعض..صح والا غلطان..؟
ابو محمد مستغرب:لامنت غلطان...بس اشغلتني وش السالفه..هديل فيها شئ امي فيها شئ؟
ابو محمد:لالالا كلهم بخير وعافيه..بس كنت باخذ رايك بولدي خالد وش رايك فيها ..؟؟ هاه مو عشاننا اهل تقعد تجامل لالالا انا ابغى الصراحه ..
ابو وليد:دامك تقول تبغى الصراحه بقوولك واللي فيها فيها بس مو تزعل بعدين..تضايق خالد من كلام خاله لكن ابوه انبسط على ابراهيم لانه يعرفه مثل الكتاب المفتوح مايعرف يجامل..وفوق كذا واثق من ولده زين وماراح يجيب طاريه بشين
ابو محمد بثقه:خذ راحتك ولايهمك..تعرفني انا احب اسمع صراحتك..؟؟؟
ابو وليد:رايي بخالد هي كلمتين.."دق قلب خالد بقوه"...ياحظ اللي بتاخذه..
ابو محمد بتكبر:اجل على كذا انك موافق..؟
ابو وليد بحيرة:اوافق على وشو...؟
ابو محمد:موافق على ولدي خالد ياخذ بنتك هديل..يناظر بخالد اللي نزل عيونه منحرج
ابو وليد براحه:وانا ماراح احصل رجال يحافظ على بنتي ويخاف عليها كثره...ابتسم وحس براحه مابعدها راحه..
ابو محمد بفرحه:تقريبا متفقين بس نبغى تاخذ راي البنت ...
ابو وليد:اكيد لازم نشاورها...ناظر اخته....تدري يانورة لو هديل ماخذها واحد من عيالك بجلس طووول عمري اخاف عليها لاني ماراح أئمن حلالي الا عليهم..
خالد بفرح:هذا من طيب اصلك ياخال بس تاكد انني ما اخترت هديل الا لانها بنتك اولا..وثانيا بنت امي وثالثا..."يبتسم بخجل"...لاني انا ابغاها....نزل عيونه وامه تناظرله بفخر
ابو وليد:عسى ربي يوفقكم ويسعدكم..وان شاءالله اذ رجعنا من البر بنرد لكم..
الساعه 8بالليل اتفقوا العمات وحريم الاخوان على اغراض الرحله وقسموا كل شخص يجيب كم غرض وكانوا كل البنات عند عمتهم سارة اللي عليها الخضروات والفاكهه والعصيرات والمويه طبعا مايمنع تشترك باغراض المطبخ وكانت منال ونوف يغسلون الكراث والجرجير والخس والبصل الاخضر ويغلفونه بالقسطير(تغليف الالمنيوم)وهديل تسوي كيك ومعجنات مع عمتها سارة وشغالات امها لان الجده راحت عند نورة اللي عليها الفطور واغراض المطبخ من قدور ومقادير الاكل واسماء تساعد خالتها برغم ان الحمل متعبها..وحريم اخوانهم اللي عليها اغراض الغداء كامله واللي عليها الشاهي والقهوة برغم اللي طلعوا قبلهم معهم بس هذي الاحتياط..دق جرس الباب وراحت وحده من شغالات تفتح وقالت ان مستر ابراهيم طلعت سارة لاخوها ووراها هديل جلسوا مع بعض ولما قامت هديل تجيب القهوة رفض بس سارة اصرت عليه لو كاس عصير..جابت له وقامت سارة تشوف شغلها..وراحواللبيت الشعر عشان يبغى يسولف معها خاص..
ابو وليد يجلس:هاه هديل مرتاحه ..؟؟؟
هديل تجلس بجنبه:اكيد مرتاحه دامك موجود معي...ابتسم لها بحنان
ابو وليد:الله يوفقك ويسعدك..هديل يوبه ابيك تسمعيني ولاتقولين شئ الين ماخلص..؟
هديل:سم يوبه تفضل...؟
ابو وليد:اسمعي يابنتي......في ناس خطبوك مني؟؟ "هديل انصدمت ونزلت عيونها"
ابو وليد شاف بنته ساكته:ابوي هديل...انا ماقلتلك هالكلام وكان خلاص انتهى كل شئ واتفقنا ومابقى غير الزواج ...هذي حياتك وانتي تقررين فيها....ماتبين تتزوجين براحتك....محد يغصبك على شئ.....هديل ابوي ماتبغين تعرفين مين اللي خطبك.."هزت راسها"
خالد ولد عمتك نورة.....انصدمت من اللي سمعته "شلون.....شلون يخطبني وهو رافضني من الاول...اكيد عمتي ضغطت عليه..او هو شفق على وقال اكسب فيها اجر.....لا .....لاياخالد مو انا اللي اخذ واحد يشفق علي...عمتي ماجابت سيرة لي......عمتي قفلت على الموضوع من شهور ليش تفتحه من جديد"...انتبهت على كلام ابوها اللي يتكلم عنه..
ابو وليد:هاه ابوي وش رايك؟؟؟.
هديل بحياء:يوبه......انا.....انا.....قبل ماقولك راي ....سكتت
ابو وليد:هديل ابوي ترى انا ابوك ولاتحسبني وافقت على خالد عشانه ولد عمتك لالالا..لانه صعب تحصلين مثل عيال عمتك بذا الوقت...وبالاخير القرار لك انتي محد بيغصبك على شئ انتي ماتبغينه
هديل منزله عيونها:يوبه...انا بفكر وراح اردلك بعد مانجي من البر مثل ماتقول بس.....انا ابغى اكمل دراستي واخاف....
ابو وليد بفرحه:لاتخافين ولا شئ دراستك بتكملينها ان شاءالله وتاكدي اذ صار نصيب هذا اول شرط عندي لاني احس ظلمتك وانا طاوعت شيخه تجلسين بالبيت...واذ خالد مو راضي بكيفه البنات موجودات عنده يروح يدرو رزقه...ابتسم لبنته اللي ارتاحت لكلام ابوها..وطلع عشان يشفون شغلهم وطلب انها تفكر وتستخير ربها ولاتستعجل وعند الباب سالته اذ خالتها تجي او لا..طمنها انها ماراح تجي....
الخميس الساعه 4 ونص الفجر قامت عشان تصلي وبالمرة تستعد اخذت لها دش و راحت عند امها منيرة تشوفها اذ قامت او لا حصلتها تصلي وجلست ترتب اغراضها سترات صوف وشالات ثقيله وغيرها وراحت لغرفتها تتلبس وطلعت بنطلون جينز المتفق عليه وكان واسع على الموضه ولبست بلوزة بيضاء وسيعه..نشفت شعرها بالاستشوار وخلته ذيل حصان وحطت غره بشكل خصل وطلع شكلها طفولي..واخذت ربطه ضفاير اعطتها منال عشان تحطها على جبينها..واخذت معها شال وجاكيت للاحتياط وسترة صوف ونزلت وحصلت امها جالسه بالصاله تسمع الراديو..فجاءه فتح باب الصاله دخلت منه نورة وقالت لهديل تتغطى..ويوم سمعت عمتها قامت من مكانهابس امها قدرت تمسكها وخلتها تجلس لانه خطبها رسمي وعندها احساس انها بتوافق عشان كذا تبغاها تتعود على زوجها المستقبلي....
خالد:السلام عليكم...صباح الخير...باس راس امه
الجده:صباح النور هلا والله بولدي؟؟
خالد يجلس بجنبها:بخير عساك بخير...شلونك طمنيني عنك؟؟
الجده مبسوطه:بخير وعافيه..جتهم نورة وسلمت على امها وعلى هديل اللي وقفت وهي ترتجف
خالد منحرج:شلونك هديل؟؟؟؟
هديل بحياء وبصوت واطي:بخير...
الجده اللي فولت عليها:هو احسن منك يسال عن احوالك وانتي ليش ماتسالين عن احواله هاه..
ام محمد:يمه الله يهديك وش فيك نسيتى..هديل من يوم يومها حياويه..ويدق جواله
حمد:السلام عليكم...وينك فيه؟؟
خالد:وعليكم السلام...موجود خير وش فيه؟؟ ويراقب حركاتها وهي تصب القهوة
حمد:ابوي يسال كم سيارة بتروح معنا..؟؟
خالد يبتسم:ليش ..؟؟؟ ....وياخذ الفنجان من امه
حمد:عشان نركب معكم انا وابوي وامي ؟؟
خالد يضحك عليه:ههههههههههههه يعنى انا ماكذبت يوم سميتك القعيطي هههههههههههههه
حمد مفول:مالت عليك وعلى صوتك اللي يخرع على هالصبح ياخي مرة ثانيه لاترد فاهم..ماقوول الله يعين هديل على صوتك .."ماقلتلكم حمد يحب يعلق..وهو مايدري ان خالد خطبها رسمي بس علق عليه من يوم قاله خالد السالفه..اجل الله يعينك ياخالد عليه اذ عرف بالسالفه صارت رسميه
خالد يناظر بهديل:الا يا بختها فيني تسمع صوتي هو كذا.."عرفت انهم يتكلمون عنها"
حمد:احد خاف عليك وقال ان صوتك حلو..لاتطولها نبغى نركب معكم..
خالد يقهره:لالالالا مانركب قعيطيه معنا هههههههههههههههههههه
حمد:الله يخسك يعنى اهلي قعيطيين..."يسمع ضحكته"....قل امين جعل تخرب سيارتك بالليله عرسك وهديل

فيها..
خالد يقهره:عادي ناخذلنا تاكسي او نطقها مشي..ليش معقد الامور..حبيبي انا ماقلت اهلك انا قلت انت القعيطي ههههههههههههههههههههههههه
حمد:لاتكثر شوي وبنجيكم .؟
خالد:وين تجون انا ببيت امي منيرة؟؟
حمد:طيب وش فيها نجيكم ونركب معكم....
خالد:ابشر ياالحبيب بس سيارتي ماتكفي....
حمد بحيرة:وشلون ماتكفي انت معك امك وامي منيرة خلاص انا وابوي معكم واذ فيه مكان لامي كان بها واذ مافيه تروح مع عمتي سارة او مع احد عيال عمي عبدالعزيز...
خالد يذكره:حبيبي انا سيارتي صغيرة وماتكفي امي منيرة وامي نورة وهديل وخالي ابراهيم وخالي صالح وانت..قلي شلون الا اذ حطيناك بالشنطه ههههههههههههههههههههههههه
حمد توه يستوعب:اهااااااا مسوي فيها شم قدام العروووس..طيب طيب ياخويلد..ان ماطلعت فضايحك بلليله الدخله واخليك تجلس بحسرتك..طيب طاق الصدر ويقول ابشر..اثري العروس معك وبتاخذ راحتك معها...
خالد:ههههههههههههههههههه موت بحسرتك هههههههههههههههههههههههههههههههههههههههههههه
حمد:طس عن وجهي..اقول طيع شوووري لاتسمع صوتك وتهون عليك.
خالد يقهره ويناظرلها:هههههههههههههه واذ قلتلك انها قاعده قدامي وتسمع صوتي اللي مو عاجبك هههههههههههههههههههههه
حمد فقد اعصابه:قسم بالله انك...طس عني ....وقفل الخط ونقع خالد ضحك....
الجده تحقق مع خالد:مين هذا ياولدي؟؟؟
خالد يضحك:ههههههههههههههههه هذا حمد ولد خالي هههههههههههههههه
ام محمد حبت تحرج ولدها:طيب وش فيك عليه ومين هذي اللي قدامك وتسمعك
خالد اللي حس بهديل ولاحب يحرجها:متى قال محمد يلحقنا ؟؟
ام محمد انقهرت منه:على الساعه 10 او 11 بيطلع هو ابوك..وهنا قامت وسالتها عمتها وقالت بتنزل اغراض امها منيرة واغراضها وراحت فوق ..
الجده:هديل وراحت والحين مين البنت اللي تتكلمون عنها ..؟
خالد مستغرب:اي بنت ..الله يهديك يمه..انا ماتكلمت ولاجبت طاري بنت
ام محمد بخبث:اجل منهي اللي جالسه قدامك..هاه...استحى خالد ولاقال شئ
الجده:لالالالا هو قال يابختها فيني مين هي ياولدي..؟
خالد منحرج:دامكم تعرفونها ليش الاحراج ..وقام عنهم وهو يضحك عليهم وعلى ولد خاله..
اجتمعت السيارات عند بيت الجده منيرة وتحركوا على الساعه 6وربع..سيارة خالد معه امه منيرة ونورة وهديل وحماده وريمي اللي فاجئها ابوها ففرحت كثيراستغربت ان خالتها وافقت يمكن تأنيب الضمير اللي خلها توافق..سيارة ابو نواف بما انها جيب معه زوجته ونوف ومنال وام حمد وعيال سلطان وشغالات الجده منيرة..سيارة فيصل معه امه وزوجته وعيالهم والشغاله..سيارة بدر معه زوجته وعياله والشغاله..وسيارة سلطان معه عمه ابراهيم وصالح وحمد وابو محمد وولده محمد واسماء وشغالات نورة راح يلحقونهم بعد مايخلصووون شغلهم..وبكذا انطلقوووا للبر..
على الساعه 9 وصلت سياره خالد وابو نواف وسلطان قبل الباقين..وقف خالد سيارة عند مخيم الحريم ونزلوا وراحووا للخيمه وحماده قام يركض ويفحط وهديل تناديه خايفه يطيح ويتعور... خالد سمع صوتها الناعم ....
خالد بعصبيه:حماده...حماده..."وقف وخاف من نبرة صوته"...ماتسمع اختك تناديك....."رجل اخته ويمون"...وهي استحت وعالطول دخلت الخيمه ووجهها احمر
نوف بلقافتها:الله..الله..كل هذا حر والا برد..والا حياء...حبت تحرجها لانها سمعت خالد..نزلت عيونها وراحت تفرش لريمي عشانها نايمه ولاحبت تزعجها..
الجده:نوووووويف مااربط لسانك للحين...
نوف:لالالالا..لالالا..والف لالالالالا...ماراح يربط حتى لو صرت مثلك امشي بعصاي
الجده:قول وفعل...يمه هديل جيب لي مويه..
هديل:ان شاءالله..وطلعت ولحقتها نوف اما منال جالسه بسياره اخوها بدر عشان تتزين وتتكحل مامداها..شافتها نوف وهديل ووقفوا عندها..
نوف تضحك:يمه...هههههههههه تخرعين انتي وعيونك المنتفخه ههههههههه..منال من النوع اذ جلست تتمكيج ماتكلم احد...
نوف:Hello....miss English
منال حاست برسم عينها:هاااااه...وجع....وش تبين؟؟؟ هديل ضحك عليهم وقالت تبغى تجيب مويه لجدتها..موقع خيمه الرجال مو بعيد عنهم حاطين السيارات فاصل بينهم..جووء بقيت السيارات..الساعه 10حطوا الحريم الفطور بمساعده البنات كانت هديل تراقب الشاهي وريمي متعلقه فيها مو راضيه تتركها وماسكه جلالها ومنال تحط النواشف في الصحون جاهم ناصر وعبدالله وفواز..
ناصر:الله وش ذا الريحه تهبل...وعينه على الطويلان اللي قاعده تحط لانه عرف هديل بريمي
عبدالله مستغرب:ريمي..مين جابك...؟
ريمي ببراءه:زيل..تأشر عليها...
عبدالله:تعال تجين معي تشوووفين بع...؟؟؟ هزت راسها وعالطووول شالها يشفون(بع) الخروف المتعارف لدى اللاطفال ومربوط قريب من خيمه الرجال...
ام نواف:فواز خذ الخبز تلقها عند نوف بالخيمه تقطعه لكم..راح للخيمه الحريم بماانه لسه صغير محد يتغطى عليها..منال قلبها يدق بقووووة وحست انه يراقبها بس منقهر تنتظر احد ينطق باسمه عشان ترتاح ...
ام محمد تعطيه صينيه:امسك يمه شوي شوي ينكب عليك وناد عبدالله والا نواف او وليد ياخذون الشاهي وباقي الفطور..ونفس اللي حطوه للرجال حطووا للحريم وجلسوا يفطرون....
الساعه12 الظهروبعد ماخلصوا من الصلاة استعدوا الحريم يسون الغدا بس ابو حمد وابو نواف تكفلوا بالمهمه لانهم احسن طباخين في العائله وخاصه بالكشتات..وحريمهم والشغالات يساعدونهم..البنات قاموا يتمشون..فواز وعبدالله لحقوهم عشان يحرسونهم مثل مايقلون..ووبعدوا عن المخيم وشالوا براقعهن..وصلوا للمكان مثل ارتفاع الجبل..صعدوا العيال بتحدى من نوف..وتحدوها والمسكينه قبلت التحدى بس ماتدري ان الصعود مو مثل النزول...
ومنال وهديل يضحكون على نوف اللي ماقدرت تنزل وجلست تصارخ على اخوها عشان يساعدها..رجعوا البنات من رحلتهم القصيرجلست هديل مع وليد يشون ونوف راحت تقطع الكبد والكلاوي مع نواف اما منال فجلست تقطع بصل حلقات للشوي واعطته هديل ومسكت ريمي وجلستها بحظنها ويراقبون الشوي..جاء حماده طاير يبغى الحمام وهديل ماكنت موجوده راحت تغير لاختها وجلس يقامز ويصارخ لهديل..
حماده يقامز:هزيل حمام.....حمام .....بسرعه...هديل ابتلشت بين اختها واخوها
هديل بحيرة:طيب اصبر شوي اخلص من ريمي واجي معك...
منال قامت:خليك انا بروح معه..وطلعوا برا الخيمه وراحوا لطلحه قريبه من الخيمه وطلبت منه يجلس عشان تجيب مويه ومناديل...
راحت منال للوانيت اللي فيه الجوالين الكبيرة الخاصه للمويه ومعها جالون مويه صغير وعلبه مناديل ولما شافت زول رجال جالس يعبي توقعته وليد ..
منال مبتسمه:وليد الله يعافيك عبء لي الجالون بسرعه..التفت عليها نص لفه ..بلعت لسانهم من الخوووف..من وين طلع على..
عرف صاحبه الصوت وابتسم وحب يحرجها لما شافها بالبرقع:عذبيني..يابدويه...اووووههلا منال وشلونك وش اخبارك عاش من شافك..؟
منال مصدومه ومقهوره منه "عيني عينك تقول اسمي ولا تسال عن احوالي..يا القهر لو اعرف من انت كان ماصار هذا حالي"...طال سكوتها..
ناصر يبتسم:هاتي الجالون اعبيه لك بسرعه دامك مستعجله....عذبيني..يابدويه
انحرجت منال "اخ والله قهر يغني بعد وش شايفني من مضارب بني عبس"..منال عيونها تفتن
بالكحل وشلون اذ لابسه البرقع
منال منحرجه:لالالا مو لي..سكتت ونزلت راسها
ناصر بخبث:اجل لمين..لامي مثل....ضحك عليها وعلى احراجها
منال بعصبيه:انت وبعدين معك ليش تعاملني كذا ؟انا وش سويت لك؟....واذ غلطت عليك وانا متاكده وواثقه اني ماغلطت فانا اسفه من لاشئ..ومشت عنه بس هو اسرع منها و مسك يدها ووقفها وخافت منال على جرائته وخافت احد يشوفهم ..
منال بعصبيه:فك يدي.."ناصر يطالعها بجديه"..الله يخليك فكها مابغى فضايح مع اهلي...فكها لحد يشوفنا........عالطول فكها ومشت عنه ..
ناصر بجديه:متاكد انك ماسويت شئ ولا انا سويت لك شئ....سكت...بس القدر سوا فينا اشياء مو قادرين نظهرها لبعض..........ممكن تعطيني الجالون اعبيه ...
"معقوله عرف اللي بقلبي له...بس شلون....شلون...عنده الحاسه السادسه وانا مدري"تنبهت على صوته مرة ثانيه..واعطته الجالون....ولما خلص مشت عنه
ناصر:منال...لحظة....وقفت منال من غير ماتواجهه.....لالالا ولا شئ الله حافظك
عالطول مشت منال وكانت خايفه احد يشوفهم لاسمح الله وراحت لحماده اللي حصلت هديل عنده وقاعده ترتب ملابسه وعرفت ان تاخرت عليه سالتها هديل وين راحت ماجاوبت عليها كانت بعالم ناصر اللي ماتعرف اسمه معقوله عرف اني اكن له مشاعر خاصه شلون ياربي شلون...اما ناصر مبسوط لان كلم منال وشافها بس مات قهر عشان ماقالها اللي ناوي عليه وقال الجايات اكثر...
الساعه12الاربع الظهر طلعوا الحريم وجلسوا بالشمس لانها بارده وتدفيهم كان موقعهم جدا ممتاز..الخيام على مكان مرتفع والمطبخ تحتهم وكانوا الاطفال يلعبون بمجرى السيل تحتهم..وصل ابو محمد وولده وزوجته وشغالات نورة..جاءعبدالعزيز ولد سلطان وشايل حماده اللي يبكي من قلب لانه طايح ومنجرحه رجله بقوه والدم ماتوقف..عالطول الحريم قاموا واولهم هديل وشالت اخوها وحطته بحظنه وهي خايفه ماتعرف تتصرف وجوا ابو وليد وعياله ونواف وفواز يشفون وش فيهم والكل تجمع على هديل وحماده اللي قاعد يصرخ وهديل تهدي فيه ..جلس ابو وليد عند هديل ويشوووف الجرح اللي كل من رفع رجله تزيد صرخاته..وجاهم خالد باسعافات اوليه من سيارته واللي عنده خلفيه عنها..
هديل بخوف:خلاص حبيبي الحين يطيب...حماده مازال يصارخ من الالم..وخالد منتبه على كل كلمه تقولها...وكل مارفع رجله يصرخ ويبعد يد خالد عنه ...
خالد بهدوء:امسكي يدينه عشان انظف جرحه...وانتبه خالد لعيونها اللي نست تغطيهم فكانت حلوات ومايحتاج تكحلها...هديل مسكت يدين حماده وخالد بدء ينظف الجرح وكان يسمع الحريم شوي شوي عليه..لاتعوره..مو لازم تنظف وغيره..بس ماقدر يميزالاصوات..الا صوتها كل ماتكلمت..ماقدر يتحمل وصرخ صرخه قويه..صدع راسها ماتدري وش سبب الصداع هل من اخوها او من قربه منها..خالد اللي ماقدر يتحمل واخذ حماده منها لان ماقدرت عليه واعطاه ابو وليد اللي جالس بجنبهم وقدر يمسكه ونظف خالد الجرح ولفه ومازال يبكي...
بعد حادث حماده ماتحرك من مكانه نام بحظن هديل وماد رجله وريمي جلست بجنبه وكل شوي تطل برجله وتقول..اح بوووووبووووووه..الجده منيرة وهديل واسماء اللي وعدت زوجها ماترهق نفسها بسبب تعب الحمل جالسين..وجاهم محمد وخالد ووليد وجلسوا عند الجده منيرة وخالد فرح لما شاف هديل واخوها نايم على رجولها وريمي بجنبها تلعب بتراب..
الجده:هلاوالله بعيالي ...
محمد:هلابيك يمه..عساك مبسوطه...
الجده:ايه يمه الحمدلله..يمه هديل قوليلهم يعجلون بالشاهي...لما حاولت تقوم هديل وترفع راس اخوها بشويش عشان ماتزعجه انتبه عليها خالد وجلس يتأملها..
وليد:اجلسي بروح اشوفهم.....
محمد يكلم زوجته:هاه اسماء تمشيتي والا من جيت وهذي جلستك...
اسماء والحمل متعبها واللي يشوفها يقول فيها تؤام برغم انهابالخامس:لا ماتحركت الا اذ تبغى تمشيني يله ...قاموا يتمشون..خالد اللي تمنى يسوا مثل ماسوا اخوه مع هديل اخ لو متملكين كان كل جلساتنا بروحنا...قطع حبل افكاره ريمي اللي تصرخ وتأشر على شئ وتقوول بع.."البنت كل شئ عندها بع"...يوم سمعت اختها نصبت ظهرها وجلست تتلفت وتقول وينه....."خالد ضحك عليها خوافه بشكل" ...
الجده:وش فيه..؟؟ وش بع يمه...
هديل بصوت خايف وتتلفت على وراء:مدري عنها...اكيد شافت شئ..جاهم وليد وشاف اخته تتلفت ومو مرتاحه بجلستها..وسمع ريمي تقوله يد بع(وليد بع)وتاشر
وليد مبتسم:وش فيه هديل..؟
هديل تحاول تتماسك بس صوتها فاضحها:مدري عنها تعال شوف وشووو؟؟...
جاهم وليد وجلس بجنب اخته ريمي وهي تاشر بيدها شاف وليد وقال خنفساء..سمعت هديل وعالطول قالت شيلها او اذبحها..خالد فاطس ضحك عليهم..جاء نواف وسلم عليهم وشاف الاخوان مشغولين وجاء عند وليد ويضحكون على ريمي اللي تشوتها بالتراب
هديل بخوف:تكفى وليد ابعدها ماقدراقوم حماده على رجولي..وليد ونواف فاطسين
نواف:ههههههههههههههههه ليش تخافين..؟؟؟
وليد يضحك:ماتشوف صوتها متغير من الخوف ههههههههههههههههههههه...
نواف بخبث:طيب وش رايك اذ شلتها وحطيتها فيك ههههههههههه..خلاص ماتحملت عالطول حطت راس اخوها بالارض وقامت تشوف وينها انصدمت لما شافتها قريبه منها وراحت عنهم وهي منحرجه ومعصبه..كل هذا قدام خالد اللي يضحك بصمت.. ..
ام محمد مستغربه:وش جابكم هنا ليش ماتروحون لخيمتكم؟؟؟
خالد:مافيها احد..اللي يتمشون واللي يشون..والباقين عندكم..ويوم ماشفنا احد قلنا بنونسكم جاهم ناصر ومعه صحن فيها الشوي.....
ناصر يجلس بجنب امه منيره:هاه يمه ذوقي من احسن شوي؟؟شويكم اوشوينا..؟
ام محمد تصب الشاهي:مافي احسن من شوينا لا يعلى عليه..
ناصربتحدى:طيب ذوقي واحكمي..باللحظة جت منال معها نوف شايله شنطه الخاصه بالرحلات اللي فيها الكراث والكيك والفصفص والمكسرات..ناصر شاف البنتين اللي جوا وعرفها من طولهاجلسوا ياكلون المشوي ويشربون الشاهي ويفصفصون
حماده بصوت فيه نوم:هزيــــل....هزيل...يبكي دلع....
الجده:هاه يمه وشلون رجلك..؟؟
وليد ويجلس عنده:هاه حماده وش بغيت..؟؟
حماده:ابغى هزيل....يبكي....."خالد يضحك الله من هديل لهزيل هههههه"..
خالد بحنان:الحين تجي راح تجيب مويه شوي وترجع...رجعت هديل مع اختها اللي كل شوي توقف تشوف شئ على الارض تاشر عيله وتشوته وهذا الشئ خلاها تتنرفز وتمشي عنها..
هديل باحراج:السلام عليكم...خالد يناظرها..
الكل:وعليكم السلام...جلست بجنب اخوها اللي يبغاها ويقول انه جوعان لانه مافطر ولااكل شئ "تعرفون الاطفال اذ شافوا اللعب ينسون الاكل"...
ام محمد وتعطى هديل الشاهي:وش تبغى اجيبلك..؟؟ سكت حماده ووحط راسه على رجلين اخته
هديل بصوت واطئ:اجيب لك خبزفيها جبن ومربي وعصير..هز راسه بالايجاب..ولما بعدت راسه تمسك فيها عشان ماتروح..
هديل بحنان:عشان اجيب لك الخبز والعصير..رفض حماده تقوم
ام محمد تقرب منه:خلها تجيب لك الاكل عشان تصير قوي وتطيب بسرعه ولاتعورك رجلك..هز راسه بالنفي..
الجده:روحي جيبي له اللي يبي وياكل..
ام محمد:متمسك فيها مو راضي يتركها..
الجده:نوف قومي جيبي له اللي يبغى بس العصير لايصير بارد
ام محمد:لالالا لاتجيبين عصيرجيبي علبه حليب..هاه يمه حماده تبي شاهي بالحليب..ويجون فواز وعبدالله ويجلسون عندهم...
عبدالله:اقول ناصر..وش رايك نسوي فريق كورة ونلعب..رفعت منال راسها تبغى تشوف مين هو ناصر "بس المسكينه مالاحظت شئ واعتقد انتم مالحظتوا..ان ناصر يدرس وهذا شئ عارفينه بالعايله وخالد توه متخرج ويشتغل..شلون راح عن بالها" ......
ناصر اللي انتبه على منال ترفع راسه وابتسم..مسكينه الى الحين ماتعرف اذ انا ناصر او خالد..
الجده:وشووووله الكورة مايجي منها الا التكسير والتعب..اجلسوا واربحوا العافي..نوف اللي توها جايه واعطت الخبزه لهديل وجلست بمكانها وبكى حماده بدلع..
هديل بحنان:وش شفيك....تعورك رجلك....ولمستها...وصاح
قرب خالد من حماده يشوووف اذ فيه حرارة او لا ويساله...توترت من طريقته
خالد باهتمام:وش تحس فيه..حماده يبكي وهو يأشر على رجله..
خالد:الحين اكل الخبزه واشرب الحليب عشان تصير قوي وتطيب بسرعه..وبدء ياكل بشويش وهديل تشربه الحليب..وجلس يراقبهم..
منال بصوت واطي:اقوول نوف مين فيهم خالد وناصر..؟؟
نوف باهتمام:بقولك بس علميني ليييييش..؟
منال بنرفزة:بس كذا ابغى اعرفهم ..الكل
نوف ماتطمنت لردها:عاد تصدقين انا بعد ماعرفهم..
منال:مالت عليك وعلى اللي يسالك...وجلست منال تراقب خالد وناصر وتشوووف وجه الشبه بينهم
وفجاءة سمعت واحد ينادي على ناصر وقام حبيب القلب منال فرحت وبغت تطير من الفرح ..ناصر ناصر..والله كنت شاكه فيك..
الساعه2 الظهر لعبوا الشباب كورة والاطفال هم المشجعين يصفقون ويصرخون..حماده جلس يلعب مع ريمي بالتراب والبنات جالسين برا الخيمه والجده دخلت فيها ..
الجده بالخيمه:هديل.....هديل.....
هديل تجلس عندها:سم يمه وش بغيتي..؟..
الجده:يمه روحي للسيارة جيبي البطانيه الثقيله برد هنا..قامت وراحت لسيارة..فتحت الباب لقته مقفل..رجعت للبنات وماحصلت عمتها "وش اسوي الحين..لامعي جوال عشان ادق على واحد من اخواني ..وعمتي مادري وينهامافي غير اسماء تنقذني".
هديل بتردد:اسماء...الله لايهينك....دقي على محمد قوليله ....خلي عبدالله يجيب مفتاح سيارة خالد....ابغى اخذ غرض لامي منيرة...
اسماء تطلع جوالها ودقت على رجلها وشوووي وقفلت منه
حنان زوجه بدر:اقوول اسماء انتي مسويه سونار؟؟؟
اسماء:لا والله ماسوووويت..ليش؟؟؟
حنان:وش عرفكم انه ولد يمكن بنت ؟؟!!!!...
اسماء تبتسم:اللي من الله حياه الله...هديل يقول خالد عند سيارته..انصدمت"ياربي اروح او اجلس توكلت على الله وراحت....تمشي بخطوات بطيئه..وقلبها يدق بقوة وترتجف ماتدري برد او خوف...شاف البنت الجايه وعرف انها هديل..
هديل بصوت واطي:امي منيرة تبغى بطانيتها...
خالد مبتسم:ان شاءالله...طلع من السيارة وفتح الشنطه اللي وراء وطلع البطانيه.واعطاهاومشت عنه
خالد:هديل ....لحظه....وقفت ومعطيته ظهرها...
خالد بتردد:اممممممم...وشلون حماده.."هذا وقته ماعندي سالفه"
هديل منزله راسها بصوت منحرج:بخير...مشت شوي
خالد:يعنى رجله ماتعوره...؟؟
هديل:لا.........مشت
خالد:هديل....امممممم....مدري اذ خالي فاتحك بالموضوع او لا....
هديل زادت دقات قلبها بقوة:اي موضوع...؟؟؟؟
خالد منحرج:احم احم ......موضوعنا انا وانتي...هديل مابغى رايك الحين...
بس ابغى اعرف مبدئيا....
هديل بحياء:مدري...."وش تبغاني اقول موافقه عشان اعطيك فرصه تتشفق علي او اقول اني سمعتك وانت ترفضني"...
خالد بحزن:طيب الله يحفظك انتبهي على نفسك وعلى اخوانك...عالطول مشت هديل من غير ماتتكلم معه ووصلت عند المخيم واعطت جدتها وجلست بالخيمه تفكر بخالد والسبب اللي خلاه يقبل من بعد ماكان رافض......
بعد صلاه العصراقترحت عليهم منال يجبون استريوا(مسجل كبير)من سياره اخوها فيصل واخذوا كم اشرطه وجلسوا يرقصون ويصفقون وكان صوته عالي...
حتى الاطفال يرقصون معهم اما الشباب(نواف ووليد وعبدالله وفواز)جلسوا فوق سيارتهم يناظرن ويعرضون بينهم..وكمل عليهم بتقي الشباب..حمد شاف امه وقعد يصفرويقول عاشت ام حمد بصوت عالي والكل يضحك عليه..ناصر غار من ولد خاله وقال عاشت ام محمد..ضحكوا الحريم عليهم والبنات انحرجوووا وقالوا ماراح نرقص الا لين يدخلون..
قرب موعد الغداء وكانت الساعه 4ونص ومرة وحده يصير عشى..بعد ما الكل تغدى وارتاح تجهزوا للرجعه..والكل بدء يشيل اغراضه ويدخلهم في السيارات...هديل شالت اغراض امها منيرة واخوانها ودخلتهم في السيارة..الرجاجيل هدوا الخيم وحطوها بالوانيت اللي يسوقه نواف ووليد..على الساعه 6 الكل كان جاهز وراكب بسيارته بعد ماصلوا المغرب..وانطلقوووا راجعين للبيوتهم
كانت بالمطبخ ترتب الاغراض مع عمتها...
ام محمد:هاه هديل ان شاءالله انبسطتي..؟؟
هديل مبتسمه:ايه والله انبسط...كان زين نطلع كل بعد عشرين يوم...
ام محمد متردده:هديل.....مدري هذا وقته افاتحك او لا....ابوك فاتحك بالموضوع؟؟؟"تذكرت خالد ليش هم مهتمين يعرفون رايي..."؟؟؟؟
ام محمد:هديل انا اكلمك وش فيك ماتردين؟؟؟؟...
هديل بضيق:ليش مهتمين بردي؟؟؟؟.....
ام محمد مصدومه منها:وش تقولين انتي..اكيد مهتمين..لو مو مهتمين كان ماسالنك..سكتت ولا قالت شئ غير تنزل راسها...
ام محمد وتحط يدها على كتفها:وش فيك هديل عيونك تقول فيها شئ؟؟؟
هديل منزله عيونها:خايفه يا عمتي.!!!
ام محمد مندهشه:خايفه من وشو...من خالد...او من الحياة الجديده...وضحي كلامكوصدقيني راح افيدك...طال صمتها..وطلعت من المطبخ وراحت لخالد اللي جلس
يشوووف جرح حماده
ام محمد بضيق:يله يمه خالد..مشينا...
خالد معقد حواجبه:وش فيك يمه..عسى ماشر..؟؟؟؟
ام محمد تتجنب نظرات ولدها وسبقته على السياره...وركبووووا وشغلها
خالد باهتمام:يمه وش فيه؟؟؟
ام محمد تحاول تكون طبيعيه:مافيه شئ...
خالد:هديل فيها شئ؟؟؟....وش فيها هديل يمه؟؟؟
ام محمد:والله مدري ياولدي...سالتها اذ ابوها فاتحها.......وسكتت
خالد على اعصابه:وش قالت...تكلمي يمه ؟؟؟؟....
ام محمد:تقول انها خايفه.؟؟؟؟؟ ....انصدم خالد من كلام امه...
خالد :يعنى شلون خايفه...افهم انها رافضه؟؟؟
ام محمد:لا مو رافضه..هي ماوضحتلي سبب الخوف لان الشغالات دخلوا علينا وطلعت انا
خالد بعصبيه:كان الله يهديك سالتيها وش سبب الخووووف..وحرك سيارته وهو معصب
ام محمد:بسالها يمه بس مو الحين بكرة او بعده..يمه خالد بشووويش خفف السرعه الحين يجينا شئ لاقدر الله...خالد مسك اعصابه واستهدى بالله ..ووقفوا عند اشاره
ام محمد بحنان:يمه خالد البنت ماقالت رايها..وانا ماسالتها عن سبب الخووووف لا انا ولاانت نعرف وش تفكر..وانت هدئ نفسك...
خالد:الله يخليك يمه......بكرة تروحين وتسالينها...
ام محمد تطمنه:ان شاءالله...ومايصير خاطر الا طيب..ابتسمت لماشافت ولدها يبتسم
اليوم الجمعه كان يوم صعب على هديل اللي ماذاقت النوم وجلست تفكر وتقول بنفسها"اخواني راحوا مع ابويومدري اشوفهم من جديد او لا..عبدالله ووليد اقدر بس هالاثنين وشلون..الله يصبر قلبي التعبان..خالد وش التغيير اللي حصلك؟ ليش كنت رافض بالبدايه والحين مهتم تعرف قراري؟؟عمتي فاتحتني بالموضوووع قبل وكانت فرحانه..وفجاءة نست الموضوووع لدرجه غابت عني وهذا دليل على ان خالد رافض من الاول...ياربي ساعدني...احس بنفسي بدوامه مادري شلون اطلع نفسي منها"....فجاءه سمعت طق على الباب..سكتت وخلت نفسها نايمه
صفيه تفتح الباب:هديل...يله قوووم....ماما مونيرة يبقى انتا..سكرت الباب قامت من السريرودخلت للحمام تاخذ لها دشولما خلصت عدلت نفسها ونزلت تحت...
هديل تحب راس امها:كيف اصبحتي يمه...؟؟؟؟؟ تجلس بجنبها
الجده:بخير...كل هذا نوم ماشبعتي.؟؟؟ تقهوي يمه....اخذت لها فنجان
الجده:هاه يمه ان شاءالله انبسطتي؟؟...
هديل مبتسمه:الحمدلله انبسطت دامك معنا...
الجده:الله يستر عليك ويوفقك ويرزقك الرجال الصالح..ابوك اتصل وقال بيمربيتغدى عندنا
"عرفت سبب جيت ابوها..ياربي انا مافكرت ولا اخذت وقتي يالتفكير"..
الجده:وش فيك هديل..عسى ماشر...؟؟؟
هديل تحاول تكون طبيعيه:لايمه مافيه شئ...يمه....اممممممم...ماقال ابوي ليش يبغى يجي؟؟؟...
الجده تبتسم:الا قالي قال بيسمع قرارك لانه سالني وقلته انك ماقلتي شئ...
هديل بتوتر:يمه...انتي ....وش رايك...؟؟؟....
الجده:ليش انا اللي بتزوج او انتي....ضحكت....نزلت راسها
هديل:يمه...انا خايفه....ومتردده....شوري علي
لوت الجده على بنت وقربتها عندها:والله يابنيتي هذا الشئ يرجعلك انتي...خالد ولد عمتك والكل يتمنى اشارة منه...مو عشانه ولد بنتي...لا عشان الكل يتمنى نسبه....انا بسالك يمه انتي استخرتي؟؟...هزت راسها بالايجاب...وش حسيتي؟؟..
هديل:مدري يمه....مرات احس بخوووف....ومرات براحه....مدري
الجده:طيب..انا اشوووف ان المده مو كافيه صح.."هزت راسها"..عشان كذا بقول لعمتك ولابوك عطونا يومين بس..زين كذا...
هديل ابتسامه رضى:زين.."قامت"..بروح اشوف وش بيحطون على الغداء
ومشت عن الجده وهي تدعي لها بالتوفيق والهدايه..وجاهم ابو وليد عندهم وعرف ان بنته محتاجه تفكر اكثر..ووضحت له ان المده قليله ولا كان عندها وقت تفكر وبعد يومين تقول رايهاوصل الكلام لنورة اللي حست بخوف وان هديل فعلا خايفه من شئ..اما خالد ضاق بالبدايه وبعد ماسمع كلام حمد المده كانت جدا قصيرة وان البنت لها الحق تفكر اقتنع ورضى ومشى اموره مثل ماهي
نزل وليد يبغى يطلع ومر من عند الصاله ...
ام وليد تبعد السماعه:وليد ابغاك شوي لاتروح...جلس يكلم اخوانه الصغار...بس عبدالله لاحظ التغييربينه وبين امه..وسكرت منالتلفون وطلبت منه يتكلمون بالخيمه..
وليد:هلا يمه وش بغيتي...قربت منه
ام وليد وعيونها مليانه دموع:ابغى...ولدي وليد اللي فقدته...وفقدت ضحكته..فقدت يايمه....فقدتك.....وحظنته
وليد بجديه:اذ انتي يايمه فقدتيني...انا وش اقول لما فقدت اختي...يمه ليش سويتي كذا الله يخليك قوووولي لييييييييش؟؟؟....
ام وليد خاقنتها العبرة:والله ياولدي مو بيدي خالك الله يهديه اصر علي وانا وش اسوي غير اوافق.
وليد بنرفزة:كان اصريتي على رايك..حرام اللي سويته مايجوز لايرضى الله ولا رسوله
يمه..كان بامكانك رفضتي مو تسمعين كلامه..هديل محتاجه لك ولحنانك وانتي تجازينها كذا
طيب قووولي وش استفدتي من هذا كله ولا شئ...خسرتي ابوي وخسرتينا...وخليتي هديل تخسرنا كعائله...حرام يمه حرام
ام وليد تصارخ:بس يمه بس يا وليد والله اللي فيني كافيني ....بكت
وليد تعاطف مع امه:خلاص يمه خلاص...لاتسوين بروحك كذا وحب راسهاومشى ....
ام وليد:وليد.."وقف"..عشان تعرف اني ماكذبت عليك يوم اقووولك ان خالك ناوي يخطبها!
وليد معقد حواجبه:شلون يعنى مو فاهم..؟؟؟
ام وليد:خالك توه مكلمني بالتلفووون يقووول ارتب موعد مع ابوك عشان يخطب هديل ..انبسط ووفرح لان امه ماكانت تكذب عليه...
وليد بفرح:الله يكتب بمافيه الخير..والحين يالغلا تامرين شئ...
ام وليد مبتسمه:ابغاك سالم وترجع لي وليد الحنون...مسحت دموعها
وليد يحب راس امه:تامرين امر يا الغلا..يالله مع السلامه..
ام وليد:بحفظ الله ورعايته...وطلعت من الخيمه وهي مرتاحه بس باقي ابو وليد....
في بيت الجده منيرة ام محمد جالسه مع امها وكانت تسالها عن سبب خوف هديل
ام محمد تطل من الباب مبتسمه:السلام عليكم...شلونك هديل؟؟
هديل تمشط شعرها:وعليكم السلام هلا عمتي...ماحد قالي انك هنا...
ام محمد:انا قايله لهم لاحد يقولك بخليها مفاجاءة....
هديل:شفتي امي منيرة..؟؟؟.....
ام محمد:ايه شفتها وقالت تبغى تنام شوي...امي واعرف اوقاتها ..اقوول هديل..."هنا دق قلبها..الله يستر"....فكرتي بالموضوع ترى بكرة نبغى نسمع ردك....
هديل نزلت عيونها:عمتي....انا...انا خايفه....
ام محمد:من وشو خايفه....هديل تراك متغيره علي كثير مو هديل اللي اعرفها...ماصرتي تقولين لي شئ....يمه قووولي صارحيني يمكن سامعه او شايفه شئ حنا ماشفناه ولاسمعناه..تكلمي وانسي اني ام خالد...بالاول والاخير انا عمتك اللي ربيتك
هديل:عمتي....انا مابغى شفقه من احد وخاصه من خالد....نزلت عيونها
ام محمد بعد ماطال سكوتها:ليش سامعه شئ...؟؟
هديل بتردد:عرفت ان خالد بالاول رافضني والحين يبغاني...وش اسمي هذا ياعمتي..
ام محمد بنظرة غضب:وشلون رافضك والحين متقدم لك يبغاك على سنه ورسوله......
هديل بعبرة مخنوقه:لانه يشفق على يا عمتي....وانا مابغى شفقته....حطت يدها على فمها وبكت بصمت.....
ام محمد بعصبيه:ومن قال انه يشفق عليك..سمعتيه يقول انا ابغى اتزوج هديل عشان اشفق عليها واكسب فيها اجر.."بصوت عالي"...سمعتي كذا او لا...
هديل خافت من نبرتها:لا...لا ماسمعت....
ام محمد بعصبيه:ودامك ماسمعتي ليش تقولين يشفق عليك..ماتقووولين تكلمي.....بكت وجلست على الارض ماقدرت تتحمل وعمتها واقفه تناظر فيها استغفرت ربهاوجلست بجنبها..
ام محمد بحنان وتمسح على شعرها:هديل يمه..شيل من بالك اننا نشفق عليك..حنا نحبك.
ونبغى لك الزين..يعنى لو محنا حرصين عليك وعلى موضوع زواجك من خالد نكون مانشفق عليك.
هديل بصون مبحوح:فسري لي سبب موافقته الحين برغم انه كان رافض قبل..
ام محمد:طيب وش عرفك انه رافضك انتي شخصيا..يمكن رافض شئ ثاني وانتي ماتعرفيه.. هديل:لا رافضني ....لاني سمعت عمتي سارة تقوله احد يرفض هديل...وبكت
ام محمد تحتظنها وتبتسم:اثريك يابنت اخوي دلوعه ماتبغين احد يرفضك هاه...صدقيني لو خالد رافضك هو الخسران..بس انتي فهمتي الموضوع غلط..
هديل بين دموعها :شلون فاهمه غلط..وضحيلي؟؟
ام محمد تقيمها وتجلسها على السرير:خالد ماكان رافضك انتي رافض فكرة الزواج لانه توه متخرج
ويبغى يكون حياته..وعلى فكرة قالي احجزك له الين ماتيسر امورة ويكتب ربي الزواج وهذا الكلام قاله لسارة اذ مو مصدقتني..
هديل:ليش وش شايفني بضاعه انحجز او تذكرة ....
ام محمد تضحك:ههههههههه نفس رد عمتك سارة ههههههههههههههه بس عمتك غسلت شراعه..هديل..شيله فكرة الشفقه من راسك..والله لو يسمعك خالد يغسل شراعك..ابتسمت لها
هديل:عمتي..بعد بكرة اخر فرصه صح...هزت ام محمد راسها....يعنى لو رفضت ماتزعلين مني...خافت هديل من تصرف عمتها لما حطت يدينها على حلقها(العنق)
وكانها تبغى تخنقها...
ام محمد ضاغطه على سنونها:مو ازعل الا اخنقك.."وبعدت عنها"...لعنبوا دارك انا ابيك بجنبي تقولين ارفض..مو الحين تقولين شفقه ترى بذبحك....ابتسمت لها
هديل:لالالا كل شئ ولا عمتي خلاص بعد بكرة تسمعون ردي بس بشرط...
ام محمد بدهشه:وبعد تتشرطين..."شافتها تضحك"...قولي شرطك يا بنت ابراهيم
هديل وهي تروح عند الباب:ابغى ابوي يكون فيه لان لصار رفض يحميني منك...عالطووول فتحت الباب تنحاش من عمتها اللي تلاحقها...وهي تنزل من الدرج تصارخ وتنادي
امها منيرة وفجاءة...وقفت عند اخر الدرج وشافت مال يكن بالحسبان...وعالطووول تداركت نفسها وطلعت فوووق..وعمتها تضحك عليها
ام محمد تطل من تحت لفوق:ههههههههههه احسن عشان ماتتشرطين ههههههههههههههههههههه وراحت عند خالد وامه اللي مصدومين من تصرفاتهم....
الجده مندهشه:وش فيكم انهبلتوا على اخر عمركم.؟؟؟
ام محمد تلبس عبايتها وتضحك:ههههههههههههه والله مو انا بنت ولدك ههههههههههههه احسن جزاها واكثر ههههههههههههههههههه ....
خالد بحيرة:ليش وش مسويه لك..؟؟ .....
ام محمد بخبث:اذ اعرست اسالها ....حبت راس امها...مع السلامه يمه ..وطلعوا و نشب في امه الا تقوله وشصاير بينهم بس ماقالت له جلسته على اعصابه..اما هديل اللي تضحك على هبالها هي وعمتها وجلست تلوم نفسها..
بعد صلاة العشاء كان ينتظره بالخيمه هو مع اخوه الكبير يوسف لان ابوهم متوفي وكانت اختهم جايبه لهم الشاهي..ودخل البيت نادته زوجته ..
ابو وليد:حي الله من جاناء..تو ماتبارك البيت؟؟
يوسف:متبارك باهله..شلونك يابو وليد وشلون الشغل معك..؟
ابو وليد:الحمدلله..ومن ناحيه الشغل خلها على ربك..؟؟
يوسف بتردد:شووف يابو وليد بندخل معك بالموضوع عالطووول..
ابو وليد باهتمام:خير ان شاءالله..
يوسف:الخير بوجهك...حنا طالبين القرب منك في بنتك هديل لاخوي ماجد..
ابو وليد ببرود:حياكم الله..بس مدري وش اقولكم...
يوسف:خير يا يو وليد..؟؟؟
ابو وليد:والله البنت جاين لها ناس متقدمين..
ام وليد بعصبيه:متى جوها؟؟.محد قالي!!!..
ابو وليد بدء يعصب:يعنى انا اكذب..وليش نقولك؟؟..
ام وليد:بس اقل شئ ما انحرج قدام اخواني..
ابو وليد:وهذا انا اقولك البنت انخطبت...
ماجد بحزن:انخطبت او جاوها ناس متقدمين..؟؟؟
ابو وليد:عشان ابرئ ذمتي وترتاحون...جاوها ناس بس للحين ماردينا عليها...
ام وليد بنظرة تحدي لزوجه:اعتقد ماجد اخوي احق منهم وانسب واحد لبنتك...
ابو وليد بابتسامه خبثت وهو قايم:والله الناس المتقدمين انسب من اخوك مع احترمي الشديد له..واسمحولي جاي تعبان من الدوام وابغى ارتاح..عن اذنكم..وياليت تكررون الزيارة بمناسبه احلى من هالمناسبه...وطلع عنهم
ماجد بقهر:وش فيه زوجك..كاننا ماكلين حلاله..؟؟؟
ام وليد:مو معكم انتم حتى انا متغير علي...
يوسف باهتمام:والسبب...مو معقوله يتغير يوم وليله من غير سبب..ناظرت اخوها ماجد وجلست تفكر بالعريس المتقدم لها...عهدت على نفسها ماتخليها تتهنى وتخليها ترفض عريس الغفله وتوافق على اخووها..
منال:هاه وش قلتي..والله يقولون منزلين بضاعه جديده...
هديل بحيرة:والله مدري وش اقوولك باخذ راي ابوووي واخذ منه فلووووس تصدقين محتاجه كم قطعه وخاصه ان شذى وامها بيجوني يوم الثلاثاء..و....
منال بعصبيه:الحين شذى تبغى تجيك ولا تعزمينا انت ووجهك...
هديل تضحك:ههههههههههههه وربي كنت بعزمكم بس انتي سبقتي واتصلتي ههههههههههههههههه
منال :لاوالله يعنى لو ماتصلت ماعزمتينا ..خلاص ماحنا جايين...
هديل:ههههههههه ياشينك عاد ههههههه والله قبل شوي مسكرة منها تاكدت جيتها..تجين؟؟..
منال:امممممممممم افكر وارد لك خبر..المهم بكرة بنمرك على المغرب واذ على الفلوووس مو مشكله نعطيك من عندنا...
هديل بضيق:لالالا مايحتاج تعطوني انا اكلم وليد وياخذ من ابوي..مين بيوديكم.؟؟؟
منال:مدري عن عمتي تعرفينها ماتحب تركب مع سواقنا تقول يطير فينا...بس اكيد نواف
هديل:خلاص انا بقول ابوي وامي منيرة وارد لكم خبر بكرة العصر حلووو...بعد ماتفقوا سكرت وراحت عند امها منيرة واستأذنتها ودقت على وليد وتكلموا مع بعض وقالتله عن طلباتها....
اليوم الموعد والحاسم عند خالد على الغداء ام محمد وخالد وناصر اللي عازم حمد يتغداء معهم مو لله عشان يطفرون بالمسكين وابو محمد سافر يشوف مشروع ومنها يخلص اعمال متعلقه بالشركه ..
ام محمد:هاه يمه خالد تبغاني اروح واجيبلك الخبر او تنتظر..؟؟
ناصر وحمد يضحكون على شكل خالد لما جابت امه الموضوووع وكان عاقد حواجبه ومتضايق بالمرة وشاف هالاثنين يتساسرون ويضحكون...
خالد بعصبيه:والله العظيم اذ ماتركتوا حركاتكم ماراح يصر لكم طيب...
ام محمد:الله يهديك خلهم يضحكون اصلا هو محترين منك لانك بتودع العزوبيه خلاص وهم على حط يدينهم لايهشون ولايكشووون ههههههههههههههههههه..
ناصر بغرور:اصل حنا اللي نبغى نكون عزوبيه والا وش لنا بعوار الراس والتعب..ياخي طيع شوووري وهون وصف معنا وكمل العدد...
خالد:لاياشيخ عشان نصير العوانس الثلاثه لالالالالالالالا ابغى افرح واتهنى بعمري مو اذ شيبت
وراحت علي قلت بتزوج لالالالالا انا عاجبني وضعي ورجاء لاتخربون مخططاتي...
ناصر+حمد:ههههههههههههههههههههههههههههههههههههههههه هههههههههههههههههههههههههههه
ام محمد:ايه صادق اجل يجلس ويحط يده على خده ويشفوا هذا مع زوجته وهذا مع عياله ويتحسر..الا من الحين يتهنى وينبسط..والدور عليك يا ناصر....
ناصر طير عيونه وسكت فجاءة:وشلون الدووور علي..خلصتي من خالد جاء دوري لالالالا اذ نويت بقووولك لاني منشل على غزال هههههههههههههههه....
ام محمد بفرح:والله من هي..نعرفهم يعرفونا...
ناصر بغرور:كل شئ بوقته حلو..ياحلو انتا..."ضربه حمد على كتفه"...اي اي والله يدك قويه شوي شوي ....ترى انا ماتحمل رقيق هههههههههههههههه..ضحكوا عليه
حمد بعصبيه:هاه يا الخاين توك تقووول مافي احسن من العزوبيه..ماقول الا مالت عليك وعلى اللي ياخذ بكلامك ويماشيك....اقوول عمتي انا مع خالد دوري لي على عرووووس.."يناظر ناصر بنص عين"..مو مثل بعض الناس مالهم راي كلمه توديهم وكلمه تجيبهم.....وماحس الا مويه بارده على وجهه وتبلد من غير حركه..ضحكووووا على رده فعله.......
حمد بقهروعصبيه:اللي يرشني بمويه ارشه بقاز.....وقام اخذ جيك المويه يبغى يصب على ناصر اللي انحاش لبرا وهو وراه...
ام محمد+خالد:هههههههههههههههههههههههههههههههههههههههه ههههههههههههههههههههههههههه
وبعد شوووي جاء وجلس وكمل غداه وكان شئ لم يكن
ام محمد تمسح دموعها من الضحك:خله عنك هههههههههههههههههه ترى هذه حركاته على الغداء
خالد فاطس ضحك:ههههههههههههه استغرب منه عند ابوي يقدر يمسك نفسه هههههههههههههههههههه وش سويت باخوي ليكون ذبحته ههههههههههههههههههه
حمد بجديه:لو حصلي ذبحته...اهب عليه زئبق ماقدرت الحقه عالطووول انحاش...
ام محمد:بسم الله على ولدي اذكر الله عليه ههههههههههه ايه والله صدقت ياخالدانا بعد ملاحظة مايسوى شئ عند ابوك ههههههههههههههه نادر مايترك حركاته ههههههههههههههههههه
حمد:يا ليتك يا ابو محمد موجودك معنا...تصدقون توني احس بقيمته..ماحس الا ضربه من
خالد على راسه بس بخفه....
خالد يضحك:اجل ابوي ماله قيمه ..اسمع المثل اللي يقووووول/انا وابوي على ابن عمي
وانا وابن عمي على الغريب/
حمد بخوف:يووه غيرووا المثل اللي اعرفه انا واخوووي وشلون صارت انا وابوووي..افااااا اجل انا اللي مالي قيمه..وابو محمد تراه ابوي قبل مايكون ابوك...."وكانه زعلان"......الله كريم الله ماينسى عبده....ضحكوا على هباله.....
ام محمد:حمد وش سويت بولدي عاد هذا الغالي مارضى عليه...
حمد بخبث:لاتخافين عمتي ولدك بالحفظ والصون..بس خليته ينقع بالبرد الين مايتجمد ويحس على دمه شووووووي هههههههههه......ضحكوا الكل على ناصر لانه مايحب البرد وراح خالد يشووف اخوه وجوووا وهم ينتفض من البرد واعلن الهزيمه عالطووول..ووعده عشيه على حسابه وبالمكان اللي يبغاه وكملوا غداهم والكل يضحكون عليهم...
هديل ومعها صينيه القهوة:يوبه كان جبت حماده وريمي معك..؟؟؟
ابو وليد:لو اجيبهم والله يتعلقون فيك مايطلعون..الله يصلحهم...هاه هديل فكرتي زين..واستخرتي.."هزت راسها"..طيب وش رايك؟؟؟
هديل بخجل:..........اللي تشوفه.....ونزلت عيونها ووجهها حمر
ابو وليد فرحان:الله يكملك بعقلك ويسعدك ان شاءالله...الحين ببشر عمتك اللي صاجتني من المغرب....وطلع جواله ويبغى يدق على اخته
هديل منحرجه:لحظة يوبه...!!!!
الجده باستغراب:وش فيك هديل مو انتي موافقه وش فيه بعد ثاني....
ابو وليد يطمنها:لاتخافين يا هديل...انا قلتلك اذ ماوافقوا مالهم شئ عندي....ابتسم لبنته اللي نزلت عيونها من الحياء..
الجده بعصبيه:وش فيكم انت وبنتك تتكلمون بالالغاز؟؟؟!!!!!!..
ابو وليد مبتسم:مافينا الا كل خير...بس هديل تبغى تكل دراستها وهذا شرطها..
الجده:وشوله تكمل دراستها تجلس ببيت زوجها احسن...
ابو وليد:انا من رايي بنتي وحتى اذ مارضت انا بغصبها تكمل...
الجده:وانا بعد عندي شرط.....طارت عيون ولدها وناظر بنته مستغرببين ..
"شكل العجيز خرفت وبقوة"....
ابو وليد مستغرب:وش شرطه يمه؟؟؟.....
الجده:يعيشون معي هنا...والا مالهم شئ عندي.."ضحكوا عليها"..تقل الكلام مو عاجبكم؟؟!!!....
ابو وليد:هههههههههههههههه لالالا عاجبني بس هالكلام تشاوينهم مو تشاوريني انا...
الجده بجديه:هاه هديل وش رايك؟؟؟؟.....
هديل منحرجه:يمه انا ودي اعيش معك عالطوووول...بس مدري عن وضع خالد....
الجده:لالالا ماعليك منه انا اقنعه....كلم اختك بشرها وقلها عن شروطنا..واتصل عليها يبشرها وكان عندها خالد اللي مشتعل بمكانه..وام محمد مبسوطه من داخل وخلت نفسها متضايقه تبغى تلعب على اعصاب ولدها اللي كل شووي يأشر بيده ويسال وش الرد..
ام محمد عاقد حواجبها:ايه...ايه....ان شاءالله......وامي بعد...
"ام محمد ماسكه ضحكتها"..ايه.....دايم هذا راي هديل بكيفها.....وامي انا بتفاهم معها..خالد..."تناظرولدها"....انا افهمه واقوله بطريقتي..لاياخوي ترى
مهما صار نبقى اهل وهديل بنتي.."تناظر ولدها اللي نزل عيونه"..ان شاءالله...اول مايوصل ابو محمد ابلغه....مع السلامه
خالد بضيق:....رفضت..؟؟؟......
ام محمد تحاول تمسك نفسها:والله يايمه مدري وش اقولك..كل شئ مكتوب..قام يبغى يطلع
ام محمد مسكته:وين يمه.....استهدى بالله.....واسمعني وافهم اللي بقوله....
خالد بعصبيه:وش اسمع يمه....خلاص مافي مجال للكلام والتفاهم...
ام محمد وقفت بجنبه:استهدي بالله..هههههههههههههههه اجلس واسمع اللي بقوله هههههههههه
خالد يطالع امه بعصبيه:يمه يعنى انتي الحين مبسوطه لان الاميرة هديل رفضت..مو زعلانه..
خالد:يمه........انا اطلع احسن لي.....ومشى عنها..
ام محمد تضحك:هههههههه خالد هههههههههه اصبر هههههههههههمن قال انها رافضه ههههههههههه
خالد وقف مكانه:هاه يمه وش تقووولين...ماسمعت اللي قلتيه"امه تضحك"يمه الله يخليك اتركي الضحك وكلميني....
ام محمد تجلس:آآآآه...ههههههههههه..اسمع يمه..البنت موافقه...
خالد بفرح:والله...احلفي انها موافقه....
ام محمد تمسك من اذنه:من متى وانا اكذب عليك....ايه موافقه ..مبروك يايمه..
خالد طاير من الفرح:الله يبارك فيك يا احلى واغلى امي بالدينا...بس ليش قلتي انها مو موافقه
ام محمد مستغربه:انا قلت..لا غلطان انت اللي فسرت على هواك والا انا ماقلت شئ...
خالد:ولايهمك انتي ماقلتي بس علامات وجهك وكلامك تدل انها رافضه...
ام محمد تبتسم:حبيت احرق اعصابك شوي....
خالد:واهون عليك هههههههههههه..يمه ماقال خالي متى نجيهم ونتكلم عن كل شئ
ام محمد:انا ببلغ ابوك وهو يحدد كل شئ مع اخوي...بس يمه البنت عندها شرط وقبل مايكون شرطها شرط اخوي بعد....
خالد استغرب:الله يستر...وش شرطه....؟؟؟
ام محمد:لاتخاف شرط عادي..وكل بنت تتشرطه...
خالد:يعنى بيت بروحها ..لالالالالا...انا بسكن عندك هنا مو انتي تقووولين انك اخترتيها عشان تكن بجنبك...لالالالالا تشيل هالفكرة من راسها...
ام محمد تضحك:هههههههههه من الحين بتقول لالالا على كذا لو تدري ما وافقت...لا مو السكن تبغى تكمل دراستها...؟؟
خالد:تدري كنت بطلب منك تقولينها اذ اخذت الاستاذ خالد لازم تكمل دراستها....قوليهم الشرط مقبول ..شروط اخرى هههههههه
ام محمد بغرور:بعد الاستاذ مرة وحده...المهم ايه فيه شروط..بس مو هي
خالد :مين اجل..ليكون خالي...؟؟؟
ام محمد تضحك:هههههههههههههههه لامو خالك ههههههههههههههههههه امي منيرة
خالد طايرة عيونه:هههههههههههههه امي منيرة ههههههههههههههههههههه مين اللي بيعرس
هي او هديل......"ضربته امه على كتفه"...
ام محمد بعصبيه:خويلد استحى على وجهك....
خالد يضحك:ان شاءالله...بس خويلد مو كبيره بحقي...ماعلينا وش شرط ام منيرة
ام محمد:تقول تبغاكم تعيشون عندها...
خالد: اعيش عندها...انتي يمه وش تشوفين..؟؟؟
ام محمد تقوم عنه:والله شئ راجعلك انت وياها خلها للايام تحلها..وراحت عنه
خالد اللي فرحته مو سايعته وطلع عالطووول جواله واتصل على حمد واتفقوا يتقابلون بالمقهى اللي يجتمعون فيه..اما هديل بعد ماقالت لابوها عن طلعه السوق واعطها اللي يبغى طلعت لغرفتها تفكر ماتدري كيف تفهم اللي داخلها هل هو خوووف من الحاضراو سعاده ودعت ربها يوفقها ويعطيها على قد نياتها ويسعدها مع خالد ..
وانتشر خبر خطوبه خالد على هديل والكل تمنى لهم السعاده والتوفيق
واتفقوا الرجال على كل شئ وتحددت الملكه في اول الشهر اللي يدخل عشان الكل يأخذ راحته بالتجهيز وبتكون باستراحه خاصه بالحفلات ...
ام محمد تشاورهم:نبغى نعزم بس الامهات الكبار..وشوووله نكثر خلق الله
الجده بعصبيه:لالالالالا انتي ماتستحين على وجهك وش يقولون علينا..لا اعزميهم كلهم مع بناتهم وحريم عيالهم ....
ام نواف تتدخل:الله يهديك يمه نورة صادقه وشووله نعزم الناس وبالنهايه وش نحصل يالحسد اوالعين وفوق كذا الضحك والشماته..
ام محمد:يمه الحين تذكرين يوم ملكه محمد بالله وش حصلنا منهم غير الشتايم واكثرها للعروس يطلعون اشياء ماهي فيها..لالايمه اسمحيلنا الملكه مقتصرة علينا وعلى الناس الكبار اما البنات وحريم عيالهم لالا مانبغى احد..
الجده:طيب طيب سوا الي تبغونه بس خالاتك وخوالك اول المعازيم وانتم بكيفكم..
ام محمد:ولايهمك خل كل شئ على..سارة انتي حجزتي في المشغل اللي قالت عنه اسماء؟؟
ام نواف:ايه حجزت وبعد يومين البروفه..الله يهديك يانورة كان خالد اول عيالك بيعرس ماسويتي كذا بزواج محمد..؟؟
ام محمد تبتسم:ايه ماسويت كذا بس لاتنسين ان هذي اول بنت لي ولازم افرح فيها..المهم الحريم نبغاه بوفيه..والرجال ذبايح مو احسن..؟؟؟
الجده:وش البافيه؟؟ حطوهم ذبايح وشوووله التعب..
ام محمد:يمه الله يسلمك نبغى نغير كل جماعتنا يحطون ذبايح ومحمد نفس الشئ خلونا نغير شوووي
ام نواف:ايه والله احسن..اقوول وش رايكم نجيب مطربه(طقاقه)..والله وناسه
ام محمد:لالاماله داعي لو انه زواج..بوصي ناصر يجيب استريووا خاص بالمناسبات يقول يعرف وين يحصلهم..ايه صح وش صارعلى المصورة.؟؟؟
ام نواف:على كلامك تقولين منال تعرف وحده تصويرها جنان وللحين ننتظرها..
ام محمد معصبه:وش تنتظرووون طيب كلميها انتي تعرفين مابقى على الملكه الا كم اسبوع وحنا ماسوينا شئ...
ام نواف تطمنها:انتي لاتعصبين ولا تزعلين نفسك..الحين ادق عليها واخذ رقمها..
باللحظه نزلت عليهم هديل وباين انها كانت نايمه..وسلمت عليهم وجلست بجنب امها..وعمتها دقت على منال اللي قالت راح تجي بعد ساعه..
الجده بفرح:هلا والله ببنيتي هلاوالله بالعروس..تعالي شوفي عماتك وش يخططون لكم..؟؟
هديل منحرجه:وش تخططون..شاركوني معكم....
ام محمد:نشووف وش قاصرنا واللي خلصناه...هديل ماناقصك شئ..كل شئ عندك
ومو محتاجه شئ..؟؟
هديل:لا كل شئ عندي بس انتظر الفستان بصراحه اني خايفه مايضبط..
ام محمد تبتسم:وانتي كله خايفه مرة تفائلي..اطمني ان شاءالله راح يضبط اسماء تقول شغلهم زين
ام نواف:ماشاءالله عليك يا نورة لولا الله ثم اسماء كنا مادبرنا اعمارنا..الله يسهل عليها حبيبه هالبنت..وفوق كذا هديل ماشاءالله عليك يااختى ربي راضي عليك...
ام محمد:الحمدلله هذي من دعاوي الوالده الله يخليها لنا...المهم وش رايكم نختار اغنيه معينه عشان هديل وخالد يدخلون.."وقف قلب هديل وش يدخل معي"...
هديل وجهها محمر:لالالا وش يدخل معي مالها داعي..فطسوا ام محمد وام نواف على رده فعلها
الجده تقوم تبغى تنام:لاتضغطون على بنيتي ماتبغى تدخل مع خالد خلاص مو لازم..وراحت عنهم
ام محمد:ليش ماتبغين يدخل لازم يدخل عشان يلبسك الشبكه..
هديل:طيب انا مابغى يدخل واذ عن يلبسني انتي عمتي لبسيني مافيها شئ..
ام محمد تبتسم:لو يدري خالد لعن ابو خامسك..بلا دلع بنات وتوكلي على الله..
هديل بخوف:تكفين عمتي ماله داعي يدخل لاتحرجوني....
ام نواف تجلس بجنبها:خلاص ولا يهمك"تغمز لاختها"ماراح يدخل...وجتهم منال واعطت عمتها نورة رقم المصورة واتفقوا معها على كل شئ .. تقريبا خلصوا من التجهيزات بس باقي يشفون الاستراحه والملابس تطلع من المشاغل وكل شئ يصير تمام....
جالسه بالصاله تنتظر زوجها..وكانت الساعه 12ونص بالليل..
ام وليد ببرود:تو الناس كان ماجيت..؟؟؟ وقف ابو وليد على الدرج لما سمع الصوت
ابو وليد بتعب:خير يا شيخه اذ عندك كلام اختصري لاني تعبان وجوعان نوم..
ام وليد وقف بجنبه:مبروووك على خطبه هديل..
ابو وليد بنظرة برود:ليكون منتظرتني عشان تباركيلي..ومشى عنها
ام وليد:لا مو عشان كذا...ابراهيم...عيالك محتاجين لك...صاير ماتجلس بالبيت ولاتسال عنهم..عطهم فرصه يجلسون معكم تسمعهم يسمعونك..كل هذا شغل ترى العمر يخلص والشغل مايخلص..
ابو وليد:انتي ماتدرين معاملتي مع عيالي وكانك تراقبيني..قصدك معاملتي معك انتي..وراح عنها
جلست ام وليد بقهر وهي تتافف من تصرفاته معها بالاواني الاخيرة مرة تغيرت...
قبل الملكه باسبوع لفوا اسواق الرياض و يدخلون من محل لمحل..
حمد:حرام عليك هلكتنا..خلاص ارضى باللي تشوفه واللي يعجبك..
خالد يبتسم:ياخي ليش تجي معي دامني هلكتك..وبعدين انا ابغى شئ يناسب هديل..
حمد بخبث:يناسبها او عشان تقووول"ينعم صوته"خلودي حبيبي عنده ذوووق...وبعدين البنات اي شئ يعجبهم خذلها اي شئ حلو...
خالد يضحك:ههههههههههههههههههه الله يرجك ياشيخ..لالامو اي شئ يناسب لها..تدري ياليت اخذت ناصر بدالك..ذليتنا
حمد:ماعاش من يذلك يا المعرس..خالد غربيه ماطلبت تشوفها او انك سويتها من وراي؟؟..
خالد:ههههههههههههه لا ماسويتها..بس تقدر تقول سويتها قبل كل شئ..
حمد مستغرب:وشلون سويتها قبل كل شئ..فهمني ترى مرات ما افهم..!!!!
خالد:ههههههه ماكذب ناصر يوم قال دلخ هههههههههههه
حمد بعصبيه:عن الغلط..وبعدين انت واخوك دلووووخ..بتقووول والا وريتك شغل الله ..
خالد:ههههههههههه قلتلك وش تبغاني اقووووول..؟؟
حمد بعصبيه:قووول سويتها قبل كل شئ ؟؟؟؟ قوووول ماصارت ذليتنا..؟؟
خالد:ماعاش من يذلك...هذا ياطويل العمر بالصدفه شفتها نازله من الدرج وبس..
حمد مستغرب:وشلوووون تنزل من الدرج ؟؟مو مستوعب وضح اكثر ياشينك اذ سحبت بالكلام؟؟؟
خالد:اجل من وين تنزل يا عبقرينوا زمانك..تنهد..افهمك ..وقاله السالفه ...
حمد:بالله خالد انت وافقت عشان عمتي او عشان شفتها...
خالد مبتسم:عشان عجبتني وقلت هذه اللي تناسب لي..وفرحت لما قالت امي تبغاني لهديل..
حمد:طيب انت ماتعرفها وشلون عرفت اللي نزلت من الدرج هديل واللي خطبتها امك هي نفس البنت
خالد يضحك:هههههه لالا الحين اثبت انك دلخ هههههههه شوووف ياابو صالح...انت نسيت ان هديل عاشت معنا وهي صغير لين ماصار عمرها 7سنين انا عرفتها من شعرها...
حمد مستوعب:ايه صح..كذا مرة اسمع اخواتي يقولون يبغون يصبغون شعرهم مثلها..هو وش لونه احمر مثل الرويات او اصفر.؟؟؟؟
خالد:ماشاءالله عليها نحتوووها بعيونكم..لايا ذكي مو احمر ولا اصفر مثل ماتقووول ومثل ماتفكر بخيالك الواسع..شعرها اسوووود..وبعدين من سمح لك تتتكلم عن حرمتي ..هاه..
حمد بخوف:بسم الله للحين ماصارت حرمتك وبعدين انا مااقوول اخواتي يقووولووون..خالد
وش شعووورك وخاصه ان الموعد قرب..؟
خالد:اسكت ياحمد احس بخوف وفرح مدري وشلون اوصفلك..تدري اذ خطبت تعرف شعوري
حمد:اجل خلاص بقول امي تخطبلي من الحين..وخاصه مابقى غير ترم والله يسهل..والقى وظيفه..تصدق ودي اقدم على الشرقيه..
خالد مستغرب:ليش عاد الشرقيه..نسيت ابوي واعدك بوظيفه..والا تشوف غلاك عندنا
حمد يبتسم:لا والله مو القصد..بس تقدر تقول بجرب حظي..
خالد:ايه اذ خلصت يصير خير المهم المحل اللي فيه الالماس تتوقع يناسب..
حمد:تبي رايي والله حلو واحسه ناعم مرة انت توكل وخلص..ترى عمتى ماراح تخليك اذ جيت لها بيدين فاضيه....انت دخلت على هذاك"يأشر على محل"...
خالد:لاماشفته..المهم ماطلبت لك شئ وش تشرب؟؟...
طلع فستانها وكان في قمه الروووعه..الوانه والموديل مخليه جنااااااااااااان كان لون فوووشي المائل للوردي وكان عبارة عن بدي من غير خيوط وتنورة حريروفوقه تل ناعم وكم جوبينيزقصيرمشغول عليه بشكل ورد مبتدئ من الصدرلحد الخصر..ومن عند الخصركان فيه اوراق ورد على كامل التل ولونه وردي على احمر وداخل اللون الابيض ومن عند الرقبه حطت ورق ورد من نفس الاوراق الموجوده على التل وكان ماسك على جسمها وطلع شكله جناااان والكل تخبل عليه وعلى فكرته..
شوق:يهبل فستانك..اثريك منتي سهله..
منال:ولا بعد المكياج والتسريحه وش بتطلعين..وش نويتي تحطين شعرك؟؟
هديل بحيرة:والله مدري امي منيرة تقول فكيه وعمتي تقول احسن شئ تسريحه..
منال:تبغين رايي سووي تسريحه احسن..لان شعرك ماشاءالله طويل وصعب تفكينه
شوق:لالالا احسن شئ نعمي شعرك وحطي خصل مجعده مثل نانسي عجرم راح يطلع يهبل عليك..
هديل:ماقلتيلي شوق اكدتي على الجوهرة تجي...؟؟؟؟
شوق:تقووول مازالت بالمحاولات وربك يسهل...على فكرة خالد يلبسك الشبكه؟؟
هديل بخوف:لالالالا انا موصيه عمتي مايدخل...
منال:ههههههههههه والله انك خبله هههههههههههه وشوووله مفصله وتتمكيجين وتصورين وفوق هذا كله حطين كل شئ بالاستراحه يعنى بيدخل يا ذكيه ههههههههههههه
هديل بتوتر:بس عمتي اكدت لي ماراح يدخل..ويوووه انتم وش لكم بالسالفه خلصت فساتينكم؟؟
منال:امي من زمان مخلص على قولتها حنا مو مثلكم بس انا بكرة يطلع ...
هديل:ونوف ماتدرين عنها؟؟
منال:نوووف مسكينه مشغوله بذي الدراسه...بس فستانها على ماظن يطلع مع عمتي ..
هديل:وانتي ياشوووق فصلتي او جاهز...؟؟؟
شوق:بيني وبينك جبت جاهز وهادئ بالمرة..ويدق جوالها..يله بنات انا برووح اخوي تحت
ينتظرني......باااي..
اليوم الاربعاء والملكه يوم الخميس يعنى مابقى شئ يرتبون اغراضهم..ام محمد راحت للاستراحه ومعها ناصر والمسؤول عن ترتيب الحفلات عشان تعطيه التعليمات بخصووص البوفيه...في بيت الجده منيرة الكل مجتمع هناك حايسن الدنيا حوووس..هديل مرتبه كل شئ بشنطه صغيرة عشان ماتنسى..اما منال ونوف اتفقوا ينامون عندها..ام نواف جلست عند التلفون وبدت اتصالاتها على المصورة تاكد موعدهم وعلى المشغل واتفقوا على كل شئ
والكل جالس بالصاله يسولفوون ويشربون شاهي وكان بعد صلاة المغرب..
نوف:فووواز لاتنسى كاميرا الفيديوو اشحنها وجب شريط جديد..
فواز:اسالي اخوك عنها مدري وين راميها بعد البر..
منال بفرح:مصووورين بالبر؟؟؟؟......"اكيد الحبيب معهم مصووور"
فواز مستغرب:ايه مصووورين بس الشريط عند نوافوووه..
منال:تكفى فواز اطلب الشريط منه نبغى نشوووفه.."نوف تناظر فيها بشك..بصبر واشوووف"
فواز:والله تبونه كلموا كبيرنا ويعطيكم ..بس انا لاوالله ماعندي استعداد اتلقن اهانات وهواش على يدينه..كلاكلاكلا...حصلوا غيري...
منال:تكفى فواز عشاني طيب قل عمتى نورة تبغاه تبغى تشوووفه...
عبدالله:خلاص منوله انا بقوله وامرنا لله واذ رفض حنا سوينا اللي علينا ..
منال:يسلموووو عبووود..هذي الذوووق مو مثل بعض الناس ..ماتلام اختك فيك..
نوف مبسوطه:الحمدلله ظهر الحق..ظهر الحق..سمعتوا شفتوا ماااااااانلالالالالالالالالالالام فيه اذ تناقرت معه ...
فواز:لاعاد انا اللي ميت على نقارك يا نقارة الخشب ههههههههههههههههههههههههههههه
نوف:مالت عليك انت يا كعبوووووول الاكوووووول...ورمى عليها مخده..ورمت عليه
الجده بعصبيه:لعنوا حيكم ماتكبرون ماتنقدرووون اعقلوووا ياجعلكم للعرس...
فواز:جعلها للعرس ونفتك منها...
ام نواف:انت وياه لمتى وانا اهاوشكم اذ ماحشمتوني احشموا امي..الله يصبرني..ودخلت عليهم ام محمد اللي منهد حيلها...
ام محمد:السلالالالالالالالالالالالالالالالام عليكم...
الكل:وعليييييييكم السلالالالالالالالالالالالالالالام.....
الجده:بسم الله وش بلاك منهد حيلك ويالله تتنفسين..؟؟؟
ام محمد:من الاستراحه والعمال اللي مايفهمون ولا مأجرين الكوووشه كملوا عليها
ام نواف:وش سووووا.؟؟؟؟
ام محمد:الشكل اللي اخترناه يقولون مو موجود مدري متاجر..!!!!
ام نواف بعصبيه:وشلون متاجر مين اجره قبل ..حنا او اللي ماخذه..؟؟؟
ام محمد تهديها:وش فيك انتي عالطووول تفهمين الموضووع غلط..افااا عليك انا وناصر ماخليناهم يايعطونا فلوسنا او يجبووونه لنا سليم..."منال انتبهت على الاسم الله يزين اسمك زيناه"
ام نواف:يعنى يجيبونه.!!!!
ام محمد:ايه بيجيبونه..وقلت لهم يركبونه من الظهر..اهم شئ الكوفيرة وصفتي لها زين
ام نواف:ايه..وقلت ابغى 3..وبيجون قبل العصر..
ام محمد:حلووو...طيب كلمتي الحلويات وسالتيهم وش سوووا بالسلات؟؟
ام نواف تطمنها:لاتخافين كل شئ سويته وبكرة نستلمها..وعلمتهم عن مكان الاستراحه قالوا مو
مشكله اذ خلصوا يدقوا علينا عشان ياخذون الوصف..
ام محمد براحه:هديل كملتي اغراضك؟؟ اخذتي كل شئ؟؟ شنطه الميكاج كامله معك مو ناقص شئ؟
هديل:كل شئ تمام وكل ماتذكر احطه بالشنطه..؟
ام محمد:زين وانتم بنات لاتنسووون شئ ترى ماراح تحصلون احد يجيب لكم اغراضكم
نوف:خالتي كل شئ اوكي بس كاميرا الفيديوووو..هذا اللي ناقصنا
ام محمد:ايه والله ذكرتيني بقووول ناصر يشحن الكاميرا ويجب شريط جديد..ودقت عليه ..
بعد صلاة العشاء جوووهم 3كوفيرات لكن من مشغل ثاني عشان اللي يبغى يفتل او يتحنى او ينقش ..وجلسووا لحد الساعه10...هديل ومنال ونوف عملوووا فتله وحلاوةو ونقش باللون الاسوود..اما ام نواف وام محمد عملووا فتله وحلاوة وتحنوووا وامهم عملت حنى بس وبعدين جتهم اسماء وعملت بس فتله وحلاوة...وبعد ماراحووا الكوفيرات طلبوا عشى من برا وبعد العشاء جلسوووا لحد الساعه12
اليوم الخميس والكل قايم بدري من الساعه 9يرتبووون اغراضهم وسيارة تروح وسيارة تجي للاستراحه وام محمد ماقصرت كل شوووي تروح وتطمن على الترتيبات ومابقى الا البوفيه..
خالد اللي مو مصدق عمره كل شوووي يلبس غترة او شماغ ويشوووف وش الاحسن عليه واختارغترة لانه تحليه اكثر وخاصه انه حنطي ومملوح..وراح لعند اخوووه يقاله يرفع من معنوياته وشافه ان نفسيته جدا مرتاحه ولاكان اليوم ملكته وكمل عليهم محمد اللي ترك زوجته ببيت اهلها
محمد:كيف معنوياتك يا عريس..
خالد مبتسم:مثل معنوياتك يوم ملكتك....ضحكوا عليه لان محمد بيوم ملكته الكل فاطسوا عليه
محمد يضحك:هههههههههه ياخي للحين ذاكر هههههههههههه انسى ولو يوم واحد..ترى النسيان نعمه من الله ....
ناصر:ههههههههههههههههه وش ننسى الله يهدك ههههههههههههههههههههه بغيت تموت علينا وتقووول

انسى هههههههههههههههههههههه تذكر ياخالد كيف كان
خالد:ههههههههههههههه اذكر كيف شكله هههههههههههههه كل شوي معه مناديل وينتفض
ههههههههههههههه ماخلص مناديل الاستراحه الا هو هههههههههههههههههههه
محمد منحرج:اقوول لاتكثرون يعنى الحين مو خايف ولامرتبك..وانت يانويصر يجي اليوم اللي
تقووول اخوووي ماكذب..يله بنزل تحت ...سلالالام
خالد:ههههههه سلام يابو مبارك ههههههههههههههههههههههه...
ناصر:اقول حمد مااتصل عليك....؟؟؟؟
خالد:لا والله له كم يوم غاطس مادري عنه.؟؟ دق عليه شوووف وينه...
في بيت الجده منيرة قاموووا البنات على الساعه 11الضحى ونزلوا تحت يفطرون وشوي نزلت عليهم هديل والتعب باين على وجهها وجلست بجنب امها منيرة وحطت راسها على كتفها
الجده تمسح على راسها:هاه هدووووله عساك نمتي زين..؟؟
نوف تشرب شاهي:اي نوووووم يمه ماتشوفين شكلها يرووووووووع...
الجده:انتي ماتتركين لقافتك يا ام لسان..ماوجهت الكلام لك..
نوف:وش فيها يمه عادي انا وهديل واحد...صح هدووووله
الجده:لاوالله وش رايك بعد تقولين ملكتكم وحده على خالد بعد..
نوف مبتسمه:والله ماهي شينه...وبعدت عالطووول لما الجده رفعت العصى عليها
الجده معصبه:هاه يا وسيعه الوجه يا ام لسان طويل..جيل ينجال ماعاد مثل بنات اول لجابوا طاري العرس..الحين صاروا مايستحوووون ولا يخيلووووون..الله يعين بنيتي على لسانك..
منال+هديل:هههههههههههههههههههههههههههههههههههههههه هههههههههههه
الجده بعصبيه:وانتي جالسه تضحكين..ولاكان الكلام مو لك ولا لزوجك..
هديل:ههههههههههههه كيفها يمه حلالها خالد هههههههههههههههههههههههههه
الجده:شوووف برود البنت...يمه الرجل مو مثل باقي الرجاجيل..والمراه بدالها مراه ..وانتي
تقوولين حلالها..الله يصلحك..
منال بخبث:الله يهديك يمه انتي ماعرفتي هديل ترى مو من قلبها..لو مو مهتمه كان نايمه من امس وشبعانه نوووم بس شوووفيها الحين..."هديل منزله عيونها ووجهها صار احمر"
وجلسوا للين اذان الظهر..وجاء وليد وعبدالله وجلسوووا لحد الغداء وحبوا يطفرون باختهم ..
عبدالله:الله..الله...اخيرا صار عندي اخت متزوجه عشان اقووول قدام صديقاني زوج اختي
قال..وزوج اختي فعل هههههههههههه ....."فطست هديل من الحياء"..
وليد بخبث:لالالالا..مانقوول زوج اختي نقووول عيال اختي هههههههههههههههههههه
هديب بعصبيه وحياء:بس انت وياه...والله انكم ماتستحوووون بدل ماتهووونووون علي جايين
تطفرون بي...
وليد:هههههههههه ماعاش من يطفر فيك هههههههه عبوووووود لاتطفر بالغاليه...
هديل بغرووور وتبتسم:لا الحين مايطفر فيني بعد ماشبعتوا..بعدين انا الغاليه كيف تسووون فيني كذا
عبدالله:والله ماخذه بنفسك مقلب ولامقلب قوووي خلاص مافيه غاليه بعد اليوم فيه حرم خالد هههههههه
هديل بزعل:سمعت وليد وش يقووووول..
وليد يضحك:هههههههههههههههههههه ماعليك منه انتي الغاليه وراح تظلين الغاليه وهذا الكلام لازم يتقيد فيه المعرس والا فلا..ماعندنا بنات للزواج..
هديل:بعد ماطاح الفاس بالراس...امممممممم وليد بسالك سؤال..؟؟؟
وليد:امري واتدللي يا عروووس...؟
هديل بحياء:اممممممممممممممممممم صدق خالد عصبي؟؟؟؟ ....
عبدالله:ههههههههههههههههه والله توقعت عند سالفه بالله هذا سؤال تسالينه عن زوجك هههههههههههه
هديل بعصبيه:عبوووووود..مين راسلك لي انت اليووم تطفر بي....
وليد:ههههههههههههه ماعليك منه..ايه خالد عصبي لاتخافين ماراح يعضك هههههههههههه..ويدق باب غرفتها وتطل صفيه تقووول الغداء جاهز..
من الساعه 2والكل موجود بالاستراحه البنات والعمات اما حريم الاخوان وبناتهم ففضلوا يجوون مع المعازيم..اما البنات فكانووا بالغرفه يتعدلووون ..على وقت المغرب تقريبا كل شئ انتهى..
الكوشه وجهزوها وعبارة عن صدفه كبيرة ومن وراء فيها للآلى تضئ بالظلام ومحاره على شكل كرسي والاستريوووا جهزوه وجابوا لهم الاشرطه اللي يبغوونها..ومابقى غير السلات عشان يحطونها عند المغاسل فكان شكلها عباره عن صدفه كبيرة مفتوووحه وفيها لؤلؤ فضي على سكري اختارتها هديل عشان يكون مثل الكوشه ومكتوب عليه...."الف مبروك..خالد وهديل"....
ام محمد كانت اول وحده تخلص عشان تستقبل المعازيم فكان لبسها عباره عن فستان بيج كامل ساده ومنتهي بتطريزاسود ناعم وملبوس عليه شيفون شفاف مشكوك بشكل بسيط وطالع شكله مثل الجلابيه وتسريحه شعرها مناسبه لها على شكل قبه متوسطه من قدام وحاطه لولو بالتسريحه..اما ام نواف فكان فستانها لونه عنابي ومشكوووك عمودي مايل من فوق لتحت وكم فرنسي طويلومن على الخصر مشبوك بورده من نفس اللون ومن تحت على شكل طبقات....
اما نوف فكان لو فستانها سماوي مايل للفضي بكم جوبينيز وقصه صدر على شكل قلب بدانتيل كحلي وشريطه حكليه من عند الصدر ومفتوح من قدام وعليه بطانه كحليه وفاكه شعرها..اما منال فكان فستانهاجدا هادي وبسيط عبارة عن فستان لونه وردي على لحمي مموج بالتركوازي مشكووك من عند الصدر ومربوط من قدام بشال تركوازي على ليموني فاتح وطالع شكله جنااااااان وسوت تسريحه ومنزله خصل ..الكل صار جاهز مابقى غير هديل اللي بدووا يشتغلون عليها بالمكياج بعد ماخلصوا من شعرها..
ناصر:الله يا ام محمد وش الشياكه ذي..انتبهي لاتنخطبين علينا ونتوهق بعدين..
ام محمد:ولد انت متى بتعقل خل عنك هالكلام اللي ماله داعي ..؟؟؟
ناصر مبتسم:يمه لايغرك كبره ترى سهل طريقته مايحتاج تعليم..وانتي هدي نفسك الحين ماجاء احد عشان تزعلين وتعصبين..
ام محمد:تعرفنا محنا فاضييين..المهم تعال علمني اشووووف وشلون طريقته..وراحوووا عند
الاستريوا ويشرح لها ولما مافهمت شئ وقالت تبغى تنادي وحده من البنات لانها ماراح تفضى ويدخلوون بنتين وعرف انهن منال و ونوف..وكانن يمشوون بشويش..
ناصر يبتسم:شلونك بنات...تعالوووا قربوووا عشان تعرفون له زين.."الله هالطووويله
الحمدلله ربي ميزك عن القصار ههههههههههههههههههههههههههه"
منال عصبت على نوف لان ماتبغى تكون مسؤوله قربت منال منه وحاولت تفهم اللي يقووله بس ماكانت مستوعبه لانها متغطيه واخذت راحتها بشكله الحلووو..
ناصر يكلمها:اعتقد الحين عرفتي..."تكلمي خليني اسمع صوتك"...
منال بصوت واطي:احم احم...لحظه.....خليني اقولك اللي فهمته...."ياويل قلبي"
ناصر ضحك عليها.."شكلها مو معي بالخط"...وبدت تقوله..ويوم وصلت عند قلب
الشريط..صرخ ناصر وقمزت وطالعته بخووووف
ناصر:لاماله داعي تطلعين الشريط وتغيرينه وش اقووولك من الصبح هذا يقلب لك الشريط للوجه الثاني ناويه تخربينه علي..
منال مو مستوعبه:وشلون يخرب..ماله دخل اذ خرب او لا...
ناصر:هههههههههههههههاااي..لا له دخل..عندك المسؤوليه الكامله تكوني سكيورتي عليه..
منال منحرجه وتتحداه:ايه عندي المسؤوليه الكامله..عندك شك فيني...
ناصريناظرلها بحجاب مرفوع:شاك بقدراتك..اذ مو قد المسؤوليه نحوله.."ويأشر بذقنه لنوووف

اللي تراقبهم بصمت"...
منال بغرووور:انا قدها وقدووود وراح تشوووف..."شكلك منت هين وراح تشوف مين منال"
ناصر ويمشي عنهم"نشوووف يابنت خالي..على فكرة...استدار عليهم....باللحظة هذي
اخليت مسؤوليتي عنه واي شئ يصير فيه راح نحاسبك ...اوكي....صح كلامي نوووف
نوف اللي نقزت لما ذكر اسمها"شلووون عرفني لالالا اكيد في شئ "
نوف بتردد:هاه.....ايه.....صح كلامك....ابتسم على رده فعلها وتركهم
كل الامووور تمت على خير الملكه وصارت والكل انبسط وفرح لهم..في الغرفه بعد مالبست وتجهزت وطلعت قمه من البرائه كان مكياجها نااااعم ومناسب لها وكانت تسريحه شعرها قبه متوسطه من قدام وتركت شعرها مفتووح وعلى شكل لولبي وتركت قصتها على جنب ممسوكه بورده وعطتها التسريحه اصغر من عمرها...جلست معها شذى والجوهرة..وام محمد وام نواف واقفات عند مدخل القاعه يستقبلووون المعازيم اللي بدت تجي من بعد صلاة العشاء..وشغلوا الاستريوا بالاغاني الحفلات وكان الجوء جوووء زواج..
في قسم الرجال كل الشباب عنده يطفرون فيه وخصوووصا من ناصر وحمد اللي كل شوووي يعلقون فيه وماكان يرد عليهم وهذا الشئ يقهرهم اكثر..خلص خالد من التوقيع وقام عالطووول حب راس ابوه وخاله ابراهيم وخواله الباقين ومن زود فرحته سلم على الموجودين مرة ثانيه وحمد وناصر فطسوا عليه ضحك..وطلب ابو وليد من وليد يعطي الدفتر لبنته ...
حمد:اووووووووف ابو وليد كبر راسك علينا..محد قدك عاد معرس..عقبالنا يارب
ناصر:اقووول حمد اخاف بكره يمر من عندنا ولا يكلمنا"يحط يده على ذقنه"وش نسوي معه
محمد:مو لازم يكلمك خلاص الاخ ودع العزوبيه من اليوم ورايح يماشينا ومالكم شغل فيه..
خالد:تصدق محمد كلامك درر..من بكرة بغير جوالي..مستوي ارقى من اماشي عزاب..ياربي
وحتى اسم عزوبي يفشل...
حمد بقهر:هاه خالد..نسينا ماكلينا...طيب خل اللي بجنبك ينفعك وبكرة تقووول حمد ماقال
خالد يضحك:ههههههههههههههه لا وشدعوه ابو صالح انا انساك ..انسى العالم كله ولاانساك
ناصر بخبث:وتنسى هديل...؟؟؟
خالد:انساكم كلكم ولاانسااااها ههههههههههههههههههههههههههههههه
حمد بخبث:اقول ناصر بكرة الحبيب بينساك من صدق ويطيح ببيت امي منيرة ههههههههههههههههه
ناصر:ههههههههههههههه اخاف يتبرى منا هههههههههههههههههه شوف اخووي مو هديلووووه تلعب بمخك وتقووول قاطع اهلك هههههههههههههههههه
خالد بجديه:هديلوووووه في عينك..ضحكوا على جديته
حمد:هههههههههههه اووووف الحبيب غرقان لشوووشته ههههههههههههههههههههههههههه
ناصر:ههههههههههههههههههههههه يضرب الحب شووو بيزل هههههههههههههههههههه
خالد:تدرون عاد الشره موعليك لالالا الشره علي انا اجالس ناس عقولها"اشر بيده"صغيره
حمد:انت عقلك صغير اجل تخون الاتفاقيه وتتزوج...ناصر طير عيونه
ناصر:اي اتفاقيه يا الخوووونه ولاكاني واحد منك وفيكم ...
خالد يقهره:مو لازم تكون منا وفينا ولاهو لازم تعرف الاتفاقيه هههههههههه
عبدالله دخل بالعرض:اقوووول خالد ..الكلام اللي بقوووله نيابه عن اخوووي وابوووي ..
خالد طير عيونه من طريقه عبدالله وكانه ناوي على هواااااش..
حمد مستغرب:هدء..يا ولد العم وش فيك عالطوووول نطيت علينا وكانك ناوي على مذبحه
محمد+خالد+ناصر:ههههههههههههههههههههههههههههههههههه هههههههههههههههههه
عبدالله بجديه:انا مو ناوي على شئ..انا ناوي على خالد بس...
خالد مستغرب:الله..الله ياولد خالي كل هذا عشان اخذت اختك هههههههههههههههههه
حمد:خلاص خالد محلوووله رجعها لهم هههههههههههههههههه
عبدالله بتكبر:احد ياخذ الغاليه ويرجعها الا اذ ناوووي على عمره...
حمد بخوف مصطنع:ايه والله صدقت..تدري لو خالد ماخذها كنت باخذها انا"شاف خالد مطير
عيونه عليه"لالالا قصدي بقوولك خذها...الكل ضحك عليه...
خالد:هاه يا ابو ابرهيم وش الكلام اللي تبغى تقوووله نيابه عن خالي واخوك...
عبدالله بجده:حط هديل بعيونك..ولاتزعلها....."هنا خالد حس فعلا هديل غاليه عليهم
والكل يحبها وحمد ربه انها صارت من نصيبه"...
خالد يبتسم:ماطلبت شئ وتاكد هديل بعيوني الثنتين..ارتحت الحين ....وابتسم عبدالله على
كلامه......وجلسووووا الشباب سوالف وضحك على خالد
دخلت ام محمد عليهم عشان تعطيها الدفتر توقع وحصلتها تصووور وقبل ماتطلع طلبت من عمتها تصور معها ...
هديل ترتجف:والله ما اقدر اوقع..احد يوقع بدالي...
الجوهرة:هاتي اوقع كانه الحين بيطلع من الدفتروياكلك..واخذت توقع نيابه عنها
هديل بخوف:انتبهي تكتبين اسمك...
الجوهرة:ههههههههههههههههه بسم الله عليك مابغى اكل رجلك خليه لك..عندي احسن منه..
هديل :لا الحين احسن اول تقوولين مو مرتاحه ومزعج..صدق ام وجهين..
شذى:ههههههههههههه والله ياهديل ماتوقعتك كذا اثريك طايحه في دباديب ولد عمي...الله يهنيكم
هديل منحرجه:اميييين...وعقبالك يارب...
الجوهرة تقهرها:اقووول هديل...خط رجلك مره حلووو مو مثل رجلي اشووول مايعرف يكتب
شذى+هديل:ههههههههههههههههههههههههههههههههههههههههه هههههههههه
مي:شوفي شوفي عليه توقيع يجنن..هذا ان دل دل على شخصيته وجماله....
هديل:بنت قولي ماشاءالله لاتنظلينه..."نزلت عيونها لما ضحكوا عليها"....بس عاد ترى
عطيتكم وجه يله روحوووا عطوا اخوووي ..ياعمري جالس منطق برا...
شذى تاخذ الدفتر:ان شاءالله مرت ولد عمي هههههههههههههههههههههههههههههههه
هديل بقهر:مو كانها كبيرة شوووي..لاتكررينها هههههههههههههههههههههههههه..وطلعت
وحصلت وليد واقف برا ولمحته يشبه لهديل بس جذاب.....
شذى تقهرها:اقووول هديل اخوووك احلى منك...؟؟...
هديل بتكبر:دامه اخوي اكيد هو الاحلى بينا..امممممم وش رايك اخطبه لك...
شذى انحرجت:هيييييييييه...شوفي وين راح تفكيرها..لاانا قصدي مايشبهلك..
هديل:مو مهم يشبهلي اهم شئ انه اخوووي ..هاه وش قلتي ادخلك براسه..
شذى وجهها احمر:خير تدخليني براسه..اصلا انا مافكر بالزواج الحين..
الجوهرة:وش تفكرين فيه اجل..؟؟؟؟
شذى:اكمل دراستي واخذ دراسات عليا.."انقهرت لما شافتهم يضحكون"..احسن من بعض
الناس اللي بيطيرووون على العرس...وضحكووا كلهم
كل شئ تم بحمد لله والحين مابقى غير دخلت هديل على القاعه وقبل ماتدخل جهزت منال الشريط الدخووول اغنيه اقبلت للأحلام قفلت الانوار وشعلوووا الشموووع وانوار الكوشه اشتغلت..
شذى تمسك بيدها:استهدي بالله ولاتخافين دام خالد مو داخل..؟؟
هديل ترتجف:من الناحيه هذي مطمنه بس مدري وشفيني خايفه وقلبي يدق بقوووة..
الجوهرة تبتسم:اكيد هذا شئ طبيعي والكل يحس فيها اجل وش تقووولين لو يدخل عليك..وكان
حياتك قربت تنتهي "متملكه على ولد خالتها...وش طبيعي تحس باحساس صديقتها"...
هديل:وش كان ردت فعلك يوم دخل..؟؟؟
الجوهرة:هههههههههه بالبدايه كنت معارضه..بعدين جت اخته وقالت انه بيلبسني ويطلع ماراح
يجلس وتقبلت الامر ههههههههههههههههههههههه يعنى لو يدخل خالد عادي مشي وضعك....
هديل بخوووف:لالالالا ماقدر انا كذا وبموت وشلون لو يدخل...
شذى:مين بيكون معك بالدخله...؟؟؟
هديل:عماتي ..وانتم مو تتركوني تعالووا عالطووول للكوشه مابغى اجلس لحالي اقل شئ
نسوووني..
شذى+الجوهرة:ان شاءالله...ودخلت ام محمد واسماء
ام محمد تبتسم:هاه يمه جاهزه الحين بندخلك.."تناظر فيها بتامل"الله يسعدكم ويوفقكم وعقبالكم
يابنات..
الجوهرة:لالالايا ام محمد انا خلصت خلاص باقي شذى ونوف ومنال..
ام محمد ترتبها:الله يرزقهم ان شاءالله...اسماء دقي على نوف تسكر الابواب..وطلعوا
صديقاتها عشان يحضرون الدخله وطلبت ام محمد من شذى تسجل بالكاميرا لان البنات مشغووولاتوقفت بحوش الاستراحه وقدامها عماتها وبجنبها زوجه محمد عشان تهدي هديل وسمت عليها ام محمد وقرت المعوذات وايه الكرسي..وشافت دموووعها متجمعه بعيونها
ام محمد بحزم:هديل لاتبكين عشان المكياج..امسكي نفسك شوووي..اكتفت بهز راسها لانها لو
تتكلم راح تقلبها مناحه...وتدق على منال عشان تشغل الاغنيه واول مابدت الموسيقه انفتحت الابواب وبدت شذى تصوووور....
كان جو القاعه بارده ومظلمه كان منور الشموووع اللي على الطاولات واضاءة الكوشه
(اللالئ)والانوار اللي فوق المنصه واضاءه كبيرة موجهه لها فكانت خايفه وقلبها يدق بقووووه ومنزله عيونها والكل كان يذكر الله..والمصورة كانت قدامها تصورها ولما وصلت عندالمنصه شافت الجده جالسه وتمسح عيونها راحت عندها وحبت على راسها ولوت عليها لانها تذكرت امها وتمنت تكون معها وتشاركها بفرحتها بس اسماء حاولت تهديها عشان المكياج ...
ووصلووا للكوشه وجلست على كراسي واسماء تحاول تضبط مكياجها اللي انحاس والحمدلله مو
كثيرفتحوووا الانواروحطوووا الاغاني...جتهم الجده وجلست بجنبهاوتسمي على بنتها وتدعي لها
بالتوفيق..وام محمد وام نواف والبنات قعدوا يرقصون ...
الساعه 11ونص دق جوالها وكان ابو محمد يسالها عن دخوول خالد ومين بيدخل معه
ام محمد تطلع برا القاعه:الله يهديك اكيد انت وخالد واخوي وعياله ولاتنسى اخواني ..
ابو محمد:ههههههههههههه اخوانك وشووله يدخلوووون اهم شئ ابو وليد..
ام محمد:بكيفك انت اسالهم...اقووول ابو محمد خلصتوا عشى..
ابو محمد:هههههههههههه ايه خلصنا مابقى غيركم انتم..يله شووي وبنجيكم...مع السلامه
ام محمد:الله يسلمك...وسكرت وبلغت البنات عشان يجهزووون اغنيه الدخول للخالد القاعه
وقالت بصوووت عالي المعرس بيدخل تغطوووا...انصدمت بالخبر شلون يدخل وهم اكدوا لها
ماراح يدخل..زادت دقات قلبها وشافت بعيونها القاعه معتفسه وتنفسها يزيد وبدت ترتجف لما جتها تعدلها وتوصيها...
هديل خايفه:عمتي....انتم قلتوا.....ماراح يدخل.....
ام محمد تهديها:ايه قالنا بس خالد اصر يدخل..هديل خليك طبيعيه وترى بيلبسك الشبكه وبيطلع
واول مايقرب للمنصه عالطووول اوقفي...
هديل بخووف:ما اقدر...روجووولي مو شايلتني....نزلت عيونها
ام محمد تبتسم:لا تقدرين..وانا بكون بجنبك....ويدق جوالها ..انتبهت على الاغنيه اللي
بدت باغنيه سلام الله عليكم لنديبه..واول مادخل بالقاعه حس قلبه بيوقف من صوت الاستريووا العالي والعيون عليه وهو كان مايطالع الا شخص جالس بالكوشه ومنزل راسه..ومشوا للين الكوشه وعيونه ماتغيرت عن هذا الشخص وقرب منها..وماحست الا عمتها نورة بجنبها توقفها عشان تسلم على زوجها..وماانتبهت الا شخص لابس ابيض قرب من عندها وباس راسها..وانحرجت من الحركه ونزلت عيونها وسمعت الزغاريت من حولها وحست الدنيا تلف فيها..وجاء ابوها وباس راسها وقف بجنبها واخوانهاسلموا عليها ووقفوووا مع ابوهم..اما ابو امحمد سلم على زوجه ولده ووقف بجنب زوجتهياخذووون صورة مع بعض..طلع ابو محمد وابووليد مع عياله وتركوووا خالد..وباين عليه الارتباك وكل شوي يناظر بهديل اللي للحين ماشفته..وجت ام محمد مع اختها وامها ووقفوا بجنبهم ويساعدون خالد بلبس الشبكه..اول شئ بدووء بالخواتم واول مامدت يدها ومسكها لقاها بارده وتننفض وشاف وجهها صاير مثل الطماط..ابتسم
ولما جاء دورها ترددت كيف تلبسه..حست بيد عمتها تمسكها وتحطها بيد خالد وهي تبتسم بخجل
خلصلوووا من التلبيسه..اعلنت ام محمد عن العشى ومنها يتركون المعاريس بالكوشه على راحتهم..قفلووا الاستريوووا وفضت القاعه ومابقى غير ام محمد وامها وام نواف...
الجده:هاه يمه خالد حط بالك على بنيتي هديل لاتزعلها ولاتضايقها...وهديل منزله راسها من
الحياء...وتحاووول تركز بكلامهم...
خالد منحرج ويناظرها:افاااااااا عليك يمه لاتوصين حريص...
ام محمد فرحانه:شوووف مو عشانك ولدي وبوقف معك..لاتنسى هذه بنتي واللي يزعلها يزعلني
خالد مستغرب:لحوووول الحين اللي يسمعكم يقووول بخطفها هههههههههههههههه
ام نواف:ايه خطفتها منا..خالد حط هديل بعيونك تراها امانه برقبتك....
خالد:الحين بدل ماتوصوني عليها وصوها على اقل شئ حسسوها بقيمتي شوي..مو كله الاهتمام لها .....
الجده:هاه ولد نورة مو كانك بديت وناوي على عمرك...
خالد يضحك:لالالالا ..مابديت ولا نويت هههههههههههههههههههههههههه
ام محمد تناظرهابحنان:هديل مايحتاج احد يوصيها على شئ هي احرص مني ومنك..خالد
قوووموووا للغرفه عشان تصوركم المصووورة وتاخذون راحتكم اكثر الحين الحريم يخلصون العشى ويخربون جوكم......قامووا للغرفه وبدوووا يصوورون مع بعض وكل ماصارت الصورة فيها حركات جرئيه ترفض وعمتها تحاول فيها وخالد يضحك عليها ومرات يحاول يكون اجرئ منها ويسحبها عشان تصور بالغصب..خلصووا من التصوووير واتفقوا على تسليم الصورة...
ام محمد تكلمها:هاه يمه هديل تبغين شئ..؟؟؟
هديل بصوت واطي ومنحرجه:لامشكورة عمتي...تمنت لهم التوفيق وطلعت تركتهم وراحت
للبوفيه..اما منال ونوف واقفات عند المغاسل ويناظرون اشكالهم بالمرايا ومنها يشفووون المعاريس
نوف تعدل شعرها:شفتي منووووله اشكالهم خياااااااااااال...شكلي بعرس مثلهم...
منال:لاحقه على الزواج وتعبه لاتصيرين مطيوره وتطيرين رزقك..وطلعت شنطه صغيرة وبدت
تتعدل المكياج...
نوف بقهر:والله انتي شكلك مطوووله انا بروح اتعشى بموووت جوووع..راحت عنها
منال تناديها:هييييه انتظري يا النذله.."راحت ولاكانها نادتها"...هين اوريك يالدبه
وعدلت كحلها وشعرها ومشت شوووي الا تسمع اصوات من الجهه الثانيه ولما طلت شافت باب الفاصل مفتوووح..وراحت تبغى تسكره تطلع بوجهها.."بسم الله وش اللي طلعت علي..اووووه هذه منوووووله لعنبوا دارك وشو مسويه بعمرك"..منال اللي تفاجئت بناصرومن الخوووف سكرت الباب عالطوووول لكن ناصر وقفه برجله..
ناصر يبتسم:لحظة ...لحظة ....بقووولك شئ...."منال خايفه من جرائته"
منال بعصبيه:خير وش تبغى..مايكفيك اللي سويته؟؟؟
ناصر مندهش:وش سووويت يا بنت الحلال...المهم مابغى اطوول عليك...قريتي على نفسك
المعوذات..."مو مستوعبه كلامه وش دخله"....منال....منال للحين موجوده او رحتي...؟؟؟
منال مستغربه:نعم وش بغيت..."وسيع وجهه صدق ماتربى"
ناصر:سمعتي اللي قلتلك....؟؟؟"عليها غرووور هالبنت بس اصبري ان ماكسرت خشمك"
منال بنفاذ صبر:ليش وش يهمك فيه..؟؟"اخ على جرائتك"
ناصر:ليطمئن قلبي هههههههههههه..منال...انتبهي على نفسك...
منال:ومن ايش انتبهى على نفسي..."اووووووف وربي ملقووووف"
ناصر مستحي:من...من....من الخطاطيب...."افقع خشتها عشان تعرف تتكلم"
منال مو مستوعبه كلامه معقوووله ناصر حاط العين علي.."الللللللللله يابختي"
منال بتكبر:ويهمك اذ انخطبت او لا....؟؟؟؟
ناصر بتردد:احم....احم ....اكيد.....يهمني.."يعنى لازم اقول..اصبري يا
الطوووويله ان ماطفرتبك..والله لو مو خايف انك تطيرين كان تعرفين مين ناصر"..انصدمت من
كلامه اختلطت مشاعرها بفرح وخوووف"ليكون يلعب علي عشان شافني كم مرة وقال بخف فيها ياربي
وش يقووول هو..ماعنده سالفه"..وتبغى تسكر الباب لكن ناصر وقفها..
ناصر مبتسم:وين..لحظه..ماسمعت رايك..."يقال تنحاشين هاه اصبري علي"
منال منحرجه:سمعت احد يناديني...ولازم اقفل الباب..وسكرته من غير ماتسمعه راحت منال
للقاعه البوفيه..بعد ماطلعت امه منهم جلسوووا مدة طوووويله ساكتين الين ماكسر الصمت..
خالد مبتسم:احم.. شلونك هديل..."يارب للحين مستحيه ارفعي راسك لاكسره لك"
هديل مستحيه:بخير..."ليش ياعمتي تركتينا هذا مو اتفاقنا"
خالد:ممكن اعرف ليش انتي رافضه دخووولي...؟؟؟
هديل مستحيه مستغربه:.........."ليش يا عمتي تقولين له وانا اروح فيها"
خالد يجرها بالكلام:..لازم اعرف السبب عشان اقتنع....طال سكوت هديل ومازال يناظر فيها
ويتأملها ...
خالد يستهبل:شفت حماده وريمي مع عبدالله.....وعالطووول رفعت عيونها لخالد وهذه اول مرة
تسويها...ولما شافته يضحك نزلتهم
هديل بقهرومستحيه:ليش تضحك...."يقاله يضحك علي طيب ياخالد ماعرفت هديل زين"
خالد يضحك:هههههههههههههههههه لا بس رحمت رقبتك شوووي وتنكسر ارفعيها....وحط يده
على ذقنها عشان يرفعها..وغيرت اتجاه عيونها
خالد بقهر:هديل.....هديل....."للحين ماغيرت مكان عيونها"...هديل
هديل:نعم...."لازم احط عيني بعينك اللهم عد الليله على خير"
خالد:مابغى نعم وعيونك مو بعيوني..هديل.....نزلت عيونها ورفعتهم عليه...وجلس
يضحك على طريقتها..."الاخ فراحان وانا بطقاق."
خالد مبتسم:اخذي هذي هديه بسيطه مني ومن حمد ولد خالي......
هديل مبتسمه:تعبتوا انفسكم...."والله عندك ذوووق"
خالد يناظر فيها:تعبك راحه ..كم هديل عندنا وحده..ابتسم لما نزلت عيونها..تعشيتي.؟؟؟؟
هديل:لا..وشلون اتعشى وانا معك...."الله يخليك مو وقت الاستهبال"
خالد يصحح لها:لا قصدي قبل اكلتي شئ يسد جوعك..."والله طلعتي ذكيه"
هديل:لا ماكلت شئ...
خالد بجديه:اسمعي هديل..."رفعت عيونها لما تغير نبرة صوته"......هذه اخر مرة
تفتحين شعرك ...ok....ابتسم لها
هديل براحه:ان شاءالله....وقام عنها عشان يخليها تتعشى ووصاها على نفسها..سالها اذ
عندها جوال ولما عرف انها ماعندها قال بيجيبلها واحد..ودق على امه عشان تجي تاخذها تتعشى
بعد العشى كملووا سهرتهم لحد الساعه 12 بالليل..ورتبووووا عفشهم من بعد ماراحووا المعازيم ركبوووه بالسيارات وكل واحد راح لبيته..رجعت هديل وامها مع اخوها..واول ماوصلوووا للبيت عالطووول طلعت فوووق اخذت لها دش ولبست بجامه نوم ونزلت وحصلت وليد جلس بالصاله
هديل:وليد انا اعرف ماتخبى على شئ..قووولي وش قالكم خالد من بعد ماجاء من عندي؟؟؟
وليد يطفرفيها:جانا معصب...يقووول هذه هديل...امي ماعرفت تختار...على كذا
ضاع مستقبلي......"هديل انصدمت بكلام اخوووها معقووووله خالد قال كذا اقل شئ يجامل"
هديل بعصبيه:محد ضربه على ايده وقال تعال اخطب وملك..شايف بنات الناس لعبه
ومشت عنخ اللي يضحك عليها واخذت الموووضوووع جد..
وليد يمسكها:هههههههههههههههههههههههههههههههههههههه اصبري الله يهديك هههههههههههههه عالطووول عصبيتي والله امزح معك ههههههههههههههههههههه
هديل بزعل:هذا وقت مزح يا وليد..اهووون عليك تسوووي فيني كذا....
وليد:ههههههههههههههههههه لا والله ماتهووونين علي هههههههههههههههههه وش اسويبكم..
هديل:وش قصدك..؟؟ اناوش دخلني؟؟؟..وبعدين وش سووويت..؟؟؟؟
وليد يجلسها بجنبه:انتي ماسوووويتي شئ..بس يكفى انك حرم الاستاذ خالد واقل شئ ناخذ حقنا
منه فيك...
هديل مصدومه:وشوووولن تاخذون حقكم فيني؟؟وليد لاتتكلم بالالغاااااز الله يخليك....
وليد:ههههههههههههه طيب بقولك هذه فكرة ناصريقول بناخذ حقنا من خالد بهديل ههههههههه
هديل مو مستوعبه:ليش طيب..انا وش ذنبي..حقكم مع خالد مو معي انا...
وليد:مو انتي نقطه ضعف خالد يا حلووووووة.....استحت هديل من كلامه
وليد يضحك:ههههههههههه يله انا بمشي ..تصبحين على خير..وقمت معه ووصلته للباب وقفلتهم وطلعت فوووق تحاوووول تنام..اما ام محمد وعيالها من بعد مارجعوووا جلسووا بالصاله يسوولفووون عن الملكه وعنه من بعد ماجلس مع زوجته بس ماقال لاحد عن الكلام اللي دار بينهم عشان كذا ناصر قال بناخذ حقنا منك فهديل..الكل طلع فوووق ينام الا خالد وناصر جلسوووا بالخيمه لين ماذان الفجر وبعدها راحوووا ينامووون بس خالد ماجفاه النوووم يتذكر هديل وملامحها و ابتسامتها وعيونها لما ضحك عليها...
اليوم الجمعه اجتمعوووا فيها الاخوووان ببيت الجده ومعهم عيالهم وسلموووا على هديل وباركوا لها
وابو وليد عزم اخوانه على الغداء وارسل غداء للبيوت اخواته بمناسبه ملكه بنته وكملوا يومهم عادي
اليوم الاحد بوقت المغرب كانت جالسه مع جدتها يتقهووون وينتظرون ام محمد لانها قالت بتجي..تزينت بزينه بسيطه لبست تنورة تركواز وبلوزة بيج وعليها رسمات باللون التركوازي ورافعه شعرها ذيل حصان ومنزله قصتها على شكل خصل..وهي تصب القهوة لامها دخلت ام محمد وسلمت عليهم ويدخل خالد من وراها وكانت بتناحش بس عمتها قدرت تمسكها وجلستها..بعد ماسلم خالد عليهم جلس يسولف مع جدته وعيونه كل شوووي عليها ...
ام محمد تكلمها:ماكلمت عليك المصورة..؟؟..
هديل بحياء:لا..اتصلت عليها وتقول بكرة يطلعون...."حست بنظراته لها "
الجده:يمه خالد شوووي شوووي على بنيتي لاتاكلها بعيونك.."لاتلومونه طالعه جنااااان"...هديل استحت وابتسمت بخجل ونزلت راسها...
خالد منحرج:يمه الله يهديك..حرمتي وبكيفي.."مايتركون لقافتهم"
ام محمد تدافع:يمه خليهم ماعليك منهم معاريس واتركيهم..
الجده:لالا ماراح اتركهم..عيالي وفرحانه لهم..اقوول خالد قالت لك امك عن شرطي..
خالد:ههههههههههه ايه قالتلي....بس ابغى اسمع راي هديل...
الجده:هديل تقووول خالد وانت تقووول هديل وانا اقووول عيشووا عندي....
ام محمد:وانا ابغى هديل تعيش عندي..دام امي تبغاكم تعشووون عندها هذا شئ يرجعلكم ..
خالد يقوم:هذا شئ لحقين وبعدين نتفق عليه...هديل تعالي ابغاك شوووي...وطلع عنهم
ام محمد:قووومي شووفي وش يبغى رجلك..
هديل بخووف:لالااخاف عمتي تعالي معي..
ام محمد:بلادلع بنات وقومي شووفيه لايجي يجرك الحين..سحبتها من يدها للين ماوصلت للمدخل..طلعت بتردد ومنزله عيونها وكان واقف بالحوووش والتفت عليها وطلب منها يجلسوووون بالمجلس ..دخلت هديل اول شئ عشان تفتح الانواروالمكيف ولما التفتت عليه حصلته يناظر فيهااستحت ونزلت راسها..جلس خالد وجلست بعيده...
خالد مستغرب:ههههههههههه احد قالك اني اكل لحووووم البشر....."للحين منزله راسها"
خالد يعطيها كيس:اخذي ....!!!!
هديل:وشو هذا..؟؟؟؟
خالد يبتسم:جوال...عشان اذ بغيت اكلمك ادق عليك منه..وفيه اشياء لازم نتفق عليها من غير محد يزعجنا..مو احسن...."هزت راسهااا بالايجاب"..
خالد:انتي تعرفينله او اعلمك عليه....
هديل بحياء:امممممم يعنى........"وش شايفني ماعرف خير شر"
خالد يبتسم:طيب تعالي اعلمك...قربي ماراح اعضك ولا اكلك...قربي
قربت شووي لعنده وصار بينهم 4اشبار وجلست تطل عليه وهو يبعد الجوووال عشان ماتشووف ويبغاها تقرب بس خاب ظنه ولما رحمها وكل شووي تطلع قمز عندها وصار قريب لها وخافت واستحت على حركته ولاقدرت تتحرك..
خالد مبتسم:عشان اذ قلتلك قربي تقربين.."الله يازين ريحه شعرك"..
خالد قاصد يحرجها:اقووول هديل اليوم طالعه تهبلين عكس الملكه...."وانبسط لما شاف وجهها محمر"...
هديل بحياء:عيونك الحلوة......."يعنى انا بالمكله اخرع طيب يابوو عيون كبار"
خالد بخبث:وش عرفك ان عيوني حلوووة قد شايفتهم من قبل...."اكتفت بابتسامه"..
ابتسم عليها وقام عشان مايبغى يحرجها اكثر ......."مع الايام بتتعودين علي"..
خالد:يله انا بمشي تبغين شئ اجيبه معي....
هديل منزله راسها:لاسلامتك....
خالد مستغرب:الله لدرجه تبغين الفكه مني..طيب ياهدوووله نشوف مين يتعلق بالثاني اكثر..
هديل بحياء:لامو قصدي......اخاف عندك شغل...عضت على شافتها
خالد يبتسم بخبث:واذ قلتلك ماعندي شغل......"وش مسووويه عشان طالعه جنااااان"
هديل فطست من الحياء:نحطك بعيونا......
خالد يرفع راسها:انا مابغى عيونهم ابغى عيونك انتي وبس...ابتسم لما انحاشت عنه ماقدرت تتحمل كلامه اكثر ودخلت بالصاله ووجهها محمر وعرفووا ان خالد قايل لها شئ...
ام محمد:وين راح ولدي...؟؟؟؟
هديل :يقوول بيطلع..انا بطلع غرفتي ...ومشت عنهم وسمعت جدتها تقول لاتطول فوق عشان بيجون حريم عمامها وعمتها..طلعت فووق وتبغى تطير من الفرح..وتذكرت كلامه لها وجلست تضحك وتغطى وجهها بيدينها وتضحك ..وتطلع الجوووال وتناظر فيه وتبتسم وقالت بنفسها"ماراح افتحه لا اليوم ولا بكرة ولا بعده بشوووف وش تسوووي ياخالد هههههههههههههههه"
مرات الايام عليها كلها فرح وسعاده وصارت تكلم خالد وكل يوم تكتشف اشياء تنعجب فيه كل ماقامت ونامت تدق عليه تسمع صوته يعنى البنت طاحت ولا احد سمى عليها..وهو نفس الشئ تعود عليها وعلى كلامها ورقتها واكثر شئ حب فيها قلبها لانها كل شئ تصدق بطيب نيه وهو ينبسط عليها اذ قالها سالفه من خياله وتصدق
بسرعه بس مايهون عليه يخليها تصدق ..
خالد يضحك:هههههههههههههههه يابعد عمري هههههههههههههههههه
هديل معصبه:لاوالله بعد عمرك وتخف عليها بسوالف كذب بكذب...خلاص لاتكلمني..
خالد:ههههههههههههههه هذا مشكله القلوووب الساهيه هههههههههههههههههههههههههههه
هديل:وش قصدك..؟؟........."اضغط هنا لتكبير الصوره..قلبي واعرفه"
خالد:ههههههههههه ولا شئ ههههههههههه اقووول هدووووووله......
هديل بزعل مصطنع:نعم....وش تبغى من هديل.؟؟؟؟
خالد:اوووف اوووف مرة وحده نعم.....أقووول تكلمي لاعطيك كف تتعدلي فيه...
هديل مستغربه:الله توك وش زينك معي وانقلبت فجاءة.."بدلع"..وبعدين تهون عليك هديل
خالد:لا والله ماتهوووون علي......وانا وش اكون عندك؟
هديل بحياء:امممممممممم....انت......امممممممممممم ...
خالد:بعد وتفكر انا وشووو....تقووولين والا اطلع يدي من الجوال واخنقك...
هديل:هههههههههههههههههههه انت....كل.....شئ.....بحياتي...
خالد مبسووط:وانتي......وانتي كل راس مالي....كنت ضايع من غيرك ولما عرفتك عرفت اهدافي.......طال سكوتها.......ليش ساكته؟؟؟
هديل تبتسم بحياء:اسمعك......خالد كنت بتقووول شئ..؟؟؟
خالد يبتسم:ايه كنت بقولك شئ......."تعرف تصرف هين اصبري ماشفتي شئ"
هديل باهتمام:خير ان شاءالله....."الله يستر ليكون سالفه من سوالفك"
خالد:ان شاءالله خير....بخصوووص السكن...وش تشوووفين احسن عندي امي منيرة او ببيتنا...؟؟؟
هديل:معليش خالد احب اسمع رايك بالاول وانا بقولك راي بعدين..؟؟
خالداضغط هنا لتكبير الصورهk..ياالغاليه...انا اشوووف نسكن ببتنا احسن لان امي صاجتني عليك وكل شوووي تقول انا ابغى هديل عندي ومن هالكلام...وانتي وش رايك؟؟
هديل بحياء:انا من رايك...واللي تشوووفه مناسب اعمله وانا مغمظه عيوني....
خالد:تسلم لي هالعيون....خلاص انا بقول امي منيرة وان شاءالله توافق...
هديل تسمع امها تناديها:خالد..انا بسكر الحين بشوف امي منيرة وش عندها...
خالداضغط هنا لتكبير الصورهk..انتبهي على نفسك....
هديل بحياء:ان شاءالله..وانت انتبهى على نفسك...ولا تسرع وانت تسوووق...
خالد بصوت كله حنان:خايفه علي...
هديل:اكيد بخاف عليك...واذ ماخفت عليك اخاف على مين....
خالد:ياليت لو مرة اجي عندكم وتقولين لي هالكلام الحلووو..سكتت....طيب انا بسكرمع السلامه...
هديل :مع السلامه....وسكرت من خالد وعالطووول غيرت بجامتها ورفعت شعرها ونزلت تشوف امها منيرة كانت تحس بفرح تغيرت وفوق هذا تعلقت فيه ماصارت تستغنى عنه وعن صوته
تحدد الزواج بعد نهايه الفصل الدراسي الثاني يعني بعد اربع شهور وبكذا يكون قسمهم الخاص مخلص
بدت هديل تجهز فكانت كل يوم تروح للاسواق مع عماتها..وكل ماصارت فرصه لمنال رحت معها..دخلت فستان الزواج وفساتين السهرة عند مشغل اما الباقي بتشتريه جاهز...
ماجد بعصبيه:وشلون ومتى صار الكلام ..وليش ماقلتيلي...؟؟؟؟
ام وليد تهديه:صار لهم شهر وهم متملكين..وبعدين ماتوقعتك تكون جاد بكلامك..
ماجد:وشلون جاد الاجاد ونص..تدرين الشرهه على اللي يتكل عليك..قام من مكانه
ام وليد:وين رايح لحظه خلني افهمك وش اللي صار واللي بيصير...؟؟؟
ماجد معصب:وش تفهميني..خلاص هديل طارت ....؟
ام وليد بخبث:واذ قلتلك انها ماطارت وراح تتزوجها انت ..؟؟؟
ماجد بحيرة:وشلون....شيخه وش حابه توصلين له...؟؟
ام وليد:مو انت تبغى هديل زوجه لك.!!!!
ماجد:ايه..بس وشلون..؟؟؟
ام وليد:خلاص خل الباقي علي ولا يهمك..وبعيدن راح تعرف..انت عطني فرصه؟؟
ماجد:بس يكون بعلمك مابغى اي مضرة لا لي ولا لها..تسمعين...
ام وليد بابتسامه جانبيه:اطمن...راح اسوي اي شئ عشانك..
كانت جالسه مع بناتها تسولف معهم لين ماجت بنتها مها(ام حمد)ويله تسحب عمرها لانها بالشهر الاخير..سلمت على امها وخواتها وجلست مقابل امها..
مها:ياربي..خلاص شكلي بولد الحين"ضحكوا عليها خواتها"...اضحكوا عسى ربي يبلكم مثل ماابتليت...
منيرة:والله اللي يسمعك يقووول اول مرة تحملين هههههههههههههههههههههههههههههههه
ام حمد:الله يسهل عليك يا بنيتي..وش اخبار خالتك ..؟؟؟
مها تتنفس بتعب:والله بخير..على طاري خالتي..ذابحتني كل شوووي تسال عن منال..؟؟
لمى:ليش وش عندها خالتك ليكون حاطه العين ..؟؟؟
مها:ايه والله حاطه العين..وكم مرة المح لها نبغاها لاخوي حمد ماتسمع الا لولدها مشعل..
ام حمد:ماشاءالله يبغون يزوجون مشعل..
مها:ايه لهم كم شهر واكثر يدورون له..لاوتقووول لو ان هديل ماتملكت كان اخذنها..
منيرة:الا تقوي النسب بالغصب..
مها:وش اسوووي فيها..تقوول خلي امك تكلم امها عشان نجي او عطيها رقمهم...
ام حمد:لا والله اعطيها الرقم يتفاهمون مو زينه نتدخل بينهم..انتي عطيهم من غير محد يدري..
مها:ان شاءالله....
جالس بالصاله ينتظر امه تجي من السوق وكان يفكر وشلون يفتح لها الموضوووع برغم انه مو وقته بس لازم يتحرك والا بتروح عليه..وتدخل امه وتجلس ..
ام محمد تناظر بولدها:نصوووري وش فيك؟؟
ناصر يبتسم:لا سلامتك ياالغاليه..كنت افكر بالتخرج..؟؟
ام محمد:باقيلك سنه..وان شاءالله بتتوظف ..وعقبها تعرس؟؟
ناصر بتردد:احم ....يمه...انا ابغاك بموضووع.....بس اتمنى تفهمني...واعتبريه وصيه وابغاها تتنفذ...؟؟
ام محمد بخوف:بسم الله عليك...وش ذا الكلام.....ناصر لو تبغى عيوني اعطيك اياهم كم نصووور عندي...امرني يمه تدلل......تبتسم
ناصر:تسلم عيونك..ومايامر عليك عدووو...بس اوعديني تفكير بكلامي ولاتتسرعين بحكمك على القرار اللي بتتخذينه....؟؟؟
ام محمد:اوعدك واعرف اني بفكر قبل اي شئ...
ناصر منزل عيونه:ابيك تخطبين لي......"رفع عيون لامه حصلها مصدومه منه"
ناصر:يمه انا اعرف بتقولين اني صغير ولسه ماخلصت دراستي بس ان شاءالله باقي لي سنه واتخرج ومن ناحيه الوظيفه الحمدلله ابوي شركته موجوده...و......سكت
ام محمد:و..وايش يا ناصر....
ناصر:انا ماقلت ابغى اتزوج الحين اقل شئ خطبه...واذ ملكه احسن بعد.....
ام محمد بجديه:خلصت.....هز راسه بالايجاب......قبل ماقولك راي بنت مين؟؟؟؟
ناصر بتردد:احم...منال.....بنت خالي..."رفع عيونه لامه"...عبدالعزيز
ام محمد:اهااااااااااا........ليش هي بالذات.؟؟؟؟
ناصر:احم.....ببساطه ابغاها...واخاف تطير....
ام محمد:وشلون اخترتها..وش عرفك فيها.....وكيف تطير؟؟؟؟
ناصر بجديه:شفتها مرة ودخلت مزاجي...و اخاف يجون ناس ياخذونها مني...وانا ابغاها
ام محمد قايمه:ناصر فكر زين بعقلك مو قلبك...لاتحسب الزواج لعبه....الزواج مسؤوليهوانت عود طري ماتعودت على المسؤوليه يايمه...فكر زين ..وانا بفكر زين بكلامك عشان كذا ماراح استعجل لين مااتاكد من شئ..
ناصر يأكد لها:يمه تكفين انا طلبتك واعتبريها وصيه....
ام محمد بعصبيه:ناصر وش ذا الكلام اللي ماله سنع...خلاص انا بفكر واعطيك خبر..لتصير لحوووووح والزواج مو طاير...
ناصر يقاطعها:بس البنت بتطير وانا ابغاها....
ام محمد ترفع صوتها:نااااااااااااااااااااصر.....قلتلك خلاص وش فيك انت..
ناصر نزل عيونه:طيب يايمه اللي تشووفينه.....طلع عالطووول برا البيت...وضافت امهلانها اول مرة ترفع صوتها على عيالها وخاصه على ناصر ...
كانت جالسه مع امها وزوجها يضحكون..ومنها يقنعونها بالسكن ببيت ابو محمد وان امه نورة تبغى هديل عندها...
الجده:وانا ابغى بنيتي عندي انا احق من امك......
خالد يبتسم:عسى راسك دايم...يمه تعرفين امي نورة الا هديل تسكن عندها ومسويه قسم خاص لنا
واوعدك متى مابغيتي هديل اجيبها لك وش قلتي...
الجده:لالالا قلت عندي ...وبعدين هذا شرط من شروطي قبلته الله يحيك ماقبلته الله معك..
خالد يضحك:هههههههههههههههه وش عقبه عقب ماطاح الفاس براس..لالا يمه قولي غير ذا الكلام
هديل:طيب فيه اقتراح ثاني......
الجده:وش الاقتراح ياحرم خالد مبارك... "استحت من كلامها اما وخالد يناظر فيها"..
هديل بحياء:دامك تبغينا نسكن عندك وعمتي تبغانا...انا اقووول نسكن بمسكن مستقل..عشان لا انتي ولا عمتي تزعلون..."تناظر خالد"....صح خالد...!!!!
خالد يحرجها:درر وربي ماتقولييين غير الدرر...يادرة انتي...."استحت ونزلت راسها"
الجده:هاه خويلد مو كانك تتغزل قدامي..عيب وانا امك..مو وقته...
خالد:يؤؤؤؤ نسيت والله اخر مرة..يمه ماتوقعتك غيورة لدرجه ذي اجل ابوي سلطان الله يرحمه ماكان يتغزل فيك هههههههههههههههههههههههههههههه
الجده مفوله:هاه ياوسيع الوجه احد يقول ذا الكلام..لو حرمتك ماهي فيه كان وريتك شغل هالعصى الل بيدي........."ترفع عصاها"...وهديل فاطسه ضحك
خالد:لالالاخلاص والله ماقصد...موناقصين فضايح هههههههههههههه ..وانتي اضحكي ولا كان رجلك بينضرب وعاجبك...
هديل تضحك:هههههههههه احسن عشان ماتحط راسك براس امي ههههههههههههههههههه
الجده تلوى هديل:الله يرضى عليك هذا الكلام مو كلام الماصخ....ويدق الجرس وراحت صفيه تفتح الباب ودخلت عليهم ام وليد واول شئ حطت عينها على هديل لان لويه عليها جدتها..مشت وسلمت على الكل وجلست "ليش جايه الله يستر وش ناويه عليه بعد مو يكفى اللي سوته معي وش تبغى بعد..يارب اكفينا شرها اذ فيها شر..."انتبهت على امها منيرة تقولها تجيب القهوة وعلى قومتها اذان العشاء وراحت وقلبها مقبوووض من اللي راح يصير.
مر كم يوم على سالفه ناصر..وهو مايجلس كثير بالبيت..ام محمد ماقصرت بشئ من يوم قالها فرحت اكثر منه بس خافت على مستقبل البنت انه يحجر عليها وبالنهايه يطلع كله حركات مراهقه.. عشان كذا تمهلت وشاورت ابو محمد وقال مافيه شئ اذ الولد انربط من الحين دامه راضي بالعكس اقل شئ يتعود على المسؤوليه وقال لها تفاتح اخوها بس تكون السالفه بينهم لين مايجي الوقت المناسب.. كلمت حماه مها ام سلطان عن منال..وهي من جاها الخبر وهي متضايقه تفرح او تحزن..اللي خافت منه صدق جوها خطاطيب مثل ماقال ناصر..
من بعد ماجتها خالتها وتحس ان شئ مو طبيعي..."له كم يوم مطنشني..ياربي وش صار فيه؟...جواله اغلبيته مقفل او مايرد على ..ابغى افهم وش صاير..لازم يفهمني مو معقووله اصير اطرش بالزفه"....دقت عليه وقلبها يدق بقوووة وطووول مارد وانقطع ورجعت دقت وعلى اخر شئ رد...
خالد من غير نفس:الوووووووو
هديل مستغربه:خالد..شلونك؟؟؟........"ياربي ليش كذا يتكلم معي"
خالد بنفس نبرته:الحمدلله....وشلون امي منيرة؟؟؟
هديل:بخير.....بس امي منيرة تسال عنها وانا لا..؟؟؟
خالد:والله بكيفي اسال على اللي اعزهم واحبهم........"هديل انصدمت من الكلام"
هديل بعبرة مخنوقه:اسفه على الازعاج اعتقد دقيت على الرقم بالغلط......عالطوول سكرت
وجلست تناظر بجوالها على امل يدق بس مادق وعالطوووول صاحت ورمت الجوال..وجلست كل اليوم محبوسه بغرفتها ولا نزلت تحت...من ناحيه خالد كان متضايق اكثر منها مو قادر يصدق اي شئ..اول ماسكرت يناظر بشاشه جواله وقلبه متقطع عليها" لاياهديل منتي غلطانه..بس ليش سويت كذا..لو انك رافضتني من الاول اهون علي من اعرف من الناس..يارب ساعدني..اقووول لامي او لا..صعبه اقووولها اخاف تنصدم ببنتها..احسن شئ لازم اصفي معها كل شئ بهدوووء من غير محد يعرف"..
ام محمد:هاه ياخوووي وش رايك بالكلام اللي سمعته.؟؟ ...
ابو سلطان بحيرة:والله ياختي مدري وش اقووولك..لو الف العالم ماراح احصل واحد مثل ناصر يحافظ على بنيتي..بس ؟؟
ام محمد بحيره:بس وشو ياخوووي عسى خير..؟؟
ابو سلطان:خير ان شاءالله..ام علي حماه مها بنت اخوووي متقدمين لمنال لولدها مشعل..؟
ام محمد بضيق:يعنى افهم ؟؟؟
ابو سلطان:لاتفهمين غلط الله يهديك..بس حبيت اعطيك خبر؟؟
ام محمد:وش رايكم انتم وش راي منال..؟؟؟
ابو سلطان:انامدري وش اقووولك..ومنال للحين تفكر ماردت لنا.؟؟؟
ام محمد:طيب ياخوووي الزواج قسمه نصيب..ناصر وش اقووله
ابو سلطان:لاتقولينه شئ قووولي بنشاور البنت..وانتي تعرفيني يا نورة مااغصب بناتي على شئ مصيري..وانا بقوول منال وهي اللي تختار..؟؟
ام محمد:عساك سالم يابو سلطان وتاكد لو منال مااختارت ناصر والله بفرحلها وكانها بنتي وعسى ربي يوفق الجميع..يله انا بروح الحين...
ابو سلطان:لاوالله ماتطلعين لين ماتتعشين..ولاتقووولين ابو محمد وغيره...يجي هو الثاني يتعشى عندنا...اعوذبالله ماكننا اهل لاعشى ولا غداء اللهم الجمعه اللي ضافتنا..
ام محمد تبتسم:الله يخليك لنا ويخليك لعيالك خلاص والله ماكسر كلامك بتعشى وانت تفاهم مع مبارك
من بعد ما كلمت عليه اخر مرة ماصارت تطيق احد ولا تبغى تعرف اي شئ..الاسواق ماصارت تروح بحكم انها تعبانه او تكون نايمه ومالها مزاج لطلعه..ونزلت لان جدتها تبغاها
هديل بصوت تعبان:هلا يمه بغيتي شئ.؟؟؟؟
الجده:ايه...وش فيك يمه عسى ماشر ماعاد تنزلين وتاكلين وش فيه ليكون خالد للحين زعلان عشان السكن والله يايمه ماكانت اقصد شئ وكنت امزح واذ على خالد انا بكلمه وانتم احرار تبغووون تكسنووون عندي ياهلا ومسهلا واذ تبغون تسكنون ببيت عمتك الله معكم بس لاتسوين بعمرك كذا حتى عماتك مستنكرين تصرفاتك وخلاص براحتكم وهواكم...كانت بعالم ثاني مو عالم امها منيرة عالم خالد اللي تغير عليها ولاصار خالد الحبيب
الجده:هديل...وش فيك يمه...اذ على خالد انا اكلمه
هديل تحاول تكون طبيعيه:لايمه مافينا شئ...بس احس بشويه صداع
الجده:بسم الله عليك...اكلتي بندووول..
هديل قايمه:ايه اكلت...والحين اسمحيلي يمه بروح انام شوووي ...حبت راسها وراحت وهي تسمعها تدعي لهم..طلعت لفوق بخطوات ثقيله ووصلت لغرفتها وقفلت بابها وحطت راسها وهاجمتها نوبه بكى قويه ونامت من بعدها.....
خالد اللي قرر يجي لعندها يتفهم معها مو معقوله يجلس متكتف يدينه موعارف وشلون يتصرف..
حمد:خالد اشوفك مهموم....عسى ماشر؟؟؟
خالد يحاول يبتسم:ماشر ياحمد..بس مشاغل بالدوام......يشرب القهوة
حمد:خالد انا اعرفك زين اكثر من اخوانك وعمتي..وش فيك؟..صاير شئ بينك وبين هديل؟
خالد:مشكله وان شاءالله تنحل لاتشغل بالك....
حمد:خالد انت تعرفني ماحب الح عليك ...واذ بغيتني تعرف تلقاني.....
خالد يبتسم:ادري وربي ادري بس خلني اتصرف هالمرة ومن حالي...
حمد:ولو انك تسمع من غيرك احسن..بس دام ماتبغى براحتك وانا واثق انك بتجي وتتكلم...
جلسوووا يكملووون قهوتهم وسوالفهم بس خالد بعالم هديل اللي للحين مو مصدق اي شئ عنها
ام نواف تكلم امها:ليش يمه وش فيها...؟؟
الجده:والله مدري عنها...حتى الاكل ماتاكل مثل الناس مدري وش صار فيها اكيد متهاوشه مع خالد اجل تحبس نفسها ولا اشوووفها..
ام نواف متضايقه:خلاص يمه انا بكلم خالد افهم منه وش صاير بينهم...
الجده:لا ياسارة..لاتكلمين احد لو هديل تبغانا نتدخل كلمت عمتهانورة هي اقرب..وبعدين اذ بينهم مشكله خليهم يحلونها لحالهم........ويدق جرس الباب وراحت صفيه تفتح وتدخل للصاله
صفيه:ماما ..هزا مستر كالد يبقى مدام هديل..؟؟؟؟
الجده:روحي قووليلها بسرعه..تعالي ليش مادخل هنا ليكون جالس برا..؟؟
صفيه:لالا ماما دخل جوا بالمجلس تاني....راحت تناديها....
الجده تكلم بنتها:ماقلتلك جاء الحين وان شاءالله يهدي سرهم ويسعدهم.....طقت صفيه بابها اكثر من مرة لين مافتحت الباب ...
هديل بصوت مبحوح:خير صفيه وش بغيتي..؟؟؟
صفيه:مستر كالد تحت يبقى انتا.....هديل طيرت عيونها معقوله خالد جاء وتنازل يبغى يكلمها اكيد راجع نفسه.....
هديل بفرح:الحين بجي....وعالطووول قفلت الباب وغيرت ملابسها ونزلت تحت للصاله ولاحصلت احد ليكون طلع وهون بس الجده قالت انه ينتظرها بالمجلس اللي برا وطارت لهناك....واول مادخلت للمجلس كانت خايفه من نظراته الجامده لها
هديل بخوف:الـسـ.....السلام عليكم.........نزلت عيونها ومشت لين ماوصلت عنده ...
خالد ببرود:وعليكم السلام....وشلونك وشلون امي منيرة؟؟
هديل:مو انت تسال عن اللي تعزهم وتحبهم...ليش تسال عني؟
خالد:يالله..انتي ليش كذا معقده......."انصدمت هديل ولاحبت تتركله مجال "
هديل:لو سمحت احترم نفسك.......
خالد بعصبيه:انا محترم قبل ماعرفك..ولا شووفوا من يتكلم باحترام ...
هديل بحيرة:خالد انت ليش تسوي معي كذا...غلطت عليك...كذبت عليك..ليش فهمني؟
خالد بابتسامه جانبيه:معقوووله ماتعرفين ليش اعاملك كذا....هديل خلاص شبعت وانا العب دووور المغفل اوراقك انكشفت....
هديل بعبرة مخنوقه:اي اوراق؟؟ وش تقووول انت مو فاهمه شئ ...خالد حرام عليك اللي تسووويه فيني وربي حرام.....عالطووول قرب منها ومسك يدها بقوووة ويهزها
خالد يصارخ:حرام علي...انتي تعرفين الحرام..واللي سويتيه مو حرام ....
هديل تصارخ:انا وش سويت قووولي فهمني...لاتتهمني بشئ مالي ذنب فيه....بكت
خالد تركها:انتي سويتي اشياء كثيره ومع الاسف محد عرف عنك واولهم خالي المسكين..تدري اكتشفت اني اخطات باختياري فيك..ودموعك هذي ماراح تاثر فيني...تبغين تعرفين يا الغاليه مثل مايقولون اخوانك.."سكتت وتناظره بتحدي"..ممكن تقووولين لي يا مدام هديل وش مدى علاقتك بماجد ؟؟؟....
هديل مصدومه:اي ماجد...انت وش قاعد تقووول.؟؟
خالد:يامدام انا فتحت عيوني على الحقيقه اللي مخبيتها على الكل..بقناعك هذا المزيف قناع كله برائه وخداع ولو يعرفووون وش وراه كان شفتي اشد من اللي تشفينه مني..."دفعها عنه بقوة لناحيه الكراسي وجلست...وهي مو مصدق باللي تسمعه"..
هديل بصدمه:خالد ابغى اسمع اللي سمعته..ابغى افهم..لو سمحت..؟؟؟
خالد متمالك اعصابه:اسمعي يامدام...اكتشفت ومع الاسف مؤخر ان زوجتي كانت على علاقه مع اخو مرت ابوها ولا واي علاقه علاقه حب قويه لها سنين طويله ولما قال الحبيب ان امه مو راضيه على الزواج قامت الحبيبه وتركته وسوت سالفتها عشان تبتعد عن حبيب العمر ودقت على عمتها وتقولها تعالي اخذيني وهذا كله تلفيقxتلفيق..وضحكت على اهلها كلهم ولما جتها فرصه الزواج قالت ليش لا خليني انتقم من الحبيب يمكن يحس باللي بينا وراحت وضحكت على الزوج المغفل اللي هو انا...
هديل بتحدي:ممكن اعرف وشلون طلعت السالفه...لاتقووول ماجد جاء وقالك؟؟
خالد:لا مو ماجد...اخت ماجد قالت كل شئ عنكم وهي كانت ساكته عشان خاطر اخوها ولما شافته على حافه الجنون والانهيار قالت لازم تعطيني خبر عشان اخوها المسكين..بس لاتخافين محد راح يعرف بالموضووع انا وعدتها
هديل متمالكه اعصابه:اهاااااااااا...وانت وش تشووف؟؟وش الحل برايك..؟؟؟
خالد:مافي حل غيره...كل واحد يروح بطريقه.....
هديل دمعتها جامده بعيونها:خالد ممكن تسمعني؟؟
خالد:ماعاد يفيد الكلام ياهديل...لو انك رافضتيني اهون علي من اسمع كلام مثل هذا...وقام يبغى يطلع.....
هديل:لحظة يا خالد.."وقف عند الباب"..حتى لو قلت اني برئيه من الكلام كله...
خالد بنفاذ صبر:هديل ورقتك راح توصلك وصدقني راح احل الاشكال بطريقتي من غير فضايح انا وعدت وماراح اخلف وعدي..وطلع عنها وهي على وضعها مصدومه باللي سمعته..قامت ومشت لحد غرفتها وقفلت عليها الباب"دامك بعتني ياخالد بسبب انا مالي ذنب فيه انا بعد ابيعك..هذا اخر شئ اتوقعه انك ماتسمعني ولاتصدقني ...صدقت الغريبه وتكذب اقرب الناس لك..حسبي الله ونعم الوكيل ..خلاص انا بكيت كثير وعمر الدموع مافادت بشئ احسن اني انسى كل شئ انسى خالد وشيخه وكل شئ كل شئ ولا بكون متسامحه مع اي حد خلاص القلب ماعاد يتحمل الالم وعذاب"...
خالد اول ماطلع منها جلس بسيارته مايدري كان على حق او لا.."يالله تسرعت كثير بحكمي المفروض اسمعها وش الفايده الحين..وش اسوووي اقول امي..لا وشلون اقووولها واذ صار لها شئ من اللي تسمعه..انا بنتظر وبعيدن احلها بطريقتي "وحرك سيارته ولاهو عارف وين يروح
على الساعه 10بالليل وقف عند بيت اخته متردد فجلس بالسيارة يفكر وماحس بالوقت الا وابو محمد مع زوجته وقفوا بجنبه..
ابو محمد:ابو وليد ياهلا ومرحبا...ليش جالس هنا تعال ادخل داخل ..
ابو وليد طالع من سيارته..دقيت على البيت ولاحصلت احد وقلت انتظركم هنا...وشلونك نورة.؟؟؟
ام محمد مستغربه:هلابك اخوووي...بخير وشلونك انت وشلون العيال ليش ما دخلت داخل.؟
ابو وليد:الكل بخير....حبيت انتظركم هنا..وماصار شئ عاد كبرتوها..
ودخلوا مع بعض للخيمه و قامت نورة تجيب شئ لكن اخوها يبغاها بموضوووع ولما شاف زوج اخته قايم حلف عليه يجلس لانه مايرتاح الا معهم ام محمد استغربت من اخوها ومن الموضوووع اللي مايتأجل لبكرة وماحبت تضغط عليها بالكلام لين مابدء وتكلم وعرفت ان اخوها مهموم وبقلبه حمل ثقيل لازم احد يشيله معه وماحصل الا غيرهم....
مر اسبووووع على سالفه ناصر و منال..ماوصل الخبر لمنال كانت منهمكه بالامتحانات وموضوع مشعل.."اذ ناصر يبغاني ليش ماتحرك طيب ليش افكر فيه وهو مافكر فيني يمكن اللي فيه اعجاب لامو يمكن الا اكيد..وبعدين دام مشعل الكل يمدحه ليش لا..يمكن هو اخير من ناصر..باستخير وربي يسهل"..ناصر اللي مايعرف شئ عن الموضووع كان يتامل امه كل يوم تجي وتبشره..
نوف ماتدري عن الاحداث اللي صارت بالعايله لهديل ومنال..كانت مشغوله بالدراسه وتضغط على نفسها عشان تجيب نسبه وتدخل للجامعه مع هديل"هذا المتفق عليه"..
ام محمد بعصبيه:وبعدين معك انتي وخالد لا انتم تتكلمون ولاتقووولون وش فيكم..هديل وش صاير بينكم....هديل منسدحه بالسريرتحس بضعف بس ماحبت تقووول او توضح لاحد..
هديل بتعب:عمتي الله يخليك ارحميني...مافينا شئ..واذ انتي حاسه روحي اسالي خالد؟؟
ام محمد:وماراح اسال خالد وانا الحين اسالك انتي تتكلمين او شلون..هديل الله يهديك قووولي مومعقوووله كذا وضعكم ومابقى على زواجك الا شهرين..يمه اذ متهاوشين لنا حق نتدخل ونصلح مابينكم...
هديل بدموع متجمده:وش تبيني اقوووول...اقووول ان خالد......مايبغاني..
ام محمد مصدومه:وش تقوووولين.....ليش وش صاير؟؟.....تكلمي
هديل:موتبغين تعرفين وش بينا هذا اللي بينا....وانا خلاص ياعمتي وربي تعبت دام خالد مايبغاني انا مابغاه...واذ تبغين تعرفين السبب اساليه....ام محمد قامت عالطووول وطلعت من غرفتها وتركتها تبكي على حالها"ياليت ماتكلمت ولا قلت شئ...الحين بيقووول متمسكه فيني عشان كذا تكلمت..لاياخالد مو هديل تتمسك بشئ بعاها "...
اول مانزلت شافت اخوها وامها جالسين بالصاله وراحت سلمت عليه وخلت نفسها طبيعيه..وجلس شووي معهم لان قال بيسافر الحين وحب يسلم عليهم ولما بغت تمشي وصاها على هديل وعياله لان تدرون محد يدري متي يجي اجله وخاصه السفر طمنته وطلعت تروح تشوف خالد...سلمت هديل على ابوها ولاحظ اللي فيها التغيير على وجهها وسالها وقالت من الارق والتفكيروالحمدلله الجده مافضحتها لان ولدها مسافر ولاحبت تضايقه وجلس مع بنته شوووي ووصاها على نفسها وعلى امه واخوانها وطلع ومسك خط القصيم لانه عنده كم شغله وبعدين بيروح لجده....
اول ماوصلت للبيت راحت لغرفته لكن ماحصلته بتفهم منه وش السالفه دقت على جواله مقفله ومسكت اعصابها ..خالد اللي مو قادر يحصل سبب مقنع يقنع امه وخاله مو قادر يفكر فعشان كذا سافر للشرقيه ويمكن يطوول فيها لين مايحصل على حل مقنع..ساره لما عرفت الخبر من اختها تضايقت مرة وقالت لازم يضغطون على هديل عشان تتكلم بس نورة قالت تبغى تسمع خالد مو معقوووله يفكر بالانفصال الا بسبب كبير
يوم الخميس بعد صلاة الفجر دق التلفون على دخله وليد من المسجد استنكر المتصل
وليد"اللهم اجلعه خير":الوووووووو
.....:السلام عليكم...اسف اخوي على الازعاج هذا بيت ابراهيم سلطان....
وليد بخوف:ايه هذا بيته..مين معي..؟؟؟
....:معك المستشفى...ابراهيم عمل حادث والحين هو بالعنايه المركزة ياليت تجون باسرع وقت لان حالته حرجه....
وليد مصدوم:اي مستشفى ..؟؟؟؟....وعرف المستشفى وعالطوول سكر واتصل على عمامه وطلع من البيت...الخبر انتشر بالعايله وتجمعوا ببيت ام وليد اللي من عرفت وهي تبكي وتولول على زوجها والكل ينتظر اتصال من اي احد..هديل اللي ماسكه نفسها
حاولت ام محمد تهدي ام وليد وتسكتها عشان عيالها اللي كل شوي يصحون وعشان هديل اللي مو مستوعبه الامر..وفجاءة دق التلفون وعالطووووول قامت سارة وشالته وعيونها على عمتها وتنتظر اي خبر حزين او سعيد...وسكتت سارة شووووي ولاتكلمت ولا حرف وجت ام وليد واخذت السماعه وشوووي الا وصرخت باعلى صوتها على ابو عيالها وزوجها وهديل اكتفت تناظر فيهم وهم مجتمعين عليها فجلست بمكانها وتبكي من داخلها وجت عمتها سارة ووقفتها وتناظر بعيونها والدموع متجمعها فيها ولما نطقت عمتها"عظم الله اجرك"..
هديل مصدومه :لا...لا...مستحيل....وصرخت بلا...وحظنت عمتها وبكت بقوووووة...صار العزاء ببيت ابو وليد والكل مجتمع عندهم ..خالد من عرف الخبر عالطووول جت هديل بباله وحب يعرف وش حالها..لكنه يكابر ولاحب يسال عنها...
وليد هو الوحيد اللي متمسك عشان اخوانه مثل ماقاله عمه عبدالعزيز هو رجالهم ولازم يكون اقوى من الظروووف و عمامه وعيال عمامه وعماته بيكونون معه وماراح يتركونه بحاله وماقدر وليد يتماسك وحظن عمه واول مرة يبكي على ابوه وحس بفراغ ووحده وخايف من مسؤوليه كبيرة يفشل فيها..
اما عبدالله مابطل من الصياح وكل شوووي فواز يجي يواسيه ولايتركه لوحده ويحاووول يتقبل وضعهم من غير ابوهم ويجلس يبكي وكل مايتذكر ابوه..اما الاطفال مايدرون عن السالفه كل ماشافوووا امهم تبكي او هديل بكوووا معهم ...
باخر ايام العزاء كانت هديل جالسه بالصاله الفوقيه وتناظر باب غرفه ابوها..."آآآه يايوبه رحت وتركتني لحالي..ماعاد عندي شئ استند عليه..الله يرحمك ويحلك..رحلت وتركتني
يوبه مابي شئ ابيك انت ترجع...ارجع وانا ارجع للبيت واتحمل كل شئ من خالتي بس ارجع"نزلت راسها وبكت بقوة..جتها عمتها نورة جلست بجنبها..
ام محمد بنيرة مخنوقه:يمه هديل الكل يسال عنك انزلي تحت..خالتك تبغاك ...
هديل بصوت مبحوح:مابغى احد..لاخالتي ولا اي حد..اتركوني لحالي..
ام محمد:ولا انا ماتبغيني...هديل....اليوم اخر يوم والمفروووض ماتجلسين لحالك قومي معي ....وقامت معها ونزلوا تحت وهي تترنح من التعب ..
جلستها بجنب خالتها اللي تبكي من قلب على فراق زوجها ناظرت هديل وحضنتها ..وبكوا سوا
على الساعه 11 انتهى العزاء والكل دخلوووا لصاله الكبيرة ببيت اخوهم لكن شيخه ماكانت معهم..العمام وعيال ابراهيم وخالد لان يبغى يشوف هديل ويعزيها..كان بالصاله الجده اللي تعبانه والضغط مرتفع عندها بفقدان ولدها وبناتها وهديل كانت بعالم ثاني ولاهي منتبه لهم لكنه يناظر فيها والتغير اللي حصل لها فقدت وزنها كثير وهالات سوداء تحت عيونها واثر الصياح باقي بوجهها...كل هذا ماغاب على نظره...
الجده:لا انا بجلس هنا ببيت وليدي وهديل معي..
ابو سلطان:يمه الله يطول بعمرك انتي تعبانه روحي ارتاحي العزاء وخلص والزم علينا راحتك..ولاحظ عمها ابو حمد سرحانها وكانها بعالم ثاني ....
ابو حمد يجلس بجنبها:هديل....فيك شئ تحسين بشئ...
هديل بصوت تعبان:مافي شئ عمي......"قامت وهي تترنح ".....عن اذنكم..
وطلعت فوق ويله تمشي..وتمسك بالدرازين وكانت بتطيح بس عبدالله كان وراها لان ملاحظ التعب عليها....
ابو حمد:وليد لاتترك اختك كذا ماتشوووفها التعب ماكلها اكل....
الجده تمسح دموعها بشيلتها:من زمان وهي كذا لاتاكل ولاتنزل محبوسه بغرفتها...والحين جات سالفه موت ابوها والله يستر على البنت وش بيصيرلها...
خالد نزل عيونه وكانه حاس بذنب بحقها وقال لوليد يبغى يكلمها...
وصلوا لغرفتها وعبدالله توه طالع منها وقالهم الافضل مايكلمونها لانها تعبانه بس خالد ماسوا له سالفه ودخل على طووول ووراه وليد..
خالد بتردد:هديل......"التفتت عليه وعيونها مليانه دموع"....عظم الله اجرك
هديل تناظرفيه ببرود:اجرنا واجرك..جزالك الله خير....ولفت للجه الثانيه
خالد:هديل.....مدري وش اقوووول ...قاطعته
هديل:مايحتاج تتكلم..كلامك وصلني من زمان و فهمته...مشكور تعبت نفسك على شئ مايسوى بحياتك.."تناظر فيه بتحدى"...انقهر منها وطلع من غير مايقووول شئ واستنكر وليد كلامها فجاءة.."اكيد ماهي صاحي والحادث ماثر عليها"....
مر على موته ابو وليد شهر..ام وليد تغيرت 180درجه مع الكل يمكن عشانها بحداد و لان فيه احد ينسيها ويشيل همومها..واخوانها انبسطوووا بوجود هديل وامهم منيرة..وهي يوم عن يوم تتعب جسديا ونفسيا وتحاوووول تكون قويه..
هديل تصب الشاهي:عمتي كان جبتي نوف.؟؟؟....
ام نواف:والله بغت تجي بس تعرفين اخر سنه ومابقى على الامتحانات شئ..هديل شلونك مع خالد
هديل تناظر عمتها وكانها تعرف شئ:..............
الجده:بخير كل يوم يجي يسال عنها..كلمتي اختك قوليلها مافي زواج الشهرالجاي ولا اللي بعده
ام وليد:خالتي مو حرام...خلوهم براحتهم...يمكن خالد مستعجل..
هديل تتدخل:لا انا مابغى اتزوج الحين..لدرجه ابوي رخيص عندكم اذ خالد مستعجل يروح يدورله على وحده غيري....قامت عالطوووول وطلعت فوق لغرفتها
ام وليد مستغربه:وش فيها...ماقلنا شئ يزعل ويعصبها....
ام نواف:مافيها الا كل خير بس تعرفين معزه اخوي الله يرحمه عندها...كيفها ماتبغى براحتها محد غاصبها لين مايطيب خاطرها..وانا مع بنت اخوي اذ خالد مستعجل يدور على غيرها...
الجده بعصبيه:انت انهبلتي..تعصين البنت ياسارة البنت محتاجه احد يوفق معها وانتي توقفين ضدها شوووفيها وش صايره بتذبح نفسها...لا تاكل وفوق كذا تجلس لازواج ولاشئ...لا لين جاء الوقت المانسب اعلنا الزواج رضت او لا...
ام نواف:يمه الله يهديك انا ضدها؟؟؟...والله ابغالها الخير بس كيفها معها حق تتزوج وابوها ماصار له كم شهر....
الجده بضيق:انت مهبوووله...ومن قال بنزوجها الحين والا عقب كم شهر...متى ماقررخالد الزواج زوجناهم..هذا وصيه ابوها(الله يرحمه)هو موصيني قبل مايسافر..
ام نواف قايمه:الله يرحمه خلاص سووا اللي تبونه..بروح اشوفها وبقولها الكلام..الله يهديها
ام محمد تفتح باب غرفته:اقدر اتكلم معك ...؟؟؟
خالد التف عليها متفاجئه:مايحتاج تستاذنين تفضلي يمه..؟
ام محمد سكرت الباب وجلست على السرير:وش اخبارك مع هديل....؟؟؟
خالد تنهد:زفت...."ناظر امه اللي تناظرله ببرود"...
ام محمد:انا ماراح اقووول شئ انت تكلم...بعرف وش صاير بالضبط....
خالد:يمه شئ وانتهى وانا ان شاءالله بحله بطريقتي....
ام محمد بصوت عالي:بطريقتك كيف...بالطلاق..!!!!!
خالد متفاجئ بامه:ومن قالك....هديل صح....على كذا عارفه كل شئ ليش تسمعين مني دامك سمعتي منها...
ام محمد بعصبيه:لو سامعه منها شئ ماجيتك او تعنيت اتكلم معك وبعرف وش اللي صاير..لاهي رضت تتكلم ولا انت راضي تتكلم انحشت ومدري وين رحت..
خالد بابتسامه جانبيه:اكيد مارح تتكلم..اللي يسوي الغلط يتكلم...
ام محمد:اهاااااااااا الحين هي مسويه غلط..طيب ياخالد قووولي وش مسويه؟؟
خالد:بقووولك يمه بس بشرط توعديني ماتقولين لاحد ولاتتصرفين باي شئ لين انا مااتاكد..الله يخليك يايمه مانبغى فضايح مع اي حد...
ام محمد:اوووف السالفه فيها فضايح..طيب بسكت ولا بتكلم لين ماتتاكد وهذا وعد...قال كل شئ لامه اللي انصدمت من كلامه ..
ام محمد بعصبيه:خالد انت وش تقوووول...اذ هديل هذه اخلاقها اعرف انها اخلاقك بعد انت..لعنبوا دارك هذي بنتي انا مربيتها وتقووول عن تربيتي كذا...الله يخسك من ولد..وانت صدقت كل الكلام على هالمسكينه..لا ونعم التربيه والله توني ادري بس اني ماعرفت اربيك زين..احد يشك بزوجته وفوق كذا بنتي..انا ربيتك ياخالد وربيت اخوانك شفتهم مرة اوسمعت يسوون غلط
"هز راسه بالنفي"...هذولاء عيالي..وهذيك بنتي..واللي يتكلم عن بنتي كلمه غلط ولو هو زوجي ماله مكان بقلبي...وطلعت عنه..وجلس على الكرسي يفكرومنزل راسه واكتشف انه على خطى وشلون يشك فيها ...شلون..انا لازم اوضح لامي كل شئ...وعالطووول راح لامه يكلمها..فكانت تصد عنه وماتبغى تسمعه ويجي يحب على راسها انه تسامحه ولما ذكر شيخه جن جنوووون ام محمد وعرفت مقصدها من هذا كله وعالطووول اخذت عباتها وقالت لولدها يوديها لبيت اخوها تصفي الحساب اللي المفروض تصفيه بحياه اخوها....
سكرت امها من ام علي تبشرها ان بنتها مواقفه على مشعل..دخل ابو سلطان وحصل ام سلطان مبسوطه وفرحانه..
ابو سلطان يجلس:هاه..وش عندك مبسوطه وفرحانه...فرحينا معك!!
ام سلطان:افاااا عليك..اكيد بفرحك معي....خلاص منال وافقت على مشعل وتوني مكلمه ام علي..وفرحت وقالت نبغى نحدد للرجال عشان يجون يتفقون على كل شئ...
ابو سلطان معقد حواجبه:ايه بس منال تبغى مسكن مستقل وام علي تبغى ولدها يسكن عندها..!!
ام سلطان:لاتخاف بنقووولهم ونكتبه شرط..دام الولد ماعليه كلام...."انتبهت على زوجها الضيقه"....عسى ماشر وش فيك..؟؟؟؟؟
ابو سلطان:ماشر بس اختي نورة كلمتني عن منال لولدها ناصر...والحين مدري وش اقووولها؟
باللحظة اللي ابوها تكلم وقفت منال مكانها وتوها نازله وانصدمت بالكلام اللي سمعته...وحطت يدها على فمها...
ام سلطان:يووووه طيب ليش ماقلتلي قبل مااكلم الحرمه..الحين وش بتقووول لاختك..
ابو سلطان:مدري انا وعدتها خير..وقصرت معها..انشغلنا بالعزاء ولا امداني اقولك او اشاور منال...والله اني مالي وجه اكلم اختي...."منال مو مصدقه اللي تسمعه عالطووول طلعت فووق وقفلت عليها الباب ناصر تقدم لي وشلون.؟؟..كيف يتقدم وهو ماخلص دراسته..؟؟اكيد يستهتر!!!لالالا مستحيل..انا وش قلت لامي وش سويت..؟؟ياربي احس استعجلت بقراري
وش اسوي وش اقووول"..........بكت على هالمصيبه
اول مادخلت بيت اخوها راحت للمجلس وحصلت زوجه اخوها وعيالها الصغار...وعالطووول وقفت ام محمد بعصبيه وهي تصارخ عليها وعلى اللي سوته وكانت مفوله عالاخر..وحاولت ام وليد تهديها وتفهمها اي شئ بس ام محمد ماعطتها فرصه تتكلم لين مادق التلفون وعالطوووول ركض حماده ورفع السماعه وقال لامه يبغاها وليد..بعد ماكلمت ولدها وسكرت قالت ان هديل راح تتنوم بالمستشفى..انصدمت ام محمد من اللي سمعته وسالتها عن المستشفى وقبل ماتطلع قالت ذنب هديل برقبتك ليوم الدين...وطلعت وتركت زوجه اخوها تبكي على حسرتها وافعالهاركبت السيارة وقالت لولدها يوديها للمستشفى..خالد مايدري ان هديل هي اللي تنومت بالمستشفى يحسب امه منيرة..واتصلت على وليد تاخذ رقم الجناح والغرفه..واول ماوصلت حصلت وليد واقف عند الاستقبال..وراحت له ووصلها لغرفه هديل ولقت امها واختها سارة وعبدالله وكانت نايمه وفي يدها المغذي..الجده تمسح عيونها بشيلتها وجالسه عند راسها
ام محمد منصدمه:وش فيها...وش صاير..؟؟؟؟
ام نواف تهدي اختها:مافيها الا كل خير..شووويه تعب وان شاءالله بتقوووم بالسلامه..
ام محمد:اي خير دامها بالمستشفى وبتنومه اكيد فيها شئ.....
الجده:يابنيتي...مافيها شئ...اطمني واسكتي عنها خليها ترتاح ..
ام محمد:طيب فهموني وشلون جبتوها هنا...؟؟؟
ام نواف:لقيتها طايحه عاللارض..وجبتها انا وامي واخوانها...والدكتووور طمنا عليها..
ام محمد:ليش وش فيها وش قايلين لها...
الجده:ماقلنا شئ...بس تكلمنا عن زواجها وعصبت وقامت علينا ولحقتها عمتها وماوعينا الا وسارة تنادي وتصارخ على وليد وعبدالله...
ام محمد:معقوله كل هذا عشان الزواج لالالا اكيد فيها شئ اعظم وماتبغون تقووولووولي..وش فيها بنتي..؟؟؟؟..محد تكلم وطلعت الا خالد ووليد توهم واصلين للجناح وسالت وليد عن اسم الدكتور وتبغى تروح له خالد اللي متضايق لما سمع من وليد عنها وطول الوقت يحاسب نفسه وعلى تصرفاته معها..
وام وليد جالسه تلوم نفسها وعلى تصرفاتها وان ظلمتها كثير وجلست تعض اصابع الندم على اللي قالته من كلام كذب وتلفيق على المسكينه..كلمت اخوها وقالت له كل السالفه عصب عليها وزاد عليها وان تصرفت بعدم عقلانيه ومن العصبيه ماحس الا وسكر التلفون بوجه اخته اللي جلست تبكي
على اللي سوته معها..
من بكرة الخبر انتشر عند اهل هديل جوها عمامها وكانوا فيه عماتها واخوانها..نوف لما عرفت تضايقت ولاقدرت تجي لان ازمة اختبارات ففضلت تكلمها..خالد اللي للحين متلوم وينتظر الفرصه المناسبه عشان يتكلم معها صحيح يكون موجود معهم بالغرفه بس قلبه متقطع عليها..اما هي
مافكرت تحط عينها بعين خالد اللي تحس بنظراته لها..
ابو سلطان:ماعليك شر ان شاءالله..بس الظاهر تبغى تشوووف غلاها عندنا..هاه هديل
ام محمد تناظرها اللي منزله راسها:هديل من يوم يومها غاليه علينا..
ابوحمد:ايه والله غاليه..اقول نورة ماقالوا متى يطلعونها...
ام محمد:لاوالله ماقالوووا..باقي تطلع نتايج الفحوصات..
ابو سلطان:مافيها الا كل خير..هديل وانا عمك تبغين شئ محتاج شئ..مايردك الا لسانك..وانا وعمك صالح مانقصر معك ترى غلاك من غلى عيالنا ويكفي انتي بنت المرحوم رحمه الله عليه
هديل بصوت تعبان:عساكم دايمين..ويطول باعماركم..وتاكد يا عمي اني اطلع الله ثم
اطالعكم مالي غيركم بالدنيا واذ احتجت لشئ ماراح اتردد عالطووول بوصلكم..
ابو سلطان:الله يوفقك يابنيتي ويقيمك بالسلامه..اسمعووا كلكم...هديل تحت رعايتي انا واخوووي بعد امي والكلام موجه لك ياخالد...
الجده:ياكبرها عند الله وشلون تحت رعايتك لو ان البنت مو متزوجه كان صح البنت بحكم زوجها ياوليدي..الظاهر الكبر ماثر على عقيلك..."الكل ضحك على كلام الجده الا هي اللي اكتفت بالابتسامه"..
ابوسلطان:مو هذا مقصدي يا يمه الله يهديك..انا قصدي هديل برعايتي لين ماتروح للبيت خالد وهو بكيفه...
خالد تدخل:عساك سالم ياخالي..بس السموحه منك ومن خالي صالح هديل زوجتي وتحت
حكمي من يوم ملكت عليها..وماراح اخليها تحتاج شئ ان شاءالله"ناظرفيها اللي باين انها تضايقت
من كلامه ولاقالت شئ"...ناظر امه وشافها مرتاحه بكلامه ومبسوطه بس مهما اللي سواه مايغتفر له..
ابو سلطان يقوم:والله انك اصيل ياولد اختي..تدري لو ماتكلمت ولا قلت شئ بقووول اختي ماعرفت تربي عيالها واخوووي الله يرحمه عرف يختار لبنته..الله يوفقكم ويسعدكم...يله ابوي هديل تبغين شئ محتاجه شئ قووولي لاتستحين...
هديل تبتسم:سلامتك ياعمي وعساك على القوة ويطول بعمرك انت وعمي صالح..وحب راسها وطلع بعد ماقال بيجي بكرة يطمن عليها ووراه اخوه..قرب وليد عند اخته وقالها بيروح للبيت اذ محتاجه اغراض عشان يجيبهم معها..
ام محمد:انتظر يمه وليد...خذ امي معك خلها ترتاح...
الجده:واخلي بنيتي...لالالا روحي انتي معه انا مافيني شئ ومرتاحه...
ام محمد:يايمه الله يهديك ماقلت لاتجين..بيجيبك بعد المغرب حتى ادويتك مااكلتيه..
الجده:ماعليكم مني هذه صحتي وانا اعرفها اكثر منكم..بجلس مع بنيتي..
هديل بصوت حنون:يمه الله يخليك روحي عشاني ارتاحي لك شوووي واذ على انا والله بخير ومافيني شئ وانا الحين بنام ابغى ارتاح شوووي...
الجده قامت:يله قوووموووا بنتي تبغى تنام يله قووومي وش مجلسك انتي وولدك..كلام وتكلمت معكموضحك وضحكت كل اليوم...والحين تبغى تنام..
ام محمد:الحين نقووووم ياربي عليك يايمه ماشاءالله عالطووول من قالت تبغى تنام وترتاح تطلعينا اصبري بنسالها اذ تبغى شئ عشان نجيب معنا...
الجده:يله لاتتعبون بنيتي..بسرعه قدامي خالد وصلني للبيتي مابغى اروح لبيت خالك بشوف البيت تاركته لي كم يوم..وجاء عندها خالد ومسك يدها والتفت على هديل يودعها...ولافتحت فمها بشئ
ومشى مع امه وطلعوووا برا ...
ام محمد:اسمعي هديل اذ طلعتي ان شاءالله ابغاك تعيشين عند امي منيرة ببيتها او عند عمتك سارة؟؟
هديل مستغربه:ليش ياعمتي...وبيت ابوووي؟؟؟؟
ام نواف:يوووه يا نورة وش ذا الكلام..انهبلتي..
ام محمد:سارة انتي مو فاهمه شئ بعدين افهمك..هاه ياهديل..وش قلتي؟؟ بيت ابوك انسيه..اخوانك اذ يبغونك يعرفون طريقك..اسمعيني..انتي فكري زين واختاري..او تجين تسكنيين عندي؟؟.....عالطووووول هديل قاطعتها بصوت شوووي عالي..وكان خالد بيدخل بس وقف لما سمعها يوم تكلمت...
هديل:لا...لا..اسكن عند امي منيرة احسن لي..وتركوها مع احزانها وهمومها وقبل ماتنام ناظرت للسقف وكانها تبحلق بشئ "ياالله سبحانك..ارحم حالي التعبان..ارحم ضعفي وقل حيلتيقدرلي الخير..ساعدني نور لي طريقي..ياربي تعبت من كل شئ..مو قادرة اتحمل شئ"
نزلت دموعها واقتلبت لجهه الثانيه ونامت..من جهه خالد فكان مايعرف شلووون يفاتح امه من بعد مانزل خالته سارة لبيتها..بالنهاية تشجع وتكلم عشان يوضح لها مبرراته وتركته امه يتكلم ..
ام محمد:خالد..دامك شكيت بزوجتك اللي راح تعيش معها طووول حياتك...صدقني بتجي لحظة ثانية وثالثة ورابعه وعاشرة بتشك فيها وبتعيشون بحياة مليانه شكووك وبتخسر نفسك وتخسر حياتك..
خالد بضيقه:يمه انا اعترف اني اخطات بحق هديل..بس يايمه لاتحسبيني من سمعت الكلام سكتت ولادافعت عنها..لاتكلمت ووقفتها عند حدها بس هي اكدت لي وقالت اذ مو مصدق تجيب الدليل لحد عندي..يمه لو كنتي بمكاني تصدقين او لا..
ام محمد:وانت عالطووول صدقت...طيب كان قلتها جيبي الدليل!!!
خالد:بالعكس تضايقت من كلامها..ومن ناحيه الدليل ماقصرت قلتلها تجيب ومن عقبها ماسمعت عنها ولا شفتها..وهذا اللي خلني اتاكد انها تبغى تفرقنا بس قالت اسال اخوها اذ مو مصدقها..يمه تتوقعين مني راح اتخلى عن هديل عشان كلام من غير دليل..تدرين لما فقدت هديل احس فقد شئ بحياتي..ولاتحسبيني سالته لا والله انا رحت وقلت لها عن كل شئ..قلت يمكن القى اللي معذبني...
ام محمد مستغربه:هديل عرفت..وش قالت..؟؟؟
خالد:هذا اللي بيذبحني وبيجنني ..ماقالت شئ..وهذا زاد مخاوفي..
ام محمد بجديه:وش قالت..معقوله ماقالت شئ..؟؟؟
خالد:قالت......واذ انا قلت اني بريئه تصدقني..؟؟؟
ام محمد:وش قلت..ليكون جبت طاري الطلاق...
خالد:مع الاسف ايه يايمه..كنت معصب وماكنت بوعي..بس والله متلوم..
ام محمد بعصبيه:الله يهديك..بالله هذا كلام او تصرف تسويه..تدري لو اخوي الله يرحمه سمع اللي قلته بيقول ماعرفت اختارلبنتي اللي يحافظ عليها..اسمعني ياخالد دامك واثق من هديل وتبغاها تمسك فيها..بالبدايه بتشوف منها جفى وتسمع كلام..تحملها مو عشاني عشانها المسكينه..اللي مافي احد ياخذ بحقها..خالد مو عشانك ولدي بحل اللي بينكم ترى اللي سويته وقلته مايسويها احد مثلك..ولااني ببرئ بنتي عندك لاانا عارفه مين بنتي مثل ماانا اعرفك..وانا بحل الاشكال بينكم
واوقف شيخه عند حدها..."خالد وارتاح لما عرف ان امه بتوقف معه عشان تسترجع اللي فقده بحياته"..على وقت المغرب..جات منال مع امها ومرت عمها صالح وماكان عندها احد.. وجوا اخوانها..وسالتهم عن امها قال ان تعبت شوووي وجاء عمه عبدالعزيز يشوفها ولزم عليها تجلس ماتطلع..وطلعوا يشفون الدكتور عشان يسالونه عن موعد خروجها..جلسوا الحريم عندها اللي فرحت بجيتهم وقبل اذان العشاء طلبت ام حمد من وليد يوصلهم للبيت انتظرهم تحت وعبدالله دخل على اخته وترك ناصر لوحده واول ماطلعوا الحريم عرف الطويله معهم ودق قلبه بقووة ونزل راسه..اما منال اللي خافت ووقفت بمكانها واول مامشت سلم عليها فسكتت ماقالت شئ ومشت وهي خانقتها العبرةوتركته واستنكرحركتها وطلع عالطووول من المستشفى مايدري وين يروووح بسبتها...
ام محمد:يووه ياسارة خلاص انتي امس عندها خليني انا مع بنتي....
ام نواف:طيب انتي عندك عيالك وزوجك انا ابو نواف مسافر والعيال يدبرون انفسهم..
ام محمد:لالالا مافيه واذ مسافر عيالك محتاجين لك وخاصه نوف وفواز اللي بازمه الاختبارات..الله يهديك بس انا جايبه اغراضي..وانت ماوراك مذاكره تخلصها..ليش مارحت مع وليد..
عبدالله جالس بجنبها:اول ماجيت من المدرسه ذاكرت جزء واذ رجعت بذاكرالجزء الاخير.
هديل بتعب:عبووودي شد حيلك مابقى شئ...
ام محمد:هديل..ماجاء الدكتور عندك؟؟ماجاء احد كشف عليك؟؟ماحد قالك متى تطلعين..؟؟؟
هديل :لاماجاء احد اللهم تجزي النيرس تغير المغذي واذ سالتها عن الدكتور قالت الحين يجي!!
عبدالله ببرائه:انا ووليد رحنا سالنا الدكتووور..؟؟
ام محمد+ام نواف:وش قال؟؟......انفجع عبدالله على طريقه عماته...
عبدالله بخوف:اذ جاء وليد يقولكم...!!!
دخل وليد وخالد للغرفه واول مارفعت عيونها شافته يطالع فيها بابتسامته الجذابه..
ام محمد:هاه يمه وليد وش قال الدكتور عن اختك...
وليد مبتسم:لا ان شاءلله مافيها الاكل خير..وان شاءالله تطلع بكرة...
ام نواف:طيب طلعت نتيجه الفحوصات...؟؟
وليد:ياعمتي طلعت وقالوا معها فقر دم حاد."ناظرها اللي رفعت عيونها له"..بسبب قله الاكل ولازم تتغذاء زين..."يناظرهاويبتسم"...سمعتي زيييييييييييييييييييييين...
ام محمد:ماعليك منها انا اتولها واخليها ترجع احسن من اول بعد..
وجلسوا لين ماانتهت وقت الزيارة وطلعووا..وفجاءة دخل خالد عليهم و قال مضيع شئ وطلب من امه تجي تدور معه..وطلعوووا وتركوا هديل لوحدها..رفعت راسها مثل كل مرة تستنجد وماحست الا خالد جالس بجنبها...
خالد مبتسم:وش سبب دموع الغالية.."رفعت هديل راسها ومومستوعبه اللي يصير قدامها"..
ماحبت ترد عليه ومسحت دموعها ونزلت راسها وهي معقده حواجبها...
خالد بصوت حنون:هديل...انا ....والله مدري وش اقووول...كل اللي ابيه منك..
هديل قاطعته بصوت مبحوح:مايحتاج تقول شئ....كل كلامك وصل مايحتاج تكثر....
خالد:....هديل....لازم تسمعيني.....
هديل بين دموعها:اسمعك....ليش اسمعك...وانت سمعنتي لما طلبت منك...
خالد:هديل الله يخليك افهميني..واسمعيني....
هديل بصوت عالي:افهمك.....واسمع بعد....اسفه استاذ خالد..مابغى اسمع منك شئ
دخلت نورة على صوتها وقالت لولدها بوقت ثاني يكلمها..
خالد قبل مايطلع:بقولك شئ ياهديل...انا متمسك فيك....لو وش مايصير...متمسك فيك
وطلع وجلست هديل تبكي وعمتها تهدى فيها...وقالتلها كل شئ عن سالفتهاوعدتها عمتها بتاخذ حقها من كل شخص واولهم خالد
طلع براسه انه يكلم خاله بالموضوووع واتصل عليه وعرف انه ببيت امه منيرة وراح لعنده وقاله عن الموضووووع..فرح ابو سلطان من اللي سمعه وحس بكلامه انه مشتريه بنته وماراح يفرط فيها ووعده خاله خير ويعطيه مهله..ارتاح ناصر من كلامه هو صحيح ماخذ منه كلمه بس اقل شئ حط خاله بالصورة وماعنده استعداد يفرط ببنته منال...ووصل الكلام لام سلطان وقررت تكلم ام علي وتعطيها خبر والله يسهل عليهم...
من اليوم الثاني بتطلع من المستشفى وتوها مسكرة من التلفون ودخلت عمتها مع خالد وعدلت جلستها
ام محمد:مين كنتي تكلمين.....؟؟؟؟؟
هديل:خالتي شيخه.؟؟؟؟
ام محمد بعصبيه:وبعدين معك ومعها انا ماقلت لاتكلمينها ولا تسلمين عليها...انتي ليش ماتسمعين الكلام.."نزلت راسها وعضت على شفايفها"....
خالد بحنان:شلونك هديل..."رفعت راسها له وهزته"...يمه الله يهديك وش سوت عشان هذا كله...
ام محمد:هي ماسوت شئ..بس شووف مين سوا فيها "نزل عيونه لما عرف مقصدها"...انا قلتلك مالك علاقه معها فاهمه...او افهمك بعد....
هديل بضيق:خلاص ياعمتي فهمت والله فهمت...وقامت وراح للحمام وقفلت عليها الباب..
خالد:يمه الله يهديك..عاجبك الحين..خليتيها تقوم..
ام محمد:ماهي طايرة بترجع...انا ابيه تعرف الناس مابهم خير بذا الوقت...
جلست تبكي بصمت وتسمع كلامهم وطولت بالحمام لين ماطقت عليها عمتها عشان يبغون يروحون طلعت ومنزله عيونها مسكتها عمتها من يدها ووضحت لها سبب عصبيتها وشدتها معها ولا تحملت وحظنت عمتها وبكت ودخل خالد عليهم وشافهم وطلع من غير احد يحس فيه...
خلصت الامتحانات والكل انتهى من هم الدراسه..والحين وقت التسجيل للسنه الجديده عبدالله وفواز انتقلوا للمرحله الثانويه..هديل ونوف جسلوا بالجامعه تخصص علم اجتماع بما انهم ادبي..وكل من منال ونواف ووليد انتقلوا للمستوى الثاني..اما ناصر الحين اخر سنه وحمد اخيرا تخرج وقد اوراقه بالشرقيه بشركه ارامكوا يشوف حظه فيها..ام وليد مابقى على عدتها غير كم اسبوع..
ماجد كلم خالد ووضح له الالتباس وكلام اخته مو صحيح..الجده لما عرفت بالسالفه ارتفع عندها الضغط وتنومت بالمستشفى والحمدلله طلعت على خير..ام محمد قطعت عن ام وليد ولا عاد تسال عنها خير شر اللهم بس عن عيال اخوها وتطلب من وليد يجيبهم لبيت امها كل بعد يوم..
اما هديل تحسنت جزئيا صارت تاكل بس مو كثير لكن بان النحف والتعب على وجهها..ماصارت تهتم بوجود خالد تحاول تتجنب نظراته قدر الامكان..
ام علي بضيق:وش هذا الكلام يا ام سلطان..توكم تعرفون ان البنت محجوزه..؟؟
ام سلطان بارتباك:والله يا ام علي حنا ماندري ابوها قال ولد خالها يبغاها وتعرفين جت سالفه موت عمها وخالتي ام عبدالعزيز تنومت بالمستشفى ولا صار فيه وقت عشان يقول لنا واسمحيلنا يا ام علي والله العالم فرحنا يوم طلبتي بنتي لمشعل..بس كل واحد ياخذ نصيبه..والله لو عندي بنت ثانيه بقولك اخذيها لمشعل..
ام علي تحاول تكون طبيعيه:والله هذا من طيبك يام سلطان..والزواج قسمه ونصيب والله يوفقهم ويسعدهم..والله مو كاتب ان ولدي ياخذ بنتك
ام سلطان براحه:الله يرزقه ببنت الحلال ان شاءالله...
ام علي:الله كريم..يله ماطول عليك..وسلمي على منال وباركيلها عني..
ام سلطان:ان شاءالله ..الله يسلمك...وسكرت ام سلطان وتو ابو سلطان داخل الصاله وقالت له كل شئ وقال بيفاتح منال بموضوع ناصر ...والله يقدم بما فيه الخير........
وشوووي ودخلت منال عليهم ومعها البنات وسلموا على عمهم وزوجته..
ابو سلطان:من وين جايين ومن جابكم..؟؟
منال:كنا بالجامعه نسجل الاخوات السنه الجايه يدرسون معنا...
ام سلطان بفرح:الحمدلله...انقبلتوووا..
هديل:ايه الحمدلله...بس باقي المقابله الشخصيه...
نوف:عاد اللي يسمعك يقووول مقابله على C.n.n..مقابله عاديه كلها كم سؤال وخلصنا..
ابو سطان:من جابكم...؟؟؟
منال:السواق يوبه...انا بروح اخذ دش واجيكم...وقامت منال عالطووول وطلعت فوووق الكل ملاحظ على منال ونقص وزنها
هديل:عمي اقدر استعمل التلفووون عشان يجي وليد وياخذنا...
ام سلطان:وين ترحووون اجلسوا تغدووا عندنا وبعدين توكلوووا...
هديل:مرة ثانيه..ماقلت لامي منيرة..واخواني عندها واخاف يزعجونها..
ابو سلطان:لالالا ماصدقنا تجين وتروحين...اتصلي عليهم وقووولي انك عندنا واذ يبغون يجون الله حياهم..
هديل:عمي مرة ثانيه...والله حماده وريمي عند امي منيرة واخاف يزعجونها..والله وعد اجيك انا وامي نتغداء وش رايك...؟؟؟
ابو سلطان:خلاص دامك وعدتني قوووموا اوصلكم...ووصلهم عمهم كل وحده لبيتها ..
اول مادخلت البيت حصلت اخوانها جالسين يلعبون عند جدتهم وابتسمت لما شافتهم واختفت الابتسامه لما شافت هيئه رجال جالس يضحك....."الله يستر"
سلموا عليهم وجلس ابوسلطان عند امه يتطمن عليها واستأذنت منهم طلعت معها ريمي فوووق وقالت لها تجلس بمكانها ماتتحرك بتاخذ لها دش سريع وتطلع ...
ووقفت قدام المرايا وناظرت نفسها.."ياالله وش كثر انا نحيفه..وجهي مرة رايح وطي..وحتى عيوني ماسلموا.."مشطت شعرها بالاستشوار عالسريع ونزلت خصل قصيرة من قدام وحطت كحل ولبست تنورة وبلوزة باللون الاسود..ونزلت مع ريمي وحصلت خالد وحماده يضحكون على شئ وعمها باين انه راح ..جلست على الكنب وحطت ريمي بحظنها...
هديل بلا مبالاه:حماده وين امي منيرة...؟؟؟..."الحين انا مو مالي عينك ياهديلوه"
خالد يقهرها:توها داخله تبغى تصلي الظهر...ماردت عليه ونزلت ريمي وقامت
خالد:لحظه...هديل...ابغى اتكلم معك.؟؟؟؟
هدبل بحاجب مرفوع:مابينا كلام...لفت تبغى تمشي...
خالد بجديه:لا....بينا كلام...ولازم تسمعيني بالطيب بالقووووة اهم شئ تسمعيني..
هديل بعصبيه:تبغاني اسمعك..وانت ماعطيتني فرصه تسمعني...اسفه ياخالد ماراح اسمع منك اي شئ..مو انت بترسل الورقه وينها انتظرها..
خالد:من صدقك تتكلمين ..تبغين الورقه ارسلها لك..
هديل بتحدي:ايه ابغاها اليوم قبل بكرة...خلاص ولاتعور وراسك
خالد بقهر:ان شاءالله مدام هديل...ماطلبتي...وعالطووول راح وهديل تناظر فيه بكل تعب
نزلت وجلست تتغداء وماكانت امها فيه واول ماصبت اللبن قالها ابوها عن ناصر..بالبدايه انصدمت وماتدري تفرح او تحزن عشانها مخطوبه وموضوعها منتهي"ماعندها علم ان خطوبتها فركشت"وسالت ابوها وشلون ناصر يتقدم وهي مخطوووبه قالها ابوه كل السالفه وحست ان السعاده مو سايعتهاومن فرحتها انفتحت نفسيتها بالاكل.."لدرجه نويصر يبغاني..يالله وانا بعد ابغااه...الله يازين الحياه اذ فيه احد يبادلك نفس المشاعر.."
نواف يشرب اللبن:وش معنى عاد علم اجتماع..؟؟؟
نوف:انت تعرف وش قسمي ومافيه تحصصات احسن الا هو...
نواف:ايه ماقلت شئ بس مو كانه صعب ..وبعدين لاتنسين فيه علم نفس الكل يمدحه وسووقه ماشي...
نوف:لاوالله تبغاني يصير بكرة فيني امراض نفسيه لالالا بسم الله علي..وذا سواقه ماشي او واقف ماعلي منه اهم شئ اختار شئ مقتنعه فيه..
ام نواف:وهديل معك نفس الختصص..؟؟؟
نوف:ايه يمه هديل هي اللي اختارت القسم..تقووول احسن من بقيه الاقسام...
فواز:طيب ليش مادخلتوا مثل منال انجليزي..اقل شئ نستفيد منك بكره..
نوف بعصبيه:لاياقلبي..راح تستفيد مني بكرة وعقبه..تصدق يازينك ساكت ..
ابو نواف:هااااااااه ...وبعيدن...لمتى بتظلون كل يوم مناقر..سكتووووا
ام نواف تكلم زوجها:هاه وش قلت؟؟باللي قلته لك!!!!....
ابو نواف:كلام طيب وانا اليوم بروح ادور على استراحه مناسبه لنا وادفع عربونها..
نوف بلقافتها:وش السالفه....اي استراحه..واي عربوون؟؟؟
ام نواف:العالم كلهم تعقل الا هالبنت...نووووف اعقلي مو زين هالطبع اللي فيك..
نواف:يمه هذا نوف وهذه حركاتها مستحيل تتغير.."شاف تعابير وجهها متضايقه".
بس تصدقين نوووووويف...خليك كذا دايم لان البنت حلاتها بحركاتها الخبال ههههههههه
نوف بقهر:خبال بعينك.."ناظرت ابوها معقد حواجبه"..هييييييين يا نوافوووه يصير خير..
نواف:ههههههههههه امزح معك ماتعرفين المزح انتي هههههههههههههههههههههههههههههههه
طلعت ام وليد من العده واول ماطلعت عالطوووول راحت لبيت الجده منيرة تبغى تكلم هديل وتفهمها موقفها وتطلب منها السماح.."كنت عمياء والدنيا عمت عيوني..والحين ماعاد يهمني غير عيالي من بعد مافقدت ابوك..حسيت العالم ضدي..انا صحيح غلطت واعترف بغلطي..كل هذا عشان اخوي الوحيد اللي تمناك له..ولا حبيت اكسر بخاطره وامي فاتحته بموضوعك وامدحتك له..ومع الكلام اعجب فيك وحب يشووفك قبل كل شئ..كنت رافضه بقووووة بس قدر ياثر علي وناوي يخطبك..وجاء فعلا وخطبك بس مع الاسف مالحق عليك حصلك مخطوبه لخالد..ورضى بالواقع وكان عنده امل يخطبك..وكان ناوي يكلم ابوك مرة ثاني ..لكن انصدم لما عرف بالاخير انك تملكتي على خالد..وزعل وتضايق وطلب مني اساعده..وانتي تعرفين هذا اخووي..واذ منتي مصدقه ان اخوي ناوي فعلا يتزوجك اسالي وليد"هذا الكلام قالته لهديل وكانت مصدومه من اللي تسمعه..
هديل بقهر:طيب ليش ياخالتي سويتي كذا..انا وش اذيتك فيه..
ام وليد منزله راسها:والله انتي يا هديل ماقصرتي معي ولا مع اخوانك..لكن الشيطان هو السبب
هديل:طيب ليش ياخالتي..وش سويت؟؟؟
ام وليد:انتي ياهديل ماسويت شئ........."رفعت عيونها"....امك اللي سوت
هديل بدهشه:امي....وش فيها ياخالتي....تعرفين عنها شئ.....قولي الله يخليك
ام وليد:صدقني ياهديل لو اعرف عنها شئ كان عالطووول قلتلك وخليتك تعيشين عندها انا مادري عنها..وابوك الله يرحمه لما جاء يخطبني رفض يقول اي شئ عنها....
هديب:طيب وش جاب موضوع امي...وش سويت لك امي..؟؟؟؟؟
ام وليد:والله مدري وش اقووولك يا هديل....اللي اقدر اقووله انها للحين عايشه مع ابوك؟؟
هديل بحيرة:خالتي مو فاهمه عليك شئ...الله يخليك وضحي اكثر...وشلون عايشه مع ابووووي...وانا مدري عن مكانها؟؟؟؟
ام وليد:كان كثير يغلط باسمي وينادي باسم امك..عشان كذا ياهديل اعاقب امك فيك انتي ..سامحيني ياهديل..سامحيني....بكت
هديل مصدومه:وين امي ياخالتي.....ابغى اعرف وينها؟؟؟
ام وليد بين دموعها:والله ياهديل ماعرف شئ عنها..انا ابغاك تسامحيني باللي سويته معك..
هديل بعبرة مخنوقه:خالتي..كنتي ناويه تهدمين حياتي...عشان سبب مالي ذنب فيه..
ليش ياخالتي....ليش؟؟؟.........
ام وليد:قلتلك ياهديل كنت احس بغيرة من امك..وخاصه انها مازالت بحياه ابوك الله يرحمه..وماكنت اشوف شئ غير انتقم وبس...سامحيني"حظنتها"..سامحيني
هديل تبكي بصمت وكانت ترتجف وخايفه من شئ ماتدري وشو...ودخلت ام محمد عليهم بالمجلس
وكانت تناظر بام وليد بغرور...
ام محمد بجديه:ولك عين تجين ..بعد ماسويتي اللي محد يسوووويه..؟؟؟
ام وليد تقوم من مكانها:انا جايه اعتذرواتمنى تقبلوا اعتذاري...
ام محمد:لا تبغين بكل بساطه نتقبل اعتذارك..وانتي تمشين وتغلطين وحنا نتقبل اعتذارك..شوفي يا شيخه..كنت بتصرف معك تصرف لكن عشان عيال اخوووي وانتي امهم..مع الاسف غضيت النظر عنك وعديتك مو موجوده بالعائله..وروحي بطرقك وحنا بطريقنا لاتتعرضين لنا يا بنت الناس..
ام وليد:انا اعتذرت لهديل ووضحت لها كل شئ......
ام محمد:مايحتاج تتعذري..بعد وشووو هااااااااه..اللي يهدم بيت مرة بيهدمه ميت مرة..
ام وليد حست مافي فايده:طيب........مع السلامه...وطلعت بسرعه ومرت من قدامها وهي تناظر فيها بتكبر ولما اطمنت انها طلعت برا البيت شافت هديل بحاله صدمه وتبكي..
محمد تتقرب منها:هديل وش فيك؟؟؟...وش قالت لك.؟؟؟.
ومسكت يدها وطلعوا من المجلس ودخلوا للصاله اللي كان فيها خالد..فسال عنها وقالت امه انها تعبانه وطلعوا لفوق ..وكان خالد واقف عند الباب يطمن عليها..
ام محمد:هديل وش فيك..؟؟..تكلمي قولي شئ...؟؟؟
هديل بين دموعها:عمتي...ابغى...امي......."حظنت عمتها وبكت بقوة"
عمته خافت عليها وخافت اكثر وش سمعت عن امها عشان تحن لها..ناظرت خالد اللي معقد حواجبه...
هديل تبتعد عن عمتها:تكفين عمتي..وينها...ابوي مات...معقوله احد مايدري عنها..
ام محمد تهدي فيها:هديل...اسمعيني.....
هديل:تعرفين مكانها وينها...تكفين عمتي..قولي وين؟؟؟....بكت مرة ثانيه
خالد جلس بجنبها:ايه نعرف وينها...بس انتي هدي نفسك..وراح نقولك كل شئ
هديل بصدمه:تعرف وينها...بروح لها.....اخذوني لها...قامت وجلسها خالد
خالد بهدوء:راح نوديك عندها بعد ماتهدين....وتاكلين لك شئ امي منيرة تقول ما اكلتي
هديل بعصبيه:مابغى اكل...مابغى شئ....ابغى امي.."مسكت يده"تكفى خالد ودني لها
خالد بجديه:هديل انا بوديك لها..بس لما تهدين وتاكلين الحين بخليهم يطلعون الاكل لك..
هديل بصوت متقطع:...مابغى شئ.....ابغى اروح لامي....
خالد بحنان:انا قلتلك بوديك لها..بعد ماتهدي وتاكلين شئ...خلاص ماعاد تثقين فيني..
"نزلت راسها "...الحين بنزل واقولهم يجيبون الاكل لحد هنا اوكي...
هزت راسها مثل الاطفال...ابتسم عليها...وطلع ...
دخل ماجد على اخته بالصاله وحصلها متضايق واثر الدموع على وجهها سلم وجلس عندها وعرف انها راحت لهديل تتسامح منها لكن عمتها ماتبغها تكون بينهم وان مستحملينها عشان عيالها..هدا فيها
اخوها وقال انه كلم خالد وفهمه سوء الفهم اللي حصل و ماكانوا يقصدووون هدم بيت لكنه ماتقبل الا بعد تعب ومحاولات وزين عطاه فرصه للتفهم..واخيرا حل الاشكال
نزلت بالصينيه لوحدها واول ماشافت ولدها جالس سال عنها قالت اكلت شوووي وتركتها تنام..اما من ناحيتها ماقدرت تنام تفكر بكلام خالد انه راح يوديها لامها متى..متى..؟؟
"يارب...يارب...لاتخيب رجائي في خالد..يارب..يارب التقى مع امي..
لاتحرمني منها...يارب"..بكت وحظنت المخدة وانقلبت للجهه الثانيه ومع البكى ماحست الا وهي بسابع نومه..وبعد ساعه طلت عليها عمتها وشافتها نايمه من غيرلحاف فدخلت تلحفها وباستها من جبينها وسمت عليها....
الساعه 9 بالليل..توه جاي من السفر يبشر اهله انه قدم على شركه ارامكوا بالجبيل وقبلوا طلب التوظيف..ففرحت امه وابوه ومابقى غير العروس..
حمد منحرج:مو كانه بدري يايمه..خليني استقربالاول والزواج لحقين عليه...
ام حمد:والله ياوليدي ودي افرح بك وابغى اشوف عيالك قبل ما اموت..
حمد:الله يطول بعمرك انتي وابوي..وان شاءالله بتشوفيهم..بس خليني استقر ويصير خير..
ابو حمد:الحين ماتقولي ليش قدمت بالشرقيه وزوج عمتك واعدك بوظيفه...
حمد:يوبه الله يهديك..انا ابشتغل بجهودي ورجل عمتي والله مايقصربس مابغى احد يتوسط لي والحمدلله هذا انا توظفت وان شاءالله اذ استقريت جبتكم عندي ..
ام حمد:يوه..ونترك بيتنا وانا امك..لالا مانبغى نتحرك منه..
ابوحمد:الحين ليش ماقدمت اللي بالرياض ؟؟؟....
حمد:تقدر تقووول نوع من التغير ومرة وحده بشوف غلاي عندكم..
ام محمد:يوه يايمه انت غالي من يوم يومك..وغلاتك ماراح تتغير حتى لو تعجز وعيالك قدامك
حمد:الله يطول باعماركم..بثبت وضعي هناك وبعدين انقل للرياض..
ابو حمد:الله يوفقك ياوليدي وسوا اللي يعجبك..حنا مانبغى غير سعادتك والتوفيق لك
حمد يحب راس ابوه:الله يسلمك ويخليك لنا..هاه يمه اشوفك نسيتي موضوع العروس..
ام حمد بفرح:انت عزم اول وماراح تحصل الا اللي يسرك..وانا حاطه عيني على بنت الحلال اللي بتفرحك وتفرحنا...
ابو حمد:ماشاءالله اشوفك ماظبطه الوضع..ومين هي سعيده الحظ...
ام حمد:منال...بنت اخوك..ماشاءالله عليه...
ابوحمد:منال بنت اخوي...لالالا شيليها من راسك..
ام حمد بتعجب:يووووه..وش فيها البنت..وبعدين انت ناسي هي بنت اخوك وش بلاك
ابوحمد:مانسيت ويعلم الله فكرت فيها قبلك لحمد بس..اخوي قالي ان ناصر يبغى منال..
حمد:اووووه ناصر يبغى يعرس..هين يانويصر تخطط من غير ماتقووولي...
ام حمد:ايه والله ومحد قالنا غريبه..لانورة ولاام سلطان..وش صارلهم...
ابوحمد:انت وولدك وشفيكم..للحين ماصار شئ..البنت ماردت عليهم للحين وبحكم انه اخوي شئ اكيد يقولي..وبعدين اللي خلق منال ماخلق غيرها..عندك نوف ماشاءلله عليها..
حمد يبتسم:نووووف ههههههه يوبه مااسمع عنها غير لسانها الطويل ههههههههه
ابو حمد:لالاماعليك منها العرس يقعلها بكرة..وش رايك ياام حمد
ام حمد:نووووف ماشاءالله عليها ماعليها بنت سارة بس هاللسان مثل مايقول ولدك..
ابوحمد:ماعليك من لسانها نشرط يقطعونه لها ههههههه.....يضحكون ...انتم توكل على الله حتى لو خطبه مبدئيه وبعدين نحدد كل شئ اذ استقر حمد ان شاءالله..وش قلت حمد..
حمد يبتسم:اللي تشفووونه..انا تحت امركم وماراح اقول لا لكم...
قامت وتحس بصداع ولاانتبهت على الوقت راحت للحمام تغسل وجهها..وقفت على تسريحتها وناظرت شكلها"يالله عيوني..متنفخه وشلون يخف الحين..بروح اجيب ثلج احسن لي..ايه صح خالد قال بيوديني لامي..بروح اشوفه"..نزلت عالطووول وماحصلت الا الجده
هديل بخوف:يمه وين خالد..؟؟؟؟
الجده:هلا ببنيتي تعالي تعالي..اجيبلك العشاء..هزت راسها بالنفي..
هديل:وين خالد ؟؟وين عمتي نورة..؟؟؟
الجده بحزن:راحوووا لما شافوك نايمه قالوووا بكرة بيجووون...
هديل ركضت للتلفون ودقت على رقم خالد وشووي وحصلته مغلقه..تنفست بصعوبه..ودقت مرة ثانيه..وحصلته نفس الشئ..ومسكت نفسها عشان ماتبكي عند جدتها اللي مسكت كتفها تهديها..
هديل صوت مرتجف:ليش...ليش...يسووي فيني كذا.."حطت يدها على فمها"
يمه..ابغى امي..ليش يحرمني منها..ليش...ليش...وجلست على الارض تبكي..
الجده تهدي فيها:ياهديل من قال يحرمك منها..قال بكرة بيجي ويشوفك..
هديل بصراخ:ماااااابغى اشوووفه...مابغى اي شئ منه..مو يكفي انه رفضني من الاول..وشك بي..والحين يكذب وينحاش.."حطت يدينها على وجهها تبكي"...
الجده:بسم الله عليك يايمه..قومي معي..
هديل تبكي:مااابغى اقوووم ..ابغى اموووت وارتاح وترتاحوون من مشاكلي....
الجده:بسم الله عليك..وش ذا الكلام ياهديل..تعوذي من ابليس..قومي معي
خالد اللي كان واقف وسمع كل شئ من غير ماحد حس بدخوووله:متى رفضتك ياهديل...؟؟
هديل رفعت يدينها من وجهها ومتفاجئه مو مصدقه ان خالد جاء عشان يوديها لامها...
الجده:اشوا انك جيت..مو راضي تتعشى ولا تبغى ترتاح..كلمها عساه تسمع منك..
خالد بجديه:ان شاءالله يمه..بالاول تقووول متى رفضتك؟؟.جاوبي!!..
هديل بتعب:..ابغى اروح لامي...
خالد بنفاذ صبر:استعدي بكرة بجي اخذك من الساعه 9الصبح.."مشى ووقف والتف عليها"
عشان بس ماتقووولين كذبت عليك وانحشت..وطلع عالطوووول..هديل الي حست انها بعالم ثاني"مو مصدقه بكرة اروح اشوف امي..ناظرت للباب اللي طلع منه خالد..ونزلت عيونها وبكت"
في نفس الليله لاهديل ولا خالد ذاقوا طعم النوووم..هديل تفكر ببكرة وشلون تلتقى مع امها..اما خالد فكان يفكر بهديل والكلام اللي سمعه منها"ليش يحرمني منها ..ماااااابغى اشوووفه...مابغى اي شئ منه..مو يكفي انه رفضني من الاول..وشك بي..والحين يكذب وينحاش.."
"آآآآه ياهديل..لو تعرفين وش مكانتك بقلبي..لو تدرين وش بقلبي لك بتقولين اني مراهق..بس بكرة راح تعرفين عمري مارفضتك انتي شخصيا..ولاشكت بك..ولاكذبت عليك.."
من كثر التفكير ماقدرت تنام الا ساعه ونزلت وشافت الجده جالسه تتقهوى وحبت على راسها وطلبت منها تفطر واكلت شئ بيسط وجلست تنتظره على اعصابها..
الساعه 8ونص اتصل على البيت ومحد يشيل التلفون ودق على جوال خالد حصله مغلق..ودق على جوال ناصر اللي نسى يحطه صامت واول دقه قمزمن نومه مو مستوعب شئ يتوقعها الساعه وماحس الا وقفل بوجه اخوه..ويدق مرة ثانيه ورد الا ومحمد يصارخ بوجهه..وهو مو مستوعب شئ لين ما قاله جاه ولد ويبغى يبشر امه وابوه..انبسط على هالخبر واخيرا صار عم..وقام يبشرهم ونزل تحت الا يشوفهم وقالهم الخبر السعيد و طارت ام محمد من الفرح راحت مع زوجها للمستشفى..
توها قايمه ونزلت تحت وكانت امها تكلم بالتلفون فراحت للمطبخ تسوي لها قهوة وساندويش توست وجلست واول ماقفلت بشرتها عن زوجه محمد..ورفعت القهوة بتشرب الا سالتها عن موضوع ناصراستحت منال وقالت اللي تشفونه زين سوووه..وقامت للغرفتها وهي مو مصدقه تحس بفرح وسعاده وان كل شئ يضحك لها..وصل خبر ولاده اسماء للكل..واخيرا صار اب وعلى قوله ناصر صار عم..اما هديل فجالسه على اعصابها الساعه 10 ولا جاء..وراحت دقت عليه ولما رد عليها قالها انه الحين عند باب البيت..
خالد:السلام عليك.."حب راس امه"صباح الخير يمه.. جلس بجنبها
الجده بفرح:صباح النور ..مبروك على ماجاء اخوووك...وعقبالك ..
خالد يناظرها:الله يبارك فيك..المفروض حنا نبارك لك مو انتي..
الجده:ياولدي..كله واحد وشلون ولد اخوووك شفته..وشلون اسماء ومحمد..؟؟؟
خالد:الحمدلله كلهم بخير..مبارك الصغير شفته مارضوا يطلعونه للين ماتقوووم امه!!
الجده مستغربه:وليش ماطلعوووه..وش فيها اسماء فيها شئ..؟؟
خالد يطمنها:مافيها الا كل خير بس لما كنت عندهم لسه ماصحت.."يناظرها".هاه جاهزة..
"رفعت عيونها وهزت راسها "...طيب خليني اكلم امي اذ تبغى تروح معنا او لا...ويدق عليها وفهمت من كلامهم انها رافضة...
خالد:امي تقوول نأجلها..وش رايك..؟؟؟؟
هديل منزله عيونها:...لازم عمتي تروح...؟؟؟
خالد يبتسم:لا..مو لازم...يله انا بالسيارة انتظرك..مع السلامه يمه..
الجده:يمه خالد ماوصيك على هديل وانتبه عليها ولاتسرع بالسواووقه..
خالد يناظرها:هديل بعيوني..احد يوصى على عيونه"شافها منحرجه ومنزله عيونها"
وطلعوووا بعد ماباست راس جدتها..وركبت بجنبه وكانت تحس بخوووف وقلبها يدق بقوووة
ماتدري خوووف من خالد او تلتقي بامها..؟؟؟ وفهمت من كلامه انهم مسافرين للشرقيه لان خوالها هناك ساكنيين..بالبدايه ترددت وتوكلت على الله ومسكوا طريق الشرقيه وكانت تحاول تهدي نفسها ماتدري سبب التوتر والخووووف من ايش بالضبط؟؟؟؟؟
على وقت الظهر كانت تحس بتعب وتحاول تتمسك قدام زوجها وخالتها وكانت امها فيه وجلسوووا يسولفون و يجي ناصر ومع باقه ورد كبيرة ودق على اخوه..طلع محمد وسلم عليه ودخل الباقه ورجع وراحووا لمبارك الصغير..ولما رجعوووا دخل محمد عشان يبلغ الموجودين ان ناصر بيدخل بيسلم وسلم على اسماء وتحمدلها بالسلامهوقالها انه هالمرة سماح تسمونه على اسم كبير العائله المرة الثانيه باسمي ..وضحكوا عليه وقبل مايطلع نادى امه عشان موضوعه وقالت مو وقته لكنه هو اصر تكلم خاله ..وماقدرت على اصراره وطلعت جوالها ودقت على اخوها وكان ناصرمهتم بكل كلمه تقولها ولما سكرت مو باين عليها اي علامات بوجهها مجرد معقده حواجبها وكوكان قلب ناصر يدق بقووووة..وشووي تضحك وباركت لولدها اللي مو مصدق الخبر..وحب راس امه ويدق جواله وطلع حمد..سلموا على بعض وجلس يعاتب فيه بسبب خان العهد اللي بينهم..بالسيارة كان
الجوووء بينهم صمت....
خالد:هديل...."لفت عليه"..نوقف بمكان نتغداء فيه..
هديل:مو جايعه...كم باقي على وصولنا للشرقيه.؟؟؟؟
خالد:باقي ساعه وشووووي....طيب انا جوعان.!!!!
هديل بحياء:اوكي ناخذ لنا شئ..."وشافته مبتسم"...
ووصلووا لمطعم..جلست على الطاوله وراح يطلب الغداء..وكانت تناظر حوليها ووجدته مطعم مقبوووول لابأس فيه..الا ويجي خالد ويجلس مقابل لها مبتسم..
خالد:ماعجبك المطعم..اذ ماعجبك نروح نغيره....
هديل بحياء:لا..عادي...اهم شئ تاكل مو انت جوعان....
خالد بستهبال:انا...مو قال...اللي اعرفه انتي الجوعانه...شووفي لاتتبلين علي من الحين احذرك...
هديل مستغربه:خالد وش فيك توك تقووول انك جوعان..انت سالتني وانا قلتلك لا...
خالد:يوووه وش فيك هديل ليكون الفرحه نستك كلامك..يابنت الحلال..انتي اللي قايله مو انا..
هديل بتاخذه على قد عقله:طيب..اممممم وش طلبت لي....ترى انا ماكل اي شئ...
خالد مبسوط:امممممم والله طلبت كل مالذا وطاب..مندي..سمك..مقبلات..
هديل مستغربه:الله الله ..كل هذا مين بياكله...
خالد بنظرة حنان:انتي...
هديل بحياء:وانت..ماراح تاكل..مو انت جوعان...
خالد:اذ كليتي كاني انا اللي اكل..."نزلت عيونها"...هديل..."رفعتهم".من قالك اني رافضك ؟؟؟؟..
هديل بتردد:............انت
خالد راص على عيونه:انا...متى ...وشلون....؟؟؟؟
هديل بتوتر:....سمعتك...بالصدفه....وانت ....قطع عليها
خالد بجديه:اهااااااا....وش سمعتي بالضبط....."ماردت عليه".....هديل لازم تتكلمين عشان اقدر ادافع عن نفسي..وانتي قاعده تقوولين اشياء ظالمتني فيها...
هديل:يعني شكك فيني اعتبرها اني انا ظلمتك.....
خالد:هديل..انا اتكلم عن الرفض ...جاوبي...متى رفضتك؟؟
هديل:قلتلك..سمعتك صدفه..ببيت عمتي سارة..وانت تقووول ماتبغى تتزوجني...؟؟
خالد براحه:شفتي انك فاهمه الموووضوووع غلط..
هديل معقده حواجبها:شلون فاهمه غلط ممكن توضح....جلس خالد يفهمها الموضوووع ..ووضح لها كل شئ من اول يوم شافها للين اخر شئ ماصار بينهم..هديل اللي تفاجئت من كلامه"يعنى حاطني بمزاجه من قبل ماتفاتحني عمتي وهذا يدل على شئ".....
هديل بتردد:...وشكك فيني..؟؟!!!!
خالد:انا اعترف اني اخطت بحققك..بس ياهديل والله انا ..
هديل قاطعته:انت وشو ياخالد...انت شكيت فيني بدل الثقه..بدل ماتدافع عني توقف ضديطيب ليش مارحت سالت اخوها اذ انا على علاقه معه او لا..بقولك شئ وانت منها احكم من الصادق فينا.."قالت له هديل سالفه مرت ابوها لما دخلت على ماجد ببيت الشعر"..
هاه وش رايك؟؟؟......
خالد:هديل...ننسى الماضي ونبداء صفحه جديده..واللي صارلنا تجربه وانا اعترف اني اخطيت
هديل مستغربه:ننسى ..وتجربه..لو انا شاكه فيك وش بتكون رده فعلك ياخالد..وشلون ترتبط مع وحده بيوم من الايام شكيت فيها..خالد دامك شكيت بي مرة بتشك بي ميت مرة..وبصراحه كرامتي ماتسمحلي..ارتبط مع انسان يشك فيني...
خالد بجديه:اسمعي ياهديل..الشيطان قدر يدخل بينا..بس ماقدر يفرقنا طووول العمر..انا ماصدقت اخذك وانتي اللي تعاندين..هديل...انا اسف على كل شئ سببته لك..تبغيني ابوووس على راسك عشان ترضين..ابتسم...
هديل مستحيه:لالا مايحتاج..وماله داعي تتاسف..نزلت عيونها..
خالد:وليش ماله داعي..انا غلطت ومنك السماح...يعنى....صافي ياللبن....
هديل مبتسمه:حليب يا قشطه...ابتسموووا لبعض وجاءطلبهم..وجلسووا ياكلووون وكل واحد انفتحت شهيته من بعد الحوار اللي صار واخيرا توصلوووا لحل.....
عرفت ام محمد انهم بالشرقيه وتضايقت وطلبت منهم يرجعووون والا بتجي هي وابوه..هدئها خالد وقال بنفس اليوم بيرجعوون..شووي وكلمتها هديل اللي ماسلمت من هواش عمتها بالبدايه ..
واخيرا سكرت وكانت تضحك على عمتها وعصبيتهاسالها خالد وقالتله وابتسم لها لما شافها تضحك..وتمشوووا على الكورنيش واخذوا عصير يبرد على قلوبهم..وعلى الساعه 4 العصر ووقفوا عند بيت يشبه القصر..ناظرته هديل وراحت تناظر خالد بخوووف..وطمنها خالد انه معها ماراح يتركها..ونزلوووا ودقوا الجرس وشوووي ويفتح لهم شاب ابيض طويل وعليه علامات التعجب منهم..تكلم خالد وطلب ابو فهد..دخلوووا للمجلس الكبير اللي برا البيت وكانت هديل متمسكه بخالد بقوووة وترتجف وطلب الشاب منه ان تدخل زوجته للحريم..بس هديل هزت راسها بالنفي..وفهم خالد الشاب وراح ينادي ابو فهد ...
::::الــجـــزء الاخـــــيــــــــــــر::::

ام محمد بعصبيه:مبارك الحين توديني الدمام..!!!
ابو محمد:عسى ماشر...وش فيه....الدمام مرة وحده..
ام محمد:ايه من عمايلك ولدك وزوجته توديني او اخلي ناصر يوديني...
ابو محمد مستغرب:محمد...وش فيك يانورة ...ليكون خرفتي...
ام محمد:والله انت اللي خرفت..ولدك خالد..رايح للدمام عند خوال هديل..انا الغبيه اللي

سمعت كلامك واقووول لخالد..قال ايش قال زوجها ولازم يعرف كل شئ...
ابو محمد يهديها:يا بنت الحلال..انتي ليش معصبه..ابو وليد الله يرحمه وش وصانا..ماقال اذ

هديل سالت عن امها ودوها عندها..
ام محمد بنرفزة:ايه بس مو لحالها.........ولبست عبايتها..وطلعت
محمد يطالع ولده:هاه اسماء ليكون بروكي تعبك...
اسماء بتعب:اوووف تعبني الا ذبحني..حسيت روحي بتطلع..
محمد:بسم الله عليك وعليه..شووفي يفتح عينه...."عالطوول سكرها وحط يده على جبينه

عشان يحجب النور وفتح عيونه وابتسموووا..وشال يده وغمض عيونه بسرعه"...
اسماء:محمد حراااااام عليك..ياويلك من الله تلعب بولدي..
محمد يضحك:هههههههههههههه ياشيخه خلينا نضحك شوووي ههههههههههههه
اسماء تبعده عنها بيدها:رح زييييين وش شايف ولدي لعبه لك.....ويصيح مبارك الصغير وتهز

امه ومحمد يبتسم لهم ويحس بشعووور غريب اول مرة يحس فيه....
منال:هلا نوف..وش اخبارك..واش اخبار الاهل...
نوف:بخير كلنا بخير..وينك يالقاطعه زمان عنك...
منال:والله تعرفين..الاجازة انتي وينك غاطسه لاحس ولاخبر..انتي وهديل؟؟
نوف:والله تصدقين ادق عليها وارسلها مطنشتني هالقعيطيه..وتوني داقه على امي منيرة تقووول

طلعت مع خالد...
منال مستغربه:طلعت!!!وين طلعوا؟؟...تصدقين من تملكت انشغلت عنا...
نوف:اييييييه خلاص جاء حبيب القلب لازم تنشغل عنا..الله يوفقها ..
منال:امييييييين...اقوول ياحلووووة...امي تسال متى تروحون تزورون اسماء..؟؟
نوف:والله مدري عن ماما..بسالها واكيد اليوم..واذ مو اليوم اكيد بكرة هههههههههه
منال:يادمك والله انك رايقه..المهم عطونا خبر عشان تمرون علينا ونكلم على مرت
عمي صالح...Don't forget us...bay
نوف:...بااايااااايااات......سكرووا من بعض...
جلست بجنب خالد وكان قلبها يدق بقووة وخالد كل شوووي يطمنها..ويدخل عليهم رجل كبير بالسن

وناظر فيهم ..وقف خالد وحاول يقومها اللي خانتها رجولها من الخوف
ابو فهد:ياهلا ومسهلا..خير امرني ياولدي..
خالد بابتسامه:مايامر عليك عدوو..اعتقد انت ابو فهد...؟؟
ابو فهد يناظرهم بتفحص:ايه انا ابو فهد.."ناظر بهديل"..ليش ماخليت حرمتك تروح عند

الحريم...؟؟
خالد يناظرها:معليش يابو فهد..حرمتي ماهي غريبه عنكم...
ابو فهد مستغرب:وشلون ماهي غريبه؟؟؟...ماني فاهمك ياولدي...
خالد:انا بفهمك كل شئ....وقالوه عن السالفه من يوم تزوج ابوها امها لين الحين..ابو فهد

تضايق لما عرف ان ابراهيم توفى بحادث وناظرها وعرف انها حفيدته المفقوده..وابتسم وقام ووقف

قدامهم اللي وقفوووا وطلب منه تشيل الغطووة مسكت خالد وطمنها وقالها تشيلها..وشلتها وكانت

خدودها حمراء من الخجل...
ابو فهد بصوت حزين:اشهد ان لاالله الا الله..انتي بنت ليلي...انا ابو ليلي..يعنى ابوك

سبحان الله..ماخذه من امك كثير..واختل توازن ابو فهد ومسكه خالد عالطووول وجلسه على

الكنب..
ابو فهد:تعالي يابنيتي تعالي يابنت الغاليه..تعالي..."مسك خالد يدها وقربها من جدها"..
ابو فهد يكلمها:وينك من سنين طووويله..الله ياالدنيا..تفرق وتجمع بنفس اللحظة
هديل انربط لسانها من اللي قاعده تسمعه وتناظر فيهم بصدمه..
ابو فهد:بروح انادي ام فهد وخوالك فهد وسعود وخالتك هيا...وقام وطلع من المجلس ..

وعالطووول جلس خالد بجنبها..
خالد بخوف:هديل وش فيك..؟؟؟؟....هديل...
هديل تبلع ريقها:خالد....انا....خايفه....
خالد:لاتخافين دامني معك...وانتي حاووول تمالكين نفسك..خلاص تقريبا وصلنااللي نبغاه.

هدووووله..عمري..هدي نفسك شوووي..تبغين نرووح.."هزت راسها بالايجاب"..

طيب ولا يهمك بس يجوون خوالك ونسال عن امك..اللي هي خالتي..ونروح اوكي..ابتسم لها
ام وليد:وليد وين اخوك عبدالله..؟؟؟
وليد:بغرفتي عند الكمبيوتر..الا يمه مادريتي ان زوجه محمد جابت ولد..
ام وليد تجلس:ماشاءالله ..محد قالي...متى ولادت؟؟
وليد:والله مدري..بس جاني الخبر من ناصر..يله يمه تبغين شئ..
ام وليد:وين تروح مارح تتغدي معنا..؟؟؟
وليد:ناصر عازمني انا ونواف بروح بمرة ونتغداء سووا..
ام وليد:وش المناسبه يعزمك؟؟؟
وليد:يقوووول بمناسبه الخطوووبه...مع السلامه وحب راسها وطلع..وتركها مستغربه
"متى خطب ومحد قال ..وهو لسه ماخلص دراسته...وعقبال ماشوووفك يا وليد خاطب ومعرس

ان شاءالله.."وطلعت فوق تشوف عيالها..حصلتهم عند عبدالله بغرفه وليد يلعبوووا .....
دخل ابو فهد عليهم ومعه عجوز كبيرة بالسن..واول مادخلت حظنتهاوجلست تبكي وتولول على

بنتها..ويدخل فهد وسعود وسلمووا على خالد وعلى بنت اختهم اللي كانت مستحيه منهم وقامت

وجلست بجنب خالد وانبسط وحس انها مثل الطفل يدوور على الامان وحس بفخروسعاده ان تدووور

عليه عشان يحميها..
سعود:واخيرا يابنت اختي ..توك تتذكرينا.."تناظر فيهم وخالد اللي استغرب من كلامه"
ابو فهد:سعود..وش فيك..مو قت الكلام....
سعود:الا وقته ونص....هي لما سمعت ورث وملايين جت هي وزوجها..
خالد بعصبيه:لو سمحت اخ سعود عن الغلط..حنا ماجينا عشان مثل ماتقووول..
سعود بتريقه:اووووه لاوالله اجل ممكن تقووولووون ليش رازين الوجه وجايين..هاه...
خالد قام:الظاهر حنا غلطان بالعنوان..يله ياهديل...ومشووا شوووي...
ام فهد:وين تمشووون خل هديل عندنا..ماشبعنا منها....
خالد:والله ودي ياخاله بس هديل مو مرغوبه..وانا ماترك زوجتي بمكان ماهي مرغوبه فيه..
ابو فهد:الله يهديك ياولدي وش ذا الكلام..لاتنسى هديل بنتنا قبل ماتصير زوجتك..استرح

وامسحها بوجهي..لاتاخذ بكلام سعود..ترى مايقصد شئ..استرح..
سعود بعصبيه:ليش وش شايفني يوبه خبل مثل بنتك..وبكرة بتقووول ان سعود ماقال..جاين ياخذون حلالكم ..
فهد:خلاص ياسعوود قلت كلام كثير ...خلنا نسمع وش عندهم.....سكت سعود وجلس
وتاسف فهد نايبه عن اخوووه..تكلم خالد وقال السالفه اللي قالها لابو فهد..طبعا مااقتنع سعود

بكلامه..وعصب عليه وحاول يتمالك نفسه عشان خاطر امه وابوه اللي فرحووووا من قلب بشوفه
بنت بنتهم ليلي...
سعود:خلاص خلصت..وش المطلوب مننا...؟؟؟؟؟
ابوفهد:وش هالكلام يا ولد..اذ موحاشم ضيوفك..احشمني انا وامك..خلنا اعتبر شووي
سعود:يوبه انتم على العين والراس..بس....
ام فهد:بس ايش..حنا ماصدقنا تجي بنت بنتي لحد عندنا وانت تقوووول شئ من عندك اسمع ياسعود

اذ موعاجبك كلامنا مع السلامه واذ عاجبك حياك الله..
سعود:الحين تطردوني عشان اثنين جيين ينهبون حلالكم"ناظر فيهم".طيب يصيرخير..وطلع
خالد بصيق:عموما يا ابو فهد..حنا اسفين على اللي صار و ....
ابو فهد:افاااااا ياولدي ياخالد هذا كلام تقوله..جميلك بحطه برقبتي..مو يكفي جبت لنا الجوهرة

اللي فقدناها من سنين..الله يوفقكم ويسعدكم ...
خالد بتردد:طيب يا بوفهد..كنت بسالك...عن....ام هديل....وينها؟؟؟؟
ابو فهد يتنهد:والله مدري وش اقووولكم..اطلبوا لها..الصحه..والعافيه...
هديل بخووف:ليش وينها امي .؟؟؟؟ تكفووون قوولووووا وينها..؟؟؟؟
ام فهد:هدي نفسك يابنيتي..امك بخير...بس.....
خالد:بس ايش يا ام فهد..وش فيها خالتي ليلى...؟؟؟؟؟؟
ابو فهد:اسمعوووا ياعيالي...انا بقولكم..والله يخليكم لاتقطعوني"يناظر بهديل"..
ليلى..تزوجت ابوك الله يرحمه...وعاشت سعيده..فرحت اكثر لما عرفت انها حامل فيك
"تنهد"..لكن....ليلى....طلبت من ابراهيم الطلاق..وابوك كان متمسك بامك لابعد

درجه..يعنى تقدرون تقولون انه....يحبها...لكن ابراهيم رفض طلب ليلى اللي اصرت

عليه..وصار بينهم هواش و....افترقوا عن بعض لين ماولادتي ياهديل..وجاء ابراهيم تكلم

مع ليلى ووضحت لها كل شئ...وبالنهايه وافق على الطلاق بشرط ياخذك انتي منها...و

ليلى ترددت بالاول...وبالنهايه اعطتك لابووك...."انتبهت على ام فهد تبكي بصمت وابو فهد

متمالك نفسه"...
هديل:طيب..ليش كل هذا؟؟..وش الاسباب؟؟ ...انا مو فاهمه اي شئ؟؟....
خالد:هديل...هدي نفسك...ابو فهد...للحين ماعرفنا سبب الخلاف بين خالتي ليلى وخالي

ابراهيم...ماوضحت وش صاير عشان يحدث الطلاق...
ابوفهد:اللي صار.....كانت اوضاعنا الماديه عاليه..وجاء واحد يقاله ابو عمر..واخذ
منا صفقه كلفتنا كل ماورانا وقدامنا..يعنى صرنا على بساط الفقر...وليلى ضحت بزوجها وبنتها

عشانا..انا اعرف بتقوولون وش سوت.."ناظر فيهم"..بنتي طلبت الطلاق من ابراهيم..
عشان ....تتزوج من ابو عمر...اللي تقدم لها قبل مايخطبها ابوك ورفضت بحكم انه

اكبر منها..وهو بفعلته المشينه قدر مثل مايقووول رد اعتباره...هذا الشئ ابوك مايعرفه طبعا
بس طلبت منه الطلاق بحكم انها مريضه واحتمال تموت باي وقت...وانا مثل ماقلتلكم..ابراهيم

متمسك فيها..وعرض عليها يسافرون عشان تتعالج برا..لكن هي الله يهديها..رفضت بشده

عشان بس ترجع شركتنا وهذا كان شرط ابو عمر يتزوج ليلى ويساعدنا ماديا..وبالوقت هذا عيالي

صغارمالهم ومال التجارة..وانا وحيد اهلي..وعندي 3خوات..وابوي تدهورت صحته بعد

ماعرف عن الشركة و...صار اللي صار..وقالت له انها عايفه الحياه معه وانها محرومه من كل

شئ وهذا الكلام مو صحيح وابراهيم ماقصر لا معي ولا مع بنتي برغم انه كان تاجر صغير ومادخل

بالصفقات الكبيرة بس عشان تبغى تنقذنا من الحاله الردئيه اللي وصلناها.....من بعد مافترقووا

وبعد ولادتك وصل الخبر لابوك جاء وتفاهم مع ليلى للمرة الاخير بس من غير فايدة....سوت اللي

براسها ومن عقبها ماعرفنا عنك ولا عن ابوك اي شئ ولما بدت اوضاعنا الماديه بالتحسن..انا

وخالك فهد ماقصرنا جينا وسالنا عنك لكن ابوك الله يهديه كان يردنا ويقول مالكم شئ عندي..ويتركنا

بحيرتنا للين ماوصلت ليلى بحاله من شبه الانهيار العصبي..وسفرنها على حساب ابو عمر

تشافت جزيئا..ولما رجعنا للبلاد تزوجت من ابو عمر وسافروووا لبرا وجلسوووا حوالي 6 شهووور..ورجعت عشان زواج..ثم رجعت لفرنسا وجلست شهر تقريبا الا ويتصل علينا عمر ولد ابو عمر وقالنا لازم نجي عشان ليلى بحاله حرجه..وراح فهد اللي ما كمل شهر على زواجه..وعرفنا بعدين ان ابو عمر مات بحادث وليلى كانت معه والحادث وجلست بغيبوبه والحمدلله قامت منها وخسرت الطفل اللي كانت حاملته واثر عليها نفسيا ومعنويا..واكتشفنا انا معها ورم خبيث بالرحم وفوق هذا وهذا انتشر بكامل جسمها ولاقدروووا يسيطرون عليه..ورجعوا وحالتها حاله لاتاكل ولا تتكلم ووصلت لحاله اكتئاب..وكانت دايم تنادي باسمك ويتهيئ لها اي شئ ساءت حالها ودخلنها للمستشفى

وقررت ارووح لابوك واقوله عن حال امك يمكن يتعاطف معها...وكان بوقته على ماظن انه توه متزوج واخيرا كلمته بالبدايه ماقصر معي لكن كلمته وحده ماعندي لكم شئ..ووضحت له وضع ليلى لكنه مافي فايدة..وطبعا ليلى كانت تسال عنك وعن ابراهيم كل يووم بس كنت اقوولها انهم مسافرين لعمل وقريب يرجعووون مع الايام تحسنت حالها وطلعت من المستشفى وبدت تتقبل وضعها ويوم من الايام عرفت كل شئ من سعود وساءت حالتها اكثر لما كلمت ابراهيم وسالت عنك وقالها نفس كلمته وتعتبر ان مالها بنت وكانها ماولادتها او تعتبرك متي..والحمدلله على كل شئ والحين عايشه على هالكيماوي وننتظر رحمه رب العالمين..
هديل بين دموعها:والحين....وينها...امي...؟؟؟؟؟
ام فهد تمسح دموعها:بالمستشفى..بكرة نوديك عندها ....
هديل بصوت مخنوقه:لا...الحين...بروح لها..تكفى خالد..ودني لها
الجده:ماشاءالله لا اله الا الله كله ابوووه فمه وخشمه وحتى عيونه..
محمد:لاعاد يمه وش رايك تقوووولين انه انا لكني مصغر..الله يهديك خشمه وفمه من اسماء وهو اشوووا ذكرني وصارت عيونه مثلي ههههههههههههههههههههههههههه
اسماء:ههههههههههه استغفر ربك وش ذا الكلام...
الجده:خوووذي ولدك ياكثر حركته مدري وش فيه...اخذه محمد وباس راسه وعطاه امه
اسماء:لايايمه منيرة هو كذا اذ احد سب امه يزعل.......وصاح
محمد:شفتي يمه احبطتي الولد من الحين..
الجده :ماقووول الله يصلحه وش احباط وش خرابيطه..اهاه كلم على نويصر خله يجيني..
محمد:افاااا ام عبدالعزيز ليكون زعلتي توو الناس ماشبعنا منك..
الجده:لا ياوليدي لازعلت ولا شئ وانتم لاحقين علي..بس بشووف بنيتي هديل راحت ولا اتصلت
اخاف تتصل على البيت وماتحصل احد..
اسماء تهدي ولدها:وين راحت هديل ؟؟....قالتلهم انها راحت عند خوالها بالدمام..
وانتظرت ناصر لين جاء ووصل امه منيرة لبيتها .....
ام نواف:نوف كلمتي منال وقلتيلها بكرة بنروح لمرت محمد ومعنا قهوتنا...
نوف:لا مااتصلت عليها اكلمها بعد شووووي..يمه وش عند ام حمد متصله عليك؟؟؟؟..
ام نواف:بسم الله انتي وش عرفك..كلمتها عشان نروح نزور اسماء..
نوف:وشلون تكلمينها ومنال قايله اعطيهم خبر عشان هم يكلمووون على عمي صالح مو انتي تكلمين...
ام نواف:ياربي على هالبنت..نوف متى تكبرين وتعقلين عيب عليك اللي تسوينه
نوف بضيق:يمه انا وش سويت كل شوووي والثانيه تفشليني ياعند ابوووي اواخوواني ولا فوق
كل هذا عندخالتي نورة وحريم خوالي..لدرجه انتي مفتشله مني خلاص انسى ان عندك بنت..
وعالطووول راحت لغرفتها وهي متضايقه وقفلت عليها الباب..
ام نواف"صحيح كل شووي وانا اقووولها متى تعقلين ولسانك طووويل بس انا ابغى مصلحتها مو بكرة يقووولوون سارة ماعرفت تربي الله يهديك ان شاءالله يانووف.."
حمد:هلاناصر..اقوول ماتدري وين خالد اليوم خير شرماشفته..ومايرد على جواله؟؟
ناصر يبتسم:اووووه انت وينك..الحبيب راح يقضى شهر العسل..
حمد متفاجئه:لاعاد..متى صار الكلام..ناصر تضحك علي او ..."سمعه يضحك"
ضحكت بلاسنوووون انت وكلامك اللي مدري من وين تتكلم..
ناصر:هههههههههه يعنى من وين اتكلم..اكيد مثل باقي الناس وخاصة المزييين مثلي
حمد بتريقه:هههههههاااي..احد كاذب عليك وقايلك مزيوووون..هيييييه فوووئه يابني
ناصر:ماتخافشي دنا فايئه هههههههه الله يلعن ابليسك...نعم اخوووي وش بغيت خالد والله طالع
مشوووار مع مدمتوووووه...
حمد:يارب اعطينا مثل ماعطيتهم..وشو نوع المشوووار يا استاز ناصر..
ناصر بثقل:والله..احم يا اخ حمد..على حسب معلوماتي البسيطه..والثمينه..مدري؟؟
حمد:مالت على هالمعلومات لاوبعد ثمينه وبسيطه..تدري انا الخبل اللي اكلم ناس مستعجلين بكل شئ اللهم لك الحمد والشكر..يله مع السلامه........
ناصر:هههههههه لاو الله يعنى الحين مو مستعجل مثلنا..."ناصر فهم قصد حمد بالمستعجلين"
حمد بارتباك:وش تقصد..؟؟؟؟
ناصر:لالاسلامتك..بس حبيت اقووولك مو كل شئ يتخبى مع السلامه...وسكر بوجه وجلس
يدق على ناصروهو يضحك "عناد فيك يا حميدان ماراح ارد"..وترك جواله بالسيارة ونزل عند
المحطة يعبى بنزين لسيارته....
واقفين بالممر والدكتوور معهم يطمنهم عن حاله ليلى وقال انه توها ماخذه الكيماوووي ولازم ترتاح والافضل يجووون بكرة يشفونها لان حالتها ساءت اليوم وام فهد تبكي على حاله بنتها اللي تسوء يوم عن يوم..واصرت هديل تشوفوووها ولو من بعيد سمح لها الدكتووور تدخل لوحدها ولمده 10دقايق..دخلت عندها وكانت ترتجف وحاطه يدها على فمها عشان ما تطلع منها اي صوت او شهقهواول ماوقفت بجنب السرير كانت ليلى ترتجف من تاثير العلاج وماكانت مركزه يعنى كانها بحاله اغمى..شالت الغطوووة ونزلت دموعها من غير صوت وكانها مو مصدقه عيونها صحيح اثر العلاج بدء يظهر على امها يعنى شحوووب وجهها ونحاله جسمها وسقوط شعرراسها وحواجبها..انحنت لامها وباست جبينها وابتسمت ...
هديل بين دموعها:انا هديل...يمه ليلى...انا بنتك هديل......"ماكنت بوعيها وكانت
ترتجف بقوووة وناظرتها وخافت على امها..وشووي تجيها النيرس عشان تطلعها وسالتها عن سبب الرجفة قالتلها من تاثيرالعلاج"...وطلعت وهي مو مصدقه عيونها اخيرا شافت امها..
وعالطووول مسكها خالد وسالها ولاردت عليه..الا ويدق جواله وشاف رقم امه وعالطووول رد..
وسالت عن مكانهم وخبرت زوجها عن المستشفى وبعد ربع ساعه تدخل نورة للمستشفى وشافتهم
نازلين من المصعد فراحت عندهم واول ماتكلمت نورة بكت هديل وحظنتها وحاووولت تهديها جاء ابو محمد وسلم على ابو فهد وعرفه بنفسه وتكلمووا شوووي واصر ابو فهد يتعشووون عندهم بس ام محمد رفضت لان وراهم طريق وبسبب حاله هديل ووعدتهم راحوووا يجوونهم عشان يشفون ليلى باحسن صحه..ووقفوا عند سيارة ابو محمد ...
هديل بين دموعها:الله يخليك ياعمتي خلني عند امي...تكفين
خالد:هديل استهدي بالله وبكرة نجيها..
ام محمد تهديها:هديل انتي الحين شفتيها وهي مادرت عنك بس بكرة بإذن الله نزورها..
هديل:لالالا بجلس عندها مابغى ارجع للرياض..تكفون طلبتكم خلني عند امي....صاحت
خالد:خلاص..طيب لاتبكين..وش رايك يامه ناخذ شقه او فندق...
ابو محمد:وش فيكم ماركبتوووا ..وش فيها هديل؟؟
ام محمد:هديل تبغى تجلس عند امها...
ابو محمد:من حقها تجلس..ابوي خالد انت توكل وانا وامك بنجلس معها وبناخذ لنا غرفه بفندق اللي دايم ناخذ منه..
خالد بضيق:يووبه الله يهديك..انا معكم لاتصرفوووني..وبعيدن دامني جايبها يعنى برجعها
ولاتحاولون تقنعوني ارجع..
ام محمد:مبارك وش فيك انت الثاني خلاص اليوم ننام هنا وبكرة يحلها الف حللال..فتحت باب
السياره لكن خالد طلب من امه تركبها عنده عشان يمشى فيها شووي على الكورنيش ويطلعه من اللي هي فيه ....
ام نواف:وين اختك..مانديتها؟؟؟؟
فواز يجلس:تقووول ماتبغى عشى.....واخذ خبز وبدء ياكل وجلست ام نواف تلوم نفسها هي
ماغلطت بس ماتوقعت بنتها تسوي كذا..الله يهديها وبكرة تكلمها..
حمد:لا والله احلف انت بس..مين الحين الخاين انا او انت يا قيس ابن الملوح..
ناصر+وليد+نواف:ههههههههههههههههههههههههههههههههههه ههههههههههههههههههه
حمد بقهر:قسم بالله الحين اترككم ولاعاد تشووفووون وجهي الا يوم عرسي..
ناصر:ههههههههههه يارجال انت ماتعرف المزح...ماقووول الا يعين العروس عليك..
حمدبغرور:الا يابختها بي..وانتم مالكم نيه او مشروووع قولوا من الحين لتصيرووون مثل الخاين
وليد:والله مافكرت ولاعمري بفكرلين اخذ الضوء الاخضر من الغاليه.."راحوووا تفكيرهم لبعيد"
حمد:اووووووف الولد طايح ولاحد سم عليه..عاشق هاه...مين قووول ماراح نقول لاحد
ناصر:لا حمد اسمع بعد غاليه...والله ياوليد اثريك مو سهل...
نواف+وليد:هههههههههههههههههههههههههههههههههههههههه ههههه...."نواف يعرف الغاليه"
حمد:تكلم وخل عنك الضحك لعطيك بووكس يطيح اسنانك واخلى الغاليه تلعن اليوم اللي شافتك فيه..
وليد:هههههههه سبحان الله ههههههههههه كل واحد يفهم على حسب تفكيره ههههههههههههههه
ناصر:لا يعنى انت طالع فهيم وحنا دلوووخ..؟؟؟؟
نواف:هههههههههه عليك نوووور انت اللي قلتها دلووووخ...ياذكي انت وياه الغاليه بمصطلح وليد واخوانه هي اخته اللي هي زوجته اخوووووك يا دلخ.....وافتشلوووا الاثنين وجلسووا يضحكون معهم..
طلعت وفتحت البلكونه ووقفت عندها تستنشق ريحه البحر..وتناظر للسماءوتحمد ربها ان شافت اغلى شئ بحياتها..وهبت نسمه حركه شعرها المفتوح..وجلست تناظر بتحت وماحست الا وخالد واقف عندها ونقزت بخوووف..
خالد يبتسم:ابغى اعرف شئ واحد متى تتركين الخوف اللي بداخلك..؟؟؟؟؟
هديل بحياء:خالد...ممكن اسال سؤال.؟؟؟؟؟
خالد بنظرة حنان:اسالي...مو سؤال واحد مليون سؤال..وبعيدن اتركي عنك الرسميات.؟؟؟
هديل تبتسم:امممممممممم لو انا مو هديل...راح تسوي معها اللي سويته معي؟؟؟
خالد باستغرب:مافهمت عليك وضحي اكثر..يافيلسوفه؟؟
هديل:ههههههههههههههههههههههه يعنى يا استاذ خالد..لو انت اخذت وحده غيري راح تسوي معها كل اللي سويته..
خالد بخبث:وش تبغين توصلين له بالضبط..هدووووله..لاتلفين وتدووورين؟؟؟
هديل بتردد:يعنى...احم....امممممممم...انت ..وش الدافع اللي يخليك تسووي معي
كذا..مثلا هل هو....طيبه وشهامه منك...او.....او....
خالد بجديه:شفقه.."رفعت راسها له"..شوفي ياهديل كلمتين مو ثلاثه...انتي هنا..
"اشر على قلبه"..وتحرك عشان يبغى يطلع....
هديل بحنان:خالد.....وقف عند باب البلكونه"...يهون عليك تروح وتتركني لحالي..
خالد:لامايهون علي...بس متاكده من كلامك...
هديل بحياء:اكيد....متاكده...والتفت عليها مبتسم ووقف عندها يسوولفوووا ....
ام نواف تطق باب غرفتها:نوف....نوف...انتي نايمه
نوف فتحت الباب:نعم يمه..."منزله عيونها"...
ام نواف:وش فيك لاتعشيت امس واليوم ماتغديت..ليكون تشووفين غلاك عندنا..
نوف:لايمه مالي نفس....ودخلت امها بغرفتها...استعدي بنرووووح لاسماء بعد شوي
نوف:مالي خلق اروح..روحي انتي....نزلت راسها
ام نواف:يمه نوف..عشاني ابغى مصلحتك تزعلين..هو حلو منك تسالين بكل شئ بس مو كل
شوووي تنطين وتتلقفين..."رفعت عيونها المتجمده فيهن الدموع"..انا ابيك تصيرين مثل منال
وهديل ماشاءالله عليهم الكل يمدح فيهم..يمه انا ماقصد شئ اذ قلت لسانك طويل او ملقوووفه ابيك تنتبهين ومابغى يكون طبع فيك..نوووف..اعتقد انتي كبرتي وبسن زواج واكيد الكل بياشر عليك وبيقووول هذا نوووف بنت سارة..عشان كذا تشووفيني شديده عليك مابغاهم يقولون هذه نوووف ام لسان طووويل...عشان كذا يايمه اقووولك اعقلي لانك بسن زواج..فهمتي...
نوف مستغربه:يمه..وش قصدك...؟؟؟؟
ام نواف تبتسم:اقصد ان ناس خطبووك مني..عشان كذا اقووولك مابغى بكرة يقووولون سارة
ماعرفت تربي بنتها..ابغاك تبيضين الوجه..
نوف:يمه..كانك تقووولين هالكلام وكاني موافقه..بالاول مين هز ؟؟؟ ووش يشتغل؟؟...
ام نواف تهز راسها:ماتتغيرين ابدا..اولا هو ماهو غريب عليك مننا وفينا...وقالتلها امها كل
شئ..بالبدايه طلعت اعذار الدنيا قالت دراستها وانه كبير وماتبغى تبعد عن اهلها..طبعا ام نواف
قفلت كل الطرق عليها..وضحت انها مجرد خطبه واذ قرر الولد الزواج يصير خير ويمكن تجلس سنه او سنتين وهو ماقرر متى الزواج...
الدكتور:والله مش عارف ائولكم ايه..بصراحه حالتها ماطمنش ابدا..وخايف تزيد حالتها
ام محمد بعصبية:يعنى وش نفهم من كلامك..مانقدر ندخل نشوووفها.؟؟؟
ابو محمد:استهدي بالله ..الدكتور ماقال شئ..؟؟
نورة بعصبيه:ماتسمعه وش يقوول.؟؟؟
الدكتور:يامدام..هي بعد العلاق نمنع عنها الزيارات خوفا من تدهور صحتها لاسمح الله..
وانتوا قيتوا بوئت مش مناسب خالص..اعزروني..
هديل بصوت مخنوق:خالد تكفى كلمه..ابغى اشوفها بطمن عليها..
خالد:يعنى دكتور مافي اي مجال نشوفها..
الدكتور باسف:الحئيئه...مش عارف ائولكم ايه..انا ائولتلكم حنا نمنع عنها الزيارات بعد العلاق
وخاصه هي بدت بمرحله علاق صعبه..مافيش غير بكرة تيقووا..
هديل بحاله يأس من بعد ماكانت متفائله..وقالها خالد اللي صبرها هالسنين يصبرها لبكرة ورجعوا للرياض لان عند ابو محمد دوووام ونفس الشئ خالد وبكرة بينزلون ويشفونها...
الساعه 1وربع الظهروصلوووا من الشرقيه اخذ لها دش ونزلت عند امها منيرة وحصلتها جالسه
بالصاله..وطلبت منها تزور اسماء حماتها وحست الجده ان نفسيتها مرتاحه من بعد ماسمعت كلام خالد وسالتها عن امها اللي عالطووول تكلمت بفرح عنهابرغم ماجلست معها ولا كلمتها بس يكفى شووفتها وش سوت فيها..وتكلمت عن جدوودها وخالتها هيا وحريم خوالهم وكانت فرحانه..شووي ويدق التلفوون وترد وكان خالد يبغى يطمن عليها وحس بنفسيتها متحسنه..وعلى المغرب اتصلت باخوووها وليد عشان يوديها لاسماء بالاول طلبت منه يرحوون محل هدايا تشتري هديه بسيطه وباقه ورد الجده ماراحت معها لان كانت امس عندها..واول ماوصلت كان فيه ام محمد وام سعد(ام اسماء)جالسين يسووولفوون وكان محمد معهم شايل ولده..ولما دخلت كانت معها باقه الورد واول شئ سلمت على اسماء وتحمدت لها بالسلامه وحطته الباقة على الطاوله وسلمت على الباقين..وقالت لمحمد ان وليد برا...اعطى ولده لامه وراحت هديل اخذته منها تبوووس فيه..وجلست بجنب اسماء وعاد تعرفووون الحريم مين يشبه والامور هذي..وشوووي وسمعت ام سعد تدعي لهابالذريه الصالحه وانحرجت..وطووول الوقت كان بين يدين هديل اللي فرحانه فيه وكل شوووي تعلق عليه بحركه يسوويها ويدخلون حريم اخوانها واختها ومنال..سلمووا على بعض واعطت هديل البيبي عمتها ساره اللي تموت بالاطفال..وجلست تطلع عيوبه واسماء تدافع عنه وعن عيوبه..بعد صلاة العشاءكل واحد يدق على عياله ووعدوووها بزياره ثانيه بس ببيتها..وطلعت حصلت خالد واخوه محمد ووليد جالسين بالاستراحه ونادت وليد وجاء عندها
وليد:هلا هدووووله...يله نمشي...؟؟؟
هديل تناظر خالداللي وقف بجنبها:امممممممم لا...بروح لبيت عمي عبدالعزيز...
وليد مبتسم:طيب مو مشكله انا اوصلك..كم هديل عندي.....
هديل تقهر خالد:تـــســــلـــــملــــي يــــــا الـــــغـــــالــــــي..
خالد بقهر:من هوووو الـــغـــــالـــي...؟؟؟؟
وليد:يا شين اللقافه وانت وش دخلك...بيني وبن اختي انت تدخل ليش..؟؟؟
خالد:لاوالله ليكون ناسي ..اذ هي اختك تراها زوجتي مين الاولىّ..
وليد:اقوول لاتكثر تراك انت وزوجتك عاطلتوني....
خالد:اوووف..ومين ماسكك تفضل رح لاشغالك..ليكون واقفين بطريقك وحنا ماندري..
هديل تهديهم:خالد...نسيت اقوولك...مبروك على ماجاء اخوووك..
خالد يحرجها:الله يبارك فيك...وعقبالنا....."نزلت راسها من الحياء"..
وليد بخبث:اكيد تنسين"يناظر خالد"..اللي ماخذ عقلك يتهنئ...
خالد:مووووووت بغيظك اكيد انا اللي ماخذ عقلها اجل انت....
هديل منحرجه:خلاص..مو وقته الحين..المهم توديني او لا...
خالد بجديه:وين يودك...وليش ماطلبتي مني...
وليد:ليكون صدقت انها زوجتك...حبيبي اذ صارت ببيتك تعال وتحكم فيها..دامها عندنا لاتتكلم
ولاتفتح فمك بكلمه..OK "حب يقهر خالد"..اقووول هدوووله من زمان ماشيكتي على ايميللك..
هديل مندهشه:وش فيه ايميلي..؟؟؟؟..."وليد يناظر بخالد اللي معقد حواجبه"..
وليد:لا..مافيه شئ..بس رسايل المنتدى والمعجبين..لدرجه نقلتهم بايميلي عشان ايميلك صار
Full ....
خالد:اي ايميل واي منتدى...وليدوووه..لاتخرب زوجتي..مالها بالسوالفه البطاليه..
هديل+وليد:هههههههههههههههههههههههههههههههههههههههه هههههههه
خالد بزعل:وتضحكين بعد..ولاجبتي سيرة عن موضوووع خير شر..لاعاد تكلمين مع السلامه
ومشى عنهم ونادت عليه ولاكانه سمعها..
وليد:ماتوقعت زوجك دلوووع مالت على دلعه..اثريك ياهدوووووله مدلعته لاتدلعينه بكرة يخرب
عليك...
هديل:ههههه والله هو مدلع نفسه هههههههه ولايهمك الحين اضبطه لك..يله منال تنتظرني...
وركبوا السيارة ودقت على خالد اللي بالاول مارد وثاني رد بزعل وساحلت فيه للين رضى وسمع وليد يتريق عليه وانقهر خالد منه وطلب منها تحط سبيكر عشان يمرمطه وجلسووا يتهاوشون على مزح واخيرا تدخلت هديل بعزيمه من الاثنين بالبدايه رفضووا وقالت انه هدنه مابينهم تطوووع خالد يعزمهم على العشاء ووليد نفس الشئ لكن بيوم ثاني وبكذا رضوووا ووصلت لبيت منال واتصلوا على نوف تجي تكمل معهم السهرة...
ام فهد:هاه..ليلى وشلونك الحين..
ليلى بتعب:الحمدلله يمه بخير...احسن من امس بكثير..يمه بقولك شئ..بس الله يخليك
تفهمني ولاتقوولين عني مثل مايقووول سعود...
ام فهد:لايهمك سعود بكلامه..انتي اعقل منه ومن عشرة غيرة..بس يمه وش بغيتي تقووولين؟؟
ليلى بتردد:.....بعد ماخذت العلاج.....شفت هديل بنتي.....
ام فهد تعرف ان ليلى كل ماخذت العلاج يتهيئ لها اي شئ ومن زمان ماجابت طاري هديل من بعد ماصار اللي صار بحياتها..ولاحبت امها تقولها عن الاحداث اللي صارت بسبب خوفها على بنتها والمضاعفات اللي تحصلها..
ام فهد بخووف:وشلون...شفتيها...يمكن تكونيين حلمانه...
ليلى بضيق:لايايمه..سمعتها تقول انا هديل....حاولت اتكلم اركز بشئ بس ماقدرت..
امس احد زارني .؟؟؟؟
ام فهد:ايه انا ابوووك..بس قال الدكتورانك بفترة راحه ورجعنا عالطووول...سمي بالرحمن
وتعوذي من ابليس كل هذا تهيأت..وشكلك كنت تفكرين بهديل صح..
ليلى:ايه كنت افكر فيها فهد قال اذ فضى بيروح يجيبها...ماراح للحين ؟؟؟
ام فهد:والله ماراح عندهم اشغال وصعبه يترك شغله على سعود لوحده لازم احد يساعده..دامه قال هالكلام ان شاءالله يجيبها..بس انتي لاتفكرين كثير وريحي عمرك..عشان تقومين لنا بصحه
وعافيه..هزت راسها وحاوولت تركز بكلام امها لكن فكرها شغال وكانت متاكده من اللي سمعته
واللي شافته وانه حقيقه وليس حلم....
واول ماوصلوووا للمستشفى الكل كان فيه جدوودها وخوالها وخالتها هيا..وكانت خايفه وتمشى بجنب عمتها وخالد متقدمهم..سلمووا على بعض وقالوووا لهديل تدخل بروحها وطلبت من عمتها
تدخل معها واول مادخلت كان قلبها يدق بقووة شافت امها وكانت شبه نايمه على السرير وتناظر
للشباك وكانها تتأمل شئ..ووقفت عمتها عن الباب وتقدمت عند امها للين ماوصلت لها
والتفتت ليلى عليها وماعرفتها وجلست تناظر فيها..
هديل بصوت مرتجفه: ....يمه........
ليلى بخووف:هديل.....انت بنتي هديل....."هزت راسها ورفعت امها يدينها
عشان تتحسسها"..تعالي بجنبي...راحت هديل ومسكت يدينها وعالطووول من غير شعووور
حظنتها بقوووة وكانت تبكي وتقووول"اخيرا لقيتك يايمه"....ليلى كانت تبكي مثل بنتها
وتحمدربها..وشافت نورة واقفه عند الباب وعرفتها عالطووول لان نورة ماتغيرت هذا هي..
ليلى بين دموعها:حيالك يانووورة..تفضلي....وجت عندهم وسلمت عليها ...
ليلى بصوت متقطع:وين امي..عشان اقوولها..اني ماكنت احلم..."رفعتها عنها"صح زرتيني قبل امس.."هزت هديل براسهاوباستها امها وحظنتها"..وينك ياهديل..وينك من سنين..الله يسامح ابوك..آآآه مت وانا حياء..مدري شلون طاوعني قلبي على فراقك...و
هديل تبكي:لاتقوولين شئ يمه..يكفى اني لقيتك..وماراح اتركك ابدا..
ليلى تبتسم بين دموعها:اكيد اكيد يايمه اكيد..نورة...ابراهيم عارف ان هديل عندي...
نزلت نورة راسها قالت لها عن اخوووها وحزنت ليلى وترحمت عليه ودعت له..ودخل خالد عليهم وفرحت لما عرفت ان بنتها متملكه وفرحت اكثر ان ولد نورة يعنى بكذا بتطمن على بنتها..ودخلووا اهلها كلهم..والكل فرحان بهديل وليلى صحيح سعود معهم بس ماحب ينكد عليهم الجوووء بس توعد انها ماراح يخليهم ينفذون مخططاتهم"من وهم خيال سعود"...ووعدت امها تجيها وراء يوووماقل شئ....
ومع مروور الاسابيع طلعت امها من المستشفى تستكمل علاجها بالبيت وطبعا هديل معها سكنت عند خوالها


مؤقت للين تداوم بالجامعه يعنى اسبوعين جلست عندهم..ومنها رجعت للبيت جدتها ومن الاربعاء تروح للدمام وماترجع الا الجمعه بالليل
:::: مـــــــــابــــــعــــــــد الـــــنـــــهـــــــايـــــــة ::::


اليوم ثالث يوم من ايام العيد الفطر وبهذا اليوم زواج هديل وخالد والكل فرحان ومبسوووط..بقاعه

الزواج كانت بالغرفه مع صديقاتها وبنات عمها وامها..ومع منال كاميرا فيدوووا عشان تصووور

احسن اللقطات للعروووس وجاء وقت الزفه....
كانت القاعه مظلمه وفيها الانارة الكبيرة مسلطه على الدرج اللي بتنزل منه العروس...بدت الزفه على اغنيه حسين الجسمي الصلاة والسلام بوقفتها على الدرج ومن وراها عمتها ومنال ونوف وخالتها هيا وامها جلست لان كل ماتقدمت بالعلاج كل ماتتعب اكثر..وكان قلبها يدق وكانت ترجف وماسكه باقه الورد بقووة يقالها تخف من حده التوتر..للين ماوصلت للمنصه وجلست وبعد نص ساعه دخل العريس مع ابوه واخووان العروووسه وهنا تذكرت ابوها وحاولت تتماسك عشان مكياجها..والكل باركوا وتمنوا لهم حياه سعيده....
من بعد اسبوع على الزواج اصر ناصر يملك على منال وخاصه مابقى الا ترم له..وسووا ملكه
واقتصر تكوون بينهم هديل وخالد كانووا مسافرين وجوووا بيوم الملكه..
ام وليد صارت تسال عنهم من بعيد واذ حصلت اي مناسبه ترووح تزورهم اما عيالها واصلين مابين عمامهم وعماتهم واختهم..حمد ونووووف اعلنوووا خطووبتهم بشكل رسمي..والزواج بعد
ماينقل حمد للرياض..يعنى باقي سنه او سنتين ..
.............بــعـــد ســـنــــه...............
خالد بصووت كله نووم:هديل......هديــــــــــــــــــــــــــــل...
هديل:خير وش فيه..."سمعت بنتها تصيح"....وليش ماقمت تشيلها...
خالد:شيليها لايجيكم شئ انت وهي..اطلعوووا برا خلوني اناااااااام...
هديل تغيظه:لاماراح نطلع وعناد فيك بجلس هنا ومارح اسكتها...لين ماتوافق انام عندي امي
خالد:اووووووووف...يابنت الحلال نيمي عندها اهم شئ اطلعوا وشيله صفارة الانذار هذي..
هديل تشيلها:ههههههههههههه حرام عليك هذي صفارة انذار.."باستها"..باخذ حق لولي منك.
المهم تخليني انااااام عند امي عشان اتجهز من الحين...
خالد بقهر:اخليك..بس اطلعووووا عني بنااام......وطلعت عنه وهي فرحانه وراحت للصاله الصغيرة اللي بقسمهم..وجلست تلاعب مع بنتها وشوووي يجي خالد عندهم ويجلس بجنبها
خالد ياخذ لولي:نسيت اقووولك شئ؟؟؟؟؟؟؟؟...مافي نوووم عند امك!!!!
هديل مستغربه:ليييييييش..؟ توك موافقك...شوي شوووي على البنت
خالد يرفع بنته لفووق:موافق لما كان فيني نوووم بس عقاب لكم..طار النووم ومافي نووم عند
خالتي...ويضحك على لولي لانها خايفه من رفعت ابوها..واخذتها منه خافت عليها
تطيح او يصير لها شئ..
حملت هديل وكانت بالسنه الثانيه بالجامعه وجابت بنت وسمتها على اسم امها(ليلى)4شهور...
واسماءتخرجت وجابت ولد سموه ناصر6شهوراللي نشب فيهم ناصر الا يسمووونه باسمه..وصار
دلوووع عمه ناصر وياويل الي يزعله و مبارك الصغير صار عمره سنتين..
منال بالسنه الثالثه وتوهم متزوجين ..
ووليد ونواف صاروووا بسنه ثالثه وطلب من رجل عمته يشتغل بنفس الشركه يعنى يساعد بمصرووف البيت..وعبدالله وفواز باخر سنه بالثانووي وشادين حيلهم وخاصه ان عبدالله
يفكر يشتغل عالطووول وبعدين يكمل دراسته..اما سارة انشغلت عن الكل عشان تجهيز بنتها اللي اصر حمد عليهم يتزوجوون بنهايه العطله وتعيش معه بالشرقيه وتنقل اوراقها هناك
بالبدايه نوووف عارضت لكن امها وخالتها ماقصروووا واقتنعت..اما هديل ماقطعت عن خوالها وامها اللي تجي لها بالاجازات وتحاووول مع خالد تنام عندها لكن من غير فايده مايقدر
يستغنى عن لولي الصغيرة
*************************************





ملووووكه غير متواجد حالياً   رد مع اقتباس
قديم 09-29-2008, 09:41 PM   #4
-||[عضو قادم بقوة ]||-
 
تاريخ التسجيل: Sep 2008
العمر: 26
المشاركات: 5
معدل تقييم المستوى: 0
حبيب بدون حبيبه is on a distinguished road
افتراضي


مشكووووووووور ملوووووووووووووووك على القص


حبيب بدون حبيبه غير متواجد حالياً   رد مع اقتباس
قديم 09-29-2008, 09:42 PM   #5
-||[عضو قادم بقوة ]||-
 
تاريخ التسجيل: Sep 2008
العمر: 26
المشاركات: 5
معدل تقييم المستوى: 0
حبيب بدون حبيبه is on a distinguished road
افتراضي


اضغط هنا لتكبير الصوره
اقتباس
المشاركة الأصلية كتبت بواسطة حبيب بدون حبيبه اضغط هنا لتكبير الصوره
مشكووووووووور ملوووووووووووووووك على القصه
وانا احب اني اكون واحد من الاعضاء الكبار


حبيب بدون حبيبه غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية بشروه انى برحل دكتور نوكيا قسم الروايات المكتملة 94 05-06-2016 11:53 AM
مسجات و رسائل جوال منوعه رساله منتدي مسجات الجوال - رسائل الجوال - mms & sms 5 07-25-2013 12:36 PM
اكثر من 10000 مسج مـــــالكـ منتدي مسجات الجوال - رسائل الجوال - mms & sms 50 06-19-2013 10:15 AM
قصه قلبي بس اوعى تدمع مودى العسال منتدي القصص و الحكايات - الأدب الشعبي 5 10-02-2011 03:26 PM


الساعة الآن 06:57 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.