قديم 02-02-2011, 12:32 AM   #41
-||[كبار الشخصيات في المنتدى]||-
 
الصورة الرمزية kazaz
 
تاريخ التسجيل: Apr 2010
الدولة: ksa
العمر: 24
المشاركات: 1,126
معدل تقييم المستوى: 6
kazaz is on a distinguished road
افتراضي


الجزء السادس عشــــــــــــــــــــر
لاحظ على راشد العصبيه والضيق طالع بيان ولقى الضيق والخوف بعينها...
مساعد:إيش فيكم؟؟
راشد وبيان ساكتين...
مساعد يبدل نظراته بين راشد وبيان:راشد...بيان....إيش صاير؟؟
راشد رسم إبتسامه مصطنعه على وجهه...
راشد:ولاشي........يالله خلنا نروح المول
مساعد:متأكد؟؟
راشد:ايوه...صح بيان؟؟
بيان:ا..ايوه
حرك مساعد السياره وهو موب مقتنع بكلامهم ومتأكد إن صاير بينهم شي بس ماحب يضغط عليهم...وصلوا المول وهم يتمشوا...
راشد:إيش رايكم نتعشا الحين؟؟
مساعد:عادي
بيان:طيب
راحوا المطعم وجلست بيان جنب مساعد وراشد قبالهم...راشد ومساعد يسولفون وبيان ساكته تفكر بالكلام إلي قاله راشد بالسياره وكيف تقنعه بالحقيقه إلي رافض يصدقها...
مساعد:بيان وينك؟؟
بيان:معاكم
راشد يطالع بيان بنظرات إحتقار...
راشد:معانا ولا مع.......
بيان طالعت راشد بنظرات عصبيه ومساعد إستغرب من نظراتهم لبعض...
مساعد:هيييه إيش هالنظرات هذي شوي وبتذبحون بعض حشى نظرات عدو موب حبيب
تعشوا وجلسوا شوي...
مساعد:نمشي
بيان:لالحظه أنا بروح اجيب لي كافي
مساعد:اوكي بننتظرك هنا
راشد بدون نفس:لاتطولين
راحت بيان عند الكافي وقفت تنتظر عشان تطلب لها وجى وراها ولد...شوي جى طفل صغير يركض عبر من قدام بيان وضربها بالغلط بيان رجعت على وراها كانت بطيح بس مسكها الولد إلي كان وراها...... في اللحظه هذي جى راشد عشان يشوف بيان ولقى الولد ماسكها من يدينها...
بيان بعدت عن الولد...
بيان بابتسامه:سوووري
الولد:إتز اوكي
راشد وقف مكانه متجمد حس الأرض تتحرك تحت رجله أفكار تروح وتجي على باله...يناظر الولد كيف كان ماسك بيان بين يدينه...حس قلبه يختنق يبي يتنفس...عيونه تكذب إلي شافته.
راشد بخاطرها:هذا هو....هذا الولد إلي كلمها اليوم......أكييد هو
راح راشد لبيان تقوده عصبيته وجرحه النازف...وصل راشد لبيان.....بيان جات بتتلكم بس ضاع منها الكلام من شافت العصبيه بعيون راشد...راشد بدون تفكير مسك بيان من يدها وأخذها معاه عشان يطلعون...


بيان تتألم:راشد..راشد..يدي تالمني
راشد:أوه سوري...تألمك
زاد راشد قوته على يد بيان وبيان شوي وتصارخ من ألالم...
بيان:آأأأأه ه ه
وصلوا لعند السياره فتح راشد باب السياره ورمى بيان بكل قوته داخل السياره وسكر الباب...ركب جنبها من الباب الثاني...بيان بكت خوف من عصبية راشد ومن الأالم إلي بيدها....
راشد يصارخ:هذااااااا هوووو...هذا حبيبك إلي كان ماسك بالكافي
بيان:راشد عن من تكلم...إي حبيب؟؟
راشد:لاتغيشميييييييييين نفسك...ليه كذبتي علي كذا؟؟ليه تصنعتي لي حبك؟؟
بيان بصوت منهار:راشد والله العظيم إني ماكذبت عليك..راشد أنا احبك..والله أحبك
راشد يصارخ:كذااااااااااااااااابه
بيان:ـــــــــــــــــــــــــ
راشد رجع راسه على الكرسي وحط يده على جبينه...
راشد:آآآآآآآآه ه ه ياحسافه حبيت وعلقت قلبي بوحده...ماتستحقه
كل كلام الندم والعتب إلي يطلع من لسان راشد كان يعذب بيان ويزيد دموع القهر...
بيان:راشد أنا ماعرف هذا الولد....
راشد رفع راسه:كاااااااااااافي مابي اسمع كذبك أكثر من كذا
بيان:الله يخليك ياراشد إسمعني
راشد:ــــــــــــــــــــــــــ
بيان:الولد إلي كلمته هذا صار له فتره يدق علي والله إني ماأعرفه
راشد يتكلم بسخريه:ماتعرفينه ويقولك حبيبتي........لعبي غيرها
بيان:ــــــــــــــــــــــــــ
راشد:والولد إلي بالكافي اليوم
بيان:هذا بالغلط انا رجعت على وراي ومسكني لأني كنت بطيح
راشد:وهالإبتسامات إلي تبادلتيها معاه
بيان:والله ماكان قصدي
راشد رجع راسه على الكرسي بالم وهمس قال:بيان كافي لاتكذبين....لاتمثلين...عافك القلب مثل ماعفتيه
بيان انصدمت من كلام راشد...
بيان:إيش قصدك؟؟
راشد:إلي بيني وبينك إنتهى......هذا إذا كان له بدايه عندك
بيان رفعت صوتها:لااااااااااااااا...مستحيييييييل
راشد ودمعة ألم وهم وحزن تسري على خده إلي حرقته بلهيبها:مقدر أصدق إني ببعد قلبي عن من حبيته واغليته..عن من تعذبت عذاب الحب عشانه...عن من سهرت عيوني عشانه........كيف قدرتي تلعبين بقلبي وبحبي لك؟؟
بيان وهي تبكي من قلبها:تكفى ياراشد لاتفكر بيوم إني خنتك..لاتشك فيني..لا تخليني...من له أشكي همي من بعدك...من غيرك إذا بكيت يضمني لصدره...
مقدرت تكمل كلامها من البكي...راشد قام بألم قلبه وجلس بالكرسي إلي قدام...راشد كان يسمع انين وبكي بيان إلي زاد ألم وقهر قلبه...يحس بقهر وغضب ماقدر يطفيهم إلا بضربه قويه على الكرسي رجف جسمه من قوتها وهزت قلب بيان من جذوره...الحب إلي إنولد بقلبين من صغرهم بدى ينطفي ويتلاشى...قلبين مقدرت تفرقهم الهموم والأاحزان فرقتهم لحظه ضنها الحبيب إنها خيانه من حبيبته..حب تربع بقلبين كل يوم يزيد..تغير وصار من هالحظه ينقص..بعد ماجمع الحب قلبين على الحزن والعذاب والفرح أعلن فراقهم وتوديعهم لبعض..سنين مرت عاشوها عشاق..كم سنه بتمر يعيشونها بالفراق...
مساعد إلي كان بالمول مع صاحبه قبل مايطلع شافه وجلسوا يسولفون..رجع مساعد السياره...حس الجو نفسه كان بينهم قبل شوي..ماتكلم ركب وحرك السياره وهو ساكت وصل راشد بيتهم دخل وكانت الجالزي ونايف جالسين بالصاله راشد كان منهار وموب قادر يمشي من التعب...


الجازي:راشد.........راشد
راشد من التعب ماسمعها ركب لغرفته على طول ورمى نفسه على الكرسي...ونزلت دموعه..كل دمعه فيها ذكرى لبيان...
راشد:آآآآآآآه ه ه يالدنيا...ليه لعبتي علي لعبتك القاسيه...ليه حرمتيني من اغلى ناسِ...هذي حبي ودتعها وفارقتها من بقى لي غيرها...من منه بتحرميني كمان..يادنيا إرحميني..أبي روحي ليه اخذتيها مني؟؟..الله يعينك ياقلبي ويعني على فراق الحبايب
بيان كانت حالتها اعظم جالسه بزاويه من زوايا غرفتها ودموعها تجري على خدها...
بيان:آآآآه ه ه ياأغلى حبيب...وينك عني...ليه رحت وخليتني...كيف تغمض عيوني وحبيبها مبتعد عنها
ومساعد كان نايم على السرير ويتقلب يمين وشمال يبي ينام بس مافيه نوم.....دق جواله...
مساعد:أوووووووووف وبعدين معاها هذي...والله مليت منها.................آلو
وجد:الســـــــــلام
مساعد:وعليـــــــــكم...........خير
وجد:كيفك عمري؟؟
مساعد:تمااام
وجد:لاتقولي ليه متصله لأنك تعرف الجواب
مساعد:ماراح تقولي من إنتي؟؟
وجد:ـــــــــــــــــــــ
مساعد:أوكي أنا بعرف بروحي
وجد:وحشتني مساعد
مساعد:................وجد انا تعبان وابي انام
وجد:طيب تصبح على خير
مساعد:وإنتي من أهله
هذا ليل العشاق مضى مسهر معاه عيون الحبيبين..كل واحد منطوي مع قلبه ودموع الحسره تجري على خده....
يوم السبت
الساعه 6 الصباح
بيت بوراشد
كانوا أم راشد وبراشد ونياف جالسين يفطرون...
أم راشد:نايف أخوك ماصحى؟؟
نايف:مدري.....على فكره هو رجع البارح وهو تعبان حيل
بوراشد:تعبان............ليه إيش فيه؟؟
نايف:والله مدري..بس شكله كان يكسر الخاطر
أم راشد وهي قايمه:رايحه أشوفه
نايف:وأنا كمان
بوراشد:أنا تأخرت على اشركه...كلميني يام راشد وطمنيني عليه
راحت ام راشد ونايف غرفة راشد...دخلوا ولقوه نايم على الكرسي وشكله تعبان...
ام راشد:راشد يمه.............راشد
راشد يفتح عيونه بشويش...
أم راشد:يمه إيش فيك؟؟
راشد:مافيني شي
نايف:مابتروح الجامعه؟؟
راشد:ل
أم راشد:ليه؟؟!
راشد يرفع صوته:يممه بليزز تعبااااااان تركوني بروحي
نايف:يمه خلاص خلنا ننزل
بيت بوعبدالعزيز
غرفة بيان
ام عبدالعزيز تصحي بيان..
بيان:يمه تعبانه مابي أروح المدرسه
أم عبدالعزيز:طيب يابنتي...تبيني أوديك المستشفى؟؟


بيان:لأ يمه
الساعه8
الجامعه...الكفتيريا
مساعد جالس مع فيصل وكالعاده يتهاوشون...
فيصل:جوابك خطأ
مساعد:أقول قم بس قم إيش عرفك غنت
جـــــــــــــــى عزام...
عزام:صباح الخير
مساعد وفيصل:صباح النور
فيصل:هلا عزوز........أنا استاذن بروح اسال الدكتور عن الحل
مساعد:بتشوف إنك الغلطان..............وينه راشد؟؟
عزام:ماجــــــــــــــى
مساعد:تراه من البارح ماكان على بعضه هو وبيان
عزام:هااااااا.......يمكن تهاوشوا
مساعد:لالا ماأظن......راشد وبيان ماقد تهاوشوا مع بعض
عزام:طيب خلنا نروح له
مساعد:مقدر الحين عندي محاضره
عزام:اجل انا بروح
مساعد:عزوز......كلمني قولي إيش صار
عزام:اوكي باي
ركب عزام سيارته وهو يفكر بكلام مساعد....
عزام بحيره:معقوله تهاوشوا......لالا راشد وبيان متفاهمين ماقد تهاوشوا من قبل
وصل عزام بيت عمه..وهو داخل الجازي كانت طالعه للجامعه...
الجازي:هلا والله عزام
عزام:هلا الجازي صباح الخير
الجازي:صباح النور......جيت بوقتك
عزام:ليه؟؟!
الجازي:راشد.......من البارح رجع وهو تعبان وماله خلق يكلم احد
عزام:طيب وينه؟؟
الجازي:بغرفته
عزام:إنشالله مافيه شي.........أنا بروح أشوفه
الجازي:تفضل
دخل عزام غرفة راشد ولقى الأاغراض مرميه على الأرض.......لقى عزام راشد جالس تحت السرير وحاط راسه على رجله...قرب عزام منهوهو محتار وخايف عليه......
عزام:راشد........راشد إيش فيك؟؟
جلس عزام جنب راشد.....
عزام:راشد تكلـــــــــــــــــــــــم!!!
راشد بصوت متكسر:حياتي إنتهت ياعزام
عزام:ليه؟؟إيش صار؟؟
راشد بكل الضيق إلي بقلبه والهم بصوت يذوب الصخر:بيان خانتني.......ياعزام
عزام إنصدم ماعرف غيش يقول إربط لسانه عن الكلام....معقوله بعد هالعشق ذا كله بيان تخون كيف؟؟!!!
عزام:إيش تقول؟؟..........راشد مستحيييل..........كيف؟؟!!
راشد:عزام الله يخليك لاتخليني أكلم بالموضوع كافيني هم وجرح
عزام:كيف ماتبين اكلم بالموضوع....................................ط يب بس قلي إيش صار بينك وبين بيان الحين؟؟
راشد:قطعت علاقتي معاها


عزام:كيف؟؟........قطعت علاقتـ..........نسيتوا حبكم إلي من صغركم وهو يكبر معاكم...نسيت عشقك حتى لطيفها...وين راح هذا كله ياراشد.....بيان إلي لو كانت جنبك تشتاق لها...بيان إلي حبها لك عذبك وعذبها.....تخونك مستحيييل
راشد رجع راسه على السرير وغطى بدينه وجهه وبكى من كلام عزام...
راشد:عزام كااااااااااااافي..كااااااااااااافي الله يخليك إرحمني
رمى راشد نفسه على صدر عزام إلي ضمه وحاول يهديه....
عزام:آآآآسف ياراشد...لاتلومني صدمتني بكلامك
راشد:أحبهاا....أحبها ياعزام...مالي غنا عنها...بس هي خانتني وخانت قلبي مستحيل اسامحها
عزام:بس ياراشد خلاص إهد...إكيد انت فاهمها غلط...بيان مستحيل تخونك
الساعه12
المدرسه
نايف كان جالس مع ربعه(ماجد وخالد وعبدالرحمن)...
خالد:نيوف صحيح إلي سمعناه
نايف:إيش؟؟
خالد:إنك إنت.......
عبدالرحمن يصارخ على خالد:خاااااااااااااااااااااااااالد وجع......موب وقته
نايف:إيش صاير؟؟خالد تكلم
عبدالرحمن:نايف ماعليك منه
نايف:شنو ماعلي منه؟؟إيش فيكم؟؟
خالد:بصراحه.....سمعنا إنك إنت صاحب الموقع(*********)
ماجد:هاااااااااااااااا
نايف:من قالك؟؟
خالد:فــ...فهد
نايف:لاياالتعبان..أنا أوريك
راح نايف يركض لفهد وماجد يناديه...
ماجد:نااااااايف..نااااااااايف يالمجنون تعال
عبدالرحمن ضرب خالد على كتفه:عجبك
راحوا ورا نايف عشان يهدونه......نايف راح لفهد إلي كان جالس مع ربعه نايف مسك فهد من قميصه وقفه....
فهد:إيش......إيش فيك؟؟
نايف:يالوااااااااااااطي......
فهد:وخر يدك عني
نايف:ليه قلت لخالد عن الموقع؟؟
فهد:أي خالد........موب أنا
نايف رمى فهد على الجدر وظل ماسكه...
نايف:لا تكــــــــــــــــــــــــــــــــــذب
ماجد يمسك نايف:نايف خلاااص وخر عنه
نايف:خلني أعلمه الرجوله الحقيييييييير
فهد:أنا رجل غصباً عنك
ضرب فهد نايف ونايف ضربه وتهاوشوا...ماجد وخالدوعبدالرحمن مسكوا نايف وبعدوه عن فهد....
نايف يصارخ:وخروا عني.......اقولكم وخروا وخرواااااا
عبدالرحمن:خلاص يانايف أمشي عنه
خالد:خلاص ياشباب هدوا وراكم؟؟
فهد يصارخ:يالجبااااااااااااااااااااااااااااااااااااااا اااان
وخر نايف عن خالد وماجد إلي كانوا ماسكينه وجى بيضرب فهد بس مسكه عبدالرحمن ورجعه...
عبدالرحمن يصارخ:ببببببببس إنت وياااااااه خلااااص
طلع نايف مع ربعه وركبوا السياره...
خالد:إيش فيك تحط عقلك وعقل هذا؟؟
ماجد:إذكر الله يانايف
نايف ضاغط على اسنانه:النذل..عصبني
وصل نايف بيتهم ودخل بشويش عشان لاحد يحس فيه لأن حالته حاله وفيه جرح عند جبينه وشكله واضح إنه متهاوش مع أحد...
نايف:أوووووووف أشوه مافيه أحد
وهو راكب بسرعه فجأه وقف رفع راسه بشويش وكان أبوه قدامه..بوراشد إخترع من شكل نايف...
نايف:يبــــــــــــه؟؟
بوراشد:إيش هالحاله إلي انت فيها؟؟
نايف:ها..مافي شي...عادي
بوراشد:عادي؟؟.....كنك جاي من مصرعه موب مدرسه.........بعدين إيش هالجرح إلي فيك؟؟
نايف:طحت..........ايوه طحت
بوراشد:طيب غير ملابسك وقل لأمك تداوي جرحك
نايف:اوكي
راح نايف لغرفته وبوراشد واقف على الدرج....
بوراشد:الله يعيني على طيشك
أم راشد طلعت من المطبخ:يالله يابوراشد الغدااا جاهز
بوراشد:طيب
الجازي خلصت محاضراتها وطلعت لقت عبدالعزيز واقف ينتظرها...الجازي ابتسمت وركبت السياره...
الجازي:إيش هالمفاجأه الحلوه؟؟
عبدالعزيز:خلصت محاضراتي وقلت امر عليك.............إيش رايك ترجعين معي البيت؟؟
الجازي:أممممممممممم أوكي
راحوا عبدالعزيز والجازي بيتهم...دخلوا...
عبدالعزيز ينادي على أمه:يممممممممممه....يممممه
أم عبدالعزيز:هلا والله
الجازي تسلم على أم عبدالعزيز:هلا خالتي شلونك؟؟
ام عبدالعزيز:بخير الحمدلله.......أجل غداك عندنا اليوم
عبدالعزيز:أيوه يمه

الجازي:بيان بالمدرسه ولا جات؟؟
أم عبدالعزيز:لا والله تعبانه وماراحت اليوم
عبدالعزيز:خير إيش فيها؟؟
أم عبدالعزيز:والله مدري تقول تعبانه
راحوا عبدالعزيز والجازي غرفة بيان.....
الجازي بابتسامه:مرحبــــــــــــا ياحلووه
بيان:هلا الجازي
عبدالعزيز:هاي
بيان:هايات
عبدالعزيز:خيرر.. تقول الوالده إنك تعبانه
بيان:ايوه راسي يوجعني شوي
الجازي وعبدالعزيز:سلامات
بيان:الله يسلمكم
الجازي:القلوب على بعضها
بيان:ليه؟؟
الجازي:راشد كمات تعبان وماراح اليوم الجامعه
عبدالعزيز:هههههههههههههههههههههههههه
دخلت الخدامه...
الخدامه:الغدا جاهز
الجازي قامت وهي ماسكه يد بيان...
الجازي:يالله نتغدا
بيان:لا مابي
عبدالعزيز:ليه؟؟
بيان:مالي نفس
الجازي:لا لازم تاكلين عشان لاتتعبين أكثر
بيان:لا بعدين إذا جعت باكل لي شي
عبدالعزيز:براحتك
طلعوا عبدالعزيز والجازي ونزلوا لغرفة الطعام كانت ام عبدالعزيز تحط الصحون على الطاوله...
عبدالعزيز:وينه مساعدوه؟؟
ام عبدالعزيز:الحين يجي
دخل مساعد ورمى كتبه على الأرض وجلس على الكرسي...
مساعد:أووووووووووووووف تعبااان
عبدالعزيز:طيب سلم
مساعد:أوووه وأنا اقول أنوار بيتنا زايده اليوم طلعت القمر عندنا
الجازي:هههههههههه تسلم...كيفك؟؟
مساعد:تماام الحمدلله
ام عبدالعزيز:يالله غسل يدينك وتعال تغدا
مساعد:طيب
غسل مساعد يدينه..وجلسوا على الطاوله يتغدون...
مساعد يبي يعصب عبدالعزيز:اقول الجازي متى بتروحي معلي للــ....؟؟
الجازي:ها.....وين؟؟
مساعد غمز للجازي عشان تفهم...
الجازي:أهاااا...... مدري براحتك
عبدالعزيز:وين تروحون؟؟
مساعد:مالك دخل
عبدالعزيز:والله
مساعد:والله.....أنا وبنت عمي إنت إيش دخلك بينا.......بجد ملقوف
الجازي:هههههههههههههههههههههههههههههههههه
عبدالعزيز:بااااايخ
مساعد:وانت ابيخ حبيبي
بيان جالسه على السرير وتبكي..دق جوالها وكانت المتصله وجدان...
بيان:هلا وجدان
وجدان:هلا....... إيش فيك ليه ماجيتي اليوم؟؟
بيان:وجداااااااان..أنا تعبااااااااااااااااااااانه حيييييييييييل
وجدان مخترعه:ليه حبيبتي إيش فيك؟؟
بيان:راشد راشد ياوجدان
وجدان:راشد إيش فيه؟؟
بيان:تركني....راشد إستغنى عني.......شك فيني
وجدان:إيش تقوليييين؟؟..........كيف؟؟
قالت بيان لوجدان السالفه...
وجدان:خلااص يالغاليه أكيد لأنه معصب وقال لك كذا...أنا متأكده بس يهدا بيفهك ويرجع بكلامه
بيان:مستحييييييييل.....وجدان إنتي ماتعرفينه..
وجدان:بيان راشد مستحيل يستغني عنك.......مستحيل ينسى حبه لك
بيان:حرااااااااام عليك ياراشد ظلمتني والله ظلمتني
وجدان:بيان لاتقولين كذا...أي ولد مكانه ممكن يسوي مثل إلي سواه..وإنتي الله يهداك ليه ماقلتي له عن هذا الولد
بيان:مدري..ماكنت ابي أكبر الموضوع
وجدان:خلااص أهدي
سكتت وجدان شوي وهي تسمع صوت بيان وهي تبكي من قلبها...
بيان:اوكي بدق عليك بعدين
وجدان:اوكي حبيبتي باي
بيان:باي
خلص مساعد الغدا وراح غرفته...كان رايح جاي ويفكر كيف يعرف من هي وجد...
مساعد:أسأل بيان؟؟.......لالا اعرفها بيانوه ماراح تفكني من اسألتها.......مالي غير جوالها
راح مساعد غرفة بيان ومالقاها...
مساعد:وينها؟؟....يمكن تسبح
شاف الجوال على السرير أخذها وقعد يدور رقم وجد..شاف الرقم......
مساعد رافع حاجب ومستغرب:هذا هو.........(بصدمه)الهنــــــــــــــوف؟؟؟........م ن هذي؟؟؟
طلعت بيان من الحمام وشافت مساعد واقف وبيده الجوال...
بيان:شسوي؟؟


مساعد:هلا...لا..كنت ادور مسج....أيوه مسج....................بيان بسألك من هذي الهنوف؟
بيان:تكلم بجد..كيف ماتعرفها؟؟.........الهنوف صاحبتي وقريبتنا......
مساعد:أهاااااااا عرفتها
بيان:ليه تسأل؟؟
مساعد:لالا خلاص..........باي
راح مساعد غرفته وهو يدق عليها....
مساعد:أجل وجد يالهنوف......أنا أوريك
الهنوف:مستحيييل مساعد داق علي ماصدق
مساعد:ليه؟؟
الهنوف:ماقد دقيت علي من قبل
مساعد:وآخر مكالمه إنشالله يا..............الهنووف
الهنوف إنصدمت سكتت موب عارفه إيش تقول...
مساعد:ليه ساكته تكلمي.......ماقلت لك راح أعرفك
الهنوف:مساااعد......أنا
مساعد:إنتي إيش؟؟.......ليه كذبتي وقلتي إسمك وجد ليه ماصارحتيني من البدايه؟؟
الهنوف:مدري.....قلت يمكن قلبك يحن علي شوي إذا كلمتك على إني بنت ثانيه
مساعد:من جدك تكلمين..........بحب بنت من مكالمات
الهنوف:ليه لأ؟؟
مساعد:ماعترف بالحب السخيف إلي يتكون من مكالمات تلفونيه بس
الهنوف:............................وهذا إنت عرفتني بيتغير شي؟؟
مساعد:لأ
الهنوف:ليه؟؟
مساعد:تبين الصراحه يالهنوف
الهنوف:أكييد
مساعد:أنا أحب
الهنوف:ها...تحب؟؟!!!.....من هي؟؟
مساعد:ماله داعي تعرفينها
الهنوف من غير شعور بكت...
مساعد:الهنوف لاتبكين........دموعك ماراح تغير شي
الهنوف:ليه ماقلت لي من البدايه إنك تحب؟؟
مساعد:ومن إنتي عشان اقولك؟؟
الهنوف:بس انا قلت لك غني اعرفك زين
مساعد:حتى ولو......أنا محد يعرف إني احب بقولك إنتي
الهنوف وصوت أنين بكيها...
مساعد:هذا إنتي عرفتي إني احب........يعني مفروض تقطعين إتصالاتك
الهنوف:حراااااااااااااام عليك يامساعد ليه تكلمني كذا؟؟
مساعد:سوووري يالهنوف..موب قصدي......باي
سكر مساعد الخط وتنهد...
مساعد:معقوله الهنوف تحبني....غريبه مالاحظت عليها هذا الشي
الهنوف والدموع بعينها من الصدمه إلي صدمها إياها مساعد....


الهنوف:آآآآآآآه ه ه ياقلبي....حبيت وعشقت واحد مايبيني...قلبه رايح لغيري
الليل الساعه7
بيت بومشعل
أم حمد واشواق وحمد كانوا في بيت بومشعل يتعشون معهم...أشواق في المطبخ كانت تشرب مويه..كانت عاطيه الباب ظهرها...شوي وحست لأحد داخل...أشواق على بالها إنها حلا...
أشواق:حلا تعالي لحظه
قرب منها لين صار وراها بشوي...أشواق كانت ماسكه صبعها فيه جرح..إلتفتت وراها والتقت بعين عزام إلي كان وراها...
أشواق:عزاام؟؟!!
عزام:مرحبـــــــــــا
أشواق:هلا.........ليه ماتكلم قبل ماتدخل
عزام:في بيتنا واستأذن
عزام يطالع الجرح:سلامات..إيش صار؟؟
أشواق:لا بس كنت بفتح الثلاجه وانجرحت
عزام وهو يفتح الثلاجه:بيبي ماتعرفين تفتحين الثلاجه
اشواق تنرفزت من كلام عزام:ومن قال ماعرف..بس أنا فتحتها بسرعه
عزام متكي على باب الثلاجه ويطالع أشواق من فوق لتحت...عصبت اشواق من نظراته...
أشواق:ليه طالعني كذا؟؟
عزام:وكيف تبيني أطالعك؟؟
أشواق:مثل.......... ولا اقولك باي
جات اشواق بتطلع بس عزام جته الجرأه إنه يمسك يدها ويوقفها...أشواق طالعت عزام بنظرات استغراب وجسمها يرجف ثاني مره حبيبها يمسكها المره الأولى بالمول وكانت شوي ويغمى عليها والحين كمان...وجها صار أحمر وقلبها زادت نبضاته...عزام إنشلت حركته موب عارف ليه مسكها؟؟..وكيف جته الجرأه هذي...
عزام:لحظه
أشواق توخر يدها عن عزام:إيش تبي؟؟
عزام:بوسه......قصدي أبي أكلمك.......أكلمك بموضوع
اشواق مستغربه من جرأة عزام الزايده...
أشواق:نتكلم بأيش؟؟
دخلت حلا...عصب عزام لأنها قطعت عليه...وانقذت أشواق إلي كان قلبها بيفضحها من قوة نبضاته..ماكانت قادره توقف أكثر من كذا قدام حبيبها وإلي شاغل فكرها على طول...حلا وقفت مستغربه كيف عزام واقف مع أشواق..
حلا:وينك؟؟.....ساعه تشربين مويه
أشواق:ها...لا...
عزام:أنا دخلت وقعدت اسولف معاها...............عن إذنكم
صعد عزام غرفته وكلم راشد...
راشد:هلا عزام
عزام:هلا.........كيفك؟؟
راشد:لا تسأل
عزام:راشد بتطلع معي؟؟
راشد:لالا
عزام:لا بتطلع
راشد:لا بجد مالي خلق
عزام:بتطلع يعني بتطلع....رشود لازم تغير جو
راشد:.....................أوكي
عزام:قوود بووي...أوكي بمرك الحين باي
راشد:باي
وصل عزام لبيت عمه.....طلع راشد وركب مع عزام...
راشد:مساء الخير
عزام:مساء النور
في الطريق..قطع عزام الصمت...
عزام:رشود إنت لازم تكلم بيان وتفهم منها الموضوع مايصير كذا تظلمها
راشد:أنا ماظلمتها هذي الحقيقه
عزامكإي حقيقه إلي إنت تكلم عنها؟؟
راشد بعصبيه:دامها ماتحبني ليه كذبت علي وقالت تحبني ليه خلتني أعشقها و اتعلق فيها وهي ماتحبني..عزام أنا احبهاا..أحبهاا..استهانت بحبي ورمته ورا ظهرها عافتني...وحبت غيري.....ليه مثلت علي حبها وهي تكرهني..ليه خانتني..ليـــــــــه؟؟!!
عزام يصارخ:راشد وبعدين معاك...كلنا نعرف إن بيان تحبك وتموت فيك مستحيل تخونك إنت فاهمها غلط..غلط
راشد:خدعتكم مثل ماخدعتني
عزام:أنا عارف شعورك ياراشد بس...
قطعه راشد:محد فاااااااااهمني محد فاهم شعوري
عزام وقف السياره عند محل...
عزام:ممكن تهدا
راشد تنهد...
عزام:قم إنزل معي
راشد:لامابي بنتظرك هنا
عزام:براحتك
نزل عزام...راشد كان يحاول يشغل روحه بأي شي يبي ينسى بيان موب قادر كانت فيه بقاله قريبه من الباركنغ..نزل راشد واشترى له علبة تدخين..رجع السياره واخذ زيجاره ودخن...راشد أول مره يدخن عشان كذا قعد يكح بقوووه...
راشد:مشتاااق لك..مشتاااق لك يامن طعنتي القلب بخيانتك له...مشتااق لك ياغلا روحي..ليه كل سنين الحب والغرام إلي عيشتك فيها طلعت كذبه
شوي ورجع عزام لسياره شاف الزيجاره بيد راشد وراشد مرجع راسه على الكرسي ومغمض انصدم عزام...
عزام وهو يطفي الزيجاره:من متى تدخن؟؟
راشد تنهد...
عزام:وليه تدخن اصلاً؟؟
راشد:أبي انساها ياعزام...تعبت من التفكير فيها
عزام:وليه تبي تنساها..موب هذي حبيبتك موب هذي إلي مالكه قلبك من صغرك...إيش فيك ياراشد؟؟.....ليه قلبك صار قاسي كذا


انتهى الباارت


التوقيع
اضغط هنا لتكبير الصورهتحيـــــــــــــــــــــــAnA kazaz ـــــــــــــــــــــــاتي
kazaz غير متواجد حالياً  
قديم 02-02-2011, 12:36 AM   #42
-||[كبار الشخصيات في المنتدى]||-
 
الصورة الرمزية kazaz
 
تاريخ التسجيل: Apr 2010
الدولة: ksa
العمر: 24
المشاركات: 1,126
معدل تقييم المستوى: 6
kazaz is on a distinguished road
افتراضي


الجزء السابــــــــــــــــــــــــــــع عشر
الساعه 9 الصباح
المدرســــــــــــــــــــــه
بيان كانت جالسه مع وجدان وحلا وأشواق...
وجدان:أوووووف الحين علينا ابله فتووش صح؟؟
حلا:أووووووووف الله يعينا على ثقل دمها
أشواق وقفت:انا بروح اشتري قبل لا تجي الفيله ريم وتخلص إلي بالمقصف كله
وجدان:من هي ريم؟؟
أشواق:هذي إلي إذا مشت هزت المدرسه
الكل:ههههههههههههههههههههههههههههههه
حلا:بروح معك
راحوا اشواق وحلا يشترون...وجدان تطالع بيان إلي بعالم ثاني...
وجدان:بيان
بيان:هلا
وجدان:تفكرين براشد؟؟
بيان:ومن غيره شاغل فكري وبالي
وجدان:بيان..راشد اكيد مع الأيام راح يفهمك..راشد يحبك ومستحيل يستغني عنك
باين:هذا هو إستغنى عني..تعبت أقنعه بالحقيقه موب راضي يصدقني..راشد تغير ياوجدان صار يشك فيني
وجدان:لا يابيان هو ماصدقك يمكن لأنه كان معصب ومنصدم بعدين راشد يغار عليك كثير عشان كذا ماصدق
بيان:وجدان أنا ماتحمل اعيش بدونه إبيه يرجع لي قلبي محتاج له
وجدان تمسح على شعر بيان إلي تجمعت دموعها بعينها...
وجدان:بيان إنتي وراشد إنخلقتوا لبعض مشاعر الحب من صغركم وهي تكبر معاكم كل واحد منكم يملك قلب الثاني بحبه..يعني راشد مستحيل يخليك ولا يبعد عنك أكثر
بيان:خلاص ياوجدان راشد مثل ماباعني راح ابيعه
وجدان:إيش صاحيه إنتي
بيان:أنا تعبت..تعبت ياوجدان
وجدان:خلاص إهدي هذاهم حلا وأشواق جوا إمسحي دموعك
حلا:يالله خلنا نروح مانبي نتأخر..مالنا خلق تهزيء
وهم ماشيين للفصل بيان حست بدوخه وألم براسها مقدرت تمشي أطرافها ترجف...طاحت بيان على الأرض مغمى عليها...
وجدان وهي تصحي بيان:بياااااااااااان..بيااااااااااااااااان
حلا:بيااان..بيان ردي علي
وجدان:أشواق روحي نادي المعلمه
أشواق:طيب
تجمعوا البنات على بيان وحاولوا يصحوها...جوا المعلمات ودخلوها لغرفة الصحه إلي بالمدرسه...
صحت بيان وهي تعبانه حيل....
بيان بصوت تعبان ومتقطع:آآآآه ه .....ه ه آآآ ه ه
كلمت المديره بيت بوعبد العزيز...


أم عبدالعزيز:يممممممه بنتي......إيش فيها بيان؟؟
المديره:مافيها إلا الخير إنشالله
ام عبدالعزيز:طيب جايه الحين
مساعد كان نازل وسمع امه وهي تكلم المديره....
مساعد:يمه إيش فيها بيان؟؟
ام عبدالعزيز:تقول المديره اغمي عليها بالمدرسه
مساعد:كيف؟؟!!......دامها تعبان كذا ليه راحت المدرسه
أم عبدالعزيز:والله مدري الصباح ماكانت تعبانه كثير
مساعد:طيب يمه لبسي عباتك خلنا نروح لها
راحوا ام عبدالعزيز ومساعد لمدرسة بيان ركبت بيان السياره وهي متكيه على وجدان مع وحده من المعلمات......راح مساعد دايركت للمستشفى.......
عند الطبيب.....
الطبيب:الظاهر إنها كانت تعبانه وموب ماكله عدل وجلست عند الشمس وتعبت كثير
مساعد:دكتور يعني مافيها شي؟؟
الطبيب:لا الحمدلله شويت إرهاق
مساعد:طيب شكراً دكتور
الطبيب:العفو......سلامتك وماتشوفين شر
بيان:الله يسلمك
الهنوف ماعرفت إيش صار على بيان لأنها كانت جالسه بالفصل مع صاحبتها((هند))....
هند:اووووووف يالهنوف والله زهقتيني من هالسالفه...مساعد مايحبك خلاص إرضي بالواقع
الهنوف:بس لو اعرف من هي إلي يحبها وماخذه عقله....ياحظها...يابختها
هند:لهذي الدرجه حلو
الهنوف:قممممر.....ملااااااااااك....عذاااااااب
هند:أنا عندي لك حل يخليك تنسين طوايف مساعد
الهنوف:ماظن مساعد تربع بقلبي مستحيل انساه
هند:جربي
الهنوف:إيش؟؟
هند طلعت من جيبها ورقه بيضه صغيره وعطتها للهنوف...
هند:هذا هو
الهنوف:إيش هذي؟؟
هند:رقم واحد رماه علي البارح بالسوق
الهنوف:شسوي فيه؟؟
هند:حلفي عليه......يعني شسوي فيه........كلميه
الهنوف:لالا مابيه
هند:ليه؟؟.....هذا الشي الوحيد إلي بنسيك مساعد
الهنوف:ـــــــــــــــــــــــ
هند:ليه خايفه؟؟
الهنوف:لا موب خايفه بس....
هند:خذي الرقم وكلميه الليل وإذا ماعجبك إتركيه
الهنوف:لالا كافي الأولاد إلي كلمتهم من الشات قبل
هند:لا هذا غير.....هذا وسيم وحلوو.......وشكله أخلاق وذوق
الهنوف:....................طيب

دخلت وجدان وهي تبكي وحلا وأشواق يهدون فيها...الهنوف وهند وقفوا مستغربين...
الهنوف:إيش فيك وجدان؟؟
هند:وجدان ليه تبكين؟؟
حلا:بيان أغمي عليها
الهنوف مخترعه:هاااااا....أغمي....متى؟؟
حلا:قبل شوي
هند:ليه؟؟
أشواق:كانت تعبانه
الهنوف قربت من وجدان...
الهنوف:خلاص ياوجدان إنشالله مافيها شي
وجدان بخاطرها:حرااااااااام عليك ياراشد إلي سويته في بيان
في الجامعه راشد وعزام جالسين بالكلاس ينتظرون الدكتور يجي...
عزام:رشووود
راشد:أممممممم
عزام:وين وصلت؟؟
راشد:عزوز تظن بيان تفكر فيني مثل مافكر فيها؟؟
عزام:أكيييييييييييييد
راشد:لا ماظن اكيد شاغل فكرها حبيبها
عزام:إنا لله وإنا إليه راجعون
راشد:عزام إنت ليه موب راضي تصدقني اقولك أنا كلمة الولد سمعته بأذني وهو يقول لها حبيبتي...وكمان كانت مواعدته شفته بعيني وهو ماسكها وهي تضحك معاه....حاولت اكذب عيوني بس ماقدرت
عزام:.......................مدري شقولك ياراشد
راشد:لا تقول إني ظلمتها...هي إلي ظلمتني طول هالسنين وخانتني
دخل الدكتور قبل مايرد عزام على كلام راشد....راشد طول المحاضره وهو مشغول فكره في بيان يمر شريط الذكريات في باله كان يشاركها فرحها وحزنها...بيان كانت جالسه بغرفتها...تدور راشد عشان تشكي له همومها...بس وينه راشد؟؟....راشد إستسلم لشكوكه وكذب حبيبته كذب دموعها كذب قلبها وصدق شكوكه...
بيان:راشد ياقلبي....متى بترحمني وترجع لي..متى بحن قلبك ويصدقني...تكفى إرجع لي محتاااااجه لك...مشتاقه لبسمتك إلي إذا شفتها إنسى همومي ومشاكلي...مشتاقه لعيونك إلي ذابحه قلبي بنظرتها...
الساعه12
بيت بومشعل
هيا جالسه مع ام مشعل وبندر..بالصاله...
بندر:ماما أبي بيبثي
هيا:لالا البيبسي موب زين لك
بندر:أبي بيبثي..مالي شغل
أم مشعل:إيش تبي بالبيبسي ياولدي
دخل مشعل مع عزام بنفس الوقت.....
مشعل وعزام:الســـــــــــــلام عليكم
الكل:وعليـــــــكم الســـــــــــــــــــلام
بندر يركض لبوه...

مشعل:هلا بالغالي
بندر:بابا ابي بيبثي...ماما ماترضى
مشعل:البيبسي مضر بصحتك
مشعل دخل يسلم على أمه وعزام مسك بندر وكلمه بصوت خفيف...
عزام:بندروه...بجيب لك بيبسي بس بشرط
بندر:إيش؟؟!!
عزام:تقول لعمتك حلا تكلم أشواق اليوم عشان تجي البيت
بندر:ليه؟؟!!
عزام:مالك دخل إنت بس قولها وانا بشتري لك البيبسي
بنرد:وإذا ماشتريت لي؟؟
عزام:لالابشتري لك...إيشدعوه بندروه انا عمك ماكذب عليك
مشعل:إيش تقول لولدي بعد؟؟لا تلعب بعقله
عزام:لا بس أسولف معاه
مشعل:ومن متى تسولف معاه...إنت طول الوقت بس تتهاوش معاه
عزام:بندروه لاتقول لحد
بندر:إلا بقول لعمتي حلا
عزام ضربه على كتفه:إنت وين عقلك ليه غبي كذا
بندر:إنت قلت لي أقول لها
عزام:ياربي عطيه شويت عقل.....شاطر بس لاتقول لحد ثاني
قام عزام جى بيركب لغرفته بس مسكه بندر....
بنرد:وين البيبثي؟؟
عزام:بعدين.......أول تقول لحلا بعدين اجيب لك
ركب عزام غرفته وغسل وجهه ونام على السرير...
عزام:اووووف وبعدين لمتى بظلون كذا راشد منهار من جهه وبيان من جهه ثانيه...لازم اشوف حل
أخذ عزام جواله ودق على بيان...
بيان:الو
عزام:هلا بيان......كيفك؟؟
بيان:هلا عزام.........تمام وانت؟؟
عزام:بخير...إيش فيك بيان؟؟
بيان:قصدك إيش مافيني.............شلونه راشد؟؟
عزام:راشد!!!......راشد حالته حاله لاتسألين
بيان:موب هذا إلي يبيه موب هو إلي قال يبي يقطع علاقتنا بعد ليه حالته حاله
عزام:بيان..راشد قال كذا بلحظه عصبيه بعدين إنتي تعرفين إيش كثر يحبك ويغليك
بيان:وأنا أحبه أكثر بس....
عزام:بيان الكلام ماينفع على التلفون....أقدر أشوفك الليل؟؟
بيان:اكيد
عزام:خلاص الليل أطلع معك ونتكلم بالموضوع اوكي
بيان:اوكي باي
عزام:باي..................إنشالله اقدر احل هالمشكله
في بيت بوراشد.....راح نايف لراشد بالمسبح....
نايف:مرحبا رشود
راشد:هلا
نايف:دريت إيش صار على حبيبتك؟؟
راشد:إي حبيبه؟؟
نايف:أي حبيبه؟؟!!.......ليه هم كم وحده؟؟


الساعه2
بيت بومشعل
راح بندر لغرفة حلا...
بندر:مرحبا
حلا:أهليييييين....كيفك ياحلوو؟؟
بندر:أنا تمام.....ثمعي اليوم لازم اشواق تجي بيتنا
حلا مستغربه:ليه؟؟!!
بندر:عشان عمي عزام يجيب لي البيبثي
حلا:وإيش دخل عزام بالسالفه
بندر:مدري...بث لازم تعزمينها اوكي عمتي
حلا بخاطرها:ليه عزام يبي اشواق تجي بيتنا
بندر:حلا
حلا:حلا بعينك...قل عمتي
بندر:إنشالله
حلا:طيب رح الحين وأنا راح أشوفها
بندر:يعني راح اخذ البيبثي
حلا:انا ماعطي بيبسي
بندر:عارف
مد لها لسانه وطلع....
حلا:الله يرجك.........(بخاطرها)بس ليه عزام قال كذا لبندر...أكيد فيه شي.....خلني أشوف اشواق...
أشواق كانت جالسه بالصاله ودق جوالها....
أشواق:أهليين حلا
حلا:هلا والله.......كيفك؟؟
أشواق:تمام
حلا:أبيك تجين بيتنا اليوم
أشواق:وإيش المناسبه؟؟
حلا:أممممممممممم بس زهقانه تعالي وخلنا نروح السوق
أشواق:أفكر
حلا:أووووووف إسإلي أمك وردي علي
أشواق:وليه معصبه؟؟
حلا:سلامتك...بس ماحب إللي يتغلون
أشواق:ههههههههه طيب اسأل الوالده وارد عليك
حلا:اوكي سي يو
أشواق:سي يو
راح بندر لعمه عزام بغرفته...
عزام:إيش تبي؟؟
بندر:قلت لعمتي حلا
عزام:بجد والله.....إيش قالت؟؟
دخلت حلا فجأه...
حلا:قلت له أوكي
عزام:ها..حلا...إنتي كيف تدخلين بدون ماطقين الباب
حلا:لاتغير الموضوع......ليه قايل لبندر كذا
بندر:عشان يجيب لي بيبثي


عزام:اوكي بندر إنت رح وبعدين أجيب لك البيبسي
طلع بندر وحلا قربت من عزام...
عزام:إيش؟؟
حلا:إنت إيش قصتك مع أشواق؟؟
عزام:لا قصه ولا شي
حلا:أجل ليه قايل لبندر يقولي أعزم اشواق اليوم
عزام:من قال....كذاب أنا ماقلت له شي
حلا:أنا سامعتك وإنت تقوله(تقلد صوت عزام)بجد والله....وإيش قالت؟؟
عزام:إيش بتحاسبيني على كلامي يعني
حلا:أبي افهم السالفه
عزام يصارخ:أي سالفه أي خرابيط إنتي إيش فيك اليوم
حلا إخترعت من صراخ عزام...
حلا:طيب طيب خلاص.......ليه تصارخ؟؟
عزام:طلعي بره
حلا وهي طالعه:اوكي لا تعصب
في بيت بوعبدالعزيز...بوعبدالعزيز كان جالس بمكتبه...طقت الباب بيان...
بوعبدالعزيز:تفضلي
بيان:مرحبا يبه
بوعبدالعزيز:هلا يالغاليه
بيان وهي تجلس:خير يبه...ناديتني
بوعبدالعزيز:أيوه....بكلمك بموضوع
بيان:خير يبه
بوعبدالعزيز:بيان إنتي كبرتي ومابقى لك كثير وتخلصين المدرسه تقريباً وصلتي لسن الزواج
بيان مستغربه:زوااااااج!!!
بوعبدالعزيز:أيوه ليه مستغربه كذا؟؟
بيان:لالا عادي.....بس يبه بدري على الزواج
بوعبدالعزيز:عارف بس اليوم كلمني صاحبي وطلب يدك لولده
بيان:من هو؟؟
بوعبدالعزيز:طلال..................
بيان:ــــــــــــــــــــــــــــــ
بوعبدالعزيز:الولد أخلاقه زينه وانا أعرف أبوه......طلال متخرج من جامعه بدبي ويشتغل مع ابوه بشركتهم
بيان:مـــ.....مدري
بوعبدالعزيز:خذي راحتك حببيبتي فكري بالموضوع ولا تستعجلين....هذا زواج موب لعبه
بيان وهي قايمه:طيب يبه عن إذنك
راحت بيان غرفتها وجلست على الكرسي....
بيان:مستحيل أوافق....أنا شريك حياتي وحبيبي هو راشد....قلبي مستحيل يعيش مع غيره....وينك ياراشد وينك عني؟؟
راشد كان جالس بالصاله...دق جواله..شاف رقم المتصل"غــــــلا روحي"راشد إنصدم رجف جسمه موب عارف يرد ولا لأ..يطيع قلبه إلي يقوله بكل لهفه رد..ولا عقله الرافض يرد بين حيرته مع قلبه وعقله..تسكر الخط.....شوي ودق جواله مره ثانيه....هالمره الشوق إلي بقلبه دفعه إنه يرد...


راشد:الو
بيان:ــــــــــــــــــــ
راشد سكت وإكتفى يسمع صوت بكي بيان الهادئ..راشد يبي يروي ظمى قلبه يبي يسمع همس حبيبته مشتاق لصوتها الناعم.....
بيان:را.....راشد
راشد أول إذا سمع بيان تنادي يقول بلهفه:يالبيــــــــه...بس الحين وبعد ماقسى قلبه عليها...قسى كلامه...................هــــــــلا
بيان:كيفك؟؟
راشد:تمام......خير
بيان:لهذي الدرجه ماتبي تسمع صوتي
راشد بخاطره:لوتعرفين إيش قد مشتاق له......إيش قد تعذبت بهاليالي إلي ماسمعته فيهم.............لا عادي.....غريبه ليه داقه علي...متهاوشه مع حبيبك؟؟
بيان:أي حبيب؟راشد إنت بعدك موب مصدقني بعدك مقتنع إني خنتك وكذبت عليك
راشد:بليزز بيان ماله داعي نفتح هالموضوع
بيان:إلا له داعي...إنت لازم تفهم إني أحبك وماقد فكرت إني أخونك ولا اكذب عليك...راشد أنا ماخنتك....ماخنتك
راشد:إلا ماسألتك.....من متى تكلمينه؟؟
بيان:يااااااااااااااااااااااااالله راشد إنت إيش فيك..إيش فيه قلبك قسى علي...راشد إرحمني..إرحمني..الله يخليك
راشد:ليه إنتي رحمتيني عشان أنا أرحمك
بيان بكت من قلبها بكت ياس وحيره وضياع...
بيان بيأس:تكفى ياراشد.......تكفى لا تذلني اكثر من كذا
كلمات بيان هزت قلب راشد تتردد بإذنه مثل الصدى...حس كل عرق بجسمه يرجف....
راشد بخاطره:منهو إلي يترجاني؟؟...حبيبتي بيان...هواي إلي مالي غنى عنه..بيان من متى تقولي تكفى بيان تامرني..................................لاتزي دين ألم قلبي يابيان كافي ألم جرحك.....جرحك مابرا....جرحك ماله دوا بيان
بيان زاد بكيها متحملت تسمع كلام قاسي اكثر من راشد...
بيان:طيب.......مع الســـــــلامه
سكرت بيان الخط ورمت نفسها على السرير وإنهارت دموع....راشد وقف رمى جواله على الارض بقوه وراح لغرفته....مساعد جالس مع عبدالعزيز بغرفته....عبدالعزيز يشتغل على الاب توب...
مساعد:عزووووووووز
عبدالعزيز:أوووووف إيش تبي؟؟
مساعد:زهقاااااان
عبدالعزيز:شسوي لك؟؟
مساعد:اترك الشغل شوي......خلنا نسولف
عبدالعزيز:سوووري....رح سولف مع بيان
مساعد:بيان نايمه
مساعد يعاند عبدالعزيز ويضرب على الاب توب....
عبدالعزيز يصارخ:اووووووووووووووووووووه مساعدووووووووه إطلع بره
مساعد:طيب طيب
طلع مساعد من غرفة عبدالعزيز.....راح غرفة بيان يشوفها نايمه ولا لأ....دخل....
مساعد:بيان

بيان رفعت راسها:هلا مساعد
مساعد:إيش فيك؟؟......ليه عيونك كذا
بيان:مافيني شي
مساعد:كنتي تبكين؟؟
بيان:لأ
مساعد:كيفك الحين؟؟
بيان:أفضل
مساعد حس إن بيان مضايقه وماحب يزعجها....
مساعد:اوكي.......باي
بيان:باي
الساعه4 العصر
بيت بومشعل
أشواق تكلم حلا...
حلا:ها إيش قالت خالتي؟؟
أشواق:وافقت
حلا:أوكي يالله تعالي
أشواق:أوكي بس...
حلا:إيش؟؟
أشواق:لا خلاص..... جايه الحين
حلا:لاتطولين باي
أشواق:باي
سكرت حلا من اشواق ودقت على الجازي.....
الجازي بفرحه:هلاااااااااااا والله حلا
حلا:هااااااااااااااي...كيفك؟؟
الجازي:أسأل عنك وينك إنتي؟؟
حلا:موجوده.....كيفك مع الجامعه؟؟
الجازي:تمام....وإنتي شمسويه بالمدرسه؟؟
حلا:ماشي الحال........الجازي مشغوله اليوم؟؟
الجازي:لأ ليه؟؟
حلا:بروح السوق مع اشواق بنت خالتي وقلت اشوفك إذا بتروحين معنا
الجازي:متى بتروحون؟؟
حلا:بعد شوي
الجازي:خلاص أوكي بروح
حلا:اوكي بعد عشر دقايق حنا عندك
الجازي:اوكي باي
غيرت اشواق ملابسها وراحت بيت خالتها أم مشعل...دخلت وكانت متلثمه وعزام طالع من مجلس الرجال ومانتبهت له شالت الثام......وقف عزام يتأمل بجمالها....
عزام:إحــــــــم..إحــــــــــم
اشواق إلتفتت لعزام...
عزام:مرحبا أشواق
اشواق:هلا والله


عزام:كيفك؟؟
أشواق:تمام....وإنت؟؟
عزام:بخيير.........(بخاطره)أقول لها......لالا بدري......يمكن تنزل حلا ألحين
أشواق:وين وصلت؟؟
عزام:معك.......تبين حلا
اشواق:أيوه..وينها؟؟
نزلت حلا وهي لابسه عباتها.......
حلا:هذاني.............هلا اشواق
أشواق:اهلييين..جهزتي
عزام طلع بدون مايقول شي...
أشواق بخاطرها:إيش فيه؟؟....موب من عادته يطلع بدون مايتكلم....ياربي يمكن تضايق من إسلوبي في الكلام معاه..........ياربي شسويت أنا
حلا:أشواقوه إيش فيك؟؟
أشواق:لا ولا شي
حلا:يالله بتروح معنا بنت عمي الجازي
اشواق:بجد والله
حلا:أمممممممممم
اشواق:طيب يالله
راحوا حلا واشواق بيت عمها بوراشد...كلمت حلا الجازي عشان تطلع...
الجازي:دخلوا حلا لحظه بلبس عباتي
حلا:طيب
نزلوا من السياره....وهم داخلين نايف كان جالس بالحديقه ومانتبهوا له...حلا وهي تمشي شافت على الأرض جربوع....حلا تصارخ وجات بتركض بس وقفت بصدامتها بنايف....إلتقت عينها بعين نايف....
نايف:إيش فيك؟؟ليه تصارخين؟؟
حلا تأشر على الجربوع:إيش جاب ذا المخلوق هنا
نايف وأشواق:ههههههههههههههههههههههههههههههههههههههههههه ههه
حلا:مافي شي يضحك
نايف:ههههههههههههههههههههههههههه هذا لعبه موب حقيقي ههههههههههه
حلا إنحرجت وماعرفت وين تودي وجهه...نايف وأشواق يضحكون....
حلا بخجل:على بالي حقيقي
نايف:ههههههههههههههههه إيش دعوه داخله بر إنتي
حلا إبتسمت ومن داخلها معصبه حيل من نايف....
نايف:هذا شفتيه وأخترعتي لو تاكليه يوقف قلبك
حلا:لا اصلاً ماخترعت
نايف:أمممممم..يمكن هو إلي اخترع وصارخ
أشواق:هههههههههههههههههههههههههه
حلا:بايخ
نايف:ههههههههههههههههههههههه
حلا:ليه تضحك؟؟
نايف:شكلك كان يضحك هههههههههههههههههههههه جباانه
حلا:سخيف بجد
نايف:بعض ماعندكم..............عن إذنكم
وهو طالع......
نايف بسخريه:والله البنات حفله


أشواق:صدق والله شكلك كان يضحك.............إلا بجد من هذا؟؟
حلا:هذا نايف ولد عمي
أشواق:هذا هو نايف؟؟!!!
حلا:هذا هو البايخ
أشواق:لا والله شكله حفله
طلعت الجازي:إيش فيكم واقفين هنا؟؟
حلا:ننتظرك
أشواق:مرحبا الجازي
الجازي:هلا والله اشواق...كيفك؟؟
أشواق:تماام
حلا:يالله نمشي
وهم طالعين لسواق نايف كان يشغل سيارته...
نايف:إنتبهي حلا لاتشوفين نمله ويغمى عليك
أشواق:هههههههههههههههههههههههههههههههههه
حلا:ماراح أرد عليك
نايف:لا تكفين ردي....لا تجرحيني
الجازي تكلم حلا:إيش فيك معاه؟؟
حلا:أخوك هذا بايخ وثقيل دم
الجازي:أقول قصري صوتك لايسمعك ويشرشيحك
أشواق:باي سنه هو؟؟
الجازي:بثالث ثنوي
الليل الساعه 7:30
بيت بوعبدالعزيز
بيان كانت نازله وهي لابسه عباتها...
بيان:يممممه..يمممممممه
أم عبدالعزيز:هلا بنتي..أنا هنا بالصاله
بيان راحت لامها بالصاله وكان معاها عبدالعزيز.....
ام عبدالعزيز:بتروحين ألحين؟؟
بيان:ايوه يمه
عبدالعزيز:وين رايحه؟؟
بيان:طالعه مع عزام
عبدالعزيز:عزام؟؟!!....ليه؟؟
بيان:بس كذا عازمني على العشا
عبدالعزيز:أممممممم طيب
طلعت بيان وركبت السياره مع عزام....
بيان:الســـــــــــلام عليكــــــم
عزام:وعليكــــــــم الســــــلام
عزام:وين نتعشا؟؟
بيان:مدري براحتك
عزام:إيش رايك بـتشليز؟؟
بيان:اوكي


وصلوا المطعم...بيان كانت تبي تشكي لعزام همها وتسمع منه الحل..وعزام كمان كان يبي يسمع كلام بيان إلي بقلبها ويفهم منهال السالفه......جلسوا على الطاوله....
عزام يبتسم بحنيه:ممكن اسمع السالفه؟؟
بيان:ليه راشد ماقالك؟؟
عازم:إلا بس أبي اسمعها منك إنتي
بيان:.............طيب
قالت بيان لعزام السالفه والعبره ذابحتها....
عزام:بيان.... راشد ماسوى كذا إلا لأنه يحبك ويغار عليك...وبصراحه إنتي غلطتي لأنك ماقلتي لراشد عن الولد
بيان:قلت له..قلت له إنه ولد صار له فتره يدق علي ماأعرفه بس ماصدقني
عزام:أكيد ماراح يصدقك..يعني بيسمع ولد داق على حبيبته ويقول لها حبيبتي وبيصدق إنك ماتعرفينه وبعدين إلي زاد وعصبيته لما شافك مع ذاك الولد بالكافي
بيان:هو لو واثق فيني ماكذبني وصدق إني أخونه
عزام:راشد واثق فيك يابيان
بيان:موب صحيح...عزام أنا احبه ومستحيل افكر بيوم أخونه ولا أبدله بثاني..راشد عندي يسوى الدنيا ومافيها محد ممكن إنه يكون مكانه بقلبي
عزام:راشد كمان يحبك...وبعد كل إلي صار بعده بعده وهو صارحني بهذا الشي قالي إنه مازال يحبك ويغليك
بيان:إيش الفايده دامه إستغنى عني
عزام:تقدرين ترجعينه وتقنعينه بالحقيقه
بيان:ماظن
عزام:ليــــــــه؟؟!!
بيان:اليوم ابوي قالي إنه واحد من أصحابه خطبني لولده
عزام:هاا....إيش رايك إنتي؟؟
بيان:يمكن أوافق
عزام إنصدم:إيش.....توافقين....وراشد وين راح؟؟
بيان:راشد باعني.....راشد كرهني وإستغنى عني
عزام:لأ بيان.......راشد يحبك
بيان:تكذب على من عزام
عزام:هذا الصحيح.....إنتي وراشد تحبون بعض مستحيل تقدرون تفرقون قلوبكم اكثر...بتنسي حبك الوحيد...وتروحين لغيره...معقوله يابيان
بيان:راشد قسى عليز...أنا أول ماقالي ابوي عن الموضوع قلت مافيه مجال لتفكير أكيد راح ارفضه وكلمت راشد
عزام:كلمتيه؟؟...إيش قال؟؟
بيان:ياريتني ماكلمته....كلمني بقسى وجفا ماقد كلمني كذا...أول إذا كلمته كلن يرد علي على طول وبفرحه...الحين رد علي بعد مايأست إنه برد...رد علي قالي كلمتين قضى على قلبي بهم
عزام بخاطره:الله يسامحك ياراشد........................وبعدين إيش صار؟؟


بيان:فكرت بالموضوع وقلت إني راح اوافق على إلي متقدم لي.....راشد مامنه أمل يصدقني
عزام:لأ بيان بليز عطيه فرصه خليه...
قطعته بيان:عطيته فرصه بمافيه الكفايه...قلت معصب خليه يهدا وبيعرف الحقيقه...هذاني صبرت ماشوفه صدق....أنا مقدر أل روحي له اكثر من كذا......عزام..راشد مثل ماباعني راح ابيعه
عزام تنهد:بيان معاك حق...بس ماييصير توافقين على واحد بس عشان تنسين حبيبك...ولا تنتقمين منه
بيان:ـــــــــــــــــــــــــــ
عزام:هذا موب حل بيان...إنتي تعرفين زين إنك مستحيل تكملين حياتك مع واحد غير راشد...هذا حبيبك...هذا إلي اختاره قلبك من بين كل البشر وأغلاه...وإنتي قلتي بنفسك إن مستحيل احد يحل مكانه بقلبك حراام تعيشين مع واحد إنتي ماتحبينه وقلبك رايح لغيره...هو إيش ذنبه تتزوجينه عشان تنتقمين من راشد
بيان:انا تعبت مع راشد ياعزام.....راشد ماراح يصدقني
عزام:إلا راح يصدقك.....خليه أنا بكلمه.....وإنسي فكرت إنك توافقين على إلي متقدم لك
بيان تنهدت...عزام حب يغير السالفه....
عزام:مشى الوقت بسرعه ونسينا العشا..........إيش تبي تطلبين؟؟
بيان:لا مابي شي
عزام:إيش ماتبين شي بكيفك هو.......أول مره أعزمك على العشا وماتاكلين شي
بيان:مره ثانيه
عزام:لأ............راح أطلب لك أنا
بيان:اوكي
طول العشا وعزام يسولف مع بيان ويحاول ينسيها شوي همومها.....ركبوا السياره راجعين للبيت....عزام حط أغنية"ماكان الفراق"لعبدالمجيد عبدالله...
عزام يغني مع الأغنيه:والله ماكان الفراق إختياري ولا عمري تمنيت الوصال...........ماكان بعدي عنك بالبال طاري إخترت بعدي عنك منك ورضيته
إنتبه عزام لبيان وحس إن الأاغنيه ذكرتها بهمومها وبراشد...وسكر المسجل....
بيان:ليه سكرته؟؟
عزام:ماتعجبني الاغنيه كثير
وصل عزام بيان بيتهم ورجع للبيت....كلم عزام راشد...
راشد:هلا عزام
عزام:نايم؟؟
راشد:لا.......وين كنت دقيت عليك ولا رديت؟؟
عزام:كنت مع.......(سكت)
راشد:مع من؟؟


عزام:مع بيان
راشد:بياان...ليه؟؟
عزام:كنت عازمها على العشا
راشد بعصبيه شوي:وليه تعزمها على العشا؟؟
عزام:ليه معصب؟؟
راشد:لا موب معصب ولا شي
عزام:كنت طالع معاها عشان اكلمها بالي صار بينكم..........حرااااااام عليك راشد...بيان ماخانتك ولا تفكر بيوم تخونك
راشد:ــــــــــــــــــــــ
عزام:لو سمعتها اليوم كيف تكلم تبكي على حالها......بيان تعبااانه حييل ياراشد
راشد:إيش قالت؟؟
عزام:قالت كثيرر........وقالت كمان إن...
راشد:إن....إيش؟؟
عزام:خطبها واحد
راشد إنصدم:هاااااا..........متى؟؟
عزام:اليوم قال لها عمي.......وقالت إنها يمكن توافق
راشد:توااااااااافق...مستحييل
عزام:وليه مستحيل.....إنت تركتها ونسيت حبك لها.....بعد ليه ماتوافق
راشد:لأ بيان لي أنا........مستحيل تروح لغيري
عزام:للأسف راح تروح
نزلت دموع راشد من غير شعور....
عزام:راشد...وينك راشد؟؟
راشد:أكلمك بكره عزام
عزام:اوكي
سكر راشد الخط...زادت نبضات قلبه وحس برجفه بجسمه غطت نفسه الكآبه والهموم..زاد ظلام الدنيا بعينه...
راشد:آآه ه ياناس لوتدروا إيش صار بحالتي يوم سمعت هذا الخبر في هاتفي..بيان روحي وعيني ومهجتي من يدي بطير وهي في دنيتي..لي قلب قوى على الفراق يومين مابيقوى على الفراق طول العمر..هذي غلا روحي بياخذ قلبها غيري ويلي من شوفتي لذاك اليوم..لاوالله بيان لي وبقلبي محدٍ بياخذها غيري لو ابيع دنيتي ومالي
الساعه1
غرفة الهنوف...
الهنوف كانت جالسه على الكمبيوتر بغرفتها ودق جوالها...
الهنوف:الو
الطرف الثاني(ولد):مرحبا
الهنوف:ياهلا
الولد:هذا جوال تركي؟؟
الهنوف:لأ موب جواله
الولد:متأكده؟؟
الهنوف:نعم..لا امزح معك
الولد:هههههههههههههههههه
الهووف:إيش تبي؟؟
الولد:طيب ليه معصبه؟؟
الهنوف:موب معصبه
الولد:بعدين إنتي ليه صاحيه لهذا الوقت؟؟
الهنوف:ومن إنت عشان تسألني هالسؤال
الولد:واحد يحمد ربه إنه عطاه قمر يخاويه بليلته
الهنوف:ياخي إنت إيش تبي قلنا لك الرقم غلط
الولد:مومشكله خلنا نسولف
الهنوف:سووري
الولد:ليه..... مرتبطه؟؟
الهنوف:لأ بس مالي خلق أسولف
الولد:ليه طيب؟؟
الهنوف:أقول لاطولها.....باي
الولد:ليه مستعجل ياحلوو
الهنوف:ياربي إنت ماتفهم بالعربي
الولد:لا افهم بالفرنسي
الهنوف:والله وتخفف دم بعد
الولد:وراك مضايقه؟؟
الهنوف:لأنك سخيف.......باي
سكرت الهنوف الخط بدون ماتسمع رد منه...
الهنوف:أووووووووف ناس فاضيه

منهو الولد إلي دق على الهنوف؟؟
بتوافق بيان على طلال ولا لأ؟؟
كيف بتكون ردة فعل راشد؟؟


التوقيع
اضغط هنا لتكبير الصورهتحيـــــــــــــــــــــــAnA kazaz ـــــــــــــــــــــــاتي
kazaz غير متواجد حالياً  
قديم 02-02-2011, 01:20 AM   #43
-||[كبار الشخصيات في المنتدى]||-
 
الصورة الرمزية kazaz
 
تاريخ التسجيل: Apr 2010
الدولة: ksa
العمر: 24
المشاركات: 1,126
معدل تقييم المستوى: 6
kazaz is on a distinguished road
افتراضي


الجزء الثامن عشــــــــــــــــر
يوم الخميس
الساعه7 الليل
بيت بوعبدالعزيز
دخل بوعبدالعزيز لبيان بغرفتها...
بيان:هلا يبه
بوعبدالعزيز:هلا بنتي......كيفك؟؟!!
بيان:الحمدلله
بوعبدالعزيز:اليوم بجي طلال يشوفك
بيان:هااااا.....اليوم...ليه؟؟
بوعبدالعزيز:إيش ليه؟؟!!!!!!!...........من حقكم إنكم تشوفون بعض
بيان:إلا بس............متى جاي؟؟
بوعبدالعزيز:بعد صلاة العشا إنشالله
بيان:طيب
بوعبدالعزيز:بيان حبيبتي إنتي موب مجبوره على الزواج جلسى مع طلال اليوم وبعدين قرري
بيان:إنشالله يبه
بوعبدالعزيز:مع السلامه
نزل بوعبدالعزيز الصاله ولقى مساعد وعبدالعزيز جالسين...
بوعبدالعزيز:الســــــــــلام عليكم
عبدالعزيز ومساعد:وعليكم الســــــــــلام
بوعبدالعزيز وهو يجلس:قالت لكم أمكم عن إلي متقدم لبيان؟؟
عبدالعزيز:موب جديده كل يوم يتقدمون لها وترفضهم
بوعبدالعزيز:لاهذا يمكن توافق عليه
مساعد يكلم عبدالعزيز بصوت خفيف:يمكن راشدوه تهور وخطبها
عبدالعزيز:هههه تنكت..............منهو يبه؟؟
بوعبدالعزيز:طلال ولد صاحبي عبدالله
مساعد وعبدالعزيز إنصدموا....
مساعد:هااااا وبتوافق عليه؟؟
بوعبدالعزيز:ايوه ليه لأ.......الولد كامل والكامل الله
عبدالعزيز:كيف؟؟!!........قصدي بيان صغيره على الزواج
بوعبدالعزيز:هي بتملك الحين وبعد ماتخلص المدرسه تتزوج
مساعد وعبدالعزيز:جنت هذي.......وراشد؟؟!!
بوعبدالعزيز:هو اليوم جاي يشوفها وتشوفه
مساعد وعبدالعزيز:هاااااااااااااااا
بوعبدالعزيز:إيش فيكم إنتوا؟؟
مساعد:ولا شي
بوعبدالعزيز:أنا مقدر أجلس معهم عندي شغل مهم.. واحد منكم لازم يكون موجود
مساعد:أنا مقدر
عبدالعزيز:متى جاي؟؟
بوعبدالعزيز:بعد صلاة العشا
عبدالعزيز:خلاص أنا بجلس معاهم
بوعبدالعزيز:طيب أنا رايح الشركه....مع السلامه
مساعد:إيش فيها معقوله توافق عليه؟؟
عبدالعزيز:غريبه......قم نروح لها
راحوا مساعد وعبدالعزيز لغرفة بيان....دخلوا بدون مايطقون الباب....
بيان:بسم الله.....إيش فيكم؟؟
عبدالعزيز:صحيح إنك بتوافقي على طلال؟؟


بيان ارتبكت:هاا...ايوه
مساعد:وراشد؟؟!!
بيان:بسخريه:راشد؟؟!
عبدالعزيز:بيان إيش فيك إنتي وراشد....متهاوشين؟؟
بيان:هلا.......لا...........بس ..........مــ..مدري
مساعد:إيش متدرين....اجل من إلي يدري؟؟
بيان ترفع صوتها:مدري....مدري..لاتكلموني بهذا الموضوع
مساعد وعبدالعزيز طالعوا بعض ورجعوا يطالعون بيان.......قرب مساعد من بيان وجلس جنبها...
مساعد:حبيبتي هذي حياتك وإنتي حره فيها بس حنا كنا خايفين عليك
عبدالعزيز:حنا ماندخل بقراراتك بس إنصدمنا من كلام الوالد
مساعد:بيان موب راشد حبيبك؟؟
بيان:أممممممم
مساعد:وشريك حياتك؟؟
بيان:أمممممم
مساعد:طيب ليه تفكرين بطلال؟؟
بيان:مساعد..عبدالعزيز..إنتوا موب فاهمين شي
عبدالعزيز:فهمينا إنتي
بيان:مقدر...مقدر
عبدالعزيز:اوكي براحتك..............(يبتسم)جهزي حالك مابقى كثير ويوصل طلال
بيان:اوكي
طلعوا مساعد وعبدالعزيز من الغرفه وكل واحد في باله ظنون وأفكار مساعد تذكر لما طلعوا مع بعض كيف كان راشد معصب وبيان مضايقه كان حاس إنه صاير شي بس ماحب يضغط عليهم...
دقت وجدان على بيان....
بيان:هلا وجدان
وجدان:هلا فيك.......كيفك؟؟!!
بيان:تماام وإنتي؟؟
وجدان:بخير................بيان غيش صار على موضوع إلي متقدم لك؟؟
بيان:طلال؟؟
وجدان:هو إسمه طلال؟؟
بيان:ايوه.......اليوم بجي بيتنا
وجدان:وليه؟؟.......قصدي إنتي تفكرين توافقين عليه؟؟
بيان:مدري وجدان والله مدري



وجدان:طبعاً لأ......إنتي مستحيل تنسين رشد
بيان:والله مليت من الكلام بالموضوع
وجدان:بيان لاتهدمين حياتك بيدك.....طلال ماله ذنب توافقين عليه بس عشان تنسين راشد...فكري زين بالموضوع
بيان:أنا اليوم بشوفه وبعدين بقرر
وجدان:أممممممم اوكي باي
بيان:باي
الساعه 8 غير مساعد ملابسه وطلع مع راشد وعزام...بيان كانت بغرفتها وتفكر بالموضوع تفكر بحياتها إيش بصير فيها من بعد راشد...شوي ودق جرس الباب......فتحه عبدالعزيز....
طلال:الســــــــــــلام
عبدالعزيز:وعليكـــــــــــم.......طلال صح؟؟
طلال:ايوه
عبدالعزيز:أنا عبدالعزيز أخو بيان
طلال:ياهلا والله عبدالعزيز
عبدالعزيز:تفضل
دخل عبدالعزيز مع طلال مجلس الرجال وضيفه القهوه وجلس معاه شوي.....
عبدالعزيز:لحظه بنادي بيان
طلال:تفضل
راح عبدالعزيز غرفة بيان ونزل معاها للمجلس...دخل عبدالعزيز وبعده بيان....كانت لابسه عباتها وشيلتها وحاطه كحل خفيف بعينها...شافها طلال ووقف منبهر بجمالها...ملامحها جذابه ورووووعه..........طلال كان لابس ثوب وشماغ مبين وسامته ورزته....
بيان:الســـــــلام
طلال مرتبك من جمالها وصوتها المخملي:و...وعليكم السلام
جلست بيان قدام طلال....
طلال:كيفك بيان؟؟
بيان:تمام الحمدلله......وإنت شخبارك؟؟
طلال:بخير......وكيف المدرسه معك؟؟
بيان:أمممم ماشي الحال
سكتوا شوي..
بيان:إيش كنت تدرس طلال؟؟
ظلوا يسولفون وعبدالعزيز جلس شوي وبعدين طلع عشان ياخذون راحتهم ويتعرفون على بعض...مضى الوقت بسرعه بعدها إستأذن طلال وراح بيتهم وصوت بيان يتردد بأذنه وجمالها غطى عقله موب قادر يفكر بشي غيرها
الساعه 9 الليل
المطعم
مساعد وعزام وراشد جالسين يتعشون بالمطعم....
عزام:مساعد........كيفها بيان؟؟
مساعد:تمام......إيش جاب بيان على بالك الحين؟؟!!
عزام:لا بس سمعت من حلا إنها تعبانه
مساعد بزلة لسان:والله أنا مدري كيف بتوافق على هذا إلي متقدم لها؟؟
عزام ضرب رجله برجل مساعد...مساعد إنتبه لكلامه وإرتبك......راشد يطالعه وهو رافع حاجب ومنصدم.....
راشد:إيش؟؟!!!؟!؟
مساعد بارتباك:لا.......هو.......قصدي
راشد:ليه بتوافق عليه؟؟
مساعد:لا أنا موب متأكد...هي يمكن توافق....بس ماظن توافق
راشد بعصبيه:لا تلعب باعصابي مساعد
عزام يكلم راشد: وليه ماتوافق عليه؟؟
راشد:بيان لي أنا
عزام بنظرات عتب:الوضع تغير ياراشد
مساعد:إيش قصتك إنت وياه...إيش بيان لي والوضع تغير
عزام:لا ولا شي مساعد


مساعد:راشد إيش فيك مع بيان؟؟
راشد:مافي شي.....بس.....
مساعد:تكذب على من راشد.....بيان بتوافق على إلي متقدم لها وتنساك كذا بس أكيد صاير شي بينكم....ولا إن علاقتكم إنقطعت
راشد:لالالالالا موب كذا
دام الصمت بينهم دقايق لين قطعه عزام.....
عزام:خلنا نرجع
مساعد وراشد:اوكي
بعد هذي الليله مروا إسبوعين...بيان ماعطت طلال رد لحد ألحين لأنها إنشغلت بالإختبارات...
الثلاثاء الساعه 10الليل
بيت بوعبدالعزيز
بيان كانت تذاكر بالحديقه.......طلع مساعد....
مساعد:مرحبا
بيان:ياهلا
مساعد:كيف المذاكره؟؟
بيان:أووووووف تعبت
مساعد:يالله آخر ليله تذاكرين
بيان:وأخيراً....مليت من الإختبارات
مساعد:باقي عليك كثير
بيان:لابس أراجع
مساعد:اوكي......تصبحين على خير
بيان:وإنت من اهله
بيت بوراشد
بوراشد كان في الصاله رايح جاي والجازي وراشد جالسين معاه......
بوراشد:يعني وين راح.....الوقت تأخر؟؟
راشد:يبه نايفوه مايرجع إلا بوقت متأخر
الجازي:يبه إنت نام والصباح هاوشه على راحتك
دخل نايف......
نايف:الســـــــــلام
الكل:وعليكم الســـــــــلام
بوراشد:وين كنت؟؟
نايف:مع الربع
بوراشد:أنا سألتك وين كنت...موب مع من؟؟
راشد:ليه راجع متأخر؟؟
نايف:عادي الوقت موب متأخر
بوراشد:إيش إنت بإجازه راجع بذا الوقت....عندك إختبار بكره راجع لي الساعه 10
نايف:وليه معصب...أنا ذاكرت وخلصت
بوراشد:ذاكرت؟؟!!..متى ذاكرت...صحيت الظهر وطلعت على طول وين ذاكرت
نايف:يبه أبي أنام
راشد:ناااااااايف
بوراشد:والله إذا جبت لي علامات نازله مثل وجهك لاتلوم إلا نفسك
راشد مسك نايف من يده بقوه...
راشد:خلاص يبه روح نام ومايصير إلا الخير


راشد سحب نايف بقوه لغرفته...
نايف:آآآآووو
راشد:وجع إنشالله إيش قلت الأدب هذي
نايف:إيش قلت؟؟
راشد:ابوي يكلمك وإنت(يقلد صوت نايف)يبه ابي أنام
نايف:والله مليت من كثر ماتحاسبوني على طلعتي ودخلتي إنت من جهه والوالد من جهه..ياخي أنا حر أرجع 10 ولا 1
راشد:إذا كبرت وصرت قد المسؤوليه موب ألحين
نايف:ممكن أنام الحين
راشد يرمي نايف على السرير:نام عساك ماصحيت
بيت بوحمد
اشواق جالسه بغرفتها على السرير وتذاكر...
اشواق:ياربي موب قادره اذاكر من التفكير فيه...شسويت بقلبي ياعزام شاغل فكري وبالي مافكر بغيرك..آه ياعزام لوتعرف بحبي لك
الأربــــــــعاء
الساعه7 الصباح
المدرسه
وجدان:أخيراً جى هاليوم ملينا من الكتب
بيان:أنا ماقدمت زين بهذي الإختبارات
وجدان:هذي الإختبارات موب مهمه الإختبارات النهائيه اهم
بيان سكتت شوي:اليوم لازم اعطي طلال قراري
وجدان:لاتشغلي بالك ألحين بعد ماتقدمي الإختبار فكري براحتك
بيان:راشد وصله خبر ولا لأ؟؟
وجدان:أكيد عرف
من جهه ثانيه...
الهنوف:أووف ياهند والله زهقني هالولد
هند:وإنتي ليه ماتردين عليه؟؟
الهنوف:مدري مع إنه ذوق وصوته حلو
هند:طيب خلنا اليوم نروح السوق
الهنوف:أكيد أنا زهقت من البيت
بالشركه مكتب عبدالعزيز
مشعل:عزيز
عبدالعزيز:هلا
مشعل:إيش رايك نروح دبي هذا الويك إند؟؟
عبدالعزيز:ليه؟؟
مشعل:بنجاهد.......يعني ليه
عبدالعزيز:هههههههههههه أنا معندي مشكله
مشعل:خلاص أنا بقول للأهل وإنت قول لمساعد وبيان والجازي وراشــ..
قطعه عبدالعزيز:اوكي..اوكي
دخل بومشعل..
بومشعل:الســـــــــــلام عليكم
عبدالعزيز ومشعل:وعليكم الســـــــــــلام
بومشعل:وإنتوا ماقد دخلت عليكم إلا وجالسين مع بعض وسوالف متى تشتغلون؟؟
مشعل:نريح من الشغل؟؟


بومشعل:لسى بداية الدوام وتعبت....طيب عبدالعزيز خلصت الملف؟؟
عبدالعزيز:لاعمي باقي
بومشعل:طيب ياولدي حاول تخلصه اليوم
عبدالعزيز:إنشالله عمي
بومشعل:عن إذنكم
مشعل:أنا رايح المكتب....باي
عبدالعزيز:مشالله عليك تسمع الكلام
رمى مشعل على عبدالعزيز علبة الكلينيكس وطلع...دق جوال عبدالعزيز وكانت المتصله الجازي...
عبدالعزيز:هلا قلبي
الجازي:هلا حبيبي صباح الخير
عبدالعزيز:صباح النور
الجازي:إنت بالجامعه ولا بالشركه؟؟
عبدالعزيز:لا بالشركه
الجازي:اوكي وإنت طالع مر علي بالجامعه طيب؟؟
عبدالعزيز:من عيوني
الجازي:تسلم حبيبي....قودتايم
عبدالعزيز:قودتايم
بيت بوعبدالعزيز_غرفة مساعد
مساعد كان نايم..ودق جواله...
مساعد بصوت نايم:هلا
فيصل:هلا بعدك نايم؟؟
مساعد:الساعه كم؟؟
فيصل:9 الليل
مساعد مخترع:قل والله
فيصل:إيش أمزح معك
مساعد:والإختباار
فيصل:راح عليك تعبت وأنا أصحيك مارضيت تصحى
مساعد:ياربي
فيصل:ههههههههههههههههههههههههههههههههههههههههههههه هههههههه
مساعد:ليه تضحك؟؟
فيصل:آي ام كيدينغ
مساعد:سخيف
فيصل:هههههههههههههههههههه يالله إصحى تأخرنا
مساعد:أنا أوريك إذا شفتك
فيصل:هههههههههههههههههه باي
مساعد:باي
أخذ مساعد شاور وغير ملابسه..نزل يفطر......
مساعد:صباح الخير يمه
أم عبدالعزيز:صباح النور...رايح الجامعه؟؟
مساعد:ايوه
ام عبدالعزيز:بس إنت يوم الاربعاء معندك محاضرات
مساعد:إلا بس عندي إختبار اليوم
ام عبدالعزيز:الله يوفقك
مساعد:يالله يمه أنا رايح
ام عبدالعزيز:وين مافطرت؟؟
مساعد:بفطر بالجامعه........مع السلامه
ام عبدالعزيز:بحفظ الله
طلع مساعد وركب السياره مع فيصل....ضرب مساعد فيصل بقوه...
فيصل:ههههههههههههههههههههه آو آو
مساعد:خرعتني


فيصل:إيشدعوه ولا اول مره يروح عليك الإختبار
مساعد:عارف بس مالي خلق تهزيء الوالد وعبدالعزيز
الساعه10
المدرسه
طلع نايف من فصله وراح يركض لربعه..
نايف يصارخ:ونااااااااااسه خلصنا الإختبارات
خالد:مبروك
نايف:الله يبارك فيك
ماجد:شسويت؟؟
نايف:الحمدلله زفت..ألفت كتاب جديد
ماجد:ليه سهل الإختبار؟؟
نايف:لا والله صعب
عبدالرحمن:اوووف الله يعينا بالإختبارات النهائيه
الكل:اوووووووووووووووووووف
الساعه12 الظهر
طلعت الجازي من الجامعه وركبت السياره مع عبدالعزيز.....
الجازي:مرحبا
عبدالعزيز:هلا حبيبتي
حرك عبدالعزيز السياره والجازي طول الوقت ساكته...
عبدالعزيز:الجازي إيش فيك؟؟
الجازي:ولاشي
عبدالعزيز:شكلك تعبانه
الجازي:لابس راسي يوجعني شوي
عبدالعزيز:سلامتك
الجازي:الله يسلمك
عبدالعزيز:على فكره..هذا اويك إند إنشالله بنروح دبي
الجازي:بجد والله
عبدالعزيز:ايوه
الجازي:فرصه أخذ تجهيزات الزواج من هناك
عبدالعزيز:رحت فيها
الجازي:حرام عليك
عبدالعزيز:ههههههههههههههههههههه
وصل الجازي بيتهم...
عبدالعزيز:لاتنسين تقولين لراشد ونايف
الجازي:اوكي باي قلبي
عبدالعزيز:باي
رجع بيتهم وكان مساعد نازل من سيارة فيصل..فيصل شاف عبدالعزيز ونزل يسلم عليه...
فيصل:هلا بومتعب
عبدالعزيز:هلا والله فيصل......كيفك؟؟
فيصل:تمام
عبدالعزيز:قدمتوا زين بالإختبار؟؟
مساعد وفيصل:يعني
فيصل:يالله عن إذنكم
عبدالعزيز:وين تغدا معنا؟؟
مساعد:لا بروح أنام باي
مساعد:اشوفك العصر
فيصل:اوكي


دخلوا البيت...
مساعد:ليه البيت هدوء كذا؟؟
عبدالعزيز:مدري.....يممممممممممه
ام عبدالعزيز:أنا هنا بالمطبخ
راحوا مساعد وعبدالعزيز للمطبخ....
عبدالعزيز ومساعد:مرحبا يالغاليه
ام عبدالعزيز:ياهلا
عبدالعزيز:يمه وين أبوي؟؟
ام عبدالعزيز:فوق مع بيان
في غرفة بيان...
بيان بتردد:أنا.........موافقه.......يبه
بوعبدالعزيز:متأكده يابيان فكرتي زين؟؟
بيان:أيــ...ايوه
بوعبدالعزيز:طيب يابنتي ألف مبروك
بيان:الله يبارك فيك يبه
بوعبدالعزيز:أنا نازل تبين شي
بيان:سلامتك يبه
طلع بوعبدالعزيز وبيان رمت نفسها على السرير وبكت.....
بيان:ياربي أنا شسويت ليه هدمت حياتي..آآه ياراشد شسويت فيني ليه عذبتني كذا وينه قلبك؟؟معقوله قدر على فراقي...ياقاسي إرحم قلبٍ مات بفراقك..موتي دنى مني من نطقت لي بكلمة الفراق..لحظه فراقنا إبتسمت أخفي دمعتي أخفي نار قلبي ولوعتي..أخفي مصيبتي وحزني
راشد كان راجع بيتهم مع عزام...
راشد بصوت متعذب:مشتاق لها..مشتاق لعيونها لضحكتها لكلامها..الشوق ذابحني ياعزام
عزام:موب هذا إلي تبيه...راشد إنت للحين موب مصدق إن بيان ماخانتك؟؟
راشد:مدري....أحياناً أحس إني ظالمها وأحياناً لأ
عزام:بان بضيع من يدك والسبب شكوكك إلي مالها داعي
راشد تنهد:إلا ماقلت لي......إيش صار مع بنت خالتك؟؟
عزام إبتسم:ولاشي
راشد:يعني ماقلت لها
عزام:لأ
راشد:ليه؟!!
عزام:مدري مع إني كل مره اشوفها أحس قلبي يفضحني بس موب قادر اقول لها
راشد:عزوز لازم تقول لها
عزام:عارف بس موب لاقي الفرصه المناسبه
وصل راشد بيتهم دخل وكانت الجازي نازله على الدرج وقفت لما شافته داخل...
الجازي:هلا والله
راشد:هلا الجازي
الجازي:وأخيراً شفتك؟؟
راشد:خير
الجازي:أبي اكلمك بموضوع
جلس راشد مع الجازي على الدرج...
راشد:إيش؟؟
الجازي:راشد إنت تحب بيان؟؟
راشد:إيش هالسؤال؟؟
الجازي:طيب جاوب
راشد:موب بس أحبها إلا اعشقها
الجازي:متهاوش معاها؟؟
راشد:ليه؟؟


الجازي:علاقتك معاها موب مثل قبل
راشد:إنشغلت شوي هذي الفتره
الجازي:إيش شعورك لو أقولك إن بيان بتروح لغيرك؟؟
راشد رفع صوته:إإإإإيش...لااااااا مستحيييييييل
الجازي:قصر صوتك إيش فيك؟؟........بيان متقدم لها واحد وإحتمال كبير توافق عليه
راشد وقف:تقدم لها واحد ولا عشره مايهموني بيان لي وماراح ياخذها غيري
راح راشد غرفته والجازي مستغربه ومتحيره...دخل نايف وهو يصارخ ويضحك...
نايف:يااااااااااااهووووووووووو
الجازي:هيييه إيش فيك تصارخ؟؟
نايف:خلصنا إختبارات
الجازي:إلي يسمعك يقول النهائيه
نايف:يالله وإنتوا لازم تحبطوني....خلني أكمل فرحتي
الجازي:شسويت بالإختبار؟؟
نايف:أكذب عليك إذا قلت لك عدل
الجازي:يعني زفت؟؟
نايف:عندك شك
طلع بوراشد من مكتبه....
بوراشد:إيش فيه المجنون يصارخ؟؟
نايف:كيفك يبه؟؟
بوراشد:الحمدلله..شسويت بالإختبار؟؟
نايف:كله عدل
الجازي:هااااااااااااااااااااااااااا
نايف ضرب الجازي عشان تسكت...
بوراشد:طيب...الجازي وين امك؟؟
الجازي:بالمطبخ يبه
بوراشد:قولي لها تحط الغدا
الجازي:طيب
نرجع لبيت بوعبدالعزيز
بيان جالسه مع مساعد وعبدالعزيز بغرفته...
مساعد وعبدالعزيز:هاا..وافقتي؟؟؟؟؟!!!!!
بيان:ايوه
مساعد:يعني نسيتي راشد؟؟!!
بيان:لأ
عبدالعزيز:بيان متأكده من قرارك؟؟
بيان:أيـــ......................ايوه
عبدالعزيز:معقوله بتنسين راشد وحبك له؟؟؟؟؟!!!!!!!!
بيان:ـــــــــــــــــــــ
عبدالعزيز ومساعد حسوا عن بيان مضايقه كثير...
عبدالعزيز بابتسامه:بيان بنروح دبي
بيان:متى؟؟
عبدالعزيز:بعد يومين
بيان:بجد والله
عبدالعزيز:أمممممممممم


بيان:ونااااااااااسه
على الغدا عبدالعزيز قال لبوه ووافق وكمان الجازي ومشعل.....
الساعه3
غرفة الهنوف
الهنوف كانت نايمه وصحاها رنين جوالها...
الهنوف:آلو
الولد:مرحبا
الهنوف:هلا........من معي؟؟
الولد:معقوله ماعرفتيني؟؟
الهنوف:هذا إنت
الولد:ايوه هذا أنا
الهنوف:إيش تبي؟؟
الولد:اتعرف
الهنوف:مابي
الولد:طيب ليه؟؟
الهنوف:كذا بس
الولد:طيب جربي إذا ماعجبتك إنسيني
الهنوف:والله.........(سكتت شوي)......طيب
الولد:كذا تعجبيني........أنا تركي
الهنوف:هلا تركي......أنا مشاعل
تركي:عاشت الاسامي
الهنوف:تسلم
تموا يسولفون ويتعرفون على بعض لمدة نص ساعه...سكرت الهنوف من عند تركي وهي فرحانه حيل..دقت عليها هند...
الهنوف:هلا هنوده
هند:هلا........متى بنروح السوق؟؟
الهنوف:عادي أي وقت
هند:الساعه4 أوكي؟؟
الهنوف:اوكي
بيت بومشعل
غرفة حلا
حلا كانت تكلم اشواق على التلفون....
حلا:سألي خالتي وردي علي
اشواق:طيب ليه دبي بالذات؟؟
حلا:مدري والله
دخل عزام...
عزام:حلاوه من تكلمين؟؟
حلا:ليه تسأل يالملقوف؟؟
عزام:كذا بس
حلا:اشواق
عزام:أهااااااااا وقلتي لها عشان دبي
حلا:ايوه
عزام:وافقت؟؟
حلا:بتسأل خالتي بترد علي
عزام:أهاااااااا أوكي


عزام وهو طالع:سلمي لي عليها
حلا:ايوه اشواق
اشواق:لا كان سكرتيه
حلا:والله من عزاموه.......يسلم عليك
اشواق:الله يسلمك........اوكي بكلمك بعدين باي
حلا:باي
عزام جلس بالصاله..........ودق على بيان.....
بيان:هلا عزام
عزام:هلا والله كيفك؟؟
بيان:زفت.....حالتي حاله ياعزام
عزام:ليه؟؟..إيش صاير؟؟
بيان:وافقت على طلال
عزام منصدم:هااااا......ليه صاحيه؟؟
بيان:عزام....راشد مستحيل يرجع لي لمتى بظل أنتطره يحن علي ويصدقني ويوثق فيني صبري ملني ياعزام
عزام:بس راشد....راشد يحبك إلا يموت فيك يايبان
بيان:إيش فايدة حبه لي وهو ماعنده ثقه فيني
عزام:بيان إنتي هدمتي حياتك.....لأنك مستحيل تتأقلمي مع طلال وقلبك مع راشد
بيان:الوضع بيتغير مع الوقت
الساعه4العصر
الموول
الهنوف وهند كانوا يتمشون بالموول.....
هند:إيش قالك إسمه؟؟
الهنوف:تركي...بس حلو كثير وكلامه ذوق وروعه
هند:وبتكلمينه؟؟
الهنوف:أكييد
وقفت الهنوف فجأه وهي منصدمه...
هند:ليه وقفتي؟؟
الهنوف:طالعي هناك
هند:وين؟؟
الهنوف:بالكافي.....هذاك إلي جالس
هند:كثير جالسيين
الهنوف:إلي لابس ثوب....هذاك الاسمراني
هند:واااااااااااااااااااو قممممممممر من هذا؟؟
الهنوف:آآآه ه ه...هذا قلبي وروحي.....هذا عذابي مســــــــــــــاعد
هند:بجد والله..هذا هو مساعد؟؟
الهنوف:أمممممممممممممممم
هند:الهنوفوه قمر ماظنيته ملاك كذا
الهنوف:لاتطالعينه كثير لاينتبه
هند:ليه ماراح تكلمينه؟؟
الهنوف:لأطبعاً
هند:لييه؟؟
الهنوف:معاه صاحبه وبعدين هو....
هند:تعالي عادي
سحبت هند الهنوف لعند الكافي ودخلوا.....
هند:يالله
الهنوف:إيش أقول؟؟
هند:سلمي عليه
مساعد إلتفت يطالع وإلتقت عينه بعين الهنوف....
مساعد:الهنوف
فيصل:إيش؟؟
قربت الهنوف منهم...
الهنوف:مرحبا مساعد
مساعد:هلا..هلا والله الهنوف

الهنوف:كيفك حبيبـ...
قطعها مساعد:تماام...وإنتي؟؟
الهنوف:تماام
فيصل يطالع مساعد والهنوف وهو مستغرب...
الهنوف:إيش هالصدفه الحلوه؟؟
مساعد بخاطره:أكره صدفه بحياتي...............أيوه
الهنوف:اوكي مابي ازعجك...........زباي
مساعد:باي
راحت الهنوف مع هند وهي طايره من الفرحه لأنها شافت حبيبها بعد هالغيبه وكلمته...
فيصل:من هذي؟؟
مساعد:هذي البنت إلي كانت تدق علي
فيصل:هذي هي................................................ وين الأحلى هي ولا وجدان؟؟
مساعد:طبعاً وجدان
فيصل:هذي كمان حلوه
مساعد:بس ماتوصل لجمال وجدان
فيصل:أهاااااااااا
بعد يومين...
السبت الساعه9 الصباح
مطار الملك خالد بالرياض
قبل الرحله راشد طول الوقت يحاول مايكون مع بيان بنفس المكان ولا يلتقي بها..ركبوا الطياره وجلسوا راشد تأخر شوي ولما ركب راح لكرسيه...وقف منصدم جسمه كله يرجف وقف يطالعها ويروي ظمى شوقه..بيان جالسه بالكرسي إلى جنب كرسي راشد مرجعه راسها على ورا ومغمضه عينها...بيان زادت نبضات قلبها حست إن راشد قريب منها كثير فتحت عينها بسرعه وغلتقت بعينه...تبادلوا نظرات الحب والشوق..راشد كانت علامات التعب واضحه على وجهه...الضيق والهم رجع له..بيان كانت تبي ترتم بصدره الدافي وتبكي...راشد مقدر يوقف أكثر راح لمساعد إلي كان جالس مع عزام وقاله يبدله بالكرسي...
عزام:إيش فيك رشود؟؟
راشد:ولاشي
بالشركه..
طلال كان جالس مع بوعبدالعزيز بالمكتب...
بوعبدالعزيز:ماصار عندها وقت كافي تفكر بالموضوع زين تعرف الإختبارات إنشغلت بها ألحين هي رايحه دبي كم يوم إنشالله تفكير بالموضوع ولما ترجع نعطيك القرار
طلال:مطوله هي؟؟
بوعبدالعزيز:لالا ماظن
طلال:إنشالله


التوقيع
اضغط هنا لتكبير الصورهتحيـــــــــــــــــــــــAnA kazaz ـــــــــــــــــــــــاتي
kazaz غير متواجد حالياً  
قديم 02-02-2011, 01:26 AM   #44
-||[كبار الشخصيات في المنتدى]||-
 
الصورة الرمزية kazaz
 
تاريخ التسجيل: Apr 2010
الدولة: ksa
العمر: 24
المشاركات: 1,126
معدل تقييم المستوى: 6
kazaz is on a distinguished road
افتراضي


الجزء التاسع عشــــــــــــــــــــــر
الساعه 8الليل
دبـــــــــــي
عبدالعزيز يصحي مساعد ونايف...
عبدالعزيز يصارخ:يالله إصحى إنت وياااااااااه
نايف:أووووف إيش تبي ياخي؟؟
عبدالعزيز:إصحى بنروح نتعشا
نايف:طيب بعد ربع ساعه
عبدالعزيز:ياللـــــــــــــــــه
عزام طلع من الحمام بعد ماخذ له شاور...
عزام:إيش فيك عزيز تصارخ؟؟
عبدالعزيز:أبي هذولي يصحون
عزام:وليه تصارخ؟...كت عليهم مويه ويصحون
مساعد ونايف قاموا على طول......
مساعد ونايف:خلاص...خلاص صحينا
عبدالعزيز وعزام:ههههههههههههههههههههههه
في غرفة البنات...
حلا:وين بنتعشا؟؟
بيان:مدري
أشواق:نبي بيتزا هات
حلا:لا ملينا منه
بيان:لا صحيح أنا كمان أبي بيتزا
حلا:أنا أبي أكل صيني
بيان:إيش هالمزاج عليك
أشواق:صيني مره وحده
حلا:ليه حلو الأكل الصيني
الجازي:نايف كمان يحبه
حلا:أووووووف غيرت رايي
الكل:ههههههههههههههههههههههههههههههه
طق الباب عزام....
الجازي تلبس شيلتها:مــــــــن؟؟
عزام:أنا عزام
الجازي فتحت الباب:هلا عزام
عزام:هلا......ماخلصتوا؟؟
الجازي:إلا بنلبس عبينا وننزل
عزام:اوكي


لبسوا البنات عبيهم ونزلوا...بيان تأخرت شوي وهي طالعه من الغرفه هيا كانت طالعه كمان من غرفتهم...
هيا وبيان بنفس الوقت:مانزلتي؟؟؟
بيان وهيا:هههههههههههههههههههههه
هيا:يالله لانتأخر
بيان:يالله
نزلوا لهم بالابي....
نايف:ليه نازلين بدري؟؟
بيان:سوووووري
بندر:أنا ابي بيتزا
عزام:أوووووووف لاحبيبي رح مع اهلك
بنرد:مااااابي
مشعل:بندر مايحب الأكل الصيني......إخذوه معاكم
عزام:سوووووري مابي بزارين
أشواق:لا عادي
بيان:بناخذه معانا
طلعوا عزام وأشواق وبيان وبندر وراحوا المطعم....قبل لايطلعون من الهوتيل....
مشعل:إنتبهوا لبندر لايذبحه عزاموه
اشواق وبيان:ههههههههههه أوكي
ركبوا التاكسي وراحوا المطعم...والباقي كمان راحوا المطعم الصيني.....
عزام:بندروه إيش تبي؟؟
بندر:بيتزا
عزام:والله على بالي تبي مفطح.......قصدي بيتزا جبن ولا خضار؟؟
بندر:لا جبن وأبي بيبثي
طلب عزام الأكل وتعشوا.....
بيان:أنا بروح أغسل
بندر:وأنا كمان
راحوا بيان وبندر يغسلون............عزام يطالع اشواق...
اشواق:إيش فيك؟؟
عزام:ولاشي.........شسويتي بالإختبارات؟؟
اشواق:أممممممممممممممممم يعني
سكتوا شوي....
عزام:أشواق
أشواق:هلا
عزام:أشواق أنا........
في المطعم الصيني....نايف وحلا كانوا يتهاوشون...
نايف:إيش عرفك بالإتكيت إنتي؟؟
حلا:إذا عرفته إنت تعال تكلم
الجازي:بس إنت وياه وبعدين معاكم
مساعد:رشود إيش فيك شوي وبتنام على الأكل
راشد:نعساااااان
مساعد:وليه مانمت؟؟
راشد:ماكان فيني نوم......قم نرجع الهوتيل
مساعد:أوكي
عبدالعزيز:ليه بترجعون بدري؟؟
راشد:تعبان ابي أنام
نايف:أنا كمان ابي ارجع
راشد:يالله
رجعوا الهوتيل راشد غير ملابسه ونام مساعد ونايف جلسوا على التلفزيون.....نرجع لعزام وأشواق....
أشواق:إنت إيش؟؟
عزام:.......................لا ولاشي
أشواق:عزام إيش فيك صاير شي؟؟
عزام:لالا خلاص
رجعوا بيان وبندر...
بندر:يالله نرجع
عزام:اوكي
الساعه10
الكل كان بالهوتيل نايمين ماعدا مساعد إلي كان واقف عند الشباك ويكلم بالجوال....
وجدان:مشتاقه لك
مساعد:وأنا كمان ياقلبي
وجدان:مطول؟؟
مساعد:والله مدري
وجدان:اوكي حبيبي مابي أزعجك
مساعد:لا لحظه ليه بتروحين؟؟
وجدان:روح نام اكيد تعبان
مساعد:أنا اسمع صوتك ويروح تعبي كله
وجدان:تسلم
مساعد:الله يسلمك
وجدان:بكلمك مره ثانيه
مساعد:اوكي
وجدان:قود نايت قلبي
مساعد:قوج نايت حبيبي
الصباح الساعه10
غرفة البنات
البنات كانوا يلبسون عبيهم عشان بروحون السوق.....
الجازي:بيان كلمتي هيا؟؟
بيان:محد يرد يمكن بعدهم نايمين
حلا:طيب قومي روحي معنا
بيان:خلها العصر أنا تعبانه ألحين
حلا:براحتك..........باي
بيان:باي
طلعوا حلا وأشواق والجازي...بيان جلست بالغرفه تشاهد التلفزيون....وطق الباب....
بيان:يمكن وحده منهم نست شي
راحت بيان تفتح الباب ومالبست شيلتها على بالها وحده من البنات....فتحت الباب...وقفت مقدرت تتحرك...من الصدمه ماعرفت شتسوي...تسكر الباب ولا ترجع تلبس شيلتها...
راشدبرتباك واضح:أ.....و.......وينها الجازي؟؟
بيان:راحت السوق مع حلا وأشواق


راشد:وليه مارحتي معاهم؟؟
بيان:مالي خلق
راشد:اوكي باي
بيان:راشــــــــــــــــــــــد
راشد من غير شعور:يالبيــــــــه
بيان رجف قلبها من كلمة راشد....
بيان:إيش فيك شكلك تعبان حيل؟؟
راشد تنهد:...................الشوق ذابحني............عن إذنك
سكرت بيان الباب وتسندت عليه وغمضت عينها.....
بيان:آآه يالغالي..آآه يادوى الروح..أحبك..أعشق طيوفك.....إرجع لقلبي تراه مشتاق لك..تراه محتااااج لك
راشد دخل غرفتهم رمى نفسه على السرير...حس بغصه ذابحته..
راشد:بيان..أحبك..أحبك..ياقلبي موب قادر على فرقاك...تعالي لي أبحكي لك عن هم وضيق قلبي...قلبي رفض يشكي همه لغيرك
بالموول...
حلا:لا هذي الجزمه أحلى
الجازي:حلوه بس ماتناسب الفستان
اشواق:أوووووف صارلكم ساعه على جزمه
الجازي:أشواق وين احلى هذي ولا هذي؟؟
أشواق:أمممممممممم هذي مناسبه اكثر للفستان وحلوه
الجازي:أوكي يالله
وهم يحاسبون دق جوال الجازي...
الجازي:هلا حبيبي
عبدالعزيز:هلا قلبي...مامليتي من السوق؟؟
الجازي:شسوي موب لاقيه شي حلو
عبدالعزيز:اوكي لاطولين
الجازي:إنشالله
عبدالعزيز:باي حياتي
الجازي:باي قلبي
أشواق:أنا تعبت خلنا نجلس شوي
حلا:أيوه وأنا كمان
الجازي:خلنا نروح ستارباكس
عزام جالس مع راشد بالكافي إلي بالهوتيل...
راشد:هاا.....ليه؟؟!!
عزام:مدري......مقدرت أقولها
راشد:عزوز لا تحط إحتمالات كثير بصراحه أنا حسيت من كلا مها معاك ونظراتها لك إنها تحبك


عزام:والله مدري
راشد:إيش متدري؟....عزام صارحها بحبك لها صدقني ماراح تندم
عزام:صعبه ياراشد والله صعبه
راشد:وإنت جرأتك بس في المغازل.....إيش الصعب فيها بالعكس عادي جداً إيزي
عزام:أوكي بحاول أقول لها اليوم
راشد:طيب خلنا نطلع الغرفه
عزام:إطلع إنت أنا بجلس شوي
راشد:براحتك
جى راشد بيصعد وتدخل الجازي وحلا وأشواق...
راشد:هلا والله
الجازي:هلا
حلا:أوف تعبت
راشد:هههههههههههههه اشكالكم حفله
الجازي:طالع؟؟
راشد:أيوه
رمت الجازي الاكياس على راشد...
الجازي:طيب إمسك هذولي
راشد:نعم ليه خدامك أنا
الجازي:لا إيشدعوه
حلا:أشواق ليه واقفه؟؟
اشواق:لا بس ركبوا إنتوا أنا بروح اسألهم إذا عندهم خدمة الإنترنيت
حلا:اوكي
ركبوا الجازي وراشد وحلا........بعد شوي عزام كان واقف بالمصعد وكانت فيه بنت صغيره واقفه عند الباب موب راضي يتسكر وعزام موصل حده منها...جات أشواق....
اشواق:إيش صاير؟؟
عزام:لا بس هالبيبي هذي موب عارفه تحدد موقفها
ركبت اشواق المصعد مع عزام......
عزام يصارخ على البنت:ياهووو..خلصينا بتطلعي ولا لأ
البنت خافت من عزام:لأ
عزام:طيب وخري
راحت البنت تركض....
اشواق:حرام عليك خرعتها
عزام:تقلب وجهه
ضرب عزام آخر طابق بالهوتيل وهم غرفهم بالطابق الثاني..إستغربت اشواق...
اشواق:وين رايح؟؟
عزام:أبي اطلع لآخر طابق أشوفه
اشواق:إطلع بروحك
جات أشواق بتضرب رقم طابقهم بس عزام مسكها....اشواق تطالعه باستغراب....
عزام:ليه؟؟!!
اشواق:عزام إيش قصتك من البارح وإنت موب على بعضك؟؟
عزام:قصتي معاك بالذات قصه
اشواق:كيف؟؟
عزام:بعدين تعرفين
وصل المصعد لطابقهم وطلعت أشواق قبل عزام وصلوا لغرفهم إلي كانت مقابل بعض...
عزام وهو داخل:باي ياقمر


اشواق دخلت الغرفه شوي وبيغمى عليها....
اشواق:ياربي بتذبحني جرأة هالولد....(جلست على السرير)....ياترى هو يحبني مثل ماحبه؟...يفكر فيني.....لالالا ماظن...أصارحه بحبي له..بس أخاف إنه يحب غيري ولا مايكن لي أية مشاعر....أنا مقدر أكتم حبه بقلبي اكثر من كذا
حلا:تكلمين روحك اشواق؟؟
اشواق:هلا....لالا...........وين بيان؟؟
حلا:تحت بالمسبح
اشواق:أمممممممم
بيان كانت بالمسبح مع مساعد ونايف...
نايف:وين بنتغدا؟؟
مياعد:وإنت هذا إلي يهمك وين نتغدا وين نتعشا
نايف:والله حبيبي أنا إسبوعين الإختبارات ماكلت شي مفروض أعوض الحين
مساعد:أمممممممم واضح
بيان:خلنا نركب
مساعد:ليه؟؟
بيان:مابقى كثير ويأذن
نايف:أذآن أيش؟؟
مساعد:الفجر.................قم...قم
بيان:ههههههههههههههه تستهبل نايف
الساعه1 الظهر
بالمطعـــــم
نايف يدز عبدالعزيز...
نايف بسخريه:طالع عبات هذيك البنت تقول بيكاسو الي مخيطنها
عبدالعزيز:هههههههههههههههه هذيك لوحة الرسم
نايف:ههههههههههههههه.....إلي معاها عيونها حلوه
عبدالعزيز:أمممممم حلوه كثير
نايف:الجازي لحقي خطيبك يغازل البنت
عبدالعزيز:هااا
الجازي:أي بنت؟؟
نايف:كانت واقفه هناك يقولي طالع هذيك عيونها حلوه
الجازي تطالع عبدالعزيز بنظرات عصبيه...
عبدالعزيز:كذاب والله هو إلي قالي طالعها
نايف:هههههههههههههههههههههههههههههههه
بعد الغدا...
بيان:حلا قومي نروح المكتبه
حلا:ليه؟؟
بيان:أبي اشتري روايه
حلا:اوكي يالله
بيان:بتروحين معنا أشواق؟؟
أشواق:لالا
في المكتبه..بعد ربع ساعه...
حلا:أوووووووف بيانوه صار لك ساعه تدورين روايه
بيان:لحظه وراك مستعجله؟؟
حلا:لأني مليت
بيان:أوكي...اوكي....................باخذ هذي
حلا:يالله بسرعه
وهم يحاسبون...دخل نايف....
نايف:يالله بنمشي
بيان:لحظه بنحاسب
نايف:صار لكم ربع ساعه تاخذون هالكتاب
حلا:إسأل بنت عمك
نايف:وليه إنتي بنت خالتي؟؟
حلا:هي هي هي بايخ
بيان:يالله
رجعوا الهوتيل والكل نام...
الساعه 5 العصر
غرفة مشعل وهيا
هيا:مشعل.......حبيبي......يالله عاد غصحى
مشعل:بعد شوي
هيا:قم مليت من القعده بروحي
مشعل:روحي مع البنات
هيا:نايمين
مشعل:روحي مع الشباب
هيا:هههههههههههه..يالله
مشعل:أووووووووف...طيب طيب قمت
هيا:يابعد قلبي والله
مشعل:الساعه كم؟؟
هيا:5
مشعل:طيب لبسي عباتك خلنا ننزل نشرب شاهي بالكافي
هيا:دقايق
وهم طالعين....
مشعل:وين بندر؟؟
هيا:مع عمته حلا
مشعل:اوكي يالله
غرفة البنات....
أشواق تصارخ:إصحوااااااااااااااا
بيان:ياشيخه سبينا ننام
أشواق:مابي.....إصحوا ابي أحد ينزل معي الكافي
بيان:بعدين سبينا ننام ألحين
أشواق:مااااااااابي.. يعني أنزل بورحي؟؟
الجازي وحلا وبيان:أيـــــــــــــــوه
أشواق:أوريكم
لبست اشواق عباتها وطلعت من الغرفه وهي معصبه....
أشواق:أوووووووف


نفس الوقت طلع عزام من غرفتهم...
عزام:إيش فيه القمر معصب؟؟
أشواق:عزام!!!!!
عزام:لا ولد عمه
أشواق:ههههههه
عزام:نازله؟؟
أشواق:ايوه رايحه الكافي
عزام:امممم ممكن أعزمك؟؟
أشواق:لأ
عزام:ليه؟؟
اشواق:من غير ليه................باي
عزام بصوت مضايق:وفرتي
الساعه 7 الليل
بيان تكلم مساعد بالجوال...
مساعد::هلا بيان
بيان:هلا...عندك شاحن للجوال؟؟
مساعد:أيوه
بيان:وينه؟؟
مساعد:بالغرفه هناك عبدالعزيز سإليه
بيان:اوكي باي
في غرفة الشباب..راشد كان واقف عند الشباك وكان بروحه بالغرفه....
راشد يغني بصوت يذوب الصخر:بعد أجمل حكاية حب حسافه تفرقوا قلبين نسوا إن الفراق أصلاً بحر ماله ابد مينا..حبيبي هذي قصتنا أنا وياك ندمانين تفارقنا على غفله وصوت الجرح يبكينا لك الله يازمان إلي خذانا ومادرينا لوين أنا وياك مقدرنا نطول أبسط أمانينا فارقنا حبايب وإنكسر خاطر وفاضت عين وقفلنا اجمل كتاب وبكينا بكل مافينا وكل هذا بعد اجمل حكاية حب
سمع راشد صوت أحد بالغرفه وراح يطالع عند الباب...لقى بيان واقفه ودموعها غارقه بعيونها...
راشد:بياااااان؟؟؟!!!!!!!
بيان:.....................الغنيه من قلبك؟؟
راشد:..........قصدك من حسرة قلبي
بيان دخلت وجلست على الكرسي.......راشد كان بيطلع بس وقف على صوت بيان...
بيان:وين رايح؟؟
راشد:بنزل بالابي
بيان:ممكن تجلس معي شوي؟؟
بعد صمت من راشد....
راشد:طيب
بيان:وحشتني ياراشد
راشد:وإنتي أكثر
بيان:موب صحيح
راشد:ليه؟؟
بيان:لأنك صرت تكرهني
راشد:بالعكس حبك كل ماله يزيد بقلبي
بيان:اجل ليه تركتني...ليه إخترت فراقنا ياراشد....ليه بعتني
راشد:إنتي السبب يابيان...إنتي إلي خدعتيني..إنتي إلي مثلتي علي
بيان:إيش تبيني أسوي عشان تصدق إني ماخنتك؟؟
راشد:قولي الصراحه وكافي
بيان:......الصراحه إن قلبي ماعشق غيرك...قلبي ماتعلق بغيرك...كلمة احبك ماقلتها لغيرك...الغلا كله لك وحدك...سهر الليالي كله عشانك..روحي وحياتي وكل البشر تفداك...قلبي ماتعود يشكي همه إلا لك...دمعتي ماتنزل إلا على حزنك..وبعد كل هذا تقولي خنتك..حرام عليك ياراشد
راشد عجز عن الكلام بعد إلي سمعه من بيان...تم يناظر عيونها الغرقانه بالدموع...
بيان:ليه ساكت تكلم
حط راشد صبعه قريب من شفايف بيان...
راشد:أبي أقرا كلام عينك...أبي اسمع نبض قلبك............................بيان ليه وافقتي عليه؟؟
بيان:غصباً عني ياراشد....أنا متحملت بعدك عني أكثر ويأست من رجوعك لي..يأست من قلبك الحنون يرجع لحنيته بعد ماصار قاسي......القرار كان صعب...صعب كثير ياراشد
راشد:وإخترتي نسياني وفراقي
بيان:موب هذا إختيارك إنت..أنا هيهات أنساك أو أنسى طاريك...بس دامك إخترت هذا الطريق راح أجبر قلبي على فراقك
راشد:أنا ابيك يابيان.....إنتي حبيبتي أنا.....نسيتي حبنا معقوله صرت رخيص بقلبك كذا
بيان:لأ بعدك الغالي...بعدك روحي ودنيتي...بعدك حبيبي.........بس أنا عطيته قرار ماراح أتراجع عنه
راشد بعصبيه:سمعيني...عطيتيه قرار ولا ماعطيتيه مايهمني....إنتي ماراح تروحين لغيري أي واحد يفكر ياخذك مني راح يكون آخر يوم بحياته فاهمه
طلع راشد معصب من الغرفه وبيان زاد خوفها وبكيها من كلام راشد..راحت غرفتهم وهي خايفه حيل....موب عارفه شسوي.....................كلمت عزام...
عزام:هلا بيان
بيان:عزام إلحق على راشد
عزام مخترع:راشد؟؟!!....إيش فيه؟؟
بيان:طلع معصب حيل ومدري وين راح
عزام:ليه إيش صار؟؟
بيان:موب وقته رح شوفه
عزام:اوكي باي


حاول عزام يتصل على راشد بس جهازه مغلق........جات الساعه 10:30 ولسى راشد ماوصل والكل كان خايف عليه....
مساعد:يعني وين راح؟؟
نايف:موب جاهل هو عشان خايفين عليه كذا
عبدالعزيز:نايف حبيبي رح نام قبل مايجيك كف
نايف:إيش قلت؟؟
عزام وهو جالس معاهم تذكر شي.....تذكر لما كان سهران مع راشد البارح....
راشد:ابي اروح البحر
عزام:الحين؟؟
راشد:ايوه....ابي اروح له واطلع همومي كلها
عزام:وليه البحر بالذات؟؟
راشد:لأنه هو غلي شكيت له عذابي من حب بيان
عزام وقف...
عبدالعزيز:إيش فيك؟؟
عزام:عرفت وينه
مشعل:وينه؟؟
عزام:انا رايح إذا شفته بدق عليكم
مشعل:تعال بنروح معاك
عزام:لالا أنا بروح بروحي
ركب عزام التاكسي بسرعه...
عزام:روح البحر
السايق:أي بحر؟؟
عزام:ليه كم بحر عندكم؟؟
السايق:واحد
عزام:لا تستهبل رح له بسرعه
السايق:اوكي
وصل عزام البحر....مشى على البحر وهو يدور راشد...شوي ولقاه واقف عند البحر ومغمض عينه...راح عزام لراشد يركض.......
عزام:راشد
عزام شاف على خد راشد دمعه حس لعذاب هالدمعه وحسرتها...راشد يمسح دمعته....
راشد:قلت لك محد راح يريحني غير البحر
عزام:شكيت له همك؟؟
راشد:أممممممم وحكيت له عن قصتي مع باين
عزام:إيش صار بينك وبين بيان؟؟
راشد:كيف ضيعتها من يديني....كيف سمحت لشكوك تهدم قصة حبنا
عزام:وأخيراً صدقت إن بيان ماخانتك
راشد:.........................بتسامحني؟؟
عزام:بعد إيش.....خلاص بيان راحت لغيرك ياراشد
راشد حاول يمسك عصبيته هالمره وسكت...
عزام:طيب خلنا نرجع بيان خايفه عليك حيل والكل يحاتيك
مسك عزام كتف راشد ومشى معاه ...ركبوا التاكسي ورجعوا الهوتيل

شبسوي راشد وإيش بتكون ردة فعل بيان؟؟؟


التوقيع
اضغط هنا لتكبير الصورهتحيـــــــــــــــــــــــAnA kazaz ـــــــــــــــــــــــاتي
kazaz غير متواجد حالياً  
قديم 02-02-2011, 01:31 AM   #45
-||[كبار الشخصيات في المنتدى]||-
 
الصورة الرمزية kazaz
 
تاريخ التسجيل: Apr 2010
الدولة: ksa
العمر: 24
المشاركات: 1,126
معدل تقييم المستوى: 6
kazaz is on a distinguished road
افتراضي


الجـــــــــــــــــــــزء عشريـــــــــــــــــــــــــــــــــن
الساعه 8 الليل
المطــــــــــــــــار
كانوا جالسين بمطار دبي ينتظرون رحلتهم إلي باقي عليها ربع ساعه...
حلا:اشواق تروحين معي الكافي؟؟
اشواق:ايوه
عزام:حلا جيبي لي قهوه
حلا:اوكي
راحوا اشواق وحلا للكافي واخذوا إلي يبونه..وهم راجعين وقفت حلا عند المجلات..
حلا:لحظه باخذ مجله
اشواق:أنا برجع
حلا:طيب خذي القهوه لعزام
أخذت اشواق القهوه ورجعت لمكان الإنتظار..عزام كان منزل راسه ويلعب بالجوال اشواق تعطيه القهوه بس عزام مانتبه رفع يده بسرعه وبالغلط ضرب القهوه وانكتت عليه وعلى اشواق..وقف معصب..
عزام:إيش فيك إنتي؟؟
اشواق:إنت الغلطان إنت إللي مانتبهت
عزام:ليه تكلمتي عشان انتبه
سمعت بيان اصواتهم وراحت لهم..
بيان:إيش فيكم ليه كذا؟؟
عزام بعصبيه:إنتبهي مره ثانيه
راح عزام يغسل واشواق جلست على الكرسي مضايقه من كلام عزام...
بيان:إيش فيك اشواق؟؟
أشواق:ولاشي
بيان:لاتزعلين من عزام هو كذا إذا عصب
اشواق بابتسامه مصطنعه:عادي
جى وقت رحلتهم وركبوا الطياره..جلس عزام مع حلا وأشواق وكانت حلا بالوسط...
اشواق بخاطرها:ليه كلمني كذا؟........معقوله تضايق من اسلوبي في الكلام معه......ياربي والله موب قصدي
بعد مااقلعت الطيار...حلا تفك الحزام...
اشواق:وين رايحه؟؟
حلا:بكلم بيان
اشواق:وتتركيني بروحي
عزام وهو مرجع راسه على ورا ومغمض...
عزام بكل برود:لا تخافين ماراح أكلك
راحت حلا واشواق تضايقت اكثر من عزام...
اشواق:عزام إيش فيك؟؟
عزام:مافيني شي
اشواق:موب من عادتك تكلمني بهذا الإسلوب
عزام:إسلوبي عادي
اشواق:ضايقتك بشي؟؟
عزام بخاطره:مضايقني حبك إلي موب قادر أصارحك به.....................لأ
اشواق تطالع يده إلي كانت حمره من القهوه الحاره إلي انكتت عليه عزام فتح عينه وطالع اشواق...


اشواق:آسفه
عزام:عادي ماصار شي
طلعت اشواق كريم للحروق البسيطه من شنطتها وحطت شوي بصبعها..
اشواق:ممكن؟؟
عزام ماصدق روحه:اكييد
اشواق وهي تحط الكريم على يد عزام...وهي تمسح يده بكل هدوء عزام يطالعها بنظرات ساحره وأشواق مرتبكه...
اشواق:ليه تطالعني كذا؟؟
عزام:عيونك حلوه
اشواق ابتسمت وانقلب وجهه احمر..
عزام:ههههههههههههههههههه
اشواق:ليه تضحك؟؟
عزام:مقدر على خجل القمر
اشواق:هههههههههههههه
عزام:اشواق أبي اقولك شي
اشواق:خير
عزام:اشواق أنا....
عزام سكت واشواق تنتظر الكلام إلي بقوله عزام...
اشواق:كمل إيش فيك؟؟
عزام:أنا....أحبـــــــــــــــــــك
حالت أشواق بهذي اللحظه ماتنوصف صدمه..فرحه..إرتباك..خجل..تجمدت اطراف اشواق..مشاعر مدفونه بقلبها حستها صحت و هاجت بعد هالكلمه إلي سمعتها..قلبها ينبض بسرعه كبيره...
اشواق بخاطرها:أحبــــك؟؟!!!....عزام يحبني معقوله
عزام:ليه ساكته؟؟
اشواق:موب عارفه شقول
عزام:قولي لي مشاعرك؟؟
اشواق:هاا....مشاعري؟؟
عزام تم يناظر اشواق ينتظر منها رد..رفعت شواق راسها والتقت عينها بعين عزام وابتسمت.....رد عزام الإبتسامه لها...
عزام:تكلـــــــــمي
اشواق:وأنا كمان
عزام:إنتي إيش؟؟
اشواق بهمس:أحبـــــك
عزام رفع صوته:بجـــــــــــــــد
اشواق:هههههههه قصر صوتك فضحتنا ههههههههه
عزام:هههههههههههههههههههه


وصلوا الرياض الساعه 9:30..بيت بوعبدالعزيز...دخلوا مساعد وعبدالعزيز وبيان...
بيان:يممممممممممه..يممممممه وينك؟؟
طلعت ام عبدالعزيز من مكتب بوعبدالعزيز وهي فرحانه برجعتهم...
ام عبدالعزيز:ياهلا..ياهلا والله بالغاليين
راحت بيان تركض لأمها وضمتها...
ام عبدالعزيز:هلا قلبي
بيان:وحشتيني يمه
ام عبدالعزيز:وانتي كمان يالغاليه
مساعد:إيشدعوه كلهم 4 ايام
ام عبدالعزيز:يعني ماوحشتك؟؟
مساعد:أكيد يالغلا مشتاق لك حيــــل
باس مساعد راس امه وظمته..عبدالعزيز يسلم على امه...
عبدالعزيز:شخبارك يالغلا؟؟
ام عبدالعزيز:بخير يابعد قلبي
بيت بوراشد...ام راشد ضامه الجازي لصدرها...
الجازي:شلونك يمه؟؟
ام راشد:وحشتوني يالغاليين
نايف يسلم على امه...
ام راشد:عسى بس ماجننتهم؟؟
نايف:إيشدعوه يمه
راشد:بنتظر كثير
ام راشد:هلا ياقلبي...هلا يابعدهم
دخل بوراشد واول ماشاف عياله ضحك...
نايف:هلا والله بالغلا كله
بوراشد يسلم على نايف:هلا..هلا
نايف:اكيد مشتاق لي يبه
بوراشد:مشتاق لجنونك
الكل:هههههههههههههههههههههه
سلم بوراشد على راشد والجازي.....بيت بومشعل..بعد ماسلموا على بومشعل وام مشعل جلسوا بالصاله...عزام نايم على رجل امه..
بنرد:قم عن جدتي
عزام:اقول اقلب وجهك
بندر:ابي انام عند جدتي
عزام:رح عند امك
ام مشعل:تعال يالغالي
بندر يصارخ:يمــــــــه..يمـــــــــه
بعد العشا والسوالف الكل نام إلا عبدالعزيز إلي كان جالس مع امه وابوه...
ام عبدالعزيز:طيب ياولدي دامكم رجعتوا لازم تحددون موعد الزواج
عبدالعزيز:ايوه يمه قلت للجازي نخليه للخميس الجاي
بوعبدالعزيز:بهذي السرعه...مايمديكم تحجزون وتجهزون لزواج
عبدالعزيز:إلا يبه في وقت...عندنا اسبوع كامل
ام عبدالعزيز وبوعبدالعزيز:خير إنشـــــــــــــالله


الخميس الساعه 7 المغرب
دخلوا عبدالعزيز وبوعبدالعزيز بيتهم بعد ماكانوا بالمسجد....مساعد كان نازل بسرعه على الدرج...
بوعبدالعزيز:وراك مسرع كذا؟؟
مساعد:طالع يبه تآمر على شي
بوعبدالعزيز:سلامتك..إنتبه على الطريق
عبدالعزيز:مع من؟؟
مساعد:وإنت إيش دخلك ابوي ماسألني إنت تسأل
عبدالعزيز:عادي أنا والوالد واحد بعدين احترمني انا اخوك الكبير
مساعد:طيب بعدين...باي
عبدالعزيز:باي
طلع مساعد عشان بيطلع مع فيصل..نزل فيصل من السياره وسلم على مساعد...
فيصل:الحمدلله على السلامه
مساعد:الله يسلمك
فيصل:نورت الرياض
مساعد:تسلم ياقلبي.....كيفك؟؟
فيصل:تمام الحمدلله
ركبوا السياره..وفي الطريق كانوا يسولفون...
مساعد:مشتاق لها..مشتاق لها حيل
فيصل:إلي يسمعك يقول كنت تشوفها كل يوم
مساعد:لابس كنت كل يومين لازم اشوفها اربعة ايام والله كنهم اربعة اسابيع من شوقي لها
فيصل:كلمتها من دبي؟؟
مساعد:اكيد كل يوم
فيصل يضرب مساعد على كتفه..
فيصل:وأنا بس مره..الشره على إلي اشتقت لك
مساعد:لاوالله تراك وحشتني حيل
بيان تكلم وجدان على التلفون...
بيان:وجدانوه لازم تجين اليوم
وجدان:خلها بكره
بيان:لأ اليوم
وجدان:إلا ماقلتي لي صار شي بينك وبين راشد؟؟
بيان:صار كثير
وجدان:بجد والله....يالله قولي
بيان:تعالي وأقولك كل شي
وجدان:اوكي بس ماراح اطول
بيان:اوكي انتظرك
حلا كانت جالسه بالصاله تكلم اشواق...
حلا:بس إنتي صار لك فتره موب على طبيعتك...ومن نطري عزام اخوي مدري شصير فيك
اشواق:هلا..لا..لا عادي
حلا:شفتي هذا إنتي ارتبكتي
اشواق:حلا إيش فيك اقولك عادي
ام مشعل:حلا يمه تعالي شوي
حلا:طيب يمه.........اشواق لحظه بشوف الوالده إيش تبي
اشواق:خذي وقتك


راحت المطبخ لأمها...عزام راح لصاله وهو كان عارف عن حلا تكلم اشواق وقف عند التلفون متردد يكلم اشواق ولا لأ...
عزام بصوت خفيف:لو كلمتها شقول لها؟؟............أووووف
حط عزام التلفون عند أذنه وجى بيتكلم بس......سكت....يسمع اشواق وهي تغني...
اشواق:عن قمرهم كلهم ياضي نورٍ لهم الورود إنت عطرها كيف إنت تشمهم...ياصباحي والمسى والسعاده والأسى ليت قلبك مانسى ناس إنت تحبهم...
عزام يصفر:واااو والله صوتك حلو
اشواق منصدمه ومرتبكه وماعرفت شتقول:من..عز..عزام؟؟
عزام:وإنتي دايم مخترعه
اشواق:لا بس...(بعصبيه)ليه ماتكلم؟؟
عزام:كنت بتكلم بس سمعت وصوتك وسكت
اشواق بخاطرها:ياربي إيش هالفشله....اكيد ضحك على صوتي
عزام:وين رحتي؟؟
اشواق:مطوله حلا؟؟
عزام:مدري..........اوكي يا..الحين اقدر اقولك ياقلبي.....باي
اشواق بخاطرها:لالالالالا وين رايح ابي اسمع صوتك
جات حلا...
حلا:هلا اشواق
اشواق:وينك انتي؟؟
حلا:سوري.........اوكي بدق عليك بكره باي
اشواق:بايات
نرجع لبيت بوعبدالعزيز...وجدان كانت جالسه مع بيان إلي كانت تقول لها إيش صار بينها وبين راشد بدبي....
بيان:وهذا كل إلي صار
وجدان:بيانوه مسكين شكله ندمان على إلي سواه
بيان:ماشكله لو ندمان كان على الأقل إعتذر
وجدان:بس هو بعده يحبك
بيان:موب متاكده
وجدان:بعد كل إلي قاله وسواه وموب متأكده
بيان:...............................لحظه بروح اجيب جوالي
وجدان:اوكي
طلعت بيان ودق جوال وجدان على طول....
وجدان:آلو
مساعد:هلا قلبي
وجدان:هلا والله.......كيفك؟؟
مساعد:مشتاق لك
وجدان:وإنت اكثر
مساعد:ليه ماقلتي لي إنك في بيتنا؟؟
وجدان:هاااا..من قالك؟؟
مساعد:إحساسي
وجدان:لا اكيد بيان قالت لك
مساعد:وليه تقولي
وجدان:اجل كيف عرفت؟؟
مساعد يغني بصوته الثقيل:خذاني الشوق لعيونك وجيتك طرى لي شي ماعمره طرى لي على بالي ولا لحظه نسيتك


وجدان سرحت مع الأغنيه وإحساس مساعد الروعه...
مساعد:وينك؟؟
وجدان:هلا....لا معك....مساعد قلبي شكلها بيان جات يالله باي
مساعد:باي
الساعه 9 الليل
وجدان:اوكي انا بورح
بيان:ليه بدري
وجدان:لالا بروح مع الوالده بيت جدي
بيان:اهاااا اوكي
نزلت بيان مع وجدان ووصلتها للباب..وهي طالعه كان مساعد داخل وتلاقوا مع بعض..دار الصمت بينهم إكتفوا بكلام العيون...يتبادلون مشاعر الشوق...مساعد يبي يقطع الصمت...
مساعد:ليه رايحه بدري
وجدان:لا تاخرت......................السايق جى عن إذنك قلبي
مساعد:باي حبيبي
عبدالعزيز كان واقف عند الشباك بغرفته وشاف مساعد وهو واقف مع وجدان...
عبدالعزيز:من هذي؟؟......وليه مساعد واقف معاها؟؟!!
نزل عبدالعزيز ومساعد داخل...
مساعد:هاي
عبدالعزيز:هايات
مساعد جى بيركب بس وقف مستغرب من سؤال عبدالعزيز إلي فاجئه..
عبدالعزيز:من هذي إلي كنت تكلمها؟؟
مساعد إلتفت لعبدالعزيز...
مساعد:من هي...وين؟؟
عبدالعزيز:قبل شوي كنت واقف مع بنت وتكلمها
مساعد:لا هذي...........صاحبة بيان
عبدالعزيز:وليه واقف معها وتكلمها؟؟
مساعد:لابس كنت اسلم عليها.......ايوه.....اسلم عليها بس
عبدالعزيز بسخريه:بجد
مساعد:أوووه عبدالعزيز إيش فيك....أنا تعبان بروح أنام
راح مساعد غرفته وعبدالعزيز جلس بالصاله...
عبدالعزيز:والله إنك غريب يامساعد
بعد إسبوع من هذي الليه...العايله كانوا بروحون مزرعتهم...
يوم الخميس الساعه 11 الصباح
بيت بومشعل..غرفة عزام
حلا:يالله عزوز خلصني
عزام:إيش تبين؟؟
حلا:إصحى تأخرنا نبي نروح
عزام:روحي مع الوالد
حلا:راح من زمان مع امي
عزام:وليه مارحتي معاهم؟؟


حلا:كنت نايمه......بتحقق معي يعني
عزام:حلا ماراح اطلع قبل اذان الظهر قلبي وجهك
حلا:لالا سوري والله موب قصدي...يالله عاد عزام
عزام:اوف ياربي إيش هالأخت هذي............روحي مع مشعل
حلا:صحيح أنا ليه مارحت له
طلعت حلا وعزام راح ياخذ له شاور...في السياره عبدالعزيز والجازي وبيان..رايحين المزرعه...
عبدالعزيز:بيان دقي على مساعد وشوفيه صحى ولا باقي
بيان:اوكي......................(دقت على مساعد)
مساعد:آلو
بيان:هلا قلبي صحيت؟؟
مساعد:امممممممم لسى صاحي.... وينكم؟؟
بيان:رايحين المزرعه
مساعد:إيشدعوه بدري
بيان:إيش بدري الساعه 11...متى بتجي؟؟
مساعد:مدير بكلم راشد وعزام وبشوف
بيان:اوكي باي
مساعد:باي
كلم مساعد بيت عمه راشد......رفعه نايف...
نايف:آلو
مساعد ينعم صوته مثل صوت البنات:آلو مرحبا
نايف:إحــم.....هلا والله
مساعد:ممكن أكلم المها
نايف يثقل صوته:لا والله هذا موب تلفونهم
مساعد:سوري على الإزعاج
نايف:لا وين رايحه؟؟
مساعد يضحك بصوت عالي:ههههههههههههههههههههههههههههههههههه
نايف عرفه وعصب...
نايف يصارخ:يالزفــــــــــــــــــــــــــــــــت تستهبل
مساعد:حلوه نيوف تعيش وتاكل غيرها هههههههههههههه
نايف:سخيف ياخي والله سخيف
مساعد يقلد صوت البنت:إيش رايك بصوتي؟؟
نايف:تـــــــــــــــــأدب
مساعد:هههههههههههههههههههه اوكي........وين اخوك؟؟
نايف:يفطر إيش تبي فيه؟؟
مساعد:متى بتروحون؟؟
نايف:ياسبحان الله كنت بدق عليك أسالك نفس السؤال
مساعد:بجد
نايف:امممممم ماشالله انا وإنت نفس تفكير الحمار
مساعد:هههههههههههههههههههههههههههههههههه
راشد طلع من المطبخ...


راشد:نايفوه من تكلم؟؟
نايف:مساعد يسأل متى بنروح
راشد:عطني إياه...................هلا مساعدوه
مساعد:هلا رشود
راشد:نروح الحين؟؟
مساعد:مدري
راشد:خلاص أكلم عزام ونطلع الحين....اوكي؟؟
مساعد:اوكي باي
ركبوا السياره راشد ونايف ومروا على مساعد وعزام...بالسياره مساعد كان يتسوق ونايف بالكرسي إلي جنبه...نايف يرفع على صوت المسجل ومساعد يقصر عليه...
مساعد:نيوف تأدب
نايف:ما اسمع
مساعد:ركب لك سماعات
نايف:رفع عليه أحب هذي الاغنيه
مساعد:مابي موب حلوه ماتعجبني
نايف:مسااااااااااااااااااااااااااعدوه
عزام:مساعد رفع عليه فكنا منه ولي يرحم والديك
وصلوا المزرعه ..والساعه 12 اكل كان بالمزرعه بيت بوعبدالعزيز بوراشد وبو مشعل وبوحمد...
راشد وعزام كانوا جالسين بغرفه صغيره بالمزرعه...
راشد:بجد....متى....وإيش قالت؟؟
عزام:وحنا بالطياره
راشد:واخيراً نطقت
عزام:هههههههههههه
راشد:وإيش قالت؟؟
عزام:وهي كمان
راشد:احـــــــــــلى
عزام:هههههه
جى مشعل...
مشعل:يالله بنصلي
راشد وعزام:يالله
صلوا الرجال جماعه...وبعد الصلاه جلسوا يسولفون...الحريم كانوا يطبخون الغدا...
بيان:مطول الغدا؟؟
الجازي:لا مابقى كثير
حلا:كم يعني؟؟
الجازي:10 دقايق
دخلت ام عبدالعزيز...
ام عبدالعزيز:ريحت الأكل حلوه
بيان:أكيد دام خطيبت ولدك إلي طابخته
ام عبدالعزيز:تيلم يدك يالغاليه
الجازي:الله يسلمك خالتي
بعد 10 دقايق جهز الغدا...تغدوا وجلسوا يشربون الشاهي...


الساعه 4 العصر
خفت حرارة الشمس وصار الجو حلو...بيان واشواق يتمشون بالمزرعه...
بيان:يالله ياقلبي قولي إيش فيك؟؟
اشواق:مافيني شي
بيان:لا إنتي موب على بعضك دايم سرحانه
اشواق:لا عادي
بيان:من الحلو إلي شاغل بالك
اشواق بخاطرها:قصدك القمر...كلمة حلو هاينه عليه
بيان:لالا إنتي أكيد تحبين
اشواق:هاا..لا موب كذا
بيان:إلا كذا يالله قولي
اشواق:شقول؟؟
بيان:كل شي..منهو وكيف حبيتيه؟؟
اشواق:أمممممممم مدري أول ماشفته جذبني جماله ونظرت عيونه الساحره...صارت بيني وبينه مواقف عجبتني شخصيته كثير وجرأته...أحلى شي فيه جراته وذوقه في الكلام
بيان:بصراحه انا شاكه بواحد
اشواق:منهو؟؟
بيان:هو المواصفات إلي قلتيها فيه جماله ونظرته وجرأته............عزام؟؟
اشواق:..................ايوه
بيان:وقلتي له؟؟
اشواق:هو إلي فاجئني وصارحني بحبه لي بالطياره وحنا راجعين
بيان:يااااااااااااااي وناسه...أحسكم مناسبين لبعض
عزام كان واقف عند المسبح وينادي...
عزام:بيااااااااااان...بيااااااااااااان
مانتبه عزام إنا اشواق إلي مع بيان...إلتفتوا بيان واشواق لعزام...
بيان:هلا
عزام:تعالوا شوي
اشواق:لالا روحي إنتي
بيان:يالله عادي لاتسوين فيها خجوله
راحوا بيان واشواق لعزام...
بيان:هلا
عزام:أبي اكلم وجوالي مافيه شبكه عندك جوالك؟؟
بيان:جوالي داخل.........اشواق عندك جوالك؟؟
اشواق:هلا......ايوه
طلعت اشواق جوالها وعطته لعزام...
عزام:شكراً
اشواق:العفو
راحوا بيان واشواق يتمشون...عزام كلم صاحبه من جوال اشواق ولما سكر الخط جاه فضول يشوف إذا رقمه عندها ولا لأ.....قعد يدور بين الاسماء وشاف إسمه...راح يطالع بالجوال وهو يدرو أشواق عشان يرجعه لها...وقف مستغرب ومنصدم...
عزام:إيش جاب صورتي بجوالها؟؟
حذف عزام بدون تفكير الصوره مع إنه من داخله كان فرحان بهذا الشي...
اشواق:عزااااااااااام
عزام إلتفت:هلا
اشواق:خلصت من الجوال؟؟
عزام:ايوه....وينها بيان؟؟
اشواق:داخل
عزام يبين إنه معصب:اشواق إيش جاب صورتي لجوالك؟؟
اشواق مستغربه ومنحرجه بنفس الوقت...
اشواق:ومن سمح لك تدرو بجوالي
عزاك:لاتقلبين الموضوع علي...........كيف وصلت صورتي لجوالك؟؟
اشواق:من حلا
عزام:وليه حلا عطتك إياها؟؟
اشواق:مدري من زمان صارت السالفه............إذا تبي بحذفها
وهي تدور على الصوره عشان تحذفها...
عزام:حذفتها
اشواق:كمان
عزام:صورتي وانا حر
اشواق:ماحب أحد يطالع بخصوصياتي
عزام:حتى حبيبك؟؟؟!!!
راحت اشواق لداخل بعد مااحمر وجهه قدام عزام..عزام وقف يضحك على خجلها وملامح وجهه...
الساعه 7 الليل
مساعد وعزام كانوا يسبحون بالمسبح ونايف جالس ويتمسخر عليهم..
نايف:ههههههههههههههه إنتبهوا لاتغرقون والله حتى البزارين يسبحون أحسن منكم
مساعد وعزام يطالعون بعض ويغمزون...قاموا عزام ومساعد وراحوا لنايف..
نايف خاف:هيييه شباب إيش فيكم؟؟
حملوا عزام ومساعد نايف وهو يصارخ...
نايف:لالا شباب الجوال بجيبي
مساعد:إرميه بسرعه
نايف:طيب وخروا عشان ارميه
عزام:هههههههههههههه إلعب غيرها
رمى مساعد وعزام نايف بالمسبح...
نايف:لاااااااااااااااااااااااا
مساعد وعزام:هههههههههههههههههههههههههه
جى عبدالعزيز من وراهم ورماهم بالمسبح...

عبدالعزيز:هههههههههههههههههههههههههههههههههههههههه ههههه
نايف:احسن..كفو عليك بومتعب
من جهه ثانيه كلم راشد بيان على الجوال...
بيان:آلوو
راشد:مرحبا بيان
بيان:هلا راشد
راشد:أبيك بموضوع ممكن تطلعين شوي؟؟
بيان:إيش موضوعه؟؟
راشد:إنتي طلعي لي وراح تعرفين
بيان:طيب
سكرت بيان من عند راشد...راشد كان واقف ينتظرها طلعت بيان وراحت له...
راشد:هلا بيان
بيان:هلا
دام الصمت بينهم تبادلوا فيها نظرات كلها شوق...
بيان بجفا:إيش موضوعك؟؟
راشد:وراك مستعجله؟؟!..وبعدين بشويش علي
بيان:يالله مابي الاهل يشوفونا
راشد:ومن متى تخافين احد يشوفك معي
بيان:لا قصدي الوالد او الوالده
راشد:طيب ممكن تجين معي؟؟
بيان:وين؟؟
راشد:بكلمك بالسياره
بيان:لا لا قل إلي تبه هنا وبسرعه
راشد:مقدر.....بنركب السياره واقولك كل شي
بيان:لا مابي
راشد:لهذي الدرجه ماعندك ثقه فيني
بيان:لا موب كذا
راشد:اجل كيف؟؟
بيان:أنا... انا
راشد:إنتي أيش؟؟...بيان انا محتاج اكلمك
بيان:.....................طيب يالله
فتح راشد باب السياره ركبت بيان وركب راشد من الجهه الثانيه...بيان تمت ساكته تنتظر راشد يتكلم...
بيان:متى راح تتكلم؟؟
شغل راشد السياره...
بيان:راشد...حنا ماتفقنا على كذا...لا تحرك السياره
راشد:لاتخافين ماباخذك لمكان بس بروح معك ورى المزرعه موب إنتي تقولين ماتبين احد يشوفك معي
بيان:....بس....
راشد:ماراح نطول لاتخافين
بيان:راشد
راشد:عيونه
بيان:أنا واثقه فيك
راشد ابتسم...وصلوا ورى المزرعه..وقف راشد السياره..خذ مفاتيح السياره وحطهم بيد بيان...


راشد:خلهم بيدك عشان تطمني اكثر
بيان:قلت لك أنا واثقه فيك........ويالله قل موضوعك
راشد:بيان..أكبر غلطه بحياتي إني شكيت فيك وابتعدت عنك..أنا مقدر أكمل حياتي بدونك..أنا تعبت من بعدك..كنت اظن إن بعدك عني هين لكن أنا اموت بدون ماحس..بيان تكفين سامحيني..أنا رميت كبريائي لجل عيونك ومثل مايقولون ياحياتي لجل عين تكرم مدينه..بيان..ياحبي لأسمك أعشق نطقه..بيان انا مشتاق..مشتاق لنظراتك لروحك إللي أحسها مرافقتني وين ماروح
بيان ساكته مكتفيه تسمع كلام راشد...
راشد:ماظنيت بيوم قلبي راح يبكي حسره وقهر..صدق أنا قلت أبي اقطع علاقتنا بس تراه كلام..كنت مشتت معرف من إلي يديرني قلبي ولا عقلي...باين أنا ندمان على كل لحظه قسيت فيها عليك على كل لحظه قسيت فيها بكلامي معك..وانا ندمان على تجاهلي لك لأني ماخليتك تفسري لي إلي صار
بيان منزله راسها تحاول تحبس دموعها..
راشد:بيان
رفع راسها باطراف اصابعه..
راشد:انا آســـــــــف..عجزت القى عذر يكفي عن غلطتي معك
نزلت دمعه من راشد على خده..هذي الدمعه تغلبت على رجولت راشد تغلبت على كبرياءه ومهما كانت دمعته عزيزه عليه نزلت بدون ترقب منه..
بيان:لأ...لأ ياراشد مابي اشوف دمعتك..وأنا من أكون عشان اكون السبب لدمعتك..دمعتك غاليه لو تعرف الم قلبي بس اشوف دمعتك...مابي اشوفها مره ثانيه
مسحت بيان دمعت راشد...سكت راشد تم يناظر بيان..مسك يدها نبضات قلب بيان تتسارع راشد نسى هو وين ولا شسوي..نسى العالم من حوله بس لمس يد بيان إلي كانت اشبه بالثلج من توترها...
راشد:احبــــــــــــــــك...ولساني ماراح ينطق هالكلمه لغيرك
جى راشد بيبوس يد بيان..ابعدت بيان يدها بسرعه...
بيان:كل شي بوقته حلو
راشد:سامحيني
بيان:معذور
راشد:إرفضيه... لا توافقين عليه
بيان:مقدر ياراشد مقدر
راشد:ليه متقدرين؟؟....أنا متحمل اشوفك مع غيري...بيان تكفين غيري قرارك
بيان:ولا انا اقدر اعيش مع غيرك..بس أنا عطيت الوالد كلمه..إيش بقول عني ألعب بالرجال انا
راشد:يعني إيش؟؟؟
بيان نزلت راسها..
راشد:بيان ردي علي؟؟...يعني رحتي مني؟؟...بتكونين لغيري!!
بيان:راشد قدر وضعي
راشد:أي وضع إلي تتكلمين عنه؟؟...أنا قلت مااتخيلك مع غيري مستحيل تكونين لغيري مستحيل
راشد نزل راسه على الدركسون وتنهد...
راشد:بيان...بيان حسي فيني


بيان:وإنت حسيت فيني هذاك الوقت..كنت ابي قربك وإنت تحاول تبعد نفسك عني..قسيت علي كثير ياراشد..بس لأني أعشقك واعشق عتابك سامحتك ولو ماإنت غالي على قلبي ماسامحتك
راشد:طيب إذا تحبيني وأنا الغالي إرفضيه..إيش بصير يعني بنات الرياض كثير
بيان:ياحلوك عليك الحزن لايق
راشد:إيش قلتي؟؟تكفين ارفضيه
بيان ابتسمت:احاول اكلم الوالد بالموضوع
راشد:جد والله
بيان:ههههههههه ايوه جد
راشد:تدري إيش بخاطري
بيان:إيش؟؟
راشد:أصارخ باسمك واقول بيـــــــــــ...
بيان:لالالا ولي يرحم والديك لا تفضحنا
راشد:هههههههههه طيب طيب
بيان:يالله رجعني المزرعه
راشد:لهذي الدرجه تملين مني
بيان:وأكثر...رجعني
راشد:إيش؟؟....خلاص نزلي روحي المزرعه مشي
بيان:موب مشكله
جت بتفتح الباب...
راشد:ياهووو إنتي؟؟
بيان:إيش؟؟
راش:خلاص برجعك..(غمز لها)
بيان:ههههههههههههه طيب يالله
وصلوا قدام المزرعه..
بيان:يالله باي
راشد:باي قلبي


التوقيع
اضغط هنا لتكبير الصورهتحيـــــــــــــــــــــــAnA kazaz ـــــــــــــــــــــــاتي
kazaz غير متواجد حالياً  
موضوع مغلق

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية بشروه انى برحل دكتور نوكيا قسم الروايات المكتملة 93 12-07-2013 03:35 PM
اكثر من 10000 مسج مـــــالكـ منتدي مسجات الجوال - رسائل الجوال - mms & sms 50 06-19-2013 10:15 AM


الساعة الآن 01:11 PM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.