قديم 02-18-2011, 11:18 PM   #1
مشرف سابق
 
تاريخ التسجيل: Aug 2009
المشاركات: 1,782
مقالات المدونة: 7
معدل تقييم المستوى: 12
Mahmoud Surgeon is on a distinguished road
قصيدة جحا!!


اضغط هنا لتكبير الصوره اضغط هنا لتكبير الصوره
بسم الله الرحمن الرحيم
دى قصيدة اثرت فيا كثيرا وابكتنى عندما سمعتها لاول مرة وهى اروع قصيدة للشاعرالمصرى الرائع هشام الجخ
بيوصف فيها حال مصر قبل ثورة 25 يناير بيوصف فيها ازاى اننا كنا بنتهان وبنتظلم وبنتنهب فى بلدنا بيوصف فيها اننا فعلا كنا عايشين فى بلدنا ضيوف


القصيدة بعنوان : "جحا"
شعور سخيف
إنك تحس بإن وطنك . . شيء ضعيف
صوتك . . ! ضعيف
رأيك . . ! ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قال لك أصل إتنين . . وشبكوا
اللي كان من تحت ميت
واللي كان من فوق كفيف !
ده شعور سخيييييييييييييف .

وشعور سخيف
إنك تكون رمز الشحاته
تبني مبنى للشحاته
تعمل وزارة للشحاته
يا ساقية دوري . . . عدييي فوقي ودوسي
نصبوا عليا . . وشحتوني فلوسي !
ربطوني فيكي .. حتى ما إتغميت ! ؟
هما إللي فرحوا . .ووحدي أنا . .إتغميت ! ؟

أنا اللى صاحب البييييييييييييييييييييييت .
عايش بدون لازمة ؟ .
ولما مرة شكيت . .
إدوني بالجزمة .
مش لاقي تطفح آديك
هاتوا لنا
وجيبولنا وإدونا ودونا . .
هنجيب منين نديك ؟
مش لاقي تطفح آديك ؟

طافح يا بلدي غدايا
ولوعتي غدايا
وآدي الأحبة إلتقوا . . وإتجمعوا عدايا !

أنا اللى زارعك دهب !
بتأكلينى سباخ ؟
ما إن كان ده تقل ودلع ؟
بزيادة دلعك باخ . .
لاشفت فيكي هنا ولا شفت فيكي ترف . . كل اللي فيكي قرف
كرامتنا متهانة
واللقمة بإهانة
بتخلفينا لييييييييييييييه ؟؟؟؟؟ لما إنتى كارهانه !

يعني إيه . . تبقى إنتى هبة النيل يا بوبه ؟
وكل يوم المية تقطع !
يعنى إيه .. لما أشتكي غلو الفاتورة ؟
يقولوا تشكي بس تدفع !

لما قش الرز . . ثروة بتتحرق ! ؟
وأما نفط الأمة . . ثروة بتتسرق ! ؟
وأما جلادك . . على ولادك . . بيبطش ! ؟
وأما علمك ما يلاقيش يآكل . . فـــ . . يطفش ! ؟

يعني إيه نرفع إيدينا بالسلام لأجل الغزاه ؟
ويعني إيه لما أبقى ماشى فى حالى . . اتشد اشتباه ! ؟
يعني إيه . . لما أتحبس أربع سنين حبس إحتياطي؟
حبس إعتباطي ..

يعني إيه مش حاسة بالعمر وغلاوته ! ! ؟
بتصبي مر العمر لييييييييييه ؟

ده أنا كنت ح أوهب لك حلاوته

أنا عمري ما أتأمرت . .
ولا حطيت شروطي .
ومكان ما ترسى مركبك . .
بابني شطوطي .
أنا كنت جيشك . . لما مماليلك باعوكي . .
وكنت يوسف . . لما عشتي سنين عجاف .
وضلوعي دي . . اللي فـــ معركة قادش حموكى . .
وشفايفي دي اللي ما بطلتش فى يوم هتااااف .
أنا كل شبر فى أرضك إتمرمغت فيه . .
وكل يوم عشتيه . .
أنا اتعذبت بيه .
بتكرهيني عيونك السودا وأيامي اللي فاتت
منتيش حبيبتي من النهاردة . . حبيبتي ماتت
مع صوت أدانك جرس
فى الشدة صاحينلك .
من إمتى كانوا الحرس .
هما اللى باقينلك ؟

بعتيني علشانهم ! ؟
وعنيكي معصوبة .
ياهل ترى . . خاينة . .
ولا زيي ؟
مغصوبة .

كل الكلام إتقال . .
والشعر بقيى ماسخ .
والصبر علو جبال . .
والظلم شىء راسخ .

وطن وغرقان في النطاعة
كل شيئ رييحته نطاعة

علمونا بالعصاية . .
ورضعونا الخوف رضاعة .
علمونا . . في المدارس .
يعني إيه كلمة قيام ! ؟
قيــــــام ؟ !
علمونا نخاف من الناظر . .
فيتمنع الكلام .
علمونا إزاي نخاف ! !
وإزاي نكش ! .
بس نسيوا يعلمونا الاحترام .
فمتزعلوش .
فمتزعلوش . .
لما أبقى مش باسمع كلامكم . .
وما تزعلوش . . لما أبقى خارج عـ النظام .

مستنيي إيه من طفل ربوه بالزعاق ؟
غير المشاكل . . والخناق ؟ !
كل اللي بيقول لك بحبك دول نفاق
أنا لما قولت لك بحبك كان نفاق
الحب يعني إتنين بيدوا
مش إيد بتبني وستميةتيييت تيييت يهدوا
الحب حالة
الحب مش شعر وقوالة
الحب يعني : براح فى قلب العاشقين للمعشوقين .
يعنى . . الغلابة يناموا فى الليل دفيانين ! .
الحب يعنى : جواب لكل المسجونين !
هما ليه بقوا مسجونين ؟ !
يعنى أعيش علشان هدف . !
علشان رسالة . !
يعنى أحس بقيمتي فيكي .
وإني مش عايش عوالة .

يعنى لما أعرق . . تكافئينى بعدالة .
الحب : حالة .
الحب : مش شعر وقوالة .

الحب : حاجة . . ما تتوجدشي فى وسط ناس ! ! !
بتجيب غداها من صناديق الزبالة ! ؟ .
الحب : جواكي إستحالة
اضغط هنا لتكبير الصوره اضغط هنا لتكبير الصوره


0 المشروبات الغازية تهدد الخصوبة لدى الرجال
0 أمى أم ابنى؟؟!!
0 شرف يعد بحل قضية كامليا شحاته!!
0 لن يغيرنا الله حتى نتغير أولا...!!
0 قائمة شبه مؤكدة بالتعديل الوزارى المصرى
0 كسل المعدة
0 مصايب وكوارث مبارك!!
0 مسئول اسرائيلي:المفاوضات غير المباشرة مع الفلسطينيين مصيرها الفشل
0 إحالة اوراق استاذ طب وممرضه للمفتى!!
0 د/أحمد زويل والمرحلة القادمة..
0 ثلاث قنوات بورنو تقتحم النايل سات!!
0 احدث بحث طبي عن السرطان
0 توبة رجل بسبب ابنته الصغيرة
0 لغز محير(ارجو منكم ان تدخلوا وتشاركونى بارائكم)
0 رجااااااااء
التوقيع





Mahmoud Surgeon غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
كيف تختم القرآن فى شهر ابو فيصل السويدي المنتدي الاسلامي (الشريعة و الحياة) 10 06-12-2012 07:16 PM
نوادر جحا ،، فـــدو ،، منتدي النكت و الطرائف - ضحك و فرفشة 0 10-12-2009 07:16 PM
نوادر جحا (2) ،، فـــدو ،، منتدي النكت و الطرائف - ضحك و فرفشة 0 10-12-2009 07:16 PM
جحا والبقرة البيضاء.............. سوري وأفتخر منتدي النكت و الطرائف - ضحك و فرفشة 13 08-06-2009 03:03 PM


الساعة الآن 09:01 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.