قديم 05-24-2011, 12:21 PM   #1
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي هجير قلبى عندك أسير


دى روايه منقوله بقلم : أمى روحها


اضغط هنا لتكبير الصوره

بسم الله الرحمن الرحيم
بفضل الله أولا ... ثم بفضل تشجيعكم وتفاعلكم ثانيا ...
أضع بين يديكم روايتي الثالثة اضغط هنا لتكبير الصوره... وكلي أمل من الله تعالى أن تحوز على رضاكم .. وأن تحقق الأهداف المرجوة من كتابتها ...اضغط هنا لتكبير الصوره

وختاما ... أشكر جميع العضوات اللاتي تفاعلن معي في روايتي السابقة (جرح المدينة وجرح القلوب الحزينة ) .. ولم يبخلن علي بردودهن وتوقعاتهن ...
ملاحظة :
لا أبيح نقل هذه الرواية أو اقتباس شيء منها دون وضع اسم الكاتبة "أمي روحي" ،
وكلي شرف أن أتواصل معكم من خلال هذه الرواية

مع تحيات أختكم :
همس اضغط هنا لتكبير الصوره.


اضغط هنا لتكبير الصوره


الــــــــــ ج ــــــــزء الأول
موضي: قومي بسرعه اكنسي الحوش
هجير: يمه احنا الظهر حر الحين
موضي: تبي تجي اختي لي العصر فزي اكنسيه
هجير: طيب يمه تكفين خليني اغسله اسهل واسرع
موضي: عساك للماحي قولي امين تبين تسرفين بالماء جرتها مع قميصها بسرعه روحي اكنسيه وبعده ادخل للمطبخ وجهزي الشاهي والقهوه قبل يجون
هجير: سمي يمه
موضي: عساك للسم الي ياخذك ويرحنا منك من جبتك وانا وابوك ماشفنا الخير
هجير: وهي تنزل من غرفتها وتتحسر جواتها على كره اهلها لاهلها وتقول بقلبها مقدر ومكتوب الي صار لهم ليه هم يحطون اللوم علي مسحت دمعه من عينها وراحت تسوي شغلها
اقولكم نبذه عن عايلة هجير
حمد: ابوها انسان فقير وبخيل يبيع اغلى حبايبه علشان ريال قاسي جدا على هجير
موضي: امها وهي انسانه عصبيه وحقوده وماتحب هجير لانهم يقولون ان بعد ماجتهم هجير فقرو وتردت حالهم
هجير:عمرها 18 سنه تدرس ثالث تانوي بنت قمه بالجمال عيونها وساع وشديدة السواد وحواجبها جنان ومبسمها صغير ووجهها دائري زايد من جمالها واكثر شي ملفت فيها شعرها الطويل الكثيررر شديد السواد واللمعه بس امها تهددها ان شافتها منزلته يوم راح تقصه وهجير تحب شعرها موووت وحريصه تسمع كلام امها وماتفكه لانها قبل سنيتين كانت تمشط شعرها وتناظره معجبه فيه دخلت عليها امها وقالت شعرك الي اشغلك عن الشغل تشوفين ايش راح اسوي فيه طلعت مقص وقصته وجلست هجير تبكي بعده حرمت انها تفكه ابدا
اسماء: اخت هجير دلوعة اهلها عمرها 17 سنه بس دلع اهلها لها كبر راسها على هجير خصوصا انها تغار من جمال هجير لهذا تحب تحرض اهلها على اختها
الـــعـــصــــر
هجير: كانت في المطبخ تجهز الشاهي والقهوه وهي مره تعبانه ومنهد حيلها من الشغل وتقول يارب مايشغلوني اكثر علشان يمديني اذاكر دروسي
عبدالله: يالله يمه وصلنا بيت خالتي والله الله لاتنسين تسلمين لي على القمر الي داخل
امه: مالت بس مادري شنو حببك فيها اختها احسن منها مليون مره جمال ودلال الله يحفظها
عبدالله: يمه القلب ومايهوى وقلبي ماهوى الا هجير من يومها صغيره
امه: مادري عنك انت وقلبك يالله لاتتاخر علي بعد صلاة العشاء تعال خذني
عبدالله: سمي يمه اول ماسكر الورشه اجيك
فــــي قـــــــصـــر مـن قـــصـــور الــريـــــــاض
عايلة ام طلال
نوره: ام طلال امراه قمة بالثراء لانها تزوجت ابو طلال الي كان يفوقها بالعمرتزوجته وعمرها 25 سنة وهو بالسبعين جابته منه طلال وحنين وتوفي بعدها بس ماوثق فيها علشان كذا كتب شركته واغلب ثروته باسم ابنه طلال وحنين ووصى فيها عمه اذا كبر طلال يستلم املاكه طبعا هي تزوجت زوجها على طمع وكان فيه شاب وسيم اسمه هشام يشتغل عند زوجها اعجبها هشام وعرضت عليه يتزوجهاطبعا هشام ماكان يحبها وكان وقتها عمره 20 اصغر منها بس تزوجها لانه طمع بفلوسها لانه كان شاب على قد حاله وأمه تعبانه ومحتاج فلوس لعالجها

هشام: زوج نوره يبلغ من العمر 40 رجال طويل وعريض شخصيه مهابه جميل لاكنه رجال غامض جدا صعب احد يفهمه
طلال:شاب يبلغ من العمر 25 طويل قمحي اللون خشمه كانه سلة سيف عيونه وساع طيب وحنون خاطب بنت خالته رنا الي تمووووووووت فيه
حنين: عمرها 23 سمراء وملاحمها نامعه جدا نحيفه ومتوسطة الطول بنت من اسمها حنونه جدا ونامعه وطيبه مثل اخوها طلال مايحبون غرور امهم على غيرها بس يحترومونها ويهابونها والا ماعمرهم حسو بحنانها لهم
رنا: هااااااااااي حنووووونه
حنين: بسم الله هلا وغلا رنو
رنا: تتلفت مارجع حبيبي
حنين: هههههههه رجعت تناظر المرايه تكمل تمشيط شعرها الليله راح يرجع ان شاءالله
رنا: ترمي نفسها على سريرحنين ياسلاااااااام اجل ابنام عندك الليله
حنين:حياك قلبي البيت بيتك
رنا: يؤؤؤؤؤؤؤ حنونه ماتتخيل قد ايش طلولي وواحشني شهررر وهو مسافر قسم كانها الف سنه
حنين: ياعيني على الحب بس
رنا: وهي تفسخ جزامتها[ الله يكرمكم] اشوف فيك يوم ياحنونه واالحب مقطعك تقطيع ساعتها راح انبسط عليك واطيح فيك تعليق ههههه بس انقطعت ضحكتها لام ماسمعت رد لحنين رفعت عيونها شافت حنين مازلت تناظر بالمرايه وتمشط شعرها ودموعها متحجره بعيونها
رنا: قامت ووقفت وراها ومسكت كتوفها اسفه حنونه ماقصدت اضايقك بكلامي
حنين: تبلع عبرتها لاعادي
رنا: حنونه انا
حنين: التفت لها وحطيت يدها على فم رنا قلت لك ماصار شي وانتي الله يوفقك مع طلول
فــي بـــيـــت حــــمـــــــد
عبدالله:دق الجرس كم مره ماسمعوه قال اووف شكل جرسهم خربان دق الباب بس كان الباب ماتسكراول مادقه انفتح الباب
هجير: كانت شايله كيس الزباله[ الله يكرمكم] ورفعت راسها الا تشوف عبدالله قدام عيونها
عبدالله: تفاجا لام شاف هجير قدامه وصد بسرعه بس كان قلبه يدق طبول
هجير: حطت الكيس وجرررررررري على غرفتها
عبدالله: يحاول ينظم تنفسه ويهدي قلبه الي ماوقف دق فديت الي يستحن بس
عبدالله عمره 27 شاب على قد حاله يشتغل بورشه حبوب وطيب بس مشكلته ماله شخصيه عند اهله امه الي تسيره وتقيده يحب هجير من يومه صغير وهجير تحبه بس حب شريف كل واحد ماوضح للثاني حبه بس قلوبهم تعرف هالشي
فـــي قـــصـــر طـــلا ل
نوره: نزلت من الدرج الفخم وهي لابسه جلابيه فاخره ومسويه تسريحه لشعرها ومكياجها طبعا مايروح عن وجهها ولابسه طقم وساعة الماس طبعا هي تهتم بشكلها مررررررره نادت الشغاله ميري ميري
ميري: هلو مدام
نوره:: جهزتو كل شي
ميري: كل شي تمام
نوره: ترفع اصبعها الي مزينه اظافرها زين قالت ياويلك لو يجي الاستاذ طلال وفيه شي ناقص
ميري: خافت من نظرات نوره لا مدام كل شي جاهز
نوره: خلاص انقلعي من وجهي الحين لو اشوف شي ناقص راح تطسين لدولتك على اقرب طياره فاهمه اولا
ميري: مفهوم مدام
هشام: توه داخل افاااا ليه الهواش على هالليل
نوره:تحاول تدلع قدامه لانها تحبه موووووت وحاسه انه ماعمره حبها لاحبيبي ماعليك تعال ندخل داخل حتى يجي طلال
هشام: ليش ولدك يبي يرجع الليله قالها بضيق
نوره: راحت ومسكت يده ايوه حبيبي طلال طيارته الليل وانا مسويه عشاء مختصر له مافيه غيرنا احنا وخطيبته رنا
هشام: فك يدها انا لاتحسبوني معاكم
نوره: ليه حبيبي مايصير الفرحه ماتكمل بدونك
هشام: التفت عليها تعرفين ان ولدك مايطيقني وانا ماتحمل كلامه ونغزاته
نوره: حبيبي تعرف طلول طيب بس يمكن يغار منك لانك جلست مكان ابوه
هشام: اجل اذا كبر ولدك وبطل غيره وحركات صبيانه جلست معكم
نوره: طيب ماراح تتعشى
هشام: ابطلع اتعشى برا
نوره: بضيقه وخوف وغيره وين ؟؟؟
هشام: قرب منها ابتعشى مع اجمل بنات الرياض عندك مانع يانوره
نوره: التفت عليه وناظرته بنظرات يطلع منها شرار
هشام: قرب لها اكثر وقالها وهو يصير سنونه شكل ولدك وارث الغيره الجنونيه منك كم صرت معاك الحين ومازلتي تشكين وتغارين كبري عقلك يانوره وطلع وخلاها
نوره: تناظره وهو يرقى فوق ايش اسوي احبك ياهشام امووت فيك
فـــي بــيــت حــــــمــــد
هجير: تحوس بالمطبخ بعد ماعشت اهلها وقلبها على واجبتها الي مافتحت منهن شي
اسماء: بسرعه تراك ازعجتينا بصوت الصحون عجزت انام ابنام بدري وراي مدرسه
هجير: طيب شوي واخلص
اسماء: بسرعه لاتصيري ثلج خلصينا
هجير: انقهرت من اسلوبها بس ماتقدر ترد عليها ردت عليها ان شاءالله الحين انتهي وهي تغسل الصحون وتمسح الارض تخيلت شكل عبدالله يوم يشوفها اليوم ونظرات الحب والشوق بعيونه تنهدت متى تجي وتخطبني وتخلصني من التعب الي انا فيه صح خالتي ماحسها متقبلتني بس يكفيني اكون قريبه عندك ياعبدالله اشتكي لك وابكي على صدرك وانت تواسيني اااااااه بس متى يجي اليوم الي اطلع فيه من هنا الله يسامحكم يامي وابوي موذني الي جاكم قسم موذنبي ومسحت دموعها وكملت شغلها
فـــي قــــــــصـــر طـــلال
رنا: تكشخت وتعطرت التفت على حنين حلو كذا
حنين: تجنين تبين تطيرن عقل اخوي انتي
رنا: هههههههههههههه وه فديت اخوك انا
((( طبعا طلال مملك على رنا بس ماراح يزفونهم لبعض حتى رنا تتخرج من الثانويه هي كبر عمرها 23 بس مهمله وتعيد السنه كم مره )))
طلال: دخل وكان لابس بدله رسميه جاكيت اسود وبلوزه بيضاء ومشط شعره على ورا وطالع شكله خيال
نوره: هلا والله بطلال حمد لله على سلامتك
طلال:قرب لامه بسرعه وباسها على راسها ويدها الله يسلمك يمه
نوره: بكل رسميه لاتعبت طلال
طلال: لاندمتي يمه
رنا: ترررررررركض وترتمي بحضنه هلا حبيي وحشتني مووووووووت (( البنت بايعتها خخخخخخ ))
طلال: ههههههههههه ايش هالمفاجاه
رنا: رفعت راسها له وبلمت يعني ماعجبتك
طلال: بالعكس احلى مفاجاه ان رنو جايه لبيتنا ومنورته علينا
حنين: تدف رنا اقول خلي لي شوية حنان وتضمه وحشتنا طلولي
طلال: يناظر اخته بكل حب وحنان وانتي اكثر حنونه
رنا: تدفها وتحضن يده وتدخل داخل لو سمحتي مابغى احد يدلعه ويضمه غيري
طلال وحنين ههههههههههههههه
نوره: بكل هيبه يالله تفضلو العشاء جاهز
طلال: ليه كلفتي على عمرك يمه
نوره: مافيه كلافه رنا حنين اسبقونا داخل
رنا وحنين: ابشري ودخلو داخل
نوره: ناظرتهم بعد ماتاكدت انهم ر احو ترا عمك رفض يتعشى معنا
طلال: عقد حوجبه عمي مين ؟؟؟
نوره: عمك هشام يعني عمك منو غيره
طلال: اهااا قولي هشام مو تقولي عمك
نوره: طلال عيب احترم عمك وبعدين خلاص كبرت كبر عقلك عن السخافات الي تسويها
طلال: ناظر بامه أي سخافات يمه الله يهديك هشام هذا ماينزلي من زور وهو ماتزوجك الا طمعان بفلوسنا وهو مايطيقني الا لاني واقف له بالمرصاد علشان ماينهبنا ويتلاعب باموالنا
نوره: قلت لك بلا كلام فارغ هشام كان ساعد ابوك اليمين الله يرحمه وابوك كان واثق فيه وانا ماخذته الا لانه كان امين وحريص على ثروتنا وعمري ماشفت منه تلاعب وماعندي استعداد اخسره فارجوك طلال لاتضايقه بشي سامع اولا
طلال: يمه بس
نوره: خلاااااااص يكفي مابغى اسمع أي شي زياده ويالله العشاء برد ودخلت وخلته
طلال: الله يهديك يمه عشيتني باستقبالك الحافل اتمنى احس بيوم بحنانك علي انا واختي بس الله يرزقنا برك بس
على الـــســـفـــره
رنا: خذ هذي من يدي حبيبي
طلال: خلاص قلبووو بطني انتفخ ماقدر اكل زياده هههههههه
رنا: اخر لقمه قلبي
حنين: لاتخلي اخوي دوبا وتخربي رشاقته
رنا: حظنته ذراعه فديت قلبه دوبا نحيف يجنن بكل حالاته عاجبني موووت
نوره: حطت شوكتها وتمسح فمها بمنديل الحمد لله يالله بنات وراكم مدارس بكره يالله رحو نامو
رنا: اااااف قرف هالمدارس متى ارتاح منها
حنين: الي يسمعك يقول مغلبه حالك بالمذاكره هههههههههههه
رنا: ايش اسوي اكرهها بعدين ليه اغلب حالي وانا ماراح اكمل الجامعه لاني ماحتجت وظيفه وانا ابتزوج الملياردير طلولي
طلال: قلبووو حتى ولو لازم تجتهدي بدراستك ماتضمني الدنيا شوفي انا كم ورثتة من ابوي الله يرحمه مع ذلك كملت دراستي
هشام: هايل ياطلال كلام جميل قاله ببرود حمد لله على سلامتك
كل الموجودين التفتو له وتفاجاؤ من وجوده
طلال:يوم شافه كأن الدنيا طبقت على راسه رد ببرود اشدالله يسلمك
حنين: قامت له مساء الخير عموو وباسته مع يده وراسه
هشام: مساءالنور حنونه
رنا: قامت وسلمت عليه مساء الخير عمو
هشام: مساء الخير رنو وحمد لله على سلامة زوج المستقبل ويناظر طلال
طلال: حمر وجهه وناظر بأمه عن إذنكم تعالي رنا ابغاك بمكتبي
رنا: اوك حبيبي
طلال: دخل مكتبته وهو معصب
رنا: هاي طلولي ايش فيك حبيبي
طلال: مسكها مع يدها كم مره أقولك تحجبي عن هشام ولا عمري أشوفك تصافحينه
رنا: يوووه طلولي خلك فري هشام كبير عني وهو زوج خالتي ايش فيها اذا كشفت
طلال: رنااااا قلت لك لاتكشفي يعني لاتكشفي
رنا: اووووه طلال ماتحس انك زودتها
طلال: زودتها لاني غرت عليك زودتها لاني امرتك بشي امرنا ربي فيه
رنا: زودتها لاني جايه ولهانه عليك موووت وتستقبلني بهواش
زودتها لانك رفعت صوتك علي كأني وحده من شغالاتكم بس موالشرهه عليك الشرهه علي الي جيتك وذليت نفسي لك ووبكت وجت تبي تطلع
طلال: مسكها مع يدها رنو افهميني زين قلبوو موقصدي ارفع صوتي عليك أو أجرحك
رنا: وهي تبكي خلني طلال أبرجع بيتنا وما راح تشوفني بعدها
طلال: ول ول لا رنو خلاص حبيبتي حقك علي يا روحي وضمها وجلس يمسح على شعرها
رنا: هدت شوي بعد ماضمها
طلال: رفع راسها باصابعه رضيتي علي رنو
رنا: وهي تمسح دموعها وانا اقدر ازعل عليك
طلال: فديت الحنونه بس
فـــي الـــمـــدرســــــــه
حنين: هجير ايش فيك شكلك مرهقه مره
هجير: بألم تعرفي زى ا لعاده رقيت لغرفتي متأخره وجلست أذاكر دروسي وما انتهيت الا قريب للفجر وأحس فيني نوووووم
حنين: الله يهديهم ليه يسوون فيك كذا
هجير: غصب عنهم موبيدهم شكل العين كرهتم فيني الشكوى لله مابيدنا شي
حنين : ربك يعين
هجير: امين
حنين:اجل اليوم ما راح أخليك تروحي بالباص انا راح أوصلك
هجير: لا تكفين ما أبغى مشاكل أخاف أبوي يشوفني ويضربني
حنين: أبوك الحين تلقينه بسوق الخضره يبيع وأختك طلعت قبلنا
مستحيل أسمح لك تروحي وأنتي تحسي بدوخه
هجير : بس
حنين: قسم لأزعل منك هجوره
وقفو البنات عند الباب ينتظرون السواق بس فجاه وقفت سيارة بانوراما السوداء
حنين: وهـ فديته هذا اخوي طلولي جاي ياخذني
هجير: روحي معا ه بسرعه لا تتأخرين عليه
حنين: وأنتي لازم تروحي معاي
هجير: مستحيل
حنين: كيف مستحيل الباص وراح عنك
هجير: عادي أبمشي على رجولي
حنين: انجنيتي أنتي تمشي على رجولك وأنتي تعبانه
هجير: أنتي الي انجنيتي مستحيل اركب مع أخوك يالله مع السلامه ومشت
حنين: هجير هجير بس طلال طفش من انتظاره وضرب لها هرن راحت حنين وهي متضايقة وركبت مع اخوها
طلال: تو الناس مسوي لك مفاجاه وجالسه تسولفي مع البنت ومخليتني
حنين: علمته السالفه
طلال: نبي نمشي وراها وانزلي اجبريها تركب
حنين: اوك
طلال: وهو يقرب من عند هجير هههههههههه ايش حاطه تحت رقبتها ومنتفخ كذا ههههههههههههههه
حنين: دوب لاتدقق هذا شعرها ونزلت تكلم هجير
هجير: بحياء لاخلاص أرجوك روحو
حنين: يالله عيب تفشلينه وركبت وانتظرتها تركب
هجير: بصوت واطي لاحول ايش هالورطه وركبت ورا وهي منبهره بجمال السياره
حنين: وصفت لأخوها بيت هجيرمن خلال وصف هجيرطبعا ماسمع طلال صوتها لأنها تتكلم بصوت واطي
طلال: شاف البت الشعبي المتهالك وضاق صدره بس سكت
حنين: امش بسرعة
طلال: ليه
حنين: قلت لك حرك هجير نزلت بسرعة حرك
طلال: حرك بسم الله ايش فيك
حنين: لأنها تخاف من أهلها يهوشونها لأنه ركبت معانا
طلال: حنونة ايش عرفك بالاشكال هذي مومن طبقتنا واحنا مو من طبقتهم
حنين: افاا عليك طلال أنت تقول كذا صار تفكيرك زي أمي تفكير مادي بس
طلال: مو سالفة مادي بس شفتي حيهم وكيف أشكال الناس عندهم دايم إلي كذا يكون عندهم مشاكل انا أجالس ناس ضباط كبار ويقولون لي مشاكل من هالطبقه الفقيره تشيب الراس
حنين: التفت عليه قالت ياخوي الأخلاق موعلى الطبقات وعمر الفقر ماصار عيب وياما ناس فقيرين بفلوسهم غنين بأخلاقهم وياما ناس غنين بفلوسهم وفقيرين بأخلاقهم وعواطفهم وناظرت قدامها وخنقتها العبره
طلال: ضاق صدره لانه قلب الماضي على أخته حنونه آسف ياقلبي
حنين: سكتت ولاردت
طلال: حنونه وربي من خوفي عليك سويت كذا خفت البنت تضرك
حنين: ناظرته لو كل الناس ضروني هجير ماراح تضرني
طلال: بغى يحذرها من هجير بس خاف يجرحها سكت وابتسم لأخته قال الله يحفظك يارب
على الغداء في قصر طلال
نوره: بكره ان شاءالله راح نروح للمزرعه ونبي نسوي عزيمه كبيره بمناسبة رجوع طلال
طلال: ماله داعي تكلفين على نفسك يمه
نوره: تبي الحريم يأكلوني بالشماته يقولون نوره رجع ولدها وماسوت له شي
طلال: كان امه طعنته بسكين وقال بقلبه يعني علشان كلام الناس والا ابنك بالطقاق
هشام: كان ياكل ورفع عيونه لطلال وابتسم ابتسامة سخريه
حنين: ماما كلمتيهم كلهم
نوره: خليتي مديرة اعمالي للحفلات سوزان تكلمهم كلهم
حنين: بتوتر حتى امل كلمتوها
نوره: رفعت عيونها بغضب ايش نبي فيها خليها تولي
حنين: كيف ايش نبي فيها مو بنت اخوك ياماما
نوره: بنت اخوي بالطل نسيتي ايش جاك منهم
حنين: هي مالها ذنب
نوره: انتي راح تتمين غبيه كذا ساذجه والكل يخدعك ويستغل طيبتك الي مالها داعي بالزمن هذا
حنين: تغير وجهها وخنقتها العبره وتحجرت دموعها بعيونها وقامت من على السفره
طلال: يمه الله يهديك ليه قسيتي عليها
نوره: لاني مابغاها غبيه والكل يستغل غباءهاابغاها ذكيه زيي ماحد يقدر عليها
هشام: عمر حنين ماكنت غبيه حنين من اسمها حنين وهي صادقه امل مالها ذنب
نوره: عصبت حتى انت ياهشام ضدي هذي بنتي وانا حره فيها لا انت ولااخوها لكم حق تدخلون بتربيتي لها
هشام: قام خلاص براحتك بنتك وانتي حره فيها بس ممكن تتهاوشين انتي وبنتك بعيد وماتنكدون علينا غداناااااا
طلال: على اذنكم وراح لغرفته اخته طق الباب ماردت فتحه ودخل ولقاها مرميه على سريرها وتبكي جلس جنبها وضمها قال افااا حنونه تبكين كنت أذكرك اقوي من كذا
حنين: تعبت ياطلال تعبت أي كلمه أكون أنا الغلطانة ونسيت انها هي السبب بكل الي صار أمل ماله دخل بشي هي حلفت لي وهي وقفت معاي ومستحيل أنسى وقفتها
طلال: الي تتكلمين عنها أمك حنونة مايصلح تقولي عن أمك هي مو من احترام الأم وانا زيك مقتنع ان أمل مالها دخل بشي بس تعرفي ا ن أمي ماطيقها
حنين: وهي تبكي ماطيق آمل وتطيق اخو أمل وماتقدر أمي تقوله ولاكلمه
طلال: لان أخوها ذكي ويعرف كيف يعامل أمنا بس أمل طيبه وتحترم أمي
حنين: أخوها موذكي ألا خبيث ونذل
طلال: خلاص حنونة انسي كلام أمي وتعودي على أسلوبها تر أمي مهما صار تظل تحبنا
حنين: تبكي على صدره أتمنى أحس بحنان أمي يوم من الأيام أتمنى طلال
طلال: حنونه مافيه أم ماتحب عيالها وتنهد وقال بقلبه وأنا اشد منك أتمنى أحس بحنانها مو تعاملنا كأننا ثروه من ثرواتها بس
انتهى الجزا الاول
بس يحمل في طياته الكثيرررر من الاسرار
ليه حنين حزينه؟
ايش سبب كره اهل هجيروقسوتهم عليها؟
هشام هل هو رجل طماع او حبيب وايش يحمل من اسرار؟
راح تنكشف لكم حقايق كثير راح تعرفوها ان شاءالله بالاجزاء القادمه
تقبلو تحيات اختكم ومحبتكم دوما همس ((( امي روحي)))


[
فائدة اليوم :
قال علي بن أبي طالب رضي الله عنه : إذا قدرت على عدوك فاجعل العفو عنه شكرا للقدرة عليه .


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 05-24-2011, 01:42 PM   #2
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


الــــــــــ ج ـــــــــزء الـــــثــــــــــاني ((2))
فـــي بــيــت حــــــــمـــــد
حمد: بسرعه غابت الشمس
موضي: هالعله داخل في المطبخ مانتهت من شغلها
حمد: هجيرووووووووه وصمخ تعالي بسرعه
هجير: سم يبه
حمد: سم يقطع مصرانتس قولي امين سنه والله لو تطبخين ذبايح
هجير: يبه كنت اغسل ملابسكم وتوني خلصت من كويها وبسرعه دخلت المطبخ
حمد: فكينا من تقرير شغلتس اليوم وقدامي حملي الاغراض
هجير: سم بس دقايق اغير ملابسي
حمد: لاتغيرين ولاشي بسرعه للسياره
هجير: يبه ماغيرتها بعد شغلي فيها عيب اروح بملابس الشغل
حمد: انطمي وقدامي
هجير: سم سم
طلعو للثمامه وكان عبدالله جالس يتقهوى مع الرجال اول ماشاف سيارة زوج خالته انبسط بقوووه قام بسرعه واستقبلهم هلا والله تو مانور البر
(طبعا عبدالله كان بالنسبه لعايلتهم اجمل شبابهم)
هجير: فرحت يوم شافته وابتسمت تحت غطاها وتنهدت براحة قالت بقلبها سبحان الله شوفته تجيب لي الراحة والأمان
اسماء: ماتت قهر لأنها تعرف ان عبدالله يحب هجير ومايحبها
حمد: منور فيك ياوليدي التفت عليهم يالله نزلنا وانتي نزلي الأغراض
هجير: سم يبه وراحت تنزل الأغراض
عبدالله: رحمها إنها تنزل الاغراض لحالها وماشاف احد حولها قرب للسيارة وجلس ينزل الأغراض عنها
هجير: كانت متسترة أبعدت عنه وقالت بشويش أنا أبنزلهم لاتعب حالك
عبدالله: بدون مايلتفت لها مافيه تعب وجلس يكمل معاها بس قلبه يدق بسرعة فرحان بقربه منها
هجير: كانت زيه قلبها يدق بقوه لقرب عبدالله ومساعدته لها وخوفها من أهلها
قالت بس ماكلمت كلامها لانها سمعت احد يصارخ عليها
حمد: هجيرووووووووووه ووووووووووجع
عبدالله: فز ايش صاير ياخال
حمد: ياقليلة الحياء واقفه مع غريب
عبدالله: الله يهديك انا موغريب انا ولد خالتها بعدين هي ماغلطت أنا جيت وماشاورتها ونزلت الأغراض لاني رحمتها تنزلهم لحالها
حمد: اتوقع مافيه احد يرحم بنتي اكثر مني وانا حر فيها دف هجير قالها طسي مناك انتي وشغلك عندي بالبيت يالي ماتستحين
عبدالله: حقد على زوجة خالته والود وده يكفخه بس مسك نفسه وقال ارجوك ياخال لاتلومها مالها دخل بشي وربي لو كنت اعرف انك راح تزعل ماقربت
حمد: راح وخلاه ولا كان عبدالله يتكلم ماعبره اصلا
عبدالله:رجع وهو ميت قهر ويشوف حمد يتقهوى ويسولف ولاهمه يتمنى يقوم يكفخه ويبرد غليله منه
صالح: قرصه مع رجله وش بك تناظر حمد كأنك تبي تذبحهه
عبدالله: الود ودي أذبحه وخلص عجير منه
صالح: ياغبي يظل ابوها
عبدالله: طيب ابوها ويعذبها كذا كل هذا تشائم منها والعين ماصابتهم الا بجيتها قسم تخلف
صالح: ابوك يالحب كل هذا حب وغرام
عبدالله: تنهد بضيق اتمنى يجي اليوم الي اخذها عندي واريحها منهم
هجير: جلست لحالها تبكي
اسماء: مره ثانيه لايقل حياك وتفشلينا قدامهم
هجير: رفعت عيونها الحمراء من البكاء بس وربي اني ماقربت له هو قرب لي يساعدني بس حتى ماكلمني
اسماء: تبتسم بمكر الله يعينك على ابوي هالليله وراحت وخلتها
هجير: زاد بكاها وحطت راسها بين رجولها شوي الا تحس بيد على كتفها
نوف: خلاص هجوره ماصار شي
هجير: كيف ماصاروابوي مهددني هالليله ماراح يفوتها علي اعرفه انا
نوف: كله من هالملقوف اخوي عبود
هجير: وهي تبعد خصلات شعرها الي لصقت بوجهها من البكاء حرام عليكي هو ماغلط كان قصده شريف بس جاء يساعدني
نوف: ياعيني على هالحب هو ازعجني بالجوال روحي شوفيها وانتي تدافعي عنه
هجير: تبتسم بخجل وهي تسمح دموعها رغم الألم الي فيها والخوف من ابوها بس احساسها ان فيه واحد يهتم ويحلرص عليها يحسسها بالأمان

نوف:يؤؤؤؤؤؤؤ ياعيني ياعيني خلاص يكفي هههههههههه كل هذا حب
*********************
فـــي بـــيـــت أمل
أمل: هلا والله بحنونه
حنين: هلا فيك ياقلبي وين الصغار خلودي وعموري
أمل: نايمين فديتهم بس انتي إن شاءا لله عمتي راضيه بحيتك لي
حنين: تهز رأسها بلا
أمل: الله يهديك ليه تعصين أمك
حنين: لاطاعت لمخلوق بمعصية الخالق وماما تبغاني اقطع رحمي
أمل: مهما كان حبيتي هذي أمك وواجب تطيعينها
حنين: المهم بشريني عن متعب عساه أحسن معاك الحين
أمل: الله يهديه ويرده مرد جميل
حنين: أنا مستغربه كيف متحملته وهو إنسان ضايع بين سهراته وشلته الفاسقه وناسيكم حتى خالد ولده الي محتاج له مايعترف فيه انا استغرب ان اخوك ماوقف له
امل: اولا ياقلبي ياحنين انا صابره عليه ارتجي الأجر من ربي بعدين اخوي مستحيل اشتكي له لان اخوي حار ومايصبر بعدين متعب من أول مارزقني ربي بخالد وهو مو متقبله لأنه أعمى ويعرج بس ربي مسخرني لخالد أكثر من عمر يمكن إحساسي إن عمر مومجتاج لي وعنده أبوه معوضه عكس خالد إلي محتاج لي ولحناني الله لايحرمني منهم كلهم
حنين: ياليت أصير زي صبرك أموله
أمل: حبيتي حنين من عرف ربه هانت مصيبته وإحنا بدار ابتلاء ويوم القيامه الناس يغبطون االمبتلين لانهم يشوفو ايش الكرامات الي الله خصهم فيها الله لايحرمنا من أجره ومغفرته
حنين: اللهم آمين
أمل: وأنتي حنونة ماقصرتي معاي الله يوفقك ويسعدك
حنين: بابتسامة حزن ماتوقع إن السعادة راح تطق بابي مضيعه بابي من سنين
أمل: حطت يدها على كتف حنين لاتياسي حبيتي من رحمة ربك والله يسامح من كان السبب بحزنك
حنين: ونعم بالله أموله ترا أمي نسويه عشاء يوم الخميس ياليتك تشرفينا
أمل: حبيتي عمتي مو متقبلتني وبعدين أبو خالد ماتوقع يرضى اطلع
حينين: براحتك بس يفرحني وجودك
يـــــــوم الخــمــيــس
نوره: جالسه على كرسي وحاطه رجولها الله يكرمكم في مويه واالشغاله تصنفر لها رجولها وحاطه كريم تقشير على وجهها وتكلم جوال بالسبيكر خلص الجريش والقرصان يام هجير
موضي: ايه فديت قلبك كل شي جاهز تبين ترسيلن سواقكم الحين
نوره: لا سواقنا معاه الجمس الكادلك وتعرفين شارعكم وسخ وضيق وعندك اطفال بحارتكم عفاريت اخاف على جمسنا الصراحه انتي ارسليه وانا ماراح اقصر معاكم ابعطيك ضعف القيمه
موضي: سمي من عيوني دقايق وهو عندكم
نوره: مرسي يالله باي وسكرت قبل ماترد موضي عليها
موضي: مغروره هالادميه بس بعذرها كل هالاموال عندها كان اسلم على الناس بطرف اصبعي قامت للمطبخ يالله هجير خلصتي الجريش والقرصان
هجير: وهي غرقانه من الحر لان مطبخهم ضيق ومايشغلون مكيف يخافون على الفاتوره ايه يمه خلصت
موضي: قربت تذوق طعمهم يجنن زين مافشلتينا مع نوره وش يفكنا من لسانها يالله روحي وديهن لهم
هجير: قصرهم بعيد يمه والقدور ثقال ليه مايجي سواقهم
موضي: يابختها تقول سيارتهم جديده وتخاف عليها من حارتنا
هجير: اجل اذا جاء ابوي يوصلهم لهم بالوانيت حقته
موضي: اقول وجع ماتنعطين وجه ابوك يبي يتاخر وانتي وش حاجتك دفيهن بالعربيه يالله بسرعه لاتتاخرين عليها وحسك عينك تطولين عندهم اول ماتاخذين الفلوس ارجعي
هجير: سمي يمه شالت القدور ودفتها بالعربيه ومشت حتى قربت لاسوار القصر وهي ميته تعب ووجهها محمر من الحرناظرت بشكل القصر وفخامته من براقالت من زمان اتمنى اشوف ايش شكله جوا يابختك حنونه ساكنه هنا استاذنت من البواب وكان عنده امر يفتح لها فتح لها البوابه وخلاها تدخل
حنين: كانت جالسه عند امها
نوره: حنين عطي الشغاله فلوس تعطي بنت حمد فلوس الجريش والقرصان
حنين: انبسطت قالت اكيد هجوره ردت على امها سمي يمه
هجير دخلت وهي لابسه غطاها وتتلفت منبهره بجمال القصر بس ماتعمقت داخل شوي الا تجيها حنين
حنين: اووووووووه هجووووووورتي وتضمها
هجير: بشويش طيحتي غطاي ههههههههههههههه
حنين: لازم ابوسك على الهواء مباشره هههههههههههههه
هجير:استعدتي للحفله
حنين: يب
هجير: غريبه امك ماطلبت العشاء من برا طلبت نسويه احنا
حنين: ياحبيتي ماما تقول مايضبط الاكلات الشعبيه الا هالحريم وطالبه بوفيه كامل من مطعم مارينز
هجير: ان شاءالله يعجبكم شغلي بس لاتعلمي امك ههههههههههه
حنين: مادامك انتي مسويته اكيد راح يعجبني
هجير: فديتك حنونه يؤؤؤؤ تاخرت على اذنك
حنين: اذنك معاك قلبووو
هجير: طلعت مسرعه وكانت تعد الفولس تخاف ناقصات وامها تهاوشها وكانت منزله راسها وناسيه انها مالبست غطاها وكان خصلات من شعرها المتمردة تطيح على وجهها وهي تلفها ورا اذنها وخدودها متوردة من الحرشوي الا تصدم بجسم ضخم بغت تطيح الا بيدين تمسكها رفعت عيونها بشويش تعلقت عيونها بعيون رجال كان وسيم جدا ومهاب مرره ماتعرف ليه قلبها صار يطق طبول وعجزت ترمش عنه او تطبق عيونها عنه وهو نفس الشي علقت عيونه فيها وماقدر يبعد عيونه عنها نسى نفسه للحظات وهو مومستعد يتركها او يبعد عنها تمنى تظل بين ايدينه مايبغى يرمش يخاف يفتح عيونه ويكون بحلم وتبعد عنه مومستعد يتركها
انتهى هذا الجزا وعارفه انه قصيربس لازم الجزا يوقف هنا
السؤال الي يطرح نفسه
مين الرجال الي صدم هجير بالحديقه ؟؟؟

هل ياترى تبي تكون بينه وبين هجير قصه معينه؟؟؟
راح نعرف هالشي بالجزا الثالث يوم الثلاثاء العصران شاءالله تعالى

فائدة:

يابن آدم إذا رأيت ربك يتابع عليك نعمة وأنت تعصيه فاحذر


0 صورة أجمل إمرأة في العالم
0 ولكن الله يراني
0 مجلس الروايات للإستفسارات و الطلبات ؛
0 نصائح 2011
0 إسطوانة تعليم الرياضيات للأطفال
0 قصص مضحكه ومحرجه بنفس الوقت...
0 محتوى الروايات ! / دعوة لـ النقاش ؛
0 نـفـع و إسـتـنـفـع ~~ حـاجـه مــنا و لـيـنا -- مـتـبـخـلش عـلى نـفسك
0 انشودة حاولت في قلبي وانا أقول بنساك
0 لأن الفرح لايق عليك أبيك دايم تفرحين -
0 ضرب رسام كاركتير السويدي الذي اساء للرسول
0 الخوف من الحب
0 اسرع واسهل الطرق للتخلص من الرؤوس السوداء
0 مسابقة الخواطر الرومانسية
0 مكملات فستان الزفاف
التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 05-24-2011, 04:00 PM   #3
-||[عضو فعال]||-
 
الصورة الرمزية f0of0o
 
تاريخ التسجيل: Apr 2011
المشاركات: 58
معدل تقييم المستوى: 9
f0of0o is on a distinguished road
افتراضي


بليـــــــــــز حبيبتي كمليـــــها عجبتني حيــــــل وانا حاسه انو اللي صدمت فيه هو طــلال وحاسه راح تكوون بينهم قصـــه وقصه حلووه بعد هههههه ^_* << فيس يقول يـارب مايطلع تخميني غلط ويطيح وجهي


f0of0o غير متواجد حالياً   رد مع اقتباس
قديم 05-24-2011, 04:06 PM   #4
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


اقتباس:
المشاركة الأصلية كتبت بواسطة f0of0o اضغط هنا لتكبير الصوره
بليـــــــــــز حبيبتي كمليـــــها عجبتني حيــــــل وانا حاسه انو اللي صدمت فيه هو طــلال وحاسه راح تكوون بينهم قصـــه وقصه حلووه بعد هههههه ^_* << فيس يقول يـارب مايطلع تخميني غلط ويطيح وجهي




ههههههههههههههه
من عيونى
الحين انزلك
بس لا تتعودى ها
ترانى انزل كتير حتى امشى مع الكاتبه
ودى وورودى



التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
قديم 05-24-2011, 04:07 PM   #5
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


[size="6"]الــــــــــ ج ــــــزا الــــثـــالـــث (((3))) *
*
*
هجير: طلعت مسرعه وكانت تعد الفولس تخاف ناقصات وامها تهاوشها وكانت منزله راسها وناسيه انها مالبست غطاها شويالا تصدم بجسم ضخم بغت تطيح الا بيدين تمسكها رفعت عيونها بشويش الا تعلق عيونها بعيون هالرجال ماتعرف سبب ليه قلبها صار يطق طبول وعجزت ترمش عنه او تطبق عيونها عنه وهو نفس الشي علقت عيونه فيها وماقدر يوخر عيونه عنها
هشام: اسف مانتبهت
هجير: فكت نفسها منه بسرعه ولبست غطاها وجري للشارع وكان قلبها يدق بسرعه وخايفه حيل وكل ماتتذكر نظراته يزيد خوفها اكثر
هشام: ظل واقف يناظرها حتى اختفت عن عينه وهو مومصدق عيونه معقوله الي اشوفه قدامي معقوله بس منو هذي ياربيه كيف اعرف منو دخل وشاف حنين قدامه ابتسم قال جاك الفرج ياهشام
حنين: مساءالخير عمو
هشام: جلس جنبها مساءالفل حنونه ماشاءالله شكلكم مستعدين للحفله
حنين: ماما مديرة الحفله تبغانا مانستعد ههههههههههه
هشام: الله يخلي ماما لي ولك
حنين: اللهم امين
هشام: بس غريبه حنين تو وانا داخل واجهتني بنت طالعه من هنا لايكون شحاذه دخلت وطلعت والبواب نايم بغيت اصارخ عليه بس قلت ماستعجل قبل اسأل يمكن جايبه لكم شي للحفله اليوم
حنين: هههههه أي شحاذه عمو الله يرحم والديك لا عمو هذي وحده ماما موصيتهم يسوون اكلات شعبيه
هشام: قال بقلبه يالطيف البنت حذره وانا اظنها سهله بس ماعلينا مصمم اعرف البنت هذي مين ؟؟؟ حنونه لاتكونو وصيتو ناس مو موثوق فيهم
حنين: افا عليك عمو تبغى ام طلال توصي أي ناس لا هذولا ناس نعرفهم زين وبنتهم الي شفته صاحبتي
هشام: فرح انه مسك طرف الخيط وان حنين تعرفها زين ابتسم صاحبتك !!!
حنين: يب بس لاتعلم ماما تكفى عمو تعرف ماما نظرته ماديه وماراح ترضى اصادق ناس على قد حالهم
هشام: افااا عليك حنونه مستحيل اعلم وانتي اعرف بالي تصاحبينه بس هي بنت مين ؟؟؟
حنين: بنت حمد الي ساكنين اخر الشارع هناك
هشام: وزادت دقات قلبه اسمها ايش ؟؟؟
حنين: اسمها هـــ ج ـــــير
هشام: هجير ونسى نفسه وسرح بعيد يتخيل صورتها الي علقت بباله ونظراتها البريئه خوفها ارتباكها نظرت الحنان الي فيها
حنين: عمو عجبك اسمها!!!
هشام: انتبه من سرحانه ابتسم اسمها معبر كم عمرها؟؟؟
حنين: استغربت منه ليه تسال عمو عن عمرها لايكون راح تتزوجها على ماما قسم ماما تذبحك وتذبحها لانك تعرف ماما قد ايش تحبك وقد ايش تغار عليك
هشام: انجنيتي انتي حنين انا مستحيل افكر اتزوج غير امك وانا غلطان اني سالتك صرتي زي امك شكاكه وقام
حنين: مسكت يده لاتزعل مني فديتك
هشام: لاحنونه ماراح ازعل منك يالله ابروح اخذ لي شاور واستعد لحفلة امك لاتزعل علينا
فـــي المـــزرعــــة الـــكـــبــيــره
رنا: كانت كاشخه ببلوزه حفر حمراء وعليها رسومات وتنوره قصيره مشجره وشعرها قصير مره وصابغته ومخصلته باصفر ولابسه صندل احمر مربوط على ساقها
حنين: كان لبسها ناعم مره عباره عن فستان مشجر كحلي وسكري ولابسه بلوزه باكمام بس سكري وشريطه على خصرها كحلي وطالعه ناعمه مره وحلوه
طلال: كاشخ بالثوب والغتره وطالع رزه فيها
نوره: طبعا حدث ولاحرج عليها فستان قيمته الفين ريال ومكيجتها كوفيرتها الخاصه مسويته لها
هشام: لابس ثوب سكري وغتره سكريه ولابس ساعته الالماس دبي جنيف البنيه وطالع مره كشخه نوره شافته وابتسمت له بس هو يتغصب لها الابتسامه
ام رنا: حمد لله على سلامتك طلال وعقبال مانفرح فيك انت ورنا
(طبعا ام رنا طيبه عكس اختها نوره وطلال وحنين يحبونها اكثر من امهم لانهم يحسون بحنانها لهم)
طلال: الله يبارك فيك ياخاله ويعجل باليوم الي يجمعني برنو
رنا: كانت ضامه ذراعه يوم كانت امها تكلمه عاد تتصنع الخجل خلاص تراكم احرجتوني (((موقلت لكم البنت بايعتهاا خخخ )))
طلال: فديت الخجلانات بس
نوره: وهي جايه وتمشي جهتهم بكل غرور وقفت معاهم اصلا خلاص حجزنا افخم قاعه بالرياض وراح تكلفنا تكاليف الزواج اكثر من 200 الف ريال
طلال: الله يهديك يمه ليه ها لاسراف
خالته: صح يانوره حرام الاسراف اهم شي التوفثق بينهم
رنا: ليه مستكثرين علي افرح في ليلة العمر
نوره: ماعليك حبيتي من امك وطلال ماعندي اغلى منكم اثنينكم
طلال: بقلبه لا والله يمه ماعندك اغلى من المظاهر علشان يقولون زواج ولد نوره افخم زواج شفناه
نوره: خلاص مابقى الا 3 شهور على الزواج لازم نجهز من الحين وانا حجزت لي فستان من سويسرا راح يجيني بعد شهر ان شاءالله
رنا: انا معجبني فستان من مصمم فرنسي راح اطلبه بالنت وارسل لهم الفلوس
نوره: ايوه حبيتي تراك زوجة طلال ولد نوره مو أي واحد
طلال: قصدك زوجة طلال ولد فهد الله يرحمه
نوره: عصبت بس ماحاولت توضح يالله مشينا داخل
فـــي بــيـــت حـــــمـــد
ابو عبدالله: حنا جايين نخطب منك هجير لولدي عبدالله
حمد: الله يحيكم وماراح نلقى احسن من عبدالله لبنتنا بس تعرفون لازم نشاور البنت انا ماتعودت اجبرها على شي
ابو عبدالله: خذ راحتك ورد لنا يالله على اذنك
حمد: دخل لغرفته ونادى زوجته هاه وش رايك ولد اختك خاطب هجير
موضي: ولد اختي مافيه شي يعيبه
حمد: عارف بس فيه شي يعيبه انه منتف وماراح نستفيد منه مهر يبرد الكبد
موضي: ايه والا ناوي تتشرط على ولد اختي وتزعل اختي مني ياويلك ياحمد
حمد: فكينا انتي واختك وطسي روحي قولي لها ان عبدالله جاي يخطبها
موضي: لو بيدي زوجته لاسماء بس هو مصمم على هجير حتى امه عجزت تقنعه
حمد: من زينه اسماء ان شاءالله راح يجيها واحد مريش موب مثل ولد اختك المنتف
موضي: حدك تراه ولد اختي
حمد: طيب طسي وروحي قوليلها اخويتينا ولد اختي ولد اختي
موضي: رقت لغرفة هجير الي كانت الوحيده فوق مطبقينها بسقف شينكو ومخلينها لها دخلت عليها شوفي هجير طختك السعاده اليوم لان عبدالله تقدم لك هو طلب اسماء بس قلنا له صغيره قال اجل عطوني هجير
هجير:فرحت لان عبدالله اخيرا تقدم لها وماضاق صدرها على كلام امها لانها متاكده ان عبدالله يحبها هي لان نوف اخته معلمتها سكتت وماردت
موضي: صمخ ان شاءالله ردي موافقه اولا
هجير: وخدودها حمرت يمه ابستخير وارد لك
موضي: قال استخير قال قلت لك ردي لي الحين ابوك ينتظرني تحت
هجير: الي تشوفينه انتي وابوي يمه
موضي: خلاص احنا موافقين مانقدر نرد ولد اختي وصبخت بالباب وطلعت
هجير: رفعت يدينها الحمد لله اخيرا جاني الفرج وابطلع من بيت اهلي اخيرا الله يتمم على خير بس فجاه طلعت لها صورة هشام تغير وجهها وضمت نفسها وحست بخوف موطبيعي ليه صورة هالرجال ماراحت عن بالي ليه احس اني اعرفه من زمان ليه حسيت وانا بين ايدينه بالامان معقوله اخونك عبدالله لا بس انا ماحس حب ولا اعجاب للرجال الغريب بالعكس صورته تخوفني بس ليه حسيت بالامان معاه ليه ؟؟؟
فــي الـــمــدرســـــــه
حنين: مبروووووووك هجوره الف مبروك جاك يامهنا ماتمنى
هجير: وابتسامة خجل الله يبارك فيك ياقلبو عقبالك
حنين: تغير وجهها لا ان شاءالله مابغى اتزوج
هجير: استغربت ردها ليه بسم الله عليك جمال ومال ودلال مافي شي ناقصك
حنين: لو تحبيني هجير سكري سالفة الزواج يجيني غثيان لطاري الزواج
هجير: طيب خلاص سكتنا قلبي بس اهم شي ماتتضايقي اممممم حنين ممكن اسالك
حنين: ايش؟؟؟
هجير يوم اجيب العشاء لكم يوم الخميس شفت رجال داخل لكم كان طويل وعريض ووسيم منو هذا
حنين: ههههههههههه ايش سالفتك انتي وياه
هجير: انا وياه ؟؟ رفعت حواجبها باستغراب انا ومين !؟ مافهمت عليك وضحي
حنين: ايوه انتي وياه هو جاني يسالني عنك وانتي جايه تساليني عنه مالك غير عبودي وهو ماله غير نوره راشد هههههههههههههه
هجير: حنين ايش الخرابيط الي تقولينها انا افكر بغير عبدالله مستحيل وخلاص اسفه اني سالتك مادامك راح تفهميني غلط
حنين: ههههههههههههههههه نفس الرد سبحان الله وكلكم زعلتو لاتكونو توأم وأنا مادري هههههههههههههههه
هجير: انتي ايش تخربطي
حنين: خلاص ولاتزعلي سكتت و حطت يدها على فمهاوان كنتي حابه تعرفي منو هو هذا عمي هشام زوج ماما ارتحتي
هجير: اها هذا زوج امك ظنيته اخوك صغير ماشاءالله عليه وبعدين أحس أمك كبيره مررره عليه
حنين: تعرفي مالي غير اخوي ونور عيني طلول والظاهر انك ركبتي معاه ويختلف مليون مره عن عمي هشام طلال جميل وعمي وسيم مره وجذاب الله يحفظه بعدين هو اصلا اصغر من أمي حييل تخيلي يوم يتزوج أمي عمره بالعشرين وأمي على اعتاب الاربعين يعني فرق موسهل علشان كذا ماما تغار عليه حيل
هجير: منو قالك اني رفعت عيوني ذاك اليوم لاخوك وربي لو يمر من عندي الحين ماعرفته ماركز غير بزوج المستقبل عبودي ههههههههههه
حنين: غمزت لها بعين اجل ايش معنى عمي ركزتي عليه
هجير: ارتبكت من مجرد تذكر الموقف الي صار وحست ايدينها ترجف وكأنها واقفه قدامه الحين قالت بارتباك لاني شفته وشافني على الهواء مباشره
حنين: اهااااااااااا الحين فهمت ليه يسالني عنك اتاريه شافك اكيد خبصتي عقله ياعمري ياماما زوجها طار عقله مع غيرها ههههههههههههه
هجير: ضربتها مع كتفها دوووبا انجنيتي انتي انسي السالفه خلاص والله يخليه لامك ويخلي امك له
حنين: عاد تبغين الصدق احسه ماما تحبه حيل بس ماحسه هو يحبها مره
هجير: حنونه ترا الرجال بطبيعتهم مايوضحون حبهم
حنين: بس لو ماوضحو توضح بعيونهم تخيلي احس ماما تحبه أكثر من بابا ماعمرها جابة سيرة بابا نهائي وهيمانه بعمي وتغار عليه حيل واغلب مشاكلهم من شدة غيرتها عليه وهو ماتشكل عليه لو يشوفها تكلم الف رجل يعامل الموقف ببرود
هجير:يمكنه موطبعه غيور
حنين: انتي ماتعرفي عمي شخصيته مهيبه وغامض بنفس الوقت ودايم الي شخصيته كذا يكون غيور حيل سكتت شوي تعرفي صح من يومي صغيره ماعمره قسى علي ودايم يعاملني بحنان بس ماخبي عنك نظرات كرهه لامي وغموضه يبعدني عنه أحس فيه شي عنده سر مخبيه عنا ايش هو مادري ساعات أحسه ماعمره حب ماما واقتنع بكلام اخوي طلال انه ماتزوجها الا طمعان بفلوسنا
هجير: سرحت شوي وتخيلت نظرات الحنان الي شافتها من هشام ومسكته الحنونه قالت بقلبها مستحيل يكون هذاك الحنون استغلالي لفت على حنين وحطت يدها على كتفها حنونتي لاتظلمينه لو يبغى يسرقكم كان سرقكم من عشرين سنه
حنين: لاتنسين ان عم بابا ماكتب ورثنا باسم أمي ظل محتفظ فيه حتى كبر طلال واعطاه كل شي
هجير: بس يقدر يستغل أمك حبيتي حرام الظن السيء بمسلم ماشفتي منه الاكل خير
حنين: في هذي صدقتي عمره ماغلط أوقسى علي بالعكس كان دايم حنون معاي ويدافع عني بس يكره طلال حيل
هجير: يمكن أخوك معاملته موحلوه معاه
حنين: في هذا صدقتي طلال من يومه صغير يكررهه مع أني ماعمري شفت عمي يضربه او يحرض أمي عليه لو صارت مشكله بين طلال وماما عمي يبعد نفسه اقولك انسان غامض ماتفهمين عليه
هجير:لاتشغلين نفسك فيه أهم شي انه حبوب معاك
حنين: غير حبوب عمره ماراح معاي مول او مطعم الا البنات يعاكسونه هههههههههه افتك من طلال يجيني عمي شكلي مكتوب لي ماروح الا مع رجال يجذبون البنات هههههههههههه
هجير: اجل أكيد مكتوب لك إنك تتزوجي رجال جمييييييل وجذاب والبنات زي النحل عليه
حنين: تغير وجهها وقالت بعصبيه ايش فيكم علي انتم خلاص ماطيق سالفة الزاج ابظل طول عمري عانس افهمزها ياناس وريحوني
هجير: استغربت عصبيتها المفاجاه قالت بحزت آسفه حنين وربي ماقصدت كنت امزح بس حقك علي ياقلبي
حنين: انتبهت لنفسها لا انا الي آسفه هجوره يالله مشينا تأخرنا كثيرر
انتهى هالجزاا
يش السبب الي خلى هجير تحس بالامان مع هشام معقوله هذي شرارة حب بينهم؟؟؟
ليه حنين ماتبغى سالفة الزواج ؟؟؟
هشام هل فعلا يحمل سر بحياته مخفيه عن زوجته المتسلطه نورة وهل فعلا يكرهها وماذاق السعاده معها وهل هو طيب فعلا ام يتصنع الطيبه حتى يصل لشيء في رأسه ؟؟؟
ليه حنين تتحسس من سالفة الزاج ايش السر الي تخفيه عنا !؟!؟

عارفه عقدتكم فيها بس مصيركم تعرفون سرها وقريبا ان شاءالله
ا
نتظر ردودكم على فارغ الصبر
دمتم لي بود ا
ختكم همووووووسه (((( امي روحي ))))[/size]


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 04:00 PM
أجمل و أحلى الخواطر و الأشعار رحيل الامل منتدي الخواطر الرومانسية - بوح القلوب (حصريات) 8 08-25-2011 01:55 AM
ღ♥ஓ ◦°˚◦ لا تحزن يا قلبي °˚◦ღ♥ஓ ◦°˚◦ أنا غير المنتدي العام 13 01-13-2010 06:22 PM
"تــدري وش سوى غيــآـآـآبك..!؟ {.. فصفص ..} منتدي الخواطر الرومانسية - بوح القلوب (حصريات) 4 01-09-2010 06:45 PM


الساعة الآن 03:38 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.