قديم 05-28-2011, 07:24 AM   #1
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي بكل هدوء بكل محبه إسمع الكلمة الأخيرة .. ما أبيك !



بسم الله
الروايه منقوله
واخليكم معها
قراءة ممتعه
*
*
*
*


مرحبا شلونكم

حبيت أنزل رواية كاتبتها بنت عمي

واتمنى ان تحوز على رضاكم واستحسانكم

وهذي أول روايه لها

قريتها وأعجبتني وعرضت عليها ننزلها بمنتدى

وأذا لقيت اقبال وردود حلوه من قبلكم أكملها لكم انشالله


بسم الله ابدأ




في بعض الأحيان ..حتى لو كنا نحب شخص ما إلى حد الجنون أو المرض ..حتى لو كان إبتعاده عنا لثانيه واحده قد تؤدي إلى فناءنا وتمزيقنا الى اشلاء لا يستطيع افضل غراء أن يعيد لصقنا..
فمجرد سماعنا أنه تعرض لوعكه خفيفه تشل أفكارنا أجسامنا وتنززل دموعنا إذانا بالحزن والعذاب لأن محبوبنا يتعذب ..حتى لو كان هذا الشخص هو الحب الأول والأخير..حتى لو كان هو الحب المستحيل الذي
تحقق في ليلة وضحاها وأشرقت عليه شمس الواقع ..إلى انه عندما يجرحنا هذا المحبوب نتناسى جميع الجروح الأخرى ..الجروح التي قد تكون من ألد اعدائنا ..الا اننا ننساه وقد تصبح بسيطه وواهنه
وقد نسامح الاعداء ....
إلا جرحه هو..لأنه صدمة العمر .....تتخذ النفس موقف الدفاع عن الكرامه المجروحه.. وتجهز اسلحة الصد والهجران...
قد يظل حبه في القلب وقد يزيد..يزيد كثيرا..لكن ياللعجب!!!
يصبح حتى مجرد النظر اليه مكروه!!كيف تكره النظر لشخص تعشقه حتى الجنون؟!!
هل لأن الروح المعذبه مجروحه من قبل الأنسان الذي لم تفكر حتى مجرد تفكير بأنه سيأتي يوم ما يذبحها فيه ويعلقها بالهواء ..فقد نود ان ننطلق ونحضنه بقوه حتى تصبح اضلعنا واحده وعظامنا واحده..
ألا ان هناك ما يثبتنا مكاننا ويمنعنا .. ولا يسمح لنا ابدا على هذا الضعف والخنوع المهين لذاتنا..انها الكرامه المهدوره من قبل رجل حفظ لها كل شيء الا كرامتها .. وهذي الكرامه تعود لفتاة اسمها **فرح**






الفصل الاول :-



عشانكم بس .. اشقى واتعب عشانكم بس !!


فتحت الثلاجه البيضاء متوسطة الحجم وطلعت كالعاده اربع بيضات وجبنه ولبنه وخبز . طلعت المقلاة وحطتها على الفرن وكسرت بداخلها البيضات وحطت الجبن واللبنه بصحن وسخنت الخبز .
فرح : صباح الخير جده وباست راسها وكملت شلونج اليوم يالغاليه ان شاء الله احسن ؟؟
تنهدة الجده وهي تطالع حفيدتها الغاليه على قلبها ومستغربه شلون قادره تبتسم والهم والشقى فوق راسها
الجده : صباح النور يانور عيني شمقعدج من فجر الله ؟! وانتي امس تعبتي معاي نامي وارتاحي .
ابتسمت فرح وبانو اسنانها البيض المصفوفه : وين انام ياجده وانا وراي دوام ؟ وخبرج مديرنا اقشر مايتفاهم : يالله بروح اقعد ناديه وخلود وعبودي لاتطوفهم المدرسه
الجده : الله يعينج ويفرج همج ويشرح لج صدرج يافرح يابنت ناصر .
كانت فرح تقول بينها وبين نفسها آخ ياجده لولا دعاويج الحلوه واللي تطيب الخاطر كان انا من زمان ذابحه نفسي ومفتكه من هالدنيا








الكاتبه ** غصن الذهب **


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]

التعديل الأخير تم بواسطة لجل كل القلوب ; 05-29-2011 الساعة 02:58 PM
لجل كل القلوب غير متواجد حالياً  
قديم 05-28-2011, 07:25 AM   #2
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


دخلت فرح غرفة عبدالله وخلود واتجهت لفراش عبدالله بالاول
فرح : عبود عبود عبود ناده بسرعه وهي تهزه بقوه كبيره لان مستحيل يقعد بغير هالطريقه
عبدالله:يوه خاله مية مره قلت لج لاتقعديني جذي والله انج غثيثه باللحظه قعدت خلود وهي تفرك عيونها وتمغط
خلود : عيب عليك تقول لخالتي جذي انت ماتستحي ؟!
فرح ماكانت تقعد خلود لان بمجرد ماتقعد عبدالله خلود تقعد تلقائيا
عبدالله: اكرمينا بسكوتج انتي مالج شغل انا وخالتي نتفاهم
فرح بملل: بس انت وياها قومو غسلو والبسو ملابسكم علشان تريقون وتداومون على مااقعد خالتكم ناديه بلقاكم مرتزين على السفره فاهمين ؟؟
دخلت فرح غرفتها او بالاحرى غرفتها المشتركه مع ناديه لقت ناديه تلبس ملابسها علشان تروح الجامعه
ناديه: صباح الخير
فرح: صباح النور
قعدت فرح على طرف السرير ولبست دلاغاتها والبوت لان الجو كان بارد شهر واحد بالكويت وحطت فرح ايدها على راسها وتمت تضغط عليه لمدة دقيقه تقريبا
ناديه: فروحه حبيبتي شفيج عسى ماشر ؟
رفعت فرح راسها ببطء وطالعت لاختها
فرح: مافيني شي بس يمكن لاني مانمت عدل امس وقامت لبست عبايتها اللي باين عليها قديمه لكن نظيفه ومرتبه وضبطت ملفعها
ناديه: فروحه اذا تعبانه لاتداومين اليوم مو لازم
فرح: لا لازم اداوم ولا يخصمون علي وانتي عارفه الايجار قرب مع معاش السايق اللي مأجرينه علشان يوديني ويوديج وباص خلود
ناديه: اي ماراح يخصمون واجد كلها عشرين دينار !! بعدين انتي كلش ماتغيبين ولا مره اذكر انج ماداومتي او اخذتي اجازه
خذت فرح شنطتها وتوجهت برا الغرفه وقالت قبل تطلع: هالعشرين على قولتج ينفعونا نشتري دواء حق جدتي يلا امشي لانتااخر
طلعو من الغرفه لقت بس خلود وجدتها على السفره اما عبدالله فكان مو موجود
فرح عصبت وقالت بقهر: هذا وينه ؟ لحد الحين ماقعد ولبس ؟ ياربي راح يجنني راح..
ضحكت خلود وقالت: شوي شوي خالتي بالعدال عبدالله طلع راح المدرسه
استغربت فرح هالشي بالعاده يعل جبدها وتقعده مية مره باليوم
ناديه: عبود داوم!! ومن اول مره تقعده فروحه!! لا اليوم بيصير شي خطير هههههههههه
وتربعت جنب بنت اختها وجدتها وقعدت تاكل
اما فرح ماارتاحت مو من عوايد عبدالله يداوم بدري لا وبعد مايتريق!!
قلبها قارصها اكيد فيه شي وراه الله يستر منه هالولد بس ويصلحه
بعد الريوق خلود راحت المدرسه مع الباص وفرح عطت جدتها دواها وباست راسها ووصتها قبل تطلع: جده تكفين لاتنسيني بالدعاء
الجده: يابعد عيني انتي روحي الله يوفقج ويفتحها بوجهج ويرزقج من رزقه يارب ياكريم
بعدها طلعو فرح وناديه وركبو مع السايق اللي مااجرينه علشان يودي فرح الدوام وناديه الجامعه

نبذه عن عائلة فرح :
فرح عمرها 23عايشه مع اختها وجدتها وعيال اختها خلود وعبدالله بملحق ايجار لان فرح واختها من غير محددي الجنسيه ( بدون )
اما جدتهم فكانت من دوله عربيه فقيره جدا
تغيرت حياة العائله من قبل خمس سنوات بس !!
في سنه وحده فقدو اربع افراد من العائله دفعه واحده اختهم ام عبدالله وخلود كانت متزوجه من رجل سعودي عرفت عليه وتزوجته بعد قصة حب طويله
لكن شاء القدر ان يتوفى هذا الرجل بعد ولادة خلود بااسابيع قليله لذلك ادى لاصابة اختهم احلام باكتئاب شديد مرافق لاكتئاب الولاده
كانت لاتااكل ولا تشرب رغم محاولة والديها واختيها وجدتها ان يخففو عنها هذا المصاب الجلل
لكن في يوم من الايام وجدوها متمدده بفراشها لاتتحرك ولا تتنفس وتبين لهم انها اكلت كميه كبيره من الحبوب ادت لوفاتها
انتحرت احلام لانها لم تكن من الذين يملكون ايمانا قويا ولم تقوى على فراق زوجها وحبيبها
في نفس السنه وفي اواخرها تقريبا كان ابوهما قد قام بمجهود جبار لادخال ناديه الى الجامعه وبعد واسطات كثيره وصولات وجولات في دواوين النواب استطاع ان يدخل ناديه
لكن الفرحه لم تكتمل تسبب حادث اليم بمقتل امها وابيها وهم عائدون الى المنزل من مكان ما
بعد هذه الاحداث اصبحت فرح هي الام والاب لهذه العائله والمسؤوله عنها فهي مسؤوله عن امرأه مسنه وفتاة بالعشرين ومراهقين
مما اضطرها للعمل بااحدي الشركات الخاصه بااجر بالكاد يغطي احتياجاتهم من سكن ومواصلات وملبس ومااكل وطلبات مدارس التي لاتنتهي
ناديه : 22 سنه
عبدالله: 15 سنه
خلود: 13 سنه


جالس بسيارته bmw2009 بكل استرخاء وكان يقلب ملف بين ايدينه عقبها حذف الملف جنبه وطالع من الشباك
وقف السايق عند الاشاره وهالشي عطى فرصه للولد اللي عمره 7 سنوات انه يقرب عند الشباك ويبدا يصف الادعيه ( الله يخليك الله يوفقك الله يعطيك العافيه )
ومن هالكلام اللي تعودنا نسمعه من هالنوع من الناس
زفر مساعد وهو يطلع بوكه gucci وطلع منه 10 دنانير وعطاهم للولد اللي طار من الفرحه وقعد يبوس شباك السياره
بعد فترة بسيطه وقفت bm امام الشركه اللي يملكها مساعد ..
طبعا اول مامر مساعد عند الحارس فز المسكين من قلب وانكت الشاي عليه لكن من الهيبه ماحس بشي وفتحله الباب بمقولة صبحك الله بالخير طال عمرك
ومشى مساعد داخل الشركه والموظفين يوقفون له احترام وتقدير..
مساعد مدير دكتاتوري مايتفاهم ماعنده غلط صغير او كبير الغلط غلط والصح صح كل شهر يجرد ملفات الموظفين من الصغير الى الكبير
ولو شاف نقصان لو صغير في ملف اي موظف مانقول الا الله يعين هالموظف
قعد مساعد على مكتبه طبعا لازم يلقى البريد جاهز وكل الاوراق اللي تعود يقراهم بالاول او يوقع عليهم
وقع استلام البريد الاول وقع استلام البريد الثاني ووقع استلام البريد الثالث والرابع والخامس .. وين السادس ؟!
السكرتيره اليوم ارتكبت خطأ عادي لمعظم الناس لكن بالنسبه لمساعد يعتبر خطأ فادح نست بريد واحد ماسلمته على المكتب او بالاحرى المسكينه مانسته بل اخذت مجموعة الاوراق بس ورقه وحده ضلت على المكتب بدون ماتنتبه لها
ضغط على زر المناداة مساعد: سهام تعالي المكتب
دخلت سهام السكرتيره المصريه المسكينه وعلى وجهها ابتسامه مشرقه وكانت لابسه.. ولا ليش اشرح شنو لابسه وهي تبي تفارق القصه حتى قبل تبدأ !!
بادرت سهام بالكلام: ايوه طال عمرك تؤمرني بحا.....
يكره قرقتها وكلامها الزايد عن اللزوم : قاطعها وهو يستند بملل على الكرسي الفخم: وين البريد السادس ؟؟
سهام بارتباك: موجود يافندم
مساعد بهدوء: وين؟
سكتت سهام لحظه وبلعت ريقها بقوه: عندك مع بائي ال....
قاطعها مساعد: مو موجود ؟!
توترت سهام بشده راح يطردها اكيد وين راح تلقى شغل ؟!
سهام: اكيد على مكتبي انا حــــ.....
مساعد بغضب: على مكتبج شيسوي ؟؟
سهام: حروح المكتب اجيبه ثواني بس
مساعد: انتي راح تروحين المكتب تلمين اغراضج .. انتي مطروده .. مري على قسم المحاسبه واخذي مستحقاتج وضغط بعدها على زر بجنبه: شاهر دبر سكرتيره جديده


0 فلاش ينادى فؤادى
0 هل هذا اسمك ؟
0 6‏ أسطونات في شرح كتاب الوجيز في فقه السنه الكتاب العزيز
0 مسابقة الخواطر الرومانسية
0 فلاش : الحث على الخشوع فى الصلاة
0 عصابة البنات وعصابة الشباب
0 انا العبد الذى..........
0 جمل رائعة ومعاني ضائعه
0 ليلة عمر لا تنسى
0 شـــــــــــــباب آخـــــــــــــر زمــــــــــــــــن !!
0 قصص حكيمة وفوائد
0 نـفـع و إسـتـنـفـع ~~ حـاجـه مــنا و لـيـنا -- مـتـبـخـلش عـلى نـفسك
0 حــوار بـيـن الـحـور العين ... و نـسـاء الـدنـيـا ---
0 صورة الى كل من يتصيد أعراض المسلمين ويوقع بالفتيات في الشات أو المنتديات أو الشارع
0 هذة اسرار جمالى
التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً  
قديم 05-28-2011, 07:50 AM   #3
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي



كثير من العنا فيني واقول بخفيه واكابر..

ولا ادري كثير الهم يشيب العمر به بدري ..

عرفت ان الوفا احلام ..

ومع هذا انا صابر ..

على جور البشر واكثر ..

ياليت يازمن تدري ..

عطيتك يازمن وقتي ..

ودايم بكلمتي حاضر ..

ولما احتاجتك نفسي كسرت بخاطري وقدري ..

عطيتك يازمن عمري ..

عطايا الامس والحاضر ..

ويوم احتجت لاحساسك ..

طويت بظلمتك فجري ..

على حمل الاسى مااقوى ..

ولا لي خافقن قادر ..

تراني مكتفي بالحيل ..

ثقيل الهم في صدري ..

عسى الايام تنصفني ..

وتعدل حظي العاثر ..

تحس بقيمة احساسي ..

وتحس بوضعي وقدري ..

كثير من العنا فيني ..

واقول بخفيه واكابر ..

وانا اخفي كثير الهم يشيب العمر به بدري ..

عرفت ان الوفا احلام ..

ومع هذا انا صابر ..

على جور البشر واكثر ..

ياليتك يازمن تدري ..






دخل شاهر على مكتب مساعد بدون استئذان.. لأن الوحيد بالشركه وبالعالم كله اللي يمون على مساعد هو شاهر بس!!شاهر صديق الطفوله ومساعد يحبه ويعزه حيييييل
مع ان شاهر كان من عائله متوسطة الحال الا ان حاليا من اغنياء الدرجه الثانيه!!
دخل شاهر وسكر الباب وراه وحط ايدينه على خصره شاهر:خير يا أخ مساعد ..شعندك هالمره طاردها؟!!
مساعد وهو يدقق على بعض الاوراق
شعندي؟!!الاخت ناسيه البريد!!
شاهر :
لاااااا..ما يصير..لا ..لا..ناسيه البريد مره وحده!!المفروض نعدمهااا مو بس نطردهاا اللحين الشركه خسرت.. ومساعد انفقر..كان شاهر يلف ويدور ويحرك ايدينه بسخريه
مساعد رفع راسه عن الاوراق شويهر لا تقعد تتطنز لا اراويك الشغل!!
شاهر:
مدري عنك طاردها ومسوي ازمه ودور لي سكرتيره ..ترا اقصاها نست البريد خربت الدنيا يعني؟!!
مساعد رجع راسه للاوراق اللي قدامه:
تدري فيني ما احب الاهمال والكسل
شاهر:
اي بس هالشي ما يسمونه اهمال!!المره نست وكلنا ننسى وخصوصا انها اول مره تنسى وانا اشهد انها شاطره هي الوحيده اللي تحملتك وتمت عندك سنه كامله!!
مساعد:
شاهر انت اكثر واحد عارف ان الكفؤ فقط هو اللي يثبت نفسه عندي وانا ما ابي اي غلط عندي بالشركه
شاهر:
اجل ما راح تحصل لك سكرتيره!
مساعد :
وليش بالله وقفت علي انااا؟!!
شاهر:
اي وقفت عليك انت الصراحه تبي وحده ما تغلط ولا تنسى وهالصفتين هي اللي تجمع كل البشر ومحد خالي منهم حتى انت..الا اذا تبي توظف لك ملاك ههههههههههههههه
مساعد:
استغفر ربك!!قوم قوم بس دور على سكرتيره..ولا تنسى اجتماع لكل الموظفين
شاهر:
انت مصمم على رايك؟!
مساعد بتملل:
اي
شاهر:
يس يا مساعد..
مساعد:
شاهر انت عارف ان قرار التخلي عن بعض الموظيفين لابد منه هالازمه العالميه ماخلت احد بحال سبيله وانا مو اول واحد سوى جذي
اذا بنقذ الشركه لابد اني اتخذ هالقرار
شاهر:
معاك حق هالازمه اثرت على الجميع..الله يعيننا بس..متى تبي الاجتماع؟
مساعد:
اليوم الساعه 10
شاهر:
اوكي ..فمان الله
مساعد:
فمان الكريم





في نفس الشركه لكن في قسم الارشيف...

الارشيف كان القسم اللي تشتغل فيه فرح وبالتحديد بالسرداب ومعاها كم بنت والمشرف عليهم كان واحد اسمه صالح لكنه كان عكس اسمه تماما
ساره:
طرد سهااااام؟!!المسكينه ظروفها حيل صعبه وين تروح؟!
انوار:
لا حول ولا قوه الا بالله هذا ما عنده ضمير؟ما يحس؟شاف الله معطيه من هالملايين يمشي ويقطع ارزاق العالم؟!
فرح وهي تاكل الكيكه اللي بيدها:
الحمدلله اني ما اشتغل بالطوابق الي فوق..انا اسمع اسمه ارجف فما بالكم اقابله..اصلا مدري شلون كانت مقابلته!!
البنات:هههههههههههههههههههههههه
هيا:
والله انك صادقه..يا ويلي ويلاه اقشر مقشمر ما يتغشمر!!
البنات:هههههههههههههههههههههههه
فرح:
والله انج مرجوجه ماتخلين سوالفج ههههههههههههههههه
انوار:
بس يا بنات يا انه مزيووووووون قطعه
فرح:
زينه له يا انوار وما راح ينفعه؟؟كلش ولا قطع الارزاق
انوار:
اي بس هذا ما يمنع ان نقول عنه مزيون..ما قد شفتيه فروحه؟
فرح: لا والله ما حصلي الشرف..وبعدين وين اشوفه واحنا موظفين الارشيف ندخل من الباب الخلفي ..بسلامتهم عشان ما نسوي زحمه على موظفين الطوابق العلياا
هياا:
والله انك صادق يا صويحبتي..ولفت على انوار وقرصتها :الا انتي يالملعونه وين شفتيه وشلوون؟
انوار تتنهد :
سلمكم الله مره زوجي جا اخذني..تذكرون لما استأذنت قبل نهاية الدوام وكان ينطرني عند باب الشركه الامامي وفعلا طلعت من عند هالباب لاول مره من داومت بهالشركه
وصادف انه المدير مساعد جاي بنفس الوقت ..شقول يا بنات شنو اوصف .جماااااال..جمااااااال ساره كانت حاطه ايدها على خدها وسرحانه مع كلام انوار وهيا مبتسمه
لا ارادي وفرح كانت تطالع لهم منصدمه
فرح:
هي انتو شفيكم ذبتو معاها يعني شنو مافي احلى منه ..لا ممثل ..لا مطرب
انورا:
لا لا يا فروحه على قولتج لا مطرب ولا ممثل اقولج روووووووعه
هيا:
يا ويلي ويلاه اشهد محمد{زوج انوار}راحت عليه المسكين ههههههههههه
البنات:هههههههههههههههههههههه
فجأه دخل عليهم المشرف على قسمهم صالح:
هااا الحلوين شعندهم !!ههههههههههههههههههههه
هيا بهمس لفرح:
الرجال هذا مو بصاحي..اموت واعرف ليش يضحك ؟هو قال شي يضحك؟
فرح:
واللي يعافيج اسكتي عنه لا يناشبنا خليه يقول اللي عنده ويذلف
صالح بابتسامه مشرقه:
فرح شخبارج؟
طالعو البنات صوبه وهم عارفين شكثر هالموضوع يضايقها كان يتحرش فيها كلاميا بس يكون كلام مبطن وغير مباشر وهالشي غاث فرح عالاخر
فرح:
بخير استاذ صالح..انت شلونك وشلون ام العيال؟مبروك المولود الجديد!!
هيا حبت تساعد فرح وتساندها:لا عالبركه يتربى بعزك
انوار مشت معاهم عالخط:مبروك استاذ ها مولودك السادس مشالله عقبال ما تصير جد
ساره ضحكت بصوت واطي
رد عليهام بغضب وبسرعه:
اي اي الله يبارك فيكم..عموما جيت ابلغكم في اجتماع ضروري الساعه 10 بمكتب المدير العام نفسه لا تنسون لا تتاخرون فاهمات؟وطلع عكس ما دخل منغث من البنات
ظلو البنات يطالعون لبعض منصدمات ..اول مره صاحب الشركه يسوي اجتماع على مستوى جميع الموظفين ..اللي متعودات عليه ان يجتمع برؤساء الاقسام
لكن انه يجتمع بكل الموظفين ..موظف ..موظف..لكن الاهم عند البنات ان كل وحده كانت تقول بنفسها اخيرا بشوف مديري مساعد!!
رن تلفون فرح وكان جدا متواضع بل اقل من المتواضع حتى نغمته كانت شبيه بنغمه تلفون الاطفال!!
انوار:يالله هالتلفون تراوالي انقرض من زماااان انتي الوحيده اللي تستخدمينه!!
فرح وهي كانت تدور عليه داخل الشنطه:
المهم يقول الو..مو؟
فرح:
الو؟
.....:
السلام عليكم..الاخت فرح؟
فرح:
اي..منو معاي؟
.....:
معاج ناظر مدرسة عبدالله ولد اختج!!
فرح بهاللحظه قلبها يدق بقوه فرح:
ليش؟ شفيه عبدالله؟صاير له شي؟
البنات قربو صوبها لان بان عليها الخوف
الناظر:
اخت فرح لا تحاتين عبدالله ما فيه الا العافيه وهو حاليا عندي ..بس في مشكله صايره وياليت تجين اللحين عشان نحلها
طرا على فرح الاجتماع.شلون تقدر تروح ..يعني تطنش الاجتماع؟
لازم اليوم ؟واللحين؟
الناظر:
انا عرف انج مداومه عبدالله بلغني لكن الموضوع مهم وما يتحمل اي تأجيل واذا انتي تبين مصلحة عبدالله لازم تحضرين
فرح:طيب ممكن اعرف شنو السالفه؟
الناظر:المشكله طويله ويبي لها قعده لازم تحضرين شخصيا واشرح لج ا
فرح:
طيب طيب بحاول
الناظر:ضروري يا اخت فرح حضورج اليوم..
فرح بضيق:انشالله انشالله
بنفس اللحظه اللي فرح سكرت فيها التلفون ولفت تبي تشكي لرفايجها دخل عليهم مسؤولهم صالح:
بنات ترا الاجتماع انلغى باللحظه الاخيره..وطلع مستعجل
فرح استانست :الحمدلله والشكر الالغاء جاا بوقته ...بناات؟
طالعو لها البنات
فرح:عبدالله مسوي مشكله بالمدرسه ولازم احضر
هيا متعوده على سماع شكاوي فرح عن مشاكل عبدالله :وليه على هالعبدالله الله يكون بعونج..احس انج شيبتي منه وصرتي جدته مو خالته!!
انوار ناولت فرح شنطتها:روحي فروحه ولا يهمج حنا بنغطي عنج بعدين كلها كم ساعه ويخلص الشفت
فرح :الله يخليكم لي ولا يحرمني منكم
ساره:ولا منج يالله روحي روحي لا تتأخرين على المدرسه
فرح وهي متجهه صوب الباب:ماراح اطول بس اعرف السالفه وارجع اكمل الدوام
البنات:الله معاج
طلعت فرح وهي تفكر بعبدالله..وبعدين مع هالولد؟شنو وراك من مصيبه هالمره ؟الله يستر منك بس


في مكتب المدير العام..

شاهر:هااا عسى ما شر شعندك الغيت الاجتماع؟هداك ربك عن طرد المساكين ههههههههههههههههه
مساعد:..لا الطرد ناوي عليه ولا ما اطلع مساعد بس محمد عنده مشكله بالمدرسه ..الناظر داق ويقول انه متهاوش مع طالب من مدرسه ثانيه
شاهر يعرف عدل حب مساعد لولد اخته الوحيده :لااا عاد هذا الغالي اللي ما ترضى عليه..سبحان الله نسختك قلبا وغالبا
مساعد ابتسم:اكييييد تربيتي
شاهر:الله يعين اللي متهاوش معاه شيفكه منك اللحين هههههههههههههه
مساعد:اكييييييد الله يعينه هذا ولد امل مو اي احد
شاهر:الله يكون بعون الولد هههههههههههههههه
مساعد:هههههههههههههههههه

نزلت فرح من التاكسي وقالت له ينطرها برا لانها ما راح تطول وهي عارفه هالشي لانها متعوده على سوالف عبوود بالمدرسه..دخلت المدرسه وراحت على طول غرفة الناظر
المدرسه كانت هاديه لانهم حاليا تقريبا بالحصه الرابعه
طقت فرح باب غرفة الناظر اللي اساسا كان مفتوح عالاخر ودخلت وكانت عيونها تدور عبدالله
الناظر:اهلا اخت فرح حياج
فرح الله يحييك..شمسوي عبدالله هالمره يا استاذ بدر؟
الناظر:تفضلي بالاول استريحي ..احنا ننتظر ولي امر الطالب اللي عبدالله متسبب عليه
رفع الناظر التلفون وكلم واحد اسمه عمر وقاله يجيب عبدالله عنده بالغرفه ..دخل عبدالله ووقف عند خالته
الناظر:اقعد جنب خالتك يا عبدالله
قعد عبدالله جنب فرح بكسل
الناظر:كلها دقايق انشالله ويجي الطالب وولي امره وناظر مدرسته..اخت فرح عبدالله رايح لمدرسه خاصه قريبه من مدرستنا ومتهاوش مع طالب من طلابها ومعتدي عليه بالضرب
طالعت فرح بعبدلله اللي كان مركز على لوحه معلقه قدامه وكانت نظرتها تقول وصلت فيك المواصيل يا عبوود تروح تتهاوش مع طالب من مدرسه ثانيه!!مو كافي مشاكلك بمدرستك!!
وطبعا عبدالله فهم هالنظره اللي متعود عليها
الناظر:لكن افضل ما نتكلم لحد ما يجون الاخوان..ورفع السماعه وقعد يتكلم فيها
فرح كانت حدها متوتره تفكر بالدوام اللي طلعت منه بدون استأذان..هذا غير ان الغرفه راح يكون فيها كذا رجال وهي الوحيده بينهم!!لكن يمكن وجود عبدالله يطمنها ولفت على عبدالله
وتأملت شكله عدل..انتبهت للجروح اللي على وجهه وايدينه ..مدت ايده ولمست الجروح اللي على وجهه والناظر كان مشغول بالمكالمه ويكتب بالنوته
فرح بخوف:عبدالله ليش كل هالجروح؟شمسوي بعد؟
عبدالله حده معصب عليها:ماسويت شي!انتي شلي جايبج هني؟حلات شكلي وانتي جايه تكلمين الناظر شقول لربعي؟خالتي جايه تفزع لي؟فشله يا خاله فششششله
كانو يتهامسون عشان الناظر ما يسمع
فرح تنرفزت من عبدالله تاركه اشغالها وجايته ومو عاجبه الاخ!!
فرح:عندك حل ثاني ؟تدري اني اذا ما جيت ممكن يفصلونك وذيك الساعه منو بيردك؟وبعدين دامك مستحي مني ليش تسبب مشاكل؟اذا ما تبيني اجي ليش تسبب مصايب؟وبعدين
لا يكون على بالك اني مستانسه رازه وجهي بمدرسة صبيان ادافع عن ولد اختي اللي طولي بس مدري متى بيعقل؟
عبدالله وعيونه عالناظر لان عارف فرح اذا عصبت:زين زين خلاص لا يسمعج الناظر مو ناقص فضايح !!
فرح عصبت بس مسكت نفسها:غربل الله ابليسك انا اللحين صرت فضيحه؟هين حسابك بالبيت !!
عبدالله بترجي:خلاص خاله واللي يعافيج
فرح رفعت حواجبها:بعد وبنفس خايسه!!هين هين يا عبيد وصدت عنه
ما قدرت تصد عنه اكثر لفت تطالع له ..كانت مخباته مشقوقه وكم زرار مقطوع وبقع دم صغيره لكن غير مرعبه ..تنهدت بصوت واطي الظاهر اني بشيب وانا بعدي بالعشرين
بسبة عبووود!!
فجأه دخل رجال متيين وله لحيه كثيفه وبعده دخل رجال طويل وعريض واسمر وكان مسوي قفل وملامحه حاده بشده كأنها منحوته لكن مملوح بشده وجذاب ودخل بعده ولد بنفس عمر عبدالله
لكن كان كربون من الرجال اللي قبله بس فرق الجسم والطول والقفل..
سلموا عالناظر وقعدو قدام الكراسي اللي عليها فرح وعبدالله..
لاحظت فرح ان الولد حالته نفس حالة عبدالله تقريبا مجرح وملابسه مشققه..بس كان يطالع لعبدالله بكره وحقد مو طبيعي وعبدالله كان يبادله نفس النظرات..
حست ان عبدالله وده يقوم ويضرب الولد ..لكنها حست في عين متسلطه عليها..وجهت عينها لولي امر الطالب ..كان يطالع لها بحواجب معقوده كأنه يقول شجايبج لمدرسة صبيان؟
نظرته كانت حاده مثل ملامحه نزلت عينها بسرعه ومسكت ايد عبدالله تلقائيا
تكلم الناظر اخيرا:اخت فرح هذا احمد الخالد ناظر مدرسة محمد الولد اللي عبدالله غلط عليه
فجأه نط عبدالله وتكلم بسرعه:انا ما غلطت عليه ..ما غلطت عليه من اليوم اقولك اني ما غلطت عليه
مسكت فرح ايد عبدالله وكلمته بصوت واطي رجع ثاني مره قعد مكانه..
رفعت عينها لقت الرجال مازال مركز عليها تركيز مو طبيعي
خذت نفس وحاولت تتجاهل نظراته الغير مفسره..
فرح:ممكن اعرف على اي اساس حكمت على ان عبدالله غلطان؟؟
الناظر:لأن ببساطه الهوشه صارت عند مدرسة محمد
فرح استنكرت تحليله :اي بس هذا مو دليل كافي على ان عبدالله الغلطان!!
ناظر مدرسة محمد:وليش يجي عند مدرستنا من الاساس؟
عبدالله نط ثاني مره:وليش ما اجي هااااا؟ممنوع يعني؟وهذاا {اشر على محمد }تعرض لي مع ربعه!!
مساعد بهدوء غاضب:انت هي..اياني واياك تقوله هذاا فاهم!!
عبدالله باستهزاء:وانت اياني واياك تقولي هي..فااهم!!
فرح : عبدالله اقعد..
مساعد طالع لفرح بتركيز:الظاهر ام عبدالله ما عرفت تربي عبدالله عدل ..
محمد باستهزاء:وين تربيهـ وهي ماتت منتحره اصلا ..
مساعد باستهزاء اكبر من استهزاء ولد اخته:لا لا الله يرحمها يظهر ان العايله فيها مرض نفسي وراثي
فجاه نط عبدالله على محمد ومدده على الأرض وقعد يضرب فيه بحقد وكره ويردد:والله ان جبت طاري امي ادفنك تفهم شنو يعني ادفنك؟؟اذبحك واشرب من دمك
يا نذل ..يا حقير يا رخمه..وطاح فيه ضرب مبرح
وشلون ما يبونه يعصب وهم يتطنزون على امه الغاليه!!وتم يضرب بوجه محمد اللي ما عادت باينه من الضرب المبرح من قبل عبدالله
فجاه شال مساعد عبدالله بقوه وبإيد وحده وضربه كف على وجهه خلاه يلزق بمكتب المدير!!
صرخت فرح برعب وحتى الناظرين ما تكلمو من الصدمه وقوة الضربه!!
صحيح ان عبدالله كان طايح بمحمد ضرب لكن شجاب عبدالله وهو جسمه ضعيف وهزيل لجسم مساعد القوي؟؟

طاح عبدالله على الارض وهو نصف واعي نزلت فرح جنبه على الارض وقعدت تضرب خدوده على الخفيف وهي تناديه باسمه بصوت مهزوز:عبدالله ..عبوود ..رد علي عبود الله يخليك
رد علي انا فرح خالتك!! ولفت على مساعد معصبه والدموع ماليه عيونها:انت شنو يا اخي؟شلون تسمح لنفسك تمد ايدك عليه؟جهال وتهاوشو بدال ما تفرق وتصير محضر خير تقوم تضرب الولد!!!
مساعد كان يساعد محمد يقوم :احمدي ربج انه عايش والله لو صاير شي حق محمد كان ذبحته قدامج!!
فرح منصدمه من مبدأه العنصري:يعني ولدك يهمك وولد غيرك بالطقاق؟!!
مساعد: اي بالطقاق فاهمه!!
طالعت فرح بناظر المدرسه تنتظر منه التدخل لكن الصمت كان سيد الموقف!!
تشجعت وتكلمت:عبدالله ما غلط على احد..وانا متأكده وبدون لا اسمع السالفه بالكامل انه ما غلط على احد..وعبدالله متربي غصبن عليك واذا في احد مو متربي فهو انت اللي حاط دوبك ودوب
جاهل..وولدك لو كان فيه خير كان دافع عن نفسه ما ظل منسدح هالرخمه جنه بنت!!
مساعد ظل يطالع فيها ويطالع بعيونها الغاضبه وشفايفها المرتعشه بقوه من الغضب
مساعد:والله واللي خلقني لو انج رجال كان عرفت شلون اتصرف معاج..صج وحده ما وراها والي ( رجال )..!!
فرح بتحدي وركزت نظرها عليه:اي انا وحده مالها والي ( رجال ) شعندك؟قسما لو صار لعبدالله شي والله راح تندم طول عمرك!!
مساعد ضحك بسخريه ورفع حاجبه اليمين:هههههههه اقول استريحي واخذي هالعاهه معاج وهذا وجهي اذا رجع للمدرسه بعد اليوم ولا ما اطلع مساعد عبد الكريم الناجي!!
رمشت فرح بقوه وبسرعه ..لا مستحيل يكون مديرها ما غيره!!لا لا إلا ان يكون مديرهااا مستحيييييل
تمت تناظر فيه بصدمه وغضب و وهو كان يبدالها النظر
مساعد بعد صمت :انا ماشي وماخذ ولد اختي معاي لكن ما راح اعديها ياللي مالج ...والي ( رجال )!!!
وطلع مع اللي دخلو معاه..
قرب منها المدير عشان يساعدها على حمل عبدالله لكنها نهرته بشده:لا يا حضرة الناظر..ما قصرت بيضت الوجه معاي قبل شوي!1
الناظر بخجل شديد:اخت فرح هذا مساعد الناجي ..حتى انتي سكتي لما سمعتي اسمه؟؟طالعت له بنظره غاضبه وطلعت مع عبدالله اللي بالغصب كان يمشي من تأثير الضربه

طلعت من باب المدرسه ما لقت صاحب التاكسي اضطرت تدق عليه وقالها بيجي بعد دقايق..قعدت مع عبدالله على الكراسي اللي عند باب المدرسه وكان مساعد واقف عند
سيارته الفاخره اللي حتى بالحلم مو مسموح انها تركب وحده مثلها وكان يتأملها بعيون مليانه تهديدات لكن هي ما خافت ردت له النظرات بكره وقالت بنفسها{والله لو مو المسؤول
عن معاشي ( راتبي ) لو حياتي بايده ماراح يهمني النذل..بغى يذبح عبدالله..كافي امي وابوي واختي وهالدور عبدالله!!مارااح اسمح بهالشي واذا على
الوظيفه بدالها ألف..يمكن هو معاه فلوسه ومعارفه وملاينه لكن انا معاي ربي وربي بيعيني عليه انشالله}
مساعد واقف يطالع بحقد{هين..هين..والله لجيب راسج و لسكرها بوجهج من جميع الجهات لخلي حياتج سواد بسواد.. هي ما شافت
عبايتها ولبسها هالشحاذه؟!!لكن وين بتروح مني}






نهاية البارت الاول :-


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً  
قديم 05-28-2011, 08:52 AM   #4
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


يادمـع عيني خـفّ ..
جّرحـت .. / عيني ..
والعين تبكي .. خوف ..
تفقد بصرها ../
كفّ يادمع ..
ماودي انك تجيني ..!
بنسى ..
عسى نفسي ../ تدارى خطرها ..

ودّي الصبر .. / والوقت ..
يرحم انيني !
والنفسـ .. من ذا الصبر ..
تجني ثمرها ..


ياغير .. صبري ملّ .. / والله يعيني ..
والروح تبكيـ .. / ضايقهـ من صبرها ..
هو صاحبي .. كفّــى . . ! ودمّر سنيني ..
كان الأمل .. كان لـ حياتي عمرها .. /
كان الوفا والشوق ../ يموت فيني ..
هو دنيتي .. / ملهم عيوني نظرها ..


هو غايتي .. هو راحتي .. هو ضنيني .. /
هو مهجتي بالحب .. / .. نفسي غمرها
ياحيف .. وقتـ(ن) حالـ .. بينه وبيني !
وتبدلت الاحلامـ .. / لحظة سفرها !!
واللي انكتب وانصاغ ..بوسط الجبيني ..,
لابد هالايام ../ تكشف خبرها ..!




الفصل الثاااااني :-


في الجامعه :

ناديه مو مصدقه:
خالد
خالد بهيام:
عيون خالد شفيج ياعمري؟
ناديه:
مدري انت متااكد من اللي تقوله
خالد وهو مبتسم ويتاامل عيونها الوساع وفمها الصغير:
اي متاكد ونص ..هذا زواج ياناديه مو لعبه وانا احبج تعرفين شنو يعني احبج؟!
ناديه بصدق:
وانا بعد احبك والله احبك واعشقك بس .. اهلك ؟!
عصب خالد :
اهلي مالهم شغل .. هذي حياتي .. وانا اختار شريكتي فيها .. وانا اخترتج انتي
ناديه :
شلون مالهم شغل ياقلبي اكيد لهم شغل ونص مهما كان هذول اهلك
خالد:
وانتي ليش مااخذه الامور بتشاؤؤم ؟؟
ناديه:
خلودي حبيبي والله مو متشائمه بس ؟!..
طالعها خالد وهي منزله راسها:
بس شنو ؟؟
كمل خالد:
انا راح افاتحهم بالموضوع انشالله نهاية الاسبوع بالعطله عشان يكونون كلهم موجودين وبالتحديد يوم الجمعه
ناديه ضحكت له ضحكه من الي يحبها قبه:
خلاص حبيبي براحتك
خالد رفع ايدها وباسها:
احبج
ناديه بخجل وهي تلفت لحد يشوفهم:
خلودي
خالد:
هههههههههه فديت الخجوله .. يلا وراي محاضره وبعدها بطلع على طول تبين شي قلبي؟؟
ناديه بحب:
سلامتك ياعمري


وبنفس الوقت اللي كانو فيه خالد وناديه قاعدين قعدتهم الرومانسيه كانت فرح قاعده عند عبدالله والمغذي بايده هذا طبعا بعد مادفعت ديناران للمستشفى عند شباك الارقام.. اكتفت بالقول انها هوشه بالمدرسه .. يمكن تكره مساعد كره العمى
ومتااكده انها وولد اختها مظلومين .. لكنها عارفه انها حتى لو تشتكي على مساعد راح تكون هي الخسرانه وماراح تجيها من ورا هالشكوى الا المشاكل
فرح ناصر ضد مساعد عبد الكريم الناجي ؟!!
حتى لو انها كويتيه كان ممكن انا تتجرا وتسوي شي لكنها بدون وهو ملياردير مشهور ومعروف وله سمعته وشركاته بالعالم وفوق كل هذا يحمل الجنسيه الكويتيه ؟؟
ياليتها تحمل اي جنسيه كانت ولا انها بدون .. انهان وانذل علشان ورقه انا انسان لي كرامه وحقوق كفلها لي ربي بالقرآن ورسولي بالسنه النبويه الشريفه واخر شي يتحدد مصيري بورقه
تمت تمسح على شعر عبدالله ودموعها تسيل بصمت .. هذاا هو المقهور حتى بكاه يكون بصمت .. الحقير اكيد هو الحين بااحسن مستشفى خاص بالكويت ولا همه احد ..
فكرة ان عبدالله قدر يسدح الولد تخفف عنها شوي ليش ماتدري .. لكن فكرة طنازتهم على احلام الله يرحمها .. ماتلوم محمد لانه ولد مراهق لكن تلوم ولي امره اللي بدال مايقوله عيب عليك يقعد يتطنز معاه
يالله كم هي مقهوره من قلب .. سكرت فرح عيونها بقوه وتعوذت من الشيطان ومسحت دموعها لان المغذي خلص والممرضه راح تجي مااتحب احد يشوفها تبجي .. احلام ماتت ومابجت !حتى امها وابوها ماتو ومابجت !
مابجت الا بعد موتهم بأياااام طويله ..


بنفس الوقت في فيلا مساعد عبد الكريم الناجي كان الدكتور يعالج جروح محمد.. وجهه كان مورم من البوكسات الاخيره اللي اكلها من عبدالله ..
بعد العلاج راح الدكتور بعد ماوصى على بعض الراحه لمحمد وكمادات ودوا خفيف لان اصابته ماكانت ذاك الزود ..
دخلت امل ام محمد واخت مساعد وهي على كرسيها المتحرك خايفه على ولدها الوحيد واللي ماعندها غيره وتموت فيه
امل :
يمه حمودي حبيبي شسووو فيييك؟؟
وادخلو امها وابوها بعدها
الجده :
ياعل اللي سوا فيك جذي مايتوفق وين ماراح ياعله مايربح لادنيا ولا اخره
الجد يهز راسه بأسف :
لاحول ولا قوة الا بالله ليش الدعاوي بالله الحين انتي سمعتي السالفه عرفتي منو الغلطان ؟؟
الجده تدافع بقوه :
منو الغلطان ؟!! مايبيلها سؤال شوف وجه الولد شلون منتفخ !!
قعد الجد جنب حفيده :
ها وانا جدك شلونك ؟؟
محمد بصوت ضعيف :
بخير جدي
لفت امل على اخوها :
مساعد منو اللي سوا جذي بولدي ؟؟ منو ؟؟
مساعد بهدوء :
امل مالها داعي الانفعال .. عادي هوشة صبيان تصير دايما
الجده منفعله حدها :
اللي سوا بمحمد جذي لازم ياخذ جزاه
مساعد وهو يتذكر شكل فرح وشلون واقفه تحداه :
اكيد يمه مايبيلها كلام وراح ياخذ جزاه وزياده بعد
التفت الجد صوب مساعد :
مساعد
مساعد:
سم يبه
الجد :
تعال ابيك
قامو الجد ومساعد وتوجهو لغرفة المكتب ..
مساعد:
خير يبه ؟
الجد:
شسالفه ؟ شنو اللي صار بالضبط ؟؟
مساعد نطر ابوه لما قعد وبعدها قعد قباله :
ماكو شي طال عمرك قلت لك هوشة جهال
الجد :
انا كلمت مدير المدرسه قال انه متهاوش مع ولد من مدرسه ثانيه شعرفه بالولد هذا ؟ وشجاب الولد لمحمد ؟ ومنو هالولد ؟
مساعد:
طيب يبه الله يهداك شفيك معصب يعني انا وخويلد ماعمرنا تهاوشنا قبل ؟ الولد من مدرسه حكوميه ومر من عند مدرسة محمد قطو على بعض كلام وصارت بينهم .. عادي سوالف مراهقين
الجد مو مقتنع بكلام مساعد :
وانت من صجك تبي تعاقب الولد الثاني دامها سوالف مراهقين ؟!
مساعد اول مره يكذب على ابوه :
الولد فصلته من المدرسه لمدة اسبوع بس
الجد قلبه حنون ومايرضى بالظلم :
لا وانا ابوك .. دام السالفه فيها قطع دراسه مو زين .. تلقى اهله يحاتون
مساعد:
الناظر هو اللي قرر لانه غلطان على محمد الشغلات دايما تصير
الجد :
اكيد ؟!!
مساعد ابتسم :
اكيد يبه شفيك الله يهداك اللي يسمعك يقول بذبح الولد واهله هههههههه
الجد :
لانك ولدي واعرفك اذا حطيت احد براسك الله يكون بعونه
مساعد وقف :
طيب يالغالي تامرني بشي برجع الشركه عندي شغل ؟؟
الجد :
لا ياولدي عساك على القوه
طلع مساعد
الجد :
ياربي لاتجعله ظالم وانزع الغرور والكبر من قلبه يارب
صعد مساعد لغرفته قبل لايرجع ثاني مره للشركه علشان ياخذله شور على السريع ويغير ملابسه اللي لزق فيها بقعات دم صغيره من محمد
دخل تحت الدش وكان الماي دافي ويرخي الاعصاب ويخلي الواحد يفكر برواق فجأه تهيأت له فرح نفس هيئتها عند باب المدرسه تذكر نظرتها له
كانت تحدي على توتر على خوف كان واضح انها تصنع القوه شكلي هالايام بتفرغ لها تفرغ تام .. وفكر بعد ماياخذ الشور راح يمر على محمد وياخذ منه كل المعلومات عن عبدالله وخالته
طلع من الشور ولبس دشداشه سوداء وتحتها قميص ابيض وشماغ احمر ابرز وسامته الطاغيه وراح لمحمد
مساعد:
ها شلونك الحين ؟
محمد وهو يتعدل بجلسته :
الحمد الله خالي احسن من اول
لف مساعد على امل اللي كانت نايمه على كرسيها المتحرك :
امل .. امل ..
امل قعدت مخترعه :
ها منو ؟ شفيه حمودي ؟ حمودي تبي شي ؟
ضحك مساعد على شكلها :
ههههههههه لا محد يبي شي بس بغيتج تروحين غرفتج تصلين الظهر وتنامين شوي
لفت على ولدها :
حمودي ماتبي شي
محمد :
لا يمه ابي سلامتج
طلعت امل
محمد طالع خاله بخوف :
خالي شعندك
مساعد بعصبيه :
الحين انت وجهك واحد بضعف وهزل عبدالله يطرحك بالارض ويطيح فيك ضرب ؟ تدري لو ماسحبته كان قاضي عليك
محمد انحرج:
فاجأني خالي ماوعيت الا هو فوقي وطايح فيني ضرب
مساعد غير الموضوع للموضوع الاهم :
ماعلينا المهم ابي اعرف شسالفه بالضبط؟؟ وحمود اياني واياك تكذب علي بااي شي فاهم ؟
محمد بدأ يسولف لخاله السالفه :
مثل ماانت عارف خالي مدرستي قريبه عند مدرسة عبدالله الحكوميه بيت عبدالله يصير ورا مدرستي ومدرسته تصير قدام مدرستي
مساعدك
يعني مدرستك صايره بالوسط ؟
محمد:
اي بالضبط وطبعا اذا بيروح بيتهم لازم يمر من عند مدرستنا وسكت!!
مساعد:
شفيك سكت كمل ؟؟
محمد :
خالي انت تعرف صديقي عبد الرحمن ؟
تسند مساعد على ظهره وكتف ايدينه :
اي سمعتك تسولف عنه مره
محمد:
عبد الرحمن كان بمدرسة عبدالله وكان صديقه المقرب لكن صارت بينهم مشكله لحد الحين انا مو عارفها المهم عبدالرحمن انتقل من سنتين لمدرستي وتعرفت عليه وسكت محمد ثاني مره !!
مساعد بقلة صبر :
لاتوقف كمل ..
محمد:
كل مره عبدالله يمر عند مدرستنا كان عبدالرحمن يعايره وكان عبدالله مايرد ماعدا مره ضرب عبدالرحمن وانا دافعت عنه
مساعد:
عايره شنو قاله ؟؟
محمد :
عايره باأمه انها ماتت منتحره وان خالته هي تحضر استدعاءاته
مساعد سكت فتره بعدها سال :
انزين عبدالله وين ابوه ؟
محمد :
متوفي
مساعد:
اها ..كمل ..
محمد :
واليوم بعد عبدالرحمن غلط على عبدالله وتهاوشو وانا تدخلت وعبدالرحمن هرب وتميت انا وعبدالله نتضارب وشافنا الناظر والباقي انت تعرفه
مساعد قرب لولد اخته :
ودام عبدالرحمن على قولتك غلط على عبدالله ليش تدافع عنه ؟ متى علمناك تدافع عن غلطان ؟
محمد يبرر بضعف :
بس رفيجي ؟؟
مساعد:
حتى لو اخوك اذا صار غلطان ولا ظالم ماتساعده .. وهذا اللي اسمه عبدالرحمن تقطع علاقتك معاه فاهم ؟
محمد نزل راسه :
فاهم
مساعد الحين بيوصل لاهم شي عنده ( فرح ) :
شنو تعرف عن عبدالله وخالته ؟؟
محمد:
اعرف عنهم اشياء كثيره عبدالرحمن كان دايما يسوف عنهم
مساعد باهتمام :
شنو اسم خالته الكامل ؟
محمد :
فرح ناصر ......
مساعد :
بيتهم حكومه ؟
محمد :
لا مااجرين ملحق
انصدم مساعد وعقد حواجبه ملحق ؟!
محمد لما شاف خاله يفكر قال :
خالي .. ترى خالة عبدالله بدون
انصدم مساعد كل هاللسان وهي بدون ؟؟ لو كويتيه شتسوي
محمد :
وابو عبدالله سعودي
مساعد:
طيب منو بالضبط يعيش معاهم بالبيت ؟؟
محمد يعدد على اصابعه :
خالته فرح وخالته ناديه واخته خلود وجدتهم وطبعا عبدالله
مساعد:
فرح اكبر وحده ( شكلها مره بنوته )
محمد:
اي ناديه بالجامعه وخلود اصغر من عبدالله اظن انها بالثامن
مساعد:
وام فرح وابوها وينهم ؟
محمد :
توفو بحادث قبل ثلاث سنوات او اربع
مساعد:
طيب جدتها ؟
محمد:
اللي اعرفه انها من دوله عربيه
مساعد يفكر بينه وبين نفسه ( اها يعني عائلة قرقيعان الخالات بدون وعيال الاخت سعوديين والجده عربيه )
قام مساعد فجأه :
يلا انا بروح .. شعليك عندك اجازه الحين ثلاث ايام ولا مع الجمعه والسبت بيصيرون خمس



نزلت فرح مع عبدالله من سيارة التاكسي شوي شوي لان عبدالله كان تعبان حاسبت التاكسي اللي اخذ منها مبلغ محترم لانها وقفته كذا مره
دخلو من الباب الرئيسي والوحيد المؤدي الى داخل الملحق او الجحر على قولت ناديه .. كان عباره عن ثلاث غرف وحمام ومطبخ وفيه مساحه مفتوح عليها كل هالغرف سموها صاله
شهقت الجده على طول اول ماشافت المنظر وعلى طول دموعها طلعو:
يمه وليدي شفيك من سوا فيك جذي ؟
فرح وهي تسند عبدالله علشان تقعده :
مافيه شي جده مافيه الا العافيه بس خليني انومه على الفراش
الجده ماسكه فرح :
فرح قولي لي يمه شفيه لاتخليني جذي احاتي
قالت فرح لجدتها السالفه كلها لكن الجده ابدا مادعت على احد كل اللي سوته انها وكلت امرها وامر احفادها لله
بعد مانام عبدالله توجهت فرح للمطبخ وسوت الغدا وانجبت الغدا لها ولجدتها ولعبدالله وقعدت معاهم عل السفره كانت تاكل لقمه وتظل تفكر لازم الحين تدور لها على شغل جديد وين بتلاقيه لاشهاده ولا يحزنون
فجاه رن تيلفونها وقامت تطلعه من الشنطه .. فرح:
الوؤ
ناديه:
يلا فروحه السايق برا الشركه صارلنا فتره ننطرج
فرح :
ندوي انا بالبيت
ناديه بخرعه :
ليش جدتي صاير فيها شي ؟
فرح :
لا يابنت الحلال مافيها شي بس اذا جيتي بتعرفين
ناديه بحيره :
اوكي اوكي باي .. وهي ترد تيلفونها الشنطه شفيهم ياربي عسى خير
دخلت خلود البيت وهي تصارخ وحذفت شنطتها عند الباب:
جوعااااااانه خاله فرح
فرح استقبلتها بابتسامه على الرغم من المشاكل:
هلا وغلا ..دقايق يا قلبي انتي واحط لج الغدا رحي بدلي بالول وتلقينه جاهز
بعد ما حطت الغدا لخلود دخلت ناديه وقعدت تغدا مع خلود وبعدها الجده خذت لها غفوه وقعدو ناديه عند عبدالله يسولفون عن اللي صار
ناديه:هذا محد قدر يوقفه عند حده؟!معقوله تمو واقفين يطالعون له وهو يطق عبدالله؟
فرح:
اقولج الناظرين تمو يطالعون حالهم حال الكراسي محد دافع عنه
ولفت فرح تطالع بعبدالله وتطالع بوجهه المخدش..
فرح بصوت مخنوق:
ناديه..
ناديه:
هلاا
فرح:
ما قدرت...وقعدت تبجي ما كملت جملتها ..كانت تبجي بصوت واطي لكن الشهقات خانتها حطت ايدها على شفايفها عشان ما يطلع الصوت وعشان خلود اللي مندمجه بحل واجباتها عند التلفزيون ماتنتبه..
ناديه تعرف فرح يا انها ما تجي او اذا بجت ما تمسك نفسها وتفلت عالاخر..راحت فرح ركض على غرفتها ولحقتها ناديه رمت فرح نفسها على السرير وقعدت تبجي بحرقه..
ناديه وكانت غصب ماسكه نفسها عشان ما تبجي :
فرووحه قلبي لا تبجين..وضمتها على صدرهااا
فرح تشاهق وتبجي بقهر:
ضربه قدامي وغلطو على احلام وانا ما قدرت اسوي شي..ما دافعت عنه ولا عن اختي ..
حضنت ناديه فرح بقوه اكبر وخلتها تبجي لوقت طويل ..طويل..ساعات تنقلب الادوار ما يدرون اي وحده فيهم الكبيره!!
بعد ما هدت فرح شوي وردتنفسها طبيعي..
ناديه وهي تمسح وجه اختها وشعرها:
خلاص فرووحه اليوم ما كو دوام شفت ثاني اوكي؟بتقعدين بالبيت ترتاحين
فرح:
ولا الي راح اروح بكره ولا اللي بعده
ناديه حوتجبها مستغربه:
شقصدج؟!!
فرح:
تدرين طلع من اللي ضرب عبدالله؟
ناديه بتوتر:
منو؟!!
فرح بصوت عالي وبسخريه:
مساعد عبد الكريم الناجي
ناديه فتحت حلقها عالاخر ..وبعد ثواني طويله:
من صجج؟مديرج؟مديرج ماااااا غيييره؟
فرح بيأس:اي ..ما غيره
قامت ناديه على طول وطلعت من الغرفه وطلعت بالحوش الصغير للغايه وطلعت نقالها الثاني اللي ما تدري عنه فرح واللي كان على احدث طراز
خالد بدهشه:
ندوي من صجج؟
ناديه كان باين عليها انها معصبه ومتضايقه:
لا اتغشمر!!خالد والله فروحه قالت لي وحدها متضايقه وتبجي بعد
خالد مو مصدق:
بس مساعد مستحيل يمد ايده على جاهل
ناديه:
عبداله متعور حيل يا خالد ..ما كان لازم يمد ايده عليه ..عيب ..غلط اللي سواه اخوك مهما كان هذي هوشة جهال!!
خالد:
والله مدري شنو اقولج يا قلبي بس انتي عارفه وضع محمد عند مساعد وعند الكل!!المهم ناديه محتاجين شي؟عبدالله محتاج طبيب؟ترا انا حاضر
ناديه:
لا يا عيني انت هو بخير اللحين ما عليه ..بس فرح اللي منهاره نفسيتها
خالد فعلا حس بالخجل من فعلة اخوه:
والله ما ادري شنو اقولج ندوي..
ناديه والدمع متجمع بعيونها:
يا ليت وقفت على مدت الايد بس ..
خالد:
ليش..شسوى بعد؟
ناديه:
محمد تتطنز على اختي احلام الله يرجمهاا ومساعد كمل معاه ..
خالد:
انا اسف قلبي ..اسف بالنيابه عنهم
ناديه:
انت مالك ذنب ..الذنب كله ذنب اخوك..اما انت انت ملاك يا قلبي ما يجي منك شر..
خالد:
بعد عمري ندوي..احبج
ناديه:
وانا اموت فيك



طلعت فرح لها بيجامه من البيجامات الثلاث اللي عندها اختارت الورديه وطلعت لها فوطه ..قررت تاخذ لها دوش طويل بعد هاليوم المتعب والغثيث ..ما لقى الا عبدالله ؟يضربه ويأذيه هالحقير؟
..فكت شعرها اللي لونه غريب عن باقي شعور افراد العائله..كان لونه نحاسي وفيه شهاب بس طالع حلو كثيف بشكل مو طبيعي وناعم حيل وواصل لي نص ظهرها ..ما كانت فرح من النوع اللي يهتم بشعرها
اصلا ما عندها وقت عشان تهتم فيه ولا القدره الماليه عشان تشتري له المستحضرات ..وقتها دايم مشغول من دوام عباره عن شفتين وطلبات عيال اختها ومقابل جدتها..بس سبحان الله اللي يشوفه يقول هذي تهتم
فيه 24 ساعه..وقفت قدام المرايا تحمد ربها على شعرها ..لكن منو بيشوفه؟او يلمسه؟اغلب صديقاتها واللي ينعدون على الاصابع كانو يسولفون لها عن الحب وكل وحده فيهم خذت اللي تحبه..
اما هي فلا حبت ولا تعتقد انها بتحي بوم من الايام
فررح جميله..كانت عيونها شديدات السواد وبياضهم صافي وكانت حوراء ورموشها كثيفه..خشمها كان مكور ويتكور اكثر اذا ضحكت وشفايفها مليانه ..الششي الثاني اللي كانت فرح تختلف فيه عن افراد العايله
غير لون شعرها انها سمرا لكن سمارها صافي وشفاف..اما جسمها فكانت طويله تميل للضعف واللي يميزها اكثر رقبتها الطويله ..فرح كانت مملوحه وجذاببه وخصوصا ضحكتها وغمازاتها..


في فيلا اهل مساعد..

مساعد وعائلته:

مساعد:35سنه

ابو مساعد: 60 سنه

ام مساعد: 55 سنه

أمل:30 سنه

خالد: 23سنه


كانت العائله مجتمعه على طاولة الاكل وقت العشا..
ابو مساعد:
مرري لي السلطه يا ام مساعد
ولف على محمد :
هاا محمد..اشوفك تاكل معانا على الطاوله انشالله احسن اللحين؟
محمد مبتسم:
اي جدي الحمدالله احسن
ابو مساعد:
الحمدلله..ثاني مره ما ابي مشاكل من هالنوع او اي نوع ثاني..سوالف المعاير هذي انا ما احبها لا تعاير احد ولا احد يعايرك ..فاهم؟
محمد:
امرك جدي
خالد:
اي عفيه طيع جدك..والولد هذا مالك شغل فيه لا من قريب ولا من بعيد
امل:
اي يمه طيع كلام خالك وجدك

تعشت العايله وبعدها راحو قعدو على التلفزيون ويشربون الشاي..قرب خالد من مساعد وبصوت واطي:
مساعد..مساعد
مساعد استغرب:
شعندك؟
خالد بصوت واطي:
انت ليش طاق الولد كف بغيت تجيب اجله؟
انصدم مساعد:
وانت شدراك؟لا يكون حموود قالك؟
خالد :
لا ما قالي ..انت شلون تحط راسك براس بزر؟
مساعد:
انت اللحين ما تقولي منو قالك؟
التفت خالد صوب اهله وشافهم مندمجين مع الاخبار ولف ثاني مره على مساعد:
مدري شلون اقولك..بس امش معاي ابيك بموضوع مهم
مساعد طالع بخالد وهو مو فاهم شي..
خالد بقلة صبر:
امش معاي وانت تعرف كل شي
قامو وراحو عند حمام السباحه وقعدو على الكراسي اليي موجوده عنده
خالد:
تذكر ناديه اللي كلمتك عنها؟وشرحت لك وضعها؟
مساعد استغرب بالاول شدخل هالبنت بالموضوع؟لكن تذكر انها بدون وان محمد قاله ان فرح عندها اخت اسمها ناديه
مساعد بثقه:
تصير خالة الولد صح؟
خالد:
اي ..شدراك
مساعد:
محمد شرح لي عن عائلتهم
خالد:
مساعد انت شنو ناوي عليه بالضبط؟
مساعد طالع بخالد:
شوف خالد انت اخوي وعارفني اكثر من غيرك انا ما اغلط على احد..لكن اذا احد غلط علي ...
خالد:
اي بس هي قالت انك عايرتهم باختها الله يرحمها اعتقدت ان الاموات مالهم علاقه!!!
مساعد:
لا تقول الله يرحمها هذي وحده منتحره
خالد:
استغفر الله وانت تعلم بالغيب؟يمكن ربك يغفر لها
وكمل:
المهم انت شنو ناوي عليه؟
مساعد وصورة فرح وتحديها بباله:
انا مشكلتي مع اللي اسمها فرح مالي شغل بالباقي حتى عبدالله ما همني
خالد عدل قعدته:
وفرح تصير اخت ناديه اللي انشالله بتصير مرتي ولا تنسى انت قررت انك تدعمني بقرارب عند اهلنا
مساعد :
وانا عند كلمتي ..وصدقني شنو ما صار ما راح يأثر عليك انت وناديه واعتبر البابا والماما موافقين عليها
خالد بقلق:
مساعد..
مساعد تملل من اخوه:
خويلد اذيتني اللي يسمعك يقول ابي اذبحها اللحين
خالد بقلة صبر:
قولي شنو ناوي عليه ..انت عصبي مساعد والمسأله كلها هوشة جهال ما يحتاج تكبر
مساعد :
لا تخاف انا ابيها بس تتوب!!
خالد ما فهم قصد اخوه:
تتوب؟!!
مساعد:
اي تتوب وما تعيدها
خالد رجع يحن :
اي بس مساعد..
مساعد قاطعه:
اقول تراك اذيتني
خالد:
لا بس ابي اطلبك
طالع مساعد باخوه وابتسم كل هذا عشان ناديه؟:
طيب عطيتك
خالد:
لا تطردهاا من الشركه ترا والله ظروفهم حيل صعبه
سكت مساعد وزالت الابتسامه وحلت مكانها الحواجب المعقوده وطول ساكت ..هني خالد فهم ان مساعد ما يدري ان فرح تشتغل عنده وتندم على هالشي ان ذكر هالشي قدام مساعد
خالد:
انت ما تدري مساعد؟
مساعد:
ادري بشنو؟
خالد:
فرح تشتغل عندك بقسم الارشيف!!
مساعد فعلا انصدم:
من متى؟
خالد:
من3سنين خذت مكان ابوها الله يرحمه يوم كنت بشركتنا اللي بالخارج!!
مساعد ما تكلم الشي اللي خلى خالد ينط:
مساعد انت قلت عطيتك..اوعدني انك تكمل طلبي
مساعد:
خير انشالله
خالد :
لا مساعد اوعدني ترا ظروفهم حده صعبه
وقف مساعد وقال لاخوه وهو ماشي:
خير ..خيرانشالله
وطلع بسرعه ركب سيارته ودق على شاهر:
شاهر وينك؟
شاهر بخرعه:
خير مساعد شعند داق هالحزه؟
مساعد:
بمر عليك اللحين ابيك بموضوع مهم
شاهر:
طيب شفيك؟
مساعد بملل:
ماكو شي انت بس تزهب
شاهر:
اوكي انطرك
ام ششاهر كانت منسدحه على الغنفه وسمعت الحوار اللي دار :
يمه شاهر شعندك طالع هالحزه؟
شاهر:
هذا مساعد يمه مدري شعنده يمه يقول يبني بموضوع
الام:
هالحزه عاد؟
شاهر:
بشوف شعنده اكيد شي مهم ..وباس راس امه وطلع
طلع شاهر من البيت ولبس جاكيته لان الجو كان بارد ودقايق بسيطه وصل فيها مساعد
شاهر:
هاا شعندك صروعتنا بهالليل!!
مساعد دخل الموضوع:
عندنا موظفه بالشركه اسمها فرح ناصر ال...؟
ضحك شاهر بصوت عالي خلى مساعد يلف عليه مستغرب:
شيضحكك بالله؟
شاهر:
لا يكون عاجبتك؟مساعدوه اعرف سوالفك ههههههههههه
مساعد:
اللحين عندنا موظفه بهالاسم ولا لأ؟
شاهر والابتسامه ما زالت على وجهه:
اي عندنا هالبنت كان ابوها يشتغل عندنا وانا اذكر اليوم اللي توظفت فيه عدل
مساعد:
شمعنى؟
شاهر بدا يشرح:
شوف قبل لا تشرف انت وتصير مديرنا كان ابوها يشتغل عندنا وبنفس قسمها الحالي ..توفى قبل 4 سنوات وجتنا بنته مع جدتها يومها تطلب من ابوك انه يوظفها مكان ابوها وطبعا ابوك ما رفض ووظفها على طول
ووصاني اتأكد من وصول راتبها كل شهر لان حالتهم صعبه ..تصدق ما شفتها من ذاك اليوم؟وابتسم
مساعد:
ليش تبتسم؟
شاهر:
اذكر انها كانت حلوه عليها طول مو طبيعي تحس انها اكبر من عمرها ..طول يحسسك انها امرأه ناضجه هههههههههههه
مساعد كان يسوق ويفكر بكلام شاهر ..من ناحية حلوه مساعد ما ينكر هالشي لكن الحلوات ماليات الدنيا صج فيها جاذبيه بس مو عليه هوو..
شاهر:
انت ليش تسال عنها؟
مساعد وقف السياره امام الشركه:
خلنا ننزل بما اننا وصلنا واقولك
نزلو من السياره والجو كان فعلا بارد بشكل مو طبيعي ..
قعد مساعد على المكتب الفخم وقعد شاهر على الكراسي المقابله له..
شاهر:
يلا عاد قولي السالفه من إلى .. كلي آذان صاغيه
مساعد تسند على الكرسي :
بس ماتقاطعني فاهم ؟!
شاهر بفضول :
فاهم..وقعد مساعد يسولف لشاهر بالتفصيل ..




ناديه :
طيب وانتي الحين شنو ناويه عليه ؟!
فرح:
ماادري .. بس اول شي بسويه باجر بروح الشركه اطالب بمستحقاتي .. مهما كان انا صارلي 3 سنين و6 شهور مداومه..
ناديه :
توقعين بيعطيج اياهم ؟!
فرح :
غصبا عليه مو بكيفه هذا حقي .. انا مو رايحه اشحذ منه ..
ناديه :
فروحه سمعيني عدل .. اذا رحتي له لاتراددينه وخلي بالج طويل معاه علشان يعطيج حقج..
فرح:
انتي شفيج ؟!!
ناديه :
شنو ؟
فرح:
مادري عنج جنج خايفه منه .. والله لطلع حقي من عيونه ..
ناديه :
بس بالتفاهم كل شي حلو
فرح:
اي تفاهم .. هذا لايفهم ولا يتفاهم .. مغرور وشايف نفسه وعليه كبر مو طبيعي يشوف الناس حشرات مو ناس حتى الموتى اللي هم الموتى ماسلمو منه
قطيعه تقطعه مايشابه ابوه ابدا .. ابوه خوش رجال اما هو اعوذ بالله منه ..
ناديه حبت تغير الموضوع:
عبود صحى ولا لا ؟؟
فرح:
اي .. ورد نام يقول تعبان .. خنت حيلي
ناديه :
فروحه ..
فرح:
شعندج ؟؟
ناديه:
لا .. لا .. ولا شي سلامتج تصبحين على خير ..



راحت ناديه انسدحت بفراشها وعدت تفكر :
هذا وقته الحين هوشة فرح مع مساعد ؟! وانا اللي كنت بفاتحها بالموضوع ؟! بس انا وخالد نحب بعض واذا الله كتب ان شاء الله بنتزوج اما فرح ومساعد لو يقطعون بعض بكيفهم ..
بس يمكن زواجي انا وخالد يحل هالمشكله؟! اكيد بيحلها بنصير نسايب
الحقيقه زواجي راح يحل مشاكل كثيره حتى وضعنا ان شاء الله بيتحسن .. نامت وهي تحمد الله على انه عطاها شخص حبوب وحنون والاهم يحبها الا وهو خالد



فتحت فرح عيونها وردت غمضتهم بسرعه .. ماتبي هاليوم يجي ؟! لازم تقوم لازم تروح للشركه تاخذ حقوقها ..وبعدها تدور لها على وظيفه بمكان ثاني .. آآآخ يالوظيفه وين بلقى لي وظيفه ؟؟!
اذا كويتين وجامعيين ومو محصلين بتحصلها هي يعني وظيفه؟! لكن على قولة جدتها ماييأس من رحمة الله الا الكافر .. تعوذت من الشيطان ورفعت فراشها .. وفزت .. تسبحت عالسريع مشطت شعرها..
وطلعت زهبت الريوق لجدتها وخلود ولناديه اما عبدالله فاليوم عنده اجازه مرضيه ..
تريقت خلود وراحت بالباص اما الجده فأول ماتنسدح تروح على طول بسابع نومه!!

دخلت فرح على ناديه اللي كانت تلف شالها يحميها من البرد :
أقول ندوي ..
ناديه وهي تشيك على نفسها بالمرايا :
هلا
فرح بتردد وخجل ماتعودت تطلب افراد عائلتها .. العاده هم اللي يطلبونها :
بغيت عبايتج الجديده اللي فصلتيها قبل فتره
ناديه ابتسمت وتحرك حواجبها:
ليش؟!
عصبت فرح:
ليش بعد ابي ألبسها
ضحكت ناديه:
ههههههههههههه خلاص شفيج عصبتي..اخذيها تلاقينها بالكبت



لبست العبايه وقعدت تطالع نفسها بالمرايا..عبايتها الاوليه كانت وسيعه حيل وقديمه..اما عباية ناديه كانت مقاسها حلو مو ضيقه ولا وسيعه عليها تطريز خفيف وناعم غير ملفت للنظر كان شكلهاحلو حيل على فرح..
كانت ناديه تطالع لاختها اللي بنظرها احلى بنت :
مشالله عليج فروحه وربي طالعه احلى مني
فرح تضحك:
ههههههههه لا تبالغين
ناديه:
لا جد والله فروحه انتي حتى البجايم القديمه اللي تلبسينها بالبيت شي تطلع عليج..مو مثلي انا متبتبه
قرصتها فرح من خصرها:انتي اللي جسمج حلو..مو انا ماكو لحم
ناديه:
هههههههه هذا المطلوب هاليومين
سمعو صوت هرن سياره برا..فرح:
يلا السايق وصل لا اتأخر


اخر مره دخلت فرح من هالباب هي المره اللي جت فيها عشان تطالب ان تحل محل ابوها بالوظيفه..حاليه هي ناسيه كل شي .ناسيه مكان مكتب المدير ..ظلت واقفه بمكانها حوالي ربع ساعه كانت ملفته للنظر
بطولها وجسمها الممشوق او بالاحرى الممشوق من التوتر!!
توجهت للاستقبال كان في بنت بعمرها تقريبا وكانت سفور مسويه شعرها كيرلي وشكلها جذاب ..كانت تمشي وعيونها بالارض تطالع بالسيراميك المرصوص بعنايه واللي من نظافته تشوف انعكاس صورتها فيه
فرح:
السلام عليكم
الموظفه بابتسامه شاقه الحلق:
وعليكم السلام والرحمه ..امري اختي
فرح:
بغيت اقابل المدير
اتغربت الموظفه وطالعت بزميلتها:
المدير؟!
فرح:
اي ..مساعد الناجي
الموظفه:
دقايق بس
رفعت السماعه وتكلمت بصوت واطي ما سمعته فرح بعدها رفعت راسها بابتسامه :
تفضلي معاي اوصلج
مشت ورا الموظفه البشوشه وقلبها يرقع ..ونفسها تحس انه يروح لكن بالغصب يرجع ..حتى الكلام اللي مجهزته عشان تقوله تبخر من راسها

سكر مساعد التلفون والابتسامه على فمه ...شاهر:
هذي نفسها البنت؟
اكتفى مساعد بالابتسام وهز الكرسي يمين ويسار..شاهر:
مساعد علة قولة خالد هوشة جهال وانسى الموضوع با ابن الحلال!!
مساعد:
بس البنت داخله مزاجي!!
شاهر بعصبيه:
اي داخله مزاجك واللي يعافيك على بالك هي من النوع اللي انا وانت خابرينه!!المسكينه برقبتها اربعه عجوز وطفلين واخت..وعيشتهم كسيفه كافي انها بدون المقروده!!
مساعد:
لا حول ولا قوه الا بالله..شفيكم اللي يسمعكم اني بذبحها!!او ناوي عليها نيه شينه!
شاهر:
الا ناوي وانا اعرفك صويحبي من الطفوله..مساعد علشاني اتركها عنك واذا على محمد صدقني بكره بس خالد يتزوج ناديه بيصير ربع مع وعبدالله
مساعد تعدل بقعدته:
انت مو فاهم يا شاهر المسأله صارت بيني وبينها..مو مسأله هوشة جهال او سوالف مراهقين ..ماراح تفهم
شاهر:
والله اللي افهمه انها بنت على قد حالها وفقيره جايه تاخذ مستحقاتها وهذا من حقها ..عطها فلوسها وخلها تتوكل على الله
مساعد سكت وما رد على شاهر ....شاهر:
الله يستر منك ويعين هالبنت عليك!!

كانت فرح تمشي ورا وهي تحاول تلملم شتات افكارها وبنفس الوقت تطالع بممرات وابواب الشركه ..ما كانت تعتقد ان شركتها ..او شركتها السابقه كانت بهالفخامه!!
وصلو عند القسم الرئيسي بالشركه وكانت هالجمله مكتوبه على لوحة فضيه لامعه ..فكرت فرح المفروض يكتبون عرين الاسد او كهف الدب..وهي شعليها؟؟
يكتبون اللي يكتبونه بساهم شي تاخذ حقوقها وتروح توكل على الله تدور لها على وظيفه ..
انتبهت فرح لمكتب السكرتيره ان لحد الان فاضي ومحد موجود فيه {يمه منو يشتغل عنده!!متوحش ما عنده ضمير لقاء واحد بس معاه وعافته وكرهته كره العمى
وكرهت الشركه بكبرها }تخيلت فرح لو تشتغل عنده وتقابه يوميا ويتامر عليها ويناديها كل شوي ترتب اوراقه وتنظمهم ..والله الموت ارحم لها
طلعت الموظفه بسرعه:
تفضلي اختي..المدير ينتظرج
تمنت بهاللحظه لو انها ترد مكان ما جت خلاص ما تبي شي منه بس اللحين ما عاد ينفع قامت بكسل وحطت سير الشنطه على كتفها اعتقدت ان بلبسها لعباية ناديه انها راح
تصيرعندها ثقة بنفسها لكن وينها ووين الثقه اذا هي من الداخل مهزوزه؟!!الملابس عمرها ما بنت للانسان قوة شخصيه او قوت الثقه بالنفس
كررت الموظفه كلامها:
اختي؟!!المدير ينطرج!!
فزت فرح من سرحانها :
اسفه..اللحين بدخل

مشت بطريقه حاولت قد ما تقدر انها تكون عاديه وكانت تضغط على سير الشنطه بتوتر..دخلت من الباب البني الكبير الامع تركتها الموظفه عند الباب وراحت تقابل
شغلها ..فردت فرح ظهرها وكملت طريقها{ليش اخاف منه ؟هو مو ولي نعمتي اللحين ما عدت اشتغل عنده هو حاليا شخص حاله حال اي شخص ثاني..كان المكتب
كبير ولون الطوفات بيج اما الاثاث كان مشمشي ..
كان مساعد قاعد على المكتب الفخم كان موجه ظهره ناحية فرح ووجهه ناحية الشباك الكبير اللي يطل على بحر الكويت..شافت فرح وجه ثاني موجود بالمكتب لكن وجهه كان مريح
وفكرت انه ممكن يكون شاهر اللي دايما تسمع عنه ..وقف لها شاهر:
هلا اختي حياج تفضلي



................


0 انا العبد الذى..........
0 انشودة حاولت في قلبي وانا أقول بنساك
0 ملابس منوعه جميله
0 القرآن الكريم كاملا بصوت القارئ عبدالباسط عبدالصمد
0 عصابة البنات وعصابة الشباب
0 حبيبي ضمني لصدرك و علمني اللي ما عرفه قلبي
0 هجير قلبى عندك أسير
0 فيس بوك ( ابو لهب)
0 كلمات خطيرة ... لازم نتجنبها ... انتبه !!!
0 أتحداكم تقرونها
0 حلـا النوتيلـا
0 صور حقيقية عن طول سيدنا آدم ؟؟؟!!
0 تَشكِيلةْ new collection
0 صورة الى كل من يتصيد أعراض المسلمين ويوقع بالفتيات في الشات أو المنتديات أو الشارع
0 فهرس الروايات الكامله
التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً  
قديم 05-28-2011, 08:59 AM   #5
-||[كبار الشخصيات في المنتدى]||-
 
الصورة الرمزية لجل كل القلوب
 
تاريخ التسجيل: Jul 2010
الدولة: فى قلب كل عاشق
المشاركات: 2,965
معدل تقييم المستوى: 12
لجل كل القلوب is on a distinguished road
افتراضي


اشرت له فرح براسها وابتسمت له بدون ما تقول ولا كلمه وقعدت على الغنفه الفخمه اللي تسوى اثاث بيتهم كله!!
مساعد ووجهه للحين جهة الشباك:
شاهر اتركنا بروحنا لوسمحت
طالعت فرح لشاهر ودها يقعد ما يروح لان اللي سمعته عنه ان طيب وحبوب..شاهر:
على امرك
تم مساعد يطالع من الشباك وهي متيبسه بمكانها تطالع بشماغه اللي باين من ورا الكرسي ..بهاللحظه ما تدري ليش كان ودها تبجي ..وفعلا حست بالدموع تجمعت لكن غمضت عيونها ..بهاللحظه لف مساعد الكرسي
وشافها..قاعده قباله مغمضه عيونها كان واضح لمعان الدموع بعيونها ..تم يطالع فيها {يالله عمره ما شاف رموش طبيعيه بهالكثافه !!لكن مع هذا كان وده ينتفهم رمش رمش !!دقق على ملامحها فعلا جذابه لكن هالشي ابدا ما اثرت فيه
جاذبيتها ماراح تشفع لها تطاولها عليه وتحديها له..واللي يشوفها بهالوضع يقول عنها بريئه وخجوله حدها !!
فتحت عيونها وتلاقت مع عيونه كان رافع حواجبه بسخريه شديده وهي تمت تطالع فيه منحرجه لكن ما راح تسمح له يذلها بعد اليوم..تمنت لو تعطيه كف على وجهه تطير حواجبه!!نزل عيونه من وجهها لرقبتها بعدها ركز على صدرها وهي انحرجت
حدهاا..{وقح حده وقح!!}لفت وجهها عنه ..حست انها قلبت طماطه ..وزادت ابتسامة مساعد الساخره
تسند مساعد باريحيه على الكرسي:
مطولين جذي؟ترا وراي اشغال مو فاضي لحضرتج طول اليوم!!
فرح جمعت قوتها وردت بصوت حاولت تخليه طبيعي:
لا مو مطولين..انا جايه اخذ حقوقي
ضحك بسخريه:
هههههههه اللي يسمعج يقول مستحقاتج بالملايين!!
فرح:
ملايين ولا ملاليم ..حقي وابيه
مساعد مستصغر المبلغ:
كلها 2.500دينار بس!!
فكرت فرح بداخلها ان هالمبلغ عند مساعد كأنه250فلس!!لكن بالنسبه لها ثروه:
حتى لو كانو دينارين ..ابيهم
سكت وقرب جسمه للمكتب:
ليش كنتي مدمعه قبل شوي؟
انصدمت فرح من سؤاله!!وطالعت له بذهول كبير ..هو شكووو؟!!
مساعد كمل:
ماسكه نفسج غصب عشان ما تبجين!!
فرح خذت نفس وقررت ترد عليه بأدب هي مو جايه تهاوش:
وليش ابجي؟
صوتها كان مرتعش وهالشي كان واضح لمساعد..مساعد سوا نفسه متأثر معاها:
يعني بصراحه ما الومج وحده بتترك وظيفتها وولد اخته تدمر مستقبله الدراسي و..
فرح قاطعته لا شعوريا:
شدخل مستقبل عبدالله؟!!
طالع بملامحها اللي احتدت ..وعيونها ..سبحان اللي خلقهم!!مساعد انتبه لعيونها وانهم حووور!!فرح حوراء؟!!
مساعد:
هي السالفه كلها بسبب عبدالله؟مو؟
فرح ترد تلقائيا وماسكه نفسها غصب:
لا مو عبدالله السالفه هوشة مراهقين وانت مكبر الموضوع
مساعد ببراءه:
اناااا؟!! وكمل:يا اخت فرح انتي اللي مكبرته !ولا انا حتى ما طردتج من الشركه..انتي بروحج قررتي تتركين الوظيفه!!
فرح تكتفت:
لان اذا ما تركتها بكيفي ..انت راح تتطردني..ولا يمكن انت منقهر لاني ما عطيتك فرصه انك تبهدلني وتذلني!!
انتبه مساعد لايدينها ولا حظ التوتر عليهم:
راح اسوي نفسي ما سمعت كلمة منقهر!!
مساعد:
شوفي يا اخت ..انتي عارفه نفوذي سلطتي ..تدرين اني اقدر اسفرج انتي وعايلتج القرقيعان من الكويت خلال يوم واحد!!
فرح :
اعتقد انه ماله داعي هالكلام..هالكلام مله شغل بموضوعنااا يا اخ
مساعد:
هههههههههههههههه اخ مساعد ههههههه
فرح قعدت تشرح له على نيتها وركزت عيونها عليه ..وفرح لما تركز يبن حورها اكثر:
انا ما عدت اشتغل عندك!!وحتى لما كنت اشتغل عندك عمري ما قلت لك كلمة سيدي او طال عمرك او عمي !!!
طالع لعيونها بتركيز ..عيونها صج تذبح..
مساعد:
تدرين اني متحسف لاني ما تعرفت عليج قبل هالمره ..وانتي طول هالوقت عندي بالشركه!!
وكمل وهو يستند على الكرسي:
بعدين ليش تسبقين الاحداث؟انا لحد اللحين ما طردتج من الشركه وللحين ما اخذتي مستحقاتج
فرح طالعت في الارض :
وانا الحين جايه آخذهم
سكتو وفرح غمضت وركزت بالارض وهو يطالع فيها .. فجأه رفعت راسها فرح:
شوف أخ مساعد ..
ضحك مساعد بصوت واطي لكن سمعته .. كملت فرح وطنشته :
انا مابي شي وعلى قولتك قبل شوي انت وراك اشغالك واعمالك عطني حقوقي وتوكل على الله واوعدك اني ماراح تشوف وجهي هني
مساعد رفع حواجبه:
طيب .. واذا قلت لج ان عندي اقتراح ثاني ؟!
طالعت بخوف شنو اقتراحه ؟ ماتبي منه اي اقتراحات لو بكيفها اصلا ماجت الله يلعنج يالحاجه قتحت فمها بتكلم بس هو سبقها :
لحظه.. بس انتي سمعي واذا ماعجبج اخذي مستحقاتج وتوكلي على الله
فرح بهمس :
طيب
مساعد استانس وقام وقعد بالكرسي اللي قبالها ......







شنو اقتراح مساعد لفرح ؟؟؟

هذا السؤال انتظركم تجاوبون عليه



راح انزل بارت كل خميس

محبتكم غصن الذهب




............


التوقيع
هُنا مسقطُ رأس قلمى ..،

كمـ أشتقتُ إلى ولعى بهذا المكان ،،

فهل رائحة عطرى ما زالت تعبقُ بالأرجاء ؟!

وهل أسمى ما زال منقوشّ فى ذاكرتهم ؟!

[ تذكرونى إن كُنت أستحق الذكرى ]
لجل كل القلوب غير متواجد حالياً  
موضوع مغلق

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية احرف مطمورة بين طيات الورق/للكاتبة primrose كاملة $$$ الحب الخالد $$$ قسم الروايات المكتملة 133 10-10-2013 06:24 PM
الطيور المهاجره ... cris.7. sari منتدى الرياضة 4 03-28-2010 12:22 AM
عاجل اقولها بدون خوف و بكل صراحة إدارة منتدى برق فاشلة جدا Y.G.4ever المنتدي العام 6 02-27-2010 04:15 PM
بكل هدوء ....... اليونايتد يسحب لاعب بعمر 14 سنة من هال سيتي OMAR JACKSON منتدي كرة القدم العالميه 1 09-27-2009 05:45 AM
صورة حصرية ناردة لــ هدوء الكون ــ (oOo) خفيف^^الظل منتدي النكت و الطرائف - ضحك و فرفشة 12 01-27-2009 10:13 AM


الساعة الآن 12:23 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.