قديم 07-16-2011, 12:21 AM   #1
-||[قلم من الماس]||-
 
الصورة الرمزية مش هينه
 
تاريخ التسجيل: Mar 2011
الدولة: القاهره
العمر: 25
المشاركات: 616
مقالات المدونة: 15
معدل تقييم المستوى: 9
مش هينه is on a distinguished road
افتراضي تيجوا نعمل لرمضان حمله وكل الأعضاء يكونوا معانا




ღღღღღღღღღღღღ

تيجوا نعمل لرمضان حمله وكل الأعضاء والزوار يكونوا معانا فيها

هاهو رمضان على الأبواب هاهو يقترب منا أكثر فاكثر هذا الشهر الكريم هذا الشهر الذى نشعر بحلاوته فى قلوبنا و فى مصر بقى نلاقى العيال المفاعيص طول الواحد منهم شبرين أو شبرين ونص ويخبط عموعمو عايزين فلوس علشان زينة رمضان ويلفوا على الناس فى ناس تديهم وناس متفتحش الباب وناس تبص من خرم الباب متلاقيش حد فتفتكر حد بيرخم وناس تحدفهم من الشباك وناس تقولهم الله يسهل ليكم وبالرغم من هذا إلا أنهم يحاولوا جمع الأموال لعمل زينة رمضان وليلة رمضان تلاقى الناس فى الشارع و تحس بشعور غريب فى الشارع بالرغم من أن الشارع ده موجود من أيام الفراعنه إلا أن الناس من كثرة فرحتها برمضان بتحس بإن كل حاجه ليها طعم تانى وتلاقى بقى قبل الفجر بحبه محترمه العم المسحراتى وتلاقى الأهل نايمين والمفاعيص صاحين يجى الراجل يقول اصحى يانايم ويقول حبة أسماء من عنده تلاقى المفعوصه وقول اصحى يافريده ياعمو والمفعوصه أساسا فى الدور إلى فوق والمسحراتى الغلبان ايوه يابنتى اصحى ياتفيده والبت تقوله فريده ايه تفيده ياعمو والراجل ياعينى كبير فى السن وسمعه على أده بقى و اخرت لما يزهق من البت قومى يا جمالات هنا بقى البت تشد فى شعرها من الراجل والمفعوص كذلك وخناقات مع المسحراتى وساعات ده بيخليهم يصحوا بدرى علشان يفضلوا يسماعوا الراجل علشان يقول الأسماء صح بس مافيش فايده أنا عن نفسى مش بصحى على صوت المسحراتى أوى بس بسمع صوت العيال وهما بيتخانقوا مع المسحراتى وبصحى وبالرغم من كده إلا إن فى رمضان وفى ناس ماتختيش عتبة المسجد إلا فى رمضان فى التراويح والناس بتكون إيمانيتها عاليه بس إحذر من إنك تتخانق فى أول يوم هتلاقى الناس خلقها فى مناخيرها وبالرغم من كده يذكر النبى صلى الله عليه وسلم يهدوا وكل واحد يبقى عايز يبوس دماغ التانى ويتخانقوا من جديد بس على مين يبوس رأس التانى وياسلام لو مشيت فى الشارع المغرب تلاقى الشباب واقفين مستنينك بالبلح ومشروب قمر الدين ومشروب التمر هندى وكل حاجه يعنى لو مراتك عملت أكل وحش إنزل الشارع أو المسجد هتلاقيك رجعت البيت وأنت شبعان وفى إيدك أكل مقدرتش تكمله طيب لنفرض كده واحد محبش ياخد هتلاقى الأكياس بتتحدف و أنت ماشى والعيال إيه جامدين بينشنوا على زجاج العربيه بيحدف على بعد أمتار إلا إنك هتلاقيها جوه العربيه طيب مرضيتش توقف هتلاقى واحد واقف بصدره أمام العربه تيجى يمين يجيلك يمين طب شمال هتلاقيه معاك هتاخد يعنى هتاخد وخيرات ربنا كتير وحوار شحاتين رمضان بيكونوا مميزين ويستغلوا إن الناس عايزه تتقرب لربنا وينزلوا يشحتوا وده بالنسبه ليهم بيكون موسم الشحاته الكبير ده من كتر ماالواحد بشوفهم ميزهم وعندنا راجل بيشحت بجلابيه لونها أزرق لو جيه عندكم محدش يديله وتلاقى الناس ديه ربنا يعافيهم عندهم داء الشحاته وهما مش محتاجين بس إتعودوا على كده فمتديش غير لشخص محتاج فعلا مش بتشوفه فى كل رمضان و لو نزلت التراويح تلاقى الناس كلها واقفه كتفها فاكتاف بعض تلاقى الللى بيسكر واللى بيدخن واللى بيكذب واللى بيعمل ذنب كبير تلاقيه واقف وبيقول يارب ارحمنى تجد الإمام يدعو و أصوات المئات والالاف تؤمن على دعائه يارب وتجد المسجد يهتز بأصوات تأمينهم وتجد الإمام اللهم إنك عفو تحب العفو فاعفو عنا جئناك بذنوبنا ويتحشرج صوت الإمام من البكاء وتجد أصوات البكاءترتفع و تختلط أصوات الرجال بالنساء بالأطفال بالفتيان وبالفتايات وكله يدعى ربنا وندعى لفلسطين وكل يقول من قلبه آآآآآآآآآآآآآآآآآمين وكله يحاول إنه يأخذ من رمضان طاقه يقدر يكمل بيها حياته ويأتى رمضان نشحن به إيمانياتنا ونستمد منه القوه والثقه بالله ندعى اللى يدعى ربنا يرزقه بمال واللى داخل ثانويه عامه واللى عايز يتجوز واللى عايز يخلف واللى ..............واللى...............وكله بيدعى ربنا ..ربنا إللى بيرزقنا ربنا إللى بنعصيه فى أرضه وتحت سماؤه ولما نرجع له يستقبلنا ربنا إللى رحيم بينا اللى يدلنا على الصح كتير وإحنا نرفض ربنا اللى لما نحتاجله بنلاقيه جنبنا ربنا اللى لما بنتألم بنقول يارب فيزيل الألم ربنا اللى لما نحس بقلبنا بيوجعنا بنقوله يارب قلبى واجعنى ربنا اللى لما حد بيظلمنا أو يذلنا بنقووله يارب ربنا اللى أطعمنا ربنا إللى سقانا الله الذى يعطى ويرحم ويغفر ربنا حبيبنا ربنا الحنان المنان ربنا الشكور الصبور الغفور
يااااااااااااااااااااااااااااااااااااااااااااه على كرمك ياكريم
يااااااااااااااااااااااااااااااااااااااااااااااه على حلمك علينا يا حليم
وياااااااااااااااااااااااااااااااااااااااااااااااا اه ويااااااااااااااااااااااااااااااااااااااااه
((((و إن تعدوا نعمة الله لا تحصوها)))))
وعلشان ده رمضان عايزين نتفق على حاجات نعلمها سوى عايزين يكون لينا شعار واحد فى رمضان عايزه أشوف شعارتكم ؟؟؟؟؟؟؟؟؟؟؟؟؟؟؟؟؟؟؟
عايزه أعرف أجوائكم فى رمضان ؟؟؟؟؟؟؟؟؟؟؟؟؟؟؟؟؟؟؟؟؟؟؟
فى ناس فى برق جامده فى التصميم عايزنهم يصمموا لينا الشعار فى شكل حلو الشعار هيكون إن كل واحد هيقول شعار حلو بس مش يكون متكررر يكون إبتكاروسبب إختياره للشعار ده بس ياريت لو يكون شعار كامل لمفهوم الدين يعنى مثلا مش هنصدق فى رمضان تمام بس فى زكاه وفى صدقه ده يكون شعار يوم بس الحمله عايزين ليها شعار شامل ؟؟؟؟؟؟؟؟؟؟؟؟؟؟؟؟
الشعار الجديد اللى مش متكرر مش هختار أنا منهم هفتح موضوع للتصويت وهعرض عليكم الأفكار وعلى حسب التصويت هتكون الفكره الناجحه هى اللى هتكسب معانا وده هيكون الشعار ؟؟؟؟؟؟؟؟؟؟؟؟؟؟؟؟
عايزه أعرف كل واحد نفسه يخرج من رمضان بأيه ؟؟؟؟؟؟؟؟؟؟؟؟؟
عايزه كل واحد فى المنتدى وفى الزاور يحط إيده معانا وكله يشارك سواء كنت أهل سنه وجماعه أو غير ذلك لأنك فى الآخر مسلم عايزين نعمل حاجه فى رمضان نشجع بيها بعض على الخير اللى بيعرف فى السويش ماكس والفوتوشب واللى عنده موهبة الكتابه واللى بيحب يبحث فى المنتديات كلها ويعرفنا إذا كانت الفكره جديده ولا لا مش عايزه حد يشارك وحد لا لا عايزين كلنا نشارك ولو زائر يعمل اللى إحنا هنعمله ويدعلنا .


ღღღღღღღღღღღღ



مش هينه غير متواجد حالياً   رد مع اقتباس
قديم 07-23-2011, 07:17 PM   #5
-||[عضو فعال]||-
 
تاريخ التسجيل: Jun 2011
العمر: 60
المشاركات: 11
معدل تقييم المستوى: 0
عاطف عابد is on a distinguished road
افتراضي


مشكورة على الموضوع ورمضان كريم انشاء الله يأتي وانت ونحن والامة العربية والاسلامية بالف خير وعافية .... وتقبلي مروري مع خالص تحياتي لك .... عاطف عابد / العمدة


عاطف عابد غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية بيتال ونص رغم السوالف )) مضحكه $$$ الحب الخالد $$$ قسم الروايات المكتملة 202 10-11-2013 09:47 AM


الساعة الآن 03:31 PM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.