قديم 07-30-2011, 05:28 PM   #1
-||[كبار الشخصيات في المنتدى]||-
 
الصورة الرمزية جايسون
 
تاريخ التسجيل: Jul 2011
العمر: 25
المشاركات: 3,765
معدل تقييم المستوى: 12
جايسون is on a distinguished road
افتراضي الحظ اذا قام


السلام عليكم ورحمة الله وبركاته
هذه قصه سمعتها وحبيت اسمعها لكم واتمنى تعجبكم ....


يقول كان فيه اخوين طبعا القصه قديمهالاخوين هذولا وتحد منهم غني تاجر ومتزوج ورازقه الله اما الاخ الثاني فقير على قد حاله مايملك اي شيئ اللهم ان اخوه مشغله عنده باجر انه يسد جوعه وضماه بس والاخ الغني هذا يروح يسافر وراه تجاره يغيب عن الديره والبيت بلاشهر وفي مره من المرات الي سافر وحرمته باخر شهر حملها وكان الرجال الغني ذا مسمي الولد قبل لايجي مسميه (سالم)واهل الديره كلهم عارفين المهم ان المره ولدت والاب مسافر والمتعارف بلعادات الاوله ان الولد مايسمى الا لين يذبحله والانس ذاك الوقت مايكلون اللحم الا بلمناسبات اما تميمه او بزواجات او شيئ من ذا القبيل الحاصل وشو ان الناس اهل الديره ازعجو اخو الغني ان يذبح لولد اخوه لان الرجال ابطا بسفر مافيها الشيء وقالوله توكل على الله وذبح بعد الحاح من اهل الديره ذبح لولد اخوه وسماه (سالم) مثل ماقال ابوه رجع اخوه من السفر بعد مده وشاف الي حصل وقال لاخوه باي حق تذبح وتسميه وانا غايب وطالبه بان يدفع قيمة الذبيحه الي هو ذبحه قال الاخ الفقير اني ذبحت لولدتك ماغلطت قال ابد تدفع قيمة الذبيحه ولا انتقاضا عند الشيخ
راحو لشيخهم الي بديره وقالوله الي صار رد الشيخ وقال انا مقدر انفعكم بس فيه شيخ يبعد عنا في الديره شيخ معروف لانهم هم ساكنين بلبر وخيام تبي تمرون على قبايل وخيام لين تاصلون للشيخ يعني مسافة ثلاث ايام بليالها ومشوا الرجال الغني راكب على الرحول والفقير خوينا على رجلينه بجنبه ومشو وطلعو من الديرهاقبلو على خيمه وراعي الخيمه شافهم وقام يرحبهم طبعا قلط الي على الرحول اما خوينا خلاه برا يجلس لانه على رجلين اكيد انه صبي المهم جلس الفقير تحت شراع الخيمه الي ورا على نياته مادرا الا مرة صاحب الخيمه طلعت وشافته وخافت منه وهي حامل وطاح الي في بطنها من قو الخوف وقام راعي المجلس بغا يذبح الفقر لين امسكه اخوه الغني وقاله حنا رايحين للشيخ تعال معنا وخذ حقك من كلام الشيخ وركب معهم ومشى سروا اثنين على الرحول وواحد على رجله ومشو لين الرجال الي يمشي على رجلينه خوينا الله يكرمكم انقطعت نعالهوجلس قال مانيب ماشي ونعالي مقظوعه المراد انهم راحوبه للي يخيط النعال وانتم بكرامه خوينا الفقير قام يربك الي يخيط النعال لين الي يخيط انقعت عينه من ازعاج الفقير لانه اشغله بلحاحه ويوم انقعت عين الي يخيط قاله راعي الخيمه والتاجر تعال معنا للشيخ وخذ حقك من كلام الشيخ حنا رايحين للديره الي فيها الشيخ
ومشى معهم وراحو ووصلو عند المسجد الي فيه الشيخ المعروف الي بيحكم بينهم وعاد المسجد ذاك الوقت طين من المساجد القديمه وصلو معه العصر وطلع الفقير من المسجد ورقى على المناره مكان المذن فوق يبي يطب من المناره للارض بيموت وش يسوي خاف من الناس وعارف ان الشيخ بيحك عليه بشيء ما يقوااه وطب هبببببببببببب الين طاح على عود (ن)جالس عند باب المسجد ويموت العود وخوينا يسلم ويجون عيال العود بيذبحون قاتل ابوهم الفقير انحاش ودخل للمسجد عند الشيخ وجلسو قدام الشيخ كلهم تقدم الاول الاخ الغني عند الشيخ وقاله سالفته وانه يبي حقه من اخوه وقاله الشيخ ابشر بحقك الذبايح الي ذبحاه اخوك ولكن الولد الي سماه اخوك له موب لك وانت تبي الذبايح ولا الولد قال الاخ لا والله ابي ولدي قال الشيخ اجل اسمع عط اخوك حق المشواار الي ضربه والتعب الي تعبه وعطاه حقه تقدم الثاني الي هو راعي الخيمه الي مرته سقطت قاله السالفه كذا قال الشيخ اسمع الولد الي طاح نبي نعطيك اديته لكن بشرط انك تتطلق حرمتك وتزوجها الفقير لانه كشف حرمتك وشافها وانت القرار لك تبي حرمتك ولا ديت ولدتك قال لا والله ابي مرتي بنت عمي ولاابي اطلقها قال اجل اسمع عط الرجال حقه وتعبه بمشوااره الي هو خوينا الفقير وعطاه حق تعبه وتقدم الثالث الي انفقعت عينه وقاله سالفته
سأله الشيخ وقال هو غصبك تشتغل الشغله هذي قال الرجال لا واله ماغصبني قال كملك تشتغل بذا الشغله قال مبطي قال اجل مالك شيء هذ ا شغلك وتحممل اضراره عطه بس تعب المشووار ولاتكثر من الكلام المهم تقدمو عيال العود الي طاح عليه الفقير وقالوله السالفه قال الشيخ خلااص حقكم بيجيكم حنا بنربط الرجال ذا تحت المناره وواحد منكم يطب واذا مات الرجال حقكم اخذتوه لكن اي واحد منكم يطب ويجيه شيئ ترا مهب مسؤل عنكم سأل الشيخ العيال وقالهم من الي بيطب منكم قالو والله حنا محنب طابين قال الشيخ اجل يله اطلعو برا مالكم شيء هو ماذبح ابوكم متعمد لا لكم شيئ وهوماعليه شيئء
عوود خوينا للديره وهو مغنيه الله وحظه قام ومغنيه الله ......
وسلااامتكم دمتم...


0 بطاطس يحب هههههههه
0 ْ~قصه مؤثره~ْ
0 عربه خطيره
0 عندما أخجلتني زوجتي
0 الملكي بقيادة السبيشل وان يتدرب اليوم تحضيرا لمباراة ريو فاليكانو !!!
0 انتحار (رنا) بالصور‎
0 سم اقرب الى الحقيقه ( أبداع )
0 بنت مستقوية؟؟
0 الرجل الذي تحبه المراه........
0 رســـــــــــــــالة عاجـــــــلة إلي كل محبط لم يستعد لرمضان حتى الآن ! الأمل لايزال
0 شاب فرنسي وسعوديه~خخخخخ~
0 شاب نشر صورة اخته ع الانتر نت
0 مدرسين آخر زمن
0 اغرب الصواعق ...
0 بريطانية تفوز بلقب أقبح امرأة فى العالم
جايسون غير متواجد حالياً   رد مع اقتباس
قديم 07-31-2011, 11:07 AM   #5
-||[قلم من ذهب]||-
 
الصورة الرمزية theblack
 
تاريخ التسجيل: Jul 2011
المشاركات: 367
معدل تقييم المستوى: 9
theblack is on a distinguished road
افتراضي


سلمت اناملك...

في انتظار جديدك الممتع....

في حفظ المولى....


theblack غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية عشـــاق من احفـاد الشيـطان - كامله $$$ الحب الخالد $$$ قسم الروايات المكتملة 171 03-27-2017 04:01 PM
زد رصيدك مسلمة مفتخرة المنتدي الاسلامي (الشريعة و الحياة) 18 11-05-2012 12:13 PM
اقوى50 نكته هههههههههههه وقسم تموت ضحك ,,الكاتب:مطيح النياق مطيح النياق منتدي النكت و الطرائف - ضحك و فرفشة 9 11-15-2011 04:01 PM
صور وخلفيات الحانوتيunder taker Ooعاشق ميسيoO منتدي المصارعة الحره واخبارها WWE-RAW-TNA-SmackDown 7 06-19-2010 12:43 PM
الزوج بعد .. 6 صفا لبنان المنتدي العام 9 11-17-2009 08:06 AM


الساعة الآن 02:31 AM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.