قديم 10-11-2011, 07:13 PM   #1
-||[عضو فعال]||-
 
الصورة الرمزية شِـهــرّيـه آلِـيـمـّـة
 
تاريخ التسجيل: Oct 2011
المشاركات: 36
معدل تقييم المستوى: 0
شِـهــرّيـه آلِـيـمـّـة is on a distinguished road
روايتي الاولى ( امانة لا تخليني احس انك دفئ سنيني ) / بقلمي ( شِـهــرّيـه آلِـيـمـّه)


الـــســــلآم عــلــيــكـم و رحــمــة اللـّـــــه و بــركــاتـــه
يــســـــعـــــــد مــســآئـكـــم / صــبــآحـــكــــم


حبيت انزل روايتي الاولى ( أمآنة لآ تخليني أحس إنك دفئ سنيني )
في هذا المنتدى الرائع و المتالق .......

ما راح اتكلم في روايتي كثير ..
ابيكم انتو تكتشفوون ..


في البداية راح اوضح بعض النقاط :

1) اتمنى تعطوني رايكم في كل بارت و مابي ردود سطحيه
و اتقبل النقد الايجابي و السلبي ..

2) مافي وقت محدد للتنزيل راح انزل كل بارت اول ما اخلصه
و بليز مابي > وينك ,, وين البارت ,, تاخرتي ,, الخ ..

3) اخيرا و الاهم ما احلل و لا اسامح من ينقلها دون ذكر اسمي
الكاتبه ( بآربي الشهري ) ..


و اتمنى اشوف التفاعل عشان اكمل الرواية


اتمنى لكم قراءة ممتعه و شيقه ....
مــع حــبــــي ( بــآربـــــي الـشــهــــــري ) ..



التعديل الأخير تم بواسطة حـــلا برق ; 10-24-2011 الساعة 08:53 PM
شِـهــرّيـه آلِـيـمـّـة غير متواجد حالياً   رد مع اقتباس
قديم 10-11-2011, 07:16 PM   #2
-||[عضو فعال]||-
 
الصورة الرمزية شِـهــرّيـه آلِـيـمـّـة
 
تاريخ التسجيل: Oct 2011
المشاركات: 36
معدل تقييم المستوى: 0
شِـهــرّيـه آلِـيـمـّـة is on a distinguished road
افتراضي


بـــســـــم اللّـــــــه الــرحـــمـــــــن الــرحــــيـــــــم ...


( أمـــآنـــــة لآ تــخــلــيـــنـــــي أحـــــس إنـــكـ دفــــئ ســنــيــنــــــي )

الــكـــاتــبــــة / ( بـــآربـــــــي الــشــهـــــــــري )


•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

( الـــــــــــــــبـــــــــــــــــــــــارت الاولـــــــــــــــــــــــــــــــ )

فـضـــول ، لــقـــــافـه ، حــــب اســتــطــــلاع .. و الـنـتـيـجــه وحــــــدهـ !!

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•


فـــــــــــي دبـــــــــــــــــــــي ....

وقفت سيارتها الـbmw باللون الاسود و نزلت منها بكل شموخ و كبريآء دخلت المجمع و في بالها شئ مخططة له من أيآم ..
طلعت لاحد المقاهي اللي امام النافورة الراقصه بعد ما امرت السائق يآخذلها غرفه في فندق ( أرمآني )و يطلع اغراضها ..
اختارت لها مكان في زاويه المقهى ما كان في ناس كثير حولها طلبت لها ( تركش كوفي ) ..
جاها اتصال رفعت جوالها بإشمئزاز لانها اصلا متوقعه هذا الاتصال ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

في احد مقاهي مجمع ( دبي مول ) و تحديدا بـجانب طاولتها ..
- الشاب 1 : شباب ما ودّكم نرجع السعودية ؟
- الشاب 2 : آفـآآآ خالد لا يكون زهقت ,, خبري فيك تحب دبي .
- خالد : لا والله فيصل بس عندي اشغال مهمة بالرياض لازم اخلصّها .
- فيصل : والله انا ما عندي مانع ,, وشرايك سامي.
- سامي :لا عاد ,, تكفووون ,, خلونا نقعد كم يوم زيادة والله ونآآآسه .
- خالد ( يآليل المصالح ): خير ان شاء الله .

رفع عينه طاحت على وحده باين انها سعوديه اصل فصل من عبايتها الفخمة و لثامها اللي طالع منها عيونها الخقّه ..
- خالد ( يآ لبييه هذي اللي تستاهل ينقال عنها العيون الذبّآآآحة )
انتبه لإشمئزازها و الحقد في عيونها لما رفعت الجوال ناظرت اسم المتصل .. كان اقرب واحد لها يقدر يسمع كلامها ..
هو كان ناوي يسمع كل كلمة تقولها ما يدري ليش بس يبي يعرف سبب انقلابها لما شافت اسم المتصل ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

رفعت الجوال بكل إشمئزاز من اسم المتصل و بكل حقد ردت ..

- المتصل : آهـلـيييـــن ..
- هـي : اسمع هي كلمتين و رد غطاها انا جآيه دبي مخصوص عشان الشريط ,, سلّم و استلم .
- المتصل بـخبث : ههههههههه يعني جتي شى جديد عارف انك في دبي ,, و اذا تبين اسلّم الشريط من عيوووني بس شنو استلم .
- هـي ( ضحكت من سرّك بلآ ): حلوو لين هنا حلوين ,, راح تستلم مبلغ و قدرهـ ,, و نخلص من السالفه .
- المتصل : هههههههه لآ لآ انا مابي فلوس الحمدلله ربي منعم علي ,, انا ابي شئ ثاني و احلى من الفلووس بكثيييير .
- هـي : ما فهمت قصدك ,, وش تبي ؟
- المتصل : آبيك انتي ,, انتي يا جـنــآن .
- جنان منصدمة من وقاحته : يآ كلب ,, يآ حثااله يـ....
- قاطعها المتصل : لآ لآ كذا مو حلوين .
- جنان : مازن يا كلب الشريط راح تسلّمه ,, واحلم اكون لك ,, يا حثاله .
- مازن : ههههههههه لآ لآ لـ ...
- قاطعته جنان : اسمع يا حشره لك ثلاث مية الف مقابل الشريط ,, و سلّمه بالطيب احسن لك قبل اخذه بالغصب
و تخسر المبلغ اللي يعيشك و يعيش عشرة من امثالك ,, فاااهم ؟
- مازن بوقاحة : جنان كلامي واضح ,, مابي فلوس ,, ابيك انتي .
- جنان و هي تحاول تكتم غضبها لا تثور فيه : و انا ما ابيك ابي خطيبي .
مازن بصدمة : خـطـــيــــبــك ؟ كيـــــف بســ...
- قاطعته جنان : ايوه خطيبي و بصراحة احبه و هو يحبني و مابي غيره ,, اتوقع كلامي واضح .
- مازن باسلوب استفزاز : تحبينه ؟ و رحتي الحفله ؟ انا اعرف ان اللي يحب ما يخون يا ,, حلــوة .
- جنان هنا خلاص وصلت حدها قالت و هي تطحن بين اسنانها : مازن انت عارف اني رحت مخدوعه ,,
و صدقني اللي معك باللعبه الوسخه هذي راح اطلّعها من تحت الارض يا حثاله .

و قفلت الخط في وجه و هي ترتجف من العصبيه و الحقد اللي مبين في عيونها ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عــــــنـــــــــــد خــــــــــــــالــــــــــــــــــد ..
( هذي وش سالفتها ,, اكيد وراها مصيبه ,, وشدخلني انا ,, بس ليش الرجفه هذي حتى الجوال مو يهتز ,,
و كل الحقد و الكره في عيونها ,, و الشريط شكله مصيبه )

- فيصل بصراخ : خااااااااااااااااااااالد .
- لف خالد ببرود : نعم ,, ليش هالصراخ تراني جنبك و اسمعك .
- فيصل : معاذ لا يفووتك بس يقول جنبك و اسمعك ,, ساعه نناديك منت يمنّا .
- معاذ : ههههههههههه اللي ماخذ عقلك يتهنى به .
- خالد ( هذا اللي يبيني اصكه كف يعدل شوشته ): طيب خير وش تبوون ؟
- سامي : حلووة وش نبي ,, وشفيك مضيع ,, الحين موعدنا نطلع برج خليفه الساعة 7:30 .
- خالد لف طالع في جنان بعدين قال : خلاص روحوا ما مسكتكم .
- فيصل انتبه لحركته بس ما ضرب لها حساب : و انت ؟ ما بتروح معنا ؟
- خالد ما يدري ليه يبي يقعد عشانها بس السبب مجهول هو نفسه مو عارف : ايه مابي ,, مالي خلق باقعد هنا لين ترجعون .
- سامي : ليه خلّـود ,, امش يا شيخ لا يفوتـكـ...
- قاطعه خالد : خلاص روحوا ,, انا قد طلعت مليوون مرره ,, بانتظاركم .
- معاذ : طيب براحتك ,, يلا شباب مشينا .

قاموا الشباب طلعوا البرج .. خالد جلس و لف عليها لقيها تقلب في الجوال ..
- خالد ( وشفيها ذي ,, بس انا وشدخلني فيها ,, اوووف اكيد وراها سالفه )

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــــي الــــريــــــــــــــاض ....

كانت في غرفتها تحوس في الغرفه تدور جوالها .. و الغرفه مقلوبه فوق تحت ..
- هـي : ياا ربي وين راح ذااا .. اوووووف ابي اتصل على جنـّوووون ..
فجآة صدح الجوال باغنية اجنبيه كلاسيك ..
- هي : الله يوفق من اتصل ,, ههههه ,,, هذا هووو لقيته ...
ابتسمت على اسم المتصل
- هـي ( الطيب عند ذكره هههههه )
و ردت بـ لهفه ..

- هـي : آآهلييييين جنـّووونـتي .......
- جنان : ألــوو ,, ملـوووكه ,, كيفك اخبارك ,, كيف بابا ؟؟
- ملاك :هـــلا,, تمآآآم قلبي ,, و بابا بخير يسلم عليك ,, انتي كيفك ؟
- جنان : تمااامووو ,, بابا سأل عني و لّا شئ ..؟
- ملاك : ايووه ,, يقول ليه ما راحت فلتنا و اخذت لها غرفه في الفندق ,, الا صح جنّوون ليه ؟
- جنان : عشان مازن ,, اسمعي بابا لا يشك في شئ فاهمه .
- ملاك : طيب من عيووني ,, بس وشدخل مازن في الفندق ؟
- جنان : لانه يراقبني ,, و ابي اشتته .
- ملاك : اممممممم ماا فهمت .
- جنان : يا الهبله مازن يراقبني و اصلا عرف اني في دبي قبل ما اقوله ,, و اكيد جعفر يطلع الاغراض للفندق
و يفكر اني راح اسكن فيه ,, فهمتي !
- ملاك : اهاااا طيب فلتنا اكيد يعرف مكانها ,, شلون يعني ؟
- جنان : ملآآآكـووهـ ,, لا ترفعين ضغطي خلقه واصله عندي من الكلب هو يفكر اني جاييه بدون ما يعرف بابا عشان الشريط
فـ يحسب اني ما راح اسكن في الفله عشان ما يعرف بابا فهمتي الحين !
- ملاك : اهاااااااا ,, يب يب فهمت ,, والله انك دااااااهيه ,, هع .
- جنان : والله محد حطنا في داااهيه الا انتي ,, تخيلي الكلب وش يبي مقابل الشريط .!
- ملاك : اكيد مبلغ كبير .
- جنان : لا الحشره يبي ,, ما يبي فلووس ,,. يبي ....
- ملاك : وشفيك ,, وش يبي ,, جنان خوفتيني يا بنت !
- جنان : الوقح يقول يبيني انا .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فـــــــي مــكـــــــــــان اخـــــر مــن الممـــلــكـــــــــــة ...

طلعت لغرفه اختها و هي مبوزة .. طق طق ......

- اختها : مييييييييييييييييييييين ,,!!
- هـي : انا فــاتـــــن ,, افتحي .
- اختها فتحت الباب مكشررره : نعـــــم ,, وش تبين ؟
- فاتن مبتسمة ( من هالتكشيرة اقص يدي لو وافقت ): سلامتك ,, بس فدوى ممكن اللاب توب حقك !!
- فدوى باستغراب : ليــــه !! وين حقك ؟
- فاتن : خربان ,, و بابا قال بكرة يجيب لي واحد ,, بس انا ابيه الحين ضروري عندي شغل على النت .
- فدوى ببرود و هي تبي تسكر الباب : لا .
- فات تحط يدها بسرعه على الباب : بلــــــيز فدوى ,, ابيه ضرووري .
- فدوى : خذي حق فيصل و لا فهد .
- فاتن : فيصل اخذ حقه معاه دبي ,, و فهد نايم لو ازعجته صكه في راسي .
جات ترد فدوى قاطعتها فاتن بسرعه و هي تتذكر شئ و على وجهها ابتسامه : طيب واللي يقولك خبر بمليووون ريال .
- فدوى و هي تفكر : آآآآآمممممم ,, على حسب ,, قولي وش عندك .
- فاتن و هي تبتسم على جنب : فيصل في دبي و ....
- قاطعتها فدوى : لا يا شيخه ,, تستهبلين ,, ادري .
- فاتن بمكر : طيب تدري من معاااااه !!!
- فدوى و على وجهها علامة استفهام : منوووو ؟؟
- فاتن ( على حسب هاا ,, خير ان شاء الله اذا ما سلمتي على راسي دام السالفه فيها حبيب القلب ): معـــااهـ ..........

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عــــــــــنـــــــــــــد جـــــــــــنـــــــــــــــــــــان ..

و طاحت عينها على خالد اللي يناظرها و هو مركز و كانه يتصنت .. بس عطته طاااااااااااف و رجعت تكمل ملاك

- جنان : الوقح يقول يبيني انا .
- ملاك شهقت : ايـــــــــش !! الزباله هذا وش شايف نفسه ,, ما عاد الا هو ,, جنان والله خايفه عليك ,,
اخاف الزباله هذا يسويلك شئ .
- جنان بغرور : لا مو انا جنان بنت محمد اللي يبتزني واحد ,, و من مين بعد من واحد مثل مازن ,,
لا تخافين علي ملوكه اختك عن مية رجّال ,, و ان شاء الله ما ارجع الا الشريط معي ,, تدرين توو كلمني و من العصبيه
و القهر قلت شى مدري شلوون اضبّط الوضع .
- ملاك : وش قلتي ,, ترى علييك تفكير يخوووف .
- جنان : قلت له مخطوبه و احب خطيبي و هو يحبني و انا مابي غيره ,, انصدم ,, بس انا ابي اقطع عليه خط الرجعه ,,
عشان كذا قلت هذا الكلام ,, بس تدرين ايش المشكله !!!
- ملاك : شنوووو ,, لا يكون قال باوصل الشريط له و لّــ...
- قاطعتها جنان : لا لا ,, كيف يوصل الشريط و مافي خطيب اصلا يا ذكيه ,, اخاف يعرف اني كذابه .

جنــآن جاها خط ثاني ..

- جنان : ملوووكه ,, شوي و اكلمك عندي خط ثاني .
- ملاك : اووك حبي ,, بااايو و انتبهي على نفسك .
- جنان : طيب حبيبتي باي ,, و سلمي على بابا ,, و انتي كمان انتبهي على نفسك و على بابا ,, بحفظ الرحمن .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــلـــــــه مــحــمـــــد عـــنــــــد مـــــــــــــلاكـ ..

لبست بنطلون سكيني اسود و بلوزة حمراء من بي بي .. نزلت تحت شافت مكتب ابوها منّور من تحت الباب ..
- ملاك ( شكل بابا في المكتب ,, خليني اروح اشوفه و اجس النبض ) .. طق طق ...
- محمد : ايــوهـ ,, تفضل .
- ملاك : سلامووو بابا .
- محمد : هلا يا عيوون بابا .
- ملاك : ايش تسوي ,, شكلك مشغول !
- محمد : ايوه يابوك ,, في اوراق مهمة نسيت اعطيها جنان ,, لازم ارسلها لها .
- ملاك ( لا لا ,, يا ويلي لازم اصرّفه ,, جنان مو فاضيه للشركة اصلا ,, بس هي قالت له انها رايحه عشان اشغال في الشركة ,,
ياااا ربي ): آآآممممم ,, طيب بابا ,, انت مو مشغول بـ مشروعك الجديد ؟
- محمد : الا ,, بس باجله لين بكرة ,, لان الاوراقــ....
- قاطعته ملاك : خلاص بابا ,, اعطيني اياها و انا راح ارسلها لها و انت شوف المشروع حقك .
- محمد : لا يا بابا ,, خلاص راح ارسلها لها ,, اصلا بعد شوي باتصل على الشركة اكلمها
عشان موضوع الاوراق ,, الا هي كلمتك ؟
- ملاك ( لاااااا ,, المشكله اصلا انها ما درت عن الشركة ): هاا ,, الا الا كلمتني قبل شوي و تسلم عليك ,, ما عليك بابا
اعطيني الاوراق ( يعني لازم استعمل شويه دموع سحالي ) و لّا انت تشوفني بزرة و جنان هي بس العاقله و الفاهمة ,, اهئ ,, اهئ
- محمد : لا والله بابا ,, خلاص حبيبتي و لا تزعلين خذي الاوراق ارسليها لها الحين ,, لازم بكرة تخلصها ..
( ابتسم ) و ترى انت و اختك لو تعجزون بتظلون في عيني اطفال .

اخذت الاوراق و طيران على غرفتها .. و ابوها طلع يكمل اشغاله ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عـــــــنــــــــــــد جـــــــــنـــــــــــــــان ..
رجعت للخط الثاني ..

- جنان : ايوه جعفر .
- جعفر : يا عمه في مشكله بسيطه .
- جنان : شنووو جعفر ,, وش صار .
- جعفر : يا عمه انا رحت طلعت الاغراض للفندق و نزلت اخذت لي عشاء ,, و لما رجعت السيارة لقيت ,, لقيت ..
- جنان : شنو ايش لقيت جعفر ,, تكلم وشفيه ,, خوفتني .
- جعفر : لقيت السيارة مبنشره.
- جنان ( اكيد الكلب مازن ,, انا اوريك ): خلاص جعفر انقلها الفله ,, و لا تصلحها لين اقولك ,, و تعال بـسيارة ثانية الحين .
- جعفر : ان شاء الله عمه ,, تآمرين شئ ثاني .
- جنان : لا لا ,, يلا سلام .

قفلت الخط حست نظرات تطالعها .. رفعت عينها جات في عين خالد ..
- جنان ( يا لييييييل هذا باين من خشته سعودي ,, اكيد مالقي غيري يقز فيها ,, اوووووف ,, ناقصه هو بعد )
عطته نظره غرور و نزلت عينها ........

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عـــــــنـــــــــــــد خــــــــــــالــــــــــــــــــد ..
انتبه لها و هي تناظره بغرور ..
- خالد ( نظراتها كلها غرور و كبرياء ,, يا لبيييه هالعيوون يحق لها بصراحه ,, هههههههههه بس مو علي انا خالد عبدالرحمن )

اعطاها نظرة و لف وجهه عنها و هو يفكر في شئ ..
- خالد ( يا لبى الاسم بس ,, جنان محمد ,, صدق من سماها جنان ,, باين انها ذكيه و تكتيكها غريب ,,. يعني هي كذبت على هذا
اللي اسمه مازن و قالت له مخطوبه ,, بس ما حبكتها صح و الحين خايفه يعرف كذبها ,, شكل البنت هذي داااااااااهيه ,, و باين من
هيئتها انها بنت شيووخ ,, بس السالفه كلها على هذا الشريط وش فيه ,, يا ربي وشفيني انا ,, وشلي فيها هذي المغرورة ,, مع نفسها ,,
يمكن يكون فضول ,, بس انا من فين اعرفها عشان يكون فيه فضول ,, و لا هو لقافه لاني ما اداني اللقافه )

اخذ له رشفه من القهوة .. فجآة التفت جهتها بعد الكلام اللي سمعه و شاف .......

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــــي مــكـــــــان اخـــــر فــــي عـــــاصـــمـــــة الـممــلــــكــــــة ...

نزلت من الدرج لابسه بنطلون نيلي واسع و تي شيرت اصفر و مسويه شعرها كدش ..
جلست جنب اختها و سحبت الريموت منها ..

- هـي : هات بس ,, حاطة برنامج ميك آب انتي و خشتك ,, و الحين مباراة النصر و الهلال .
- اختها : سااارووهـ يالعربجيه ,, رجعي البرنامج متابعته .
- ساره تقلدها : سلموووهـ يالماصخه ,, مااااااااافي ,, هع .
- سلمى : سااااره يا زفت ,, انقلعي الصاله الثانية تابعي المباراه و هات الريموت ,, احترميني يا وقحه اختك الكبيره .
- ساره : مـنـّـآآآآآآآآك بس ,, كبييره و عقلك سمسمه ,, خخخخخخخخ .
- سلمى : يماااااااااااااااااهـ ,, تعالي شوفي بنتك الولده ذي لا اذبحها .
- ساره تقهرها : هههههههه حلووووة بس لا تعيدينها ,, ما ذبحتي نملة تذبحيني ,, خخخخخخ والله انك نكته .
- امهم و هي جايه من المطبخ : خيير ,, خييير ,, وش هالصراخ ,, حشى كانكم بزراان .
- سلمى بدلع ماصخ : هذي بنتك العربجيه ,, مامي خليها ترجع البرنامج انا متابعته ,, و خلاص على النهاية .
- ساره : ها ها ,, حلم ابليس بالجنه ,, هههههههه المباراه اهم يا ,, سييمووو ,, خخخخخخ.
- امهم بصراخ مرتفع ضغطها من بناتها : بس انتي و ياها ,, و انت ( اشرت لـ سلمى ) قومي شوفي اخوك وينه .
- ساره : امي العزيزة اي اخ بالضبط ,, اللي يسربت في دبي ,, و لّا الداشر اللي بالاستراحه مع السلنتح حقينه .
- امها : بس يا قليله الادب احترميهم ذولا اخوانك ,, بعدين تعالي لا يكون راكان في دبي ,, كيف و متى راحـ....
- قاطعتها سلمى : لا يمه ,, راكان في الاستراحة ,, و مازن راح دبي قبل امس مدري متى راجع .
- امهم : و كيف راح هذا بدون ما يقولنا ,, هااا؟
- ساره : لا يا امي العزيزة ,, هو قال لابي الغالي ,, يقول عنده مشاغل .
- امهم : اقوول لا يكثر انتي و ياها .
و طلعت غرفتها تريح ...

- سلمى بدلع تبي تقهر ساره : و انا بعد يا ولده ,, رايحه غرفتي احسن من مقابل وجهك الخايس ,, باااااااااااي.
- سارة عطتها طاااااااااف : مع نفسك بس .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عـــــنـــــــــــــــــد جــــــــــــــنــــــــــــــــــــــان ..
( شف كيف يطالع ,, وجع وش النظرة هذي ,, عااد انا اللي تكسر عليك ,, شايف نفسك مزيون ,,
المشكلة انت اللي تقز ,, يا ربي شكلي باطلع حرتي في ذا المسكين ,,. هههههههههههههههه )

قبل تنزل عينها طاحت على الشخص الواقف قدامها يناظرها ..
- جنان ( وش يبي ذا بعد ) قالت بعدم اهتمام : خير اخوي ,, بغيت شئ ؟
- الشخص بنظرات غريبه : قالي عيونك حلوة ,, بس بصراحة ما توقعتها جناااان يا ,,, جـنـــآن .

جنان مستغربه من فين طلع لها هذا و من فين يعرفها .. و مو عارفه تفسر نظراته الغريبه لها ..

- جنان بصدمة من وقاحته و من فين يعرفها : نعم ,, خير ان شاء الله ايش الوقاحة هذي ,,
و بعدين من فين تعرفني ,, و عن مين تتكلم .

سكتت معصبه مصدومة كيف عطاها طااف و سحب كرسي و جلس امامها .. بحيث يكون ظهره لـ خالد ..
و هي فاتحه عيونها على الاخر و تبحلق فيه ..

- الشخص : اعصابك يا حلوووة ,, معك ياسر من طرف مازن .
ابتسم ابتسامة خبيثه لما شاف نظرت عيونها لما ذكر مازن ..

- جنان ( وقح و قوي عين بعد ) قالت بغرور و كبرياء يذبح : و ليش ما شرّف مازن الزفت عشان نشوف خشته ,,
اساسا ما يهمني جاء و لّا لا ,, المهم انه عرف مصلحته و قرر يسلم الشريط فــ....

فتح ياسر فمه يبي يتكلم .. رفعت يدها بغرور تسكته عشان تكمل كلامها ..
- ياسر ( صدق مازن يوم قال ترفع الضغط .. هههههههههه )

- جنان تكمل كلامها : فياليت تسلم الشريط حلا و راح اكتب لك شيك بمبلغ محترم ,, و بعدها تنقلع انت و مازن و لا عاد اشوفكم ,,
لاني مشغوله و مو فاضيه للاشكال القذرة هذي اولا ,, و ثانيا مابي اثير الشبهات و لّا يشوفني احد معك و تجيب لي الكلام .
- ياسر ببرود : اولا ماني مسلّم الشريط اصلا من قالك اني جاي اسلمّه هههههههههههه ,, ثانيا من بيشوفنا و انتي جايه دبي لوحدك ,,
و امكن بعد محد يدري عنك .
و طالعها ياسر بنظرات خبث و تحدي ..

- جنان مصدومة : كيف ما بتسلمّه ؟ ,, اجل ليش جاي حضرة جنابك .
- ياسر باسلوب استفزازي : والله رحمتك جالسه لوحدك و مادري كذا من الله حنّيت عليك و قلت اجي اقعد معك ,,
و اذا تبين بعد اسهر معك ما عندي مشكله ياااا ,,, بـنـــت مــحــمــــــد .
- جنان مصدومة مو عارفه ايش تقول .. بتسرع قالت : آآمممم بس انا مو جايه لوحدي ,, ما قالك اللي ارسلك اني جايه مع خطيبي .
ياسر بابتسامة على جنب : قلتي لي خطيبك ,, الا وينه ما اشوفه ,, بعد امكن جاي يستلم الشريط معك ..
بس الظاهر انك كا قلتلي له ايش في الشريط ,, و الاهم ايش المقابل .

جنان خلاص وااصلة معها معصبه جات تتكلم بس قاطعها الصوت ..
-: جـنــآن اخـيـــــرا لقيتكـ .. سآعة ادورك و جوالي خلّص شحنه و طفي يلــ......

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عــــنـــــــــد مــــــــــــــــلاكـ ..
طلعت غرفتها حطت الاوراق على الكمادينه .. سمعت صوت في اللاب .. كان المسن .. راحت جلست عليه ..

- المرسله : الوووووو ,,, ملووووووووووووووكة.
- ملاك : اهليييييييييين ,, نووووف ,, هلا والله .
- نوف : هلا فيك قلبي ,, ملووووكة يرحم والديينك ,, طلبتك .!
- ملاك : ههههههههه ,, امري تدللي يا روح بنت خالك .
- نوف : تعالي عندي انتي و جنّوون ,, بلييييييز حدّي طفشااااااانة .
- ملاك : آآمممممم ,, باجي وحدي لان جنّووون مو موجودة ,, بس اخاف بابا يرفض ,, بكرة دوامات .
- نوف : لا ملووووك خالي عسسسل ما راح يرفض ,, عادي انتي رايحة بيت عمتك ,, و الوقت مو متاخر ,, يلااااااا .
- ملاك : اووك قلبي ,, راح اقوله ,, يلا انتظريني و جهزي المكان الملائم ,, هـــع ..
- نوف : حلووووة العربيه الفصحى يا ملائم ,, خخخخخخخخ ,, اووك بانتظاركـ ,,.
- ملاك : خخخخخخخخخ ,, ايه ابي مكان ملائم لسمّو ذاتي هع .. ســــي يوووو .
- نوف : اقول لا يكثر ههههههههههههه اووووك بااااااااي .

قفلت المسن كلمت ابوها و سمح لها .. و قامت تتجهز ..
- ملاك ( آآآمممممممم ,, اغير لبسي و لّا بلاش ,, لا لا حلووو عادي ,, راح احط قلوس و ما سكار و اطلع قمر )

لبست عبايتها و طلعت مع السواق لبيت عمتها .....


•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•
انـــتــــــهــــــــــــى الــــــبـــــــــــــــارت الاولـــــــــــــــ ..
•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•


انــتـــظـــــر ردودكــــم .. و تـــوقــعــآآآتــــكـــم ...
مع حــبــــي / بــآربــــي الـشــهــــــري ..


شِـهــرّيـه آلِـيـمـّـة غير متواجد حالياً   رد مع اقتباس
قديم 10-12-2011, 08:33 PM   #3
-||[عضو فعال]||-
 
الصورة الرمزية شِـهــرّيـه آلِـيـمـّـة
 
تاريخ التسجيل: Oct 2011
المشاركات: 36
معدل تقييم المستوى: 0
شِـهــرّيـه آلِـيـمـّـة is on a distinguished road
افتراضي


مووو معقوووووله
مشاهدات 45 و مافي ردوود

شكلي ما راح اكملها ,,,
ابي تفاااااااااااااااااااااااعل


التوقيع
روايتي الاولى ( امانة لا تخليني احس انك دفئ سنيني ) بقلمي ( شِـهــرّيـه آلِـيـمـّـه )
رواية غموض و إثارة ,, رومنسية و جراءة ,, لا تفوتكم ,, انتظر رايكم

منتدى برق
http://forum.brg8.com/t195951.html
شِـهــرّيـه آلِـيـمـّـة غير متواجد حالياً   رد مع اقتباس
قديم 10-12-2011, 10:46 PM   #4
-||[قلم من ذهب]||-
 
الصورة الرمزية اوكايري
 
تاريخ التسجيل: Feb 2011
المشاركات: 154
معدل تقييم المستوى: 10
اوكايري is on a distinguished road
افتراضي


رواية جدااااااااا جميلة


وشكلها خطيرة

كمليها بليز


اوكايري غير متواجد حالياً   رد مع اقتباس
قديم 10-12-2011, 11:57 PM   #5
-||[عضو فعال]||-
 
الصورة الرمزية شِـهــرّيـه آلِـيـمـّـة
 
تاريخ التسجيل: Oct 2011
المشاركات: 36
معدل تقييم المستوى: 0
شِـهــرّيـه آلِـيـمـّـة is on a distinguished road
افتراضي


اقتباس
المشاركة الأصلية كتبت بواسطة اوكايري اضغط هنا لتكبير الصوره
رواية جدااااااااا جميلة


وشكلها خطيرة

كمليها بليز


بصرااحة خطييييييييره و راح تعجبكم ..
بـــــــرب للبـــــارت الثــانــــي

انتظر تفااااااعلكم


التوقيع
روايتي الاولى ( امانة لا تخليني احس انك دفئ سنيني ) بقلمي ( شِـهــرّيـه آلِـيـمـّـه )
رواية غموض و إثارة ,, رومنسية و جراءة ,, لا تفوتكم ,, انتظر رايكم

منتدى برق
http://forum.brg8.com/t195951.html
شِـهــرّيـه آلِـيـمـّـة غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:14 PM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.