قديم 11-07-2011, 03:53 PM   #11
-||[عضو نادي الامرآء]||-
 
الصورة الرمزية jusT sMil
 
تاريخ التسجيل: May 2011
الدولة: السعوديههَ .. [ مكههَ ] ..
المشاركات: 14,739
مقالات المدونة: 5
معدل تقييم المستوى: 18
jusT sMil is on a distinguished road
افتراضي


في مكان آخر راشد سمع كل الكلام إلي دار بين ريم وحميد وكان مصدوم وااااااايد
ما توقع أبداً إن البنت الوحيدة إلي عيبته ودخلت خاطره وتربعت بوسط صدره هذي قصتها
و استغرب تمسك حميد بموقفه إنه لازال يبي ر يم
يلس ع الأرض يأس من ريم إنها تكون له إستغرب الفكرة ليش تكون له
صوت في نفسه يقول : شو إلي ليش تكون لك .... بتجذب ع عمرك إنت تموت لما تشوف حميد مو يوم تشوفه واقف وإلا كلم ريم هاك الوقت تحس بشي ينهش جسمك من القهر
صوت ثاني : شفيك إنت بتااخذ وحدة شردت شو بتقول حق أمك والله أحببها رح زين خلها تشوف نصيبها والله يوفقها
1 : هههه وإنت تظن إنك بتروم تعيش بلاها إنت أيام الإجازة تطفر تبي الإسببوع يبدأ بس عشان تشوفها كيف بتروم ع بعادها
2: بتروم إلي خلقها خلق غيرها وأكيد بتروم
1: لا تقص ع نفسك إنت ما تبي غيرها تبيها هي
راشد تم يفكر وتضاربت أفكاره نش ومشى صوب ريم إلي كانت يالسه تستنى هند
راشد : ريم بكلمج
ريم بدون ما تصد صوبه : ما بينا كلام
راشد بنبرة ترجي : دخيلج إسمعيني
ريم صدت صوبه وفتحت عينها ع أوسعهن : قلت لك ما من بينا كلام وإلي كان يربطنا السنين اللي طافت اليوم إنقطع زمالتنا وأيامنا الدراسية اليوم انتهت
راشد : إنتي صدق بتاخذين حميد
ريم وهي تجتف إيدينها : وأنت شو يخصك
راشد : ردي علي بتاخذين حميد
ريم : آخذه وإلا ما أخذه كيفي أنا بروحي
راشد برجى : لا تاخذينه
ريم :خير؟؟؟
راشد : إلي سمعتيه لا تاخذينه لا توافقين عليه
ريم صدت عنه ومشت بعيد عنه : أوافق وإلا ما أوافق إنت ما يخصك
راشد مشى وراها : إسمعيني
ريم : راشد لو سمحت لين هني وبس إلي قلته سمعته
راشد : لا لا إنتي ما سمعتي شي إسمعيني هي كلمتين بقولها وبس
ريم تجتفت : خلصني
راشد : أنا معجب بج ...
ريم ضحكت بإستنكار : هههه صدق عاد
راشد إستنكر لهجتها : موب مصدقتني
ريم تكمل كلامها وبلهجة سخرية : طيب ومن متى ...
راشد : لا تستهبلين
ريم ضيجت عيونها وقالت : إنت إلي لا تستهبل أنا مو شرات الخمة إلي تعرفهم .... حشى ..إعتبرني إختك بترضى حد يلعوزها
راشد ببرود : ما عندي خوات
ريم : قسم بالله متفيج .... ( صدت عنه ) إنت آخر إنسان يمكن أفكر فيه وهالموال ترى ما ينفع معاي ... خليه لغيري
مشت عنه
--\\--
في الإمارات
بيت بو سعيد
إندق الباب وسار ت شيخة تبطل الباب ( شيخة حرمة بو سعيد )
قالت من ورا الباب : منو
الريال : انا ذياب بن حمد الــ
شيخة عقدت حياتها تحاول تتذكر الإسم : ما عرفتك الشيخ
ذياب : أنا ربيع سعيد الله يرحمه
شيخة فجت عينها تذكرته اللحين : نعم شبغيت
ذياب : أبي أكلم بو سعيد هو موجود
شيخة : بو سعيد بالمستشفى
ذياب : زين ممكن أدخل الشمس حرقتني
شيخة حمرت من المستحى لأنها ما جربت به بطلت الباب وأشرت ع الميلس
دخل ذياب وهو منزل راسه ومشى بإتجاه الميلس عق نعاله ع الباب ودخل
يت شيخة بعد مالبست نقابها وعباتها وكلمته من صوب الباب
شيخة : آمر الشيخ
ذياب : أنا كنت مع سعيد لما توفى ووصاني وصية وأنا أبي أنفذ وصيته
شيخة وهي تجتف يدينها : وصية ههه بعد 6 سنين
ذياب : كنت أدرس برع البلاد وتوني راد البلاد إلا قبل إسبوع
شيخة بإستهزاء : وشو وصية سعود
ذياب إستنكر لهجتها وإسلوبها : الريال ميت وإحترام الميت واجب
شيخة حمرت من الإحراج : زين شو وصية سعيد
ذياب : هند
شيخة قلبها إنتفض وقالت بإستنكار : هــــــــــــــــــــــــند
ذياب : هيه هند
شيخة قالت بخوف : بلاها
ذياب تنهد وقال : آآه ... طلب مني أتزوج هند وأنا قلت أكمل دراستي وأرد البلااد أخطبها
شيخة وبدت ترتجف أطرافها بلعت ريجها وقالت : هند مو هني
ذياب وهو يطالع الساعة إلي بإيده : بالكلية صح
شيخة : ما أعرف وين
ذياب إستغرب وصد صوبها : كيف ما تعرفين
شيخة : هي من 4 سنين ظهرت من البيت
ذياب وقف من هول الصدمة : شووووووو
شيخة وبدت تصيح : كله مني كله مني والله إني تندمت ربي عاقبني شر عقاب
ذياب : شو السالفة ؟؟؟
شيخة بدت تحكي له السالفة عقب قالت
شيخة : والله إن الله عاقبني فيها كل ما أحمل أطيح وإن ولدت بعد فترة يموت ( بدت تصيح ) الله حارمني من ضناي مثل ما حرمت أبو عن ضناه
ذياب : إنتو ما دورتو عليها
شيخة : أنا ما قلت لبو سعيد
ذياب وهو فاج عينه ع أوسعهن : ليييييييييش
شيخة : أنا أخاااااافه يطلقني وانا مالي غيره دخيلك دور عليها دخيييييييييل والديك
ذياب قام وقالها توخر عن الباب عشان يطلع كان مقهور منها واايد وحس إنه لو تم عادي يذبحها
طلع ويلس بالسيارة وتنهد تنهيدة قوية وتم يلوم نفسه لو إنه خذها يوم مات سعيد ما كان صار إللي صار لها الله يعلم إن كانت حية وإلا ميته
ذياب قال والدمعة محبوسة بعينه : إسمح لي يا خوك ما رمت أصون امانتك
حرك السيارة وسار صوب بيتهم
نزل ودخل حجرته سكر الباب وإنسدح ع الشبرية يتنفس ووتم يفكر بحل
وقرر إنه يدور عليها إن كانت حية
--\\--


0 شهر رجب
0 صور للعبارات
0 كارينو يطمئن على النصر بثلاثة اهداف على الفيصلي في مباراة ودية -صور
0 م̉ آبيھہ بسسُ، ، يَ ليتّھ يجيّ ۆ ياإخذ/ ذگہڕﯾﭑتھ
0 انغام عآصفههَ ..
0 اذا كنت عبقري اكتشف وين الخطأ واتحداكم تحلونه
0 سجل حضورك باسم قصة اعجبتك
0 احــبك ...
0 •[تبسم فإن اڷڷـۃ ماأشقاك إلا ليُسعدڪ]• إذا رأيت اڷڷـۃ يحبس عنك الدنيا ويڪثر عليڪ
0 لآ تضيق ولآ تضـآيـق ..
0 كلماتٌ مَسـرُوقَـةٌ مِنْ دَفتَـرِ طِفـلٍ ....~}
0 بكي الرسول شوقاً لنا ونحن لـآ نبكي شوقاً له صلى الله عليه وسلم
0 وش تقربلك ذي العائله
0 بتال القوس : لماذا الاتحاد ؟
0 مسابقه الكاريكاتير
التوقيع
اضغط هنا لتكبير الصوره
jusT sMil غير متواجد حالياً   رد مع اقتباس
قديم 11-07-2011, 03:55 PM   #12
-||[عضو نادي الامرآء]||-
 
الصورة الرمزية jusT sMil
 
تاريخ التسجيل: May 2011
الدولة: السعوديههَ .. [ مكههَ ] ..
المشاركات: 14,739
مقالات المدونة: 5
معدل تقييم المستوى: 18
jusT sMil is on a distinguished road
افتراضي




--\\--
البحرين
بيت أم مشعل
إندق الجرس وسارت الخدامة تبطل الباب
وتزامن دخول إلي كان ع الباب مع نزول أم مشعل من الدري
ام مشعل رفعت عينها لتشوف من ع الباب وفجت عينها ع أوسعهن خصوصاً لما شافت الشنط إلي ورا هالشخص
--\\--
حصة : ها شو حسيتي
ريم وهي مبوزة : ما أعرف مش مرتاحة
حصة : عيل زواله أهم شي راحتج
ريم : هزرج
حصة : هيه بعد شو
ريم : هنود من خذت هالسيارة ونحن ما شفناها وين سارت
حصة : شوي وبترد جيه قالت لي
ريم : قلبي ناغزني
حصة وهي تدزها من جتفها : يالله عاااد لا تفاولين عليها
ريم : ما أفاول بس مش مرتاحة
حصة بدت تخاف : أقول تراج دخلتي الشك بقلبي
ريم وهي ترفع سماعة التليفون وتدق ع رقم هند
لا رد
مرة ثاني
بعد لا رد
بعد مرة
ولا رد للمرة الثالثة
حصة : ما ردت
ريم هزت راسها بلا
حصة : يا ربي وين سارت
ريم : يا رب ترد سالمة بس
حصة : خلاص لو ردت بنقولها إن ممنوع منعاُ باتاً إنها تظهر من البيت فليل
ريم : أكيد لازم نمنعها
عم السكون الصالة
رن التليفون وتسابقو عليه ريم وحصة
ريم : ألو
.......: السلام عليكم
ريم بخوف : وعليكم السلام منو معاي
.... : ممكن تيوون مستشفى الـــ ....
ريم : شصاير
.... : تعرفون وحدة إسمها هند الــ
ريم : بلاها
....: ما عليه لما توصلون المستشفى بتعرفون
سكر وريم قالت لحصة إلي ربعت تلبس عباتها
وسارو المستشفى سئلو عن هند ورد عليهم واحد كان واقف وراهم : ممكن تتفضلون معاي
مشو معاه
ريم : شفيها ه ند
حصة ودموعها ع خدها : دخيل والديك قول لنا شفيها
الريال : هند سوت حادث
حصة وقفت عن المشي وريم قالت بإندفاع : شو فيها صار فيها شي
الريال : هي ما صار فيها شي مجرد جرح في جبهتها ورض في إيدها اليمين بس
حصة : بس شوووووو
الريال : بس إلي دعمته حالته خطيرة شوي
ريم وقلبها يدق بقوة : شو فيه
الريال : اللحين هو بالعمليات ولما يطلع نعرف شو فيه
ريم : كيف صار الحادث
الريال : أنا ما أعرف كل إلي أعرفه الحالة المرضية وإن سيارة هند راحت فيها وتكنسلت
حصة : فدوة.... في الحديد ولا فيها
ريم : ممكن تودينا لها
الريال : إمشو يدامي

إنتهى البارت الخامس
للمعلومية من البارت الياي ستبدأ البارتات الجادة
وأنا نزلت بارتين ورى بعض تعويض عن الإسبوع إلي طاف

اممممم أبي توقعاتكم
ذياب بيلاقي هند وإن لقاها بياخذها ....؟؟؟
حصة لين اللحين ما عرفنا قصتها متى ممكن نعرف عنها ..؟؟
ريم هل بترفض حميد وإلا بيصير شي وبيخليها تاخذه ..؟؟
وراشد شو الحال عليه ؟؟
ومنو إلي يا لأم مشعل ..؟؟
وهل هذا الشخص بيأثر على وضع بطلاتنا ؟؟؟


التوقيع
اضغط هنا لتكبير الصوره
jusT sMil غير متواجد حالياً   رد مع اقتباس
قديم 11-07-2011, 03:56 PM   #13
-||[عضو نادي الامرآء]||-
 
الصورة الرمزية jusT sMil
 
تاريخ التسجيل: May 2011
الدولة: السعوديههَ .. [ مكههَ ] ..
المشاركات: 14,739
مقالات المدونة: 5
معدل تقييم المستوى: 18
jusT sMil is on a distinguished road
افتراضي



ऌॡ البـــــــــــــــــــارتـ ((6))ऌॡ

في المستشفى
هند وهي تصيح : يا ويلي يا ويلي الريال كان جثة هامده ( شهقت بخوف ) أنا جتلت بشر
حصة وهي صافة معاها صياح أونها بتهديها : بسم الله عليج إن شاء الله يكون بخير
هند : ما كان يتحرك كنت أهزه عشان ينش ما نش ما نش
ريم وهي حادرة الحجرة
هند نطت من السرير الأبيض قالت بأمل وهي ماسكة قلبها : هاه بشري كيف صحته ؟؟
ريم وهي عاقدة حياتها من ضيجها : بعده ما ظهر من العمليات ....عطيتهم خبر إنه لو طلع يخبروني
هند وصياحها زاد وبدت تلطم : يا ويلي جتلت الريال ....
ريم : كيف صار الحادث ..؟؟
هند : كنت ياية صوب البيت وهو كان موقف بسيارته بعيد شوي ما حسيت إلا وهذاك الياهل إلي يبي يخطف الشارع ويربع بعيد عن أمه كنت بدعمه وبجتله ما عرفت شو أسوي رحت لفيت بالسكان ودقيت بريك قوي وما وعيت إلا وأنا داشه بسيارة الريال
ريم : لا حول ولا قوة إلا بالله ...
هند : هئ هئ هئ ريمو خايفة
ريم : إن شاء الله خير
هند : يارب يا رب الله يسمع منج ...
ريم ما إستحملت تشوف ضعف هند وقامت تسير صوب العمليات تتطالع جان خلصت العملية
وشافت إن الدكتور توه ظاهر سئلته عن الحالة
الدكتور وهو ضايق : اللحين ما نقدر نحكم النزيف كان داخل راسه وإحتمال كبير إنه يدخل بغيبوبة خل نصبر لين الأيام الياية ونحكم
راح عنها وريم يلست ع الأرض من الصدمة شو بتقول حق هند كيف بتهديها
--\\--
بمكان آخر
في بيت إم مشعل
أم مشعل وهي مستناسة لأن بنتها الغالية يدامها إبتسامتها ما فارقت محياها
أم مشعل : شلونج يما ؟؟
راوية بملل : كم مرة سئلتيني هالسؤال من ييت ...
أم مشعل بحرج : شأسوي من فرحتي بلقاج وشوفتج
راوية : إرتاحي يما بتم معاج طول العمر
أم مشعل وهي مستانسة : صدق يمااااا ..؟؟
راوية بضيجة : هيه صج
أم مشعل : أبوج وين ...؟؟
راوية وهي تقوم بعد ما شافت الخدامة نازلة من الطابق الثاني لأنها أمرت بأنها تزهب حجرة لراوية وتنظفها
راوية بملل وبنفس الوقت تتهرب من الإجابة : أنا بريح شوي ؟
أم مشعل : يما ما تبين عشى ..
راوية : يوم بتنجبون نادوني

أم مشعل وهي فرحانه وايد : إن شاء الله يما روحي ريحي

سارت راوية حجرتها طالعت الديكور بملل مش هذا ذوقها وكيف بتتحمل تعيش بهالكآبة ما عليه بتصبر ... تذكرت السبب إلي خلاها ترد البحرين وتذكرت كلام أبوها بإنه محتاي بيزات وهي لازم تشل نصيبها من أمها عشان يسدد
ديونه هناك وإلا بينسجن وهي ما بتكمل دراستها هناك ..

تنهدت بضيج ما تبي تذل نفسها وقالت بتيلس فترة وعقب بتاخذ من أمها الفلوس

خذت لها شاور ونزلت تتعشى بعد ما نادتها الخدامة
--\\--


0 تتوقع الي قبلك(حزين.معصب.رومانسي.خنون
0 ماهي حكمتك لهذا اليوم
0 يآمن تدعـي محبته آين آنت من سُنتِه .. أبـدأ بسُنه من سُنننِ آلحبيب مُحمدِ..
0 7 ملايين تغريدة عن "آي أو إس 7" خلال يومين فقط
0 اكتب اسم والي بعدي يكتبو بلانجليزي
0 عذراً يَ آبي لقد احببت شآباً !
0 اللهم انانسألك حسن الخاتمه
0 سجل حضورك بفريقك المفضـل ..
0 اجمل انشوده سمعتها ( لو سألت اي طفل عن بلال ) مؤثره جداً
0 نقاشات واستفسارات hunter x hunter ..
0 الحَيَاة عِنوان لا يَقبل الإضَافَة ..!!
0 لاِنسِكــاَبِ ذَائِقِتِكـــــمْ عِطْــــــر ..♥ سَجِلْ دُخوُلكْ بماَ يَرُوقُ لَكْ .
0 الـي فوقكـ يستاهل بكـس او ورده ؟؟؟
0 اسف....!!
0 .. لــحْ ــضَه
التوقيع
اضغط هنا لتكبير الصوره
jusT sMil غير متواجد حالياً   رد مع اقتباس
قديم 11-07-2011, 03:57 PM   #14
-||[عضو نادي الامرآء]||-
 
الصورة الرمزية jusT sMil
 
تاريخ التسجيل: May 2011
الدولة: السعوديههَ .. [ مكههَ ] ..
المشاركات: 14,739
مقالات المدونة: 5
معدل تقييم المستوى: 18
jusT sMil is on a distinguished road
افتراضي


بعد إسبوع في الإمارات
ذياب يالس يزهب شنطته بيسير البحرين بعد ما عرف من ربيعه إنها سافرت للبحرين وربيعه هذا كان يشتغل في المباحث فساعده وايد في عملية البحث
قال بيمر بيت بو سعيد ياخذ لها صورة لأنه ما يعرف ملامحه
ركب سيارته بعد ما ودع أهله ومشى للبيت بو سعيد دق الباب وبطلت له شيخة قالت من ورا الباب
شيخة : منو ..؟؟؟
ذياب : انا ذياب
شيخة : إقرب الميلس
ذياب دخل وهو منزل راسه ومشى للميلس وبعد شوي يت شيخة بالعصير شرب العصير بتمهل وقال
ذياب : بو سعيد بعده في المستشفى
شيخة بإنكسار مبين في نبرة صوتها : هيه بعده ... يصارع السم إلي نهش جسمه
ذياب : الخير الوحيد إلي سويتيه بحياتج إنج أقنعتيه يودر هالسم وزين سويتي
شيخة نزلت راسها بالأرض : إحم ... لقيت هند
ذياب : هند مش بالبلاد
شيخة فجت عينها : شووووووو
ذياب وهو يهز راسه : هيه كانت ذكية وسافرت خافت تتم في البلاد وترد لأبوها ولذلج وذله ... ما ألومها إلي شافته مو شوية
شيخة تتجاهل نغزاته : وين سارت ؟؟؟
ذياب : البحرين
شيخة : بتسير تدورها هناك
ذياب : هيه اللحين ساير بس أبي صورة لها لأني ما أعرف ملامحها
شيخة : لحظة بيب لك من داخل
ربعت ودورت بين أوراقها لين لقت لها صورة صح إنها جديمة بس تنفع
ردت الميلس ومدت لذياب الصوررة ابتسامة سعيد
ذياب قال بنبرة ألم : تشبه سعيد
شيخة وهي منزلة راسها : أدري وايد تشبهه
ذياب قام : يالله أنا أستأذن
شيخة : إذنك معاك
طلع ذياب وإتجه للمطار وطيارته قريب وتطير سمى بالله واستعان به يبي عونه عشان يلاقي هند
--\\--
عند البنات في الشقة
هند : ما وعى ...؟؟؟
ريم هزت راسها وهي تبند التليفون : لا
حصة : ريمو اخافه صحى وإنتي خبر خير
ريم : لا لا ما صحى أنا موصيتنهم لو نش يتصلون بي وبعدين توني مرمستنهم يدامج
حصة بتساؤل : هو ما عنده أهل شو ... ما أحد سئل أشوف
ريم : بلا ما عرفوا أرقام أهله بس لقو بطايقة موجودة ببوكه
حصة : شأسمه ..
ريم وهي تفرها بالكلينيكس : والله إنج متفيجة نحن وين وإنتي وين ... وعشان أريحج يعني من الآخر كده ما سئلت .. ولا أعرف
حصة : والشرطة شالحل عليهم
ريم : الحمدالله إنهم رضوا يطلعون ريم لأنهم ما خذين العنوان وجيه ...
هند وهي تعض أصابع يدها : شو الحل ....؟؟
ريم : ما عليج أنا بكلمه وإن شاء الله بيرضى
هند : يارب يا رب
حصة : يالله هنود تراها امصخت إن كان حبيبك عسل ما تلحسوش كلو من أسبوع ما داومتي
هند :اليوم بداوم
حصة : يالله طوفو نسيرالدوام
ريم : أناا بسرح وياكم
حصة بإستنكار : شعنه
ريم : ماشي يا وخيتي بوصلكم خلاف بطمن ع الريال
تلبسن البنات وركبن تاكسي وسارن أول شي المطعم ونزلو حصة خلاف سارو البوتيك ونزلت هند وريم
هند شافت أم مشعل سارت صوبها وسلمت عليها ونفس الشي ريم
هند : شحالج خالو
ام مشعل وهي تصد بعيد عنهم : بخير
هند وريم اللي استغربوا ردها بعد شوي طلعت راوية من المخزن وإنصدمت لما شافت ريم وريم نفس الشي كل وحدة حست نفسها جنها يدام مرايا واقفه
هند إنصدمت من زود الشبه
اللي يميز ريم عن راوية الجسم ولون الشعر والجسم ريم شوي أفتح عن راوية وريم أمتن شوي بعد
راوية : أنتي مين
ريم تطالعها بنفس النظرات : إنتي اللي مين
راوية : يما من ذي
ريم استفزتها كلمة ذي بس صخت وعرفت إنها راوية
هند وهي فاجه عينها : بنتج يا ام مشعل
ام مشعل : هيه بنتي
راوية : ما تعرفنا
ام مشعل : هذي هند وهذيك رفيجتها ريم
راوية : اللحين هذي هند إلي من اسبوع ما داومت ووقفت الشغل لا ويوم يت يابت رفيجتها بعد ( ضحكت بإستهزاء ) وين رايحة يا حلوة المجمع وإلا الشغل ؟؟
هند استفزتها نبرة صوت راوية أكثر من كلامها بس ما حبت ترد ومشت بتيلس بمكتبها
راوية : وين وين يا حلوة إنتي خلاص آووووت
هند طالعتها بقوة عقب اطالعت ام مشعل : إنتي تعرفين ليش ما داومت
راوية : لا تحاولين تسعطفين أمي ,,,, تدرين إن قلبها طيب والحجي معاي مو معاها
هند : دام المحل مكتوب بإسمها فالقرارات ما أسمعها إلا منها
راوية بضحكة مصطنعه : هههههه كان مكتوب بإسمها اللحين هذا المحل لي أنا بس
هند إنصدمت وطالعت ام مشعل إلي لازالت تتطالع برع وما كانت مهتمه بالحوار
ريم وهي تسحب هند المصدومة وطلعتها برع وقبل لا تطلع قالت لأم مشعل ولراوية : مشكورين تعبناكم معانا
راوية : لحظة هيييييييييي
ريم صدت لها وهي عاقدة حياتها : خير
راوية وهي تمد ورقة المديونية : يا تيبون البيزات يا تردون السيارة
هني هند حست إن الأرض أسودت بويهها من وين بتييب البيزات السيارة خلااااااااص تكنسلت
ريم وهي تمسك إيد هند وتقول بقوة مسطنعه : يصير خير
راوية : لكم إسبوع إن ما يبتو الفلوس انا بودي الورقة الشرطة وهي تتصرف
ريم وهند مشو يجرون بقايا الكرامة إلي تمت لهم إتصلو بحصة إلي كان حالها شرات حالهم لأنها إكتشفت إنها إنطردت وإن المطعم تسكر
وردو الشقة يشتكون لبعض
حصة وهي تحك يدينها : آآآآآآآآخ لو هي يدامي جان توطيت ببطنها هالراوية
هند : إلي قاهرني سكوت إم مشعل غصص بي
حصة : هاي خليها بصوب من يت بنتها وهي إنجلبت 180 درجة
ريم وهي لابسة عباتها وطالعة من الحجرة : أنا بسير المستشفى
حصة : شو وعى
ريم : هيه نش بسير صوبه
ظهرت ريم من الشقة وتمت هند ع اعصابها لأنه إذا ما تنازل بتبات بالسجن
--\\--


0 طفل ينشد في الباص
0 مـــــــــــزاجـــــك
0 لعبه التحدي بين الشباب والبنات
0 مدرس يسئل محشش
0 محاولـه اغتيـال البلاك بـيري
0 من 1 الى 4 وقول اكتر صخيه انمى تفضلهـا..
0 بتال القوس : لماذا الاتحاد ؟
0 هُنَآكَ ضوءً رغم شدةِ الظلآم ..
0 لعبـــــہۧ إلديڪـــــِوَوٍٍٍِر .. #
0 دليل جميع أخطاء الايتونز مع الشرح
0 الحلقه النادرة الحلقه 35 من الجزء السابع اون لان
0 ليش.............ليش؟؟؟؟؟؟
0 Hilal 2014 short's film| هلال آسيا
0 لا تنــسى ذكــر اللـه
0 خمس خطوآت .. تكسبك الذكآء تجعلك تحقق هدفك من الحياه *$
التوقيع
اضغط هنا لتكبير الصوره
jusT sMil غير متواجد حالياً   رد مع اقتباس
قديم 11-07-2011, 03:58 PM   #15
-||[عضو نادي الامرآء]||-
 
الصورة الرمزية jusT sMil
 
تاريخ التسجيل: May 2011
الدولة: السعوديههَ .. [ مكههَ ] ..
المشاركات: 14,739
مقالات المدونة: 5
معدل تقييم المستوى: 18
jusT sMil is on a distinguished road
افتراضي


--\\--
بالمستشفى
كان منسدح متألم يحس راسه بينفجر
لف صوب الباب بيشوف منو إلي بييه
وإنصدم لما شاف الشخص الواقف عند الباب
: رييييم
ريم وصدمتها لا تقل عن صدمته حتى الكلام ضاع منها : آ آآآ
: شو تسوين هني ..؟؟ منو قالج إني بالمستشفى
ريم تمت صاخة ما تعرف كيف ترد عليه لفت تتطالع رقم الغرفة وتنهدت وقالت خل تكمل مهمتها : السلام عليكم
: وعليكم السلام
ريم : تستحج السلامة يا راشد
راشد يبتسم رغم ألمه : الله يسلمج
ريم : شحالك اللحين
راشد وهو يأشر ع راسه : يعورني شوي ... حياج يلسي
ريم يلست يدامه وتنهدت
راشد : الشباب ما يعرفون إني هني ما أشوف حد مرني
ريم : توهم مظهرينك من العناية وبعدين إنته من إسبوع مطيح اهنه
راشد وهو فاج عينه : عنايه .... وإسبوع ليش شو مستوي
ريم تنهدت : شو ما تذكر
راشد وراسه بدا يعوره عقب تذكر الحادث : بلا إستوى لي حادث .
ريم : تذكر إلي دعمتك
راشد تذكر وحدة نزلت من السيارة وسارت صوبه وطلعته من السيارة : هيه حرمة
ريم : هالحرمة ربيعتي
راشد حس بإحباط : عشان جيه إنتي ياية لي
ريم : أصلاً ما كنت أعرف إن إلي دعمته هو إنت
راشد وهو رافع وحدة من حياته : صدق عاااااااد
ريم : هيه صدق ما جيكت ع إسمك وما حفلت بهاك الوقت كنت مهتمة بربيعتي
راشد يطالعها بإستنكار وتوه يلاحظ كلمة "ربيعتي" : أوه أوه عندج ربع
ريم تنرفزت : هيه عندي ربع شي بخاطرك ..؟؟
راشد : أول مرة أعرف ... امممم وربيعتج شاردة من بيتهم شراتج
ريم صدت له بقوه وعينها طارت : شووو قلت
راشد قال بإستهزاء : إلي سمعتيه
ريم : منو قالك
راشد يهز جتوفه : روحي عرفت محد قالي
ريم : راشد لا تلعب بأعصابي
راشد : وليش ألعب بأعصابج هذا الصدق
ريم تنهدت : زين أنا شاردة وهي شاردة شو بتسوي بنا بتردنا لأهلنا مثلاُ
راشد صد لها : ليش مو ناوية تردين
ريم : أيلس بالمذلة هذي ولا أرد للعذاب هناك
راشد: وربيعتج ليش شردت هي بعد
ريم : ما شردت
راشد : كيف ...؟؟
ريم : هذا مو موضوعنا أنا ياية أبي منك طلب إنك تتنازل عن السالفة
راشد : أي سالفة ؟
ريم وهي منزلة راسها ومتملله من هالسالفة : الحادث
راشد وهو يفكر وبنفس الوقت يبي يلعب بأعصابها: اممممم بفكر
ريم بنبرة رجى : دخييييييلك عمري ما طلبت منك شي لا تردني
راشد يطالعها بطرف عينه قال بنبرة إستهزاء ما غابت عن الريم : هالكثر ربيعتج غاليه
ريم : غالية وغالية وايد بعد هي مالها حد غيري روحها في مصيبة
راشد : شو من مصيبة ..؟؟
ريم ما حست بعمرها إلا وهي تتكلم : السيارة ما كانت مسوية لها تأمين ويوم إندعمت تكنسلت والشراي ويبي الفلوس لأنها تفنشت من شغلها فما تعرف من وين تتيب االفلوس
راشد : وانا بعد أبي حقي ...؟؟
ريم تنهدت : دخييييلك راشد لا تزيد همومنا هموم نحن بغربة ومالنا لا سند ولا عضد
راشد ويته فكرة : إنا بقولج حل ..
ريم بملل : شو
راشد : تزوجيني
ريم رفعت عينها بقوة له : شووووووووووو ؟؟؟
راشد : إلي سمعتيه
ريم وهي توقف : تحلم
راشد قال قبل لا تطلع : تريي ما كملت كلامي
ريم وقفت بدون ما تشوفه و كانت معطيتنه ظهرها
راشد قال بسرعة : تزوجيني وأنا بدفع فلوس ربيعتج وبتنازل عن هالسالفة
ريم صدت له : وبترضى تاخذ وحدة شاردة
راشد : هيه نعم
ريم : وهلك بيرضون فيه
راشد : ما بيدرون فيج
ريم تكبح غصة في داخلها : مسيار يعني
راشد هز راسه بلا : مو مسيار بخليه شرعي بس ما أريد حد يدري
ريم طالعته بنص عين : وتباني أبيع نفسي لك
راشد بلا مبالة : تبيعين نفسج عشان حياة ربيعتج وإنتي كيفج عاااااااد وتدرين إني لو ما تنازلت ربيعتج بتخيس بالسجن من الديون ومن هالحادث إلي كان بينفدني ..
ريم هزتها الفكرة وصوت راوية تم يتردد براسها : " لكم إسبوع إن ما يبتو الفلوس انا بودي الورقة الشرطة وهي تتصرف "
ريم : خلني بفكر
راشد : لج يومين و مكاني ... ( وأشر ع الغرفة ) أتوقعج تعرفينه
ريم : يصير خير
--\\--
في الشقة
ريم كانت تفكر تنهدت بألم وهي تسمع صوت هند وحصة
هند وهي تصيح وتمسك راسها بغصة : آآآآآه لو ما ظهرنا من الإمارات آآآآآه
حصة :بسج صياح حشى ما تعبتي
هند : خليني اطلع إلي بداخلي
حصة وهي تكبح دمعة : وشو إلي بخاطرج
هند : ليتني مت بدال سعيد ليتني كنت مكانه وقت الحادث وأمووووووووووت ولا أعيش بدون إمي ولا أعيش مع شيخوه ولا أشرد من البلاد ولا أنذل هنه ولا أدخل السجن اللحين ولا يستوي لي أي شي من ها كله بس أمووووووووت ( صدت ع حصة وتمت تهزها وهي منهااره ) لييييييش ليش ما أمووووووت
حصة : هنووووووود سمي بالرحمن شو تموتين صاحية إنتي
هند : آآآآآآآآآآآه آآآآآآآآآآه أنا تعبانة تعبانة يا حصة ما حاسة باللقمة إللي آكلها ما حاسة بش
حصة : نحن بعد تعبانين ...
هند تصد لها بقوة : هب كثري
حصة: يمكن أكثر عنج شوفي ريمو داخل حتى لقمة ما كلت كله تفكر في حل حق هالمصيبة
هند : ليتني ما شفت أم مشعل ولا يتني فكرة السواقة ولا طلعت ليسن ولا قبلت بالسيارة ولا وقعت ع المديونية آآآآآآآآآآآه ليتني ما ظهرت منج يا إماراتي
حصة : ما تنفع الليت ( وبقوة ما تدري من وين يتها مشت دمعوع هند ) خلي إيمانج بالله قوي والله ناصر عباده
هند وهي تتطالع حصة بإستغراب ودموعها لازلت ع خدها : حصو
حصة : هنود لا تكونين رخوة ... منو بيوقف بوجه هالمصايب إذا مصيبتج موب عارفة كيف تتجاوزينها وتوقفين بويهها
هند بضعف و إستسلام : ما عندي قوة ما عندي ...
حصة وهي تمسكها من جتوفها : لا عندج إنتي مو هند إلي أعرفها إنتي بقايا هند
هند لازالت بضعفها : هند كسروها... حطموها
حصة : هند إنتي واجهتج أكبر مصيبة وتخطيتها بقوة وثبات عند هالمصيبة تستسلمين
هند : ما عاد عندي قوة خلاص
حصة : ربج على فك كربتج قادر ..

إنتهى البارت السادس


0 كلماتٌ مَسـرُوقَـةٌ مِنْ دَفتَـرِ طِفـلٍ ....~}
0 يآمن تدعـي محبته آين آنت من سُنتِه .. أبـدأ بسُنه من سُنننِ آلحبيب مُحمدِ..
0 سجـل حضوركـ بصورة سيآرهـ ع ذوقك ..~
0 سجل حضورك بفريقك المفضـل ..
0 شرح حديث(من صام رمضان ايمانا واحتسابا)
0 اذكر ربك .. يغفر ذنبك .. ويطمئن قلبك ..اعطِ لله ما يحب يعطيكَ أَكثر مما تحب
0 [ من وصايا الرسول صلى الله عليه وسلم ]
0 القذافــييي ..
0 أَوْرَاقُ تَدَاعَبَ أَوْتَارِ الْقَلُبّ
0 عبر عن احساسكـ بصوره
0 صور ناروتو روعه
0 مجمووعه الا1000 حديث
0 wwe تفرض غرامة قاسية على أورتون وبراين
0 رحبو بالعضوه الجديده =>5oOo5a<=
0 .. آلآآإأم آلسسسعَعَوديةةةةةه إذآإأ رجعَعَت من آلسسوق ..
التوقيع
اضغط هنا لتكبير الصوره
jusT sMil غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:05 AM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.