قديم 12-12-2011, 09:24 PM   #1
-||[قلم من ذهب]||-
 
الصورة الرمزية jojo07
 
تاريخ التسجيل: Oct 2011
المشاركات: 104
مقالات المدونة: 4
معدل تقييم المستوى: 4
jojo07 is on a distinguished road
اجمل بوقالات بلادي(الجزائر)


اضغط هنا لتكبير الصورهاضغط هنا لتكبير الصورهاضغط هنا لتكبير الصورهأصحاب الأسماء ألي تبدأ بالباء:
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
أصحابالأسماء ألي تبدأ بالتاء :لو كان السعد ينغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
و حكمتها:...تجنب شؤم الهزل ، و نكد المزاح
.أصحاب الأسماء ألي تبدأ بالثاء :
طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .
و حكمتها: ثمرة العلوم العمل بالمعلوم
أصحاب الأسماء ألي تبدأ بالجيم
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
و حكمتها: جد بالكثير ، واقنع بالقليل

أصحاب الأسماء ألي تبدأ بالحاء :
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..والعدو إلى استشفي فيّ .
و حكمتها : الحازم من كتم سرّه
أصحاب الأسماء ألي تبدأ بالخاء :
يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
حكمتها: الخَرَسْ خير من الكذب .

أصحاب الأسماء ألي تبدأ بالدّال :

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي
حكمتكم : دُل على الجميل بجميل خلالك
أصحاب الأسماء ألي تبدأ بالراء:
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة
وحكمتها: زين النّطق الصّدق
أصحاب الأسماء ألي تبدأ بالسين :
خر جت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
و حكمتها : سرور الدنيا كأحلام النائم
أصحاب الأسماء ألي تبدأ بالشين :
الناس تنده بالرجال و الوالي ، وانا ننده بربي العالي
وحكمتكم : الشكوى سلاح الضعفاء
أصحاب الأسماء ألي تبدأ بالصاد :
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
حكمتها : صداقة الجاهل تعب
أصحاب الأسماء ألي تبدأ بالضاد :
كلام على كلام و الكلام على سقيلة ، العين في العين و الدّعوة مقبولة.
و حكمتها: ضالة الكريم حسن الثّناء.
أصحاب الأسماء ألي تبدأ بالطاء :
يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك
و حكمتكم : طوبي لمن شغله عيبه عن عيوب الناس**طوبي:ويل**
أصحاب الأسماء ألي تبدأ بالظاء :
محبس منقوش ، مربي على الفشوش ، ما يحمل الهنا ، أصبر يا خاطري حتى يفرّج مولانا
**خاطري: قلبي**
حكمتها:ظلم الضعيف أفحش ظلم
أصحاب الأسماء ألي تبدأ بالعين :
لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني
وحكمتها: العين بريد القلب
أصحاب الأسماء ألي تبدأ بالغين :

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
و حكمتها: الغفلة والكلاو الناس دئب عملاق
أصحاب الأسماء ألي تبدأ بالفاء :
جازت على جنية ، قالت لي على واش تحوسي يا ولية ، قلت لها مانى نحوّس لا على مال لا على جاه ، نحوس على من ضيّعت يولي لي .
وحكمتها : الفقه جيش لا يهزم
أصحاب الأسماء ألي تبدأ بالقاف :
جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.**تلمسان: ولاية جزائرية**
وحكمتها : القريب من قَرُبَ نفعه
أصحاب الأسماء ألي تبدأ بالكاف :
امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

وحكمتها:ا كرم الناس أسرعهم مودّة.
أصحاب الأسماء ألي تبدأ باللام :
نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.
وحكمتها : لين الكلام قيد القلوب.
أصحاب الأسماء ألي تبدأ بالميم :
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .**قر: صوت**
و حكمتها : المشقة كلها في تأديب الجاهل .
أصحاب الأسماء ألي تبدأ بالنون :
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
حكمتها : النفس مولعة بحب العاجل
أصحاب الأسماء ألي تبدأ بالهاء :

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
وحكمتها : الوحدة خير من جليس السّوء

أصحاب الأسماء ألي تبدأ بالواو :
دارنا في الجبل ، مقابلة مكة ، مفتاحها من ذهب ، يشعل ما يطفي
وحكمتها : هيهات من نصيحة عدوّ.
اصحاب الاسماء التي تبدا بالاف:
روح يا ولدي دعوة الخير راها لاحقتك ميمتك ميمتك و لا كلام الناس و العديان
و حكمتها:دعاء الام مستجاب

اضغط هنا لتكبير الصوره


التوقيع
اضغط هنا لتكبير الصورهيوميات هبال اضغط هنا لتكبير الصوره

كل من شاف توقيعي
يدعو لفيروز بالشفاء
jojo07 غير متواجد حالياً   رد مع اقتباس
قديم 12-12-2011, 09:41 PM   #2
-||[كبار الشخصيات في المنتدى]||-
 
الصورة الرمزية ايمان الجزائرية
 
تاريخ التسجيل: Apr 2011
الدولة: وتكبر فيَّ الطفولةُ يوماً على صدر يومِ أعشق عمري لأني إذا متُّ أخجل من دمع أمي !
المشاركات: 1,607
مقالات المدونة: 3
معدل تقييم المستوى: 5
ايمان الجزائرية is on a distinguished road
افتراضي


شابين بالبزاف
نموت في البوقالات
كل مرة نروح عند جداتي نقوللها تقولي شوية اضغط هنا لتكبير الصوره


يسلموووووووووووووووو بنت بلادي


التوقيع
اضغط هنا لتكبير الصوره
اضغط هنا لتكبير الصوره
ايمان الجزائرية غير متواجد حالياً   رد مع اقتباس
قديم 12-21-2011, 07:10 PM   #4
-||[عضو قادم بقوة ]||-
 
الصورة الرمزية طريق الحياة
 
تاريخ التسجيل: Nov 2011
الدولة: في جزائري الحبيبة
العمر: 24
المشاركات: 7
معدل تقييم المستوى: 0
طريق الحياة is on a distinguished road
افتراضي


يعطيك الصحة بنت بلادي


طريق الحياة غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:01 AM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.