قديم 12-24-2011, 08:54 PM   #1
-||[عضو فعال]||-
 
الصورة الرمزية عتاب الايام
 
تاريخ التسجيل: Dec 2011
المشاركات: 16
معدل تقييم المستوى: 0
عتاب الايام is on a distinguished road
افتراضي رواية :-ينجرح قلب و ترتفع { هامة } و الله اني اموت و لا احني راسي


بسم الله الرحمن الرحيم
السلاااااااااااااام عليكم ^_^
شخبااااااااااركم يا اهل برق
و كيف الصحه ؟...^_^ ان شاء الله بخير و عافيه
احم احم راح اختصر السالفه ... ^_^
اصراحه انا من محبين اروايات ^_^ احبها كثير

ينجرح قلب و ترتفع { هامة } و الله اني اموت و لا احني راسي ...{ اسم اول روايه لي }
كتبتها من زماااااااااان و اليوم حبيت اعرضها لكم ...
و اتمنى انها تنال ع اعجابكم .....
.
.
.
الفرح
الهبال
الوناسه
الحزن
الالم
البعد
الاشتياق
الندم
المواساه
الحب
التضحيه
المشاعر
الكبرياء
الغرور
عزة النفس
.
.
.
ينجرح قلب و ترتفع { هامة } و الله اني اموت و لا احني راسي
.
.
.
عجبي عليك يازمان كل ساعه بحال

يوم حلو ويوم مر ومبدل الاحوال

يوم بتفرحنا وكتير تبكينا ومغير الاحوال

شايل همومي علي اكتافي والجرح معايا طال

الفرح عمره قصير والحزن عمرة طال

ياتري يادنيا هياجي عليكي اليوم وتوبي

وتفتكريني بالفرح ولا الحزن مكتوبي
.
.
.
ينجرح قلب و ترتفع { هامة } و الله اني اموت و لا احني راسي
.
.
.
اتمنى الروايه تنال ع اعجابكم و استحسانكم و رضاكم ...
و ان شاء الله اذا شفت تفاعل و ردود حلوة راح احمل الروايه كلها ع منتدى برق .... بشرط اذا شفت ردوود .. عاد ما ابي احبااط ^_^
راح انزل كل اسبوووع بارتين ^_^ علشان ما اكثر عليكم
طبعا الروايه طووويله و من وحي الخيال ^_^

.
.
.
.................................................. .................................................. ...............................~
اسم اروايه : ينجرح قلب و ترتفع { هامة } و الله اني اموت و لا احني راسي
من تأليف : عتاب الايام
منتدى برق

.................................................. .................................................. ...............................~


التوقيع
بفرح كل حسادي و بفرح و الامر عادي
حتى لو فراقك لي هدية عيد ميلادي

التعديل الأخير تم بواسطة ابتسم رغم دموعي ; 01-23-2012 الساعة 01:33 PM
عتاب الايام غير متواجد حالياً  
قديم 12-24-2011, 08:57 PM   #2
-||[عضو فعال]||-
 
الصورة الرمزية عتاب الايام
 
تاريخ التسجيل: Dec 2011
المشاركات: 16
معدل تقييم المستوى: 0
عتاب الايام is on a distinguished road
افتراضي




التوقيع
بفرح كل حسادي و بفرح و الامر عادي
حتى لو فراقك لي هدية عيد ميلادي
عتاب الايام غير متواجد حالياً  
قديم 12-24-2011, 08:59 PM   #3
-||[عضو فعال]||-
 
الصورة الرمزية عتاب الايام
 
تاريخ التسجيل: Dec 2011
المشاركات: 16
معدل تقييم المستوى: 0
عتاب الايام is on a distinguished road
افتراضي


.................................................. .................................................. ...............................~
اسم اروايه : ينجرح قلب و ترتفع { هامة } و الله اني اموت و لا احني راسي
من تأليف : ظروف الايام ، خفوق الروح
.................................................. .................................................. ...............................~
و اليكم اول بارت .......

••.•°¯`•.•• `•.¸1¸.•¯`••._.• الجزء الاول ••.•°¯`•.•• `•.¸1¸.•¯`••._.•


يا سلام سلم .. ونااااااااااااااااسه يا الله عبودي قرب قرب انا برويك ...عبود و حمود مع بعض و انا بروحي .. يالسين نتضارب .. صح اني اكبر عنهم بس عندي متعه كبيره لما العب مع اليهال .. واو حمااااس ها اليهال شي غريب عجيب .. ضربتهم ضرب زين ما كسرتهم ، و كثر ما اضربهم ما أشوف بعيونهم غير الحماس و الوناسه و الفر فشه و انا هذا اللي أبيه طبعا ... تضربنا ساعتين و بدلنا العب قمنا نلعب بمسدسات الماء ..... يااااااااااااااي ونااااااااااااااااااااااااااااسه العب حلووو بشكل ماحد يتصوره و بها الجو المغيم و البارد .. و بعد ما تخرسنا (تبللنا) بلماي و ملابسنا صارت تقطر من الماي يلسنا ع الأرض نلعب بــ التراب و كل واحد يرسم شكل و الشاطر يقول شو هذا ... ماسمعنا غير عطاس حمود انا صديت صوب عبود و عبود صد صوبي و بعدين شفنا حمود اللي كان مختشر با العطاس ... نقعنا انا و عبود من الضحك عليه .و ع شكله . ياي ليكون زكم يا ويلي من أمه الحين شو بيسكتها هيه و أبوه ... اشوي والا حمود رز صبوعه في التراب و رشاه علينا ....
حمودي وخشمه صاير احمر : تضحكون عليي انا أرويكم
واااااااااااااااااااااااااااو حلو العب بتراب .. عاد حنا ما صدقنا خبر.. كل واحد ينثر التراب و يرشه ع الثاني ... يوم إذن المغرب .. صدينا ع أشكلنا .. بسم الله الرحمن الرحيم نخرع اتقول طالعين من مغاره و لا كهف من الطفاس .. التراب من اولنا لين أخرنا و ملابسنا ما تنفع كلها ماي و تراب و حمودي فديته يعوطس .. دخلنا من باب البيت اللي ورء و ركضنا بسرعة و ركبنا فوق الدري و دخلنا بثلاثتنا في حجرتي ...
أول شي انا دخلت أتسبح .......... غسلت شعري ، ما بقولكم كم طن من التراب إلي طاح مني .. اللي يشوفني ما يقول عني بنت كبيره ، لالا ما كبيرة انا توني صغيرة ... واااااااااااااااااااو الماي دافي .. ضعت انا في المسبح خخخ و من عقب ما تنظفت و طاح الوسخ عني حسيت بنفسي خفيفة مثل ألريشه ... تيددت و تلبست و طلعت ... و ع طول بعدي دخل عبودي ... لفيت شعري و هوة كله ماي ... و لبست شيلتي و صليت .. و بعدها يلست أنشف شعري با الاستشوار ...و بعد نص ساعة طلع عبود .. و دخل حمود .. فديته شكله مرض...

وجدان : عبود تعال بنشف شعرك
... قرب عبد العزيز منها ويلس جدمها ع ركبته ...
وجدان : عبود
عبود : هاه
وجدان بابتسامه : لو سألوك أمك و لا أبوك ، لا تقول و لا تنطق انا لعبنا با الماي
عبود ع رأسه استفهام كبر وجدان: حال ويش ؟؟؟
ضربت عبود ع رأسه با الاستشوار : لو سألوك يا الحمار لا تقول انا لعبنا با الماي بتنازعك و بتنازع حمود و ما بتخلينا نلعب مره ثانيه
عبود قام يحك مكان الضربة : آآآآآآآآي ، اهااا
اشويه و ظهر حمود من الحمام و لين الحين يعوطس
وجدان صاده صوبه : هذا اللي بيفضحنا اليوم
حمود و ثلاث عطسات ورء بعض و عيونه كانن حمر
وجدان و فيها الضحكة بس كانت راحمتنه : فديتك حمودي حبيبي تعال بنشف شعرك ..( ضربت عبودي ع جدوفه بقوه ) انت وخر وخرررر مناك ..
عبود وهوه هافس ويهه: انزين لا دزين اوووف
وجدان رفست عبود بريلها : أووووووس ، سير الصاله و يوم بتطلع الرسوم ازقرني
عبودي : أزين اليوم بنشوف ...
قطعته وجدان : شب ، بنشوف انيوشا ..
عبود سار صوب الباب: لالا عاد ... كل يوم انيوشا كل يوم ...و كل يوم تنعاد اوووف .. بنشوف ناروتو
وجدان وهيه تفره بشباصه مال شعرها : مافيه ناروتو يعني ما فيه ، يا الله انتهى النقاش ، اذلف لا اكفخك .. و الله حاله يهالوه و يتشرطون بعد ..( و صدت صوب حمد و صرخت عليه ) و انت بعد تعال
حمود يمشي و ينتع خشمة : زين .. لا تصرخين علي . (و عطس )
وجدان وهيه تحره بنص عين : تدري لو عطست بعدك ... بسوي فيك اللي ما يستوي .. بدخل ايدي بحلجك و بقلع السانك من عروقه ..انت سامع
حمود مسك كلينكس و يلس يشفط .. و شوي و بيصيح : ما مني ، غصبن عني .. و عطس .. ( و قال بسرعه و بخوف ) تووبه توووبه
وجدان حز بخاطرها و رحمته : زين حبيبي ، الحين بيبلك دوء .
حمود وهوة عافس ويهه 190 درجه : ويع ويع ، مابا
وجدان وهيه تنشف شعره: عن المكر يا المكار ، بتشرب يعني بتشرب علشان تخف بسرعه
حمود ... فج حلجه و عطس ثلاث عطسات من خاطره ... و فج حلجه علشان يتكلم
وجدان خلت صبعها عمودي ع حلجها : شب اص و لا كلمه ، و ان تنفست بذبحك ، بعد يعاند و يقول ما يبي دوء ...... و شغلت الاستشوار و نشفت شعره ...و عطته دوء و لو شفتو حالته يكسر الخاطر ..>> شغل تبهيس خخ .... و نزلو تحت ع صرخت عبود
عبود وهوة يصرخ بعالي صوته : عمووووووووه طلع الحمااااااار انيوشاااااااااااااااااااااااااااااااااااااااااا
نقزت وجدان و بسرعة قالت لي حمود : حمودي حبيبي ، سير هات الشمسي ..( حب الشمس ) من المطبخ لا تتأخر و هات معاك الايسكريم و الحلاوة و ألعلكه و كل شي كل شي
حمود وهوة اير خشمة : مابا .. انا تعبااااااان قولي حال عبود
وجدان بقهر: حمود لو ما سرت ما بلاعبك من عقب ما تخلص الرسوم بنلعب لعبه يديدة .. و بنشوف رسوم غيرها و انت ما بتشوفها معنا
حمود و شكله طار عنه المرض و نسى عمره : بس بس الحين بسير ... بس وش بنلعب و ش بنشوف
وجدان بابتسامه : بخليها لك مفاجئه يا الله اذلف الحين من ويهي، وهات الشمسي و الديو و العلكه و المينوه
حمود طار ع المطبخ .. ووجدان يالسه تضحك عليه اشوي و بتنهبل ع اليهال .. صدق خبله ..

... بعرفكم بوجدان ^_^ ..
وجدان عمرها 18 سنه مخلصه الثنويه و يالسه في البيت لا دراسة و لا شغل و لا حاجه ..أصلا هيه رافضه فكره الدراسة من أول و رافضه أي فكره تتعلق بدراسة لا من قريب و لا من بعيد .. و أصلا نسبتها ما تشجع ابد و دوم أتيب دور ثاني >> عن الفضايح .... المهم عشقها و حياتها اليهال و العب مع اليهال و خبال اليهال و كل شي يتعلق بحركات اليهالوه .. طبعها بعدين بتعرفونه اكثر .. الحين خلوني اشرح لكم شكلها .. قصيرة و شعرها تحت جدفها يعني مو من طوله .. أصلا هيه دوم اتيره با المقص .. عيونها عسلية و تهبل .. حواجبها كأنهن مرسومات لها رسم .. خشمها سيف ... بيضا و بيضها حلو حيل .. لون شعرها اسود و قصتها توصل تحت عيونها ... شعرها ناعم حيل و يهبل .. رشيقه وايد .. و اللي يشوفها يقول عنها ياهل و عمرها 15 او 14 سنه ....خبله و ماعليها كلام .. بس ينهبل كل من شافاها ^_^.... احم احم سمعتووو هذي انا فديتني ^_^

عبود و حمود إخوان .. وجدان عمتهم ..
عبود عمره 10 سنوات .. و حلو يشبه أبوه
و حمود عمره 8سنوات و يأخذ اشوي من أبوه بس اكثر يشبه امة

المهم يلسو في الصالة أيشوفون انيوشاااا ...>>> تعرفونه .. هذا اللي يظهر في اسبيس بور .. اللي يلبس إلباس الأحمر .. و معاه كاجومي .. عرفتوه .. و أليده كايدي هع

اشوي و دخل عليهم وائل وهوة يصرخ
وائل هذا اخو وجدان اكبر عنها و عمره 21 سنه .. ماشاء الله عليه ... جمال و دلال و وسامه و كل شي فيه يشهد .. عيني عليه بارده ... اونه يدرس بس الله لا يرويكم هذي الدراسة اللي يدرسها .. ..ما بوصفه لا اني حتى لو وصفته ما بقدر أعطيه حقه ... خقاااااااااااااااق ع الاخرررررررر و جمااااله رهيب

وائل و هوة يصرخ : وجدااااااااااااااان و جدانوة و صمم
وجدان وهيه مندمجة في الرسوم ، ببرود فضيع : اششششششششش ، اااش ، لا تصرخ
وائل بطل عيونه : انتي هنية يا العويجه و انا حارق تلفونج
وجدان و عيونها و سمعها في التلفزيون .. و تسوي بلونه با ألعلكه و نتقعها : خلصني شو تبي لا تعطلني
وائل بعتاب : انا وش قايللج اليوم الصبح
وجدان .. تشوف التلفزيون يوم سوو إعلان صدت صوبه ، ببرود و كأنه تتذكر : اممممممممم هيه تذكرت
وائل و كان مقهور من حركاتها اللي تفقع المرارة : أشوف ذكريني شو قلت
وجدان بابتسامه عريضه: قلت صباح الخير ... صح و لا انا غلطانة ؟
عبود : عميه شوف عموه ما مخلتني أشوف الرسوم
وجدان باسته ع خده و قالت بحده و تخزه بنص عين: حبيبي يو بترد بيتكم شو اللي تبا هذا بيتنا و انا اللي بتحكم فيه انت فاهم يا روح عموووة !
وائل انفجر من غيضه : وجداااااااااااااااااااااااااااااااان
وجدان خلت أيدها ع أذونها و قالت برقه : يؤؤؤؤؤؤؤؤؤؤؤؤؤه شو هذا الصريخ..شوو ها الازعاج .. لالا ما يصير جيه ، بصراحه انا ما اتحمل كل ها الصراخ و الازعاج
وائل وهوة ينافخ : قومي اذلفي تعدلي خطيبج ياي يشوفج
وجدان و كأنها ما عيبتها السالفة أشرت بيدها بعدم مبالاه: خله يززززول زين .... و لا أقولك ، روغه روغــه احسن (روغه : طرده )...علشان يقطع ريله من ها المكان ... و ابتسمت له ابتسامه ساخره
وائل من شاف ابتسامت وجدان جن جنونه و كأنها تتمصخر عليه : وجداااااااااااااان يا الكلبه..انا اكلمج عدل لا تستفزيني
وجدان أشرت ع حمود و قالت بهدوء : اشششششششششششش اسكت حمودي فديته راقد .....(( اشوي و دخلت أمهم الصاله

ام منصور : استغفر الله ، شو ها الصريخ .. انتو ما تيوزون
وائل ماسك أعصابه با القوه : يمه أتفاهمي مع هذي البقرة اللي ناقصنها ذيل ، ريلها يايــ
قطعته وجدان بصوت عالي : لا تقول ريلي ، هذي ألكلمه انا ما أحبها ، و بعدين ما صار شي علشان تقول ها الكلمه
وائل بغيض : زولي لاه
ام منصور : وجدانوه اسكتي يعل لسانج القص، ..( صدت صوب وائل ... خير يمه شفيه
وائل وهوة يحر وجدان : ريل الانسه ياي يزور ها المتخلفة
وجدان ببرود : انت المتخلف مع هذا اللي يايبته معاك .. مالت عليك و عليه
ام منصور : وجدان اسكتي و احترمي اخوج اكبر عنج عيب تكلمينه جيه
وائل و شكله ماقادر يطيقها : قسم با الله لو ماحد امي هنيه كان ربيتج عدل
وجدان دلعت السانها : جان فيك خير جرب... و صدت عقب ما سمعت الرسوم
ام منصور مسكت وائل من أيده : خلااااااااااااااااص عااد احترموووني انا و اقفه جدامكم ! ، و هذي الخايسه شغلي معاها ..
وائل تنهد و قال بغيض : ما بسكت لها اكثر مما سكتت بتشوفين
وجدان : انتو لا تطرون لين سألفت الخطاطيب و انا ما بسوي هوره ..( صدعه )
رن جرس البيت ..
وائل وهوة ينافخ : زهبي بنتج ها البقرة ، الريال وصل ، لا بركتن فيها يعني ماتخلي حد يرتاح في ها البيت اووووووووووووف ..... و سار صوب الباب

ام منصور مسكت وجدان من أذونها : انتي متى بتتسنعين هاه ... تراج شيبتينا قبل شيبي
وجدان وهيه متالمه و مخليه ايدها ع اذونها بالم : يوم انتو بتخلوني ع راحتي انا بتسنع
ام منصور ضربتها ع جدافها بقوه : أشوف طوفي سير تعدلي .. ( بصوت عالي ) طووووووووووفي
وجدان بدون نفس : انزين اصبرو لين ما تخلص الرسوم .. كلشي تخربونه علي .. هذي الحلقه انا ما شيفتنها و ما بسير لين ما اشوفها
ام منصور موصله معها للأخير .. صرخت عليها مغتاضه : وجدااااااااااااان ، لا تخبلين فيني اكثر يسد أبوج امينن فيني ، و بعدين انتي شوووو هذا اللي تشووفينه ؟.... هذا للياهال موو للحريم اللي مثلج
وجدان ولا كأنها تسمع ....
اشوي و دخل منصور و معاه حرمته

منصور أخوهم الكبير عمره 27 سنه ... يشبه أبوه شبه كبيره و حلووو حيل .. حرمته أماني عمرها 25 سنه طيبه و حبوبه و محترمه وهيه بعد حلوه

أماني و منصور : السلام عليكم
الكل : و عليكم السلام
عفد عبود و سار حل ابوه : اباه ابي أشوف ناروتو .. عبود هفس و يهه و كانه ما عيبنه الكلام لما قال ابوه
منصور : مافيه لين يتعدل مستواك يا البليد
أماني و هيه تسير صوب ام منصور و تسلم عليها : شفيج عموه صوتج واصل لين الفريج الثاني ... شخاالج عموووة
و يلسو كلهم ...
ام منصور : و الله هذي اميننه فيني .. و اشرت صوب وجدان ....(( بس ما كانت موجودة)) ... هذي وين طست
منصور بابتسامه : شفتها شردت شفيها ، شو مستوي بعد؟؟
ام منصور تنهدت : ياي خطيبها يبي يشوفها وهيه رأسها و إلف سيف ما تبي تشوفه ... ما دري ها البنيه ع من طالعه كذا ! و لا ادري شو في رأسها
منصور وهوة يهز راسه: لا حول ، هذي و بعدين معاها .. أخاف تفشلنا مثل كل مره
اماني : ما عليه باجر بتعقل
منصور : و الله هذي ياهل اشك انا حد بيتحمل حركاتها
اشوي و دخل وائل : السلام عليكم
الكل : و عليكم السلام
وائل : شخبارك منصور
منصور : الحمد لله إخبارك انت
وائل : اللي يقابل ها العلة وش يكون حاله
اماني : ههههههههههههههههههه حرم عليك عاد كله و لا عمت ولأدي ، فديتها ما تطيع عليهم
وائل : تراها ياهل شرواهم ...قطعتهم وجدان
وجدان وهيه تنوقز و بابتسامه شاقه ويهه: هاااااااااااااااااااي يا حبايبي
الكل التفت وبها : و عليكم السلام
وائل ويأشر بصبعه عليها من فوق لين تحت بقرف: شوفها ها الشيفه ، أقص ايدي جان ما شرد الريال منها و من ويهها اللي اييب المرض و العله
وجدان بدون نفس : يكون احسن ، ع الاقل تجي منه و لا مني
منصور : وجداااااااااااان شو ها الكلام ، اشوف طوفي
وجدان وهيه تحوس بوزها : بس انا ما بيلس مع ريال غريب بروحي ..
منصور : و من قال بتيلسين معاه بروحج ... انا بسير و انتي تبعيني
وجدان بابتسامه : زين طوف انت اول
وائل : و الله انج بتعنسين و بطيحين في جبدنا ، عندي احساس بها الشي
ام منصور : استغفر الله ، يعني كيف ما بتخلون حد يالس و لا شوووو ؟
وائل : ايلسو ابويي ايلسو و استانسو و انبسطو انا اصلا طالع حجرتي ابرك
وجدان : يكون احسن ، ع الاقل تفكنا من ويهك اللي يجيب الفقر
وائل التفت صوبها و قال بغيض: انتي شكلج ناويه ع عمرج .. ناويه يتكسرن ضروسج؟؟
وجدان بتهديد: شوف تراني ما فضتلك انت بعد ، يكفيني ها البقره اللي في المجلس
ام منصور : وجدانوه و يهد يهد حيل ان شاء الله عيب تقولين عن الريال جيه
وائل بطنازه : و هذي من وين تعرف العيب ... مالت عليها و ع ويهه
اماني : وائل طوف عنها ، لو تبزيها من اليوم لين باجر ما بتخلص .. فديته حمود علامه راقد ما من عوايده
وجدان بابتسامه : مدري عطيته دوء و لا خمر دوخه و رقد
اماني تغير ويهه و شكلها خافت عليه و سارت صوبه : يمه ولدي شفيه ، دوء شو عطيتيه انتي .. ما اوجده مريض
وجدان وهيه ادق صدرها : ولا يهمج انا معاه لا تخافين ، عطيته دوء مال العظام و حبت حبوب ما ادري يمكن مال السكر و امول و بندول و دوء مال الرقاد هذا الخايس الاحمر، و حبوب الضغط .. .... و ركضت سارت صوب المجلس و خلت اماني تصرخ و تشل البقعه فوق راسها وهيه ناقعه عليها من الضحك ..دقت الباب دقتين خفيفات و فتحته اشوي .. و شكلها مستحيه
منصور با بتسامه : تعالي تعالي .. وجدان دخلي
وجدان بطلت الباب اشوي اشوي و طاحت اعيونها ع منصور
منصور بابتسامه : تعالي ، لا تستحين
بطلت الباب بكبره بطول ايدها.. و ضرب الباب با الجدار و دخلت و قالت بدفاشه : السلام عليكم
جعفر و منصور : و عليكم السلام
وجدان سارت و يلست عدال منصور و هيه اتشوف جعفر و جعفر يشوفها
جعفر و عيونه مالها الا مسار واحد وهوة وجدان ، و الابتسامه ما تفارق ويهه .. و شكله طاح و لا حد سماء عليه كل الكلام اللي كان يخضره من اسبوع طااااااااار من راسه
وجدان وهيه تشوفه بدون نفس و تسوي حركات كانها متجززه منه ، صدت ع منصور و قالت بصوت واطي و هيه تحوس بوزها : هذا شفيه ، شكله يسوي اعلانات سجنل 2 ..و الله و الله شوف شكله
منصور قرصها ع ايدها و قال بصوت واطي : اص اسكتي .. لا يسمعج
وجدان بدو نفس : اذا بيتم ع هذي الحاله اقوم اطس داخل اجابل انيوشا و ايد ابرك ..( و خلت صوتها مسموع )
جعفر من سمع كلام وجدان اختفت الابتسامه من ويهه و نزل عيونه عنها .. و شكله يكسر الخاطر ..وقال : شخبارج وجدان ان شاء الله بخير
وجدان من غير ما طالعه وبدون نفس: ابخير
جعفر تلعثم با الكلام لما شاف نفسيتها و سمع صوتها : دــ دوم يارب ،امممممممممم انتي تدرسين
وجدان صدت صوب الدريشه و لا كانه جعفر موجود و حاست بوزها: لا
جعفر وقلبه بدق بسرعه ما يدري ليش و ليش تحيس بوزها: طيب انتي كم عمرج
وجدان التفتت بسرعه عليه ،حرته بنظرات و عقدت حواجبها ..( جعفر ع طول حطى عيونه بعيون وجدان علشان يفسر معنا نظراتها بس للاسف ما فلح ) .. قالت بصوت حاد : افهم من كلامك انك ما تعرف عمري !!؟؟
منصور نغزها بخسرتها و قال بصوت واطي : استحي ع ويهج يا قليلت الحياء .. وردي ع قد السؤال .. و لا تسوين مثل اللي قبل
وجدان خذت نفس وصدت ع الساعة ..
جعفر وهوة متلعثم با الكلام : قلولي عمرج 18 بس شكلج اصغر بوايد
وجدان سوت نفسها و لا كانها سمعته و رفعت عيونها فوق ( لصقف )و يلست تشوف الصقف ...
منصور نغزها مره ثانيه وقال بصوت واطي و كله غيض و من بين اسنانه: وجدانوه الريال يكلمج ، ردي عليه يلعن ها الشكل... فضحتينا
وجدان قامت تنافخ و قالت كانه مو عايبنها : شوووو شو فيه ، قال شي هوه و انا ما سمعته ..شو قلت
جعفر انحرج و صد ع منصور و رجع يصد ع وجدان اللي كان نفسها في خشمها
وجدان عدلت يلستها و همست لمنصور : شوف كيف تكون الاسأله مو مثله مالت
وجدان حاطه عيونها بعيون جعفر و حطت ريل ع ريل : الا ماقلتلي اخ جعفر انت كم عمرك
منصور دزها ع ريلها و قل بهمس : استحي ع ويهج يا الحقيره .. عيب عيب عليج ... نزلي ريلج
وجدان وهيه تنافخ بصوت عالي : اوووووووف منكم يا المعقدين ... (و نزلت ريلها )
جعفر بابتسامه : عمري 22 سنه
وجدان بطلت عيونها و صرخت بصوت عالي..( حتى منصور و جعفر نقزو مستغربين منها ) قالت : 24خاف ربك يا الظالم فيني ... انا عمري 18 و انت 22 سنه يعني بينا ..( و يلست تعد ع اصبوعها ) .. سنه .. سنتين .. 3 سنين .. 4 سنين ... شو هذا ياخي ... بتموت قبلي .. بتفنقش قبلي و بتخليني ارمله .....و بعدين انا وايد صغيره عليك ، انت يبالك بنت بعمرك ولا اصغر عنك بسنه و لا سنتين ( و صرخت عليه و كانها صايره كارثه .. و مبطلع عيونها ع وسعها ) مو 4 خاف ربيك يا الظالم .... ما حست غير بايد منصور بتفقع خاسرتها .. وتمت تون من الويع
جعفر انقلب حاله 180 درجه و كان بيتكلم بس هيه قطعته ..
وجدان صاده ع منصور : شفيك ؟ ! ليكون كلامي ما عبينك ؟ ! تراني للحين ما قلت شي .. و هاي وجهت نظري لا اكثر و لا اقل ... انزين ما علينا خلنا من العمرالحين ...( وصدت ع جعفر و قالت ) يا الله بنعديها لك .. مع انك كبيربس يا الله ياخي بنمشيها لك .. قولي وين تشتغل ؟
جعفر و خاطره يمسك وجدان من شعرها و يمسح فيها شوارع الحاره من الغم و القهر اللي في خاطره .. و خاطره يسمعها كم كلمه بس احترم وجود منصور : بس العمر ما يعيب الريال و انا توني بول شبابي ....
قطعته وجدان وهيه تلوح بيدينها بلا مبالاه و هيه رافعه راسها : ابوي انت ... خلصنا من سالفت العمر ، و لا تيلس تتفلسف علي .. العمر و العمر .. قولي وين تشتغل خلصني ..
جعفر ويشوف وجدان مثل الشيطان وله قرون و ماسك خيزران : اشتغل موظف في شركه الاتصالات
وجدان وقفت و كانها مصعوقه و قالت بصرخه : شووووووووووووووووووو


برب


التوقيع
بفرح كل حسادي و بفرح و الامر عادي
حتى لو فراقك لي هدية عيد ميلادي
عتاب الايام غير متواجد حالياً  
قديم 12-24-2011, 09:01 PM   #4
-||[عضو فعال]||-
 
الصورة الرمزية عتاب الايام
 
تاريخ التسجيل: Dec 2011
المشاركات: 16
معدل تقييم المستوى: 0
عتاب الايام is on a distinguished road
افتراضي


باك

منصور مسكها من ايدها و سحبها برع و ويهه محترق من الفشله ..( جعفر وقف و كان محرج منها و من اخوها و منهم كلهم )..و يبي منها تنطم بس هيه كانت تصرخ و تقول : شوووووووووو وووووووووين قال في شركه الالوه ..( تطنز تقصد الاتصالات )... بعد يقول موظف مو مدرير ...( طلعها منصور من المجلس ). ماحست غير منصور يضربها ع ظهرها بقوه .. : اص وقص قصلج السانج و الله لعلمج الادب يمسوده الويه مالت عليج و ع شكلج يا الخايسه اشوف اذلفي حجرتج يا قليلت الادب زوووووووولي .... وجدان افترت من بين ايدينه و هيه تضحك من خاطرها ...
دخل منصور ع جعفر .. جعفر كان واقف و معصب و متنرفز و قال بصوت عالي
جعفر وهوة شايط ع الاخير : يا منصور انا ماياي بيتكم اتهزء ، اسموحه منك .. بس اختك مو محترمه ، و لا تعرف كيف تتكلم مع الناس ، ع الاقل تجامل ... قطعه منصور
منصور وويهه منجشر من الفشله : امسحها بويهي ، ياهل لا تاخذ ع كلامها
جعفر و يقول من بين اسنانه : روووووووح لاه انت و اختك ، اول شي خلها تمسك السانها و تحترم نفسها علشان الناس تحترمها .... انا فحياتي ما حد قالي كلمه و لا شفت وقاحه في انسان كثر ما شفت في اختك ، ع اخر عمري اتيي هاي تقولي جيه ، قسم بالله لو ما كانت مسولك حساب و لو كانت ريال كان مسحت فيها الارض و سمعتها كلام عمرها ما سمعته .. شو تحسب الناس خدام معها و مع ابوها ، كلنا ولاد ادم ، ( كان محرج من صدقه و لا متحمل يلس ساعه في بيت ابو منصور ) ..... وسار صوب الباب و هوة يلبس انعاله و يتنازع
منصور مستحي منه و ما عارف كيف بيبرر موقف اخته : امسحها بويهي ياخوي .... صدقني ما كانت تقصد بســـ
قطعه جعفر وهوة يطلع من البيت : روووووووووووووووح لاه ، روووووووح .. الشرهه مو عليكم الشرهه ع اللي فكر يناسبكم و يبي القرب منكم ... و طلع من البيت و صوته و اصل لين اخر الدنيا

منصور شاف شيطين و الجن و العفاريت كلهم ينقزون جدامه ... طلع من المجلس وهوة يصرخ : وجداااااااااااااااااااااااااااااااااااااااانوه يا الكلبه وجداااااااااااااااااااااااان
ام منصور صدت صوبه وهيه متروعه : خير خيررررررررررر شو صار ؟
منصور و الدم يفور في عروقه : من وين بيي الخير و هذي العينه قليلت الادب ورنا
ام منصور بخوف : شو صار ، و ليش تقول جيه ع اختك
منصور ترك امه و صعد فوق ع حجرت وجدان و هز الباب هز و دقه دق و هوة يصرخ : افتتتتتتتتتتتتتتتتتتتتتتتتتتتتتتتتتتتتتتتتحي الباب افتحيه قبل لا اكسره اقولج افتحيه ..( و رفس الباب بغيض ......( و تبعته ام منصور و اماني )
وجدان و صوتها كانه كانت تصيح : ما بفتحه هذا واحد شايب تبون تزوجوني حال شايب انتو ما تخافون ربكم .... (بس الصدق انها كانت ميته من الضحك ع شكل جعفر ).. بس تمثل
ام منصور من شافت منصور جيه معصب مسكته من ايده : هدي يمه هدي ، لا تعصب جيه ما زين لك
منصور صد ع امه وهوه يصرخ : كيف تبيني اهدي قوليلي كيف ، هذا لا الاول و لا الثاني جيه تسود بويهي جدامه هذا الرابع ، عن ابوج ما تستحين ما تسنحين ! ع ويهج ..( و رجع يدق الباب بكل قوته و بقهر حتى انهم شكو انه ما بينكسر ) فتحي الباب اقولج و الله لجتلج من اليوم و الله افتححححححححححححححية
وجدان شغلت صفاراتها بس كله بتمثيل و تصيح بصوت عالي و تقول كلام مو مفهوم
اماني مسكت ايد منصور : استهدي بالله و تعال معاي ، خلها انا باجر بشوف وش سالفتها و ليش ما تبي تعرس .. تعال انت بس
منصور بعناد و ما قاد يمسك اعصابه : وخرررررر عني انتي بعد ، اليوم ياذابح يا مذبوح ، هدوني عليها ، ..( و رجع يدق الباب ) افتحي اقولج افتحي افتحححححححححححححححححححححححححححححححي
وجدان كانت منسدحه ع السرير و حاطه ريل ع ريل : مابا مابا تبي تضربني ع ذاك ألشيبه
منصور لما يسمع كلامها يشب اكثر عليها ..( و يحس مثل النار لما يزيدونها بترول ) .... و تم يرفس الباب بيده و ريله و هوة يصرخ عليها ..
ام منصور و كانت ميته من الخوف : يمه هدي و صل ع النبي ، خلها انا بتفاهم معاها ... تعال انت تعااااااااااااااااااااال
اماني و هيه تحاول تهديه : اذكر ربك ، و اانا و عمتي بنكلمها ....
قطعتهم صرخت منصور : شوووووووووووووووووووو ، بتتفاهمون معها ، هذي ماشي يربيها غيري الضرب ، قليلت الادب قليلت الحياء ، و اشر ع امه ... كله منج ما عرفتي تربينها ، قامت ما تسوي حساب لحد ، لا صغير و لا كبير .. لا غريب و لا جريب .... بس كلهم سكتو لما سمعو صوت ابو منصور
ابو منصور و عاقد حواجبه : خيرررررررر خيررررررررررر شو مستوي ، وحال وش صريخكم واصل اخر الدنيا ، وش مستوي لكل هذا ؟؟؟
منصور صد ع ابوه و قال بعصبيه و غيظ : بنتك اللي ما تستحي ع ويهه ، فشلنتي جدام الريال
ابو منصور : منو الريال ؟
منصور بعصبيه : جعفر يبه جعفر .. خطيب ها النذله
ابو منصور : اهدي و قولي شو صار ؟
منصور وهو ينافخ : تخيل يبه ، تكلمه بكل وقاحه و قلت ادب و تقوله انت كبير و تقولها انها هيه ياهل و تيلس تتفلسف ع الريال و لما يتكلم تقاطعها و تصرخ عليه و تعايره بشغله .. يبه فشلتني فشلتني ، هذا رابع واحد تفشلني جدامه ، و قام الريال يتنازع و يتحلطم علي بسبتها
ابو منصور عقد حواجبه : استغفر الله ، و بعدين معها هذي البنت يعني وبعدين لين متى بتم تسوي ها الحركات .. متى بتحس با المسؤاليه بتفهم انها ما عادت صغيره
ام منصور و كانت متضايجه : خلاص انتو اهدو انا بكلمها ، و بعدين لا تفحشون السالفه اكثر من جيه
منصور وهوة يصرخ و ما قادر يمسك اعصابه :كيف ما نفحش السالفه .. تراه ما انتو اللي تسمعون كلامهم .. كله يطيح ع راسي ..( و قال بتحذير ) قسم با الله لو كررتها بعد كذا ، بيكون لي تصرف ثاني ، انا حركات اليهال هذي ما تمشي علي
ابو منصور بتحذير: سنعي بنتج يا مره ، و اذا ما ترمين لها قوليلي ، انا بعرف اسنعها لكم ، ولا تحسب عمرها بنسكت عليها وايد .. صارت حرمه مو يااااااااااهل اما نعلمها الصح من الغلط ..
ام منصور وهيه تنافخ و بعصبيه : خلاص ما يصير خاطركم الا طيب ، انزلو انتو الحين ...( اماني تعالي سعديني بنحط العشاء
منصور وهوة ينزل من ع الدري و شكله واصل حده لا انه ما قدر يمسكها و لا يضربها : انا مابا سم ، تسمم انتو
ابو منصور عصب من كلامه: منصور شو ها الكلام ، لا تخلينا اسنعك انت بعد .. صدق انكم مافيكم ادب و لا حياء... و لا عرفت كيف اربيكم مثل الناس
ام منصور و هيه تحاول تهدي ريلها : خلااااص هدي ..... و تراها منصور الحين معصب .....يا الله ابو منصور انت روح بدل و انا بجهز العشاء ..
ابو منصور و هوة ينافخ : من اللي له نفس يطفح .. و معاه اعيال مثل عيالج .. يقصرون العمر و يفقعون المراره .. حسبي الله عليهم .. حسبي الله عليهم
ام منصور تحاول تهديه : لا تتحسب ع عيااالك مووو زين ، انا لله ، استهدي الله .. و ذكر ربك .. انت الحين روح بدل .. و انا لي كلام ثاني معاهم ....
راح ابو منصور حجرته و هوه يتنازع و يتحلطم عليهم كلهم
.... و نزلت ام منصورو اماني و منصور يلس في الصاله ...

مع وجدان كانت تسمع كل شي ... سارت صوب تلفونها و دقت ع ربيعتها
وجدان وهيه رايقه ع الاخير : بنانتي ، شخبارج
موزه : بخير ، انتي ما تتسنعين ، ازقريني بسمي
وجدان وهيه تضحك : هههههههههـ عاد من زين اسمج ههههه وليكون ما عيبنج اسم الدلع
موزه : اسكتي، زين مالت عليج
وجدان : عندي لج بشاره تسوء عمرج
موزه : عمري مره وحدة .. قولي اشوف وش من البلاوي
وجداان و شكلها متشققه من الوناسه : جعفروه الطبل ، بح ، راح في دربه ، طيرته
موزه متفاجئه: قولي غير ها الكلام
وجدان : و الله
موزه : كيف ؟!
وجدان : تصدقين طلع شايب مثل اللي قبله
موزه : لا حوووووول شيبه ، اهلج شكلها مرخصين فيج
وجدان : وايد ، حتى كانو بيضربوني بسبته
موزه : افااا ليش عاد يبون يضربون جوتي قلبي
وجدان وهيه تضحك : ههههههههههههههههههه جوتي في عيونج يا الغبيه
موزه : عن الغلط عطيتج ويه اشوف ، يا الله ، قوليلي شو صار
وجدان قالت لها كل السالفه و تمت وجدان و موزه يضحكن من خاطرهن ... و كانها ما مسويه انجاز عظيم ....
خلوني اعرفكم ع موزه...
عمرها 18 سنه مخلصه المدرسه .. طبعا الصاحب ساحب .. يعني لا انا و لا هيه ندرس .. حلوه وايد و جمالها تخبل .. اطول عن وجدان بشوي .. بس موزه ما عدها ها الخبال اللي في وجدان لا انا اهلها مشددين عليها اشوي .. و ما يعيبهم هاي الحركات

وجدان : مدري ليش وايد مستعيلين ع زواجي ، كاني يالسه ع قلبهم ، يخلوني ع راحتي اوووف منهم
موزه : وانتي الصادقه ، بس تعالي هنيه ، تراج رفضتي الرابع للحين ، و ياليت بطريقه لبقه كله بدفاشه
وجدان وهيه تضحك : ههههههههههههههه حلوه هذي لبقه من وين طلعتنها
موزه : من عند اخوووي هههههههه .... اشوي و اندق الباب ع وجدان
وجدان : اخوج هاه ، زين انا بسكر الحين برد عقب بتصل فيج
موزه : اوكيه اترياج زين
وجدان : يا الزطيه ، خلص رصيدي انتي اتصلي
موزه وهيه تضحك : هههههههههههههههههه عيل روحي رقدي ، لا اني مستحيل اخسر رصيدي عليج هههههههههههههه
وجدان : ارقد هاه ، و الله بتشوفين حظج ، باجر انا عندكم في البيت
موزه : لا حبيبتي حنا ما نستقبل اقزام و لا يهالوه
وجدان قالت بصوت عالي : بنانوه ، انطمي احسن لج انتي لو ما اسمج موزه بتجمرين....، انا الحين قزمه لاه يا النخله ، زولي من ويهي عقب بتفرغ لج زولي
موزه سكته و هيه تضحك عليها هههههههههههههههههههه

قلت بصوت بينت اني متضايقه : من
ردت علي امي : افتحي الباب
قلت : من معاج
ردت علي : ماحد افتحي
قلت : لحظة ....... قمت و فتحت لها الباب و ياليتني ما فتحته ع طول طاحت فيني ضرب و انا اتحاشها ... و اضحك عليها و انوقز فوق الكرفايه ( السرير ) .. و يلست الاعب امي بس امي شكلها ناويه تذبحني ... سويت كا العاده ..ركضت صوب الكبت بطلته بسرعه و ركبت فوق الدروج ...لين وصلت فوق الكبت و يلست فوق الكبت ... اتخيلو شكلي هههههههههههههههههههه

امي وهيه تتنازع : انزلي يا السباله ، حسبي الله عليج و ع ابليسج ، حشا انا ما يايبه بنيه يايبه شاذي انزلي ..( و صرخت عليها )......انزلي اشوف بسرعه .. انزلي هنيه

وجدان ماخذه راحتها فوق الكبت وواقفه ع حيلها و مرخيه ايدها وتاشر ع امها .. و حانيه ظهرها: وش تبون مني ، ياخي خلوني ع راحي ما ابي اتزوج غصب غصب هوه.. خلوني ع راحتي
ام منصور تفرك ايدها من الغيض و عاقده حواجبها .. صرخت عليها : نزلي اقولج ما تفهمين انتي ما تفهمين .. نزلي لا بركتن فيج و لا في عمرج .. نزززززززززززززززززلي يا السباااااااااااااااااااالة يا القرده
وجدان ضربتها يالسه فوق الكبت و قالت : ماباااااااااااااااااااااااا و هذي يلسه .. خلوني ع راحتي انا هنيه مرتاحه و مكيفه .. و حبت ايدها بطن و ظهر .. و لله الحمد
ام منصور خلاص طق عقلها صرخت صرخه من قمت راسها : ابوووووووووووووووووووووووووووو منصورررررررررررررررررررررررر منصوووووووووووووووووووور .. ابووووووووووووو منصووووووووووووووووووووووووور تعاااااااااااااااااااااااااااال ابسرررررررررررررررررررررعه .. انا بعلمج الادب يا مسوده الويه .. حشى انا ما ييبه بنت يايبه قرده

من سمعتها تنادي ابوووي و تصرخ كانها مينونه .. اكيد بتكبر السالفه و بندق .. احسن شي اني انزل و الله شكلها حلو وهيه معصبه ... قلت و انا هافسه ويهي : خلاص خلاااااااااااااااااص لا تصرخين فضحتيني بنزل و امري لله ...و اشرت لها علشان تفتر اشويه :... امااااااااااه قومي بنقز فوق الكرفايه

ام منصور تنافخ من الغم : شوووووووووووو ما يسدج مغيرين الكرفايه 8 مرات في السنه كل يوم كاسره وحده .. اشوف نزلي ربي يعطيج ريل يهد حيلج انزززززززززززززززلي

و الله ما قدرت امسك نفسي و انفخرت من الضحك ع شكلها و دعاويها .. اصلا انا يالسه ع قلوبهم ماني متزحزحه هنيه وين يلس ، لا با ريل و لا غيره .. شلي بعور القلب و الراس ..

شفت امي سارت عند الباب و يالسه تصرخ .. شو هذي الام دووم فاضحتني ما بقت حد ما زقرته حتى الهندي مال الدكان زقرته .... و تصرخ من خاطرها ...

انا احسلي اعفر قبل لا يدخلون و يعطوني شغلي .... وقفت ع حيلي و عفدت من فوق الكبيت .. وووااااااااااااااااااااااااااااااااااااااااااااااا اااااااااااااااااااااااااااااااااااااااااااااااااو وووووووو حمااااااااااااااااس وربي .. سيرو جربو اركبو فوق الكبت و عفد ع الارض لا تعفدون ع الكرفايه لا انها بتنكسر مثل ما نقعت كرفايتي انا هههههههههههههههههههه .. احس تكسرون عظامكم و لا تكسرون كرافيكم لا انا اهاليكم بيضربونكم ضرب هههههههههههه وااااااااااااااااااااااااااو حماااااااااااس عن جد ..

التفت امي صوبي بسرعه لو سمعت نقعه كبيره يايه من صوب الكرفايه ... من انكسرت الكرفايه و انا ميته من الضحك ما قادره امسك نفسي ...

امي وهيه تتنازع و معصبه : الله يلعن ويهج يا الخايسه يا السباله شوووووووووووو سويتي .. حسبي الله عليج من بنت انج بذبحيني من الغم .. حسبي الله عليك ..( يااااااااااااااااااااااااي شكلها يايبه الدعوه من خاطرها )

رفعت راسي و انا امسح دموعي من كثر الضحك ... شفت علقم خخخخ اقصد ابوي و حيزبونه الشريره ههههههههه اقصد اماني و بباي هههههههههههه هذا عاد منصور ... و كل واحد امبطل عينه من يانب

مسحت دموعي ووقفت و انا احول اخفي ضحكتي بس ما قادره : اممممممممممممممممي دفرتني و طحت ع الكرررررررفايه و كسرتها .. كل منها هيه كل منها ... و احاول قد ما اقدر اقبض نفسي عن لا اضحك ..( طبعا اقصد امي هيه اللي دفرتني و طيحتني ع السرير و انكسرت انا مالي ذنب )

علقم وكا العاده مسكني من خدودي و قرصني بقوه ... اااااااااااح واااايد تعور قرصته ... لا بعد ما سده قام يضربني وهوة يقول : انتي متى بتكبرين متى بتعقلين عن ها الحركات هااااااااااااااااااه .. انتي ما تيوزين عن طبعج الخايس .... شتبيني اسوي يعني تبيني اذبحج و افتك منج ... و ضربني ع ظهري بقوه ....و ربي تعور ايده كانه يضرب بحطبه ما كانها ايد اااااااااااااااااااااخ ظهري احترق من ضربته اااااااااااااااوف منهم ما يهنون ع حد .. و كمل كلامه و هوة يقول : و الله يوجدانوه الكلبه ان ما تسنعتي انا بعرف شغلي معاج .. هذا انا ربيت اخوانج ما حد منهم سو ها الحركات البايخه انتي ع من طاااااااااااااااااااااااالعه اميننه بخلق الله هاااااااااااااااااااااااااه و ضربني ع ريلي .... شو انا طوفه هبيطه من وين ايي يضرب .. لا حووول هذا متى بيسكت كانه بالع رديووووو .. عاد شاف سبب .. من فيه خير بيسكته .. انا ادري ليش هوه معصب الحين لا اني كسرت الكرفايه ..( السرير ع طول بسميها الكرفايه ) .. شفت بباي فاج حلجه يبي يقول شي .. و شكله معصب علي ..

منصور و عاقد حواجبه و معصب : يبه خلني اوديها كلها اسبووووووووع و ربي يتيي متسنعه .. بس انتو اتركوها لي

هذا شيقصد بكلامه .. و الله ليننك جان تبي تاخذني معاك .. و الله حماااااااااااااااس هناك بيكون معي حمودي و عبود بزلزل البيت فوقهم ... سمعت حيزبونه تقول

اماني و كانت شايله حمود ع جدفها : استهدو بالله ... و بعدي وجدان توها صغيره ما من عقلها .. بعدها ياهل .. لا تحاسبونها ع كل شي

هههههههههههههههههههههههـ عاشت حيزبونه صدقها لو كل حد يفكر مثل و مثلي بيكون حمااااااااااااااااااااااااااااااس بس وين يحسره .. شوفو شيفت هذيلا ..( تقصد منصور و ابوها و امها ) من وين بيي الحماس ..

قلت و انا اتصنع اندم و الخوف : تووووووووووووووووووووووبه يبه توبه بعد ما اعيدها و هات راسك ببوسه ... فلت عمري من بين ايده و سرت ابي احبه ع راسه بس هوه وخر و بعد عني و قال

ابوي وهوة امفول علي : وخرررررررررررري من ويهي انا ما عندي عيال مثلج ... وخرررري

قلت بدلع و انا اربع صوبه : يبه عاااااااااااد لا تكبرررر السالفه .. و اذا ع الكرفايه برايها برقد ع الارض انت بس لا تزعل

قال ابوي بقهر : وخروووووووها ذي من دربي قبل لا افقع ويهه حنا وين وهيه وين ... وخرررري ....((و دفرني بدفاشه لصقني با الجدار

امي شكله ارتفع عندها السكر و كانت يالسه تنافخ فوق الكرسي .. سرت صوبها ابي اراضيها .. بس هيه بعدت عني و قالت : وخرررررررررري من ويهي .. انسي كان عندج امي .. و لا تزقريني اماه ابد .. لين ما تتسنعنين و تصيرين عاقل .. وخرررررررررررري .... و فرتني بدفاشه ..

شفيهم هذيلا بعد .. و الله حاله بعد يتغلوون ما كنه منهم السبب اللي يسون المشاكل .. كل واحد يدفر ع يانب و كاني لعبه بيدهم .. ياخي كيفي ما ابي اكبر .. شووو يبوني كبيره كله هم و غ و نكد و كدر ااااااااااااااااااااااااوف من ها الاهالي لما يكبروون يصيروون يخبصوون و طيح ع روسناااااااا ..

سمعت اماني تقول بحنيه : وجدان حبيبتي هم ما زعلانين لا انج كسرتي الكرفاته لا ... هما زعلانين لا انج انتي تتصرفين مثل اليهال و ما راضيه تكبرين.. و المفروض انج الحين تفكرين بحياتج الثانيه و تودرين عنج حركات اليهالوه ..انتي الحين تكبرين .. و اذا تزوجتي ان شاء الله ريلج ما بتعيبه ها الحركات لزم تدرسين حركاتج و تفكرين اشوي بجديه و تتركين عنج ها الهبال اللي ماله داعي و لا له لزمه

سمعت منصور يقوللها وهوه ينظرني بقهر و ما سك اعصابه با الغصب : علميهاااااااااااااااااااااااااا علميها يمكن تفهم .. مالت ع ويهج .. و ربي لو ما حلفني ابوي اني ما امسج كان خربطت بتضاريس ويهج كلها

رووووووووحو زين انتي و ياه انا متفيجه اسمع نصايح منج انت وهذا العله ... بعد ما عطيتهم نظرات طلعت من الحجره و سرت صوب حجرت ابوي دقيت الباب دقه و حده و ما سمعت رد ... فتحت الباب بطول ايدي .. و ابسمت لهم ... يؤؤؤؤؤؤؤؤؤؤؤؤه شوووو هذا .. كل واحد غادي ( صاير ) كبر البيت حشااااااااااااااااااااا ......

سرت صوبهم و يلست بينهم مع انه ماشي مسافه بس عفت فوقهم و خليت ايدي ع جدوفهم و قلت : خلااااااااااااااااااااص عاد لا تزعلوووووووون علي ... انا اخر العنقود ... اهون عليكم تسون فيني جيه

سمعت امي تقول لبوي : اناااااااااااا ما قلتلك بنوقف عند وائل بس انت .. الا ابي ياهل ... هاه هذي يت وش خذينا منها غير عووووووور القلب و الهم و النكد و الكدر حتى خوانها ما يسون اللي تسويه ... من صغرتها و الجيران يتشكون منها .. الا فالعه هذا و ضاربه هذا و عاضه هذيج و عاميه فلانه بتراب و دايسه واحد بسيكل و متفله فوق ولد فلانه ... وش خذينا منها غير الهم .. لا و في المدرسه كل يوم استدعاء كل يووم .. ياليتني بركت فوقج يوم يبتج.. و الحين يوم قلنا بتتزوج و بنرتاح قامت تسود ويهنا قدام العالم .. حسبي الله عليج حسبيى الله عليج

سمعت ابوي يكمل و يقول : و انااااااااااا وش دراني انها بتطلع جيه .. لو اعرف ما فكر انا نبيها ابد ..

بصراحه عورني كلامهم .. اشوو هذا ما يحسون... قدامي يقولون لو ما يبنها و ما ورها غير الهم و الغم و الكدر ... وش هذيلا من الاهل .. قمت و انا خاطري مجروح و مكسور و متشمخ من كلامهم ..( حلوه ذي متشمخ ههههه ) طلعت و قبل لا اطلع قلت : فيه في العالم ثنينه عاقلين يقولون لبنتهم هذا الكلام ... و قدامهااااااااا .. هذا يزاتي يعني يايه اراضيكم .. بس ما منكم مني انا اللي يايه ... ع العموم الله يسامحكم .. و الله مع المظلووووووم .. طلعت من الحجرت و انا معصبه ..و سكيت الباب بكل قوتي .. ووقفت ورء الباب اسمعهم شو بيقولون عني... سمعت ابوووي يقول

ابوي بعصبيه : سنعي بنتج تراه و الله لقول لمنصور يخذها و هناك بيسنعونها و بيخف خبالها ..
امي : لا حووول .. شو نسوي فيها ذي اكثر من جيه
ابوي : فيه بنت تقول جيه لهلها .. و تحب تفشلهم جدام الناس ... انا قلتلج ان ما سنعتيها بتروح يعني بتروووح
امي : و الله انا ما بقا بيدي شي ما سويته لها ... ابيها تتنسع ماقدر لها كل يوم يزيد خبالها ..

حست بحركه وراي فالتفت شهقت لما شفت وائل غربله الله طيح قلبي .....واقف و يسمع قالي و الفرحه ع عيونه :: وين يبون يذلفونج ...وين يتزولين و بنفتك من رقعت ويهج ..( وهوة يهمس بصوت خفيف )
قلت له و انا ادلع لساني بغيض و قالت بنفس نبره صوته: يالسه ع قلبك ما ني رايحه مكان
وائل رفع ايده لسماء : يارب تذلفين من ويهنا و نفتك منج و من خبالج يااااااااااااااااااااااااااارب ... صد صوبي و قال بكل وقاحه ... قولي امين
قلت له و نا احرة بنضرات غيض : امين يبشروني بجنازتك باجر
رجع وائل ع ورء و يسوي حركات انه خايف : ول ول ول ... يمه خفت ... عاد من زود صلاتج علشان رب العالمين يستجيب لج مااااااااااااالت الا مالت
قلت له و انا ميته من القهر : هيه الخايس ، انت اللي ما تصلي انا الحمد لله اصلي و ازكي و اصوم
نقع من الضحك .. مدري شو ضحكه ها الخسف .. عفدت عليه و سكيت حلجه بيدي و قلت لها : اششششششششششششششششششششش ... انت شفيك مينون بيعرون انا حد هنيه .. تبي تفضحنا تبي تفضحنا انت!؟
قال بصوت عالي و كانه يتعمد : صوووووووووووم بلا صلاه .. هذا صوم شوو با الله عليج ..خخخخخخخخخ ههههههههههههههه ..
قهررني لا اني انا الحمد لله ما اترك و لا فرض الا اذا نسيت .. قلت و انا اصرخ : وااااااااااااااااااااائل ما عيب عليك ..( و انا ارفع حسي عمدا علشان يسمعوني امي و ابوي ) تتسمع امي و ابوي و من ورء البيبان .. تبي تسمعهم ادخل ليش تتجسس عليهم مثل الحراميه عيب عليك يا ولد عيييييييييييب.. و ركضت بسرعه لما شفته يركض وراي .. و انا اضحك عليه شكله تفشل خخخخخخخ يستاهل مسود الويه ....


j&.....يتــ....jيتـــــــــ(مع الجزء الثاني)ـــــــابع j.....ــابع....j&


التوقيع
بفرح كل حسادي و بفرح و الامر عادي
حتى لو فراقك لي هدية عيد ميلادي
عتاب الايام غير متواجد حالياً  
قديم 12-24-2011, 09:16 PM   #5
-||[عضو فعال]||-
 
الصورة الرمزية عتاب الايام
 
تاريخ التسجيل: Dec 2011
المشاركات: 16
معدل تقييم المستوى: 0
عتاب الايام is on a distinguished road
افتراضي


اتمنى من مشرفه القسم تعديل اسم الروايه

من رواية بقلمي

لـــــــــ

رواية :-ينجرح قلب و ترتفع { هامة } و الله اني اموت و لا احني راسي


التوقيع
بفرح كل حسادي و بفرح و الامر عادي
حتى لو فراقك لي هدية عيد ميلادي
عتاب الايام غير متواجد حالياً  
موضوع مغلق

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قائمة الاعمال الخيرية للفنان......? OMAR JACKSON منتدي الاخبار الفنية 7 03-24-2013 02:34 AM
ملف ... الاطفال ذوي الاحتياجات الخاصة (ارجوا التثبيت) خاليه المشاعر منتدي اطفال - تربية الاطفال 13 04-10-2012 06:27 PM
اكثر من 40 رواية جاهزة للتحميل novel منتدي الروايات - روايات طويلة 4 01-18-2012 06:33 PM
امير البوب (( BOB MaRs)) تحت المجهر cris.7. sari منتدي أخبار الأعضاء والمشرفين (أستراحة الأعضاء) 61 05-02-2010 08:38 PM
مناغاة الأطفال.. تكسبهم المهارات اللغوية صو ت الحب منتدي اطفال - تربية الاطفال 4 07-05-2009 06:49 AM


الساعة الآن 08:51 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.