قديم 01-25-2012, 09:05 PM   #1
-||[قلم من الماس]||-
 
الصورة الرمزية عذب الطبايع
 
تاريخ التسجيل: Jul 2011
المشاركات: 685
معدل تقييم المستوى: 9
عذب الطبايع is on a distinguished road
افتراضي شله بويات وبنوتات "قصه حقيقيه"في قطر(منقول)


السلام عليكم و رحمة الله وبركاته

قصة صجيه صارت في قطر في احدى المدارس الثانويه
اعرفكم على ابطال القصه
1- نور ,,
2- ساره ,,
3- ريم ,,
4- منيره ,, اخت شيخه
5- مها,,
6- عائشه ,,
7- شيخه ,,
وصف الاشكال نور ومها نفس الستايل لانهم كانوا وايد قراب من بعض الشعر اللي لين الخصر بني والجسم كله برونز وكل يوم جايين بتسريحه نيو كأنهم جايين عرس مو مدرسه وجميلات بطريقه ماتتصورونها
اما بالنسبه ل ريم كانت ضعيفه طويله شعرها سبايكي كامل وكانت تصير لها مشاكل وايد عند الاداره عشان هالشعر مايسوى علينا اما منيره كان شعرها اسود بيضا وناعمه وضعييفه اما عائشه كانت سمرا اللون مشهوره فالمدرسه بحقدها وبلعانتها بالعربي " ام وجهين " لكن ربعها ماكانوا يعرفون هالشي طبعاً
ساره هي كانت بويه بعد شعرها قصير مقصقص نفس شعر الديك اما شيخه كانت نفس ستايل ريم بالضبط اللهم لون الشعر غير
الجزء الاول
" بـدآيـة الـعـآم "
اول يوم دراسي وطبعاً في بنات جدد في الصف الاول ثانوي وكانوا مها ونور قاعدين فالساحه بدوا نور ومها بالحش جوفي هاي شلون شكلها وجوفي هاي شمسويه ويضحكون بصوت عالي مره وحده جاوا ريم وشلتها صرخوا مها ونور انهم ماجافوهم من زمان ولموا ريم وكل البنات الجدد يطالعونهم بأستغراب
جات منيره وقامت تقط نغزات قويه جداً على ريم واللي وصل ان ريم كانت حبيبة منيره وعلى كثر ماحبت ريم كرهتها لكن ريم ماكانت تقرب صوب منيره مره وحده لفت شيخه على منيره وعطتها كلام قوي لين ماجات منيره الصيحه وقامت ععيونها تدمع وراحت وهي متفشله وتطالع شيخه بحقد راحوا الشله عند ابلتهم الرياضه لان كانت العلاقه بينهم قويه
وبدت المحادثات بينهم
مها : ها مس لولوه وحشتينا اجوفج ضاعفه شعندج
نور : اي صح وااايد ضاعفه !
ريم وهي تقاطعهم : وانتوا بس هاي اللي همكم ضعفت متنت حلوت شانت !!!
شيخه : ماعليج منهم مس , ها مس في قدم هالسنه ؟
الابله : ايي اكييد دامكم موجودين لازم يكون في
عائشه تدخل القاعه الرياضيه وتنادي مها من بعيد : مهاااا تعالي !
مها وصلت عند عائشه
مها : هلا عائشه شخبارج ؟
عائشه : بخير وانتي .. وحشتيني
مها : انتي اكثر حبيبتي
عائشه بدت بالسوالف
عائشه : مادريتي شقالت عنج ريم عند ربعها فالبارتي اللي راحت ؟
مها بأستغراب : ريم !!!! شقالت ؟
عائشه : اي ريم هاي البريئه اللي تجوفينها ماتدرين شقالت عنج تدرين انها طلعت سالفه انج انتي تحبينها وكنتي ميته عليها وكنتي انتي تفرقين بينها وبين حبايبها اضغط هنا لتكبير الصوره
مها وعينها مليانه دموع : آنــــــآ !!!!!!!!!!!!!!!! انتي متأكده من هالكلام
عائشه : اي متأكده وعندي دليل اذا تبين ,, بس خلي هالكلام بيني وبينج ها !
مها : اكيد راح يكون بيننا
عائشه : يلا اجوفج بالبريك باااي , لاتزعلين .. وباستها وراحت
مها وهي واقفه مكانها فجأه انهدت بالبكي
جاتها نور تركض
نور : مها شفيج مها اكلمج شفييييج مها !!!
ريم وشيخه يجونها مها ليش تبكين ؟
مها وهي تصرخ كأنها مجنونه : ريم بعدي عني ذلفي عن ويهي مابي اجوفج روحي
كلهم استغربوا شفيها مها فجأه تغيرت ليش ؟
ريم : بس انا شسويت لج مها شاللي غيرج قبل شوي نضحك شفيج ؟
مها : قلتلج ذلفي عن ويهي مابي اجوفج رووووووحي
نور وهي مقلقه : ريم خلاص حياتي روحي وبعدين بنجوف شفيها
شيخه : انا بروح اجيب لها ماي وبجي بسرعه
ريم : خلاص مها الي يريحج انا بروح
استمرت مها بالبكي لين بداية الحصه الاولى
نور : مها لازم نروح الصف
مها : نور انتي روحي انا بقعد هني بروحي لين ارتاح وبييج
نور : اللي يريحج حبيبتي
راحت نور الصف
شيخه : نور شفيج حياتي شالي مزعلج
مها : شيخه قولي الصج انتي تعرفين اللي قالته عني ريم
شيخه : اي كلام ؟
مها : في البارتي الي راحت ريم قالت عني سوالف عند بنات ماعرفهم اضغط هنا لتكبير الصوره !
شيخه باندهاش : ريم !! مستحييل
مها : اي ريم اللي مسويه روحها طيبه حنونه , قالت للكل اني انا كنت احبها وكنت ابيها
شيخه مصدومه : مهااا ! انتي متأكده من هالكلام ؟
مها : اي متأكده !
شيخه : مها ليكون عائشه اللي قالت هالكلام !
مها : مالج خص بس هالكلام وصلني
شيخه وقفت وهي معصبه وتصرخ : مها انتي تعرفين عووش مشهوره فالسكول انها تفرق بين البنات وانها حقوده ولعينه بعد
مها : خلاص عاشه خلاص لا تبررين لي موقف ريم
شيخه : شلون ما ابرره مهوي انتي ماعندج سالفه لا تظلمينها
مها : خلاص شيخو الله يخليج سكتي اللي فيني مكفيني
شيخه وهي تمسك يد مها بقوه وترص عليها : مهوي تذكري احنا مب اي حد يفرق من بين شلتنا
مها تبكي بقوووووه
مها : تقولين شله ؟ اي شله اللي تتكلم من ورى بعض ؟ قوليلي اي شله واي ربع
شيخه : مها خلاص بسج .. مها لا تصيرين مغفله وتصدقين اي كلام يوصلج
مها تقوم وتقطع كلام شيخه متوجهه للحمامات
رن جرس الحصه الاولى وجات نور
نور : مهووي جفتي شنزلوا في faces ؟
مها : لا شنزلوا
نور : نزلوا ارواج واااااو
مها : صج خذتي منها ؟
نور وهي تطلع من شنطة المكياج اغراض : اي جفتي هاي منها
مها : عالطاري ابي اعدل مكياجي اخترب
نور : اوكي حبي .. هاج
شيخه تطالعهم وتضحك : عرس عرس مو مدرسه
نور : بس اوص انتي
ريم تراقبهم من بعيد لبعيد وعلى ويهها علامة تعجب ماتدري شاللي غير مها فجأه
شيخه راحت لريم
شيخه : ريم بقولج شي بس لا تزعلين
ريم : شنو ؟؟؟؟
شيخه : علاقتج في مها انتهت
ريم تصرخ : شنوووووووووووووووووووووو
شيخه : ريم هدي خلاص بس لا تزودين على اللي فيها
ريم مقهوره : بس ليش تنقطع وانا مادري اصلاً شالسبب
شيخه : خلاص ريموه لازم تنقطع وبس
ريم معصبه بس تتكلم بصوت واطي جداً : خلاص اوك اوك تنقطع !!
نور تجي : وي ريمو شفيج انتي بعد !
ريم : بس انتي
نور : شفيها هاي -_-"
مها تنادي نور من بعيد : نور لازم نروح الصف
نور : اوكي انا يايه
ريم وقلبها يتقطع وهي تجوف مها شلون بعد كل هالسنين تجي وحده تفرق من بينهم
شيخه تطالع ريم وهي خاطرها مكسور


عذب الطبايع غير متواجد حالياً   رد مع اقتباس
قديم 01-26-2012, 06:08 AM   #2
-||[عضو فعال]||-
 
الصورة الرمزية massu
 
تاريخ التسجيل: Aug 2011
الدولة: اهـججد ي قلبـي تررآآ مـآ يدري عنگ.،،
المشاركات: 87
معدل تقييم المستوى: 9
massu is on a distinguished road
افتراضي


يلا كمليها بدايه مرررره نايس ي سووكر


massu غير متواجد حالياً   رد مع اقتباس
قديم 01-26-2012, 02:55 PM   #3
-||[قلم من ذهب]||-
 
الصورة الرمزية samone
 
تاريخ التسجيل: Jan 2012
الدولة: جده
المشاركات: 93
معدل تقييم المستوى: 8
samone is on a distinguished road
افتراضي


يعطيك العافية
قصه ممتعه اسلوب في طرح راقي
يسلموووووووو ع الاختيار الموفق


التوقيع
اضغط هنا لتكبير الصوره
samone غير متواجد حالياً   رد مع اقتباس
قديم 01-26-2012, 07:10 PM   #4
-||[عضو قادم بقوة ]||-
 
تاريخ التسجيل: Jan 2012
المشاركات: 5
معدل تقييم المستوى: 0
حكايه روؤوؤح is on a distinguished road
افتراضي


اضغط هنا لتكبير الصوره


حكايه روؤوؤح غير متواجد حالياً   رد مع اقتباس
قديم 01-26-2012, 07:11 PM   #5
-||[عضو قادم بقوة ]||-
 
تاريخ التسجيل: Jan 2012
المشاركات: 5
معدل تقييم المستوى: 0
حكايه روؤوؤح is on a distinguished road
افتراضي


حلوه كمليها =)


حكايه روؤوؤح غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:41 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.