قديم 01-27-2012, 05:07 PM   #1
-||[عضو فعال]||-
 
الصورة الرمزية مطنشة الدنيا 21
 
تاريخ التسجيل: Jan 2012
المشاركات: 83
معدل تقييم المستوى: 8
مطنشة الدنيا 21 is on a distinguished road
افتراضي رواية / الحزن قبلك ضمني مثلك ترى ما هزني و لا عاش راسا ينحني


بسم الله الرحمن الرحيم

اسم الروايه :الحزن قبلك ضمني مثلك ترى ما هزني و لا عاش رأسا ينحني

بقلم : مطنشة الدنيا 21

روايه باسلوبي و من تاليفي ....

و اتمنى ان تال ع اعجبكم و تستحوز ع رضاكم
امله ان اراء ردودكم و تشجيعكم و دافعكم
و اتمنى ان تقبلون بروايتي بينا روايتكم الرائعه و المبهره و المميزة


و ان شاء الله من اشوف ردودكم راح انزلها بارت وراء بارت
و اتمنى ما تخذلوني

اختكم و محبتكم : مطنشة الدنيا 21 .....



التعديل الأخير تم بواسطة ابتسم رغم دموعي ; 02-08-2012 الساعة 01:10 AM
مطنشة الدنيا 21 غير متواجد حالياً   رد مع اقتباس
قديم 01-27-2012, 05:09 PM   #2
-||[عضو فعال]||-
 
الصورة الرمزية مطنشة الدنيا 21
 
تاريخ التسجيل: Jan 2012
المشاركات: 83
معدل تقييم المستوى: 8
مطنشة الدنيا 21 is on a distinguished road
افتراضي


و هذا اول جزء


اسم الروايه :والله لهينك لين تبكي تبي رضأي ذليل تكسر عين منهو يراعيك

بقلم : مطنشة الدنيا 21

------------------------------------------------------------------

..؛ البــــــــــــ{1}ـــــــــــــــارت؛..


..؛الـزمن لا صـار ضدك واحتوى درب المصايب؛..
..؛لاتــحـاول تـنـكـسر له لاتــزيـد الـطـيـن طـيـنه؛..
..؛لـلزمن حـكمه غـريبه تـحكم بـدرب الصعايب؛..
..؛ويا كثر من ضيع الفرصه وهي فرصه ثمينه؛..
..؛عـز نـفسك فـي زمـانك لا تـقول الـحظ خـايب؛..
..؛وسـق عمرك للمعالي وإكسر النفس الحزينه؛..
..؛والـطريق الـلى تـشوفه يـرسم الـدنيا عجايب؛..
..؛مــد يــدك فــي طـريـقه لـيـن مـاتمسك يـمينه؛..


ركضت باسر ما عدها صوووب السيارة اللي كانت توها بتتحرك ... وقفت جدام السيارة و بدت تأخذ نفس عميق شهيق و زفير و قالت بعد تنهديده طويله : اووووووووووووووووووف الحمد لله اني لحقت عليك ، يعني المفروض تقولنا قبل لا تفكر انك تطلع يا اخ يا فاضل يا محترم

نزل النظارة من ع عيونه و قال ببرود و صوت واطي : اللهم طولج ياروح

مشت لحد ما وصلت لباب السيارة و قالت : طلووول ابيك قبل لا تطلع

طلال رفع حاجبه اليسار و قال : نعم !

قالت وهيه تقلد صوته الخشن: نعم! ..( و عدلت صوتها )... ابيك توصلني لبيت رفيجتي

طلال مسك الدر كسون و قال ببرود : يوم بصير دريول ابوج تعالي تامري عليي ... ( توه يحرك السيارة الا يرن تلفونه )

نجود بعصبيه و هيه تضرب السيارة بقهر : و انت كذا دووووووم ؟.... تعال هنيه وين رايح تعااال يا غبي

طلال التفت عليها ببرود و رد ع التلفون : الوووو .... هيه عدالي .... بس خالتي انا مشغول و ماني فاضي .... بس ..... خلاص خلاص لا تعصبين ..... ان شاء الله .... ( و ع طول سد التلفون في ويه حرمة عمه )

طلال التفت ع نجود اللي كانت تتحلطم و تتنازع و قال ببرود : عندك 5 دقائق بس تحطين عباتج فوقج و شيلتج فوق راسج سامعه

نجود سكتت فجئه و بعد ما استوعبت شووو سمعت قالت ببرود : انتظرني .... و راحت

طلال ........اللهم طولج ياورح ..... استغفر الله

طلال، العمر 18 سنه ، يدرس ثانوية عامه، طوله تمام و حلو، و عريض و جسمه حلو ، و عيونه ناعسه و لونهن عسلي بشكل كبير، و حواجبه طوال و كانهن مرسومات ، و خشمه سيف ، ابيض ، و شعره ناعم و كثيف يوصل لحد اخر اذونه.. يعني غرشووووب و خقاااق ..........

نجد ، يدلعونها نجود ، عمرها 16 سنه ، قصيره ، شعرها يوصل لحد اخر ظهرها و كثيف و ناعم حيل ، رشيقة ، و دلوعه و عيونها عسليات بس مو كثر طلوول .....

ام نجد ، حامل في شهرها الثامن..... عمرها 37 سنه ....

ابو نجد اللي هوه عم طلال... يشتغل في دبي ...عمره 43سنه ....
..... داخل البيت

ام نجد بعصبيه : وليش ولد مريموة ما راضي يخذج مع ربيعتج ؟
نجد وهيه تلوي بوزها و تلبس شيلتها : اونه اونه عاد مشغول ، صدقني يعني
ام نجد بستهزء : اللي يسمع ابوه مورثنه الشركات و الاموال علشان يكون مشغول ؟... تراه الا يبي يصيع مع ربعه ها الصايع
نجد تنهدت بضيج: اووووف طرار و يتشرط بعد .... يحمد ربه انه عايش معنا هنيه بعد يتكبر علينا ، يتكبر ع اسياده بعد
ام نجد : يخسي الا هوه .... ما بقى غير ولد مريموة يكبر راسه علينا
نجد و هيه تتعطر و تحط الاكسسوارات : وهذا لمتى بينشب في بيتنا ؟.... متى بيطلع ؟.. ابي اخذ راحتي في بيتنا ابي احس انا لنا خصوصيه اشوي اوووف
ام نجد وهيه تلوح بيدها في الهواء و تتكلم بصوت عالي و كأنها تهدد : انا مالي دخل قايله حال ابوج من يخلص دراسته ع طووول يطلع من بيتي .. هيه ابصراحه انا ما امن فيه ... و العرج دساس اخاف يسوي مثل ابوه الخايب
نجد بفضول وهيه تلتفت لمها : وهوه عمي وش سوى !...
ام نجد وهيه تمسك كوب العصير و تشرب : عمج هذا الله و اكبر عليه
نجد بفضول اكثر : ايه شوو اللي سواه !علشان تكبرين عليه ؟
ام نجد : وهوه خلى شي ما سواه مسود الويه قليل الحيا
نجد يلست عدال امها : وش سوى عاد !
ام نجد التفتت ع نجد و ضربتها بقوه ع جدفها و قالت بعصبيه : و انتي وش لج بسولف الكبار ... قومي ذلفي مع طلول خليه يوديج ذلفي
نجد فزت بسرعه عنها و هيه هافسه الويه و قالت : و انتي الحين ليش تضربيني .... بس ما منج منى انا اللي كنت يالسه معاج ، اووووه اطلع افضل
ام نجد بصوت عالي : هيه احسن اذلفي
................( و طلعت ع طووول )
......... مع طلال
كان لبس النظارة و مشغل الأغنية و يالس بهدواء ينتظر نجد
فتحت نجد الباب اللي جنب طلال و يلست
التفت طلال لها ببرود و تم ينظرها بدون اي كلمه
نجد ببرود : خير ! فيه شي في شكلي غلط مثلا!؟... يا الله حرك فكني لا تأخرني ع البنت
طلال بهدوء : لا تأمرين علي تسمعين ! و تذكري اني ما اشتغل معاج
نجد لوت بوزها و قالت باستهزاء : و الحين يعني خلصت ؟... خلصني مش عاد
طلال من بين اسنانه قال بغيض: انزلي اركبي ورا
نجد تنهدت : وبعدين يعني بتذلنا ع ها التوصيلة يعني ! ...
طلال لوا بوزه : و الله عاد كيفي بذلج لين اشبع يا الله نزلي
نجد بغرور و هيه تتكلم بتعالي : ما بنزل و حرك و انت ساكت .... و بعدين لا تنسى انا السيارة سيارت ابوي مب سيارتك يا حظي علشان تتشرط وين اركب .... و الحين بسرعه حرك
طلال عض شفايفه بقهر وهوه يحاول يمسك اعصابه : اذا انتي وقحه فانا لا ... و اذا انتي ما يهمج كلام الناس فانا غير .. و اذا السيارة سيارة ابوج قومي انتي سوقيها ..... ( و ع طول بند السيارة خذ محفظته و تلفونه و نظارته و نزل من السيارة و خذ المفاتيح مال السيارة معاه ) ... و الحين روحي قولي لمج توصلج و لا ليش امج انتي سوقي احسن و ان شاء الله في اقرب جدار تلصقين
نجد بعصبيه و صراخ : يا الياهل يا الزعال يا البطران يا المغرور يا لنذل يا الحاقد يا الغيور ( و صرخت بصوت عالي )اكرهك
طلال حتى ما التفت عليها و طلع من البيت مشي .....

نجد اشوي و بتموت من غمها و قهرها .... نذل واطي مدري وش محسب عمره اووووووووووووف ما ادنيك مااطيجك... بطلت باب السيارة بقهر .... بس الباب ما تفتح !و حاولت تفتحه و هيه مبطلة عيونها و تحاول فيه علشان يفتح بس بدون اي فايدة
صرخت بكل قدرتها : طلللللللللللللللللول النذل تعااااااااااااااااال يا الحقير يمــــــــــــــه الحقيني يمه يمه يبه ... و كانت تضرب باب السيارة و تضرب زجاج السياره ...
......... مع طلال
طلع من البيت و هوه يتمنى يشوف شكل نجد لما تعرف انه قفل عليها السيارة في خاطره ( الكلبة ... المغرورة مانه علي الحيوانه انه ابوها تبناني بعد ما توفو امي و ابوي .. خلج تتأدبين لين ارجع ، السباله الحقيرة ) كان يمشي في الحارة رايح مع ربعه .... كان مشغل اغنيه و مخلي السمعات في اذونه ... و توه بيقطع الشارع ....بس تراجع وهوه يشووف سياره جايه بأسرع ما عدها و صوت المسجل واصل لي اخر الدنيا ...
وخر السماعات من اذونه و نز ل النظارات من ع عيونه و هوه مستغرب من ... من ها السيارة المتجهة لنحيته مثل الصاروخ .. ع باله انه يتخيل ...
صرخ طلال باقوا ما عنده من صوت : هااااااااااااي يا الحيوووووووان انتبه انتبه انتبـــــه....! ... بس بلا اي فايدة السيارة كانت تتجه بقوه اتجاها ...
ركض طلال مثل الصاروخ لي داخل اقرب بيت جدامة ....و سك الباب بقوه من وراه .... و ابتعد عن الباب مسافه ........... صوت الرهن مال السيارة اللي ما كان يوقف ...... و صوت وراه كان يصرخ حراااااااااااامي ...
التفت طلال ع وراء بسرعه و شاف يأهل صغيرة واقفه و تصرخ بأعلى صوتها ( حرامي بيجتلني ) ...
طلال قال بسرعه و هوه متوتر و يأشر ع البنت علشان تسكت : انا ما حرامي ما حرامي و لا بجتلج ... انا طلع يا بنت لا تفضحينا اسكتي دخيلج
البنت بصراخ: حرااااااااااااااااامي حرااااااااااامي حرااااااااااامي
طلال دخل اصبعه وسط شعره وهوه يقول بصوت واطي : ياربي لا تخلني اكره اليهال اكثر بسبت هذي .... ( راح صوب الباب بسرعه و فتح الباب و طلع قبل لا يطلع له حد من اهل البيت و يفضحونه ... كانت السيارة واقفه جمب البيت اللي كان داخل فيه .....
اقترب طلال من السيارة بعصبيه و دق الزجاج لا انه السيارة ما واضح فيها اي شي من المخفي ... بس ماحد فتح
طلال بصوت عالي و عصبيه وهوه يدق باب السيارة : افتح يا حيووون يا غبي افتح .... افتح
اشوي و تفتح اربع بيبان بسرعه و انطلقت اصوت الضحك العالي من اربع شباب كانو بسيارة
: ههههههههههههههههههههـ طلووول يا الخووووووواف ههههههههههههه
: ما سمعتووو يا الربع اشرده نص المريلة هههههههههههههههههه
:كفوووو طلووول كفوو ههههههههههـ هذا العشم فيك تغشم بيوت الوادم
: ههههههههههههههههههههههههـ شكلك تحفه يا ريال هههههههـ
طلال بتعجب : تركي بدر سلوم عبدو! .....كان اقرب واحد له تركي اللي كان يسوق السياره و بدون سابق انذار ....( ضربه بقوه ع صدر تركي بقهر .... و بأسرع وقت تحولت ضحكته شهقه قويه و تبعاه كح ...) يعني ابي افهم هذي تسميها مزحه انت ويهك ! كنتو بتموتوني و يلسين تضحكون علي! .... يا الحيوانات
بدر : شفيك يا ريال حنا ما من صدقنا بنجتلك بس كنا نسولف معاك ياريال
تركي وهوه يكح : كح كح مقبولة منك يا الدب ( و هوه يسدج ع صدره )
طلال بقهر: يا السفل ... راح تضحكون عدل لو كنت ميت الحين
عبدو ببرود و ابتسامه : عاد انت لا تكبر السالفه
سالم : تراه يمدحوون القبر ها الايام يا ريال ههههههههههههههه
طلال بحقد وهوه يشوفه بنظرات شر : القبر يلمك قبل لا يلمني يا السبال ، ولو كنتو ما قدرين تسيطرون ع سرعت السيارة ساعتها وش بيصير
بدر وهوه يلوه بيطه في الهواء و يقول ببرود : اللي بيصير انك بتحلق في السماء و بتشعر بشعور العصافير ياصحبي هههههههه
......... مع نجد
ام نجد وهيه مخليه ايدها وراء ظهرها و معصبه حدها و تتنازع بعصيبة و صراخ : يعلك ما تربح يا ولد مريموة .. دواك معاي خلني بس اشوفك انا بربيك
نجد من داخل السيارة بصراخ : يمه خلصيني صرت فطيس حر بسرعه تكفين
ام نجد وهيه تنافخ : انطمي بعد انتي الحين بجيب المفتاح الثاني اوووووووف .....
اتجهت ام نجد لداخل البيت و هيه تتحلطم و تتنازع ... : انا انا بعلمك الادب يا ولد مريموة عيل يقفل الباب ع بنتي انا حسبي الله عليك ، هيه وش يعني بتطلع من وراء ابوك النذل و امك مريموة حسبي الله عليك حسبي الله عليك، اوووف اووووف ...( و ضربت بطنها بقوه ) و انت بعد لا تتحرك ذبحتني حسبي الله عليك يا بليس اوووووه....... مع طلال

طلال : و من وين لكم ها السيارة !
تركي بابتسامه وهوه يرز نفسه و يقول : هاي سيارة الوالد
طلال ببرود: مال ابوك
بدر : لا مال امه ... يعني ما تسمعه يقول مال الوالد
طلال ببرود : انت ماحد كلمك
سالم : اسكتو عنه بعده منصدم
عبود : شباب خلونا نروح يا الله
تركي وهوه يركب السيارة : ايه يا الله بسرعه اركبووو
........( و بدو يركبون في السيارة )... و توه طلال بيركب ... جان تطلع البنت الصغيرة من البيت و معاها واحد كبير بسن و هيه تأشر ع طلال و تقول ..: يدي هذا هوه هذا هوه الحرامي هذا هوه
: طلال بن عبد العزيز !
طلال ركب ع طول في السيارة و انطلقوا بسرعه
بدر وهوه يضحك : يا الحرامي يا المجرم يا قتال القتله
طلال بعصبيه : في عينك
تركي : الحين بيسير ها الشيب و بيخبر عليك يا الص هههههه
طلال ببرود: ولو زين ما حد الصوص غيركم يا الخمه
سالم :ترووك خذنا ع اقرب مطعم
تركي التفت ع سالم : وليش ؟
طلال بدون نفس : يبي يهلط يبي يكبر ها الكرشه بعد ليش يعني فالح يلف الاول و التالي
بدر : لا و الناس يكلون 3 وجبات بس هوه 9 وجبات
عبود : لا و القهر انه ما كانه يأكل شي مو حنا خلف الله علينا لو كلينا شي زدنا كيلو
سالم وهوه يتفل فوقهم : تف تف من عيونكم يا الحساد حشاااا خلوني اكل ياخي ما تصرفون ، و لا اكل من كيس ابوكم مثلاً
بدر : اسكت اسكت عاد انت ماحد يعطيك ويه
تركي بطنازة : عبود شفيك خايف تسوي كرش ! تراه انت مو بنت
طلال بنصخره : لا عيوني لزم اسوي دايت بعدين من بيتزوجني لو نبت لي كرش
تركي وهوه ماسك نفسه : انا بتزوجج يا حياتي
طلال غطى ويهه بيده : لالا مستحيل يعني انت مستعد تتزوجني و انا فيني كرشه
تركي : ايه بس تكون فاضيه
طلال : شلون حبيبي فاضيه يعني
تركي بمصخره : ايه ما تشحنيها بياهل من واحد غيري
و انفجرو من الضحك ع عبود اللي كان يشوفهم بحقد
.......................
المغرب الساعه 6:20... رجع طلال للبيت بعد ما لفو لف بسيارة و ضحك و ستهبال و طنازه ع بعض
اول ما دخل في البيت اتجهت عيونه للسيارة مال عمه ... و ابتسم ابتسامه و اسعه .... وراح صوب السيارة علشان يشوف اذا كان حد فيها ....

..... نجد
كانت تترقب وصول طلال بفارغ الصبر و كانت واقفه في الصالة و تشوف من الدريشة و اول ما شفته صرخت بأعلى صوتها : يمه يمـه يمــه
ام نجد كان تشوف التلفزيون : وحطبه
نجد جات تركض لعند امها و قالت بسرعه : يمه رجع طلووول
ام نجد التفتت عليها و قالت بصرامه : ولد الخيبه وصل !؟
نجد بحقد : هيه ..( و اشرت ع برع ) وقالت بحقد : كاهو برع ....
قامت ام نجد بثجل وهيه تخلي ايدها ورا ظهرها و تسعدها نجد ع الوقفه و قالت : انا بعلمج فيه قليل الادب
نجد بحقد : يمه خذي حقي منه با الكامل ... يمه
ام نجد وهوه تمشي بثقل : تعال معاي
نجد بابتسامه خبيثه : ان شاء الله


نلتقي في البااااااارت التالي .....^_^
فاذا اعجبتكم الروايه اتركو رد .... تحياتي


مطنشة الدنيا 21 غير متواجد حالياً   رد مع اقتباس
قديم 01-29-2012, 05:14 AM   #3
-||[عضو فعال]||-
 
الصورة الرمزية مطنشة الدنيا 21
 
تاريخ التسجيل: Jan 2012
المشاركات: 83
معدل تقييم المستوى: 8
مطنشة الدنيا 21 is on a distinguished road
افتراضي


..؛البــــــــــــــــ{2}ـــــــــــــــــــارت ؛..

نجد بحقد : هيه ..( و اشرت ع برع ) وقالت بحقد : كاهو برع ....

قامت ام نجد بثجل وهيه تخلي ايدها ورا ظهرها و تسعدها نجد ع الوقفه و قالت : انا بعلمج فيه قليل الادب

نجد بحقد : يمه خذي حقي منه با الكامل ... يمه

ام نجد وهوه تمشي بثقل : تعال معاي

نجد بابتسامه خبيثه : ان شاء الله

.............. طلال

طلعت ..( و صحك باستهتار ) هه ياليت ما طلعتي كان بعلمج الادب كيف ....التفت ع ساعته اللي كانت تحوط ايده ...بسير اذاكر ابرك لي من اتفكير بوحده منبوذه مثل ذي ....

: طلوووووول !

طلال و لا كانه سمع حد ينديه خبى ايده في جيب البنطلون ( اووووووف الحين عاد وش بيخلصني من السان ها الحقيره)

ام نجد وهيه تقرب منه اكثر و اكثر : طلووول و عمى يعميلك ها العيووون ... انت ع شو ناوي هاااااه ؟

نجد كانت واقه قريب من امها و انتظارها و اهتمامها لحركات طلال

طلا تنهد ببرود و طلع ايده من مخباته و هوه ماسك تلفونه و للحين ما التفت ع حرمه عمه

ام نجد بصوت عالي : اسمع ولد مريموة يا الخايس مو انا و لا بنتي اللي تسوي ها الشي سامع يا الخايب ولد الخايبه ...

بس اللي كان يقهر ام نجد انا طلال للحين عطنها الظهر و لا له نيه انه يلتفت عليها

ام نجد ضربت طلال بقوه ع جدفه و اجبرته انه يلتفت لها با القوه : ما تسمعني انت و لا اصمخ يعني و لا تتصيمخ !

طلال رفع حواجبه و حرك خشمه ببرود بصابعه و قال ببرود : نعم فيج شي !

ام نجد بعصبيه اكثر : نعمه اللي ترفسك بين ضلوعك يا الحقير انا اكلمك و انت تسوي نفسك ما سامع

طلال ببرود: اسف ما سمعتج شو تبين الحين ؟

ام نجد بقهر وهيه تضرب كف بكف : احر ما عندي ابرد ما عندة... ( و ضربته ع صدرة بقوه )... هيه ولد مريموة انتبه لحالك و شوف انت جدام من واقف و من تكلم ( قطعها طلال)

طلال بحقد واضح : انتـــ

قطعته ام نجد بصوتها العالي و صراخها : شت شبك الله بعد تقطعني يا الخايس انت و اللي سويته اليوم ما بيمر عليك بخير ... و عمك جاي بعد بكره و انا برويك كيف و الله لخليه يطرك طردت الكلب يا الكلب ... اصلا انت مكانك الشارع يا ولد الشوارع ... لو منك بحمد ربي و بشكره اني انا للحين متحملتنك و مخلتنك في بيتي ... و اخر شي تتجراء تسويه تقفل السياره ع بنتي صدق انك ناكر للمعروف يا الخسيس يا النذل

طلال بعصبيه و صوت عالي : بس خلصتي كلامج و لا عندج شي ثاني بعد تبين تقولينـــ

قطع صوت طلال العالي الكف القوي اللي ارتسم ع خد طلال من ايد ام نجد بكل القهر اللي بقلبها

ام نجد بعصبيه اكثر و صوت اعلى من صوت طلال : لا تتجرء مره ثانيه ترفع صوتك في وجهي يا الخايس يا الواطي ... لكن انت ما تلام دام امك و ابوك اصلا ما فيهم احترام كيف عاد انت ما بتطلع احسن عنهم يا الواطي

نجد كانت تشوف الوقف بنصر و اعتزاز و هيه تشوف انه طلال منهان مكسور محبط و ما قدر يرد بكلمه ع امها

طلال بصوت اعلى من صوت ام نجد و هوه عاقد حواجبه بعصبيه كبيرة : لا تذكرين امي و ابوي ع السانج لا انهم اشرف من الشرف .... و ما اسمح لي اي مخلوق انه يتجرا ويقول أي بكلمه عنهم لا انتي ولا مليون من مثلج ... امي و ابوي يشترونج و يبيعونج بأخلاقهم و لا تتجرين و مره ثانه و تنطقين اسمهم ع السانج اذا ما تبين يصير لج شي

ام نجد ضحكت بصوت عالي و بغيض : ههههههههههههههههـ سمعي يا نجد وش يقول ....( و مسحت ع ويه طلال / و ع طول طلال وخر ويهه عنها ) و كملت .... انت يا الياهل تهددني انت ؟.... اقول صحصح وشوف حالك عدل و شوف انت مستواك وين و حنا وين ؟... و بعدين لا تمدح اهلك وايد دامك ما تعرفهم لا تمدحهم سامع ....

طلال بصوت واطي و من بين اسنانه و بقهر و هوه يعض شفايفه و عاقد حواجبه بقوه و راص ع قبضت ايده بقوه : يعلج الموت انتي و بنتج و اللي في بطنج و ريلج .....

ام نجد وهيه تاشر ع اذونها :: شوو ! ترني مب سامعه اللي تتحلطم فيه .... ارفع حسك خلني اسمع يا دلووع ابوك انت ، خلك ريال و تكلم مثل الرياييل

و تركها بقهر و راح للمحلق اللي كان عباره عن غرفه وحده بحمامها ... دخل و سك الباب بقوه ...

ورمى نفسه ع سريره اللي كان مال نفر واحد و عادي ...ودفن ويهه بمخدته اللي ياما وسته في احزانه و همه و ضيقه اللي كانت له اوفى صديق له ... بداء يسبح بدموع القهر الحارة و الحارة اللي حرقت عيونه قبل لا تحرق المحددة اللي كان ياما تغرق في بحر احزان طلال ......

نجد ركضت لمها و ضمتها لها و علامات النصر ع محيها : يمه حبيبتي

ام نجد وهيه تمسح ع راس نجد : و الله لروغك روغت الكلاب و ارميك بشارع يا الخايس

نجد وخرت عن امها بابتسامه عريضه

ام نجد تنهدت تنهيده طويله : الحيوان يشبه ابوه في كل شي و حتى بطوله السانه ....و انا ما اقدر اتحمل وجودة معي في نفس البيت ....
؛
كان يبكي بدون صوت يبكي دموع الم حزن قهر ضيم تعب ....آه يا يمه آه انت وابوي شو مسوووين بدنياكم علشان ها النذله تسمعني كلام ما ينسمع ... ما اتحمل يمه حد يقول عنكم اي كلمه ... ياليت ياليت يايمه اخذتوني معاكم لما رحتوووووو ياليتني متت معاكم و لا اعيش ها العيش يارب خذروحي و ريحي آه ما ها العيشه ياربي ارحمني و حن علي و الله ما عاد فيني اتحمل اكثر .... و انت عالم بالحال ياربي يارب ترحمني و تريحني يارب ...... و بكى لين انتقل لعالم الاحلام المريح البعيد عن كل ها الدنيا البيعد كل البعد عن كل ها الهم ..........
وينك يا يمه)

اصرخ وابحث وأنادي وينك يايمه بصوت عالي

ليه تخليتي عني وتركتيني بين أعادي

ليه خليتي قلبك قاسي وتركتيني وحيدا في حياتي

ومن بُعدك يايمه عني جف عيني من سيل دمعي

ليه يايمه تعذبيني بفراقك وهمومي وأحزاني

سامحك ربي يايمه ترى إنت حياتي وغلاتي

أتمنى أشوفك لو ثواني من دونك أحس بظلمه في حياتي

أتمنى لو تأخذيني بين إيديك وتحضنيني بين دفاك وحنانك ياحياتي

مشتاق لك يايمه ياغلاتي هانت عليك يايمه فراقي

والله يايمه دوم أدعيلك في صلاتي لأن رضاك عليه أغلى أمنياتي >>> الله يرحمك يا يمه


ام نجد وهيه تاكل حب : نجوود انتي يوم يالسه مقابلتني مراجعه !

نجد وهيه تشوف التلفزيون : بعدين

ام نجد وهيه ترفس نجد بريلها : قومي راجعي

نجد وخرت عن امها بقدر انه امها ما تلحقها : بعيد بيسر خليني اتابع المسلسل

ام نجد صرخت عليها : قلت لج قوومي ( و صرخت بسبب حركت الجنين )اااااااااي ...( و صدت ع بطنها ) و انت شتبي بعد.... هذا و انت ما يت ع الدنيا و انت جتلني تعب و غم ..... اووووووف منكم
نجدالتفتت ع امها و ضحكت ...

ام نجد التفتت عليها بقهر : و انتي الثانيه ع شو تضحكين ! ..... التعني راجعي حسبي الله عليكم

نجد وهيه تقوم : انزين انزين خلاص قايمه .......(و قامت ).... يوم بتجهزين العشاء نديني



............. في جانب اخر من القصه ......
بيت ابو تركي
ابو تركي بصراخ : تروووك !
تركي وهوه ماسك كتابه ومسوي فيها يذاكر : سم يبه
ابو تركي بعصبيه: الله يسمك قول امين
: هههههههههههـ آمين يبه امين
تركي فر الكتاب من ايده و التفت ع اخته و قال : شب انتي ....( و التفت ع ابوه و قال بحيرة ) افا يبه ليش!؟ شسويت انا ؟
ابو تركي بعصبيه : وين ذلفت العصر بسيارة
تركي بابتسامه صغيرة : ماكو يبه بس لفيت اشووي بشارع و رجعت
ابو تركي بعصبيه : لفو ع رقبتك حبل ما يتبطل قول امين
فرح: آمين يبه آمين ههههههه
تركي فر القلم اللي كان بيده ع ويه فرح و قال لبوه : افا يا الوالد شكلك حاقد علي
ابو تركي بعصبيه : السيارة جديده توني شريها و انت تطلعت فيها يوم واحد و رديتها لي سكراب !؟
تركي بطل عيونه و رفع حواجبه و قال بانكار : انا ! حشاني انا مثل ما خذيتها رديتها لا تبليني
ابو تركي بقهر : ابتلت عليك امه محمد بعد تكذبتي
فرح ماسكه ضحكتها با الغصب : آمين ياربي
ابو تركي التفت ع فرح و قال بعصبيه : شب انتي
فرح بلعت ضحكتها و قالت بحباط : حاظر يبه
تركي التفت عليها بشماته و قال : دواج تستاهلين يا الحيوانه
ابو تركي التفت عليه و قال بعصبيه اكبر : و انت بعد انطم ما ابي اسمع حسك
تركي نزل راسه و قال وهوه يحرك راسه يمين و شمال و يلوي بوزة : افااا
ابو تركي : و الله ثم و الله يا يروووك لو عرفت في يوم انك طلعت من البيت بسيارتي بتشوف شي عمرك ما شفته سمعني
تركي ببرود و بدون نفس : ان شاء الله يبه
ابو تركي بعصبيه اكبر : سامع كلامي
تركي ببرود : ايه يبه
ابو تركي وهوه طالع من الصاله : اذا فيك ذرة خير كرر اللي سويه وشوف اللي بيصير لك .....( و طلع عنهم )
تركي لو بوزه و قال بدون نفس : اللي يسمع الحين يقول هناك الدنيا ما كنها من قبل سكراب
فرح وهيه تضحك : لو فيك ذرة خير كان قلت ها الكلام جدام ابوي مو يوم طلع
تركي وهوه يمسك كتابه بقهر : رووحي زين ما نقصني غير اليهالوووة بعد .. روحي هاتي ابوج و شوفيني جان ما بقول ها الكلام في ويهه
و جات صرخه قويه من برع من ابو تركي : تررررررررررررررررررروك
فز تركي من ع الغنفه و طاح الكتاب من ايده برعب و صرخ : نعم طويل العمر
نقعت فرح من الضحك ع تركي

تركي ، العمر 18 سنه ، ثالث ثانوي ، طوله تمام ، عيونه واسعات و لونهن مايل للسود ، شعره اسود و ناعم يوصل لخر رقبته ، خشمه سيف ، ابيضاني ، و جسمه حلو حيل

فرح ، العمر 16 سنه ، اول ثنوي ، و تشبه تركي شبه كامل و حلووة كثير و طيووبه و مرحه

مرح ، عمرها 11 سنه .......

ابو تركي 49 سنه ... ام تركي 45 سنه ......



.......
الساعه 9:30.....
نجد وهيه تاكل جب امها : يمه
ام نجد بتعب و ضيق : خير !
نجد وهيه تدخل الخبزه في حلجها : اممممـ طلللللول !
التفتت عليها ام نجد بسرعه و هيه عاقده حواجبها بقوه و قالت بحده : شفيه بعد !
نجد قالت بسرعه : ماكووو .... بس ما بيتعشاء !
ام نجد بعصبيه حاده قالت بسرعه : ما بيذوقه العشاء اليوم ... يتحرمه ... و لا تجيبيلي طري ها الخايس تراه جبدي تلوع منه
نجد بابتسامه وهيه تاشر ع عيونها : من عيوني ، خلاص ما بنجيب له طاري يوولي زين


........
الساعه 11:00
فتح طلال عيونه بتعب كبير و كانه هم الدنيا كله ع راسه .... خلا ايده ع راسه و هوه يحس بصداع فضيع ... تنهد ... و صلب طوله و دخل الحمام ( اكرمكم الله ) تغسل و تيدد و طلع يصلي ... بعد ما خلص
ما قدر يرفع راسه من الصداع ....خلا ايده ع راسه و هوه يضغط عليه بقوه علشان يخفف الالم .... راح صوب كبته .. يدور حبوب ... بس ما حصل شي ... مسك سير مال بنطلونه كان با الكبت ... و لفه ع راسه و رصه بقوه .... و تنهد بقوه .... مسك كتبه علشان يذاكر .....



الساعه 12:30 بليل ...
مسك المصحف الشريف و بدء يقراء من ايات الله اللي تطهر قلب المؤمن .......
بعد ما انتهى عرف انه اليوم محرم من العشاء .... فرجع ينام و بعد جهد جهيد غط طلال في سبات عميق ....
الساعه 5:20 .. قام طلال من رقادة ..
و دخل يخذ له شور و هوه يحس بتحسن ... و يحس انه الصداع راح عنه ... اخذ له شور و بعدها طلع وراح المسجد و بعد ما تم صلات الفير رجع البيت ... لبس ملابسه للمدرسة و اخذ كتبه و اخذ تلفونه و لبس ساعته و كان متأكد انه اليوم بعد ما راح يفطر .... و غير هذا فهوه ما عنده اي فلوس علشان يشتريله شي يكله .... انتهى من كل امورة ... و تنهد و طلع لسيارة عمه ....
دخل و سك الباب و كان ينتظر ست الحسن و الدلال ... و تذكر انه كان فيه خبز في السيت اللي ورا نسته من يومين....
التفت ع ورا و شاف كيس الخبز .. ابتسم
طلال بابتسامه صغيره : تعاااال هنيه .... ( مد ايده علشان يمسك كيس الخبز ) تعاال يا عمري تعال عاد ..( و مسك الكيس و جيب )
فتح طلال الكيس و طلع خبزه من مجموع الخبز اللي كان نبا الكيس ... بس كان الخبز يابس وايد ... تنهد و ابتسم بخيبه ع حاله ... كسر قطعه من الخبز و حاول يكلها ..... و كسر جزء ثاني من الخبز و كلاه .... و دخل باقي الخبز با الكيس و رجعه ورا ... و تنهد



......... داخل البيت
ام نجد وهيه تخلي الصينيه في نص الصاله و تيلس : تعالي تريقي
نجد وهيه تحوس : لحظه يمه بسير البس بلوزتي
ام نجد هزت راسها و بدت تتريق ....اشوي و جت نجد
نجد وهيه تمد الكوب لمها : يمه صبيلي شاي
ام نجد مسكت الكوب بدفاشه من ايد نجد و صبت لها شاي
نجد وهيه تاكل من الجيمر :شفيج يمه !
ام نجد بضيق وهيه تنافخ : ماشي .....( و مدت لها بكوب الشاي ).. خذي
نجد خذت الكوب و خلته جدامها : بس شكلج ما يقول ماشي
ام نجد تنهدت : تريقي و قومي قبل لا تتاخرين
نجد : يمه
ام نجد ..............( كانت سرحانه
نجد بصوت عالي : يمه !


..............نجد بصوت عالي : يمــــــــه !
ام نجد بعصبيه وهيه عاقده حواجبها : انزين شفيج انتي ؟.... يمه يمه خير ! صدعتيني
نجد وهيه تشوف شكل امها :شفيج اليوم ؟
ام نجد بضيق : قلت لج ماشي .... خذيتي فلوس ؟...
نجد وهيه تشرب الشاي : ايه خذيت
ام نجد وهيه تمسك الكوب من ايد بنتها و تسحب لصوبها : يا الله عيل قومي خلصيني
نجد وهيه تشرب الشاي اللي كان بحلجها و فاتحه عيونها ع وسعها : لا حشا منتي طبيعيه اليوم ؟تبي تحرقيني با الشاي ؟ ... خليني اتريق
ام نجد وهيه تنافخ : لا حووول قلت لج قومي لا تضيقيني منج من الفير
نجد وهيه تنافخ : خلاص انسدت نفسي بقوم ....( قامت و سارت صوب المغسلة وهيه تقول ) يمه
ام نجد ببرود و هيه تشرب الشاي : وحطبه انتي ما تملين من يمه يمه
نجد بصوت عالي : و انتي شيضرج لو قلت يمه !
ام نجد بضيق : خلصيني وش تبين
نجد وهيه تنشف ايدها با الفوطه : طلووول تريق
ام نجد بصوت عالي و هوه تضرب كف بكف و عاقده حواجبها : يها الطللول و انتي لزم تكدرين خاطري بها الطلوووول خليها يتريق مع الكلاب اللي من مثله و شرواه
ابتسمت نجد و راحت صوب امها : هههـ صح هناك المفروض يكل ....( و حبت امها ع راسها ) يا الله يمه مع السلامه
ام مجد بدون نفس : مع السلامه يا الله روحي
خذت نجد شنطتها و عبيتها و شيلتها .... و لبست الشوز مالها و طلعت ....كان طلال للحين با السيارة بكل هدوء ....
بطلت الباب اللي جدام و ركبت و قبل لا تسكر الباب عاد طلال محرك السيارة
نجد بعصبيه و حقد واضح : و عمى ما تشوف اني للحين ما سكيت الباب ! و لا تبي تجتلني مثلا


التوقيع
اضغط هنا لتكبير الصوره

اضغط هنا لتكبير الصوره
مطنشة الدنيا 21 غير متواجد حالياً   رد مع اقتباس
قديم 01-29-2012, 05:34 AM   #4
-||[قلم من ذهب]||-
 
تاريخ التسجيل: Dec 2011
العمر: 31
المشاركات: 305
مقالات المدونة: 15
معدل تقييم المستوى: 8
قريشي is on a distinguished road
افتراضي


اعجبتني


واووووووووووووو كتير حلوه
تسد الشخصيات وكاننا ننظر اليهم
ونشعر بحالهم
بغير اسهاب ولا اجتزاء ربي يسلمون


قريشي غير متواجد حالياً   رد مع اقتباس
قديم 01-29-2012, 08:36 AM   #5
-||[عضو فعال]||-
 
الصورة الرمزية مطنشة الدنيا 21
 
تاريخ التسجيل: Jan 2012
المشاركات: 83
معدل تقييم المستوى: 8
مطنشة الدنيا 21 is on a distinguished road
افتراضي


شكراً جزيلاً لك ع التواجد
اسعدني تواجدك هنا في صفحتي
ربي يعطيك الف عافيه
لا هنت


التوقيع
اضغط هنا لتكبير الصوره

اضغط هنا لتكبير الصوره
مطنشة الدنيا 21 غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أحاديث موضوعه وضعيفه وأخطاء شائعه منتشرة همس الحياه المنتدي الاسلامي (الشريعة و الحياة) 21 02-08-2017 03:44 PM
نزف الحب ..روايه aoro قسم الروايات المكتملة 45 10-11-2013 08:56 AM
دنيا العاشقين و الله قصه / رواية روعه كاملة $$$ الحب الخالد $$$ قسم الروايات المكتملة 65 10-10-2013 06:43 PM


الساعة الآن 06:58 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.