قديم 05-06-2012, 09:10 AM   #1
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,255
مقالات المدونة: 94
معدل تقييم المستوى: 10
$$$ الحب الخالد $$$ is on a distinguished road
افتراضي سلحفاة وبنات برق في مكه - مضحكه


بسم الله الرحمن الرحيم
بداية..أحب أذكر لكم سبب كتابتي لهالقصة:وهو اني وفي احدى ليالي رمضان دخل علي اخوي الخالد يقول انه بيروح رحلة لمكة مع أصدقائه,,,طبعا أنا من زود النذالة سويت نفسي مني مهتمة وعلا طول طردته من غرفتي لكني في داخلي أشب نااااااار..
وبما اني خيالية (على قولة صديقاتي) جلست أتخيل نفسي أنا والشلة المحترمة في رحلة ايمانية لمكة..
تحمست مرة مع الفكرة,وجلست أضحك لما بس تخيلت الاشكال... عز الله اعتمرنا...وبالطبع راح أدخلكم معاي في أجواء القصة واتمنى تعيشون الأحداث, :وراح أعرفكم بأنفسنا:-
احنا شلة برق مكونة من 8 بنات ورغم اختلاف شخصياتنا تماما الا انه كان يجمعنا شي واحد وهو الصداقة اللي من أيام الابتدائي.وكأي شلة في العالم..لازم يكون بيننا أحداث ومغامرات وأحيانا(مشاكل)<<<ياكثرهااااااا .....عموما ماراح أطول عليكم,,,اليكم القصة:
"قمر برق ":هي أكثر شخص عاقل بالشلة..خاصة انها ماشاء الله ملتزمة جدا لكنها مع كذا كانت تتقبل هبال البنات بهدوء وحكمة..
"ريم جاد الله"مرجوجة ومزلبة بالدراسة,تحب الطقاق,قلبها طيب وصافي,صريحة جدا,نحب نستهبل عليها لانها أكثر بنت فينا تتقبل ثقالة الدم مننا وتبلعها بصبر وتحمل.
"خفايا "عربجية,دايم توجع روسنا بفلسفاتها الكثيرة,متقلبة,تحب الحياة الفريييي وياكثر ماتتشكى من تعقيد الاهل وقوانينهم.الشي المميز فيها "عطاسها" المزززززززعج .
"عذبة الروح "تهتم بشكلها جدا جدا,فيها شوي دفارة,,وترفع الضغط خاااصة لين هاوشتنا باننا نسكت علشان تفهم الدرس,طيبة وحنونة،دايم ماتشوفها تضحك بالذات على هبال صديقة عمرها" كامليا ".
"كامليا "قليلة عليها كلمة مهبوووولة,عنيدة,وتمشي اللي براسها،قمة وناستها اللعب بأعصاب البنات علشان ينقهرون,تحب تمطرس بالأكل.نصيحة:لا تجلس حولها اذا شفتها مجتمعة مع خفايا في وقت الفطور لأنك بترجع أكلك كله من القرف<<<يعععععع
"ام كشه " خطر,,ابتعد,,انت امام مخلوق عصبي جدا,,وممكن في لحضة يجيك طراق أو بوكس عابر,لكن مع كذا كريمة جدا وتدخل القلب على طول ببساطتها معاك,كلمتها المشهورة"يالعبدة" >>>وياما جا الشلة كدمات وجروح من يدها الكريمة واسألوا مجرب.
"بنوته راك " قممممة الهدوء لدرجة اننا مانحس انها معنا,ناعمة,كريمة مررة,تحب تخدم اللي قدامها.
"تولين "خيالية جدا,مزاجية,مو أي احد يعجبها,والله يعين اللي تكرهه...تجيه دعاوي الله لايوريك,وياما تتسيخف ع البنات خاصة"ريم ",,مشكلتها إنها مرررة ملولة وتطفش من الشي بسرعة,بس أفكارها حلوة وطفولية.

انتظرو الباقي سلحفاة سريعه هع هع هع
الخالد


0 مراقب تحت المجهر (( لمدة اسبوع فقط )) .
0 فضايح السحالي بسرعه قبل يفوتكم
0 قصه جديده روعه صرخات الحب لكاتبه فراشة الوطن كامله
0 مجنون وعالم الجن صوره حقيقيه
0 ابطال احلى صدفة بحياتي
0 الف مبروك لرمح الغرام الديوان
0 حيوانات بحرية يتم تصويرها بالكامرا المظلمة
0 الكلب....(Doberman Pinscher).... الدوبــــــ مان ـــــر
0 رواية الموت ماهو من الفرقى - اهداء لاحلى الاسماء
0 حرب الخليج الاولى
0 كتاب تحفة العروس ....للتحميل .....
0 العلــــم والبــــــوذية
0 اخر قصايد الفراعنه في شاعر المليون
0 قصة قصيدة اليتميه
0 ديوان الشاعر محسن الهزاني
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره

التعديل الأخير تم بواسطة $$$ الحب الخالد $$$ ; 05-06-2012 الساعة 11:59 AM
$$$ الحب الخالد $$$ غير متواجد حالياً   رد مع اقتباس
قديم 05-06-2012, 10:06 AM   #3
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,255
مقالات المدونة: 94
معدل تقييم المستوى: 10
$$$ الحب الخالد $$$ is on a distinguished road
افتراضي


(الجزء الاول )

قررت ذات منتديات برق المحترمة إنها تطلع مجموعة من منتساباتها في رحلة دينية لمكة المكرمة..وكان طبعا من ضمنهم شلتنا..بس ليه اختارونا بالذات؟؟ولماذا؟؟..لاتسألوني..لكن أتوقع لأننا(مؤدبات مرة)!!!!
المهم كانت الفرحة ماهي واسعتهم وأول ماتشوفهم تعرف ياعمري أنهم بنات برق مدردعة وماشافوا خير..
(لاتفهموني غلط)لأن كل البنات عوايلهم مقتدرة ماديا ويمكن سافروا لخارج المملكة بعد..لكني أقصد انهم أول مرة يسافرون مع بعض...وفي ليلة السفر دقت "ام كشه " على "عذبة الروح":
"ام كشه ": هاه عذبوه ..خلصتي من تجهيز شنطتك؟
"عذبوه ": لا توني..أفففف..بصراحة محتارة ..اخذ كتاب الطبخ ولا لأ..أخاف ناخذ درس هناك.
"ام كشه ": عذبووه تستهبلين؟؟..وين بندرس يعني ..في الطيارة..ولا فوق الكعبة...لا لا..عند زمزم احسن ؟؟
"عذبه ": لاتستهزئين..خلاص ماراح أخذ ولا كتاب ارتحتي؟؟..إلا على فكرة وش خذيتي معاك؟
"ام كشه ":ثوب عرس و مايوه و ستارة..ويمكن آخذ معلاق الملابس بعد>>>مسوية تضحك..
"عذبه ": هيييييييييه؟؟؟
"ام كشه " أنا ادري عنك انت وهالسؤال..وحدة بتروح مكة وش بتاخذ يعني؟؟
"عذبه ": أقول...من دقيتي وانت ماغير تتريقين علي..أقوم اجهز شنطتي أبرك لي منك يا ام المعاليق.
"ام كشه ": باي..ولا تنسين كتاب الطبخ ..ههههههههههههههه.
وفي الطرف الاخر كانت خفايا تكلم تولين ويسولفون عن الرحلة بشوق..وكان الشي اللي يجمع هالبنتين انهم رسامات و خياليات بشكل غير طبيعي,,وياما تطنزوا عليهم البنات وعلى خيالهم الواسع:
"خفايا ": يوووووه يا تولين..مني مصدقة..أخيرا بنسافر مع بعض..كل شلتنا..والله وناااااااسة.
"تولين ":ألااااااااه..تخيلي أول مانرجع من السفر يقولون لنا بناخذكم لباريس مرة وحدة؟>>عاااد بدا الخيال.
"خفايا ":ايه وتكون هالمرة مع بنات خالاتنا وخوالنا بعد..ويكون عادي نفتش ونسوق..
"تولين ":ونقابل رسامين فرنسيين ونعرض عليهم رسماتنا ويعجبون فيها ويسوون لنا معرض على حسابهم في أغلى فندق في الشانزيليزيه و.....
"خفايا ":لحظة تولين ..معاي خط ..
(شوي وترجع خفايا ...
"خفايا ": الوو..تولين ..هذي عذبه وتراني شبكتها معنا.
"عذبه ": أهليييين بنات كيفكم؟
"تولين ": الحمدلله..وينك بالقاطعة أدق عليك مشغول؟
"عذبه ": كنت أكلم ام كشه ...افففف يابنات جننتني،،تخيلوا,,أقولها وش بتجيبين معاك..تفول مايوه وفستان عرس ومعلاق. >>>>خخخ بتذبحنا هالبنت.
"تولين "_"خفايا ":هههههههههههههههه..حلووووة.
"عذبه ":لا والله من جد طفشتي قلت أصك السماعة منها قبل لا أنفجر..هاه؟ جهزتوا شناطكم؟
"خفايا ": أي والله..ماباقيلي غير شنطتي الصغيرة..باحط فيها كريماتي وأغراضي الشخصية.
"تولين ": أما أنا مخلصة من زماااان..الا على فكرة بنات..لا تنسون مذكراتكم..خل نسجل ذكرياتنا لحظة بلحظة.>>>مسوين رومانسيات بس مايليق..
"خفايا ":ايه صح ذكرتيني,,.......أقول,,امي عصبت علي لاني من الظهر ماسكة التلفون..عن اذنكم ..بيباي,(ويصكون السماعة)
وفي اليوم التالي(اليوم الموعود..الساعة6صباحا)
"استاذة روروا ":يلا...وين صديقاتك؟؟الاقلاع بعد ساعتين..وياله يمدينا ع المطار...
"ريم ":مدري استاذة...هم قايلين الساعة ستة بنكون في المدرسة.............هذي بنوته جت.
"بنوته راك "وهي تفسخ عباتها: غريبة محد جا غيرك؟؟
"ريم ":ايه والله..الله يقطع بليسهم..مخليني فرجة لاستاذه رورا ..كل مابغت تهاوش..جت عندي.
شوي وتدخل "عذبه "ووراها على طول"قموره "..وفي غضون دقائق كانت الشلة مكتملة..
"قموره ":..عساكم سألتوا الله من خير هالسفرة وخير مافيها؟>>مطوعة تراها فلا تستغرون هالثقل.
"ام كشه ": مالقيتي الا هالاشكال يدعون؟...السفر ماخذ عقولهم... ماعندك أحد..
"ريم :عاد شف من يتكلم؟؟...لا..ام كشه ..عيني عليك باردة..من دخلتي المدرسة وأنا اشوفك من تسبيح لتهليل
"كموله ":ايه واضح..سبحان الله من كثر ما تسبـح حتى لو سكتت تسبـح عيونها بدالها.>>خخ حلوة كامليا "البنات":هههههههههههههههههههههههههههه
"ا.روروا "بس انتي وياها ويلا البسوا عباياتكم..ع الباص.>>جعلك الباص اللي يمرمطك ياااارب.
(ويركبون البنات الباص,,وكان معاهم 3 مدرسات فقط:"رورا "المساعدة_"سارة "معلمة دين_"رحمة تونسيه "معلمة عربي
وفي المطار:
"تولين ":بنات لايفوتكم نقاب أبله رحمة ...كنها طقاقة..>>>>حش بريييييئ
"كامليا ": ماشفتي خفايا الله يفشلها تنسى انها لابسة عباية وتركض عند الناس.
"قمر ":هيه.."حاشوش"..يكفي حش..شيلوا شناطكم..خل يوزنونها.(ملاحضة:حاشوش هذي معناها عند قمر "لاتحشون"فلا تخافون ولا تستغربون من هالكلمات الغريبة اللي بتطلع عليكم بين حين واخر)


0 طليقة الروح تحلم - تاليفي
0 الخنثـــــــــــــــــــــــــــى ( بالصور )
0 جورج بوش في صور
0 ديوان الفقيه عبدالله المبارك
0 القصر المنيف وميسون بنت بحدل
0 أسرار العيون / رواية رومنسية جريئة روعة - مهداة الى جذابه
0 محمد نسيم - "أسد" المخابرات الاسمر ... حيانه .. بطولانه ... وأسرار تاريخية
0 آلهة الهلال الخصيب ( ال )
0 رجل من الجنه يسكن الرياض
0 السؤال العاشر
0 صفات الخيل العربيه
0 ترحيب حار بالملاك البرئ
0 وَمِنْ ثَمَرَاتِ النَّخِيلِ وَالْأَعْنَابِ
0 عيد ميﻻد سعيد مديرنا العام
0 الجمل العربي الاصيل
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره

التعديل الأخير تم بواسطة $$$ الحب الخالد $$$ ; 05-06-2012 الساعة 11:48 AM
$$$ الحب الخالد $$$ غير متواجد حالياً   رد مع اقتباس
قديم 05-06-2012, 10:26 AM   #4
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,255
مقالات المدونة: 94
معدل تقييم المستوى: 10
$$$ الحب الخالد $$$ is on a distinguished road
افتراضي


وفي الجانب الثاني:
"ريم ": خفايا الله يفشلك لا تركضين.
"خفايا ": وش أسوي..والله انسى واحسب اني في المنتدى .>>>مدري متى تعقل هالبنت
"عذبه ": المشكلة انك ملفتة انتي وجزمتك البرتقالية,
"خفايا ": ياماما..على الاقل سبورت وكشخة.. أحسن من اللي يلبس كعب بالمطار,
"عذبه ": يالسخيفة..كم مرة قلتلك..هذا شبشب مرتفع شوي..مو كعب
"خفايا ": ايه..ايه..العبي علينا..تلقاه حق عرس اختك كاشخة فيه.
"ريم "خلاااااص..بدينا بالطقاق..ويلا تراهم دخلوا صالة الانتظار(اكثر ناس يتطاقون في العالم هالبنتين الى يومك)
(وأول مادخلوا الصالة..ركضوا البنات عالواجهة الزجاجية حقت الطيارات)
"خفايا ":بنااات..شوفوا شوفوا..هذي هي طيارتنا قاعدين يجهزونها.
"كامليا ": تتوقعون وين بتسافر طيارتنا؟
"ام كشه ":اوهوووووووه..بدينا بالأسئلة الغبية.>>معليش يا ام كشه لنا 12سنة متحملين دلاختها.
"قمر": ماعليك منهم كموله حبيبتي..اسألي أنا باجاوبك.
"كموله ": طيب نوراتي ..حنا ليه نسافر مكه مع اننا مو بوقت حج؟بعدين ليش مانسافر لها بالقطار؟ واحنا أصلا من الاساس ليه بنسافر مكة؟>>>اقطع ابو الاسئلة هع
"تولين ":ياعمري نوراتي نشبت بالأسئلة الغبية.
"ام كشه ":خلها..محد قالها تسكتني.
"أ.رورا " من بعيد: بنت انت وياها..تعالوا اجلسوا أماكنكم..خير واقفين مثل البزارين قدام خلق الله.
"عذبه " بصوت واطي: أي خلق؟؟ أنا ماأشوف غيرنا و3 هنود بالصالة..،
"تولين ": أكيد ماراح يكون فيه غيرنا..أجل أحد يجي للصالة قبل موعد الاقلاع بساعة ونص؟
"خفايا ":..امشوا بس امشوا..منا رايقين لهذي وصراخها.
(ويجلسون الشلة على الكراسي بعد نص ساعة بدا دخول الناس للصالة وماتموا ساعة الا والمايك يعلن عن دخول الركاب للبوابة 5 اللي متوجهة لمكة المكرمة)
وفي الطيارة:
"عذبه ": قومي..والله ماتجلسين..أنا أللي عند الشباك.>>بدينا بالطقاق كالعاااااادةاضغط هنا لتكبير الصوره
"خفايا ": أقول لاتحلفين..انا من زمان قايلة اني حاجزة هالمكان.
"عذبه "بصوت عالي:والله ان تقومين..
"خفايا "وبصوت أعلى: والله مااقوم.
وفجأة صرخت عليهم أ.رورا بعصبية..وتجلس كل وحدة مكانها..
كان في الصف الاول:عذبه وخفايا وقمر واللي وراهم الاستاذات أما تولين وام كشخه وريم فكانوا في الوسط علشان كذا ما يمديهم يتهاوشون على الدريشة وكان جالس معاهم عجوز,و وراههم هدوء وملوكه جنبهم فلبيني وزوجته..وتتوالى الاحداث:
"تولين "وكانت جنب العجوز بالضبط:أقول..ورى ما تبادلني وحدة منكم..أبي أجلس قريبة من قموراتي شوي.
"ريم ":لا ياماما..صرفي..جلسة جنب العجوز لأ..انت اللي تورطتي.
"تولين ":حرام عليكم..تراها عجوز حليلة وهادية..لكني ودي أسولف مع نوراتي بس.>>ههه تصريييف
(( شوي وإلا يسمعون صوت شخيرالعجوز وهي تكلم نفسها بالحلم)
"ام كشه ":ايييه صح..باين عليها هادية ورومانسية بعد..عشان كذا بنكرمك بجلوسك جنبها.
وبعد قليل وزعوا الوجبات على الركاب.
"كموله ":بنوته ..شوفي شلون ياكلون اللي بجنبنا.انا لازم اعلمهم مضار الاكل الكثير.
"بنوته "..اييييييه...الله يقرفهم.>>>هههه تسلكلها
(وفي الامام كانت الاوضاع مختلفة)
"ريم ":والله اننا ظلمناها..شكلها بالعكس..عجوز اتيكيت..شوفوا شلون تاكل بالشوكة؟
"تولين ":ايه والله..صرت انا اللي أستحي انها تشوف أكلي عندهااضغط هنا لتكبير الصوره.
"ام كشه ":قولوا ماشاء الله..تصدقون أول مرة أشوف عجوز تاكل بهالبراعة والرقة....
(وماكملت ام كشه كلمتها الاخيرة الا وتتغرلهم العجوز ذيك التغرة...هااااااااااااااااااااااااااااااعاضغط هنا لتكبير الصوره
"ام كشه "بهدوء وصدمة: سمعتوا اللي انا سمعتهاضغط هنا لتكبير الصوره؟
"ريم "بهدوء: تتوقعين مركبين معنا بقر في الطيارة؟
"تولين "بصراخ: هذي تغرة..تغرة..الله يغربلكم..تغرت عند اذني الله لايوقفها.
"ريم ":وعععع..ايه والله وصلتني الريحة وانا هنا.>>>يعععععع
"تولين " وهي تقوم من مكانها:والله مااقعد جنبها..بقوم..مااتحمل.
"ام كشه "تسحبها: تولين اجلسي بلا فضايح..كل اللي في الطيارة يناظرونا حنا وازعاجنا.
(وتطل عليهم كموله من ورى بوجهها:
"كموله ":هييه انتوا..شعندكم؟؟ فيه وحدة حاطه نغمة جوالها تغريد بقرة؟>>>ياسلام ع اللغة.
"ريم " وهي تدف وجه ملكه على ورى:كموله حبيبتي..منا ناقصينك.فارجعي مكانك ابرك لك.
(وفي المقاعد الجانبية:
"عذبه ": ياااارب..يارب..ينفتح الشباك وتطيحين منه.
"خفايا ":هههه..مايمديني اطيح منه ياماما..لانه صغير.
"عذبه ":ياااارب..يارب..ينخسف فيك كرسيك وتطيحين على سطح هنود.
"خفايا ":ههه..مايمديني ياماما..اصلا لوطحت بتطيحين معي لانك جنبي.
"عذبه "بعصبية: خفاااااااااااااااااااياااااااااااه...كلي (.....................)>>الفاظ رقيقة غير صالحة للنشر.
(وعلى صرخة عذبه فزت قموره من مكانها وطاحت على الارض لانها ياعمري كانت نايمة)
عذبه ماقدرت تمسك نفسها وانفجرت بالضحكاضغط هنا لتكبير الصوره..أما خفايا قامت على طول تساعدها لان الناس كانت عيونهم عليهم والمدرسات متفشلاااااات وساكتات من الفشيلة)
"تولين ":بنات..شوفوا..ماكأن هذي نور على الارض؟؟
"ام كشه ":ايه والله...وش تسوي ع الارض؟
"ريم "بشهقه:هييييييييه...لا يكون طايحة الله يفشلها...يوووووووه يالفشيلة!!!!!
شوي وتطل عليهم ملكه بوجهها مرة ثانية:
"كموله ": بنات ليه قموره منسدحة ع الارض؟تتوقعون تبي تنام وتـتمدد؟
"تولين "تدف وجههابعصبية:ملووووووووووووكه ..منا رايقين لك..
(وتلتفت ع البنات:
"تولين ": شوفوا بنات..من جد والله..بنسوي نفسنا مانعرفهم..وخل يصير اللي يصير..مو ناقصين فشايل ثانية.
"ام كشه ":ايه والله.........شششش..هذي خفايا جت.
"خفايا ": ...بنات.. ا.رورا تقول خل وحدة منهم تبادلك علشان ازعاجنا زاد.
"تولين وريم وام كشه ":.................................
"خفايا ":وجع ان شاالله..أقولكم وحدة تبادلني!!!
"تولين وريم وام كشه ":...............
"خفايا " فقدت أعصابها وتسحب المجلة اللي كانت تقرى فيها لميس بقوة
"خفايا ":هيه..هيه..أكلم جدار؟
"ريم "بكل رقة:لو سمحتي بغيتي شي؟؟ >>>يعنني ما اعرفك
"خفايا ":؟؟؟؟؟؟؟؟؟؟؟؟؟؟؟
"تولين ":على فكرة..تصرفك بالمرة وحش..قصري صوتك لما تكلمين اللي قبالك.
"خفايا ": تولين !..ريم !..ام كشه !..هين..انا أوريكم. >>>ياويلكم
(وترفع صوتها للناس بتعمد:
"خفايه ": قمورووووووووه ..ههههه..وش اخبار طيحتك قدام ابو عبد الله الحارس..العام.ههههههه.تذكرييييين؟؟؟
وانتي ريمووه حبيبتي..ترى عادي حتى لو تهاوشتي مع بنات المتوسط ومسحوا فيك الارض..أما انتي يا ام كشه فـ...
"ام كشه "وهي توقف بسرعه":بس.....يالعبدة...انطقي يلا مكاني.اضغط هنا لتكبير الصوره..
(وتجلس خفايا بسرعة وهي فرحااانة اضغط هنا لتكبير الصورهاما تولين وريم فكانوا حاطين المجلات على وجيههم من الفشيلة وتكملها كمووووووله عليهم وترز وجهها:
"كمووووووله": تولين ..ريم ..انتوا من جد صارلكم كذا؟طيب ليه ماقلتولي عشان اضحك؟..
"تولين ": هين..انا ذابحتك ذابحتك ملوكه.,,بس صبرك لين نوصل.
(واخيييرا..اعلن الطيار عن اقتراب الوصول الى مطار الملك عبد العزيز بجدة..وولعت لمبات ربط الحزام)


التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره

التعديل الأخير تم بواسطة $$$ الحب الخالد $$$ ; 05-06-2012 الساعة 11:42 AM
$$$ الحب الخالد $$$ غير متواجد حالياً   رد مع اقتباس
قديم 05-06-2012, 10:47 AM   #5
-||[كبار الشخصيات في المنتدى]||-
 
الصورة الرمزية بيـــادر
 
تاريخ التسجيل: Feb 2012
المشاركات: 2,198
مقالات المدونة: 2
معدل تقييم المستوى: 8
بيـــادر is on a distinguished road
افتراضي


هههههههههههه

ــ عجيب .. الرواية حدها تجنن وتضحك ..ــ

ــ عاد اعجبتني .. هواشهم ــ<<ههههههههههه

ــ يعطيك العافية علة الرواية الممتعة عن جد

ــ ننتظر التكملة <<

ــ عندنا روائي كبير << مشاء الله
ـــــــــــــــــــــــ
لكِ مني كل الود ...


التوقيع
<< دعـــاء >>

اللهم
أنت ربي
لا أله الا انت
خلقتني وانا عبدك
وانــــا على عهـــدك
ووعدك مــــا استطعت
واعوذ بك من شر ما صنعت
وأبوء بنعمتك علي وابوء بذنبي
فأغفر لي فإنه لا يغفر الذنوب الا انت
بيـــادر غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حسني مبارك يتنحي ويترك السلطة للجيش z88x20 المنتدى السياسي والاخباري 5 03-24-2016 01:37 PM
معادلات وحسابات حكايه رحيل منتدى العلوم الكونيه والثقافات العامه 10 05-04-2012 08:54 PM
لمن أراد الكثير الكثير بل الملايين من الحسنات بإذن الله , مهم جدا وأرجو التثبيت alraia المنتدي الاسلامي (الشريعة و الحياة) 9 04-29-2012 11:27 PM
الصلاه على النبى بين الفوائد والثمرات ابو اسامه _1 منتدي السيرة النبوية والسنة المطهرة 17 04-14-2012 04:49 AM
موضوع بسيط له فائدة كبيرة z88x20 المنتدي الاسلامي (الشريعة و الحياة) 6 02-19-2011 10:56 AM


الساعة الآن 11:07 PM.


Powered by vBulletin® Copyright ©2000 - 2017, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.