قديم 06-26-2012, 10:13 AM   #1
♥ دُلَوِعَ ـة بّـرقَ ♥
 
الصورة الرمزية فتاة الثلوج
 
تاريخ التسجيل: Feb 2012
الدولة: In the heart of my mother
المشاركات: 11,387
مقالات المدونة: 2
معدل تقييم المستوى: 19
فتاة الثلوج is on a distinguished road
افتراضي عروس يوم زواجها كيكتها من نار


السلام عليكم
العنوان غريب شوي بس انا راح اكتب القصه مثل ماجتني على الايفون برودكاست
القصه مؤثره مرا لاتهملونها منقوله عن صاحبةالقصه
القصه حقيقيه وترى ابطالها حقيقين واسمائهم حقيقيه لاتنسووناقروا الملاحظه اللي باخر القصه
نبتدي على لسان صديقة بطلة القصه
حصه هي بطلة هالقصه كان مقرر زواجها ب
29/1/( 2012 )( 2012 )( 2012 )( 2012 ) لكن قدر الله وماشاء فعل
حصه بنت طيبه بكل معنى الكلمه ومحبوبه حييل من كل اللي حواليها من الاهل والاصدقاء وفوق هذا جميله لكنها ماتتبهى بهالجمال بالمره وماشيه على النيه
حصه تعشق شي اسمه نت وتقريبا يومها كل يروح بالقعده ورى هالكمبيوتر وماشاءالله عليها بكل موقع تدخله تتميز وتاخذ رتبه تقريبا كل الرتب اخذتها مشرفه مراقبة اقسام مراقبه عامه
وحتى الاداره باللي باللون الاحمر وهي ماشاءالله شعلة نشاط بكل هالمواقع لكن فيه واحدمن هالمنتديات تحبه بشكل جنوني وناقعه فيه ليل مع نهار ومحبوبه من الكلفيه
ولانها متميزه بشغلها بها المنتدى محد تميز فيها الا هي
المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها
بهالشغله اللي تسويها وع هالحال لمدة سنتين لاتكل ولاتمل وطبعا ادارة هالمنتدى ماتقصر بمنحها الاوسمه والتشجيع المستمر اللي يخليها تناقز من الفرحه وتعطي اكثر
المهم هالبنت تقرر زواجها بالتاريخ المذكور اعلاه
وبدت تحضر لزواجها وهي فرحانه لان اللي بيتزوجهاولد خالتها وهو شاب كل الصفاة الحلوه فيه وهي معجبه فيه حييل

المهم حضرت كل شي وفي كل روحه لها للتسوق تاخذ اعز صديقاتها وهم ............?ريم مع امها واختها
خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص لها وغالي وااايد
وكل يوم لازم نطل ع الفستان>>>
وصرعت صديقاتها فيه دوختهم لدرجه وحده من صديقاتها قالت لها لعنبو ابليسج ليش تحسسيني انج عانس وماصدقتي تتزوجين وجع اركدي
ع العموم قرب زواجها وقبل زواجها باسبوع فقط
اقعدت من النوم وهي تصارخ وتبكي بشكل هستيري وكانت الساعه <2> الصبح وكان اصراخها عالي وع وصف اختها كان اصراخ مرعب وكانها ملبوسه
استمرتبالصراخ وامها وابوها واختها وزوجة اخوها يحاولون يسكتونها لكنها مستمره بشكل مخيف
وكان ابوها يقول يابنت اهدي واقصري الصوت العالم فجر لاتفضحينا
وهي مستمره راحت اختها وكلمت اخوها اللي كان مداوم وقالت له السالفه وطبعا ترك شغله وجاء وهو مخترع من الوضع
لما وصل اخوها وشاف شكلها الغريب طلع راح لأمام المسجد اللي كان يقيم بغرفه بالمسجد وجابه للبيت دخل الامام وشاف منظر البنت وقرب منها وبدأ يقرأ القرأن وكانت امه ماسكتها وترش عليها من الماي اللي مقري فيه وتغسل وجهها
بعد فترة هدت البنت وبدت تبكي بحرقه وتقول خلاص معاد ابي اتزوج هالزواج مافيه خير لي ولكم فاستغرب الجميع من كلامها وقالت اختها زواجج بعد اسبوع بس قالت ولو ماراح اتزوج سألها الامام ليه يابنتي استهدي بالله وقولي لنا شاللي خلاج تقولين هالكلام وتتخذين هالقرار المفاجئ للجميع
قالت شفت شي بمنامي خلاني اتخذ هالقرار
شفت اني لابسه ثوب زواجي وكنت بصالة الافراح وامشي بين الحضور وكنت فرحانه بس كنت احس الارض اللي تحتي مو مستويه وبغيت اطيح اكثر من مره بس كنت اتماسك قدام الناس علشان الفشله
وصلت الكوشه وجلست بانتضار العريس ولما وصل بدأ يسلم على امه واخواته
وجاءوجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب
المهم جاء وقت تقطيع الكيكه ولما جابوها العاملين عليها كانت مغطاه بغطاء حلوومبهر فقلت لاقرب الناس لي اختي وصديقاتي المقربات
انتو بالذات بذوقكم منها تعالو جنبي
وهنيه اكشفوا عن الكيكه ولاهي كوره من نار حرارة لهبها يصلي الوجه والنور اضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي ريم وقالت تعالي قصيها ياحصه ليش خايفه قلت لها بس هذي نار قالت عادي
الكيك متعدد الاشكال بس طعمه حلو ولاتنسين انتي اللي طلبتيها بهالشكل
قلت لها متى ياريم وربي ماطلبتها تكون جذي قالت ريم امبلا ياحصه انتي طلبتيها وانا حذرتج من هالشكل وانتي صميتي اذونج عني استغربت كلام ريم واخذت السكين وانا احس اني مغصوبه قطعة اول قطعه واخذتها بايدي وكنت راح اعطيها زوجي لكن مالقيته فالتفت ادوره مالقيته فعطيتها ريم قالت شكرا ماابيها فمديتها ل.......?ف امسكتها لكنها احرقتها بايدها ورمتها
وهي تتألم ولمانظرت للي وراها لقيت طابور من الناس كلهم مادين ايديهم ففرحت قلت غريبه حبوها رغم انها تحرق وبديت اقطع لهم وياخذونها وهم يتألمون من حرارتها بعدها تعبت وانا اقطع والكيكه كل مانقصت زادت مره ثانيه
سبحان الله وبحمده وسبحان الله العظيم
والطوابير تزيد واللي يبون منها يزيدون وضليت على هالحال ساعات طويله ومن التعب كنت ابكي انهكت على الاخر وكل ماجات عيني بعين ريم بكيت اكثر وهي كانت تمسح دموعها صرخت وقلت ياريم متى تخلص هالكيكه قالت ريم تو الناس ياحصه باقي وااايد
وبدت حرارة النار تسيل مكياجي وتوسخ الفستان وكنت اعاني من التعب الشديد
وفجأة علقت النار بايدي وبديت اصارخ واصارخ
مثل ماشفتوني وانا خايفه خايفه ياشيخ
قال الشيخ استغفري ربك يابنتي وقومي توضئي وصلي ركعتين وان شاء الله خير
نسأل الله التوبه النصوح
اختها حست ان فيه شي هالحلم ومن الصبح ارسلت ايميل ع احد مفسرين الاحلام
وحلفته بالله انه يفسره لها بخيره وشره للضروره
وبعد فتره ارسل لها المفسر وقال خلي اختج هي اللي تروي لي على التلفون
كلمته حصه وروت له اللي شافته وسألهاعن شاللي تسويه وقالت له كل شي عنها
قال لها فيه شي انتي تخفينه او تسوينه بالخفاء شنو هو ياحصه قالت فيه شي ياشيخ انا اسويه في احد المنتديات وبصراحه كانت وحده من صديقاتي دايما تنصحني منه بس انا احب هالشغله واحس اني ماهره فيها
قال الشيخ شنو هالشغله
قالت انا مشرفه ع قسم باحد المواقع وهالقسم يختص بتلبية طلبات الاعضاء الخاصه بالاغاني وكنت ابدع فيه احول لهم الصيغ واسوي لهم مقاطع ومكسات وسوالف واايد قاطعها الشيخ وقالها استغفري وتوبي هذا كان تنبيه من الله لج الكيكة كانت عملج الغير صالح والقطع اللي ارهقتج هي صدقاتج بالذنب المشترك مع من قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه هو الذنب الجاري وكبره ف شوفي كم شخص اعطيتيه طلبه وكم شخص سمعه وكم شخص نقله من منتداك الى منتداياتهم وكل هذا بسببك انتي تقول حصه انهرت وقلت شسوي ياشيخ قال توبي الى الله توبه نصوحه وتبرئي عن كل مافعلتيه خصوصا مايخص الاغاني والمنكرات واسأل الله لي ولك الثبات وتوبي ياحصه توبي لانك ماتدرين متى الله يأخذ امانته والله يحسن خاتمتنا جميعا
ولاتنسين يبعث المرء ع مامات عليه ياحصه
اللهم صلي وسلم على رسول الله
طبعا حصه الحين تابت لكن تعاني من نفسيه سيئه وتعالج وتأجل زواجها الى اشعار اخر وادعو لها الشفاء مما هي فيه وادعو لها بالثبات
واطلب منكم تدعون لها لانها تهمني وااايد
ملاحظه
حصه هي حصيص صديقتي المقربه وريم صديقتنا الاقرب واحب الناس لنا
ودايما تنصحنا لكن الشيطان لاسيطر على الواحد
وع فكره الصديقه المقصوده اللي اعطتها حصه القطعه واحرقتها ورمتها هي[ انا نجود ]من يومها حرمت اشياء واايد ع نفسي وانتو تعرفوا اصعب جهاد جهاد النفس
انا كتبت لكم قصة صديقتي علشان العبره ولاني حابه الخير لكم
الله يكفينا شر انفسنا والشيطان
واللهم انا نستغفر ونستهديك ونتوب اليك
ياغفار الذنوب وياستار العيوب
اغفر ذنوبنا واستر عيوبنا وادخلنا
الجنة يارب العالمين
اللهم اجرنا من النار
اللهم اجرنا من النار
اللهم اجرنا من النار
القصه حقيقيه وحبيت انقلها لكم لاتحرموني من دعائكم


0 مسابقة اجمل فستان زفاف
0 لحقو دلووعة برق وفستان زفافها
0 ^__^
0 **^^سجل حضورك بأسم واحد من الاعضاء..^^**
0 كيف تخلي البنات يشوفو كرة القدم
0 مهند العراقي على كرسي الاعتراف
0 صور مضحكة عن البنات ..من غير زعل
0 طريقة عمل التبوله
0 كاركاتيرات مرحة في هذه المجموعة
0 محمد2014 ضيفنا في كرسي الاعتراف
0 مــا هــي حــالــة قــلــبــك فــي هــذه الأيــام؟.؟.؟.؟.؟.؟.؟
0 كيف تبرمج وتسيطر على عقلك الباطن؟!!
0 اعتذر من الجميع
0 كيف يكون صيامنا أقرب إلى القبول؟
0 زفاف يتم بالمستشفى بالاردن
فتاة الثلوج غير متواجد حالياً   رد مع اقتباس
قديم 06-26-2012, 05:40 PM   #2
-||[قلم من ذهب]||-
 
الصورة الرمزية كفايه طيبه
 
تاريخ التسجيل: Jun 2012
المشاركات: 457
معدل تقييم المستوى: 8
كفايه طيبه is on a distinguished road
افتراضي


حسبي الله ونعم الوكيل

اللهم اجرنا من النار

وابعد عن مكائد الشيطان

اللهم استر عيوبنا

والله قصتك اثر فيني كثييير يا ااخت نجووود

عسى الله يغفر ذنوبنا وذنووبها ويتم فرحها

ويشفيها يارب

تقبلي مروري اختي


كفايه طيبه غير متواجد حالياً   رد مع اقتباس
قديم 08-04-2012, 02:34 AM   #5
-||[عضو قادم بقوة ]||-
 
تاريخ التسجيل: Aug 2012
المشاركات: 1
معدل تقييم المستوى: 0
طائعة الله is on a distinguished road
افتراضي


اقتباس
المشاركة الأصلية كتبت بواسطة كفايه طيبه اضغط هنا لتكبير الصوره
حسبي الله ونعم الوكيل

اللهم اجرنا من النار

وابعد عن مكائد الشيطان

اللهم استر عيوبنا

والله قصتك اثر فيني كثييير يا ااخت نجووود

عسى الله يغفر ذنوبنا وذنووبها ويتم فرحها

ويشفيها يارب

تقبلي مروري اختي
مشكورة يا اختي على هذه القصة جازاك الله خيرا


طائعة الله غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
القانون العام لمنتديات بـــرق Emad Alqadi منتدي أخبار الأعضاء والمشرفين (أستراحة الأعضاء) 27 06-06-2013 01:18 PM
زد رصيدك مسلمة مفتخرة المنتدي الاسلامي (الشريعة و الحياة) 18 11-05-2012 01:13 PM
لعبة السحر لعبة حلوة $$$المجنوون$$$ منتدي تحميل العاب PCكمبيوتر-PlayStationبلايستايشن-PSP-Xbox-Nintendo 9 07-08-2012 07:34 PM
اسطـورة الرجل العنكبوت النهائية انها spider-man ultimate bilalmovic منتدي تحميل العاب PCكمبيوتر-PlayStationبلايستايشن-PSP-Xbox-Nintendo 19 06-11-2012 12:33 PM
القانون العام لمنتديات بـــرق Emad Alqadi منتدى التعارف و الترحيب 1 09-16-2009 03:39 AM


الساعة الآن 07:43 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.