قديم 03-21-2008, 11:48 PM   #1
-||[قلم من ذهب]||-
 
الصورة الرمزية ((ام خالد))
 
تاريخ التسجيل: Mar 2008
المشاركات: 149
معدل تقييم المستوى: 7
((ام خالد)) is on a distinguished road
افتراضي قصه حقيقيه للعبره


قصه حقيقيه للعبره

--------------------------------------------------------------------------------



بسم الله الرحمن الرحيم
_____________

القصه دى حصلت لى انا شخصيا وحبيت احكيهالكو علشان ناخد كلنا منها العبره والقصه كالاتى:

انا عندى سنترال فى محافظه القاهره وطبعا انا قاعد فاضى لانى باقضى الجيش فلما بنزل اجازه من الجيش بشتغل فيه وكان فى واحد عارفينه كلنا يعنى انا واخواتى وجيرانا ، يعنى كان بييجى يتكلم من السنترال عندنا هو ومراته وبيشترى كروت شحن وفى بينا تعامل يعنى وعارفين بعض ، المهم انا قاعد فى السنترال فى يوم من الايام لقيت الاخ ده جاى وجايب معاه شنطه سفر كبيره ودخل قعد جنبى بس بطريقه توحى انه جاى من سفر دلوقتى حالا وقلى فعلا انه لسه جى من المنوفيه حالا وانه كان بيجيب لحمه وسمنه وزبده وحاجات كتير من البلد لان مراته ووالدته لازم يجيبو الاكل من البلد لانه بيبقى بخيره واوهمنى ان الشنطه مليانه من خيرات ربنا بس انا ماكنتش اعرف قصده من كده وخت الكلام عادى خالص على انه دردشه عاديه ، وبعد شويه لقيته بيقولى انا سمعت ان فى عندكو عده بتبعوها هى لسه موجوده ولا ايه؟
قلتله اه موجوده هى عده اخويا بس مديهانى عشان معاييش عده لانى انت عارف ان الجيش بيحتاج مصاريف كتير فهو مخليها معايا.
قلى طب ممكن اشوفها ؟
قلتله اه طبعا.
المهم خد العده وقعد يتفرج عليها كانه هايشتريها يعنى وقلى ممكن احط الخط بتاعى فيها عشان اجرب الشبكه والسماعه؟
قلتله اه طبعا وانا بكلمه بحسن نيه خالص ومش حاطط اى خوانه من ناحيته ، قام مغير الشريحه وراح عمل نفسه كانه بيعمل مكالمه وقام واخد العده وجارى.
روحت اشوفه هنا وهنا مالقيتهوش خالص
بنشوف الشنطه اللى سايبها لقيناها فاضيه ومنفوخه بورق كارتون كده.
المهم اتاكدت ان انا اتنصب عليا وانه اخد العده وخلاص على كده ، روحت بيته لقيته نقل ومشى من البيت من شهر ولقيته كمان ناصب على زميل ليه فى نفس منطقته لكن زميله ده واخد منه البطاقه وفيها عنوان اهله او عنوانه هو القديم بس زميله خايف يروح المنطقه دى لانها منطقة مشهوره بالمخدرات والناس الحوش دول.
المهم خت منه انا البطاقه وعرفت العنوان واخدت زمايلى وروحت المكان ده لانى كنت اعرف منه ناس واول مانزلت المكان ده وماقابلش حد اساله على اخينا ده الا ويقولى دا سارق منى كذا وكذا ونبى لو عترت فيه تقولى ويدينى رقم تليفونه عشان اتصل بيه واللى سارق منه موتوسيكل واللى واخد منه خواتم دهب واللى واخد منه فساتين افراح وكلهم زمايله يعنى مش مخلى لحد مابقى معايا نوتة تليفونات من الناس اللى ناصب عليهم وكانى انا اللى مكلف بالقبض عليه ، سالت على حد من قرايبه ودونى لعمته قعدت تعيط وتقولى ونبى لوتلاقيه ينوبك ثواب فينا دا سارق موبايل ابنى وزميل ابنى كمان وامه جالها السكر من افعاله سفرناها البلد عشان ماتموتش وطلقنا مراته منه بالعافيه ومش لاقينه خالص ، قولتلها طب ايه سبب اللى بيعمله دا ياحاجه دا كان كويس معانا وعارفنا وعارفينه؟
قالتلى من شهر واحد بس بقى بيشم بودره وبيشرب مخدرات وباع عفش بيته كله على الموضوع ده ، ودا نصيبنا وهنعمل ايه؟
بصراحه انا قولت فى نفسى ربنا يهديه والحمد لله ان العده مش غاليه اوى وربنا يعوض عليا ورجعت على كده.
وبالظبط بعد تلت تيام لقيت باب البيت بيخبط ولقيت مرات النصاب ده هى اللى بتخبط لكن انا ماكنتش اعرفها اوى، قلتلها اتفضلى مين حضرتك؟
قلتلى انا مرات طارق.
قلتلها طارق مين؟
قلتلى طارق اللى سرق منكم العده من السنترال.
قلتلها اااااه وحضرتك عاوزه ايه؟
قالتلى عاوزه منك حاجه من الاتنين ياتسامحه ياهتصرفلك فى فلوس العده واجيبهالك.
قلتلها ليه كده هو فين الاستاذ طارق اللى نصب عليا؟
وبصراحه اول ماجاوبت على سؤالى انا جسمى قشعر وكنت هعيط والله.
قلتلى طارق توفى امبارح .
قلتلها ازاى الكلام ده ؟
قلتلى من البودره اللى بيشمها لقوه ميت واتصلو بينا روحنا استلمناه ودفناه وانا جايه عاوزاك تسامحه ربنا يخليك ولو عاوز الفلوس والله اجيبهالك وقعدت تعيط هى ووالدتها كانت معاها .
قلتلها مش هو طلقك قبل مايموت ؟
قلتلى اه بس انا ابقى بنت خالته.
والله ماكنت عارف اقولها ايه وكنت خايف يكونو بينصبو عليا هما كمان.
قلتلها خلاص انا كده كده كنت مسامحه اساسا لما عرفت انه ربنا ابتلاه بالمصيبه دى اللى اسمها البودره ودعيتله ربنا انه يهديه.
قلتلى انا متشكره ليك جدا ويارب يجعله فى ميزان حسناتك.
وبصراحه حبيت اتاكد بنفسى روحت فعلا فى منطقته لقيتهم عملين ليه عزا والناس كلها شافته والشرطه بتسلمه ليهم ساعتها بس قلت ياااااااااااااااه
الانسان عمره قصير للدرجه دى؟
من يومين كان بيعمل ايه وكان فين ودلوقتى فين
يارب احسن خاتمة المسلمين اجمعين يارب.

حبيت بس اقولكم القصه دى عشان نعتبر منها كلنا ونعرف ان الموت اقرب الى احدنا من شراك نعله.

والحمد لله رب العالمين.


((ام خالد)) غير متواجد حالياً   رد مع اقتباس
قديم 09-05-2012, 06:27 PM   #2
-||[عضو فعال]||-
 
تاريخ التسجيل: Aug 2012
المشاركات: 43
معدل تقييم المستوى: 0
نهر العطشا is on a distinguished road
إرسال رسالة عبر Yahoo إلى نهر العطشا
افتراضي


روعه
واسلوبك بالسرد جميل


نهر العطشا غير متواجد حالياً   رد مع اقتباس
قديم 09-12-2012, 04:01 PM   #3
-||[قلم من ذهب]||-
 
الصورة الرمزية حموشي210
 
تاريخ التسجيل: Aug 2012
الدولة: فلسطين الحرة
العمر: 22
المشاركات: 152
معدل تقييم المستوى: 3
حموشي210 is on a distinguished road
افتراضي


روعه

اسلوبك باسرد كتير كتيييييييييرررررررررر حلو


التوقيع
اضغط هنا لتكبير الصورهاضغط هنا لتكبير الصوره
حموشي210 غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
خيانه زوجه القاضي قصه حقيقيه بــــــــــرق منتدي القصص و الحكايات - الأدب الشعبي 16 10-28-2011 12:42 AM
قصه حقيقيه ترويها صاحبتها الى الان بنت السعوديه منتدي القصص و الحكايات - الأدب الشعبي 5 07-29-2011 09:51 PM
ماتت في حضن حبيبها قصه من جد تبكي مينوو منتدي القصص و الحكايات - الأدب الشعبي 11 03-12-2008 12:26 PM
الظفر ما يطلع من اللحم <<< قصه حلووووووه وليف ال شوووق منتدي القصص و الحكايات - الأدب الشعبي 0 02-17-2008 05:35 AM


الساعة الآن 05:10 AM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.