قديم 10-06-2012, 02:27 PM   #1
-||[قلم من ذهب]||-
 
تاريخ التسجيل: Apr 2009
المشاركات: 439
معدل تقييم المستوى: 12
حميد بدوى is on a distinguished road
افتراضي توفيق عكاشة ملك من ملوك الشاشة


توفيق عكاشة ملك من ملوك الشاشة
توفيق عكاشة

ملك من ملوك الشاشة

صاحب قناة الفراعين

وحبيب الملايين

ورث من امه قرشين

وعمل قناة

وجاب شوية مذيعات و مذيعيين

مثل حى للنفاق والمنافقين

بيقولوا دكتور وأنا بقول طنبور

ونفسى اعرف هو دكتور أزاى

وجاب الدكتورة منين

دا من أنتاج عهد مبارك الحزين

مريض مرض معدى

وخطر على كل المصريين

لو عملوا مسابقة هطل

يطلع قبل الاول بنمرتين

دا هو الوحيد اللى جه يتحول

طلع أهبل وأعبط من الاول

أقولك اية ربنا يزيدك

وترجع تبوس أيد سيدك

اللى باين عليه هايطول

توفيق عكاشة

خسيس خساسه

من كتر ما كدب صدق نفسه

وفكر أنه بسلامته ابو السياسة

وقال اية مترشح للرئاسه

رمز دكر البط السمين

رغم أن عقله على قده

وأنا عن نفسى بحس ان القطر عدى

على دماغة مرتين

وعقله بالكتير قوى عقل طفل من المعاقين

مع خالص اعتذارى واحترامى للمعاقين

بس الاعاقة عند عكاشة علاجها صعب حبتين

ورغم أنه مالوش فى التور ولا فى الطحين

الا انه ما سبش حاجة متكلمش فيها

والخيبة القوية

أنه عنده نظرة مستقبلية وفلسفية

مش لمصر بس

ولكن للكرة الارضية

وعامل ان هو فلتت زمانه

سابق عصره وحافظ مكانه

ومفيش مجال فى الدنيا والاخرة الا مجاله

وهو الصراحة أهبل وعبيط من يومه

وبيتكعبل فى هدومه وتشوفه تقول الله يعينه

هو مفكر ان الناس لما بتتفرج عليه

بتبقى مقتنعة بيه

هو مايعرفش

ان أى أرجواز يقدر يجمع الناس حوليه

ماهو اهبل مايعرفش اللى الناس بتتسلى بيه

ادعوله ربنا يشفيه وينجيه من اللى هو فيه

مع ان اللى زيه لازم يروح مصحة او يتحاكم

انا مش عارف واحد زى ده يتساب كدا ليه

الناس تقول التحرير

وهو يقول العباسية

الناس تقول الثورة

وهو يتكلم عن أجندات خارجية

الناس تقول اللى حق الشهيد

وهو يقول دول بلطجية

الناس تقول عيش وعدالة وحرية

وهو يتكلم عن الماسونية

ربنا ينتقم منك يا بعيد

ولازم تعرف ان انتهى عصر العبودية

مشكلته ان عايز ينافق

ومش عارف ينافق مين

وكان بينافق مبارك

ومبارك وقع فى غمضة عين

نقل الكفالة على المجلس المشين

وبكرة هاتشوفهم يا عكاشة

فى القفص محبوسين

أنا كل اللى مزعلنى

أذا انت ما ضحكتناش

مين هيضحكنا مين ؟؟؟؟

دا انت بجد عايز كل دكاترة العالم النفسيين

هيطلعوا من دماغك صرصير

يفرق اية يا غشيم مبارك عن المشير

كلهم عملة واحدة بوشين

ما طول عمره وهو دراعه اليمين

وبكرة ترجع انت للبط والوز والجرجير

ما أنت لو بتفهم أنما للاسف

لو قلنا عليك حمار نبقوا ظلمنا الحمير

الشاعر
عبد الحميد بدوى



حميد بدوى غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فتاوى لتوضيح الجائز من الممنوع فى الأسماء المستعارة للأعضاء هدوء المشاعر المنتدي الاسلامي (الشريعة و الحياة) 10 11-28-2016 12:56 PM
بدع احدثها الناس في القران الكريم الإسلام رباني منتدي الخيمه الرمضانيه 9 07-03-2016 04:53 PM
أسباب ضعف المسلمين ووسائل العلاج الإسلام رباني المنتدي الاسلامي (الشريعة و الحياة) 6 03-06-2013 09:07 AM
أقدم صورة ابن بطوطة منتدى النقاش الجاد 4 09-29-2012 02:51 PM


الساعة الآن 09:04 PM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.