قديم 08-27-2013, 01:32 PM   #1
-||[عضو VIP]||-
 
الصورة الرمزية ابتسم رغم دموعي
 
تاريخ التسجيل: Aug 2010
العمر: 25
المشاركات: 5,783
مقالات المدونة: 1
معدل تقييم المستوى: 15
ابتسم رغم دموعي is on a distinguished road
قلب واكتشفت اني لقيطه / بقلم صرخةة المشتاقه


|$[ البآرت الأول الجزء الأول ]$|


.. في داخل افخم قصور قطر ..

دخلت ذيك المراء بجسمها الرشيق الى احد الغرف الفخمه في هالجناح وفتحت الستاير المخمليه بهدوء تاام وبعدها تقدمت الى السرير وقالت في رقه: سيد سامي لو سمحت ..
تقلب اول ابطال روايتي في الفراش وبدأ يتمتم بكلمات مو مفهومه....
ابتسمت وهي تقول: لو سمحت ياسيد سامي كلمني ... الا تريد الذهاب الى الجامعه ... استيقظ رجاءا ....
التفت سامي ناحيتها وعيونه كلها نوم فقال بثقل: طيب طيب بس روحي ياريندا وحأنزل بعد 5 دقائق ..
ريندا: لن انزل حتى تستيقض تماما ياسيدي... فالساعه الآن السابعه والنصف لقد تأخرت جدا ياسيدي ...
سامي: اووووف ما ابي اروح الجامعه زين .. يالا اقلبي ويهج ...
ريندا: انت تعلم ان اباك سيغضب إن لم يوجد هناك سبب للغياب..
سامي: هه ومن وين بيعرف اني غبت وهو مشغول بأعماله وتجاراته وما اشوفه إلا مرة في السنه .. ريندا اخرجي وقفلي الباب هيا ..
ريندا: حسنا سيدي لن ارغمك ..
فخرجت وقفلت الباب فتقلب سامي للجهه الثانيه و قفل عيونه وبعد فتره بسيطه شال الغطاء عنه وقال بطفش: طار النوم .. اوووووف ..
قام وراح للحمام وأخذله شور وخرج ولبس ملابسه ووقف يصفف شعره قدام المرآه فقال بتفاخر وغرور: صج اني وسيم وكشخه ومحد مثلي ..آآآه فديتك ياسامي ..
نزل الى الصالة فقابلته ريندا وقالت: سيد سامي الم تقل انك ستنام هل غيرت رأيك .. تفضل وتناول الافطار في غرفة الطعام ..
سامي: طيب طيب بس المهم انه يكون جاهز من اول لأني ما ابى أتأخر عن الجامعه ..
ريندا: اجل سيدي انه جاهز تفضل ..
فراح سامي الى غرفة الطعام فدق جواله ولما شاف الرقم ابتسم ورد: هلا هلا والله بهالصوت كيفج ...... لا لا ياعيوني انا ياي اليوم للجامعه هو انا اقدر اترك الجامعه وانتي فيها يابعد روح سامي ...... اوكي اوكي المره اليايه ماراح اخوفج وراح ايي بدري يالا باي باي ..
وقفل الجوال فطالعت فيه ريندا بأبتسامه وقالت: سيد سامي هل لي ان اسألك سؤال ..؟!
جلس سامي على طاولة الطعام وبدأ ياكل وقال: اسألي ..
ريندا: هل لي ان اعرف ياسيدي كم عدد أرقام الفتيات اللاتي في جهازك ..؟!
فضحك سامي ضحكه عاليه وقال: ههههه كثير كثير لدرجة اني صرت الخبط بينهم صرت اكلم ليلى على انها ريم واكلم ريم على انها هيفا وإذا بغيتيني اضيفج وياهم ماعندي مشكله ..
ريندا: لا لا شكرا لا اريد .. طيب ماذا تستفيد من محادثتهم ..؟!
سامي: عادي استمتع .. وحطي في بالج ترى مو انا اللي دايما اخذ ارقامهم هم يعطوني بنفسهم اقسم بالله .. لأني وبلا فخر اوسم شخص في الجامعه كلها فأنا الانيق والوسيم والكشخه وكل شي .. تخيلي ان نص بنات الجامعه خاقين عندي تخيلي انهم لو عرفوا ان ماعندي رصيد يشحنون لي مو انا اللي اشحن لهم ..
ريندا: اعرف هذه الاشياء ياسيدي ولكن ارجوا ان لا تفتخر بنفسك كثيرا ..
سامي: ومن قال اني افتخر بنفسي يالا الحمد لله شبعت خليني الحق على البنات لايتعذبوا بغيابي باي ..
ريندا: الم اقل لا تمدح نفسك...
سامي: هههههه هذه الحقيقه انا ما اجذب باي ...
فشال كتبه وخرج مسرع وركب سيارته وانطلق بصوره جنونيه كعادته في السواقه ..

**سامي سلطان الراهي يبلغ من العمر 21 سنه في ثالث جامعه شخص غني للغايه وملياردير فأبوه عنده شركات ومصانع ومراكز كثيره في كل مكان في العالم ومايهتم بولده كثير وسامي شخص جميل ووسيم لابعد الحدود طيب ورومانسي جدا ومغزلجي لكن بحدود .. وكمان انسان عصبي ويتنرفز بسرعه ومتهور للغايه**






================================================== ===============







وقفت قدام المرايه تطالع في شكلها وتكلم نفسها وتقول: اقصه كيف .. قصة فيكتوريا حلوه بس ما ابي وقصة الفراوله حلوه بس مررره قديمه .. آآآه نفسي اقص إيمو بس ما اتوقع احد بيوافقني الرأي.. إلا يمكن فارس لأنه طيب .. او اقص بوي احلى ... لا عاد هذه محد راح يوافق حتى فروس ..
فدخلت وحده للغرفه وقالت: اسيلوه وويع .. متى بتنزلي ..؟!
فلفت اسيل وقالت: ياسبحان الله ريما المغروره تناديني ..
ريما بغرور: ترى موعشان سواد عيونك طلعت بس عشان كنت ابى آخذ كتبي عشان الحق على الجامعه يااستاذه ..
اسيل: وش اللي ياب كتبج لغرفتي ..؟!
ريما: انا .. وبسرعه ترى فيصل ماراح ينتضرج ...
اسيل: يصير خير ...
فأخذت ريما كتبها وشوي صرخت فجأه .. فلفت عليها اسيل وقالت: ايش فيج ..؟!
فقالت ريما بدلع: باجي ثلث ساعه بس على محاضرتي بعدين الدكتور ماراح يدخلني الكلاس ويكتبلي غياب ..
اسيل: احسن ..
ريما: وات إيفر خله يكتبلي غياب إيزي ...
اسيل: احسج داخله الجامعه وناسه بس .. مو عشان دراسه أو تخصص ..
ريما: وأنتي وش عليج .. انتي اللي دفعتي ولا دادي ... لا تدخلي فيما لا يعنيج يا استاذه ...
فدخل فارس مستعجل يقول: وينكم .. فيصل مره معصب.. حيروح ويخليكم ...
اسيل: لا لا لا نازلين نازلين ..
فارس: طيب بسرعه ....
فقالت ريما بنذاله: اقول شكلي ببطل ماني رايحه الجامعه ...
فارس: لا ريما لا تقولي كذا بالله تعالي .. الجامعه ماهي حلوه بدونك .. أقسم بالله ان منصور بيينني ...
ريما برقه: ومين منصور هذا ..؟!
فارس: خويي في الشله .. اذا ياء يوم وماشافك ينهبل ..
اسيل: من زود الجمال والاخلاق عشان ينهبل ..
مسكت ريما خصلات شعرها وقالت: واااه كل هذا غيره مني ...
فنضرت فيها اسيل بأستخفاف: وانت يافارس لا تمدحها وتصدق نفسها ..
فارس: عادي والله عادي ..
اسيل بعصبيه: لا مو عادي لا تمدحها فروس ..
فارس: اوكي اوكي خلاص لا تصارخي ..
ريما بقهر: فوفو ليه تسمع كلامها .. طنشها ..
فارس: والله احترت بينكم ما ادري اراضي مين ولا مين ..
اسيل: انا بالطبع لازم تراضيني بما اني التؤام حقك ..
ريما: اللي قاهرني الى الآن كيف تؤام وما تتشابهون ..؟!
اسيل: صج انج ياهله وما تفهمي .. ماقد سمعتي بتؤام غير متشابه .. ولا مادرستي هذا الشي ..؟!
ريما: خلاص وإذا تؤام انا اختك الكبيره ولازم تحترمني .. لحضه كيف خويك ينهبل علي وانا في ثالث يعني اكبر منه بسنتين ...
فارس: إذا كان على منصور فهو عايد السنه ثلاث مرات .. مره في المتوسط ومره في الثانويه ومره في الجامعه..
ريما: ماشاء الله هذا يمشي بالتسلسل ..
فارس: لا تضنين برفيجي ضن سوء تراه بس معجب فيج يعني مايحبج ..
ريما بدلع: جذا ولا جذا ما كنت راح اطالع فيه ..
اسيل بقهر: مغرورره ...
ريما: هههههههههههه شو صاير إلك ..
فارس بصدمه: ياالللله فيصل في السياره من زمان اقسم بالله حيقطعني ..
اسيل بخوف: لا مصيبه ياللا بسرعه ...
ريما بأبتسامة خبث: انا ماني رايحه.. كلوها انتم هههه ..
اسيل بعصبيه: نذللله مأخرتنا وتتركينا .. ياللا يافارس ..
فارس: هيا ..
ونزلوا بسرعه وما اكلت اسيل الفطور حقها ولمن خرجوا ...
لقوه متكي على السياره وإيد في جيبه والإيد الثانيه يدخن فيها بعصبيه .. ارتجفوا من الخوف فقالت اسيل: الوضع مايبشر بخير..
فقال فارس: اسمعي خلينا نمشي عادي ولا كانه صاير شي واذا سالنا ليشت اخرتم نقول .....
فقاطعته اسيل: هذا إن ترك لنا فرصه ندافع او نتحجى ..
فارس: معاج حق بس المهم نقول له ان سمح لنا .. ان ريما طاحت علينا دايخه فوديناها لسريرها ورشينا عليها الماي ومن هذا الحجي ..
اسيل: اوكي خلنا نتحرك ...
فمشيوا واول ماشافهم فيصل رمى السيجاره على الارض وداس عليها وقال: بدري يادياي << دجاج <<
فارس: ا ا اه اهلا فيصل...
فيصل: لا ولكم ويه تتكلمون بعد...
اسيل بخوف: انت ماتعـ....
فقاطعها بعصبيه: انتي سكتي ولا كلمه ... اسمع انت وياها ادخلوا السياره ولما ارجع لي حساب آخر معاكم .. ادخلوااا ..
هزوا رؤوسهم بخوف ودخلوا فارس قدام جنب فيصل واسيل ورى ... ركب فيصل وقال: وين ريما ..؟!
فقال فارس: ماهي رايحه ..
فطالع فيه فيصل وقفل باب السياره بقوه..
فقال فارس بتردد: بالهداوه يا فيصل ...
طنشه فيصل وما كلمه وشغل السياره وانطلق .. وفي الطريق.. تذكرت اسيل شي فقالت: فيصل ممكن توقف عند سوبرماركت .. موبايلي مافيه شحن وابى بطاقه ..
فيصل: ياسلام توج تتذكرين وينج من أول .. مافي ..
اسيل: الله يخليك يافيصـ..
فقاطعها بعصبيه: قلت لا يعني لا .. ماتفهمي ولا ديايه ماعليج شرهه ...
نزلت راسها بهدوء .. هذه مو اول مره .. دايم يخاصمها على أي شي .. والمشكله انها ما تعرف ليش ..
التفت فارس ورى يشوفها فلقاها منزله راسها ..حزن من قسوة اخوه عليها ..
التفت ناحية اخوه وقال: فيصل .. ممكن توقف عند السوبر ماركت .. نسيت حاجه وأبى اخذها ..
فيصل: وينك من امس ..؟!
فارس: ما ادري نسيت وكمان كنت مشغول ..
فوقف فيصل وقال: اخلص وتعال بسرعه ما ابى أتأخر عن دوامي في الشركه ..
فارس: حاضر ...
ونزل.. فطالعت اسيل في فيصل وقالت: طيب ليه ما ....
فقاطعها: لانج مهمله وفارس هذه اول مره ينسى شي مو زيج كل مره ..
فطالعت فيه وقالت في نفسها: "بجدانت غريب يا اخوي .. مو قادره افهمك ابدا .. اللحين ابي افهم شالفرق بيني وبين فارس عشان تعامله احسن مني" ..
دخل فارس السياره وقال: ها تأخرت ..؟!
طنشه فيصل وحرك السياره ومشى .. بعد فتره وصل الجامعه .. فنزلت اسيل على طول من السياره .. وبعدها نزل فارس .. وراح فيصل ..
فلحق فارس بأسيل وقال: اسيــــل ...
فلفت بأبتسامه وقالت: هلا ..
فارس: انتي زعلانه من اخوي ...
اسيل: لا من قال .. انا السبب المفروض اني ما انسى ماعليك ..
فارس: طيب اسيل خذي اشتريت لك بطاقه شحن اعذريني انها بسيطه .. بس مامعاي فلوس تكفي ...
فطالعت فيه اسيل بأمتنان يا كثر تحب هذا الاخو: لا يافارس ليه سويت جذي انت الان ما معاك مصروف ..
فارس: عادي مصروفي فداج ..
اسيل: فارس انا ماراح اخذها لأنـ....
فقاطعها وقال: اسيل خلاص اشتريتها وكمان الاخ مايرد أخوه .. هيا خذي اعرفج عنيده .. بس مو عليه .. وخلصيني ترى وراي محاضره بعد عشر دقايق ..
اسيل: اوكي وشكرا .. وراح اعطيك مصروفي لانه ماصار عندك مصروف ..
فارس: نعم وانتي من وين يكون عندج مصروف .. ماراح اخذه الا إذا قسمناه النص بالنص .. ماعندي حجي غير هذا ..
اسيل: لو اموت اقنعك ماراح تقتنع .. ياللا خذ ..
فاخذ وقال: ياللا باي ..
وراح .. فطالعت فيه وراحت ناحية صاحباتها ...
لين بدفاشتها المعروفه نطت على اسيل وقالت: هاااااااااااي ..
ارتعبت اسيل ولفت ناحيتها: الله يشيلج كم مره قلت لج لا عاد تنطي جذا وكأنج في المتوسط مو بالجامعه ..
لين: يعني إيش لازم اكون ماشيه بطريج مستقيم واكون هاديه وجديه ارفع نضارتي الطبيه ومعاي الكتاب والقلم ادخل دغري على الكلاس واتكلم قليلا وبحكمه وارفع راية العلم نور والجهل ظلام ..
ضحكت اسيل على هبالتها وقالت: الله يصيبج يا .. لحضه انتي لين ولا ليان ..
ضحكت لين بصوت عالي ..
فقالت اسيل معصبه: لاتضحكي لأني بجد ما اقدر افرق بينكم مع انكم رفيجاتي من زمان ..
ولين إلى الآن مكمله ضحكها ..
اسيل: خلاص خلاص عرفتج انتي لين صح ..؟!
فجوا صحباتها الباقين فقالت سارا: غريبه تأخرتي اتوقعناج غايبه ... وهذه شفيها تضحك ..
لين: لا لا مافيني شي وانتي كيف عرفتي اني لين غريبه ..
اسيل: لأن ليان في كلاس اخوي فارس وقالي فارس انه عنده محاضره بعد عشر دقايق هذا يعني انها في الكلاس .. وبعدين ليان اهدأ منج شوي وشعرها طويل ..
ندى: لحضه لايكون إلى الآن يا اسيل ما تفرقي بينهم ههه ..
سارا: لا لا ما اتوقع هههههه....
اسيل: ما اهتم اضحكوا على راحتكم ...
فجلست على الكراسي وطلعت جوالها وبطاقة الشحن عشان تشحن واول ماشافتها لين صرخت: لاااااااا .. بطاقة شحن مو معقول ...
فسحبتها من يد اسيل فعصبت اسيل وصرخت: لينوووووه وويع رجعيلي البطاقه الحييييين يا حماره ..
فضحكت لين وقالت: لينوه وحماره .. اجل تحلمين .. في المشمش يا ماما ..
فقامت اسيل تبغى تاخذها بالغصب لكن مو على لين المصارعه على قولتهم ..
اسيل: ليييين هاتها ...
لين: قلتلج في المشمش اول شي اعتذري الآآآآآآآآآن ..
اسيل وهي تحاول اخذها: مابي هاااااااات ..
لين: سارا خذي ..
ورمتها ناحية سارا فأخذتها فقالت اسيل: سارا يا حياتي هاتها ابي اشحن ...
سارا: نو نو نو مستحيييل يا بابا .. الحين معاج بطاقة شحن وتبخلينها على رفيجاتج ..
اسيل: الله يلعنكم بالصعوبه يتني تضاربت مع اخوي عشانها .. خذوا اي شي إلا هي .. هاااات ..
وجت عند سارا بتاخذها فرمتها على لين .. وندى تطالع فيهم وتضحك لأن هي بطبعها هادي ..
اسيل بعصبيه: حيواناااااااات ..
لين وسارا: هههههههههههههه ..
اسيل: ملاااااااعين الله يخليكم ابياها ..
لين: سارا امسكيها عدل على ما اشحن ..
اسيل طارت عيونها: نععععم ..
سارا: من عيوني ...
ومسكتها ... واسيل تصارخ وتدف وتسب وهم يضحكون ..
لين بفرح: الللللله شحنت ...
اسيل بصراخ الدنيا كلها: حيواااااااااااااااااااااااانـــــــــــه...
الكل: ههههههههههههههههههههههههه...
فلف على ناحيتهم ولد كان جالس من اول بالمقاعد وقال بعصبيه: انتم ماتعرفون تسكتون ..
وقفوا عن الضحك والصراخ ولفوا ناحيته فقال: ماني قادر اركز من صراخكم حتى ان نص الجامعه تطالع فيكم ..
فلفوا فلقيوا ان معضم الطلاب يطالعون فيهم فقالت سارا: فشيله ..
فقام الولد وراح وهم يطالعون فيه فلفت لين ناحية الطلاب: خييير .. وش تطالعون .. سينما يعني .. ياللا كل واحد يقلب ويهه على ورى ياللا ..
فلفوا الطلاب اللي يضحك واللي يبوس يده ويقول الحمد لله والشكر واللي طنش الامر كله ..
اسيل: كله بسببكم يا حيوانات خسرتوني بطاقة الشحن وفشلتوني جدام الناس .. جلاااب ..
فراحت وخلتهم وهي معصبه للآخر ...


** اسيل عبد الرحمن الرملي في اولى جامعه حبوبه وطيوبه وحلوه وملامحها تجذب وعيونها رصاصي وخطييييييييره بس عصبيه واكثر واحد تحبه من اهلها اخوها فارس وهو كمان طيب ويحب اسيل كثير عكس ريما الحلوه مررره ومغروره مررره وشايفه نفسها وتهتم بنفسها كثير .. وفيصل اللي في 26 من عمره ويشتغل في الشركه وما يحب اسيل ابدا وهم يعيشون في بيت متوسط وماهم اغنياء مره**


التوقيع
هِـيْ صَفْحَهہ♡ وإإنْطَؤتْ
هِـيْ ذِگــْرَىٰٓ حِلْوهہ♡ و إإنْتَهہتْ !



اضغط هنا لتكبير الصوره
ابتسم رغم دموعي غير متواجد حالياً   رد مع اقتباس
قديم 08-27-2013, 01:40 PM   #2
امبـراطور المنتـــدى
 
الصورة الرمزية الكاتب عمر
 
تاريخ التسجيل: Jul 2011
المشاركات: 19,165
مقالات المدونة: 3
معدل تقييم المستوى: 29
الكاتب عمر will become famous soon enough
افتراضي


بارت اول لايخلو من الجمالية الطاغية
قرأت جزء كبير منه ولي عودة لِ اكمال ماتبقى
بانتظار البارتات المتبقية
لاحرمنا منكِ يانقية
تحاياي


0 علاقة فيتامين b12 بالتعب
0 5لاعبين يجب رحيلهم عن أنديتهم قبل إغلاق سوق الانتقالات
0 مانشستر سيتي يعبر إلى دور ال16 في دوري الأبطال بفوز ساحق على سسكا موسكو
0 بـــلـــدة بــــــان بــــــــان الالــــمــــانــــيــة
0 كارديف يضم التشيلي ميديل لاعب اشبيلية مقابل 11 مليون إسترليني
0 ايفرتون يصف عرض يونايتد لضم فيلاني وباينز بالمهين
0 استبعاد نهائي لعشرة مرشحين من سباق الرئاسة ومرسي مرشحا لجماعة الإخوان
0 كاريكاتير
0 تـبـديل الــأدوار
0 مولر انا سعيد لان ميسي حطم رقمي
0 Ocelot
0 باصات المدرسة في اليابان
0 إبراهيموفيتش مهاجماً ميسي : أي رقم قياسي مع كل ضربات الجزاء هذه؟؟
0 أوزفالدو يهاجم جماهير روما!
0 Ambassador III class
التوقيع
الكاتب عمر غير متواجد حالياً   رد مع اقتباس
قديم 08-27-2013, 01:57 PM   #3
::نـائب المدير العام::
 
الصورة الرمزية سمية ناصر
 
تاريخ التسجيل: Oct 2011
الدولة: سلطنة عمان
المشاركات: 30,154
مقالات المدونة: 3
معدل تقييم المستوى: 10
سمية ناصر will become famous soon enoughسمية ناصر will become famous soon enough
افتراضي


بداية مشووووقة كثير

إن شاء الله بتابع الرواية على طول

مشكورة حبيبتي على الطرح الراقي


0 قدموا لي الهدايا قبل التهاني هههههه
0 مكيالك يكال لك
0 دراسة علمية عن اصل التقويم اليهودي ومكوناته
0 طائر الأمازون الملكي
0 نتائج حملة تنشيط المنتدى [الأقسام الإسلامية]
0 يا زلمة ليش صاير محترم ؟
0 المواضيع المكررة
0 لنعيش بجوهر صادق وبمظهر جميل
0 للرجال: لبناء عضلات أكبر وأقوى.. تجنب هذه الأطعمة
0 الصومال يطالب بدعم دولي متنوع لمحاربة حركة الشباب
0 الذكرى المنسية
0 لا يا أفلاطون
0 الأسد يؤدي اليمين الدستورية رئيساً لولاية من 7 سنوات
0 أسطورة ( ايبو كوكو )
0 عزيزي .. تعلم كيف تتعامل مع الشعر الدهني
التوقيع
‏- لست أدري كيف جعلتُ شخصاً تافهاً يمتلكني ..
- لا عليك، لم يعد تافهاً بعد أن امتلكك ..

سمية ناصر غير متواجد حالياً   رد مع اقتباس
قديم 08-27-2013, 02:02 PM   #4
-||[عضو VIP]||-
 
الصورة الرمزية ابتسم رغم دموعي
 
تاريخ التسجيل: Aug 2010
العمر: 25
المشاركات: 5,783
مقالات المدونة: 1
معدل تقييم المستوى: 15
ابتسم رغم دموعي is on a distinguished road
افتراضي


اقتباس
المشاركة الأصلية كتبت بواسطة عــمــــرآلبــــــغدآدي اضغط هنا لتكبير الصوره
بارت اول لايخلو من الجمالية الطاغية
قرأت جزء كبير منه ولي عودة لِ اكمال ماتبقى
بانتظار البارتات المتبقية
لاحرمنا منكِ يانقية
تحاياي
شكراً لمرورك الرائع

نورت


التوقيع
هِـيْ صَفْحَهہ♡ وإإنْطَؤتْ
هِـيْ ذِگــْرَىٰٓ حِلْوهہ♡ و إإنْتَهہتْ !



اضغط هنا لتكبير الصوره
ابتسم رغم دموعي غير متواجد حالياً   رد مع اقتباس
قديم 08-27-2013, 02:04 PM   #5
-||[عضو VIP]||-
 
الصورة الرمزية ابتسم رغم دموعي
 
تاريخ التسجيل: Aug 2010
العمر: 25
المشاركات: 5,783
مقالات المدونة: 1
معدل تقييم المستوى: 15
ابتسم رغم دموعي is on a distinguished road
افتراضي


اقتباس
المشاركة الأصلية كتبت بواسطة صمتي قاهرهم اضغط هنا لتكبير الصوره
بداية مشووووقة كثير

إن شاء الله بتابع الرواية على طول

مشكورة حبيبتي على الطرح الراقي
تسلمين

اسعدني مرورك ❤


التوقيع
هِـيْ صَفْحَهہ♡ وإإنْطَؤتْ
هِـيْ ذِگــْرَىٰٓ حِلْوهہ♡ و إإنْتَهہتْ !



اضغط هنا لتكبير الصوره
ابتسم رغم دموعي غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
العدل والظلم(2)العدل والظلم في ميزان الإسلام(16)الأملاك والأموال العامّة والخاصّة ع اللحيدان المنتدي الاسلامي (الشريعة و الحياة) 41 04-18-2014 09:04 AM
العدل والظلم(2)العدل والظلم في ميزان الإسلام(15)الأملاك والأموال العامّة والخاصّة ع اللحيدان المنتدي الاسلامي (الشريعة و الحياة) 42 04-18-2014 09:04 AM
العدل والظلم(2)العدل والظلم في ميزان الإسلام(14)الأملاك والأموال العامّة والخاصّة ع اللحيدان المنتدي الاسلامي (الشريعة و الحياة) 41 04-18-2014 09:03 AM
العدل والظلم(2)العدل والظلم في ميزان الإسلام(13)الأملاك والأموال العامّة والخاصّة ع اللحيدان المنتدي الاسلامي (الشريعة و الحياة) 42 04-18-2014 09:02 AM


الساعة الآن 10:53 AM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.