قديم 04-26-2008, 06:27 PM   #1
-||[عضو VIP]||-
 
تاريخ التسجيل: Jan 2007
المشاركات: 5,084
معدل تقييم المستوى: 13
ih_sun is on a distinguished road
افتراضي كلمات شعر حامد زيد


كلمات شعر حامد زيد قايد قصائد الشاعر حامد زيد

للي يبغي كلمات القصايد

1: الذهب

يا كثر مـا رافقـت خـلان واحبـاب
ويا كثـر مـا فـي شدتـي هملونـي

على كثر ما أعدهـم ستـر وحجـاب
على كثـر مـا احتجتهـم واتركونـي

من صارت الخوه ثمن حفنـة تـراب
نفس الوجيه اللي نصوني... نسونـي

من غير ذكر فروق، وعروق، وأنساب
كانـوا ثلاثـة ...والثلاثـة جفونـي

علمتهم وشلـون الأهـداف تنصـاب
ولما سواعدهـم قـوت... صوبونـي

عشاني أصغرهم عمر صاروا أحـزاب
عشانـي اصدقهـم قصيـد اظلمونـي

اللي نجاح اسمي زرع فيهـم أنيـاب
حتى النصيحة مـا بغـوا ينصحونـي

دام العطايـا عندهـم ديـن وأتعـاب
والله لو أطلـب ذنبهـم مـا عطونـي

طالب نصيحة، كنـي طالـب أرقـاب
وهي نصيحة؟!كيـف لـو زوجونـي؟

كنت أكتب لنفسـي مشاريـه وعتـاب
ولا ادري إن اللي قروني... قرونـي

تضاربت من دونـي عقـول وألبـاب
واجد بغوا غيري... وواجـد بغونـي

أقفل هدب... تسهر على شعري أهداب
كني حبسـت إرقادهـم فـي جفونـي

لو شفتهم واحد... يشوفوني اسـراب
مـن ويـن مالـدوا نظرهـم لقونـي

أثري وجودي بينهم محرق أعصـاب
ومزعل بعضهم من بعض لو طرونـي

يا كبري بعينـي وأنـا تونـي شـاب
واهـم كتـاب الشـعـر حاربـونـي

حتى ولو يهوي على نجمـي شهـاب
يكفينـي إن إسمـي كبيـر بعيونـي

كد قال ابوي: ان هبتهم قول: ما هاب
لو يقدرونـك قـول: مـا تقدرونـي

مادام قبـري محتضـن راس مرقـاب
علـى كثـر مـا تقـدرون ادفنونـي

لو ماني بذيب إنهشت عظمـي ذيـاب
لو ما عرفت اثبـت وجـودي لغونـي

لو ما سكنت وجيههـم مـت بغيـاب
لو ما قدرت أمحـي ورقهـم محونـي

أصبحت الأصعب لأنهم كانوا اصعـاب
جننتـهـم مـثـل مــا جننـونـي

ماجيت أبدبل كبدهـم شعـر وخطـاب
ليـن أدبلـوا كبـد الـذي خلفونـي

يا ويل وجهـي كـن للدمـع مخـلاب
ما جف ماه ولا استحى مـن طعونـي

كل ما طرالـي منظرمريـب وأرتـاب
كان الوحيـد اللـي يحـرك شجونـي

قبلة صلاة،وذكر، وخشـوع، وكتـاب
وأمي علـى سجـادة النـور دونـي

تدعي لي الله يفتـح بوجهـي أبـواب
تتوسلـه بالشـده يـكـون عـونـي

من كثـر مـا خفاقهـا بالدعـاء ذاب
صارت تحس إن زمـلاي اكرهونـي

بشرتها: يمه معـي ربـع وأصحـاب
مانـي لحالـي واجـد اللـي يبونـي

من يوم ما حاز قلمـي كـل الالقـاب
قلطتهـم فـي دفتـري واحفظـونـي

الله وهبنيهـم بنـي عـم وأجـنـاب
من يوم جيت اعجبتهـم واعجبونـي

واعجابهم فيني ما هو بأيـه اعجـاب
باسلوبي، بشرحي، بطرحـي، بلونـي

لوقلت عن نفسي( بشر)..صرت كذاب
لو قلت : ( دمي من ذهب) صدقونـي

لو بكيفهم كان ازرعوا دربي أعشـاب
لوبيـدهـم يتشبـهـون اشبهـونـي

من كثر ما صاروا من طبوعي اقـراب
حتـى بلبسـة شمغـهـم قلـدونـي

واجد دعوني واغلقوا دونـي البـاب
واكثار ناس أبكـي لهـم مـا بكونـي

لوطالـوا لهدمـي مناسيـب وأطنـاب
كان وغلاتك مـن زمـان اهدمونـي

مدام حطـوا فينـي عيـوب وسبـاب
جنبـت عنهـم مـثـل ماجنبـونـي

أصلا لـو أن بخوتـي شـي ينعـاب
ذبحـت نفسـي قـبـل لايذبحـونـي

أنا يدي لـو ماكسـت متنـي ثيـاب
نذر ٍ على لقطع يـدي مـن متونـي

موعيب أجي مدعو ولا أشوف ترحاب
العيب لـو إنـي رجعـت إن دعونـي

مادمت اجي ولا يحسبون لى حسـاب
حرمـت اروح اذا يبونـي يجـونـي





بعد ماقابلتني عاتبوها

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي قرّبوها

وأنا ماتعّبت قلبي خيانه

خيانه رتّبوها وأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي وأزيله

وأخرّبها مثل ماخرّبوها

وأذوّقهم ندم ماصار فيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا لأبوها


ih_sun غير متواجد حالياً   رد مع اقتباس
قديم 04-26-2008, 08:37 PM   #2
-||[عضو النادي الملكي]||-
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 23,842
مقالات المدونة: 48
معدل تقييم المستوى: 30
$$$ الحب الخالد $$$ is on a distinguished road
افتراضي


الله الله عليك اخوي ساري

بالفعل انا احد محبي حامد زيد

اشكرك من اعماق قلبي

تقبل مروري وتقديري لنقلك الموفق


0 إرادة رجل روايه سعودية كامله 7/ 8
0 حزب الله يتحدث عن مواجهة فعلية بعد رسو المدمرة كول قبالة السواحل اللبنانية
0 معلمة اللغات (( ذكرى )) تحت المجهر
0 ديوان الشاعره البحرينيه لولوه الخليفه
0 انتخابات الرئاسة المصرية 2011
0 غصن الارك
0 ديوان لحن المشاعر ‏ - اميره المصري ( ليالي 111 )
0 بيتزا كودو حركه جديدة وطعم لذيذ
0 المملكه العربيه السعوديه عبر التاريخ - القديم - الجديد - المعاصر
0 العلاقه بين مدينتي صور العمانيه وصور اللبنانيه
0 لي لي في دائرة الضوء
0 النجيمي وعائشه الرشيد
0 دعوة الى حوار ادبي
0 اطياف من الصغر الى الكهوله
0 الابراج ( الحب الخالد - ليان الاموره ) لي راي
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره
$$$ الحب الخالد $$$ غير متواجد حالياً   رد مع اقتباس
قديم 11-18-2009, 07:39 PM   #3
-||[عضو فعال]||-
 
تاريخ التسجيل: Nov 2009
المشاركات: 10
معدل تقييم المستوى: 0
فطوم علوم is on a distinguished road
افتراضي


و الله حامد زيد طررررررررررررر
تسلم أخوي ساري


فطوم علوم غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الصداقه من اقوى العلاقات \\خاالد وبندر\\ انفاس الورد منتدي القصص و الحكايات - الأدب الشعبي 2 09-05-2008 02:50 AM
لي صاااحب صبيت له دمي فكوووب00000000 انفاس الورد منتدي القصص و الحكايات - الأدب الشعبي 2 01-24-2008 03:56 PM


الساعة الآن 06:41 PM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.