مسجات مواساه و عزاء

[ساري]

مسجات مواساه و عزاء مسجات مواساه و عزاء

اليوم بدلنا الأسامي و الأنساب
وصرنا نسمى عقب أبونا اليتامى
اليوم يبقى الحزن و دموع تنساب
و هموم أثقل من جبال التهاما
و تغلقت بوجوهنا كل الأبواب
نشوف كل الكون بعده عتاما




الرياض نجد و أطراف الجنوب
و البحر في شرق الأرض و غربها
و الشمال اللي يذعذع بالهبوب
عقب أبوفيصل تزايد كربها





به وطن به شعب به عـز وفـضـيـلـه
تكتـسـي مـن هـيبته ارض الـرسالـه
سيّدي نـور الجزيره مـن مـثـيلـــه
شيــخهــــا شـيخٍ حكمها بالعـداله
سيّدي يا اشراقة النـــور ودلــيلــه
من صفـاتك يكتـسـي شعـري جـزالـه
يكفي انك نادرٍ مــن بيــــن جـيـله
لك ثنـــا الـتاريـخ يــا عـطر احتفاله
يكفي إن حماك ظـل لمن يــجيـلـــه
فيـه يـامــن قـبـل يشرح لك حوالـه
يكفي ان الجود كنزٍ تــرتـكـي لـــه
فـي مـبـاديــك الـرفيعه والاصالـه
ويكفي انك من جعل عـمره وسـيلـــه
لاشـرف الـغـايات وانـبل ماسعى لـه





حـبيب مـكه والمشاعروطيبه
يـامؤمنٍ يـسكن بقلبك حرمها
هـذا الـحبيب اللي يدّلل حبيبه
بـاِمان قـلبه هالمساجد خدمها
كـف الفهد من كل مسجد قريبه
الله لـفعل الـخيركفه قـسمها





وا فهدنا والجـرح كبْـرت خطايـاه
وا فهدنـا والحـزن شبّـت لياليـه
وا فهدنـا والهـم نـوّخ مطـايـاه
على صدور اليتْـم والفقْـد والتيـه
ترعى شرايين الوله عنـد طريـاه
تلتح من عروق العتب والمشاريـه
مااجتمعت الاقوام بادنـى سوايـاه
يوفيـه شعـر ٍ ذاهـلات ٍ قوافيـه
وا فهدنا والكـون ضجـت ثنايـاه
واسرف فجور النار ينهش بواقيـه
لو يفتدى راس الأمم طاحـت فـداه
لو يفتدى فهد الفـدا كـان نفديـه
وقْفَت نهايات الفخـر عنـد مبـداه
الممطر اللـي قبّـل الغيـم أياديـه




ينعونك الشعب السعودي وينعـاك
الامة اللي عطف نفسـك وصلهـا
لومت يبقا فعـل يمنـاك ذكـراك
يمنن جزيـلات المكـارم عملهـا
يالله عسى الفردوس دارك ومثواك
يامن متاعب كـل شعبـه حملهـا





فجيعة هـزت الدنيـا مجلجلـة ** البحر أفصح عنها قبـل ناعيهـا

ترجّل الفارس المقدام في زمـنٍ ** شحَّ الفوارس واختلّت أساميهـا

قد مات شيخ شيوخ الأرض كلِّهمُ ** فصاحت الأرض تبكي فقد بانيهـا

قد مات خادم دين الله فـي دعـةٍ ** كأنما روحـه اشتاقـت لباريهـا

قد مات ماسح دمع الطفل في يده ** نبع اليتامى اذا شحّـت سواقيهـا

قد مات من تنبت الأزهار في يده ** والمزن تنشده أشجـى أغانيهـا

فهدَ العروبة قـد فارقتنـا نَظِـراً ** فاذهب إلى جنةٍ قد طاب ناديهـا

كم من نفوسٍ أذاب البؤس فرحته ** اأفنيتَ وقتك في صمـتٍ تداويهـا