قديم 08-04-2014, 06:09 PM   #6
-||[عضو فعال]||-
 
الصورة الرمزية حرف لاذع
 
تاريخ التسجيل: Aug 2014
المشاركات: 48
معدل تقييم المستوى: 0
حرف لاذع is on a distinguished road
افتراضي


أحمم أتمنى أحصل ردود لأني نزلتها ‏
وتوهقت أحاول أمخمخ وأكملها للنهايه
‏‏^‏‏^ ملاحظه اللي قلبه ضعيف لا يقراها ‏
بعدين يدعي علي ‏‏^‏‏_‏‏*‏


حرف لاذع غير متواجد حالياً   رد مع اقتباس
قديم 08-05-2014, 06:16 AM   #7
-||[عضو فعال]||-
 
الصورة الرمزية حرف لاذع
 
تاريخ التسجيل: Aug 2014
المشاركات: 48
معدل تقييم المستوى: 0
حرف لاذع is on a distinguished road
جديد رد: روايتي الأولى جمر الفراق بقلمي أنتهينا


] الجزء الثالث
في الصباح ركبت ريم مع سلطان بالسياره عشان يوصلها ويدخل معاها المدرسه‎ ‎ كانو متأخرين ولمن دخلوا توجهوا للإدارة
وقبل مايدخل مسكت يده ريم :" لا تعصب مني سلطان إذا صار شيء وتذكر أنت .....قلت بالصح وبالغلط".................أبتسم سلطان وتوتر حس أنه بيكتشف شيء عن ريم ................................بعد السلام قالت له المديره:" تفضل ..............وش تقرب لريم ؟"
.....سلطان:"زوجها"
.......المديره ناظرت ريم نظرة إحتقار ....أرتبك سلطان لنظرتها وتفاجأ بنظرة ريم العدوانيه لها .

........المديره :" للأسف أن ريم تدهورت دراستها .....لمن دخلت المدرسه كانت ذات صيت عالي ومن المتفوقات........إلا أنها في الفتره الأخيره صارت تغيب كثير بدون عذر ......وتتهاوش مع المعلمات.....
وتتعمد تأذي الطالبات وشكاوي المعلمات منها تزداد .....وسرحانه في الحصص .....
لا تحل الواجبات ولاتشارك مثل أول ....وأخر شيء قبل ثلاثة أيام لمن تضاربت مع البنات الثلاث
...وكانت تتفاخر بين البنات بفعلتها وتحرض الطالبات ع ذا الشيء .....عشان كذا فصلتهم مؤقت ثلاثة أيام عن المدرسه عشان ماتتكرر الحركه وكمان تطاولها علي بالكلام .....وعدم إحترامها لأحد والرجاء النظر في حالتها فما قولك؟"



.
.
.
كان سلطان مصدوم صدمة عمره في ريم ويتسائل عن السبب ليش ياريم؟ليش ......تذكر أنه قال بالصح وبالغلط وريم غلطانه يقوم يصرخ عليها ولا يحاول يكون ودي يشوف وش مشكلتها بالظبط .....جمع شتاته وناظر المديره :" بإذن الله مايتكرر شيء من اللي قلتيه ......وريم كانت تعاني ظروف خاصه وإن شاء الله تنحل الأمور"...........
ناظرته المديره بشك :" أوكي مع الرجاء توقيعها ع تعهد مثل ما وقعوا البنات ع تعهد"..........وقعت ريم ع مضض وخرجوا من الغرفه

ناظرها سلطان بقهر أخفاه " ريم كوني عاقله ......وأنسي كل شيء...صار حصل خير أوكي".

......هزت راسها بإيجاب أكمل:" بس أنتظر منك تفسير للي قاعد يحصلك"........
أشاحت ريم بوجهها عنه .......ودعها سلطان وراح جامعته وهو سرحان بريم وتصرفاتها......................................... .................................................. .................................................. .........


رجعت ريم لفصلها وخاصه ساره ماتغيرت ريم بشيء ............طول الحصه سرحانه في اللاشيء هواجيس ومخاوف كبيره مالها حد .......هي للحين ماتدري سبب اللي يصير لها وزعلانه من نفسها كثير ع جرح أحبابها تذكرت أمها وجرحها لها وقررت اليوم تتسامح منها .....................

معلمة الرياضيات يأست منها وتحسرت ع خسارة طالبه مثل ريم اللي كانت متفوقه .........في حصتها وتنافس بدريه الثانيه ع الفصل ........كانت ريم راح تكون الثانيه ع الفصل لكنها تراجعت .............

ومرت الحصص والفسحه أجتمعوا البنات ومع سوالفهم أندمجت ريم ونست كل شيء ......ضحكت وسولفت وماتدري وش ينتظرها ....ولا من اللي يناظرها بحقد حست بنظرات حاره تلسعها ......

تلفتت شافت هند البنت اللي تضاربت معها قبل ثلاث أيام ........تذكرت المضاربه وكيف بدت ......كانت ريم في حصة e‏ سرحانه......أضطرت المعلمه إلى أنها تطردها من الفصل لأنها مستفزه ..........خرجت ريم ومع تحذير المعلمه لها من الحركه يمين ولا يسار ........وقفت ريم برى الفصل مؤدبه شوي.....؟قالت بنفسها بروح الحمامات أعدل شكلي وما راح أتأخر راحت وعدلت شكلها وأستهبلت مع نفسها تكلم المرايه ....رجعت مكانها واقفه بجنب الفصل لاحظت أن المعلمه ماحست فيها جلست شوي ....وقالت لنفسها أروح أشتري لي شيء أكله وأرجع بسرعه وماراح أتأخر ......راحت ريم شرت ووقفت تسولف مع الي تبيع في المقصف ...لمن قررت تطلع تذكرت المعلمه وصارت تركض بسرعه
صدمت في بنت بقوه طاحت هي والبنت ......
قامت البنت معصبه:" ماتشوفين ياعميه"
ريم بأدب :"معليش كنت مستعجله"

البنت:" صدق وقحه لا تراددين تعرفين من تكلمين يا.........."

شهقت ريم من كلام البنت وعصبت :" أحترمي نفسك "

البنت بسخريه :" سمعتوا قايز وش تقول؟"
ضحكوا البنتين اللي وراها مع أن أشكالهم غريبه كأنهم أولاد مو بنات لولا المريول كان قالت أولاد عن جد.......................
.طنشت ريم البنت وكانت تبغى تتخطاها دفت البنت ريم فطاحت ريم .....
عصبت ريم وأشتبكوا بالأيادي وألتف البنات حوله واللي مصفق لهم يشجع واللي تصرخ خايفه من منظرهم ......جت المديره وفصلت بينهم ودخلتهم الإدارة غصب ..............

المديره :" ممكن أعرف وش سبب هالفوضى......."وأنتهى الأمر بفصلهم مؤقت وإستدعاء ولي الأمر................................

هزت عبير ريم :" ريم ....ياااهو ...وين وصلتي؟"
ناظرت ريم بتشويش وتوها تنتبه أن الساحه فاضيه والكل رجع فصله أنحرجت من نظرات عبير ورغد لها ..............رجعت فصلها ...............وع نهاية الدوام .................................................. ...............................ركبت السياره

مع سلطان كان يناظر قدام بس رد السلام بخفيف
ريم:" أوف الجو حااار اليوووم"
سلطان لارد:"..........................."
ريم بإبتسامه :" يااااااهو ياااااعااااالم نحن هنا".........

ناظرها سلطان بنظره سريعه ولف بنظره ع الطريق
مع أنه كتم أبتسامته ع حركات ريم يعرف أنها قاعده تسوي أن مافي شيء حصل ......
لكن لا ماراح يسمح لها تغلط نفس الغلطه

وقرر يطنشها إلين مايشوف آخرتها ....تعترف ريم بغلطتها وتصلحها ولا لا ..................

أما ريم أنقهرت من سلطان عشانه طنشها شافته سرحان ومو حولها .....

مدت يدها وشغلت شريط المسجل وكان الصوت عالي لشيلة عنق المها .

....أنتفض سلطان وأنحرج .
...فطست ريم من الضحك .............
عصب عليها بعدين أبتسم مشكلته أنه مايحب يشيل بقلبه ع أحد وكيف إذا كان حبيبته وروحه ....ولكن لا لازم يقوي قلبه ........
لف وجهه قبل ماتنتبه ريم لإبتسامته وتتمادى .................................................. ....................



تدور الأرض و تدور السوالف و السنين تدور

وأنا لو أعرف اللي راح ماني بعرف الباقي

يقولون القصيد شعور و الشاعر بدون شعور

و أقول ******** إذا ماهو من أعماقي

أنا لو أكذب بشعري وقف نبض و يبس حنجور

و قادر أخسر الدنيا و عاجز أخسر أخلاقي

و لأجل عنق المها و الصوت الأدفى و العيون الحور

وقف عمري و لا أدري ويش أنا من وقفته لاقي

*****.. ما قبلك غياب و لا بعدك حضور

ولكن ودي بفرقاك .. لو ما ودك فراقي

تعاتبنا بما فيه الكفاية من ثمان شهور

و سالت دمعتين و طاح قلب و ماتت أشواقي

تعدتك المشاريه و جفاك اللوم و المستور

إذا ما يكشفه صوتي كشفه الحبر بأوراقي

تعبت أضحك على نفسي و أبرر لك و أعيش الدور

و تعبت أجامل ظروفك و أصدّق كذبك الراقي

يكفّيني أغيب و خافقي ما جاك منه قصور

و يكفّيك اتّذكّر كل ليلة .. لهفة عناقي

تذكّر يوم أخليك اتباهى كبرياء و غرور

يوم إني أتحدابك و أخيّب هقوة الهاقي

و تذكّر يوم أعذرك و انت لا صادق و لا معذور

أدور لك عذر و أصدقه .. و أكذّب أحداقي

و تذكّر يوم جيت من الحزن متضايق و مكسور

فرشت لك الضلوع و قلت لك.. : يا سيد عشاقي

خذ اضلوعي و ابن فيها يسار الصدر بيت و سور

ترى ما فيه قبلك من سكن صدري و خفاقي

و بعد هذا رحلت و لا بقى إلا بيتك المهجور

و ألا يا كبرها لا من رحلت و منزلك باقي




.................................................. ...................
وصلوا البيت نزلت ريم بسرعه وكالعاده رمت بشنطتها عند الباب الداخلي وركضت لغرفتها .......
هز راسه بأسى شكل ريم ماراح تتغير بيوم وتكوت راعية مسؤليه
................^^.................

)أنتهينا(


حرف لاذع غير متواجد حالياً   رد مع اقتباس
قديم 08-05-2014, 09:52 PM   #8
::نـائب المدير العام::
 
الصورة الرمزية صمتي قاهرهم
 
تاريخ التسجيل: Oct 2011
الدولة: في مكان ما على جزيرة العرب
المشاركات: 30,114
مقالات المدونة: 3
معدل تقييم المستوى: 10
صمتي قاهرهم will become famous soon enoughصمتي قاهرهم will become famous soon enough
افتراضي


تسلم دياتك يا مبدعتنا الراقية..

راح أقرأها بإذن الله. .

بوركتي يا نقية..


0 علامات الترقيم بالكتابه بالإنجليزي Punctuation
0 أزياء أنيقة للرجل الوسيم من ماسيمو دوتي 2015
0 كيف تعرف أنه هذي السيارة فيها شباب هههه
0 بلدة الفردوس بوأو
0 هزهزة الطفل قد تكون قاتلة!!!
0 أجمل قط في العالم
0 حملة تنشيط المنتدى [الأقسام الأدبية]
0 مسابقة أفضل رواية طويلة
0 سحلية تعزف على "جيتار" ورقة الشجر !
0 ثعبان أبيض برأس أسود
0 جمعية بريطانية تنفق 400 ألف جنيه إسترليني لفهم ما تريد القطط قوله
0 قميص محشو بالعضلات!
0 همس الإحساس..أهلا بكِ
0 أفضل 10 مناطق للجذب السياحي في سويسرا
0 طلب اجازة
التوقيع
‏- لست أدري كيف جعلتُ شخصاً تافهاً يمتلكني ..
- لا عليك، لم يعد تافهاً بعد أن امتلكك ..

صمتي قاهرهم غير متواجد حالياً   رد مع اقتباس
قديم 08-06-2014, 01:35 PM   #10
-||[عضو فعال]||-
 
الصورة الرمزية حرف لاذع
 
تاريخ التسجيل: Aug 2014
المشاركات: 48
معدل تقييم المستوى: 0
حرف لاذع is on a distinguished road
حصريا رد: روايتي الأولى جمر الفراق بقلمي أنتهينا


الجزء الرابع




من قمة احزاني تعلمت شيين **

الصمت و التفكير بيني و بيني

اصف كل اللي معي جاد صفين **

دايم هم اللي فالمصايب يميني

صفٍ اشوفه في عيوني لهـ اللحين **

والصف الآخر دايم الدوم فيني

آمالي اللي في عيوني من اسنين **

والذكريات الماضيه من سنيني

(للمنشد سلوم السلوم) ^^








مر يومين ع ريم وسلطان مطنشها

مشكلتها ماتحب تعتذر لأحد تشوفها مذله

ألتهت بدروسها ........بس طفح فيها الكيل

قررت تكلم سلطان تشوف وش مشكلته؟....

لييييششش مطنشها ليش؟

أووووف ليه مايتكلم معاها؟هذي مو حاله

أتجهت لغرفة سلطان وفتحت بابه بقوه

بحثت بنظرها بس ما كان موجود

نزلت لتحت دخلت المطبخ ^^

شافته ع طاولة الطعام ياكل فطاير معطي الباب ظهره

مشت بخفه غمضت عيونه بيدينها البارده

أبتسم بس مثل أنه ماعرفها

سلطان:" مين؟ أكيد هنوف" >>أخته

ضربت راسه من ورى ع خفيف

سلطان:" أممم أكيد نجود" >> بنت خاله خخخ

تنرفزت ريم وزعلت معقوله ماعرفها ؟....

ماعرف عطرها ولا حتى قلبه قال له ....أني حبيبته .....

سحبت يدها وخرجت بصمت من المطبخ

بلحظه لف سلطان راسه وماشاف أحد

قام ليكون تهيئ لي ؟......

خرج من المطبخ

أبتسم لمن شاف ريم تخرج من الباب لحقها بصمت

جلست في نفس مكانها .......جلس جنبها ماتكلموا

لحظه صمت وكل واحد يتأمل السماء .......

هبت نسمة هواء بارده....

خلتهم ينتفضون ع خفيف ناظروا بعض ثواني
.
.
.
.
.

فجأه أنفجروا ضحك هستيري بلا سبب ^^

‏"ههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههه"‏


اللي يشوفهم يقول مجانين

والشيء اللي متأكد منه سلطان أن ريم راح تقوده معها للجنون ....بعد ما هدئو

ريم بإبتسامه ‏ عريضه ‏:" طاح الحطب !!!"

هز راسه بنفي أختفت إبتسامة ريم

سلطان بعبط " أنا ما شلت عشان يطيح "

وأخيرا تراضوا ^^

.................................................. ....................

حاولت ريم تعدل من وضعها وتتجنب المشاكل

لكن كانت في أشياء غريبه تشوفها وأحيانا ماتتحكم بنفسها

كانت في مكانها المفضل المكان المهجور ورى البيت

فكرت تضيف له شيء يخليه حلو ومشرق ......بس تكيسلت ‏.......

أخذت قلم وورقه وكتبت

" أحيانا تصبح الحياه لي مجرد قاطره ضيقه ..........

ترمي بشررها بعشوائيه ‏ نحوي ‏......

أتخطاها أحيانا وأحيانا تصيبني بعاهه

تظل متمسكه بي تفقدني الحركه ........

أشعر بألم في قلبي لا أعلم سره

أتسائل مما أنا حزينه وكأنني أمرأه عجوز تتهاوى في مشيها ....

تتراقص كفيها هل أنا واهمه ومن اليوم فصاعدا لن ..........."

توقفت عن الكتابه لمن شافت دم ع الورقه .....

تستغرب من نفسها ليش لمن تكتب يصب خشمها دم ......

طوت الورقه بإهمال ورمتها بالزاويه

بحثت عن مناديل ما حصلت قامت

ودخلت البيت من الدرج الخلفي وصلت غرفتها

مسكت مناديل حطته ع خشمها

وأنسدحت عشان يخف النزيف ......

ناظرت السقف جاها إحساس بالنوم الثقيل

حاولت تقاوم النعاس ولكنه أقوى....

نامت .........‏(حلمت أشياء كثيره ملخبطه

شافت أنها في مكان خالي وكأنه المغرب أو بداية الصباح

لابسه لبس المجرمين المخطط أبيض ع أسود .....

وفي أحد مو باينه ملامحه يقودها للسجن

ناظرت نفسها بإشفاق ...مشيتها منكسره ......

أختفى الحلم لمن حست بالشلل المفاجئ

حاولت تقاوم صرخت بلا صوت ) ....

.وفجأه أنفتح الباب وأختفى كل شيء

جلست بسرعه وهي ترجف ناظرت بالباب ......
.
.
.
.
كانت نجود تناظرها بخوف :" معليش أزعجتك"

أشرت لها بعدم أهتمام وتكلمت بلكنه غريبه

ريم:" أبد بالعكس أنقذتي حياتي "

طيرت عيونها مستغربه :" أ.أ..أأ ...أحم الغدا "وراحت ركض

ضحكت ريم عليها وتوجهت للمرايه تشوف شكلها

ريم:" أعوذ بالله من الشيطان الرجيم"

ركضت للحمام غسلت الدم اللي جف وصار شكله بشع

لبست ملابس ساتره ونزلت لهم ......

كان الجميع ع الطاوله يتغدون جلست مقابل سلطان .....

أكلت بكل هدوء ولو أحد ركز للاحظ رجفة يدينها .....

وبعدها قامت الغريب أنها معد تسمع تذمراتهم منها

بعد أخر مره أنجنت عليهم .......

المهم رجعت الغرفه ومسكت الكتاب تذاكر

صعبت عليها مسأله في الكيمياء ........

أخذت كتابها وقلمها وأنتظرت ربع ساعه ع ما يخلصون غدا ......

.توجهت لغرفة سلطان ماكان موجود فيها

خرجت تدور عليه مالقته......

أخر شيء لقته بالمطبخ .....لحاله جالس بالظلام

ريم:" أنت هنا وأنا أدور عليك"

سلطان ما رد :".........................."

ريم :" سلطااان أبغاك تساعدني بالمسأله"

سلطان :" أوكي أسبقيني للصاله "

راحت ريم للصاله وجلست ........

مر سلطان من عند الصاله وطنش ريم ........

أستغربت لحقته تناديه ......ماألتفت لها .....

لحقته تبغى تمسكه فجأه ركض .....

ضحكت ريم:" ياسخيف قول كذا من أول "

ركضت وراه وهي تضحك إلين المكان المهجور

وقف عند فرشتها اللي فارشتها بالأرض

وصلت عنده تلهث ..........

ريم:" هههههههه كان قلت لي أنك بتلعب معاي "

مدت يدها تلفه لها .....لف بسرعه من غير ماتلمسه .....

ولاحظت أن عيونه صفرا .........

ريم بإستهبال :" سلطاان وش فيها عيونك ؟

أهااا مركب عدسات أخس عليك "

ضحك:" ماعجبتك؟"

ريم بإستغراب :" لا طالع كأنك قطوه"........

ضحك بقوه ومشى وهو يضحك ودخل في الجدار وأختفى .....

بغت تجيها جلطه طالعت مصدومه بالجدار

ولحظات توها تستوعب أنها لحقت شبح ....

صرخت بس ما أمداها أرتمت ع الأرض.....

وجتها حالة الشلل .......

طولت كثير ومحد أفتقدها حاولت تدافع عن نفسها

حست أنها تحتضر غمضت عيونها بقوه .....

وفقدت وعيها.........صحيت وما حصلت أحد حولها

كانت الدنيا ظلام وهي ع الأرض ممدده .....

جلست تستوعب وتذكرت اللي صار ....

قامت بصعوبه تترنح كأنها سكرانه أفرطت في الشرب........

واصلت مشي وتسمع أصوات ضحك وبعضها صراخ وأصوات غريبه .......

دخلت البيت وكان ظلام شكلهم يانايمين يا برى البيت .......

هدوء ماعدا الأصوات اللي براسها .....

طلعت الدرج وصلت لأعلى درجه......

شافت يد بشعه سودا وفيها شعر مخيف..

دفتها وتقلبت ع الدرج من أوله لأخره وأنعدمت الرؤيه .........
.
.
.
.
.
.
.
.
.

صحيت ع صوت قرأن يشرح الصدر

فتحت عيونها ع يد تلمس شعرها بحنان

سلطان:" الحمد لله ع السلامه ياقلبي"

أبتسمت بوهن حلقها جاف :" م.ما.ا"

عقد حواجبه :" تبغين مويه؟"
هزت راسها ....

مدت يدها تمسك الكوب لكنها ما أنمدت

كأنها مربطه تبغى تلتفت مقدرت

جسمها مكسر ورقبتها تألمها عقدت حواجبه ..........

سلطان:" لا تعبين نفسك"

شربها المويه وبعد صمت

ريم :" وش صار لي ؟"

سلطان أبتسم:" طحتي من ع الدرج .......

وأنكسرت يدك اليسار ....وعندك ألتواء برجلك

وراسك ملفوف بشاش فيه جرح"

حاول سلطان يهديها بعد ما شاف أنها بتنهار عليه

سلطان:‏"‏"حصل خير الحمد لله جت ع كذا قولي الحمد لله "

ريم بغصه:" أحم الحمد لله"

تقبلت ريم الوضع ........وتذكرت اللي صار

وناظرت سلطان بنظره حيرته :" سلطان بعد الغدا وين رحت؟"

أستغرب بس أبتسم :" طلعت أودي صديقي مشوار .....ليش تسألين؟"

أشاحت بوجهها عنه ......أستغرب سلطان

ومن شاف دمعتها اللي نزلت توتر وأرتبك

سلطان:"ريم زعلتي عشاني طلعت وما قلت لك؟؟"

بكت ريم بصمت قطع قلب سلطان ......

حاولت تمسح دموعها بس ماقدرت

يدها اليسار منكسره ومجبسه

واليمين تحس بألم فيها ماتقدر ترفعها

فاجئها بيده اللي مسحت دموعها

سلطان ‏:" لا تبكين دموعك غاليه علي .........أوعدك ما أطلع إلا بعد ما أقولك يرضيك كذا؟".......

ماتدري تضحك ع كلامه؟......ولا تبكي من اللي صار ؟........

أحسن حل لها أنها غمضت عيونها وراحت بنوم عميق وثقيل................

(حلمت أنها تكسر شيء بالأرض .....

بس ماشافته....يدها اليمين ماسكه بشيء ........

وتكسر به شيء بالأرض .....

سمعت صوت من وراها يقول

:" أسرعي سامر جيعان وأنتي ماخلصتي؟"

ريم:" إلا الحين بلم الحطب وجايه"

ناظرت الأرض بتلم الحطب ......

تفاجئت بالعظام المكسره واللي محطمه .....وهي اللي محطمتها

ناظرت ليدها تشوف اللي جالسه تكسر فيه .........
.
.
.
.
.
.
.
.
كانت الصدمه أنها ماسكه يدها اليسار المجبره وتكسر بها العظام .....

صرخت بصوت عالي :" آآآآآآآآآآآآآآآآآآآآآآآآآه")

:" أصحي ...ريم....بسم الله .....ريم أصحي"

فتحت عيونها برعب

سلطان بقلق :" كابوس أنفثي ع يسارك وتعوذي بالله منه "

نفثت وتعوذت من الشيطان وقلبها يدق بخوف

ريم:" سلطااان"

سلطان:" أششش لا تقولين الحلم ويتتحقق خلاص أنسيه "

حضنها ع خفيف :" هدي ياقلبي ....خلاص لا تفكرين فيه "

سكتت خوف أنه يتحقق .......بعد فتره......أنفتح الباب

ودخلت مسرعه ساره:" أنتي طايحه هنا ومحد خبرني "

ريم بغصه :"ساااره"

حضنتها ساره :" وش اللي يعورك؟"

ريم بحزن:" قلبي "تفاجئوا

ريم ترقع" أقصد ...يدي تألمني ....وظهري .....

أحس طايحه من جبل مو من سلم "

أبستمت ساره " يلا نهاية الأوجاع إن شاء الله "






)أنتهينا(


حرف لاذع غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
لعبة الاكشن المنتظرة بشدة Dead Island Riptide 2013 ب**** ريلودد بمساحة 4.5 جيجا dodamodern منتدي تحميل العاب PCكمبيوتر-PlayStationبلايستايشن-PSP-Xbox-Nintendo 4 05-19-2013 07:17 PM
نسخة FullRIP للعبة الأكشن والأثارة Fallout 3 Game Of The Year EDition وضمن أفضل عشرة dodamodern منتدي تحميل العاب PCكمبيوتر-PlayStationبلايستايشن-PSP-Xbox-Nintendo 4 05-13-2013 11:08 PM
لعبة الاكشن الرهيبة Zeno Clash II ب**** Reloaded تحميل مباشر علي اكثر من سيرفر dodamodern منتدي تحميل العاب PCكمبيوتر-PlayStationبلايستايشن-PSP-Xbox-Nintendo 2 05-08-2013 01:41 AM


الساعة الآن 09:45 AM.


Powered by vBulletin® Copyright ©2000 - 2017, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.