قديم 01-11-2015, 01:55 AM   #1
-||[قلم من ذهب]||-
 
الصورة الرمزية *بنت كيوت*
 
تاريخ التسجيل: Jan 2015
المشاركات: 115
معدل تقييم المستوى: 5
*بنت كيوت* is on a distinguished road
افتراضي احسبي بنفسك علاماتك للاخرة


السلام عليكم و رحمة الله و بركاته

كمسلمين نعرف ان كل حاجة بنعملها بتتسجل .. يتم تدوينها
و اعمالنا بتترفع اسبوعيا (الاثنين والخميس)




لكل منا كتاب .. مكتوب فيه اعمالنا كلها .. بدقة ..

الكتاب ده يوم القيامة نشوفه

الاعمال عند الله .. ميزانها علمه عند الله .. رب كلمة ترفعه للجنة و رب كلمة تدخله النار
ورب عمل و نية ترفعه مراتب ..
ده كله عند احكم الحاكمين .. رب العالمين .. لا يُظلم الانسان مثقال ذرة .. انما هي اعماله يحاسب عليها .

______________

حياتنا ... هنا .. بتاخدنا .. بين دراسة .. بين شغل بيت .. بين عمل .. بين متطلبات بيت .. متطلبات طفل او زوج او اهل
يتخللها رفع صوت الاذان و صلوات خمس
وباخر اليوم .. ينتهي اليوم و بنام
يا ترى اجترحنا ايه باليوم ده ..
كسبنا ايه للدنيا عرفنا .. خسرنا ايه فيها عرفنا
لكن ماذا عن كتابنا اياه .. جمعنا ايه في اليوم ده
تقدمنا و اللا اتاخرنا ؟
___________________

بنهاية اليوم .. حتكوني بدرجة ما بين اتنين ..
اما راضية سعيدة .. و اما غير راضية وحزينة
تميلين للسعادة .. مادام فيه بشرى .. فيه امل شئ تنتظريه موعودة بيه .. او حاجة تحققت .. شئ حصلتي عليه اشتريتيه هدوكي اياه .. تقدم ما في الدنيا الخ
و حتكوني حزينة لو فقدتي حاجة ليكي .. او لو محصلتيش على حاجة انتي عاوزاها في الدنيا دي
الخ
لكن ده مقياس الدنيا .. هم الدنيا .. مش ده المقياس الحقيقي
حتكوني سعيدة بالليلة دي لو عملتي و جمعتي الجمع الحقيقي اللي بنقاطك المجموعة .. بكتابك اللي حتقريه

________________________

بتختاري تتحسني .. بالدين .. تتعلمي و تطبقي اللي تعلمتيه .. لكن بتسهي .. يجي يوم صاخب يلهيكي .. او يوم هادي .. جميل بنظرك بفسحة او خروجة للسوق
تبقي فرحانة اخر الليل
لكن تيجي تحسبيها بالمقياس الحقيقي
انتي فاتتك صلاة فرض النهاردة
و فاتك اذكار المساء
لسه فرحانه بالخروجة النهاردة و اللا فيه مشكل لازم تحليه

__________________________

معرفش عنكم .. انا قد مبقدر ليا روتين اواضب عليه .. لكن مع ذلك بتقلب الايام .. بتغلب .. بنسى ممكن اسهى
مقياس الدنيا احنا عارفيه وشايفيه
لكن لو سالنا نفسنا بمقياس الاخرة النهاردة اتقدمنا قد ايه؟
مش حنعرف
لكن افتكرت حاجة باول نضجنا علمونا عليه .. جدول صغير ادون فيه صلواتي اللي تميتها بوقتها وحاجات بسيطة تانية
دلوقتي لاي مسلمة بنت او ست عدت مرحلة المطفولة و المراهقة المفروض جدول الصلوات مش محتاجه تستمر عليه .. الصلاة عماد الدين احب الاعمال الى الله صلاة في وقتها .. باول الوقت
كل ادان تسمعي تروحي تصلي و ده امر التزمتي بيه
لو كده يبقى خلونا نحسب
تقدمنا قد ايه بحاجات تانية

زي ايه

زي ايات في القران الكريم لاعمال خلال اليوم و الليلة


بسم الله الرحمن الرحيم

فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ (130) طه


وَاذْكُر رَّبَّكَ فِي نَفْسِكَ تَضَرُّعاً وَخِيفَةً وَدُونَ الْجَهْرِ مِنَ الْقَوْلِ بِالْغُدُوِّ وَالآصَالِ وَلاَ تَكُن مِّنَ الْغَافِلِينَ [الأعراف : 205]


فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ [النور : 36]



بسم الله الرحمن الرحيم
فاصبر على ما يقولون و سبح بحمد ربك قبل طلوع الشمس و قبل الغروب (39) و من الليل فسبحه وادبار السجود (40 ق)

فيه اوقات بالليل و النهار .. ليهم ذكر خاص بيهم
حنسجلهم .. حنزلهم بجدول الحساب

في صلاة ضحى حنزلها .. فيه الاكثار على الصلاة على رسول الله صلى الله عليه و سلم ليلة الجمعة و يوم الجمعة حنزلهم بالجدول
فيه استغفار بالليل

بسم الله الرحمن الرحيم
الصَّابِرِينَ وَالصَّادِقِينَ وَالْقَانِتِينَ وَالْمُنفِقِينَ وَالْمُسْتَغْفِرِينَ بِالأَسْحَارِ [آل عمران : 17]
حسجله بالجدول


طب و كلام الله .. القران الكريم .. مش بيفترض اختم مرة كل 30 يوم (او ممكن اقل)
بكده .. حيكون بمعدل جزء باليوم .. يعني بمعدل 20 صفحة باليوم تقريبا
يا ترى انا جمعت كم صفحة النهاردة ؟؟؟ وحدة .. عشرة .. و اللا صفر !؟؟
حتى لو عشرة .. و لو الشيطان قاللك عملتي اللي عليكي .. بتفضلي تحت العدد المتعارف عليه اللي هوا جزء.

حوريكم انا اللي عملته .. ليا و ليكم

اضغط هنا لتكبير الصوره
ايام الاسبوع ابتديها من الخميس
اللي بعمله بحط علامة صح و اللي معملتوش علامة ×
وبراقب نفسي باخر الاسبوع .. بشوف فين انا مواضبة و فين عندي نقص و جمع × اكثر من يوم
اما التسبيحات فبحط رقم .. و سجلت لحد دلوقتي 11 يوم .. و براقب الارقام .. بقى عندي فكرة عن المعدل اللي بوصلله ..
بقيت عارفة انا فين .. بالتالي عارفة احط هدف لو اردت اتحسن .. حنافس نفسي ان شاء الله خلال الايام
بعد ما طبقت .. عملت تحوير
جدول جديد
ابتديت فيه اليوم بالليلة مش بالنهار
عارفين .. بالاسلام اليوم يبتدي منين ؟ من اذان المغرب
فحخلي جدولي كمان يبتدي كده
وحبتديه من ليلة الجمعة (اللي هوا خميس بالليل) لكنه بالحقيقة يعتبر جمعة
وعملت اضافة .. انه بنهاية اليوم الواحد حطيت ثلاث مربعات ملونة
اقيم نفسي انا اديت الفقرة دي اقل من المطلوب حيبقى مربع اصفر .. واللا كنت ضمن المطلوب حيبقى اخضر و اللا فوق المطلوب و بكده تبقي عملتي اكتر من المطلوب منك فاللون بيكون اخضر اغمق (و اخترت الاخضر من الجنة و الاصفر من النار)
حوريكم اهو
اضغط هنا لتكبير الصوره

بالنسبة للتسبيحات الاضافية الحمد لله الشكر لله لاحول و لاقوة الا بالله.. كنت بجمع العبارات من مواضيع مختلفة بالمنتدى الاسلامي لفضل كل منهم .. جمعتهم هنا :
اضغط هنا لتكبير الصوره
لا اله الا الله وحده لا شريك له له الملك و له الحمد و هو على كل شئ قدير

واي ورد او ذكر تاني تختاريه

اتمنى ..
تستعمليه للجدول

لو عندك طابعة تطبعيه ..
ولو مفيش تنزلي الصورة و تضيفي عليها علاماتك ببرنامج الرسام
او ببساطة تكتبيه على ورق تخططيه
اتمنى تستفيدي منه

ولو ببالك حاجة تضيفي عليه .. و لو شايفاها مهمة اكتبيها برد عشان نعدل على الجدول لحد ما نوصل لافضل شئ.

الجدول بيخليكي تراقبي نفسك

وبيدفعك لمنافسة نفسك

و بيخليكي تفرحي باخر اليوم او تحزني .. بس مش للدنيا انما لحسنات كسبتيها برصيد مخفوظ او تراجع .. مما يدفعك للانتباه و يدفعك لتحسين الامور الايام التالية

ملاحظة :
- عشان تضمني انه مش يفوتك وقت اذكار او وقت صلاة .. ممكن تستعيني بمنبه ساعة منضدية توقتيها عشان ترن كل يوم قبل الشروق بربع ساعة مثلا او قبل الغروب
-و الموبايلات فيها خاصية منبه
-و للكومبيوتر فيه برامج منبه مجانية
فيه خاصية اضافة العديد من المنبهات لليوم الواحد وباصوات منبه مختلفة
- لحساب عدد التسبيحات فيه طريقة الحساب بالاصابع مثلا لو عاوزة تستغفري مئة مرة الاصابع مقسمة الى 3 سلاميات عد الابهام 2
تقدري تقري التسبيح او الاستغفار سبع مرات لكل من السلاميات دول .. لو عدنا الاصابع الخمسة مرتين حنكون كملنا المئة و اكتر
و اكيد عارفة السبح الالكترونية الصغيرة بتنفع جدا في الحساب و بتوصل بتعدادها للالاف



التعديل الأخير تم بواسطة أبو نضال 1 ; 01-11-2015 الساعة 02:29 PM سبب آخر: حذف رابط الأصل في النقل .
*بنت كيوت* غير متواجد حالياً   رد مع اقتباس
قديم 01-11-2015, 02:31 PM   #2
-||[عضو VIP]||-
 
الصورة الرمزية أبو نضال 1
 
تاريخ التسجيل: Jan 2012
المشاركات: 5,148
معدل تقييم المستوى: 13
أبو نضال 1 is on a distinguished road
افتراضي


المحاسية مطلوبة من المسلم والمسلمة !!
ولكن وضع برنامج للسير عليه هذا ما عليه خلاف !!
حيث لم يرد في السنة المطهرة ولا من حياة الصحابة والتابعين لهم بإحسان مثل هذا

نقل طيب ومميز وهادف
جزاك الله خيرا ..


التوقيع
اضغط هنا لتكبير الصوره

اضغط هنا لتكبير الصوره

اضغط هنا لتكبير الصوره
أبو نضال 1 غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:27 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.