قديم 12-16-2015, 02:43 AM   #1
مشرفـہ الأنمـي وآلـعروس
 
الصورة الرمزية عطر الجوري
 
تاريخ التسجيل: Mar 2014
المشاركات: 1,023
معدل تقييم المستوى: 7
عطر الجوري is on a distinguished road
افتراضي تراك والله تعني لي الكثير / بقلمي


في وسط جو الدراسة والامتحانات
وفي المدرسة بالتحديد كانت بطلتنا /

رشا : استاذة بليز بس هالدرجة جبريها
بلييييييز لوسمحتي
استاذة امل بتفكير : رشا ما اقدر اجبرها
رشا: استاذة بسسس.....
رن الجرس وقاطعتها ومشت
امل : عندي حصة على ما اعتقد
رشا بتحلطم : اوووووف
يعني جايبة في كل شي فل مارك وبس جبت 9 في ذا اخترب كل شي الله ياخذ ابلة امل هاذا اللي اقول
دخلت الفصل وهي متضايقة
ملاك :شفيك رور
رشا : التبن امل مو راضية حتى تجبر لي الدرجة وانا جايبة بكل الاختبارات كامل
ريماس : وكالعادة ترجيتها ومارضت
ملاك بمزح: تلاقينها باست رجلها
رشا : ياحمارة
ورمت عليها المقلمة
جنان :بنات مستوعبين ان هذي اخر حصة ونروح ع البيت وناسة ولا اليوم خميس يالله فللة
رشا : طيب شنو مخططاتكم للويكند
ملاك : مدري شرايكم نروح كافي شوب
رشا : لاانا اقول نروح بيتكم يوم الخميس
والجمعة نروح الكافي شوب
ريماس : والسبت ببنطق نجلس بالبيت نذاكر
رشا : بنات بقولكم شي لاتتصلون اليوم على البيت لان العلة امينة مرت ابوي مجمعة خواتها
ولازم انا الشغالة اغسل واطبخ وكذا تبون شي رسلوا بالقروب
ملاك بابتسامة حزينة وهي تشوف اصبع رشا المجروح : طيب رور لاتشيلين هم
رشا : اوك انا رايحة المقصف تبون شي
جنان : مشكورة رور مانبي شي
رشا : اوك
بعد ماراحت رشا المقصف
جلسوا البنات بالفصل
ملاك بصوت خفيف : بنات مسكينة رور شفتها صبعها مجروح كيف ويدها فيها حرق
جنان : عسى ربي ياخذ امينة قولوا امين
ملاك وريماس : اميييين
ترررررن
رشا : بنات الجرس يلااا
ملاك : بسم الله متى جيتي يالجنية
رشا وهي تضحك: قبل شوي
جنان وريماس : يلا بنات نخلييييكم سيو نشوفكم بالليل
ملاك ورشا : اوك انتبهوا على نفسكم
رشا : انا اكيد جا اخو امينة لازم اروح
ملاك : اوكي انتبهي على نفسك حبيبتي
رشا : ان شاء الله .. بااااي

طلعت ملاك قبل رشا
وانتظرت اخوها محمد
شافت سيارته وكلمت رشا اللي كانت تنتظر ايمن اخو امينة : رور انتبهي على نفسك الله يخليك
رشا : طيب جا ايمن باي

ركبت رشا السيارة
ايمن وهو براسه فكرة شر : هلا
رشا ساكته لانه بنظرها سواق وشخص غريب ماترد
ايمن : رور تعالي جنبي حبيبتي
رشا و صللت معها وصرخت : ياقليل الادب لاتقول رور بعدين وش هالطريق انت وين رايح
ايمن عصب ووقف : بوديك مكان يعلمك مين قليل الادب يارور هه !
وراح مشى بسرعة كبيرة
ورشا بتموت من الخوف

بمكان ثاني بسيارة محمد اخو
ملاك ..
محمد : ملوك عندك شي اليوم
ملاك : يب بيجون البنات بيتنا
محمد فرح بس مابين يعني سوى نفسه عادي
ملاك : تراني ادري انك مستانس ان رشا بتجي لاتحاول تنكر
محمد : طيب طيب فكينا غلطان اللي يسولف معك
ملاك بحزن : بس انا خايفة عليها من اخو مرت ابوها
محمد بحزم : شمسوي
ملاك : يحاول يتحرش فيها بس هي ماتعطيه وجه والمشكلة هو يوصلها للمدرسة
محمد حز في خاطره : طيب ملوك تبين شي من ستار بكس
ملاك بصرخة مفاجئة : محمد شوف هذي سيارة ايمن اللي يوصل رشا شنو جابها هنا
محمد : اصلا طريق بيتهم موهنا انا بلحقه واللي فيها فيها

حاولت تفتح الباب
.... : نزلي يارور هههههههههه نزلي
رشا بعصبية : والله اذا مانزلتني ياويلك
ايمن : ترى كل ماعصبتي استانس اكثر
رشا فتحت النافذة وبدون تقكير نطت منها

بسيارة محمد شاف رشا كيف نطت والدم يسيح منها ركض لها هو وملاك
ملاك تصرخ بهستيريه وتهزها : رشااااا رور

محمد شوي ويبكي بس ماسك نفسه : ملاك بسرعة شيلي رشا لاتنزف كثير لازم تروح المستشفى

طبعا محمد صور لوحة سيارة ايمن
وركب سيارته
ملاك بصراخ ويدها كلها دم : الله يخليكم مابيها تموت الله يخليكم
محمد بتوتر : خلاص اهدي وصلنا اهدي
بعد مادخلوا المستشفى على طول دخلوها وملاك ومحمد برا

في بيت صالح الساعة 3 العصر
دخل وهو يتصنع البكاء
ايمن : ياعم صالح الحق
صالح بعصبيه : ايمن وين رشا المفروض 12 ونص هي بالبيت
ايمن بكذب : رشا غافلتني وانحاشت شفت راكبه مع رجال وحاولت امسكه بس ماقدرت
صالح : بنتي انا سوت كذا
ايمن بفرح ان صالح صدقه : ايه ياعم
صالح : انا اوريها ان ماسحبتها مثل الخروف
عطني العنوان
ايمن عطاه عنوان عمارة خالية من السكان
راح صالح بسرعة جنونية يبي يذبحها
كان يعتقد انها وطت راسه بالارض مع انها رفعته
..
بعد نص ساعة بالمستشفى
طلع الدكتور ووجه مايبشر بخير
وقال .....
دكتور : ممكن ولي امرها او بطاقتها او اي حد يقرب لها
حنا اوكي دخلناها بس مانقدر نقولكم شفيها لما نعرف حد من اهلها
محمد بدون تفكير : أنا خطيبها طيب
ملاك في وسط الموقف داست على رجله : يامجنون وش خطيبها !
دكتور : تفضل وقع على الاوراق
ملاك بنفسها وهي تحرك يدها : خبل هذا !
محمد وهو يوقع يقول بنفسه :
انا شسويت !
بس لمتى بظل 4 سنين احبها وماتحس
خلاص انا وقعت واللي فيها فيها
فجأة جات له ملاك : محمد استتجنيت
وش خطيبها
ماتعرف ان صالح ممكن يذبحك
لو درى باللي صار
محمد بعصبية : ايش كنتي تبيني اسوي
اشوفها كذا واسكت ولا اجلس اطالع
بعدين لاتنسين ان هذي الحقيقة
ملاك بشهقة : وش !
محمد ويضحك وطلعت غمازته : ياخبلة امزح لاتفضحينا
ملاك : طيب حمود أنا خايفة عليها الساعة الحين 5
معقولة اهلها ماسألوا عنها
جا الدكتور يشرح حالتها :هي كانت بغيبيوبة بس تطمنوا صحت
لكن للأسف حالتها النفسية سيئة وتصرخ
لكن راح عطيناها ابرة مهدئة وبتصير بخير ان شاء الله

ملاك شوي وتصيح : طيب ممكن اشوفها
الدكتور : بس هي نايمة
ملاك : الله يخليك دكتور ماراح ازعجها
الدكتور : خلاص دخلي بس شخص واحد
عشان مايكون فيه ازعاج
ملاك مسحت دموعها : اوكي شكرا
محمد : يلا ملاكي دخلي بسرعة

دخلت ملاك وهي تحاول تكون قوية
وماتبكي لانها ماسكة الدمعة
كانت الغرفة باردة ووهدوء جداً
جلست جنبها وبدأت تكلمها : رشا
اعرفك قوية
انتي اقوى من كذا
فجأة حركت يدها مسكت ملاك
يدها اللي كانت ملفوفة بشاش
رشا : آه آه
ملاك : رشا أنا ملاك بسم الله عليك من الآه
رشا : تخيلي ملاك ايمن مدري كيف انحشت
منه كل شي صار بدقيقة انا مدري بشي
تخيلي كان يحاول يضرني الحقير
وانا الي ماعمره رجال لمس يدي
وانهارت بكااااااء
حظنتها ملاك وهدتها
ملاك تكلمها مثل البيبي : ترى راح يعطونك ابرة اذا صحتي
رشا تضحك وتمسح دموعها : طيب انا كيف جيت هنا
ملاك : ابد والله الفارس الملثم جابك
رشا : لاجد والله كيف جيت
ملاك : أنا ومحمد شفناك بالطريق ووديناك المستشفى
وبس فلم هندي وعدت السالفة
رشا تسندت عالسرير : ملاك كيف يعني فلم هندي خلصيني
ملاك : بس يعني محمد قال أنه خطيبك عشان تدخلين
يعني يرضون يدخلونك
رشا هنا استحت حيييييل : كيف لي وجه اكلمه الحين يادوبة
ملاك : رور انا شدخلني انا والله تفاجئت
رشا بفرح وخجل : طيب خلاص
ملاك : بس تراه شسمه يعرف وحدة
رشا وهي معصبة : مين
ملاك : مسكين والله اخوي يحبها من 4 سنين
رشا : طيب مين
ملاك : تعرف نفسها وحدة شعرها لونه بني فاتح وطويل وهي طويلة وضعيفة
وبيضاء
رشا وكل علامات التعجب بوجهها : ملاك هذي انا ؟
ملاك : لا جدتي مدري مين يعني
رشا انصدمت : من جدك !!
ملاك : لامن عمي
رشا : بدينا بالسماجة
ضربت ملاك رشا على خفيف
رشا ضمتها وقامت تصيح
ملاك بخوف : ألمتك رشا
رشا : لا بس الشعور غريب .. طيب ايش اسوي لابوي ؟؟
ملاك : انا شاكة ان ايمن كذب عليه مستحيل ماسأل للحين
رشا : الله ياخذه

..

في مكان بعيد بمركزالشرطة

محمد : وبس هذا الموضوع كله
خطيبتي كانت معه وصار كذا

النقيب : بس نبي دليل مانقدرنقبض على واحد
بدون دليل
محمد: دليلين
صورة للسيارة ولوحتها والمكان
وخطيبتي راح تقول لكم بنفسها
النقيب : عطني أسمه كامل
محمد : ايمن سعود ال ....
النقيب : شنو شنو شقلت
محمد : قلت لك اسمه
النقيب : ايمن هذا مرة قبضنا عليه وهو في حالة عدم وعي
وهو مسرع بالسيارة ومر بكفالة
واكتشفنا انه قاطع اشارتين اليوم الساعة 12
ويمشي بسرعة 180
كاميرا المراقبة سجلته
وحنا ندوره ونتمنى تقدر تحمي نفسك و خطيبتك منه

طلع محمد من مركز الشرطة وهو
خايف على رشا اكثر من خوفه على نفسه وعلى
البلوى اللي نحط فيها اتصل على اخته وهو متضايق
ملاك : رور
رشا : هلا ملاك
ملاك : خطيبك يتصل ارد عليه جنبك
رشا فهمتها : لاطبعا طلعي برا
ملاك وهي تعاندها : اوك ..
وجلست جنبها
رشا بنفسها: ان ماكفختك ياملاك
ملاك : هلا محمد
محمد : ملاك انا رحت القسم وبلغت وسمعت بلاوي
ملاك : وش ! شتقصد
صالح رجع البيت وجن جنونه
راح للعمارة نادى وصرخ مالقاها
معقولة انحاشت لامها اللبنانية !
مسك جواله واتصل مكالمة دولية :
ليليان : الو صالح شو زكرك فيني
صالح : مولسواد عيونك داق اقولك خلي رشا تجي على اقرب طيارة
لاتشوفين شي عمرك ماشفتيه
ليليان : ليش رشا مش بالسعودية ؟؟
صالح ارتبك : انتي ماينوخذ منك لاحق ولاباطل ضفي وجهك
وقفل بوجهها
هنا ليليان ارتبكت وخافت
على بنتها صحيح انها ماتتواصل
معها كثير بس قلب الام عمره ماينسى
اتصلت على ولدها اللي من زوجها اللبناني
أحمد : أهلين ماما
ليليان : بنتي رشا مابعرف شو صاير لها
أحمد : رشا بنتو لصالح ؟
ليليان : ايه رشا بنتو بس بننتي انا كمان
احمد ارتبك : طيب ماما هدي وئولي شو فيها
ليليان : انا بدي روح للسعودية ياأحمد
أحمد : طيب أنا وبابا نسيتنينا ماما !
ليليان : يا أحمد أختك بخططر
أحمد : طيب بس بشررط
ليليان : شو ؟!

كانت رشا نايمة وملاك جنبها على الكرسي ومحمد
بالبيت لانه اتفق مع ملاك ان يجي بالصباح
وكان الوقت تقريبا وقت زيارات فجأة دخلت وحدة لابسة عباية ونقاب
دقت الباب
ملاك : تفضل ( لان ورشا بغرفة خاصة وسط القسم )
رشا : تتوقعين مين ؟
ملاك وهي تحك عينها : مدري
رفعت الحرمة النقاب النقاب وتفاجأوا انها !!

ايمن : مساء العسل
ملاك ورشا حتى عبايات ماكانوا لابسين
بسرعة حطوا الغطا على راسهم
ملاك : هيييييي انت فوضى هي داخل القسم حق النساء
طبعاً رشا ترجف ماتتكلم
ملاك : اطلع برا احسن اقولك
ايمن : انتي ماحد كلمك اوكي طلعي منها انا ابي رشا
ملاك : رشا تنساها ويلا برا
طبعا كان صوت عالي وصراخ
دخلت المشرفة للامن
: شنو هالصوت العالي
وشهقت لمن شافت رجال لابس عباية
وقتها ملاك ارسلت رسالة لمحمد
: : ( محمد احنا بخطر والله ما أمزح تعال
ترى بموت انا ورشا لو ماجيت )
ساعتها كان عند الرسيبشن توه داخل
وبيده كوفي من كوستا
وهو يمشي طاح الكوفي من يده لما قرا الرسالة وركض بسرعة
جنونية
لما دخل شاف منظرماكان متوقع يشوفه

!!



التعديل الأخير تم بواسطة عطر الجوري ; 12-16-2015 الساعة 02:48 AM
عطر الجوري غير متواجد حالياً   رد مع اقتباس
قديم 12-20-2015, 09:44 PM   #2
-||[عضو فعال]||-
 
تاريخ التسجيل: Oct 2015
العمر: 19
المشاركات: 47
معدل تقييم المستوى: 0
الرمح 6666 is on a distinguished road
افتراضي


اضغط هنا لتكبير الصوره

شكرااااااااااااااا


الرمح 6666 غير متواجد حالياً   رد مع اقتباس
قديم 02-28-2016, 03:32 PM   #3
-||[عضو فعال]||-
 
تاريخ التسجيل: Feb 2016
المشاركات: 13
معدل تقييم المستوى: 0
نيردي زون is on a distinguished road
افتراضي


هذي الروايةمنقولة
المفروض تكتبينها باسمها


نيردي زون غير متواجد حالياً   رد مع اقتباس
قديم 02-28-2016, 03:32 PM   #4
-||[عضو فعال]||-
 
تاريخ التسجيل: Feb 2016
المشاركات: 13
معدل تقييم المستوى: 0
نيردي زون is on a distinguished road
افتراضي


لا وبعد كاتبة بقلمك


نيردي زون غير متواجد حالياً   رد مع اقتباس
قديم 03-07-2016, 03:44 PM   #5
مشرفـہ الأنمـي وآلـعروس
 
الصورة الرمزية عطر الجوري
 
تاريخ التسجيل: Mar 2014
المشاركات: 1,023
معدل تقييم المستوى: 7
عطر الجوري is on a distinguished road
افتراضي


حبيبتي أنا نفسها اللي بذاك المنتدى ..
بس اليوزر غير
بعدين في شي اسمه اسلوب ..


التوقيع
،
آتعَبنِيْ آلحِلمْ لِييينْ [ آلوآقعّ ] آنككَرنِيْ ..!

عطر الجوري غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أحاديث موضوعه وضعيفه وأخطاء شائعه منتشرة همس الحياه المنتدي الاسلامي (الشريعة و الحياة) 21 02-08-2017 03:44 PM
مايكل جاكسون والاشاعات MJ my Love منتدي الاخبار الفنية 8 10-24-2013 04:30 AM
غوايات الشيطان - الجهل د. محمد رأفت عثمان المنتدي الاسلامي (الشريعة و الحياة) 10 03-03-2012 08:51 PM
غوايات الشيطان - تثبيط الهمة د. محمد رأفت عثمان المنتدي الاسلامي (الشريعة و الحياة) 0 02-29-2012 01:58 PM


الساعة الآن 07:47 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.