قديم 08-24-2016, 01:17 PM   #1
عضو موقوف
 
تاريخ التسجيل: Aug 2016
العمر: 37
المشاركات: 2,855
معدل تقييم المستوى: 0
زهرة الرياض is on a distinguished road
نقاش قروية بالطيارة هههههههه


السلام عليكم ورحمة الله وبركاته

والله مدري شاقول غير اني جايه اونسكن
وانا عروسة ، وكنا رايحين شسمه ذا ، المطار ، ومرة كنت مستحيه من زوجي بنفس الوقت خاقه وكان بنات خاﻻتي يودعون فينا ، ضمتني اختي والبنات معاها ، قالو هذا حنا من المتوسط نتضارب عالرجال ومافاز به اﻻ انتي يمه من حظك ، هي روحي استانسي وياجعل الطيارة تطيح فيكم يارب ههههههههههههههههههههههههههههههههههه
ركبنا الطيارة وانا ماعمري ركبتها ، كان في شخص واقف عالجمب ياخذ منك بطاقه مدري تذكرة قبل ماتدخلين الطيارة ، انا يوم مد يده لي صافحته ههههههههههههههههههههههه والناس ماتو ضحك الله يقلع ابو الفشله ، جلسنا بمكاننا ، طلع صوت انه اعزائي الركاب ومدري ايش واربطو اﻻحزمه وتستغرق الرحله سبع ساعات و و و و ، قلت يوه وش قعدني سبع ساعات تفوتني صلواتي واقعد جيعانه ! ﻻ مابي بطلت بنزل ، وقمت من محلي وادور الباب ابي انزل مالقيته ههههههههههههههههههههههههه قالي زوجي وشبك وش تبين ؟ قلت مابي اروح وش يقعدني سبع ساعات تروح علينا فروض ربي ونقعد جواعا ومبهذلين ،نشوف لنا طيارة اسرع ، قال يوووووو ههههههههههههههه الله يرضى عليك ﻻتفشليني قدام الناس امشي اقعدي مكانك وماراح تقعدين جيعانه الحين املي لك الطاولة اللي تبينه ، قلت ﻻ ، وسحبني وقعدنا ، وطرنا ، يممممه يابطني باﻻقﻻع بغى ينقلع بطني من الخوف ، يمه وش ذا ، صرت اصارخ ابي كيس بسرعه !!! تخيلو زوجي وش سوى ههههههههههههههههههههههههههههههههههههه قال لو سمحتي أختي تحملي شوي ، ياهيه ، يابنت جيبي كيس اﻻخت اللي هنا تعبانه ، تبرا مني حسبي الله يسوي كانه مايعرفني
وبعدها دخت وكل شوي يقومني ، قال قومي كلي مو انتي تبين اﻻكل ؟ قلت من زين اكل الطيارة تلقاه سحر اجل وشلون يسوون اكل بالطيارة ؟ ﻻتقولي ان عندهم فرن ﻻني مابصدقك ، قام سد فمي بيده قال خﻻص اصصصصص لعد تقولين شي طلبتك ، انا جايبه ابو العيد ههههههههههههههههههههه

شوي كذا وانتو بكرامه احتجت الحمام ، قلت قم معي والله مامشي لحالي اخاف أطيح الطيارة وانا امشي ، قال والله ماتطيحينها روحي بس اضغط هنا لتكبير الصوره قلت ﻻ قم معي ، كان رافض وانا عارفه السبب ، ﻻنه تبرا مني قدام الناس ف صعبه الحين يجي معاي ههههههههههههه قعدت ازن عليه وجا معاي بس يدس وجهه ، وطبعا اثاريه تكلم وقال جت لحظة الهبوط واربطو اﻻحزمه ، هههههههههههههههه وانا ماسمعت الكﻻم زين ﻻني بالحمام ، بس هو سمع ، يوم رجعنا ، جت المضيفه ربطت لي الحزام وهو مستعد ، وفجأه تنزل الطيارة وانا يامسكينه مادري انه هبوط عبالي الطيارة خربت مني عشاني رحت الحمام ، وانا اقول ياناس تشهدووووو تشهدو وتسامحو من بعض ، هذي دعوة بنات خالتي دعو علينا تطيح الطيارة تشهدو ، ماسمع اﻻ ،،، وااااااااااكككككك ههههههههههههههههههههه الناس فطسو ضحك ، زوجي زعل مرة مرة وش ذنبي طيب ان اهلي ماعودوني
وبس ... شاركوني مواقفكم المضحكه


زهرة الرياض غير متواجد حالياً   رد مع اقتباس
قديم 08-28-2016, 12:26 PM   #4
-||[عضو فعال]||-
 
الصورة الرمزية العنان الخيالي
 
تاريخ التسجيل: Aug 2016
المشاركات: 12
معدل تقييم المستوى: 0
العنان الخيالي is on a distinguished road
افتراضي


هههههههههههسههه


العنان الخيالي غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:21 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.