قديم 09-23-2016, 11:52 PM   #1
-||[عضو فعال]||-
 
تاريخ التسجيل: Sep 2016
المشاركات: 11
معدل تقييم المستوى: 0
elnga7 is on a distinguished road
افتراضي تحقيق الاهداف -درس فيديو شرح كيفية تحقيق الاهداف




المقدمة



كلنا كل فترة والتانية بنكون عندنا اهداف عايزين نحققها واول ما تيجى الفكرة فى دمغنا بنكون سخنين اوى ومشعليلين

واول ما بيعديى كام اسبوع ولا حتى كام يوم!! بنهدى اوى على الهدف ده وبنفكر ف حاجات تانية كتيييير

و للاسف ده بيحصلنا كلنا ولو انت عايش على الكوكب ده معانا وبيحصلك نفس الى بيحصل كمل الفيديو ده واعرف ازاى تقدر انك تحول اهدافك الى اهداف واضحه قابله للتحقيق وازاى كمان تحقق اهدافك دية بعد ما تحطها فى خطوات بسيطة وسهلة مش تكون بس مجرد افكار ف دماغك

الخطوة الأولة ازاى تحدد هدفك بشكل مظبووط
فى ناس كتيرة اوى بتحط نفسها فى مواقف محررررجه لما بتختار اهداف صعبة جدا او اصلا ً غير واقعية

والحفيقة انا مبقولكش انك متحلمش احلام كبيرة انا بقولك ان تحقيق الاهداف دية مهارة انت بتكتسبها وبتتطور فيها مع الوقت فبلاش تحط لنفسك اهداف كبيرة اوى او بعيدة عن نقطة واقعك الحالى بشكل كبير على الاقل ف الاول علشان ده هيعملك حاجتين — الحاجة الأولنية ان عقلك الباطن هيكون عارف انك ( بتهزى او انك بتهرج ) ومش هيساعدك بقوته الرهيبة فى حل المشاكل والابداع — تانى حاجة وهى الاحباط المتكرر و ده هيترتب عليه ترسيخ اعتقاد انك مبتقدرش تحقق اهدافك وده هيسببلك مشاكل كبيرة اوى فى مستقبلك كله – يعنى ببساطة الموضوع عامل زى الى بينزل الجيم وبعدين يروح على البار ويحط 100 كيلو وميعرفش اصلا ً يرفعهم – الى هيحصلك هنا انك يأمه هتحبط وعقلك يخليك تسيب التجربة الفاشلة دية

يامة هتعافر وال100 كيلو هيقعو عليك !! – لكن بعد ما تكون اكتسبت مهارة تحقيق الاهداف انصحك انك تصعب الاهداف بتاعتك على نفسك ديما علشان تطور اكتر فى مهارة تحقيق الاهداف بالظبط زى الانسان الى بيتمرن وبيذود الاحمال ف التمرين بتاعه !!

الخطوة التانية – اكتب هدفك – أيووة أكتبوو عارف انك عارفه ف دماغكككك!!!!!!
لازم تبداء بكتابة هدفك الى انت عايز تحقققه ومتقوليش اكتبه فين !! اكتبه ف اى حتة المهم انك تكتب هدفك ويا ريت ف ورقة نضيفه كده علشان احتمال نعلقها ف الخطوات الجاية — المهم انك لازم تكتب هدفك بوضوح تام يعنى مش تكتب حاجات عامة زى عايز يكون معايا فلوس اكتر ……. او اكون انسان اكثر سعادة !! — لاء اكتب هدفك بالتحديد يعنى مثلا ً عايز يكون دخلى الشهرى 10 مرات دخلى الحالى فى خلال عام من دلؤتى — توضيح الهدف وانك تديله معاد ده من اهم الخطوات الى لازم تعمله — بس وانت بتكتب هدفك عايزك تعمل حاجة مهممممممممة جدا اولا غمض عنيك – ايوة غمض عنيك عادى يعنى – وتخيل نفسك اخدت أتوبيس الزمن ورحت سنة لقدام وبعدين قلت ع جنب يا أسطى وقمت واخد بعضك ونزلت وشفت نفسك بعد سنة من دلؤتى وانت محقق هدفك … و الحمد لله

اكتب كل حاجة عن شخصيتك , شعورك , هدفك شكلة عامل ازاى , حياتك بقت عاملة ازاى وانت محقق الهدف وممكن كمان علشان تسهلها على نفسك عيش مواقف كده فى المستقبل وانت محقق هدفك

يعنى مثلا لو انا هدفى انه اخلى دخلى الشهرى 10 مرات ضعف دخلى الحالى — فمثلا ً لازم اشوف نفسى بقى شكلى اية بعد ما لعب الزهر وحققت هدفى

منظرى بقى عامل ازاى يعنى اشوف نفسى كده بعد ما نضفت وبقيت بنى ادم – شعورى بقى عامل ازاى يعنى حاسس باية كده وانا محفظتى ماليانة والعيشة مرتاحه

وتتخيل شكلك باءه وانت جايبلك عربية عسولة كدة وودعت خلاص الميكروبصات وريحة الناس العسل الى فيها
او وانتا بتاخد السيلفى بتاع تايلاند عشان تنزل صورك ع الفيس بوك وتغيظ صاحبتك القديمة الى سابتك واتجوزت ابن خالها الى نازل من قطر وعاااملهم
ومنظرك وانت بتسلم ع صاحب البيت كده وانت مالى مركزك وبتقوله ازيك يا حج بعد ما كنت بتتلفت قبل ما تطلع لحسن تخبط فيه و يسألك ع الإيجار
او مثلا ً منظرك وانتى بتشترى لبس من البرندات الى ف سيتى ستارز بدل منتى كل ما بتحبى تخرجى بتنزلى سيتى تتمشى فيه وتتفرجى ع الناس المستحمية ال هناك وتروحى
او وانت بتلبس من عند تيد لاموند كده بعد ما كنت بتلبس م عند على قلبظ ال ف الف ماسكن
المهم انى اشوف نفسى وانا عايش تحقيق هدفى ده تماما وحياتى بعدها بقت عاملة ازاى بسبب هدفى ده .. وبعد كده عايزك تكتب تحت هدفك انت حاسس باية بعد ما وصلتله وحياتك اتغيرت ازاى

الخطوة دية مهمة اوى اوى لانك لما تعمل كده ممكن تكتشف ان حياتك متغيرتش او انك مش مبسووط اوى بعد ما حققت هدفك ده وساعتها هتعرف ان هدفك ده فاكس ومكنش يستاهل اننا نكمل معاه الخطوات الجاية – اهمية الموضوع ده ان فى ناس كتير اوى بتابع اهداف مش مهمة فعلا — وده بيخليهم يفقدو طاقتهم فى اهداف مش مهمة وبيسبوها بعد كده — بدل ما يركزو كل طاقتهم فى اهم الحاجات الى لازم ينفذوها .



الخطوة التالتة – دغداغ هدفك (قسمه يعنى)
بعد ما خلصنا تحديد الهدف وتصوره بشكل كامل فى الخطوة الى فاتت دلؤتى لازم نكسر الهدف ده لاهداف اصغر منه

يعنى مثلا ً لو كان هدفى انى ازود دخلى عشر مرات فى خلال سنة فانا لازم ابداء بانى اكسر الهدف ده لهدف نصف ثناوي بانى اقول مثلا ً هدفى ف خلال 6 شهور انى اكون مزود دخلى ب 5 مرات ضعف دخلى الحالى

وبعدين هكسر هدفى كمان لهدف 3 شهور بنفس الطريقة

مثلا ً هدفى ان ف خلال 3 شهور اكون حققت ضعف دخلى الشهرى مرتين ونص

وبعدين كمان هدف الشهر الاول وده هتكتب فيه انت عايز بعد شهر تكون وصلت لاية ف هدفك

مثلا ً هتقول ف خلال شهر من دلوقتى هكون اكشفت على الاقل 25 طريقة عملية ازود بيهم دخلى وكتبتهم ف كراسة حلوة كده عشان ابداء انفذ اسهلهم من تانى شهر للتذويد دخلى الحالى

سبب الخطوة دية اننا مش بقدر نتعامل مع الاهداف الكبيرة وعقلنا بيقفلنا لما بنفكر ف حاجة كبيرة كده انما لو قسمناها الى اهداف صغيرة ده هيساعدنا على تحقيق اهدفنا بشكل اكبر بكتيييير


الخطوة الرابعة – اكتب ايووة برضه اكتب خطة عمل بسيطة لتحقيق اصغر هدف
فى الخطوة دية هتحدد الخطوات التنفيذية وترتبها فى اطار زمنى واضح وتكتبها وتوزعها ف الايام الى المفروض تعملها فيها

الفكرة ببساطة انك الاول هتكتب مجموعة من الخطوات التنفيذية لتحقيق هدف الشهر الاول

يعنى مثلا ً هكتب انى علشان اكتشف 25 طريقة عملية ازود بيها دخلى محتاج اقراء كتاب عن الاستثمار من خلال الانترنت , او انى اتفرج على محضرات ع اليوتيوب لطرق زيادة الدخل , او انى احضر دورات بتعلم الموضوع ده , او انى هدور على جوجل واكتب دخل اضافى

وهنا حاول انك تكتب خطوات كتير تضمن بيها تحقيق اكتر من الى انت كاتبه ف هدفك علشان تكون ضامن النجاح بنسبة كبيرة

وبعدها هتحتاج توزع الخطوات دية من حيث الاهمية وترتبها فى اطار زمنى يعنى تقول مثلا ً الاسبوع ده هعمل كزا وكزا والاسبوع الجاى كزا وكزا

وبعد كده هاتلك نتيجه حلوة كده ولا حتة اجندة وحدد فى ايام معينة وساعات معينة الخطوة الى هتنفذها بالظبط واعمل كده مع كل الخطوات الى كتبتها

لو حاسس انك معندكش وقت تقدر تنفذ فيه الى انت عايز تعمله ده وانك مسحول ف تلاتلاف حوار اساسا يباءه استنى حلقة تنظيم الوقت من موقع النجاح علشان تعرف انك ممكن تنظم وقتقك وتعمل حاجات اكبر بكتييير من الى انت ممكن تعملها دلؤتى

ودلؤتى وبعد ما كتبت خطتك اتوكل ع الله وشوف اول حاجة ممكن تعملها اية وحاول تبداءها ف اسرع وقت ممكن حتة لو عقلك قالك يا عم فاكس انت كده كده مش هتكمل قاله ماشى خلينا بس اعمل اول خطوة دية وبعد كده يحلها الف حلال



الخطوة الخامسة — سيح لنفسك – اعلن عن هدفك
اه متسستغربش

سييح لنفسك وقول لاكبر عدد ممكن تقدر عليه انك ناوى تعمل كزا كزا قول لاصحابك قول لزمايلك ف الشغل قول لأسرتك أتصل بعمك وقله كل سنة وانت طيب وقله انا ناوى اعمل كزا كزا قول لاى حد انت تقدر تقوله انك ناوى تحقق الهدف ده

عارف ان فى اهداف بتكون انت مش عايز تقولها لحد علشان خايف من الناس مش عايز حد يحبطك او هتكون محرج منهم انك تقولهم هدفك فى الحالة دية مفيش مشكلة قول للناس هدف اول شهر بس يعنى قولهم على الى انت ناوى تعمله فى اول شهر وده غالبا مش بيكون حاجة كبيرة ممكن حد يحبطك فيها بالعكس ده غالبا ً لما هتقول للناس الى حوليك هتلاقى ناس منهم عايزين يساعدوك وممكن مثلا ً تيجيى تقول لحد انا هدفى هو انى اجمع 25 طريقة ازود بيهم دخلى تبص تلاقيه هو بيقولك انا عندى طريقة ويعد يحكيلك

انك تقول للناس ده من اهم الخطوات لان ده بيزود حماستك وبيخلى فى ناس كتير مستنياك يشوفو انت عملت اية ف هدفك ده

وده هيخلى عندك حماسة انك تحقق هدفك ده بشكل اكبر بكتير وهيزود الدافع عندك وكمان عزيمتك ف مواصلة الشغل ع هدفك



الخطوة السادسة – اختار مشرف عليك
ايوة لازم يكون فى حد هو الى بيتابعك وبيتابع انت نجحت ولا لاء

ف اوروبا والدول المتقدمة فى ناس اسمهم لايف كوتش ودول متخصصين ف الموضوع ده وشغلتهم هى انهم يساعدو الناس فى تحقيق اهدفهم والنجاح فيها لكن هنا !!!!

غالبا هتختار المسؤل عنك فى التنفيذ يكون حد من اتنين يأمه (الأقربوون) ودول انا بقصد بيهم .. الاصدقاء — – زملاء العمل — افراد الأسرة — حد عزيز عليك اوى ودول احسن حاجة فيهم انهم هيكونو مبسوطين اوى انك اختارتهم علشان يساعدوك او الاختيار الثانى انك هتختار قدوة وتطلب منه المساعدة مثلا ً ممكن يكون حد انت عارف انه وصل لهدفك ده قبل كده وانت تعرفه معرفة شخصية او ممكن تكون متعرفهوش – وده هتروحلو وتطلب منه انه يساعدك بانه يشرف عليك ف تحقيق هدفك وغالبا الافراد دوول مبيكونش عندهم وقت ليك للأسف علشان يساعدوك وهتتعب اوى علشان تلاقى حد مناسب فى الفئة دية

لكن احلى حاجة بقى لو انت عندك حد من الأقربوون كمان هو قدوة ساعتها روحله اول واحد واطلب منه المساعدة

المسؤل عنك ده لازم يتابع تقدمك بشكل دورى وكمان يساعدك ف التخطيط لاهدافك بعد ما توصل للنجاح ف كل مرحلة ولازم يكون شخص قادر انك تتواصل معاه بشكل دورى لو اختارت الشخص ده قوم بعدها على طوول واتصل بيه واحكيله الموضوع وابداء معاه فورا

للاسف الخطوة دية من اصعب الخطوات على ناس كتير لانك اكيد ممكن تكون مش عايز انك تحط نفسك ف موقف محرج وانت بتطلب المساعدة من اى شخص ويقولك لاء او يحرجك لكن ديما افتكر انك تحرج ده شئ تافه فى مقابل انك تحقق اهدافك .. وكمان ممكن تحاول تطلب المساعدة من شخص انت متأكد انه مش هيقولك لاء
الخطوة السابعة – ظبط نفسك وكافءها


احيانا وانت شغال على اهدافك هتلاقى نفسك وقعت فى تحقيق هدف منهم فى الاطار الزمنى الى كنت محدده لو ده حصل مفيش مشكلة ده عادى ممكن تراجع تنظيم وقتك وتحاول تانى لكن فى معظم الوقت هتلاقى نفسك بتنجح لو مشيت على الخطوات دية وهنا باءه لازم تكافاء نفسك ديما بكل نجاح صغير تحققه يعنى مثلا ً لو انجزت كل الى كنت المفروض تعمله الاسبوع ده كافاء نفسك

ممكن تكافاء نفسك مكفاءه بسيطة زى مثلا ً انك تخرج مع اصحابك او انك تكلم حد انت بتحبه او انك تتفرج على فلم كان نفسك تشوفه اى مكافاءة انت شايفها هتكون مناسبة

لازم تحتفل بنجاحك وكمان تبلغه للمشرف عليك الى اختارته ف الخطوة ال فاتت وكمان يا ريت لو تكتب نجاحك ده وتحتفظ بيه ف مكان وكل ما تحس انك مش قادر تكمل الشغل ع هدفك ارجع وشوف كل النجاحات الى حققتها لدلوقتى

ومتنساش كمان مع كل نجاح تعرف الناس الى سيحت لنفسك عندهم — وقلتلهم على اهدافك انت وصلت لاية ده هيخلى حوليك ناس كتير تدعمك لانهم هما كمان هيحسو بالنجاح معاك



الخطوة الثامنة – راجع نفسك
المراجعة دية خطوة مهما اوى لازم تحدد مواعيد لمراجعة اهدافك مثلا ً مرتين كل شهر وتحددهم باليوم كمان مثلا ً يوم 15 ويوم 30 من كل شهر علشان تعرف انت وصلت لفين وتكتب كل ملاحظاتك عن الفترة الى فاتت — المراجعة دية هتخليك تعرف انت واقف فين – وكمان ممكن تخليك عارف ان قدامك تحديات جديدة مكنتش شايفها قبل كده – و لازم تحط اهداف جديدة فى انك تتغلب عليهم وساعتها هتعمل كل الخطوات الى فاتت دية لهدفك الجديد



خلى بالك —


احيانا هتقابلك مشاكل اثناء الشغل على هدفك منها مثلا ً – انك مش هتكون عايز تكمل او انك هتحس فى النص ان الطريق طويل وهنا لازم ديما ترجع تمسك الورقة الى كتبت فيها هدفك والى وضحت انت حياتك هتكون عاملة ازاى بعد ما تحققه وتقراءها علشان تفكر نفسك ديما الى انت بتعمله ده لية وعلشان اية



فى مشاكل تناية كتير ممكن تقابلك فى الطريق علشان كده هنعملك فيديو تانى اسمه وسائل مساعدة فى تحقيق الاهداف قريب جدا علشان تقدر تحقق اهدافك بشكل اكبر

لو عايز تشوف دورة تدريبية كاملة مترجمة للغة العربية عن تحقيق الاهداف وكمان معاها ملفات ونماذج تقدر تتطبعها وتكتب فيها اهدافك ادخل على موقع النجاح دوت كوم ودور على كورس تحقيق الاهداف مترجم بالعربى ونزله واتفرج وعيش حياتك

اه متنساش لو عايز تساعد اى حد من اصحابك ف انهم يحققو اهدفهم ابعتله الفيديو ده او اقولك ع الاجمد اعمل شير ع صفحتك ف الفيس بوك …. انا عارف ان موضوع الشير ده اتهرس ف تلاتلاف وخمسمية فلم قبل كده بس نعمل اية بقى – ملناش بركة إلا انت – ولو عايز تشوف فيديوهات اكتر من النوع ده اشترك ف قناتنا على اليوتيوب

وأستنانا فى الفيديو الجاى عن ازاى تنظم وقتك


elnga7 غير متواجد حالياً   رد مع اقتباس
قديم 03-16-2017, 10:02 PM   #3
-||[عضو فعال]||-
 
تاريخ التسجيل: Mar 2017
المشاركات: 11
معدل تقييم المستوى: 0
3abi is on a distinguished road
افتراضي


شكرا على الإفادة


3abi غير متواجد حالياً   رد مع اقتباس
قديم 03-17-2017, 06:09 AM   #4
::مراقب عام::
 
الصورة الرمزية قلوب الاسلام
 
تاريخ التسجيل: Jun 2012
المشاركات: 22,411
معدل تقييم المستوى: 10
قلوب الاسلام is on a distinguished road
افتراضي


يسلمو على الموضوع الجميل والمفيد ..

لكم جزيل الشكر ..

في انتظار جديدك


0 × هل بكــآء الرجــل عيــب ×
0 السلام عليكم ..
0 اخي حنون
0 ((اشكال وخدع بصريه ))
0 قلم مميز في ضيافة نزف الخواطر وعذب الكلام
0 الف مبروك الالفيه 13 لـ المبدعه نجمة الأردن
0 خاص بالمسابقه
0 طريقة تحضير كيك الليمون الشتوية
0 طريقة عمل بسكويت اللوز والفانيليا..*
0 طريقه ماتخلي الكحل ينزل من عيونك
0 فتاة ثلوج رمزا من الابداع مبروك الالفيهـ 10
0 كم أحتاج لسماعك
0 نصيحه لمن لايمتلك صندوق النسيان
0 عيد اضحى مبارك لي منتدى المحبين ولي جميع المسلمين المحبين
0 سلام من لااخ الغالي عمر البغدادي
التوقيع

كم احبكم يامن تسكنون قلبي
رنيا شهود نجومه صمتي صابرين روليان بسمه نور ايمان ساره
نونه وملاك رورا صوفي زينب اريج ساشا لولا
مريــــــــــــــــــــــــــــــــــــــــــــم
قلوب الاسلام غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
دور المرأة في تربية الأسرة أبو عبد المجيد الجزائري منتدي عالم المرأة 7 08-08-2013 12:21 PM
حدائق منوعة sama2011 المنتدي العام 2 07-27-2011 10:14 AM


الساعة الآن 12:26 AM.


Powered by vBulletin® Copyright ©2000 - 2017, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.