قديم 02-02-2017, 11:59 AM   #1
-||[عضو فعال]||-
 
تاريخ التسجيل: Feb 2017
العمر: 34
المشاركات: 13
معدل تقييم المستوى: 0
رياض الدحماني is on a distinguished road
جديد مسلسل الحيالة 2017 الحلقة الأولى


سوف نبدأ بإذن الله بطرح الحلقات كل خميس

الحلقة الأولى

البداية.. بيت علف.. مانع جالس في الحوش حزينا والبيت مغبر و****ب
وهو يتحدث مع نفسه..اه يازمن . صرت وحدي في هالبيت بعد ما كان يهتز هز من الداخل والخارج
اه والله اشتقت لدواس وفتون حتى عيال ميسون لهم وحشة...سلامة سلامة رغم اللي سواه والله فقدته..خلوني بحالي جليلين الحيا والله واعلم وش يسون
دواس اخذ حريمه وهجوا
وفتون سافرت مع شاهين وجراح
كله مني* انا السبب انجريت ورى عادات عتيجة وليتها صح بس النتيجة خسرت عمري وخسرت اخواني وانحرمنا من الزواج
والله زي ماقال اخوي دواس الكبت يولد الانفجار وهذا اللي سويته لا مو بس كذا عيد بن شاكر ماعاد يشرفه يجلس معي لكن الله كريم .

المشهد الثاني ..نجرت حريم دواس مع بعض كل شوي وهم بهوشة ودواس شد من البيت
دواس في قهوة بالامارات جالس مع صديق جديد له اسمه عتود ويشكي له الحال من حريمه ويقول والله يسقي زمان كنت حر نفسي لاهم ولاغم وما كنت ادري اني في نعمه
عتود : الزواج يادواس سنة الحياة وهذا حقك تتزوج اكثر من وحدة تعوض السنين اللي راحت ههههههه
دواس :ايه بس حرمتين في وقت واحد اللي اعرف الرجال يتزوج وحدة وبعد كم سنة ياخذ الثانية انا لا اخذتهم في نفس الشهر لا وحكيمة الكبيرة اخذتها الثانية* غيري الثانية ياخذها اصغر لا انا عكست السالفه ..خلها على ربك يامعود
عتود :طيب ليش ما تطلق وحدة وتخلي وحدة
دواس: متعجبا وممسكا بدقنه كالعادة والله ودي ياعتود لكن كل وحدة فيهم لها فضل عليه وحدة تركت اهلها وماسمعت كلام امها النسرة وتمسكت بي رغم زواجي عليها والثانية لها مواقف مادية معي ولاتنسى هي الحين مجهزه مشروع** والله حيرة مدري وش اسوي.

المشهد الثالث.
فتون في مدرسة طالبات تشتغل فراشة وتطارد الطالبات ماريحوها وخلوها تشتغل ويجري هذا الحوار
حسبي الله عليكم من بنات اللي لعوزتوني وماخليتو شي مكانه انا بروح للمديرة اكلمها تشوف حل
فتون : تدخل على المديرة. لحقي عليه يام بدر كذا ما يطيق هالبنات شياطين مو ادم كسروا النجف والبراميل وفناجيل الشاي مدري ايش يدخلهم غرفة الفراشات
المديرة: يافتون لاتحطين اللوم عليهم هذولا صغار وانتي غلطانة دايم تعطيهم وجه وتلاعبين معاهم
فتون: يعني هذا جزايا اعطف عليهم واعتبرهم زي بناتي كذا النتيجة
المديرة ياحبيبتي يافتون خليك في شغلك ولاتحتكين باحد منهم وتشوفين ماراحوا يجون
احنا مالنا خلق في المشاكل معاهم ومع امهاتهن
فتون : تقول بينها وبين نفسها والله الجلسة عند مانع ارحم
المشهد الرابع
شاهين وجراح اشتغلو في شركة سكرتية وهم يعملون باخلاص
ينتهي شاهين وجراح وفتون من عملهم نفس الوقت في الظهر ويعودون الى شفتهم علما انهم داخل الكويت ولم يسافرون كما كان يفكر مانع
ويلتقون في المنزل للغداء وفتون تشتكي للجميع
انا تعبت ماعاد اقدر استمر طالبات عنيدات وشغل يكسر الظهر ومديرة مالها شخصية
شاهين: تحملي يافتون مو هاي شورتك نبعد عن البيت ونعتمد على انفسنا من حكارة مانع ودواس
فتون : بحزن. والله وحشوني اخواني على الرغم من اللي سووه فيني بس وحشوني
جراح*: هاه بدينا يعني ودك نرجعك لمانع وحصاره
فتون : اشتقت لغرفتي والشيشة على السطوح تتذكر لالا الشيشة خلاص توبة بغت تقصي عليه غدرت فيني شرشر مثل دسوقي الغدار.
انتهت الحلقة الاولى


رياض الدحماني غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ون بيس الحلقة 702 مترجم h1hnoon منتدى عالم الأنمى و الكارتون 1 08-08-2015 05:57 PM
رواية بيتال ونص رغم السوالف )) مضحكه $$$ الحب الخالد $$$ قسم الروايات المكتملة 202 10-11-2013 08:47 AM
قلوب تخشى الحب كيوكو-شان منتدي الروايات - روايات طويلة 125 08-27-2011 04:13 AM
روايــة يـآرضـآها وقف ونــآآظر شوووي pink-rose منتدي الروايات - روايات طويلة 6 03-07-2011 01:31 PM


الساعة الآن 02:54 AM.


Powered by vBulletin® Copyright ©2000 - 2017, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.