قديم 02-24-2017, 04:23 PM   #1
نقية كـ نقاء الغيوم
 
الصورة الرمزية أنثى السحاب
 
تاريخ التسجيل: Dec 2012
الدولة: المملكة الاردنية الهاشمية ♡
المشاركات: 19,455
معدل تقييم المستوى: 10
أنثى السحاب will become famous soon enough
قلب يومي قبل يومك بقلم مال الشام



لبست تالة مريول المدرسة و عملت لفتيين زيت و زعتر .. وحده الها و وحده لرياض
خبتهن بشنتايتها ونزلت بسرعة

ام جمال : ماما طلعتي ؟

تالة : ايه ماما اموااااااه .. يلا باااااي

نزلت عم تنط عالدرجت وبلشت ترن على باب بيتو لرياض .. ضلت ترن الجرس لفتحتلها امو

تالة : خالتو خالتو تأخرنا وينو رياض ؟

ام رياض : يلا ثواني عم يمشط شعرو

طلع رياض من ورا ضهر امو و ضحك ببراءة وقت شاف تالة ..

طلع و ودع امو وقالتلو امسك ايد تالة يا حبيبي

رياض : يلا تالة امشي ..

نزلو عالدرج ومشيو بطريق المدرسة .. الطرقات كلها طلاب مدارس… و ريحة الخبز فايحة بالشوارع

كان رياض صف خامس وتالة صف تالت و ماشين وعم يحكو و يضحكو

تالة : عملتلك لفة

رياض : يسلمو اديكي

تالة : وايديك تعا بالفرصة وخدني ايه ؟

رياض : ايه ماشي رح اشتري عصير الي والك ومناكول

تالة : اتفئنا

وصلو عالمدرسة ولقو الطابور الصباحي مبلش .. راح كل واحد منهن لعند طلاب صفو و وقفو بانتظام

بلش النهار الدراسي و تالة قاعده وحاسه بملل وعم ترسم عالدفتر وردة .. شافتها الأنسة وخانقتها

صارو الطلاب يضحكو وهي خجلت كتير وبكيت .. بعدين قامت من مقعدها و طلعت من الصف

قعدت بساحة المدرسة تحت الشجرة ..

كان رياض بحصة الرياضيات .. وقاعد جنب الشباك الي بيطل على ساحة المدرسة ولمحها لتالة
قاعده هنيك وعم تبكي ..

رياض رفع ايدو : استاز بدي روح على الحمام

الاستاز : ممنوع ..بعد ربع ساعه الفرصة

رياض : بس يا استاز انا كتير مضطر خليني روح الله يوفئك

ضحكو البنات والأولاد اتطلعو عليه مستغربين .. حاول رياض ما ينتبه لحدا ...

الاستاز : طيب روح الله يعيني عليك

قام فوراً وطلع يركض وانفجرو الصف ضحك عليه وكان سامع صوتهن بس مو مهتم .. راح لعند تالة وكانت
قاعده وعم تبكي

رياض : شو عم تعملي هون ؟

رفعت عيونها فيه وهي عم تبكي : الانسة خانقتني

رياض قعد جنبها : ليش طيب ؟

تالة : لأن كت عم ارسم بدرس العربي

رياض : طيب مو لازم ترسمي بدرس الرسم ؟

تالة : انا ما بحب المدرسة خلص بدي بطل ادرس

رياض : مو على كيفك

تالة : على كيف مين ؟

رياض : مو على كيف حدا .. يلا قومي غسلي وشك

تالة : ما بدي خليني عم ببكي هيك

رياض : لك ليش؟

تالة : مشان تيجي المديرة وتشوفني عم ببكي وتخانقها للانسه

رياض : ههههههههههه قومي قومي

تالة : مااااااااا بدي

رياض وقف وصار ييفكر شوي

تالة : شو ؟

رياض : جوعان

تالة : اللفة بالصف ما جبت الشنته معي .. ان شاء الله تاكول سم انسة ابتهال سمتلي بدني

رياض : طيب بس يرن جرس الفرص بفوت انا جيبهن .. رح روح جيب عصير هلأ مشان ما نتخانق مع الطلاب بالأزمة

تالة : ماشي

راح رياض اشترا عصير الو و لتالة وبس رن جرس الفرصة فات على صفها وجاب السندويش وطلع
ورجع قعد جنبها وبلش ياكول

تالة : لك اعطيني سندويشتي

رياض : لك ما بصير تاكلي .. انتي زعلانه

سحبت تالة من ايدو السندويشة و بلشت تاكول وهي عم تبكي وتشرب عصير

تالة : ان شاء الله بتشردء بالعصير و بموت

رياض : لا بعيد الشر

تالة و تمها مليان اكل : ان شاء الله بغص بالسندويشة وبرتاح

رياض : لا بعيد الشر عن ئلبك ان شاء الله انا ولا انتي

تالة: لك لاااا الله يجعل يومي قبل يومك

رياض: هههههه ليش يعني؟

تالة: مابعرف بس هيك ستي بتضل تقول لجدو..

_____________________________________

#بعد_عشر_سنين ... تحت شجرة كبيرة .. وبجامعة دمشق .. كانت قاعده تالة عم تبكي

رياض اجا من بعيد عم يركض

رياض : لك تالة شبك ليش عم تبكي ؟

تالة : الدكتور قلعني من المحاضرة يبعتلو ست مية حمى ..

رياض كان بأيدو سندويشة شاورما و علبة كولا

بلش ياكول وهو يضحك

تالة : بتاكول مو ؟ ولا على بالك انو حبيبتك تبهدلت وتشرشحت هيك الله يسامحك

رياض : لا حبيبتي طبعاً هاممني .. ( ريتو ياكول سم هالدكتور سملك بدنك )

سحبت تالة من ايدو السندويشة وهي عم تبكي وبلشت تاكول : جوعااااااانه الله لا يوفقو

رياض : كلي حبيبتي كلي ريتو صحة وهنا

سحبت تالة من ايدو الكولا

تالة : اعطيني خليني اشرب واتشردءء وترتاحو مني .. لك ان شاء الله غص بالسندويشة وريحكن ياااااحئ

رياض : ههههههههههه هههههههههه بعيد الشر ان شاء الله انا ولا انتي

تالة: لاااا الله يجعل يومي قبل يومك

رياض: ههههه قومي قومي خلينا نلحق المحاضرة الي بعدها .. يلا بلا دلال

__________________________________________________ _

#بعد_خمس_سنين

تالة : حبيبي السكربينة مدايئتني كتيررر ورجلي عم يوجعوني
قلتلك ما بدي البسها .. ضروري الكعب يعني ... لازم تنزعولي هاليوم
كم مره رح اتجوز انا وبدكن تجوزوني على كيفكن ... تضرب هالحياة

رياض : وليه نوريه هسسس اسكتي بئى

تالة : ولا الكوافيرا الجدبة شوف كيف نزعتلي شعري

اجت من بعيد اختها لتالة ومعها قطعتين كيك للعرسان وكاستين عصير

رياض : منيح جيتي ميس .. تعي تعي

تالة : ايه منيح جيتي خليني اكول

رياض و تالة : ( ريتها تاكول سم هالكوافيرا سمتلي بدني ) اتطلعو ببعضهن
وميس اتطعت فيهن مستغربة

رياض : خلص هاتي من ايدك انا بعرف اتصررررف روحي انتي

مسك رياض الكيك و اخد قطعة كبير وحطها بتم تالة

رياض : ان شاء الله بغص باللقمة وبترتاحو مني

تالة : ايه ايه مزبط
و شربني عصير الكيك ناشف .. ان شاء الله بتشردء بالعصير وبموت ياااااارب

رياض : لك بعيد الشر يا عمري بعيد الشر انا و لا انتي ههههههههه

تالة: لااااا الله يجعل يومي قبل يومك
________________________________

#بعد_اربعين_سنة

قام رياض من مكانو و وقف عالشباك وهو عم يتفرج عالمطر برا..

رياض: و بدك ياني ما ازعل على فراقها يا صاحبي؟…

محمد قام و حط ايدو على كتف رياض: الله يرحمها… الله يرحمها… الاعمار بيد الله …

رياض : لك ااااخ ااااخ… ياريت يومي كان قبل يومها…. ياريت

محمد: جرحك بعدو جديد... الصبح دفناها ...

التفت عليه رياض و عيونو عم يلمعو من الدمع...

رياض: انا من اليوم اشتقتلها.... اشتقتلها كتير

تمت...

للكاتبه مال الشام


0 تعرض ﻧﺠﺎﺗﻲ ﺷﺎﺷﻤﺎﺯ ﻟﺤﺎﺩﺙ ﻓﻲ ﻣﻮﻗﻊ ﺗﺼﻮﻳﺮ وادي الذئاب
0 حرٌّ أنتَ يا سيّدي !
0 ترحيب بالعضوة الجديدة عاصي
0 للاطفال تعليم الوضوء والصلاة بالصور
0 ﺗﻌﺮﻓﻲ ﻋﻠﻰ ﺍﻷﺩﻭﺍﺭ ﺍﻟﺮﺋﻴﺴﻴﺔ ﻟﺮﺟﻞ ﻓﻲ ﺍلعلاقه...
0 ما نساوم ﻗﺼﻴﺪﺓ ﺭﺍﺋﻌﺔ ﻟﻠﺸﺎﻋﺮ ﺣﺴﻦ ﺍﻟﻨﻌﻴﻤﻲ
0 خد فكرة وازرعها فى نفسك تصبح سلوكا
0 يخص مطار برق
0 كيف تصبح شخص مبتكر
0 ﻫﻤﺲ ﻟﻲ ﻭﻗﺎﻝ ﻟﻲ ﺃﺣﺒﻚ ﻳﺎﻟﻬﺒﻠﺔ
0 ﺭﺳﺎﺋﻞ ﺍﻟﻰ ﺷﺨﺺ ...ﻻﻳﻌﺮﻓﻪ ﺳﻮﺍﻙ ....
0 صورة لزهرة تلتهم ضفدع
0 في يوم من الايام لن اكون بينكم
0 ﻫﻴﺌﺔ ﻛﺒﺎﺭ ﺍﻟﻌﻠﻤﺎﺀ ﺗﻨﻌﻲ ﻭﻓﺎﺓ ﺍﻟﻤﻠﻚ عبدالله بن عبدالعزيز
0 ﺑﺴﺘﻨﺔ ﻏﺮﻳﺒﺔ ﻋﺠﻴﺒﺔ .
التوقيع

حدثني وكأني سأموت غداً

أنثى السحاب غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية لو كَـرر التَـاريخ امرأه أخُـرى مـثلكـِ ! لـَعشقتُ الخيـانة يـأإ سيــدتي .. ♥ صمتي قاهرهم منتدي الروايات - روايات طويلة 37 08-18-2014 09:14 AM
واجبى نحو طفلى قبل ان يولد محمص القلوب منتدي اطفال - تربية الاطفال 3 05-29-2014 04:50 PM
رواية /تتدكر يوم قلتلي والله لجيب راسك ترى انا الي جبتو وتعديته وخليتك تحبني/بقلمي سيدة الغموض منتدي الروايات - روايات طويلة 281 10-22-2013 01:49 AM
سلسلة حلقات اتنين متجوزين اريج الورد فاح منتدي الروايات - روايات طويلة 16 11-28-2011 10:33 PM
يا ظالم إلي متي عايش غريب المنتدي الاسلامي (الشريعة و الحياة) 6 11-27-2011 09:10 AM


الساعة الآن 02:55 PM.


Powered by vBulletin® Copyright ©2000 - 2017, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.