قديم 09-03-2018, 10:45 AM   #1
== مراقب عام ==
 
تاريخ التسجيل: Mar 2015
الدولة: إيطاليا
العمر: 69
المشاركات: 26,623
معدل تقييم المستوى: 10
معاوية فهمي إبراهيم is on a distinguished road
افتراضي كيفيه التعامل مع الطفل العصبي


بسم الله الرحمن الرحيم
السلام عليكم ورحمة الله وبركاته :-

(( كيفيه التعامل مع الطفل العصبي ..والعنيد ))

موضع لفهم نفسيه الطفل واسباب العند وكيفيه التعامل
طفلك بيصرخ !! تعالوا نقرا مع بعض الخلاصة في الموضوع ده من غير تبادل اتهامات أو فتي.
#صراخ_الطفل حالة من الاعتراض الشديد على موقف مش قادر الطفل يتقبله.
#متخدعوش نفسكوا بجملة ( ابني طبعه كده)، صراخ الطفل جانب سلوكي بحت . سهل جدا إنك تسيطري عليه و تقوّميه.
#اتأكدي إن أي بداية حقيقية لتغيير طبع طفلك إنك تبدأي بنفسك ، مش من العدل أبدا إن الأم تطلب من طفلها إنه #يوطي_صوته، و هي كل شوية تصرخ في وشه أو في إخواته.و مش من العدل إن #الأب يقول مش لاقي هدوء في بيتي و صوته بيعلى و يزعق على أتفه الأسباب.
#الصراخ زيه زي أي عادة سلوكية سيئة يخضع للعقاب.
#أول_خطوة في مواجهة صراخ الطفل إن من يواجهه يكون ثابت انفعاليا جدا. يعني ميبادلوش الصراخ بصراخ.
#تبادل الصراخ بين الأم و طفلها بيزود ثقة الطفل في نفسه جدا جدا لإنه بيحس إنه قدر يهز الجبل اللي قدامه و على أد ضعف جسمه وعمره قصاد أمه إلا إنه قدر يخرجها عن شعورها .
#قمة_الخطأ هو تبادل الصراخ.
#ثاني_خطوة في مواجهة صراخ الطفل هو عدم استكمال الحوار الكلامي نهائي . مع وجود الاتصال البصري في عينه بشكل مباشر وقول : مش هكمل كلامي إلا لما تعتذر عن صوتك العالي و توطي صوتك. و يكون الكلام ده و انت في مستوى طوله. ( يعني تنزلي لطفلك علشان يكون مستوى الطول شبه متساوي ) .
#متتريقيش على النقطة اللي فاتت و ترددي الجملة الشائعة : هو ابني هيفهم !!! آه هيفهم حضرتك .هيفهم جدا كمان.
#ثالث_خطوة في مواجهة صراخ الطفل هو انك تعمل/ تعملي hold. بمعنى توقف مؤقت لكل متطلباته عدا الأساسي منها ( أكل و شرب وتواليت) لحين اعتذاره عن صراخه.
#يجب ذكر سبب العقاب بمنتهى الوضوح للطفل.
#يجب ضمان ردود الأفعال المحيطة تماما. بمعنى إن مينفعش الأم تعاقب و الأب ينهي عقابها أو يقوم بعكس موقفها. أو الأب يعاقب وتيجي الجدة أو الجد و يكسروا كلامه.
#رابع_خطوة في مواجهة صراخ الطفل هو الاستمرار. يعني مينفعش تعاقبيه مرة لما يصرخ. و مرة تتنطشي، انت كده بتفقدي هيبتك و كمان بتربكي الطفل.
#خامس_خطوة في مواجهة صراخ الطفل في حالة وجود تجمع عائلي. هو إنك تروحي لطفلك -و تجنبي تماما إنك تحرجيه قصاد أي شخص -و تهمسي له إن قصاده اختيارين ملهمش تالت. إما إنه يلتزم الأدب أو مش هيكون جزء من التجمع العائلي ده. و لو مستجبش متكرريش كلامك و انسحبي بالفعل. و متسمحيش أبدا إن طرف تاني يكسر كلمتك قصاد طفلك. و لما تروحي بيتك تقوليله في هدوء إنه متعاقب بكذا.. و تجنبي تماما إن مع اعتذاره أو عياطه ترجعي في كلامك. و ده هيكون درس مهم جدا لطفلك مش هينساه لإنه هيتأكد إنك بتتكلمي جد و إن كلامك مش مجرد تهديد .
#انت_مش_مضطرة_تخجلي من وجود طفلك في أي تجمع أو خروجة .
#صراخ_طفلك انعكاس لعدم سيطرتك عليه. و ده شئ هو ملوش ذنب فيه. سيطري على طفلك بثباتك الانفعالي و بتصميمك على موقفك وبقبول اعتذاره -في حالة عدم تكرار الفعل الخاطئ – #متزعقيش #متصرخيش . مش من #حقك تطالبيه بالهدوء و انت #مجنونة في ردود أفعالك.

***************


التوقيع
اضغط هنا لتكبير الصوره
معاوية فهمي إبراهيم متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
شعر العروس والعنايه به طيف الامل منتدي العنايه بالبشرة و الشعر و الجسم 7 01-02-2016 02:54 PM
كيفية التعامل مع الطفل حديث الوﻷده حتى يبلغ السنه وسام اليمني منتدي اطفال - تربية الاطفال 3 03-20-2015 09:43 AM
كيف تتعاملين مع غيرة الطفل a5one منتدي اطفال - تربية الاطفال 0 11-11-2013 02:17 PM
العنايه باالشعر طيف الامل منتدي العنايه بالبشرة و الشعر و الجسم 2 08-08-2009 12:12 PM
فن العناية بصحة وجمال الشعر ارجوو التثبيت... ღღ غصن الأراك ღღ منتدي العنايه بالبشرة و الشعر و الجسم 2 05-16-2009 04:45 AM


الساعة الآن 10:57 PM.


Powered by vBulletin® Copyright ©2000 - 2018, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.