قديم 08-03-2008, 12:48 AM   #1
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,263
مقالات المدونة: 128
معدل تقييم المستوى: 10
$$$ الحب الخالد $$$ is on a distinguished road
افتراضي ديوان شقى جدار الزمن للشارع المصريه منال درويش


شقى جدار الزمن



شقي جدار الزمن

وانسي الدموع والخوف

وخطي كل المحن

وارسمي ع الأرض

اسمي حروف

أوعى تخافي الكلمة

لو تخرج من الحلق

وتشق الصفوف

امسكي قلمك وورقك

واكتبي كل الحقيقة

بالمناظر والشخوص والأماكن

حتى الوجوه البريئة

ارسمي …أحكي

أوعي خوفك يهزمك

اتكلمي …كوني جريئة

قولي كل اللي تشوفية

قولي الحقيقة !!!

انزعي توب الوشايا

والدنيا والمجون……..

والحياة من غير عيون

انزعي كل القساوة

والبسي توب الحلاوة

بس اوعي تلبسيه

إلا لما تخلعي توب السكات

توب الرقاد……..

والحياة من غير معاني ودعيه

انشلي العمر اللي باقي

م الضياع …..!!!!

عشان ما تيجي فِ يوم تقولي

العمر ضاع…….!!!

لملمي كل الشوراع

والحواري والطريق

واجمعيهم واختاريلك

من قلوبهم ميت صديق

شقي قلبك من ضلوعه

لو فِ يوم خانك وقال

انك انت مش حقيقة

لكن أغرب م الخيال

شقي قلبك من ضلوعه لو فِ يوم قالك وداع

حبي ليكي أو لغيرك

دة محال….!!

اصفعي قلبك بايدك ..

اصفعيه 000!!

لجل ما يرجع لرشده

رجعية 000!!

قبل ما يفوت الأوان

يكبر الحقد الصغير

يبقي غول000!!

يبتلع كل المزارع والحقول

يمشي في عروقك

يدنس كل نقطة دم

أنت عايشه بيها

يهزمك حقد صغير ما يساويش

يقطع الشريان ويسد الوريد

وانت ساكتة ..ما تقولبيش

ساكتة ليه اتكلمي ؟؟!!

راح خلاص زمن السكات

والحياة من غير معاني

ياللاه اصحي م الثبات

لملمي جسمك ويلاه نعدي بيه

اجمعي اللي تلاقية

ايوة دي ايديكي وراسك

ايوة رجليكي كمان

و في المكان دة000

لا قيت عنيكي …!!

بس حاسبي ع العنين

هي دي الرمز اللي باقي

يلاه وبسرعة امسكيه

حافظي عليه0000

كل شيء راح تلمسيه

بالعنين دي ح تشوفيه

بس أوعي تزعلي

لوشوفتي ف الصورة

حاجات ما تنحكيش

أو قريتي ف الكتاب

كلام ما يتقريش

بس لازم ترسمي كل الحقيقة

ارسميها ومتخافيش

ارسمي اللي تلاقيه

ارسميه وبسرع يلاه لوني

اختارتي ايه الوان قولي لي

لجل ما اعرف أي لون ح تمسكية

اختارتي كل الوانك غوامق

طب وليه ؟؟؟؟؟!!!

فيه مساوئ عايشة جواكي بترعي

زي سوس فِ الخشب بيهد فيه

لونهيا بالسواد …غمقيها وسودية

شايفة أي في الصورة تاني شايفة قلبك يندبح

ووريد علي جداره طبقة م الصدى

متمددا وودان سددها كوم تراب

وانثي عنكبوت متبغددة

كل دة …!!!!!!.ما يهمكيش

لونيها ومتخافيش

لوني كل الحقا يق والدقايق والفصول

احمي عقلك وانزعيه

من جوة دايرة الافول

وان لاقيتي جوة صورتك

حاجة حلوه

ضيعة جواكي ارسميها

لونيها بلون جميل

نظهره جوه الفصول

واحمي عقلك …طهريه

اغسليه بايديك انت اغسلية

تنحمي كل العقول

ولما صورتك تنتهي

امسكي قلمك وورقك

دوني كل اللي ياما حستية

اطلقي قلمك يدون كل كلمة

في صورتك انت اعرفية

اعرفي كل الحقايق جوه صورتك

انزعي كل الغوامق والمساوىء

دي بنفسك …!!

اشطبي كلمة سواد

وأهجري توب السكات

امسكي شمعة000!!

ودوري ف البلاد

قولي للناس انك انت

شوفتي نفسك من جديد

كبري الشيء الجميل

جوة صورتك وارعي قلبه …

زي قلب الام ما بيرعي الوليد

يلاه نبدأ من جديد

بس لازم برده ح تشوقي الطريق

جوه قلب الخوف

ح تمشي بدون رفيق

يلاه قبل ما يفوت الاوان

لملمي العمر اللي باقي

واتركيه يمشي ف امان

افتحي للشمس بابك

وشقي جدار الزمان0000!!


0 قصيده في اعضاء برق الكرام
0 طرق تحطيم البنات
0 ما نجهل الدنيا
0 متعب التركي خربها ... بقصيده سب عن برنامج المليون
0 العناية بالمناطق الحساسة ( ملف شامل )
0 يــــــــــا خبــــــــر
0 السودان عبر التاريخ - القديم - الجديد - المعارصر
0 ديوان الغيوم الماطره النثري للشاعره دموع السحاب
0 ديوان قلم شاعره - ضحية صمت
0 العهد الراشدي و الأموي (1-132) هـ
0 احداث اليوم الجمعه 23/4
0 صدام حسين والفخ الامريكي مسلسل 1-18
0 صاحب القلب الكبير (( برق )) تحت المجهر
0 روايات دان براون العالمية ( مؤلف شفرة دافنشى ) باللغة العربية
0 لا غبت بعد اليوم
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره
$$$ الحب الخالد $$$ غير متواجد حالياً   رد مع اقتباس
قديم 08-03-2008, 11:05 PM   #2
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,263
مقالات المدونة: 128
معدل تقييم المستوى: 10
$$$ الحب الخالد $$$ is on a distinguished road
افتراضي


البحر والليل..



البحر والليل ،،

والشموع،، نجمات

بتلملم الشط اللي متشوق ،

للنسيم ،، حبات

تحيي بوار والخضار ،،

سنابل بالأمل ،، جيات

طارح نوار ،، والعمار

م النيل لحضن الفرات

والموج سبيل ،،

والسلسبيل نهري !!

طرح ورود والوعود ،،

كلمة،، تصحي الوجود

يخطها الموج ع الشط

ميت عنوة،، ما ليها حدود

النور يفوت ،،

والعنكبوت راحل !!

الضي قوت

للحلم لو كاحل !!

دربي ،، بيوت !!

لو الطريق واحل !!

البحر ……يــــــــــاه..!!

م البحر وظنونه

عاشقه معاه الحياة

مشتاقة لجنونه

صابر علي بلواه

لو موجه ح يخونه

البحر ……يــــــــــاه..!!

م البحر ورياحه …!!

داب النسيم ف هواه

عشق الندى جراحه !!

البحر و أنت وأنا

والليل….. بلا مرسى !!

وشمسي لو تنطفي

قلبي ما راح يأسي

ح يعاود المشوار

يمكن ف يوم يرسى ؟!!

البحر ……يــــــــــاه..!!

م البحر لو غادر …!!

أخاف أنا قسوته

لو حلمي ح يصادر !!

الليل يعشش ف قلب التوهة والحلم ح يسلم ….!!

لما النهار يصبح ،،

ما هوش قادر …!!

تدبل دموع الندى

تنطق بصمت الخوف

يا بحر ليه قسوتك ؟!!

تطرح غضب هادر؟!

البحر والليل والنجوم

وأنت وأنا ……دايرة

والشط مش باين

والمركبة حايرة !!!

لملم شراع الهوى

يا حلم نزلني ؟!!

قبلن يموت الأمل

واصبح أنا الجايرة !!!

واصبح أنا الجايرة !!!


التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره
$$$ الحب الخالد $$$ غير متواجد حالياً   رد مع اقتباس
قديم 08-03-2008, 11:06 PM   #3
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,263
مقالات المدونة: 128
معدل تقييم المستوى: 10
$$$ الحب الخالد $$$ is on a distinguished road
افتراضي


اشراقة..




من فوق جسور المستحيل

شقيت طريقي

من جوه قلب الخوف

ومسكت بايديه النهار

واختارته أنه يكون صديقي

من فوق هضاب اليأس أنا خدت القرار

اليأس مش ممكن ح يهزم خطوتي

ولا يوم ح تقصر ماشيتي

ما دمت عارفة سكتي

مفيش تراجع أو فرار

والشمس تعشق النهار

ويضمها وسط السما

كما لقى الأحرار

فوقك يا أشلاء الطريق

أنا ح أمشي مرفوعة الجبين

لا يوم ح أطاطى للقدر

ولا يوم ح أوطى للسنين

فوق يا أشلاء الطريق

ح ارسم طريق للعاشقين

ح أقابل شمس أيامى

واسرح شعرها الدهبي

تطمنى علي بكرة

تنور لي ظلام عمري

تنسينى اسى امبارح

وأهة قلتها بدري

تفكرنى أمل طارح

وحلم نسيته جاى يجري

راح ارسم ع الحيطان وردة ونجماية

وأنور ع الطريق شعلة أمل جاية

وفوق جبين القمر

ح ارسملي ضحكاية

راح انسج م الامل توبي

واقول لدنيتى توبي

بلاش تكشيرتك ديه

عمر الضحكة ما تعيبك

ابتسمي و لو مرة

تلاقى الكل محاسيبك

ولو سيبتينى في مرة

أنا عمري ما ح أسببك


0 امبراطورية الشر الجديدة (4)
0 ورقة اجابة بسمة امل
0 منتديات برق في محرك البحث لعام 2012 الفتره الثانيه
0 سجن الاعضاء (( ساري 16 )) في السجن
0 عيد الفطر المبارك ( خفايا واسرار ) الحق بسرعه
0 ثورة العشرين العراقيه
0 دَعْوَةْ إِلَىْ عَشَاءْ
0 صور لوحة مفاتيح خطيره بس غبيه
0 الف مبروك لرمح الغرام الديوان
0 بن لادن يتوعد أوروبا بـ"رد قاس" على إعادة نشر الرسوم المسيئة
0 الزمزمي افتى بالاباحة للمرأة المتزوجة باستعمال ادوات لتفادي الوقوع في الخطيئة
0 قلبي لن يتحطم - صوت الحب
0 الشروق وابيك روج والمجهر
0 ديوان الشاعر أبو مسلم البهلاني العماني
0 مبروووووووووووووووووك عسوله الاشراف
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره
$$$ الحب الخالد $$$ غير متواجد حالياً   رد مع اقتباس
قديم 08-03-2008, 11:09 PM   #4
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,263
مقالات المدونة: 128
معدل تقييم المستوى: 10
$$$ الحب الخالد $$$ is on a distinguished road
افتراضي


خارج حدود المكان


مفتتح :

على كل لون يا بشرْ

على كل لون يا خلقْ

متبعترين فِ السكك

زي الأمان والحق

زي الرياحين

تفوح بالمسك والعنبر

والطعم كله مرارة

يأذي الحلق

نقشنا فوق الصدور

كلمة سكات لنموت

عشقنا بحر السكات

لجلن ما نلقي القوت

اصبح رماد فِ الوريد

يخنق أمانينا

وكلمة الحق

ياما ع البشر بتفوت !!!!

((الليل))

الليل طويل عشش جدار بتنا

والخوف ملجم خطانا..

لا مشينا ولا بتنا ..!!

لما الليالي تليل

ع الأماني.. تموت

نبيع النهار بالبكا

ونشتري قوتنا

شاهد على العصر ولا

كلنا شاهدين ؟!!

كفاية نمضى الشهادة

يا قلبي بسكتنا !!

((فيلسوف))

مسك الحكيم شمعة

في عز نهار ..!

قالوا عليه مجنون ..!!

قالوا عليه محتار ..!!

ضحك الحكيم من قهر الاستهتار

ازاي دي حكمة قديمة وقلتها مرة

دايما بننسى يا شرقنا الحكمة

ان النهار جوانا لو نعرف ؟!!

لو انطفت شمعته ..جوانا ميت شمعة

((احتلال))

زرعت شجرة ريحان

والريحة فواحة

طرحت أمان

واستكان القلب للراحة

فتحت كل البيبان ،

للشمس بسماحة

غنى الحمام في البنان

ينده على خله

ام جيه غراب في الضباب

سرق الأمل كله

ما دريتش إن الأمان

محتاج لقوة وضمير

وايدين تصحى الكسالى

وعنين تخاف ع الغير

ترعى طيور العصاري

وهية راجعة بخير

من الغراب والضباب

والتوهة وسط الليل

((حلم))

حلمت خير انى تايهه

والتوهة وخدانى

والدنيا حلم الصبية

وبقسوة ..سرقانى

تكسر شراع الندى

وبتنسى عنوانى

لفيت على كل دار

أنده على دا الولا

اللي يلملم ضلوعى

ويشدنى تانى

من بين سنين الشجن

ويطفى أحزانى

وأدوب معاه في الصفا

واحس حر الدفا

ألقاه ويلقانى

(( مريم ))

أيا صاحبتى يا أحلى أغنية

جوه الحشا عشتها

فرحة وملاغية

بادوب في حضنك دفا

وسنين معدية

يا بنت عمري

يا عمري الجاي..

بصراحة ..

خايفة عليك من الدنيا اللي جراحة

وناس تعيش الذل بالراحة

وتاكل القوت متغمس بطعم هوان

وإن سألتى يقولوا : ما تفهميش

ولا تسأليش ح تعيشي مرتاحة


0 لا اقول ودعا بل !!!
0 ديوان العــــــقــــد الفـــــريـــد - (  
0 ارتاحي وانا بعد برتاح - بقلمي
0 الشاعرة ريم جاد الله بنت ليث الغضنفري
0 حبك انهمار. 
0 سب علني في قناة الجزيره واعتذار خجول من "الجزيرة"
0 طليقة الروح تحلم - تاليفي
0 اناااااااااااااا وصموووووووووود انثى
0 الولد اللطيف وام احمد السبيعي والطلاق
0 الحشرات العجيبه
0 يا أهل غزّة أبشروا: الجيوش قادمة لإنقاذكم...
0 ردا على كل من يسالني عن حبيبتي !!!
0 الحيوان المدرع
0 السعلوه غريب
0 فاني وان قلت يوما - بقلمي
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره
$$$ الحب الخالد $$$ غير متواجد حالياً   رد مع اقتباس
قديم 08-03-2008, 11:10 PM   #5
مستشار الادارة
 
الصورة الرمزية $$$ الحب الخالد $$$
 
تاريخ التسجيل: May 2007
المشاركات: 25,263
مقالات المدونة: 128
معدل تقييم المستوى: 10
$$$ الحب الخالد $$$ is on a distinguished road
افتراضي


الحرف التايه..




تدور بينا سواقينا

وتجرحنا …!!

مع الصخرة اللي بتلامس

جوارحنا ….!!

فِ عز الصيف

نلاقي خريف يصبحنا

نقول الآهة …يرد صداها

يجرحنا ….!!!

يضيع الحرف فِ النبض

اللي تاه بينا …!!

يخاف الحرف يتكلم

لا نعرف اننا فِ محنة..!!

تدور بينا حروف الكلمة

مخنوقة………!!

وقلب الغنوة مسروقة

وحلم ع البيبان ضايع

ونور الفجر مش طايع

تمد الإيد ….ما تلاقي

تتوه فِ القلب أشواقي

ندوق الصبر ونعيشه

ويفرد ع القلوع ريشه

ونستسلم….!!

تموت الفرحة جوانا

ما نتألم …..!!

ويهزمنا هوان الخوف

يغور الجرح ويعلم

وتنزف أرضي تتألم

يا خوفي الجرح لا يسلم

يا صوت لحق ليه

مسجون ما بين جدران

عشقت العتمة والتوهه

قفلت ع الاماني بيبان

بعترت مني سكتي

والأهل وصحبتي وجيران

نستني حتي ضحكة

كانت هناك قبل الزمان بزمان

يا ريحة الارض

حدوته فِ قلب أذان

لملمي ضلوعي

متشوقة لحضنك أمان

علقم يا طعم الظلم

فِ الموال …….!!

علقم يا صوت الحق

فِ الاغلال….!!

علقم يا مشوار السنين

قصايد شعر راح تنقال

وحرف الغنوة مش طايل

و تايه فِ البلاد رحال

فايت ناسه وكراسه

وداره ع المدي اطلال

يعشش فيها بوم الغاب

يحول حلم عمره ،، محال

تدور بينا سواقينا ..تبدل بالمرار أحوال.


0 ديوان الشاعر : أ. ر. أمونز Archie R. Ammons
0 سحليه في ليلة دخلتها
0 الامبراطوريه العمانيه
0 عطر سوريا ياغايب متى با تعود ؟ !!!!
0 الحضاره الكنعانيه
0 حرب اكتوبر 1973 على الجبه المصريه
0 استقلال تونس الخضراء
0 دَعْوَةْ إِلَىْ عَشَاءْ ( قلوب اﻻسلام )
0 نائب صدام الهارب يدعو للمقاومة في العراق في اول ظهور مصور منذ الغزو الامريكي البريطان
0 قصيدة كاش بن كاش
0 جذابه ولما مراد
0 خذي بعضا مني سيدتي - بقلمي
0 روايتي الأولى / شياطين تدوس الأرواح
0 تكرار المواضيع !!!
0 عالم الجن والعفاريت
التوقيع
قل لي حاجه !
اي حاجه !
قل بحبك !
قل كرهتك !
قل قل ..
قل وما يهمكش حاجه
قل بعتك
بس قلي اي حاجه
اي حاجه يا حبيبي
اضغط واضحك :

اضغط هنا لتكبير الصوره

اضغط هنا لتكبير الصوره
$$$ الحب الخالد $$$ غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:02 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.