قديم 08-03-2008, 07:03 AM   #1
-||[كبار الشخصيات في المنتدى]||-
 
الصورة الرمزية هدوء الكون
 
تاريخ التسجيل: May 2008
المشاركات: 2,899
معدل تقييم المستوى: 14
هدوء الكون is on a distinguished road
افتراضي قصيده لقيطه



اضغط هنا لتكبير الصوره


بليلة برد وبرق ورعد *** من خوفي بكت عيني
ولا أحد يحس فينــي *** أنا من لي أنا ويني

يايمه ليه تركتينــي *** بلا حس يدفينـــي
يايمه هانت دموعـي *** يايمه هانت سنيني

يادنيا وينهـا أمي؟؟ *** ليه يايمه تعافيـني؟؟
أنا ولدك أنا أنتي *** أنا ياكيف تنسيني ؟؟

أنا شسويت يايمه *** أنا شذنبي أنا شفيني
أنا غلطان يايمه *** أنا ياكيف بعتيني ؟؟

ياليتك جاهله يمه *** وبإيدك وأدتيــني؟؟
ياليتك قبل ما أحيى *** أنابجوفك قتلتينــي

أنا شسويت يايمه *** أنا شذنبي أنا شفيني
يايمه أحلف بربـي *** دعاء منك يحمينـي

يايمه ياترى وحشتك *** مثل ماأنتي وحشتيني
يايمه وينها عيونك *** من دموعي تواسيني

يهون عليك يايمه *** بلا أسم تخلينـــــي
أنا ساره أنا نوره؟؟ *** أنا كيف بتنادينـــي

أحس ببرد يايمه *** أبي صدرك يدفينــي
أحس بخوف يايمه *** أبي قلبك يغطينـــي

أنا شسويت يايمه *** أنا شذنبي أنا شفيني
حملتيني وسط جوفك *** وللوحدة رميتينــي

وكنت أسمع صدى *** نوحك يوم أنك ولدتيني
أبد ماهانت دموعك *** يوم أنك بكيتيـــني

يايمه أسألي سجودي *** بأعلى الصوت يدعيني
يايمه أسألي ركوعي *** من حالي بيرثينـــي

يايمه أسألك أنتــي *** الى يومك تحبينـــي
يهون عليك يايمــه ..*** بثوب العار تكسينــي

يهون عليك هالعالم *** لقيط الدار يسمينــي
يايمه سامحك ربـي *** يوم أنك شقيتينـــي

يايمه سامحك ربـي *** يوم أنك خذلتينـــي
يايمه سامحك ربـي *** على مر جرعتينــــي

يايمه أنتي مو أمي *** أنا أمي ما تخلينـــي
ياأنتي أيه ياأنتي= أبي تنسي عناويــنـي

وأبي تنسين يــوم *** أسود يوم أنك ولدتيني
وكل يومي أنا بدعي *** لباس الصبر يكسينــي

وأنا مؤمن برب الكون *** خلقني مايخلينــــي
وأنا مؤمن برب الكون *** خلقني مايخلينــــي



منقوووووووول


هدوء الكون غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:40 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.