قديم 09-15-2008, 11:30 PM   #1
-{كبار الشخصيات}-
 
الصورة الرمزية ورده حمرا
 
تاريخ التسجيل: Feb 2008
الدولة: rio
المشاركات: 2,516
معدل تقييم المستوى: 9
ورده حمرا is on a distinguished road
افتراضي ديوان الشاعر(بندر بن سرور)


بسم الله الرحمن الرحيم

اليوم اقدم لكم الشاعر بندر بن سرور

وهذي بعض التعاريف عنه

هو بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360هجري
توفي والده وهو صغير السن وعاش مع عمه بعد زواج والدته من رجل اخر.
عاش الحرمان منذ صغيره وربما السبب فيما وصل اليه بندر من موهبة شعريه فذه
درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي
قال بيت له عندما اتاه احد الدائنين يطالبه بماله
الدين واجد و الوظايف تعيسة *** والعسكرية خلت الراس شايب


من اشهر قصائد بندر ابن سرور علي الاطلاق والتى يرددها الجميع
( ياسهيف الذرعان)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه
وكان بندر معروف لدي الجميع وقد انشد قصيدته تلك
ياسهيف الذرعان مانيب مرجوج***رجتني الأيام غدر وحيله
يابنت لولا اللي على تاسع الفوج***تركت نجد وعزوة بالقبيلة
لاشك حاديني على نجد هادوج***مسقي الفيافي لين يدرج مسيله
تركي ليا من الليلي غدن عوج***حملة عتيبة كلها ماتشيله
يرسي كما ترسي البواخر على الموج***ومنين ماصك البحر يرتكيله
مادام تركي حي ماودي أدوج***وإن غاب غبت من الرجوم الطويلة

_____________
كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وله بيت يؤكد ما قيل عنه

أنااليا مني نويت أفتل البيت ***فتلت والشعار ما ينقضونه
صدق متنبي عتيبه
____________
وله قصيده مشهور ايضا قالها عندما كان في الامارات وهي طويله لكم منها تلك الابيات

متى يجي في نجد بعض التدابير*** حتى يجي للصابرين انفراجي
يالله ثبتني على الارض لا اطير ***لين اشرب الشاهي واكل علاجي
علاج راسي حبتينن بقصدير ***اللي عليهن رسمهن بزدواجي
ويامنير اخذ الفرت واخذ الفواتير ***واحرص عليه ودخله بالكراجي
ان كان يبغى زيت عب المواصير ***وان كان يبغى نار غير بواجي
واليا استعد وضخر البعد تصخير ***تصخير شيهانن لفرخ الزراجي
عده على اللي مايعد المخاسير ***ركاز عمدان الخشب للنعاجي
تم قل لبو ماجد ترى وقتنا غير ***واتبدلت سحب المطر بالعجاجي



(2)

الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي
عبد العزيز اللي يبث المصاريف
يجدع قناطير الذهب بالفيافي
يمشي على دربه جموع مراديف
نو تحدر ماه والجو صافي
يشدي لواقيط الزبيدي بعد ريف
ومما كسى البيدا تفيد الضعافي


(سر ياقلم)


سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي الحر ذاقه
انا بذكره ماصله خاطري ضاق
باقو به الأصحاب والوقت باقه
وصار الضحيه بين باير وبواق
يمشي وهو ماحس في كسر ساقه
امسى على ساقين واصبح على ساق
مهذي سواة الوقت شين اصطفاقه
الوقت لو يصفى لك ايام دراق
لاشك يامن معك عقل ولباقه
بنصحك كان انك للأمثال تشتاق
صادق رجال يعرفون الصداقه
يقفون صفك يوم يبسات الأرياق
ومن يرغب فراقك فعجل فراقه
جاز الذي يجزيك أفراق بفراق
يقوله اللي جاير الوقت عاقه
ولازال في غيبوبة الهم مافاق
حظه على اقشر شي للنفس ساقه
بقبور الاحياء ينتظر يوم الأطلاق




(الشاور غشاني)
من بلاد الشام جينا بالمكينه
فوق فرت ماتخثع بالطماني
يحتدي مثل الجمل تسمع رطينه
مع طمان القاع مثل الثعلباني
والشفير من المدارس مطلعينه
عيدهي يجدعه جدع الحصاني
قذلة الطربوش ناطلها يمينه
عن ظلام الليل شب الكهرباني
ماتجيه يسار رجله شوف عينه
غير يسر الطاركي باليماني
يوم قال له الخوي عاشت يمينه
شد رجله للكمك واحد وثاني
يالله انك تنصره من نصر دينه
ان عطى له مع غبا والا بياني
قلت يالمطنوخ انا عيني حزينه
عن شراب اللف ابيه وعنك كاني
قد رمى بالكيس قدمي قال وينه
دوك مابالجيب عن شي لهاني
يقصد الكبريت معي منه عينه
قد منا تلت غراميل متاني
قلت ثالث قال يالله لاتهينه
قلت خامس قال قير يطلب نقل ثاني
قالت واحد والكمك ظام المكينه
قال لي من يرحم القاسي لياني
قلت والله يرحمونه صانعينه
قد زعلت من اللهيب اللي غشاني
قال ماتاثق بذمه مقننينه
عن مشاور غير عرفي قد كفاني
قاطع عرقين مدري وين وينه
قد وصلت الأرض واسمع صوت ثاني
يوم يرفع موخره قو المكينه
يرتخي صدره وانا الشاور غشاني
قلت دوك اللف خابو شاربينه
غطني عن شوف شي قد غشاني
قال عن وقلت بأيا لحينه
قال قل ناسي خوي مانساني
قلت عاش الشيخ واللي ناجبينه
عادة الطيب اليا جا الجد عاني

( لاتجربونه)

ياهل الونيت اللي يبي مشتل البيب
مادق صدره بالخطوط الغزيره
يوم يتخثع مع محير الأداعيب
يشدي تخثع جادل في حريره
لاتجربونه مايبي الفرت تجريب
قد جربه بالبيت الأبيض خبيره
عدوه لابن حزام سيد اللواعيب
لعاب زينات البيوت العسيره
ثم قل لقاعد مانبي منه تدريب
الوقت دربنا على كل سيره
لو كل من قاد السبب يعلم الغيب
ياما كرهت النفس من باب خيره
ان قفت الأيام ماها مغاريب
واليا اقبلت يازين صافي غديره
قل له رميت الكيس بين الشواريب
واليوم ادوج مالقيت اتعميره




(لاتسقط شرفها)
الله من شي بحالي نحفها
من مالجى بالقلب حالي نحيفه
من كثر ماتكتم تزايد تلفها
بين كداها بالعروق الصخافي
كم واحد له حاجة ماصرفها
يصد عن صرافها لايضيقه

يخاف لايقضب نديم طرفها
قلبه صدى واطراف جسمه نظيفه
والله خلق بيد الذلول وعسفها
للي يبي المنهاج مثل القطيفه
والفضل للي مدها ماقصفها
وانهج من الدار المحل للمريفه
وانصحك ياللي غرته ماعرفها
شيب تشيب مايحول رديفه
رديفها يركض ويركز هدفها
وقت يقص العظم من حد سيفه
وان جتبك الدنيا وجابك صدفها
لاتعتزي بأهل النفوس الضعيفه
وأنصحك نفسك لاتسقط شرفها
ترى بعض بيض المجالس مجيفه




(خبيث التجاره)
لاوالله الا طولن بالوقوفي
عيا يحملهن خبيث التجاره
بفلوسنا ياعبيد ماش معروفي
متى نجي ياعبيد مع خشم صاره
ياركب من فوق صاف البلوفي
مقعد امبير الزيت نيم الحراره
فراق مابين القلوب الولوفي
فرت كما وبل السحايب غباره




(شيب الفلاحي)
بديت ذكر اللي بسط سبع بوتاد
واللي رفع سبع بليا عمدها
والكار للي صار غيث للأجواد
لاقبلها صارت ولا من بعدها
زايد على كل العرب بالوفاء زاد
ساق المراجل لين وقف عددها
حلحيل حلو مر زراع حصاد
كبد يداويها وكبد لهدها
ولي عجوز من ورى شط بغداد
سمت على شيب الفلاحي ولدها
تبغاه يطلع مثل زايد ولا فاد
ماكل من هاز الطويله صعدها
ياشيخ انا جيتك على غير ميعاد
من خوف روحي لايجيها وعدها




(صنايع يهود)

الا يانديبي فوق دوج عليه شراع
ماقال انفخ التشريق جاء في مواصيره
ليا هبت العليا وقام العجاج وراع
يهيظك مع السكه تزاوغ معاصيره
صنايع يهود لايبدل ولا ينباع
يقربك من دار ويبعدك عن ديره
بعد ماطلعوه مشيك مايبي المرجاع
سمع من وراه الفوج غنت مواطيره

ليا دق سلفه قام صوته يرج القاع
ماجاه المعاون يشتغل في مساميره
عطاه اثنين وداس بلأبنص وفاع
رزيمه رعد مزن تهلع دناقيره
خرط له بثالث عقب نشه بعزم وزاع
شتله برابع مايضيع تغاييره
ليا شال عزمه ريحه آمن مارتاع
مسك مع يمين الخط ويلد لأنبيره
نص جو سمنه مايبطنج مع الأرواع
منصيه شيخ ماتبطل جزازيره
على سلم جده مايشاور ضعيف الناع
يدلك بفعله كاثرات دواويره







؛



تقبلوا خالص أحترامي



؛
ورده حمرا


0 عطورات مره حلوة وغريبه ادخل واختار واحد ما بتندم
0 ماذا تعرف عن الربو
0 ودي بشوفه يابحر لو ثواني
0 ديوان الشاعر(بندر بن سرور)
0 تم القبض التماسيح المتجسسه على السحالي
0 اهداء الى قسم الالعاب طلب الحب الخالد
0 صور خطيره ولوجن بليلة زواجهم
0 صور بيت غريب وغربته انه......
0 جبل على شكل وجه رجل نائم
0 صور قصر الملك فهد في البحر
0 بنات لحقوا على صور شباب المنتدى
0 قصه الحب الخالد مع اخوه الكبير
0 باركولي جبت امتياز
0 لا فوتكم يا سحالي يا حبيباتي خطيير عن التماسيح
0 بلييز ادعولي
التوقيع
انتبه لنفسك ،،انا من يحبك وانا من يريدك

وانا من يخشى عليك من ادنى الوجع!

انا من يهرع خوفا اذا اصابك اي شيء

حافظ عليك ارجووك ف انت سبب سعادتي
ورده حمرا غير متواجد حالياً   رد مع اقتباس
قديم 04-01-2010, 11:03 AM   #2
-||[عضو قادم بقوة ]||-
 
تاريخ التسجيل: Apr 2010
المشاركات: 3
معدل تقييم المستوى: 0
بن سرور is on a distinguished road
افتراضي


يقول بن سرور
ياالله ثبتني على الأرض لاطير
لين أضبط البراد واخذ أعلاجه
أعلاجه حبتين أبقصدير
عليها من الوسم أعوجاجه


بن سرور غير متواجد حالياً   رد مع اقتباس
قديم 04-01-2010, 11:07 AM   #3
-||[عضو قادم بقوة ]||-
 
تاريخ التسجيل: Apr 2010
المشاركات: 3
معدل تقييم المستوى: 0
بن سرور is on a distinguished road
افتراضي


أنا ليامني نويت أفتل البيت
فتلت والشعار ماينقضونه
بينت راسي للمغني وغنيت
وين أنت ياللي مرمساتن أديونه
حج الجمل ياأهل المثال وحجيت
والناس راس العبد مايقطعونه
دوك السوج وشغل الفرت يابخيت
وارد حفيز وكاملاتن أفنونه
** تحياتي للحمرا**


بن سرور غير متواجد حالياً   رد مع اقتباس
قديم 04-01-2010, 11:14 AM   #4
-||[عضو قادم بقوة ]||-
 
تاريخ التسجيل: Apr 2010
المشاركات: 3
معدل تقييم المستوى: 0
بن سرور is on a distinguished road
افتراضي


مل قلبن كل مامات همه دارت دواليب الدهر لين تحييه
فراق شمل الناس عيا يلمه وقتن يشيب الراس من شايتن فيه
أحدن ينام وحط راسه أبكمه وأحدن تخم النوم عينه وتخطيه
وأحدن يحاول بالردى بنت عمه وأحن يدور ستر عذرا عوانيه
تخالف الأوظار شرقن ويمه كلن هدف رايه من الناس مرضيه
أنشدك يالي كل شين تتمه تقرا الكتاب وكل فرضن تصليه
وش القليب اللي عميقن مجمه ماسر غرسه ماهي عطشن سوانيه
سم السبب ياعرفن عنه سمه سم السبب ولاتراني بسميه


بن سرور غير متواجد حالياً   رد مع اقتباس
قديم 04-08-2010, 09:38 PM   #5
-||[عضو قادم بقوة ]||-
 
تاريخ التسجيل: Apr 2010
المشاركات: 1
معدل تقييم المستوى: 0
بندر بن سرور is on a distinguished road
افتراضي


يقول بن سرور:
أنحاس بالي يامحمد وصديت
من باعد الصدات قلت أشطونه
مانب وأنا بندر أبهيتن ولد هيت
هيتن يجامل خمتن يكرهونه
من كثر ماجربت وأقبلت وأقفيت
قولت هلا ملا يودك مهونه
لاشك تحتاج المراجل شفاليت
تحتاج شين يقصر النذل دونه
عزمن على الفرجه وقطع الخلا الميت
حتى عيال البوم مايقطعونه
ثلاث من كل المعاني تنقيت
واللي بقا كل الملا يقدرونه
مبغى جزائن غير من خالق البيت
عما لهن لناس ماينفعونه


بندر بن سرور غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية عشـــاق من احفـاد الشيـطان - كامله $$$ الحب الخالد $$$ قسم الروايات المكتملة 167 10-11-2013 09:21 AM
رقام هواتف وإيميلات المشايخ..... عديل الروووووح المنتدي العام 5 02-03-2012 03:18 PM
قصة حياة امير المؤمنين عمر بن الخطاب !!!ADO!!! المنتدي الاسلامي (الشريعة و الحياة) 3 11-14-2011 10:32 PM
ديوان الشاعر الشيخ محمد بن راشد آل مكتوم $$$ الحب الخالد $$$ منتدي الدواوين الشعرية 28 09-12-2008 07:42 AM


الساعة الآن 03:16 AM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.