رواية ناداني ولبيته

رقم المشاركة : 1

03-07-2009, 06:46 AM

رعشه هدب

-||[عضو قادم بقوة ]||-

معدل تقييم المستوى: 0

رواية ناداني ولبيته

ليش تدفع اكثر وانت تقدر توفر في قيمة مشترياتك مع لقطه.....ادخل وشوف

رواية ناداني ولبيته
اود ان اضع بين ايديكم روايه بعنوان ناداني ولبيته
الروايه اكثر من رائعه وتسحتق القرائه
فقد ابدع كاتبها بتوصيفه من كل لحضات الحزن والفرح والغضب ابدع ابداع كامل واهنيه على روايته الاكثر من رائعه

نبذه عن الروايه :
الروايه هي عباره عن دراما سعوديه تدور احداثها بين الرياض والشرقيه والطائف
ولكن احداث الرياض والطائف هي الاكثر اثاره بالروايه

مقتطفات من الروايه :

بداية الروايه :

اقتباس:
بمستشفى التخصصي بالرياض دخلت ام فيصل بكل وقار وهيبه تمشي مع ولدها فيصل متجه للغرفه الي بالطابق الرابع
الي تضم بداخلها رجل..لكنه ظلم ..عذب ..شرد....تخلى عن مسؤلياته ..
ظلت أم فيصل تمشي وهي تفكر كيف بيكون اللقاء هل بتقدر تسامح هل بتصرخ بوجه الرجل الي غير حياتها كانت خايفه
متوتره قلقه رغم قوتها وحكمتها وايمانها بالله سبحانه وتعالى الخوف بدأ يتصاعد بداخلها لحد ماوصلت لدور الرابع وامام الغرفه
دخلت ام فيصل للغرفه واهتالت من شكل الرجل وقالت بخاطرها سبحان الله كل قوه لابد لها من ضعف والله يمهل ولايهمل
هذا الانسان كان مضيع دينه وراكض وراء ملذات الدنيا الزايفه ماتخيلت بيوم تشوفه بهالشكل الضعيف حاولت تكون قاسيه لكنها
دعت الله انه يرحمه ولايعذبه بمقدار ماعذب ويسامحه على كل شئ عمله لها ..
ام فيصل بعد ماقربت ...السلام عليكم
ابراهيم...وكله تعب ..وعليكم السلام هلا نوره
فيصل ويحاول يسند ابوه ..ارتاح يبه لاتتعب نفسك
ام فيصل...سلامات ماتشوف شر طهور ان شاء الله
ابو فيصل وبصوت منهك ....سامحيني ياام فيصل ظلمتك
نوره...الله يسامح الجميع

مقتطفات متفرقه :

اقتباس:

اما في بيت المرحومه عايشه كانت العنود جالسه تكتب عالعاده وفجاه تسمع سلمان
سلمان....عنووووووود ....عنووووده
العنود وباابتسامه لانه يلحن اسمها .....نعم هنا بالصاله انا
سلمان....تعبت اخيرا لقيتك
العنود..بسم الله عليك تعال اجلس عندي وقول شتبي
سلمان....ابي اشوف فيصل وغدير مو اماني شافتهم وابوي الي انتظره خلاص راح للجنه
العنود وعورها قلبها ..ان شاء الله راح للجنه حبيبي وبعدين الاربعاء بتروح تشوف اخوانك
سلمان..قولي والله
العنود ماردت عليه
سلمان...اسف صح مانقول والله على كل شئ بعدين انتي ماتكذبين الي يكذب ربي وين يحطه
العنود.....ههههههههههه تقلدني بعد يحطه ربي بالنار وجلست تضحك مع سلمان

اما بالمقهى كان فيصل وحمد
حمد...يافيصل الي صار لامك صار لامي لكن الفرق ان عمي حط لها بيت لحالها وبكذا ارتاحت
لكن امي لا جلست بنفس البيت معهم وجدتي الله يرحمها كانت تحرك البيت على كيفها ولك تتخيل الضرب والاهانه
والتهزئ حاولت تتطلق لكن كان ابوي دائما يمسكها مع اليد الي تعورها عيالها يقول بطلقك لكن عيالي عندي
فتتحمل وتجلس وعلى هالحال مرت الايام كبرت وانا اشوف امي تضرب تهان قدامي اشياء كثيره كنت اشوفها

اقتباس:

حمد....انا كنت ساكن فيها لحالي لاني اروح اشرقيه كل اربعاء لكن بصراحه ماعجبني جلست خواتي عند خالي
اخذتهم عندي والحين ادور لي على بيت مناسب
فيصل...وحصلت
حمد.....للاسف لا
فيصل....مالها الا سعد ابشر موضوعك عنده
حمد....من سعد
فيصل...اخو دنياا سعد اعز من اخو بالنسبه لي
حمد....كفوا والله انزين انا ماشي الحين وبينا تليفون
فيصل..اكيد ان شاء الله
تركه فيصل وهو محتار كيف يخلص هالمواضيع الي تراكمت على راسه
موضوع اخوانه وموضوع حمد الي طلع فجأه وتعب ساره واشياء كثيره تحتاج بعض القرارات السريعه اتخذ قراره مع امه
وراح لبيت المرحومه عايشه ام سلمان زوجة ابوه الظهر
دخل لللمجلس هو وامه ومعه اماني وشوي ودخلت العنود
العنود وهي لابسه عباتها وكالعاده بالبرقع لكن مغطيته بطرق خفيف
العنود..السلام عليكم وجلست عند الكرسي الي عند الباب
الكل...وعليكم السلام
فيصل وهو منزل عينه بالارض ....كيف الحال اخت العنود
العنود بصوت واطي ولارفعت عينها ...الحمد لله
فيصل...اول شئ اسف عالازعاج لكن فيه مواضيع لازم نتكلم فيها والوالده فضلت انا الي اتكلم فيها
العنود..البيت بيتكم وتشرفون بأي وقت

اقتباس:
العنود..الو
ام فيصل..السلام عليكم
العنود..وعليكم السلام
ام فيصل..ماعليه يابنتي ازعجتكم عالصبح
العنود..لا ياخالتي ماازعجتينا الا احلى صباح
ام فيصل..شلون العيال
وضحك محمد وساره هنا
غدير ..خير على شو تضحكون
محمد..على امي تقول شلون العيال تلاقين البنت اخترعت كبرتها عشرين سنه
ساره وتأشر على فيصل انه مو معهم منسجم بالجريده
ام فيصل..خلاص تقول اماني اذا رجعت بتجي هنا
ساره..وهي مابتجي
ام فيصل..تقول بتجي العصر البنت تستحي تجي من الظهر ولاحبيت احرجها
طلع الكل وراح لدوامه فيصل عالساعه عشره طلع لمدرسة فيصل وسلم على كل
مدرسينه وعرفهم على نفسه وسلمان كان يقول لكل اصحابه ان هذا اخوه كان مبسوط كثير
وبعد ماانتهى الحفل وسلموا سلمان شهادة التقدير وهديته طلع مع فيصل الي اخذه للبيت
وجلس مع امه وسلمان
سلمان..خالتي بكلم عنوده اخاف تزعل بعدين
ام فيصل وباابتسامه..ماتزعل انا قلت لها انك بنجي مع فيصل
سلمان ويفكر ..طيب بكلمها بس شوي

اقتباس:
وفجأه دخلت عليهم الخدامه
تركض وتصيح
الخدامه ..ماما عنود ..ماما عنود
قامت عنود والبنات يركضون بااتجاه الصوت
العنود بخوف ..شفيك ميري
الخدامه.... سلمان موت دم كثير دم كثير
طلعت العنود من غير تفكير ومن غير شال ماعليها الا جلابيه وشعرها تاركتها ودموعها ماليه وجهها ومعها
غدير واماني وحتى ساره طلعت وبنص الحوش متجه لباب الشارع انفتح الباب ودخل فيصل ثوبه كله دم
انصدم بالعنود الي على طول من غير تفكير راحت له تقدمت له وهو وقف مكانه انصدم من شكلها واتجاهها له
العنود ومن بين دموعها ..وين سلمان فيصل طمني سلمان مامات صح الله يخليك صح
فيصل متفاجئ بشكل العنود ودموعها واسم الموت ..مافيه شئ بخير
العنود وهي تصيح ..بشوفه وينه
فيصل وبصوت اعلى ..يابنت الحلال مافيه شئ
غدير ..طيب وينه فيصل وهالدم وشو
فيصل ولاهو قادر ينزل عينه او يستوعب ..موجود
العنود ومشت للباب ..بروح اشوفه مشت لكن بحركه سريعه مسك يدها فيصل
فيصل وبصوت عالي..العنود وين رايحه
العنود وتبعد ايده..ابعد عني بشوفه بتطمن
فيصل..ويأشر بيده عليها بتطلعين لشارع كذا اصحي قلت لك مافيه شئ يعني مافيه شئ
العنود صاحت وبهدوء جلست عالارض عند فيصل ومسكتها غدير وحضنتها وهي تصيح معها
فيصل وبصوت عالي مره ..ماابي احد احد يفتح هلباب طلع وسكر الباب بقوه خلت العنود تبكي بصوت اعلى
العنود..حرام عليه بشوفه
طلعت ام فيصل تركض لهم وبكت معهم وحاولت تهدي العنود وهي تحتاج احد يهديها
اما فيصل طلع وهو معصب وحصل حمد توه واصل للبيت ركب معه
حمد..خير فيصل شفيك شوهالدم
فيصل..خير روح مستشفى دله بسرعه

مابي احرقها عليكم الاحداث المشوقه بالروايه كثير لكن حبيت اعطيكم نبذه بسيطه عنها
بالنسبه لي جلسه وحده من بعد صلاة الفجر الى الساعه 10 بالليل اقرى الروايه
وماخفي عليكم
بعض المواقف فيها ضحكني وبعض المواقف حزنتني وخنقتني العبره فيها وبغيت اصيح

الروايه كامله على الرابط
ط±ط¬ط§ظˆظٹ ظ„ط±ظپط¹ ط§ظ„طµظˆط± ظˆط§ظ„ظ…ظ„ظپط§طھ http://www.rjawe.com
اتمنى لكم قرائه وضحك ودموع ممتعه

من مواضيعي في المنتدي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية وجوه رمادية .. رواية سعودية رائعه كامله .. للكاتب : البدر الضاوي	$$$ الحب الخالد $$$	روايات - روايات طويلة	15	02-25-2010 09:50 AM
رواية ناداني ولبيته	رعشه هدب	روايات - روايات طويلة	0	03-07-2009 06:46 AM
:: رواية حب في جمس \ رواية سعـــودية ::	غامض	روايات - روايات طويلة	4	01-08-2009 01:30 PM
التراجعات الالباني المختصرة هاااااااااام جدا لكل مسلم ومسلمة	alhaware	منتديات اسلاميه	3	11-24-2008 05:09 AM
رواية (الفراشة ) نادرة و رائعة جدا و فقط لمحبي الادب الرفيع	$$$ الحب الخالد $$$	روايات - روايات طويلة	1	09-01-2008 11:48 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق