قديم 09-21-2007, 05:39 PM   #1
-||[عضو VIP]||-
 
تاريخ التسجيل: Jan 2007
المشاركات: 5,084
معدل تقييم المستوى: 13
ih_sun is on a distinguished road
Talking شايب جريش سمن عسل بنت جماع شاب


عزم احد الشباب على الزواج من احدى قريباته في الاجازة الصيفية وقال قبل اتزوج ابستخير وابسئل اهل الشور من كبار السن المهم راح الشاب لاحد الشياب الكبار في السن وقال له يا شايب الرحمن ودي اعرس وش تنصحني فيه
قال الشايب لاتستحي اول ليلة من قريبتك اللي هي زوجتك لان المثل قال ( من استحى من بنت عمه ماجابت له ولد )
ثم لاتخليها تطلع واجد للعزايم والعروس والمناسبات ( كل من هب ودب تروح له )
لاتخليها تتولع بالاسواق وتصير ( دواجه )
قال الشباب طيب وشغل الليل ( الجماع ) وش اسوي معها
قام الشايب وتعدل في جلسته وقال ياوليدي حنا في زمنا كنا نجامع حريمنا 3 و4 و5 مرات باليوم من النشاط فينا نقوم الصباح بدري ونفطر على سمن وعسل وبر ولبن ونروح لمزارعنا نفلح فيها ثم نرجع الظهر للبيت وغدانا رز ولحم وقرصان وجريش ومطازيز كلها شعير وبر يخلي الواحد انشط من الحصان
وماكنا نعرف المكيفات ( الفريون والسبلت )
كنا ننوم في السطح والهواء شمالي
ماكنا نعرف الامراض ( لاسكر لاظغط لارومتيز لا وجع بالظهر والمفاصل ماكنا نعرف النوم على السرير او مراتب اسفنج ( سليب هاي ) ماكنا ننوم الا على الارض والا على حصير ياوليدي وانا ابوك كان الحرمه اول تحب زوجها وتخاف عليه وتلبي طلباته علشان كذا من زود غلاها تلقاء الشايب يكرم المره ويحبها ومايخليها تنام لحالها ماكانت الحرمه تعرف لا ( تلفون ولا جوال ولا دش ولا نت ولا اغاني ولاغيره
كانت طول وقتها في البيت تغسل وتطبخ وتعجن وتخبر وتحلب العنز والناقة وتجلس تصالي التنور علشان الخبر مايحترق 0
قال الشايب ياوليدي اذا جينا نجامع حريمنا نصلي قبلها ركعتين ونجلس نداعب المره وتلقى المره مجهزه الغرفة ومطيبه الفراش ولبسه لباس زين وريحتها دهن عود ومنظفه نفسها
واذا جاء الساعة 9 ليلا خلصنا شغلنا وكلن نام وارتاح ويقوم بدري علشان يصلي الفجر مع الجماعة ثم يرجع يكمل مع زوجته اذا شاف نفسه نشيط لين الساعة 6 الصباح يقوم يتروش بالماء من البير ويقوم للفطور الجاهز
قال الشايب للشاب ياوليدي وش نظام حياتك
قال الشاب ابد ياشيبنا في الاجازه
اقوم الساعة 1 الظهر اروح لاحد المطاعم
( كودو او هرفي اوغيره اخذ لي وجبه على السريع ) ثم ارجع للبيت اجلس في غرفتي
اقول للشغالة تصلح لي شاهي اجلس اقراء الجرايد والمجلات الين اذان العصر البس لبس الرياضة واروح للنادي العب كورة الين اذان المغرب ثم اجي اغير ملابسي واطلع مع اصدقائي ندور شوي ثم نروح للاستراحة نجلس لعب بلوت وشرب شاهي ونتفرج على الدش اللين الساعة 3 الفجر ارجع للبيت افتح النت واتابع كل جديد واجلس احمل الافلام اللي يحبها قلبك ياشايب ماغير تشوف هالحريم ( المساليخ والبنات اللي ترقص ) والاغاني الين الساعة 6 الصباح وكل يوم على هالحال الين تجي الدارسة والا الدوام 0
قال الشايب اجل متى تشوف امك وابوك
قال الشاب ابد ادق عليهم بالجوال اسلم عليهم وبعض الاوقات اجلس معهم نصف ساعة او ربع ساعةان لقيت وقت فاضي !!!
قال الشايب اجل اذا اعرست وش بتسوي مع بنت الناس؟؟؟؟؟؟؟؟؟؟؟؟؟؟؟؟؟؟؟؟؟؟
قال الشاب والله ياشايب مدري وش ابسوي وش رايك انت ؟؟؟؟؟ شكلي ابتورط
قال الشايب انقلع عن وجهي لاضربك باهالعصى اللي معي على راسك !!!!!!!!!!!!
الشاب حط رجله وماشفت الا غباره


منقول


ih_sun غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:37 PM.


Powered by vBulletin® Copyright ©2000 - 2014, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.