قديم 09-19-2009, 09:49 PM   #1
-||[عضو قادم بقوة ]||-
 
تاريخ التسجيل: Sep 2009
المشاركات: 1
معدل تقييم المستوى: 0
قطــ الندى ـــر is on a distinguished road
افتراضي الحب اكبر عذاب


السلام عليكم
كيفكم ياحلوين
علشان ما اطول
انا بديت اكتب روايتي الأولى واتمني انها تكون علي قد المستوى وعجب الكل
الروايه كلها خيال وبعض احداثها صعب تصير في مجتمعنا وبعضها ممكن
اتمني تعجيكم
سميتها (( الحب اكبر عذاب )) وإذا تبغوني اكمل اتمني الاقي ردود




الحب اكبر عذاب
اليوم الاثنين في بيت أبو رائد إل.... نزلت روز من الدرج بكل كسل وهي تتثاوب
(( روز ...18 سنه .. أخر سنه في الثانوية ... محبوبة من الكل..شعرها أشقر قصير مره ... عيونها وساع وعسلية مافي احد شافها ما أعجب بعونها ة ... بشرتها بيضه وصافيه....طويلة وجسمها مره حلو خجوله جدا ما تحب الاختلاط بس مع ذالك كل من شافها يحبها .... ))
روز: صباح الخير
رزان: صباح النور .... ما بغيتي تصحي
(( رزان .. 16 سنه ... ملح البيت .. شعرها بني طويل إلي خواصرها .... عيونا حلوه وبنيه...... جسمها حلو...ملقوفه وعنيده اللي في رأسها تسويه .... مشكلتها ما تعرف تمسك لسانها اللي يخطر في بالها تقوله بدون تفكير وهاالشي يحطها في مواقف لا تحسد عليها))
روز: يالله أنتي ماحد كلمك خليك في حالك
أبو رائد : يالله صباح خير من أولها هواش
راحت روز لعند أبوها وباست رأسه
روز: صباح الخير بابا ... اخبارك اليوم .. وحشتني من امس ما شفتك
ابو رائد: الحمد لله يا بنتي بخير
(( ابو رائد اسمه محمد 38 سنه رجل مثقف وصاحب محلات مفروشات ومطاعم .... يعتبر من الأغنياء جدا ... تارك لبانته الحريه في كل شي ... حبوب داخل البيت ... وخارج البيت ماحد شافه يضحك ))
سحب ابو رائد بنته وجلسها على رجله وباسها .... روز انحرجت ووجها صار احمر على دخلت ام رائد الصاله
ام رائد: لا لا لا ما اقدرش على كذا ..... اشوف يابو رائد هالحركات ما تطلع إلا عند بناتك ولا احنا مالنا شي
(( ام رائد 38سنه حبوبه ... بس فيها عصبيه شوي ... ما تحب الحريه اللي تاركها ابو رائد لبناته ... وهم دائم في نقاش حاد هالسبب ))
قام ابو ائد من الكرسي وراح لها وهو يضحك . ام رائد عرفت اللي يفكر فيه صارت ترجع على ورا . قرب ابو رائد منها وحط يده علي خصرها وقال
ابو رائد: اللحين انا ما طلع هالحركات اللي عند بناتك
ام رائد تفشلت من حركته قدام البنات ونزلت راسها ما عرفت ايش تقول
رزان: الله الله يابو رائد طلعت عندك حركات من ورانا
ام رائد طالعت في بنتها تبغاها تسكت لكن رزان سوت نفسها ما شافت وكملت كلامها
ابو رائد: اشوفك ساكته ... قولي ردي ... وضغت اكثر علي خصرها وباسها على خدها
وسمع كل اللي في الصاله صوت تصفير
رائد:هههههههههه حركتات يا محمد اتريك منت بهين
وصار رائد يصفر والبنات يصفقون ويصرخون .......... طالع ابو رائد في ام رائد وقال لها
ابو رائد: ها نكمل الفلم
ام رائد فكت نفسها منه بقوه وما شافو إلا الغبار علي المطبخ وسكت الباب وراها
ابو رائد: ههههههههههههههههههه امكم عليها حركات
رائد وهو ماسك الضحكه : والله ما دريت انك رومنصي لها الدرجه
(( رائد 23 سنه شاب حلو ومملوح .. راكز وهادي ..الكل يحبه ...شكله جنان والسكسوكه تخبل عليه وهبل في بنات الشرقيه اللي يشوفه يقول سوري او لبناني .... وهو ولا همه ...عيبه إذا عصب مايعرف امه من ابوه))
ايو رائد : رومنصي في عينك
انفجر الأولاد من الضحك علي ابوهم ..............فتحت ام رائد الباب شوي ونادت
ام رائد: روز .. رزان .. رائد .. تعالو افطروا ...وطنشت عمدا ابو رائد
ابو رائد: افا اااااااا وانا.... ماراح افطر اليوم
رزان : تستاهل ماحد قال لك تطلع رومنسيتك قبل ماتفطر
ضربتها روز علي راسها وقالت
روز: ما عليك بابا انا اللحين اعملك واسطه
ابو رائد: عفيه علي رووزتي
روز : هههههههه وش روزتك طلبتك بابا لا تدلعني ..... ودخلت غرفه الطعام وهي تضحك علي الإسم ....

.................................................. ............


قام يامن من النوم على صوت الجوال فتح عينه شوي وطالع في الشاشه وتافف ورجع نام
بعد شوي دق الجوال مره ثانيه قام وهو معصب بس مسك اعصابه ورد
(( يامن 22 سنه يدرس في كليه الهندسه ... مغرور وشايف نفسه لانه حلوووو وعيونه عسليه شغلته الوحيده تعليق البنات فيه لين يطفش بعدين باي ))
يامن: الو
حنان: صباح الخير حبيبي
يامن: صباح النور والسرور ....... احلي شي بالحياه الواحد يصبح علي صوت حبيبته
حنان: ههههههههه تسلم حبيبي ... ليش نايم للحين فيك شي
يامن وهو نفسه يعطيها كف : حنونه اشفيك اليوم ناسه انك امس ما خليتيني انام إلا بعد بعد الساعه 5 الصبح
صحي يزن علي صوته وهو معصب واشر له
(( يزن 22 سنه اخو يامن التوئم .... يدرس في كليه الطب سنه ثانيه ...عكس يامن في كل شي ... ما يحب حركات اخوه ودايم ينصح فيه لاكن لا فائده ... دايم يطيح في مشاكل بسبب يامن بس يطلع منها لان عيونه سودا عكس يامن واللي يعرفهم يفرق بينهم بعيونهم ))
حنان: تصدق علي بالي هذا قبل امس ....... حبك مجنني صرت ما اعرف للوقت
ضحك يامن ضحكه من غير نفس: اوكي حبيبتي انا اللحين برجع انام والعصر نتلاقي
حنان بدلع : وانا وش يصبرني
وصل يزن حده وقام وطلع من الغرفه وسكر الباب وراه بقوه
يامن: إذا ما خليتيني انام اللحين حتي العصر راح انام وما راح اكلمك
حنان : خلاص حبيبي لا تزعل ... اوكي موعدنا العصر ...... بحبك ..... باي
يامن: وانا بموت فيك ..... باي
وسكر الخط ونفسه في خشمه ورجع بيغي ينام وتذكر يزن وقام طلع من الغرفه
دور عليه فوق ما لقاه اخذ شور سريع ونزل تحت وهو نازل قابل جنى علي الدرج
يامن : شفتي يزن
جنى : طالعت فيه وقالت احد قال لك اني المرافق لك ولاخوك
(( جنى 16 سنه ملقوفه مرررره .... لها اخت توئم اسمها شذى لكن مافي وجه شبه بينهم ))
طنشها وكمل طريقه ونزل للصاله تلفت حوله وما شاف احد راح لمجلس الرجال ولقاه نايم علي الكنب
راح وصحاه
يامن: يزن ...... يزن قوم اطلع فوق
يزن فتح نص عين وطالع فيه وقال: لا كمل رومنسياتك انت والداشارات اللي معك وانا بنام هنا
يامن: اقول لا تبدا .... اخلص وقوم اطلع فوق .... انا طالع من البيت
يزن: على وين الساعه 10 ولا عندك داشره جديده تلعب عليها
يامن : انا غلطان لاني صحيتك تطلع على فراشك ... خليك نايم هنا لين تتكسر جنوبك
وقام طلع من المجلس وركب سيارته وطلع
يزن جلس فتره في المجلس محتار في حال اخوه بس لعن ابليس وطلع من المجلس وهو طالع قابل امه
ام يامن: بسم الله الرحمن الرحيم ... من وين طالع لي انت
يزن ضحك على حال امه المخترعه وقرب وياس راسها : بسم الله عليك يمه ... اللحين كل هالجمال وتخافين مني ... اجل لو شايفه جني وش تسوين
ام يامن : والله مادري كان ماشفت إلا الغبار ..... كيفك انت اليوم وليش نازل نايم بالمجلس
يزن : لا مافي شي بس طفشت من ولدك إللي يشاخر طلعت وسبت له الغرفه
ام يامن: فطرت ولا باقي
يزن : لا والله باقي .... بس بروح اخذ شور وانزل لكم
طلع يزن واخذ شور ولبس الثوب حق البيت ونزل لصاله الطعام وحصل الكل موجود
يزن: صباح الخير
الكل: صباح النور
شذى : صباح النور والورد والسرور لاحلي يامن
طالع فيها يزن وطير لها حاجب
جنى : يا خبله هذا يزن مو يامن ... يامن طلع من البيت
شذى: انتي وش دراك انه يزن .... هو ويامن يتشابهون مره
جنى : من متي يا استاذه يامن يلبس ثوب
ناظرت شذى في الثوب اللي لابسه يزن وانتبهت وضحكت
شذى : صباح النور والسرور لاحلي يزن
ضحك الكل على حركه شذى
يزن: بعد البحث والتدقيق عفونا عن الخطاء الحاصل من الأخت المضيعه بين أخوانها
الكل : هههههههههههههههه
شذى : يزن طلبتك لا تردني
يزن: انا كنت واثق من الترحيب الحار ان وراك شي
شذى: ممممممممممممم خلاص ما بي شي
قام يزن وجلس جنبها وباسها على خدها
يزن: افاااا لا قولي والله ما ردك
شذى: ابغي لروح السوق
جنى: وانا كمان
يزن: ان شاء الله اليوم بعد صلاه العصر احصلكم جاهزين واللي ما تجهز اوديها زي ماهي
ام يامن هههههههههههههه اجل راح تاخذهم بالملابس المقطعه هذي
جنى: ماما اسمه برمودا
يزن : امك تقول مقطعه يعني مقطعه ولا مافي روحه
جنى : اوك مامي اند ذس ابق كس فور يو
وقامت جني وباس راس امها
ام يامن: يابنت وش هالكلام اللي قلتيه
يزن: تقول هذي بوسه على راسك
ام يامن : اها ... والله مادري وش قصتكم مع هاللغه لاكن ما قول غير الله يخلي لنا يزن اللي معلمكم الأدب
الكل : اميييييييييييييييييين
.................................................
كان يامن يسوق وهو يفكر في يزن ليش اخوه عقله مسكر لهاذي الدرجه وكان سرحان وما نتبه للسيارة اللي كانت جاية من الجنب الثاني وفجاء سمع صوت البوري داس علي الفرامل بقوة لاكن كان متاخر شوي وحك في السيارة الثانيه وقف شوي واخذ نفس عميق ونزل من السيارة يشوف وش هو سوا لكن كان بس خدش بسيط نزل سواق السيارة الثانية وهو يخاصم
السواق: انتا ما في شوف انتا يبغي سوي انا موت انتا مافي عقل
يامن: خلاص ماصار شي
السواق: مين كلام ما في شي كلو سودي يقول مافي شي مافي شي انتا ما يعرف شوق ليش في اركب سيارة
يامن: اقول كل كبر راسك واسكت لا اعطيك كف لف بيه وجهك
ومسك السواق في بلوزه يامن: اللحين اللحين في يجيب شرطه انتا ما في ادب
نادت بنت من السيارة وقالت: جوبير ... ولا تسوي مشاكل خذ رقم اللوحه واتصل بالشرطة .... ويلا خلصنا بروح البيت
يامن سمع صوت البنت وكان صوتها ناااااااااااااااااااااعم وحلو دف السواق على الأرض وراح لها ودق لها القزاز الأمامي وفنح فمه يناظرها
كانت البنت كاشفة وجهها وحاطة مكياج خفيف وعيونها ولابسة نظارة شمسية والطرحة نازله شوي وطالع شعرها ولونه كستنائي ولائق على بشرتها البيضه
البنت شالت النظارة وقالت: نعم
بس شاف عبونها انصدم معقوله في بنت بالهجمال عيونها وساع وحلوه وفوقها لونها ازرق
يامن: لالالالا ما صدق اني كنت بصدم ملكة جمال العالم ... اموت انا على الجمال ... اموت انا على العيـ.....
البنت قاطعته : صحيح انك قليل أدب وما عندك أخلاق فوق انك غلطان بعد جاي تعاكس .... ونادت على جوبير
جوبير : يس مدام
اخذت رقم السيارة
يامن: ليش ناويه تطلعين رقمي انا اعطيك الرقم...وطلع ورقة من جيبة هو مجهزا من قبل واعطاها وفتح الباب واعطاها الورقة
البنت: لا يا قليل الأدب واعطته كف
يامن حط يده ععلى مكان الكف وقال : احلى يوم في حياتي يوم ايدك لا متس وجهي ما راح اغسله ابد
البنت : تفو عليك يا وقح
يامن : انا مثل طابع البريد كل ما تفلتي عليه يلصق
وصلت البنت حدها من برود اعصابه سكرت الباب وقالت لجوبير يمشي
مشييت السيارة ويامن واقف مكانه مصدوم صحيح كان مبين انه هادي لكن هو من داخل كان يغلي ما في ولا بنت اهانته من قبل كلهم يطيحون عليه بسسب جماله وهاذي تتفل عليه وتضربه بعد لكن ما راح امشيها لها والله ما كون يامن إ(ذا ما خليتها تبكي دم
بسرعة يامن ركب السيارة ولحق وراها لحد ما وصلت البيت
وكان واضح انها بنت عز لكن حلف ما يمشيها لو انها بنت جورج بوش نفسه
.........................................

في السيارة
كانت سرحانه ....... كيف هالوقح بعد ما كان راح يصدمها له عين ينغزل ويعطيها رقم ... وتذكرت صديقتها اللي كانت تكلمها قبل ما تقابل هالوقح
طلعت جوالها واتصلت عليها
روان : وينك ... ليش صرختي في اذني
(( روان صديقتها من الروضة حلوووه بشرنها برونزيه كانها برازليه ملامحا ناعمة دلوعه لانها البنت الوحيدة لكن عنيدة واللي يجرح كرامتها يا ويله, جسمها حلوو وخصره ,شعرها بني طويل , وعيونها بنية 17 سنه))
رندا: ههههههههههههه
(( رندا 19 سنه وصفتها قبل لكن هي رومانسية زياده عن اللزوم حبوبه واجتماعيه كانت في كندا من سنتين تدرس تجارة لان ابوها ناوي يسلمها كل شي بعد موته))
روان: وبعد لك عين تضحكين ... باي
رندا: لا لا لا خلاص ........ اسمعي طال عمرك كنت راح اسوي حادث
روان: لااااااااااااااااااااااااااااااااااااا وانتي صارك شي .... تحسين بشي....تعورتي يعني ....
رندا : لا مافيني شي تمام
روان: سواقكم الغبي .... خليه يوديك المستشفي
رندا: اقول لك مافيني شي ليش اروح المستشفي
روان: ياااااااااحرام الحين اول ما توصلين للوطن ... يصير فيك كذا
رندا: ذكرتني اني في وطني الحبيب ولا راح عن بالي بعد اللي صار
روان: حبيبتي انتي والله مشتاقه اشوفك كيف صرتي بعد كندا ... يومين وانا عندك ... اقول كلمتي روزالندا ولا باقي
رندا : لا روز ناويه اروح لها للبيت وافاجئها
جوبير: مدام في يوصل بيت
رندا : روان حياتي وصلت البيت باليل اكلمك اوكي
روان : اوكي حبيبتي سي يو افتر تو دي باااااااااي ياعسل
رندا: مع السلامه قلبي
جوبير: مدام هذزا ولد في يمشي ورا انا من اول
رندا : خليه بابا يتفاهم معاه
وصل جوبير عند البوابه وانفتح الباب وطلع البواب يرحب برندا ومشيت السارة مسافه طويله شوي وبعد فترة وقفت عند مكان مزروع ويجنن كل شي قدامها اخضر وورود اشكال والوان نزلت رندا عند المرر الخاص اللي كان من حجارة بيضاء صغيرة وحلوه ومسويه ممرات في كل مكان باشكال حلوه غير الجلسات اللي منتشرة في كل مكان وكل جلسه شكل مميز . وجاتها سيارة صغيرة مثل حقت القولف وركبت ورا ومشيت فيها للبيت لان المسافه بعيده شوي
كانت رندا فرحانه لانها وصليت بيتها مشتاقه لاهلها وصديقاتها ولبلدها اللي غابت عنه سنتين
وصلت لحد باب البيت ونزلت من السيارة وقفت مقابل الباب فترة بعدين فتحت الباب ....
....................................

في بيت ابو يامن العصر
كان يزن لابس جالس في الجلس ينتظر اخواته علشان ينزلون السوق وطول وهو ينتظر وصارخ عليهم لكن لا حياه لمن تنادي
طلع من البيت وشغل السيارة البنات اول ما سمعوا صوت السيارة نزلو من الدرج جري وكل وحدة تدف الثانيه طلعوا لقوة ساند ظهره للسيارة ينتظر
يزن: ما بغيتوا يلا اخلصوا
جنى: حرام عليك كنت راح اطيح من الدرج
يزن: تستاهلين
في هالوقت وصل يامن البيت
يامن: على وين العزم
جنى: راحين السوق تجي معنا
شذى: لا تعال معني احسن ما فينا نتذكر طلباتك
يامن: لا انا روح اخذ دش واطلع مواعد الشباب ......يزن
يزن: نعم
يامن بعد كم يوم طالعين للبر انا والسباب تجي معنا
يزن: لا ما قدر اطلع معك ... وانت تعرف اني ما احب اصحابك
يامن : براحتك
دخل يامن للبيت وركب يزن السيارة وطلع على مجمع ال....
اخواته كانوا فرحانين بالطلعه وهو المسكين اللي تجرجر معاهم ما خلو شي ما شتروه ... وهم في المجمع لاحظ بنت تبتسم له ما اعطاها وجه ولف بعيد عنها لكن البنت كانت تلاحقة من محل لمحل وهو مطنشها
جنى وشذى تعبوا من اللف طلبوا من يزن يوديهم لجلسات المطاعم اللي بالمجمع
يزن: اقول
جني : يزن طلبتك قبل ما قول أي شي ابى اسكريم
شذى: الله يوفقك يزن تعبنا ولسا ورانا لفه ثانيه
ابتسم يزن لهم واخذ اللي يبونه وراح لباسكن روبنز
دخل يزن وطلب اللي يبه وجت بنت وفقت جنبه لين تلامست كتوفهم وخر يزن عنها وهو متنرفز من وقاحتها
البنت: وشفيك حبيبي ما عرفتني
يزن:....................
البنت :انا زعلانه ... ليش ما قلت لي انك جاي هنا ولا تحب الصدف
يزن:.................
البنت: حبيبي ووش فيك
في هذا الوقت حط العامل ليزن طلبه علي الطاوله وإلتفت للبنت وقال لها :يس مدام
البنت: شو ما راح تطلب لي كالعاده
يزن وعينه على الأرض: انتي غلطانه اختي .... انا ما اعرفك انتي اكيد تقصدين احد ثاني
البنت: في احد ما يعرف روحه
يزن عصب: اقول لك انا ما عرفك ... وبعدين لو سمحتي ما ابي اشوفك تمشين وراي مرة ثانيه
وطلع من المحل وراح للطاوله وهو معصب
شذى: ليش اتخرت
يزن: اسمعي ماني نا قصك انتي بعد
شذى:......................
جلس يزن وحاول يهدي اعصابه رفع راسه لقي جنى وشذى يناظرون فيه حس انه خوفهم وزعلهم
يزن وهو يبتسم: انتوا ما حد يمزح معكم
شذى: يخوفنا ويقول امزح
يزن: والله انك اخت تقليد
جنى:ههههههههههههههههههههههه
يزن: وانتي تجميع كوري
البنات:هههههههههههههههههههههههه
يزن : يلا خذوا اسكريمكم ويكون بعلمكم الساعه 10 واحنا في البيت
جنى ناظرت الساعة: يعني قدامنا ساعه إلا ربع ميدينا
وطبعا كله كلام فاضي لانهم ما وصلو البيت إلا الساعه 2 في الليل لانهم جاعوا وطلبوا من يزن يعشيهم برا
وهو ما يقدر يرد لهم طلب
.........................................

في بيت ابو رائد الساعه 9 ونص الصبح
روز كانت نايمه في غرفتها اللي كان ألوانا وردي وموف ورصاصي كانت الغرفه روووووووووووووووووووعه
دخلت رندا الغرفه عليها وهي نايمه وكانت بااارده مره طلعت لعندها فوق السرير ودخلت في البطانيه
حست روز بيها
روز: رزان والله لو ما طلعتي من هنا ياويلك
رندا : ما تقدرين
روز سمعت الصوت اللي مو غريب عليها لكن اتوقعت انه من النوم دخلت رندا يدها ونغت روز في خصرها
روز:واااااااااااااااااااااااااااااااااااا
ونطت من علي السرير
روز: انتي ما تفهميين كم .....
قطعت روز كلامها وهي تناظر في اللي قدامها
رندا: سبرايز
روز: مين انتي
رندا: افاااااااااااااااا ما توقعتها منك ..... انتي تنسيني
روز: رندااااااااااااااااااااااااااااااااااااااااااااااا اا
ونطت عليها وحظنتها وصاروا الثنتين ينطون فوق السرير وهم حاضنين في بعض لين انكسرت رجل السرير وصرخوا من الخوف .....وبعدين دخلو في حالة من الضحك غير الطبيعي
روز: متي جيتي
رندا: اقول روحي غسلي وجهك اول
رزو: والله نسيتيني ... انتظريني تحت واللحين اجيك
دخلت روز الحمام واخذت شور سريع لاول مره في حياتها
وطلعت نشفت شعرها علي السريع وحطت شويه ميك اب........ ولبست تنورة قصيرة من الجنز مع بلوزه كت قصيرة فوق السره ومع بوت طويل
ونزلت بسرعه من الدرج وهي ماهي سايعة نغسها من الفرح
دخلت الصاله وشافت رندا وراحت لها جري وحضنتها وصاروا الثنتين يصارحزن وهم حاضنين بعض
روز: حبيبتي انتي والله اشتقت لك
رندا: واننا اكثر يا حياتي ..... كيفك
وعلى صراخهم دخل رائد وهو معصب
رائد : هيه انتي واختك الهبله ليش الصرررررراخ
فكوا رندا ورز بعض وناظروا في رائد مستغربين
رائد انصدم يوم شاف رندا
(( رائد يحب رندا من زمان وكاتم بصدرة ولاحد يدري عنه ورندا ماهي حاسه بيه وهذا اللي ذابحه))
رائد : رندا...؟؟؟ متي جيتي
روز: لا والله تعال بعد سلم عليها واقعد معنا ...... برا
رائد: انتبه لنفسة وانحرج نزل راسه وقال: اسف ما نتبهت
رندا : لا ما عليك نعتبرها غلطة مطبعيه .... انت كيفك من زمان ما شفتك
رائد: الحمد لله ... ورفع راسة لا شعوريا وناظر في عيونها
رائد:انتي كيفك والله اشتقنا لك
رندا : نعم
حس رائد بالكلام اللي قاله وصار يدور لنفسه تصريفة
رائد: اقصد البنات وامي ... روز كل يوم في سيرتك
رندا : فديتها روز حبيبة القلب والروح
روز حضنتها: الله لا يحرمني منك
.....................................

اتمني الردود علشان اكمل


قطــ الندى ـــر غير متواجد حالياً   رد مع اقتباس
قديم 09-30-2009, 03:24 AM   #3
-||[قلم من الماس]||-
 
الصورة الرمزية نبض جروح
 
تاريخ التسجيل: Jul 2009
المشاركات: 620
معدل تقييم المستوى: 11
نبض جروح is on a distinguished road
افتراضي


بداية حلوه وموفقةبإذن الله كملي حبي والله يوفقك لمايحب ويرضاتقبلي مرورأختك نبض جروح


نبض جروح غير متواجد حالياً   رد مع اقتباس
قديم 10-15-2009, 09:40 AM   #4
-||[كبار الشخصيات في المنتدى]||-
 
الصورة الرمزية بنت بنوته
 
تاريخ التسجيل: Aug 2009
المشاركات: 1,667
معدل تقييم المستوى: 12
بنت بنوته is on a distinguished road
افتراضي


كملييييييييييييييييهاااا بلييييييييييييز واللله جناااااااااان
حبيبتي والله انك مبددعه اذا هذي اول روايه تكتبينها!!
ماشاءالله علييييييييك
واصلي حبيبتي وكلنا ندعمممممممممك
ننتظر التكمللللللللللللله حبيبتي,,لاتتاخري عللييييينااا
تحياااااتي لك تقبلي مروري البسيط


التوقيع

BnŤ OŤoŤOŤH

اضغط هنا لتكبير الصوره

قڷپ ھ كلـهـ {بيآض}.. ۈٍڷآمجآڷ ڷڷڛۈٍآد آڷآ في {عقآڷ ھ}..
ڪْڷ مآجيٺ بمدح ھ بحڕۈٍفي.. ٺنقص آڷآڛطڕ ۈٍٺژيد خصآڷ ھ..
ڷآقآڷۈٍآ من..؟
قڷٺ ڏآڪْ آلَليـﮯ ڛمعٺ ھ ,
,{
ھۈٍ ڕآڛ مآڷي }..
. أآإپــۈٍي× ..
ۈٍڪْڷي فخڕ ڷآقآڷۈٍآ آني ۈٍحدھ من بنآٺ ھ اضغط هنا لتكبير الصوره


بنت بنوته غير متواجد حالياً   رد مع اقتباس
قديم 03-07-2011, 01:59 PM   #5
-||[كبار الشخصيات في المنتدى]||-
 
الصورة الرمزية COLDNESS
 
تاريخ التسجيل: Dec 2010
العمر: 31
المشاركات: 2,703
معدل تقييم المستوى: 12
COLDNESS is on a distinguished road
افتراضي


بداية رائعة عزيزتي

كل الشكر لأبداعك

في انتظار التكملة اضغط هنا لتكبير الصوره

تحياتي


التوقيع
اضغط هنا لتكبير الصوره

اضغط هنا لتكبير الصوره
COLDNESS غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ماذا قالوا عن الحب قحطاني المنتدي العام 4 07-25-2014 01:36 AM
مفاهيم الحب "كحل العيون" منتدي الخواطر الرومانسية - بوح القلوب (حصريات) 6 05-10-2011 07:58 AM
الحب ملكـ الأحسآس المنتدي العام 10 02-02-2011 12:26 AM
كلمات في الحب امير الاحزان... منتدي الخواطر الرومانسية - بوح القلوب (حصريات) 0 06-26-2009 12:13 AM


الساعة الآن 05:10 PM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.