قديم 10-23-2009, 03:59 PM   #1
-{كبار الشخصيات}-
 
الصورة الرمزية الشاهينه
 
تاريخ التسجيل: Jun 2009
المشاركات: 356
معدل تقييم المستوى: 11
الشاهينه is on a distinguished road
افتراضي ديوان الشاعر اياد المريسي


مراااااااحب حبايبي ا
جبت لكم اليوم ديوان الشاعر اياد المريسي
من افضل الشعراء الي اسمع لهم وهو شاعر بحريني







دم فرقانا



رساله احرقت كل الالم ..
واحيت كل الشوق..
.
.
دخيلك انحر غيابك وسيل دم فرقانا
.....................تعبت اركض ورا هذا السهر في ساحل احداقي

ترى بعدك لعب موج الوجع في صدر مينانا
.....................لذا خبيت مركب عشقنا في وسط اعماقي

اذا ما خانتك هالذاكره .."تذكر وش اللي كان خلانا"
.....................نجي نجمع ملامح عشقنا ونبعثر الباقي؟!

يمر البرد في غيابك من ضلوعي..وتحدانا!!
.....................وانا منهو يدثر فزعتي يا كود اشواقي؟!

سألني حلمنا عنّك يقول:اشفيه ما جانا؟!!
.....................جلست آدور العذر القديم فـ صدر اوراقي

اقول ان الزمن قاسي..لعب فينا وبكانا
................وانا ماني مصدق كيف مستقوى على فراقي!!

على نخل الحنين المرتهل محفور اسمانا
.....................حرام يموت يا عمري بدينا حلمنا الراقي

تعبت فـ غيبتك من غيبتك يا صاحبي وآنا
.....................اهز جذع الفراق المر واتساقط مع اوراقي









ليتنا ما التقينا


والتقينا..
سكتنا ...وما حكينا
ونادتنا من اللهفه يدينا
واعرفت هالناس كنا عاشقين
بس مدري؟!!.. احنا درينا؟!
بعد ما كنا انتواعد..
ونحسب اللحظات ونرسم عمرنا ..
ونجمع الكلمات نرتب حكينا
نحلم نعيش الحلم مثل اللي التقينا
وتو اصلا ما التقينا..
بعد ما كنا انتواعد..
صارت الصدفه تجمعنا..
والاماكن ..والدروب ...
والزمان اللي خذلنا ..
والوجوه اللي احسدتنا..
مو حرااااااااااام
.ليه كل شي في الدنيا احن منا علينا؟!




منهو فينا كان يدري بنفترق؟
لو درينا كان ما كنا عشقنا..ولا التقينا..
ما زرعنا الحب يا عمري ..وما جنينا
وما شربنا من شفايف وقتنا القاسي وارتوينا ..

لو درينا بنفترق
ما كنا افترقنا..
لو درينا بنحترق
ما كنا عشقنا
ما خبر عاشق حط هالفرقا خيار
يعني من بيده القرار؟!
ليتنا في ساعة الفرقا عرفنا
انها الفرقا..
كان قلنا شي غير اللي حكينا
كان ما كنا بهالقسوه علينا
ولا جرحنا بعضنا ولا جفينا
ومو مهم من كان مخطي

لو علي وكنت عارف
كان اخر شي اباقوله : أحبك
ولو عليك وكنت عارف
كان اخر شي ابا اسمعها: أحبك

منهو فينا كان يحسب الفرقا طريق؟!
وان هذا الحزن بيصير الرفيق؟!
منهو فينا كان يدري بنفترق ؟!
لو درينا كان ما كنا التقينا...




اش اقول لامي



اتصدقي ؟!!
مرت سنه ...وما درينا ؟!!
والحلم ..شوفيه شكبر؟!!
صار رجال ؟!!
اتصدقي ؟! مرة سنه ..وما درينا ؟!!
والحلم شوفيه اشكبر؟! صار رجال !!!

تتذكري يومه يداعب يدينا ؟!
وكنا نغني له من الشوق موال؟!

صغير لكنه حلف يحتوينا
يا كثر ما كنا على الوقت نحتال

ابسألك:
ما تذكري ضحكاتنا؟!
واحلامنا؟!
غلطاتنا؟!
زعلاتنا؟!
مثل الاطفال ؟!!
مرت سنه من شفتك وضيعتني
خبيتني في عينك ...
خليتني عندك ..ورحت
مرت سنه ...والكل يسألني علي ؟!
واصفق يدي ..
واقول مـ اعرف وين انا ؟!
ماني هنا ...

اتصدقي مرت سنه وما درينا..
توي ذكرت اللحين !!
كان اللقا في يوم عيد ..
صدفه ..بلا موعد ..
جيتي لشاعر فلسف الدنيا ..
وصرتي كل سواليفه والقصيد ..
وبلهجتك : ما شي جديد ؟!!

اتصدقي ما به جديد ؟!!
شوفي شـ بقى حولي :
باقي صدى ذيك السوالف في زوايا غرفتي
وهديتك..
ووردها ..اللي اذبلت
مثل اللسنين اللي بقت
من عمر بعيشه بدونك
ودمعتي..
وضحكتك.
غلطاتك بحقي..
وتنهيدتي..
واحلامنا فوق الرفوف البالية
وانتي ...ولا انتي مباليه
وهذي بقايا من قصاصة ورق
كتبت فيها من الارق:
"تاريخ حبي ...وغربتي"

وهذي السنين اللي حلمنا انعيشها
لميتها وحطيتها في رف مثقل بالسنين وبالجراح
وكل من خلاني وراح
وعلى جدار الغرفه اللي يشبه ملامح وجهي المنهك بكا
صوره قديمه لشاعرك ..
يوم اخذله اخر صديق احتاج له
وعلى الجدار اللي سبق علقت حزني فـ صمته اللي ممتلي ضيم وكلام
كتبت أسما كثير
أسما كثير..
اكثر كثير من العمر اللي بعيش وعاشني
للي طعني وخانني
وللي جرحني
للي خذلني وباعني
وللي تركني وما اسأل نفسه : ليه انا بالذات يحتاجني ؟!
اسما كثير
بس المهم : وين اكتب اسمك؟!
هم ما اوصلوا قدرك
ولا اجرحوا كثرك

و ...في زاويه من غربتي ..
خبيت عنك اعتراف بـ اني كذبت وقلت لك :
(اني قوي ..وما انكسر
واني جبل ما هزني بعدك )

ابسألك؟!!
شقول لأمي لو رجعت من السفر وجهي حزين ومنكسر؟!!
ولنفترض اني كذبت وصدقت؟!!
وقلت السفر متعب ...
وبزعم جبت اكبر عذر؟!!
الانتظار ...وصالات المطار ..
وبعدها ؟!!
وشلون اخبي دمعتي لين اسألتني ؟!!
وينها ؟!!
شخبارها ؟!!
مو قلت لي مره زعلت منك ؟!!
راضيتها ؟!!

ابذمتك..في وقتها وشلون رد ؟!!
ابختنق لو قالت اسمك
وبتخونني كل الحروف
شقول؟!!
يمه ظروف ؟!!
اية ظروف؟!!!

بقول: يمه تذكري ...لما سألتي ..والدمع في عينك:
(وينك؟!..طولت في غيابك ..
على الاقل لو تتصل وطمن احبابك)

هي كانت احبابي وهي كانت اصحابي
سويتها لقلبي وطن
وعيونها لروحي سكن
وانفاسها ثيابي


كل شي عشته معك ..
الاماني ...
والاغاني
حلمنا
يا سلاااااااااااام
بيتنا المملى فرح
واللي انجرح.
معقول؟!!
كلها كانت كلام؟!!

اتصدقي مرت سنه وما درينا
والحلم.شوفيه شكبر؟!صار رجال!!
مرت سنه..
او للامانه!!..
باقي شهر ونكمل سنه ..
بس للاسف
قبل السنه
انتهينا




حتى انت يا جرحي؟!!


.

.


الوحده والغربه والخذلان..يدفعك للتمسك حتى بالجراح!!

.

.


حتى انت يا جرحي؟!! غدرت وتشافيت ؟!

هــانت عــلـيـك العـشــره اللــي اجمعتنا؟!!

.

.

قلـّي :وش اللي شفت من بعد ما اقفيت؟! ؟!

وبــــا قــــول لك هــو لــيــه حــنّــا افترقنا

.

.

قـصــرت فـي حقك ؟! خذلتك؟! تخليت ؟!

طيب!! تـبـي تــرحــل وتـتـــــرك وطنا؟!

.

.

كــنــت الــوحــيــد اللـي بقى لي من البيت

اللــي جــمـعــنـا بـالـــفـــرح واحـتـــــضنا

.

.

انـتـه.. وانـا..والـحــلـم..واحـسـاسه الميْت

وآمــال كــانـــت يــــوم كـــنــا.. وكــنــــا

.

.

صــحـــيـح بــأول مــولـــدك كـــم تمنيت:

اذبــحْــك...لــكــنــي ولــفـــتـــك...وعشنا:

.

.

والـدمـــع فــي عــيــنــي وانـا بـعد غنيت

الــيــن غــضــنـا جْــروح يـــوم اسـمعتنا

.

.

كــم عــيــد يـا جرحي بصدري تناغيت؟!

عيّــدت مــن غـــيـــرك ؟!ودوم اتـمــنا !!

.

.

كــل عـــيــد اجــدد ثــوبــك ولـــو تأذيت

واسـكــب لك دمـــوعـــي لــجل مـ اتحنا

.

.

والاعـبـك..واضــحك مـعـك..كلما جيت:

تــركــض مــبــيــن الـعــوج ..منا...ومنا

.

.

يا ليت تدري كم بصدري من الـ(ليت)!!

ويــا لـيــت لــو بـه "لـيــت" تفهم وجعنا

.

.

بـذمــتـــك قـلّــي اذا يــــوم حـــنــيــت؟!

وللحــيــن تــذكــر كم بكـينا وضحكنا؟!

.

.

وقلّي :وش اللي شفت يومك تشافيت ؟!

وقلي بعد :هـــو لــيــه حــنـــا افترقنا ؟!






أقسى من الجرح


من قال ان الجرح هو اقسى شيء؟ فهناك ما هو اكثر قسوه

.

.

أقسى من الجــرح لحظة ترتكب جرحي
......................قدّام عـيـنـي وانــا اتـرجــــاك وابكي لك


مافاد فـيـك البكــــا وش ينفعك شرحي؟!
......................يا لـيـتـني صنت نفسي عنْك مـ أشكي لك

أبذمتك لــــو تـجـيـني ومـطـلـبك صلحي
......................أعصابي اللي اتلفت وشلون ترخي لك؟!

لو فيك ذره مــن أحسـاس البشـر توحي
......................كــان أغرقت مـــن عيــونك كل مناديلك

ليتك فهمت السبب فــــي سجني لرمحي
......................من طــبعي أنــي اسامـح كـــان يعني لك

أكتب على صدر صدر الســـالفه وامحي:
......................مـمنون..ولك أحتـرامي وكل شكري لك

شكرا على قبرك اللــي ضــم لــي فرحي
......................شـقـول لك غير من قـهـــري: أيا ويلك؟!

خنجْرك لـــو يستحي مني ومــن جرحي
......................ما كان يرســـم ملامح مـــوت حبي لك









أخونك!!..ليه؟!



يموت من الوجع شاعر ولا تموت المشاعر فيه
..................واخاف أموت في الغربه ولا تدرين عني مت


صحيح اخطي ومن حقك تقولي كل شي راضيه
..................ولكن اسألك باللي جمعنا لا تقولي خنت


قسم بالله يرعبني فراقك رعب...لا تطريييييييييييييه
..................وقسم بالله قبل اللي كتبت الحين ما قد خفت


احس البرد يمضغني واعرف البرد ما تقويه
..................امانه لا تخليني اعيش الخوف يكفي عشت:


سنيني كلها بين القصايد والبكا والـ هيييه
..................مـ غير احسب وش اللي ضاع مني بالدموع وصمت


سواليفي كثيره بس الاكثر ما بعد شفتيه
..................كثر ما مرني من ضيم في عمري وما قد شفت


اخذني الحزن من يدي وهدهدني على كفيه
..................وعلى غير البكي واللي جمعني فيك ما قط نمت


تري قبلك تصنع قلبي الفرحه وهي تنفيه
..................قسم بالله لو تدري كثير اللي لهم افرحت


لقيتك يا بعد عمري مسافة درب قلت امشيه
..................وركضت اجمع لك احلامي من دموعي ولا وقفت


كثير اغفى عشان احلم تقولي لي :احبك ايه
..................واقوم اعاتب عيوني وانازعها عشاني قمت


اذا قبلك تعلمت الوفا والصدق اخونك ليه ؟!
..................اخون شلون يا عمري وانا عمري ابد ما خنت؟!





للجروح اسما
.

.

للجروح اسما

من يقول ان ما للجروح اسما؟!

تعال اقرا جروحي:

1- جرح

2- جرح

3- جرح

4-......

من الاكثر فضاعه.....الى الـ(ادما)

جروحي كلها تاخذ ملامح وجهك وخنجر

تصدق؟!

بعد هذا العمر ..هذا الالم

عجزت اذكر من جرحه الاكبر!!

نسيت اني:

سكبت الضي في صدر الورق

واسقيتني ظلما؟!


تحديت الكلام اللي من احلامي سرق

وْغنيت لك ..مهما؟!!


ركبت اصعب مراكب حزن ما خفت الغرق

وبسهوله...بعتني للما؟!


ما تفرق..

قسم بالله ما تفرق

مدام انك نسيت ..اني ..اعرف انك ..نسيت

اني..ومني ..وعني

وقررت تجرحني

عشان يكون لك اسم ما بين هالاسما


اقول لك شي؟!!

سلّم على سكينك الجاحد الغادر الخاين الاعمى

وقلّه..

مدام ان للجروح..أسما

.

.

بظل اسما










تشبه له كثير


صحيح...
صحيح تشبه له كثير
اللي انتظرته هـ العمر..
أنه يمر..
واعطيه من عمري..
عمر..

صحيح تشبه له كثير

صوتك..
كلامك..
ضحكتك..

لبسك..
دلالك..
دمعتك..

حتى الزعل..
حتى الرضى والإبتسام
حتى السوالف والكلام
ايه اعترف..
صحيح تشبه له كثير
لكن به شي مختلف!!
لي جيت اضمك..
ما ارتجف!!!


حاولت..
حاولت احبك واعشقك!!
حاولت!!
لكن ما قدرت!!

ماهو على كيفي احب
ولا هو على كيفك تحب
وماهو غصب..
انك تكون اللي ابيه
واللي انتظرته واحتريه

اللي ابيه انسان غير!!
صحيح تشبه له كثير
ايه اعترف

لكن به شي مختلف
لي جيت اضمك!!
ما ارتجف!!






أشتقت لك والله العظيم


لم أعد أعلم ما قصة الغياب معي ؟!







ممكن سؤال ؟!!
.
.
.
.
.
.
.
.
.
.
.
.


شخباره الجرح القديم ؟!!
للحين يسأل وين أنا ؟!
للحين يسأل كيف أنا؟!
ودي افضفض لك واقول :
اشتقت لك
اشتقت لك والله العظيم




اشتقت اسولف لك كثير
شلّي يصير ...
وما يصير ..بغيبتك
واتذكر اشسوى المصير !!
وآحس بالوحده جحيم
اشتقت لك
اشتقت لك والله العظيم




تدري حبيبي وين انا ؟!!
بنفس المكان ..
اللي جلسنا به زمان ..
بيدي حنين وصورتك
وآخر بقايا ضحكتك
واسرح واهيم
اشتقت لك ..
اشتقت لك والله العظيم




وجهي (ت ب ع ث ر ) لك غياب
لو تدري وش طعم العذاب
ببكي واقول:
شخباره الجرح القديم ؟!
اشتقت لك
اشتقت لك والله العظيم


الشاهينه غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فهرس الدواوين الشعريه الفصيحه $$$ الحب الخالد $$$ منتدي الدواوين الشعرية 3 12-03-2018 11:11 AM
فهرس الدواوين النبطيه $$$ الحب الخالد $$$ منتدي الدواوين الشعرية 3 05-12-2010 11:39 PM
ديوان الشاعر .... معروف الرصافي Emad Alqadi منتدي الدواوين الشعرية 89 10-07-2008 06:14 PM
ديوان الشاعر .... عمر أبو ريشه Emad Alqadi منتدي الدواوين الشعرية 26 10-03-2008 04:02 PM


الساعة الآن 01:36 AM.


Powered by vBulletin® Copyright ©2000 - 2019, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.