قديم 04-19-2010, 02:34 PM   #1
-||[عضو قادم بقوة ]||-
 
الصورة الرمزية صدﮯ الج ـنون ♥،
 
تاريخ التسجيل: Apr 2010
المشاركات: 4
معدل تقييم المستوى: 0
صدﮯ الج ـنون ♥، is on a distinguished road
Wink رواية : [ قلبي ڪبير ،، واتمنـﮯ منـﮛ تصونيـﮧ ] .. للكاتب : صدﮯ الج ـنون ♥،


الســلآم عليــــكم ،،..
صبـآحكــم / مســآؤكم سكــر ..
هذي أول رواية لي أو نقول تجربتي الأولى واتمنى تعجبكــم ......}
وللتواصل معي ،، [email protected]
" على فكرة هذا الإيميل لرواياتي فقط ،، واللي يبي كل ماينزل جزء جديد تجيه على ايميله يرسل لي رسالة "
^
^
^
رواية : [ قلبي ڪبير ،، واتمنـﮯ منـﮛ تصونيـﮧ ] .. للكاتب : صدﮯ الج ـنون ♥،


~{1}~

في أحد أحياء الرياض ( الحقيرة ) ،،

.......... : خوييييلد ،، ماودك تشتغل وتريحنا من اللي حنا فيه ؟
خالد بيأس : أي شغل يممه ،، مين اللي راح يرضى يشغل واحد منتف معه ؟ ،، وبعدين أنا حتى الثانوي مابعد أخلصه ،، لاتخرجت ان شاء الله راح اشتغل
أم خالد : أي منتف ؟ ،، انت عندك لبس وسيارة وعلم وأخلاق ودين ،، ياولدي لا تخلي الدنيا تلعب عليك ،، لامت أنا مين راح يهتم في خواتك
خالد يحب راسها : بعد عمر طويل يمه ،، خلاص ولا يهمك أنا من بكرة بحاول أدور شغل محترم على قد حالي
أم خالد تردد وهي تبكي : فيك الخير يا ولدي ،، والله فيك الخير
/

شوق وهي تركض لخواتها وهم يغسلون الملابس : بناااات بناااااااات ،، خويلد رضى يشتغل
البنات بصوت واحد : معقوووووول ؟
شوق : ههههههههههه ،، يعني أكذب عليكم ،، الله وناسة بنعيش عيشة شيوخ ،، وراح اقهر بنت جيرانا اللي دايم تعاييرني
ندى : الحمدلله والشكر ،، انتي خليه يلقى شغله وبعدين ذيك الساعة تعالي تكلمي
رحاب : شوفوا عاد ،، أنا الحين الكبيرة والفلوس أنا راح آخذها
شوق نخصرت : لا والله ،، مو على كيفك
ندى بصوت واطي : وانتوا مصدقين أن أخوكم راح يلقى شغل
شوق ورحاب : ترا سمعنا ،، هههههههههههههه

/

في أحد قصور الرياض ( الراقية ) ،،

.......... : سوني ،، سووووووني
ريم تستهبل : بلايستيشن ،، بلايستيشن
جاتهم سوني : yes Deem , how can I help you ?
ديم : Sonny , I need my white shirt
سوني : is that els ?
ريم : yes
سوني : I'm not asking you
" ديم تضحك ،، وريم معصبة "
ريم : تبين تصيحين انتي ؟
سوني مافهمت عليها : what ?
ديم تصرفها : nothing , you can go out now
" وطلعت سوني "

/

عبدالعزيز : أقوول يبا ،، الشركة مرة رايحة فيها ونحتاج موظف جديد
أبو عبدالعزيز : طيب شف عمك وش راييه
عبدالعزيز : الحالة يبا ما تسمح لنا نشاور أحد ،، وحنا مانبي الشركة تطيح سمعتها وسمعتنا حنا
أبو عبدالعزيز : خلاص ،، الله كاتب اللي فيه خير ،، وعلى بركة الله
" دخلت ريم ووراها ديم تضحك "
ريم معصبة : أقول عزوز روح احجز لبلايستيشن ما ابيها تجلس هنا ولا دقيقة
" أبو عبدالعزيز يضحك "
عبدالعزيز رافع حاجب : واحد ،، أنا مو أصغر عيالك ( ويبتسم ) ليه وش سوت لك هالـ سوني ؟
ديم وهي تضحك : ههههه ،، قامت هي تسـ ،، هههههه تسبها ،، ههههههههههههههههه
أبو عبدالعزيز : لا خليناها تسافر ،، بنسفرك معاها
ريم عصبت : لا والله
الكل : ههههههههههههههههههه

/

خالد وهو طالع : هااه ،، توصون على شي ؟
رحاب : سلامتك
شوق تصارخ : لحظة لحظة
أم خالد : خلاص لا تزعجون أخوكم ،، خلوه يترزق الله
خالد يبتسم : لا خليهم ،، هم على عيني وراسي ،، إلا وين ندى ؟
رحاب ماتبي تعكر عليه مزاجه : هي في غرفتها
شوق تناظر فوق راسه : يالكذاب تقول احنا فوق راسكم وما أشوف شي ،، وبعدين أي غرفتها والبيت كله غرفتين وحمام ومطبخ وصالة ؟
الكل : ههههههههههههههههههههه
خالد : ههههههههههه ،، ماتتركين حركاتك حتى وأنتي في أول ثانوي
رحاب : تعرف بزران الثانوي
شوق : رحاب ،، shut your big mouth
أم عبدالعزيز مافهمت : هذي أغنية ولا كيف ؟
الكل : ههههههههههههههههههههههه
" جاتهم ندى "
أم خالد : كاهي ندى وصلت
/

ديم وهي مندمجة مع مسلسل وتمضي الأيام : تفااااحة ،، تفااااحة يا خايسة
ريم تستعبط : شوفيه التفاحة قاعد يشرب ماي قدامي
سلطان يشرق : كح كح ،، خيير أنتي كح ،، وش تحسين فيه ؟
ديم : المهم ،، روحي قولي لماما ( تصارخ ) لالا خلاص لقطة مؤثرة برب تيت
سلطان : الحمدلله والشكر ،، اختك وسويت
ريم : توك تدري ؟ خخخخخخخخ ( وقامت راحت تجلس عنده ) سوسو
سلطان رافع حاجب : من النهاية ..؟
ريم : مالت ما تستاهل أحد يعطيك وجه
سلطان : شف شف ،، مابقى إلا انتي ،، لا تكفين عطيني وجه بمووت
ريم : اقول على تبن ،، يا السلطة
" وانحاشت "
سلطان وهو يركض وراها : هين يالخايسة مالت
/

في إحدى فروع شركة .......... في الرياض ( المشهورة ) ،،

.......... : منصور
منصور : نعم أ.عبدالعزيز
عبدالعزيز : أنت تعرف أوضاع الشركة هذي الأيام صح ؟
منصور : صح طالع عمرك
عبدالعزيز : حلو ،، أنا أحتاجك اليوم تروح معاي ندور على موظف جديد
منصور مستغرب : طيب أنت خلك بمكانك ،، واحنا راح نتدبر طالع عمرك
عبدالعزيز : لا مشكور ،، أنا أبي أسوي سياية جديدة للشركة
منصور : اسمح لي يا استاذ بس هل تتوقع أن الطريقة راح تنجح ؟
عبدالعزيز : الله يكتب اللي فيه الخير

^
^
^
^
رواية : [ قلبي ڪبير ،، واتمنـﮯ منـﮛ تصونيـﮧ ] .. للكاتب : صدﮯ الج ـنون ♥،

ادري ان البارت مرة قصير )؛
لكن اذا شفت حماس ،، راح اخلي الباراتات الجاية
طويلة ....!

صدﮯ الج ـنون ♥،


التوقيع
..}

أبــيً صًـوتيً يعبًـرً عـنً شـعً ـووريً
وأبًــيً قًـلبًــيً يحسً بيًـومً رآاحً ـهً
أبًـيً أعًـرفً مكـآانًـيً ويًـنً دوريً
ودًيً أعً ـلنً محبتًـنآا بصً ًـرآاحًـهً


اضغط هنا لتكبير الصوره


صدﮯ الج ـنون ♥،
صدﮯ الج ـنون ♥، غير متواجد حالياً   رد مع اقتباس
قديم 04-19-2010, 10:55 PM   #3
-||[عضو قادم بقوة ]||-
 
الصورة الرمزية صدﮯ الج ـنون ♥،
 
تاريخ التسجيل: Apr 2010
المشاركات: 4
معدل تقييم المستوى: 0
صدﮯ الج ـنون ♥، is on a distinguished road
افتراضي


اقتباس
المشاركة الأصلية كتبت بواسطة احلى الاسماء اضغط هنا لتكبير الصوره
حلو كمليهاااا
سلام ..،،
اضغط هنا لتكبير الصوره
شكراً لمرورك اختي ....!


التوقيع
..}

أبــيً صًـوتيً يعبًـرً عـنً شـعً ـووريً
وأبًــيً قًـلبًــيً يحسً بيًـومً رآاحً ـهً
أبًـيً أعًـرفً مكـآانًـيً ويًـنً دوريً
ودًيً أعً ـلنً محبتًـنآا بصً ًـرآاحًـهً


اضغط هنا لتكبير الصوره


صدﮯ الج ـنون ♥،
صدﮯ الج ـنون ♥، غير متواجد حالياً   رد مع اقتباس
قديم 04-20-2010, 12:36 PM   #4
-||[عضو قادم بقوة ]||-
 
الصورة الرمزية صدﮯ الج ـنون ♥،
 
تاريخ التسجيل: Apr 2010
المشاركات: 4
معدل تقييم المستوى: 0
صدﮯ الج ـنون ♥، is on a distinguished road
Wink


رواية : [ قلبي ڪبير ،، واتمنـﮯ منـﮛ تصونيـﮧ ] .. للكاتب : صدﮯ الج ـنون ♥،

~{2}~

.......... : آآآه ،، شكلي بتعبت وأنا أدور
هندي : بابا انتا ايش سوي هنا ،، مرة وقت متأكر
خالد : أدور شغل ،، أفرح فيه أهلي وأبني نفسي بنفسي
الهندي مافهم عليه : بابا انتا لازم نوم ،، انتا شوي مجنون
خالد جاته فكرة : عندك شغل ..؟
الهندي : بابا انتا في سيطان داكل انتا
خالد : لو اشتغل زبال ماعندي مشكلة ...!

/

.......... : دييمووه قومي معاي
ديم : واحد اسمي ديم ،، اثنين مو شغالة لك
ريم تقاطعها : وثلاثة واربعة وخمسة وقومي معاي
ديم : هاهاهاها ،، ماني متحركة
ريم بنظرة تفحص : احسن ،، كنت بروح بيت خلود
ديم نطت : يا حبييبتي انتي ،، يالله بسرعة نلبس
ريم : هههههههههههههههههههههههه

/

.......... بصراخ : يمممممممممممه ،، فكيني يا حيوااانة ،، ندى والله لعلم خالد عليك
" جاتهم الأم مه رحاب "
ندى وهي شادة شعر شوق : انتي لو فيك خير كان مارفعتي صوتك علي
شوق بألم : ومين انتي عشان تـــ ـ ـ ـ
" قاطعها صوت ندى وهي تعطيها كف "
أم خالد وهي تبكي : ندى اتركي البنت
رحاب وهي تفك بينهم : خلااااص يابزراااااااااان فكوا
شوق راحت عند رحاب : شوفيها الحيوانة تاخذ هديتي من صديقتي عشان تكشخ فيها
أم خالد : واحنا قصرنا عليك في شي عشان تاخذين بلوزة اختك الصغيرة
رحاب تنرفزت :صج انك بزرة ،، المظاهر ماتهتم ،، وانتي لو عندك اخلاق وواثقة انك حلوة كان ماقعدتي تسرقين اشياء الناس يا سراقة
ندى بصراخ : اولاً انا ندى تبيني البس ملابس منتفة ،، واثنين ( تكلم امها ) اشوفك معيشتني في قصر ،، والخير عندنا ،، انا البنت المتخرجة وادرس بالكلية مصروفي اليومي 3 ريال ،، انتي لو كان فيك خير كان مارضيتي تعيش بهالخرابة
" وتركتهم في صدمة "

/

.......... بصدمة : لو اشتغل زبال ماعندي مشكلة ..؟
خالد بتوتر : هااه ،، بس عشـ ـ ـ ـ
منصور يقاطعه : يعني قلت الوظايف في العالم
خالد : كيفي انا حر ،، وين ما اشتغلت كيفي
منصور : انت كرامتك تسمح لك انك تشتغل زبال ؟
خالد يناظر الأرض : انت لو تعيش مثلي ،، كان لو تقطع بصل نعمة
منصور بنظرة تفحص : تعرف شركة الــ.......... ؟
خالد يشهق : هذي الشركة اللي الكل يطمح فيها ،، تعرفها ؟
منصور بابتسامة : ايه اعرفها ،، واعرف انك راح تشتغل فيها
" وراح وترك خالد في صدمة "

/

في فيلا أهل خلود ( الفخمة ) ،،

خلود وهي تفتح باب : اهلييين وسهليييين
ريم تدخل وهي تغني : مرحباً بقدوم خلي ،، يوم جاني في محلي
ديم تكمل : ياهلا وألفين سهلا ،، والمهلي ما يولي
البنات : ههههههههههههههههههه
خلود : حياكم حياكم ،، البيت بيتكم
ريم تستعبط : والسهام سهامكم
ديم تدفها بمزح : اشتغل الـدي جيه عز الله تشقق بيتكم
خلود : ههههههههههههههه ،، المهم وين تبون نروح ؟
ريم بنظرة لديم : الصالة اللي فوق
ديم بحماس وهي تصعد الدرج : يالله وش فيكم ؟ ( ولفت وجهها ) هييـــ ـ ـ ـ
" قطع كلامها لما صدمت في رجال توه بينزل "

/

دخل خالد البيت وهو يكلم نفسه : وش يقصد ذاك الرجال ؟ ،، والله باين انه زقرت
" وانصدم لما شاف وجه امه وهي تبكي وشوق ورحاب عندها "
خالد يركض لهم : يمممه ،، وش صاااير ؟؟ ( يكلم خواته ) بالله وش فيها اميي ؟
شوق بصوت مخنوق : مافيها شي بـس أ ،، أأ
خالد : بس أأ شنوو ؟ ( لف على رحاب ) لا تطيحين قلبي قولي وش صار ؟
رحاب وهي تناظر خالد بأسف : أختك ..!
خالد منصدم : اختي ؟
رحاب : ايه اختك ،، تقول عن امي انها مو ام وانها معيشتنا في خرابة وانــ ـ ـ ـ
" وقفت لما شافت خالد يركخ ويروح عند الغرفة ويدق الباب بقوة "
الأم تصارخ وتبكي بنفس الوقت : يمممممه بنتي لحقوا عليها

/

خالد بعصبية وهو يشد شعر ندى : انتي يا حيوااااااانة وش قايلة لامي ؟ ،، تبين تموتين انتي
ندى بألم بس تكابر : هييييييييي ،، فك شعري يا كلب
خالد وهو يشد اكثر : فيه احد يقول لامه اللي ربته هالكلام ؟ ،، بسرعة تكلمي
" وكانوا البنات والأم يتفرجون ومو عارفين وش يسوون "
أم خالد وهي تصيح : خلاص يا خالد ،، فكها وفكنا من شرها
خالد : هي وحدة ماتستاهل ان احد يحترمها ،، زودتها بالمرة
ندى وهي تبكي : ماشاء الله ،، تحسب نفسك رجال الحين ،، اشوفك ماشاء الله شغل ووظيفة وبـ ـ ـ ـ
خالد يعطيها كف قوي : انتي مالك خص ،، يكفي انا متسلفين فلوس عشان تدرسين ،، ماتفهمين انتي ما تعرفين ؟
ندى بتهديد : انا يا خوييلد ترفع صوتك علي ،، والله لا تشوف شي ما عمرك شفته

/

.......... : آآسف ،، ماكنت منتبه
ديم وهي خاقة : هااه
" والبنات كانوا يطالعونهم من تحت "
مشعل رافع حاجب : ممكن أمر ؟
" ديم استوعبت ووخرت عن طريق مشعل بدون ولا كلمة "
خلود لما طلع مشعل : ههههههههههههههههههه
ريم تغمز لديم : حبتيييييين ،، لا لا اموووت انا
ديم : وجع روحوا عني
خلود : ههههههه ،، ديم تراك مكشوفة ،، هع هع انا ادري
ديم وهي شوي وتبكي : خلاااص وخروا عني
ريم تسحبها : اقول تعالي الصالة وانتي ساكتة
" وجلسوا في الصالة ،، وقاموا يلعبون ،، وديم بالمرة مو معاهم "

/

.......... : منصور جد هالكلام ؟
منصور : ايوه طال عمرك ،، وانا ما اشوف احسن منه
عبدالعزيز بتفكير : اجل فيه احد يرضى انه يشتغل زبال ؟
منصور بحرج : اكيد لا ،، بس لا شفته اكيد راح يدخل مزاجك ،، وانا سهلت الموضوع وسألت عنه ،، قالوا شاب والنعم فيه ،، ابوه متوفي وعنده 3 أخوات ،، ودليت مكان بيته
عبدالعزيز : وهو وين ساكن ؟
منصور : في حي الـــ..............
عبدالعزيز بصدمة : وكيف تبيه يشتغل عندي ؟
منصور : انا طال عمرك ،، الولد مرة دخل مزاجي ،، واقترح تجربه مع المبتدئين واذا عجبك تخليه يشتغل عادي
عبدالعزيز : خلاص تجهز وقريب راح نروح له

/

دخلت ندى الغرفة وقفلت عليها الباب

ندى وهي تبكي : ليش انا حظي كذا ،، ليش خالد يحب خواتي اكثر مني ،، انا ابي اعيش مثل اي بنت ،، فلوس وسوق وطلعه ووناسة ،، مابي اسكن هنا ،، مابي اصير فقيرة وحقيرة ،، الكل يتعامل معي على اني بزرة وصغيرة ( وهي تتنهد ) لو يدرون كيف البنات يعاملوني في الكلية ،، كيف اكون على الهامش ( وقامت تكمل بكيها وبصرخة ) ليتني صبرت مثل رحاب وشوق ليتني أقدر أصبر
" ورجاب كانت تتسمع لها بالباب "
رحاب بصوت واطي : الأجر ان شاء الله ،، لك الاجر ان شاء الله

/

.......... : هاااااه عبدالعزيز بشر ؟
عبدالعزيز : أول عطني البشارة
أبو عبدالعزيز : لك كل الخير يالله تكلم
عبدالعزيز : والله سألت عنه بنفسي عشان أتأكد وقالوا والنعم فيه
أبو عبدالعزيز بفرحة : صدق ؟
عبدالعزيز : أجل اكذب
أبو عبدالعزيز يدفه : فيه احد يقول لأبوه كذا ؟
عبدالعزيز بمرح : ايه انا

/

.......... : أقول مشعل ،، وش رايك نروح عند الشباب ؟
مشعل مو معاه ابد : هااه
سلطان : انت شكلك رحت فيها ،، بالله بمين تفكر ؟
مشعل ارتبك : لالالالا ،، مافيه شي
سلطان بنظرة تفحص : هااااه ،، طيب ليش ارتبكت ؟
مشعل يصرف : وانت طايح فيني سؤال وجواب ،، انقلع بس
سلطان يضحك : هههههههههههههههههههههههه
مشعل بتفكير : ليش يهمك تعرف وش فيني ؟
سلطان يقلد صوت اخته ديم : تصدق مررة أغاااار ( ومايدري أنه زاد مشعل في نفس الوقت ) احببك مررة
مشعل سرح مع الصوت : يالبى هالصوت
سلطان يدفه : الحمدلله والشكر ،، ههههههههههههههههههههههه
" وراحوا يتمشون "

/

ريم : هههههههههههه ،، وش رايك خلود تجين تنامين عندنا ؟
خلود : ايه والله فكرة ،، خلنا نروح نكلم أمي
ريم ببلاهة : بالله ،، وش تسوي الأم ؟
خلود في نفسها { مسكينة يا ريم وياديم ماتعرفون وش تسوي الأم ،، أمكم لو تهتم فيكم كان حسيتوا وشفتوا }
خلود تحاول تضحكهم : تسوي غدا وعشاء وفطور
ريم : ههههههههههههههههههههههههه
خلود : ديم هااه ،، اجي عندكم ؟
ديم : هاااه ؟
ريم : لا الاخت مو معانا ،، خليد كانت تقول تجي بيتنا ؟
ديم ببلاهة : وين تجي ؟
خلود وريم : هههههههههههههههههههههههههااي

^
^
^
^
رواية : [ قلبي ڪبير ،، واتمنـﮯ منـﮛ تصونيـﮧ ] .. للكاتب : صدﮯ الج ـنون ♥،

اتمنى يعجبكم الجزء الثاني
وترقبوا الثالث عما قريب ...!
ادري ان الجزء مو طويل
لاني اترقب حماسكم معي =)
تحياتي

صدﮯ الج ـنون ♥،


التوقيع
..}

أبــيً صًـوتيً يعبًـرً عـنً شـعً ـووريً
وأبًــيً قًـلبًــيً يحسً بيًـومً رآاحً ـهً
أبًـيً أعًـرفً مكـآانًـيً ويًـنً دوريً
ودًيً أعً ـلنً محبتًـنآا بصً ًـرآاحًـهً


اضغط هنا لتكبير الصوره


صدﮯ الج ـنون ♥،
صدﮯ الج ـنون ♥، غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 04:00 PM
رواية لمني بشوق واحضني بعادك عني بعثرني ( جنان ) جيتك بقايا حي قسم الروايات المكتملة 171 10-10-2013 06:28 PM
اتحدى احد يقرا القصه ولا يضحك محرووم منتدي النكت و الطرائف - ضحك و فرفشة 33 04-23-2012 01:58 AM
ملف ... الاطفال ذوي الاحتياجات الخاصة (ارجوا التثبيت) خاليه المشاعر منتدي اطفال - تربية الاطفال 13 04-10-2012 06:27 PM


الساعة الآن 05:23 AM.


Powered by vBulletin® Copyright ©2000 - 2021, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.