قول الحقيقة صراحه ام وقاحه؟ ......... ابي رايكم

[طفلة بأحاسيسي]

[B]

بســـــــــــم اللـــــــــه الرحمـــــن الرحيــــم

ادش بالمـــوضوع ع طوووول
كثير ناس يقولون لك .. انا احب الصراحه وماحب اللف والدوران .. فانت تقول عنهم .. الله هذول ناس فاهمه ومثقفه ..
وبعدها تقول بكل برائه رايك فيها وبكل صراحه .. فجاه تلاقي الطاولة انقلبت عليك والكراسي تتطاير من فوقك والصراخ واصل لاخر الشارع


وتنهي كلامها بكلمة ............. انتي وقحه ..
...........................................انتي وقحه
..............................................انتي وقحه

حرام والله حرام .. انا شسويت ..؟؟


صراحه بديت احس ان هالايام .. المجامله هي اللي تقوي العلاقه بين الناس ..


يعني لا بغيت اقول رائي في احد وبكل صراحه وبكل ذوق وادب مهما حاولت اكون مؤدبه ..

الا ان الانسان اللي قدامي مايبلع الكلام ..


يعني يعني بضرب لكم مثل ..


واحد متزوج وقاعد يقرا الجريده دخلت عليه زوجته وهي لابسه فستان بيبله المرض يلوووووووع الجبد ..

الريال انصرع ويييع .. قالت له : حبيبي شرايك فيه مو حلو .. وهي ياحياتي تدور حول نفسها

الريال لايعه جبده : هــاهـ ؟؟

الحرمه : يلا قول وياريت ماتجامل امانه قول الصج

الريال بقلبه يوه هاذي قالت امانه .. يعني لازم اقول لها الصج..

والله شوفي هو يعني اممم

مووو حلووو كلــــــــش ولا حلو عليج .. ليش اول مرة يصير ذوقك جذي .. روحي واللي يعافيج بدليه لوعتي جبدي

هي اول مايقول لها جذي الدموع تتجمع بعيونها وتبدا تصرخ .. اساسا انت ماعندك ذوق عيل هاذا مو حلووو .. وخر بس انا ماحبك ههههه وتركض زعلانه على غرفتها .. ويبتلش فيها الريااااال ويمكن يقول لها لبسيه بس عشان ماتزعل هههههههههههه

فوالله هالسالفه معقدتني ..

لا انت اللي عايش بمجتمع يتقبل النقد .. على شان امة ترتقي لازم تتقبل النقد وتغير من نفسها

اما لو كل شخص شاف نفسه انه صح وكل اللي يسويه هو الصح .. بحياتنا ماراح نرتقي .. صح ولا لا؟؟


يعني تعيش وانت تجامل فلان وعلان (( وتصير حياتك كلها جذبه × جذبه ))... وتلاقي احبابك كلهم حولك

ولا تعيش بقول الصراحه والحقيقه (( وتصير مرتاح بحياتك لقولك الحقيقه )) ... وتلاقي نفسك محد حولك ولا احد يبيك


هاذا شئ جد يحير

ها شرايكم انتوا ؟؟؟[/

B]

[؛؛ الــريــم ؛؛]

مرحبــــــا يا عسولـــه ،،
مـــن تجاربـــي بالحياة أني أقول رأي بشخـــص وأتذكر الجانب الحلـــو فيه لأن أي أحد مستحيل يتقبـــل أنج تقولي الجانب السيـــئ بعدها بيحقد عليج وتتعقـــد السالفـــه ،
شوفـــي أنا مع المجاملـــه بس بــ حـــدود
عمومـــا لو طلب أحد رأي فيه راح أقول الجانـــب الحســـن بس لأن هذا الشـــي يولد المحبه والألفـــه ،، وما يعتبـــر مجاملـــه ،،
الإنسان كتلــه من المشاعــر والأحاسيــس فليش نجرحــه ونقسى عليه بإظهــار عيــوبه ،،

أما عن القصـــة فـ عادي يقـــول الـــزوج هذا مو حلو لأن يحـــق له وما يصير أهي تزعل بالعكـــس المفروض تفرح لأن زوجهـــا صارحها على لبسها وأبـــدى رأيه بكل صدق وعفويـــه ،،


طـــرح رائـــع ،،
يعطيـــك العافيـــه وربـــي يسعـــدك ،،


الهـــوى ،،

[ماعاد فيني]

المجاملة هي اللباقة والاحترام ومراعاة شعور الآخرين
وتقرب بين القلوب والاسلام يأمرنا بالكلمه الطيبه
ولا تكون المجاملة المذمومه على حساب الدين والاخلاق
شكرا على الموضوع
محبكم

[اميرة باخلاقي]

انا في رايي ان الصراحة راحه
بس
في اوقات ومع اشخاص خاصين يعني يمونون .اعطيك مثال
مثلا صديقتك المقربه في حفل كبير ولازم تقول كلمه امام الجمهور وقبل ما تطلع ع المنصه قالت لك ( ها كيف شكلي زين؟
وكان المكياج ولا الشعر ولا اي شي موزين او مو مزبوط
اكيد انتي راح تقولين زيني هذا موزين عشان ما تتفشل قدام الجمهور
والبعدين النقد هذا يجي منك احسن من انه يجي من غيرك
ولا مثلا كنتم في مدرسه اكلتم وكل شي وكان فيه بقايا اكل في فم صديقتك اكيد انتي راح تقولين لها ,وزي ماقلت عشان ما تتفشل قدام الطالبات
بس مثلا في ناس صعبه تقولين لهم الصراحه كلها
مثلا لو سألتك زميلتك عن حفلة تخرجها
اكيد ما بتقولين مو حلوه احس انك بتجرحينها
يعني قولي ماشاء الله شكلك كان روعه يعني جيبي الشي الايجابي

وفي النهايه خلي تعاملك مع الناس زي ماقال عليه افضل السلاة واتم التسليم
(لا يؤمن أحدكم حتى يحب لأخيه ما يحب لنفسه))
***********

[غــــريبـــــة]

الصراحة مطلوبة في كل الأوقات

بالأسلوب غير الناقد أو الجارح وإلا ستكون وقاحة

الحل برأيي .. قبل ماتصارحي أي أحد .. حطي نفسك مكانه

على حسب الموضوع اللي يحتاج له مصارحة يكون له أسلوب معين

نحتاج قبل قول سلبيات الموضوع الصريح نذكر أيضا إيجابياته حتى

يكون مقدار تقبل الشخص للصراحة أكبر وبالتالي النتيجة للطرفين حلوة

مشكور ع الموضوع الحلو .. يعطيك العافية