قديم 01-10-2011, 04:48 PM   #1
-{كبار الشخصيات}-
 
الصورة الرمزية الشاهينه
 
تاريخ التسجيل: Jun 2009
المشاركات: 356
معدل تقييم المستوى: 12
الشاهينه is on a distinguished road
افتراضي فراااق ولقى


السلام عليكم ورحمة الله وبركاته

قصيدة رائعة عن الفراق

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات


0 اذا نويت تعشق ثاني امانه لا تنساني..!!
0 وينــــــــــــــــــــــــــــــــك حبيبـــــــــــــــــــــــــــــــــــــي
0 الفزعه تكفووووووووووووووووووووووون
0 تكفى يااااااااموت زرني..
0 ضيقة الصدر ..~
0 عمر البحر ماشال هم السفينه
0 تنام وذنوبك لم تنام؟؟!!
0 قل ماتريد فانا ظالمه .. خائنه .. وراحله
0 قووووووووووووووووووويه
0 قبل لاترحل...
0 ابرحل.. ولا تنشد عن احوالي...
0 بدال اسمي كتبت اسمك وللاستاذ سلمته
0 بليز ساعدوني
0 اذا انت انسان ماتفهم ..شسوي فيك؟؟ علمني..
0 كرهتك حبيبي..
الشاهينه غير متواجد حالياً   رد مع اقتباس
قديم 01-12-2011, 08:20 PM   #2
-||[قلم من الماس]||-
 
الصورة الرمزية كبرياء قاتله
 
تاريخ التسجيل: Jan 2011
الدولة: في عالمي الخاص
المشاركات: 752
معدل تقييم المستوى: 11
كبرياء قاتله is on a distinguished road
افتراضي


هناك أناس يمتلكون أقلام فريده ومميزه..


يبهروننا بكل جديد لهم..ويسعدون العين قبل القلب بطرحهم..


يجعلون أقلامهم تنثر درر على وريقاتهم


تنزف مشاعر وأحاسيس تجعلنا نحلق معهم لعالمهم..


ونلامس ما لامسوه من تلك المشاعر الصادقه..


كلماتك فاقت كل وصف وجسدت لـــــوحة فنيـــــة..


يالجمال الطرح الصــــادق من منبع الشيم والعزه ,,


ولا غرابه منك هذا..


هنيئآ لنا بشخصك ,, دوم طرحك راقي ومبدع ومعطا....


دام قلمك يخط و يبهرنا ويسعدنا بجديدك..

تقبلي مروري المتواضع

كبرياء قاتله


التوقيع
اضغط هنا لتكبير الصوره
كبرياء قاتله غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
يااارب نلقى الحل واحس اني سويت شي امانه ساعدوووووووووووني دودي دودي منتدى النقاش الجاد 8 08-26-2010 10:14 PM
العراق عبر التاريخ - القديم - الجديد - المعاصر $$$ الحب الخالد $$$ المنتدى السياسي والاخباري 35 10-25-2009 02:44 PM
ولقد أراني !!! Emad Alqadi منتدي الشعر و القصائد - همس القوافي 5 10-17-2009 05:32 PM
المسلم والثقة بالنفس maarmaar11 المنتدي الاسلامي (الشريعة و الحياة) 3 06-02-2009 03:20 AM
ولقد ذرانا لجهنم كثيرا من الجن والأنس؟؟؟ alhaware المنتدي الاسلامي (الشريعة و الحياة) 4 11-22-2008 11:39 PM


الساعة الآن 09:19 AM.


Powered by vBulletin® Copyright ©2000 - 2021, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.