الإنفصال

[سارق الاحزان]

سلامي للجميع

لقد أتيتكم اليوم بقصيدة أتحدث فيها عن مايجري في بلدي العزيز السودان
وهو إنفصال جنوب السودان ليصبح دولة قائمة بذاتها
وذلك بعد الجروبات اللتي دارت بين الشمال والجنوب لمده 25 عاما
لقد مات الكثيرون من إخوتنا السودانيين لأجل سودان موحد ........

الإنفصــــــــــــــــــــال

وروني معنى الإنفصال
قالو السودان إنقسم نصين ومال
وبتقولوا دايرين إنفصال
ياخونا هي سودانا جال
المشكلة فينا نحن الخامينا الإنحلال
وبرضو دايرين إنفصال
غرب شرق وكمان شمال
وبتقولوا دايرين إنفصال
وين العمة وين الخال
25 سنة عشناها كلها في القتال
يا أخواني هي ردوا علي وين النضال
دم الرجال بقى مستباح
عشان كتار دايرين إنفصال

يا حليل زمن البسالة
سودانا العظيم بعد الجلالة
سيد العرب في كل حالة
بلد الرجال فيه المحالة
والإنجليز بيشهد بالرجالة

الإنفصال واقع مرير
الإنفصال بقى هو المصير
ده المكتوب من إلاهنا القدير
أفشو السلام في كل دير
أصلو السلام أمر القدير

ياخواني أنسو الإنفصال
سودان موحد بدون محال
سودانا واحد في كل حال
مافي فرق بين الجنوب ولا الشمال
ما أصلو الفرق وصلنا لي هادي الحال

خليتوا العرب يشمتوا فينا
ليه مانكون وطن واحد بكفينا
ليه مانكون حضن واحد بدفينا
ليه مانكون بلد واحد بيجمعنا
الغلطة مامن الوطن ياهو الغلط فينا
نخطأ نحن ونغلطو هو
وناسين أرواحنا البقت شينا
ليه ما نقعد سوى ونحل المشاكل البينا
وماننسى إنو السلام ياهو الأمر بيو دينا

سودان واحد وطن واحد يسع الجميع

أدعو الله أن نظل وطنا واحد يجمعنا وأن يظل السودان موحد من دون إنفصال

مع خالص إحتراميوتقديري للجميع ....................

ســـــــــــــــــــــــــــــــــــــــــــــــــ ـــــــارق الأحــــــــــــــــــــــــــــــــــــــــــــــ ــــــــــــــــــــــــــــزان