الدكتور احمد زويل اخترع ايه بالضبط ؟؟

[$ hmama $]

الدكتور احمد زويل اخترع ايه بالضبط وليه خد عليه جايزة نوبل وازاي اثر على مجرى العلم..

نفترض الاسوا وهو واحد يتساءل من احمد زويل ودي مقدمة بسيطة عن الدكتور احمد زويل


اسمه احمد حسن زويل مواليد 26 فبراير 1946 مواليد دمنهور خريج علوم اسكندرية

وحاصل على جائزة نوبل في الكيمياء سنة 1999..

يعيش البروفيسور زويل حالياً في سان مارينو بولاية كاليفورنيا، وهو أستاذ كرسي لينوس باولينج في الكيمياء الفيزيائية وأستاذ الفيزياء في كالتيك، وهو متزوج من السيدة ديما زويل (الفحام) وهي ابنة العلامة شاكر الفحام وتعمل طبيبة، رشح وسوف يشارك البروفيسور زويل في مجلس المستشارين الرئاسي حول العلوم والتكنولوجيا التابع للبيت الأبيض بعد أن عينه الرئيس باراك أوباما. المجلس سوف يتحدث عن التعليم والعلوم والدفاع، والطاقة، والاقتصاد، والتكنولوجيا. تم تعيينه أخيرا كمبعوث علمي للولايات المتحدة لدول الشرق الأوسط


مش هطول في الكلام عنه نخش في السخن ايه اللي هو اخترعه؟؟؟


كتير مننا بيقول بيغلط ويقول احمد زويل اخترع الفيمتوثانية، في الحقيقة الفيمتوثانية مش اختراع انما وحدة قياس (انما ده ميمنعش انه هو اللي خلى للوحدة دي معنى واستعمل حيث قبل ذلك لم يكن لها لازمة) زيها زي الثانية والدقيقة والساعة لكن مدتها قصيرة جدا وهي بتساوي 0.000000000000001 من الثانية (طبعا الرقم مش معبر للدرجة وعشان اخليكم تتخيلو الفيمتو ثانية نقول الاتي

انه الفيمتو ثانية بالنسبة للثانية زي الثانية بالنسبة ل 32 مليون سنة!!!! متخيل حتى بعد التشبيه التخيل صعب!!

طيب ندخل في الجزء التاني من الشرح وهو انه نقول مقدمة عن التفاعلات الكيميائية (والتعريف المعروف ليها هو تحول مادة او مواد الى مواد اخرى) زي مثلا ما الحديد بيصدا.الجزء اللي يهمنا في التفاعلات هو سرعة حدوثها وهي بتكون سريعة جدا (صحيح مثلا لما نشوف الحديد وهو بيصدي يبان انه بطىء لكن على المستوى الصغير قوي قوي هو بالفعل سريع جدا) وكان من الصعب او من المستحيل ملاحظتها الى ان اتى احمد زويل.







قبل اختراع الدكتور كانت معظم الدراسات بتقتصر على دراسة المواد في الحالة الثابتة مش التفاعل لسرعته الخيالية.

الدكتور احمد زويل بمفهوم بسيط اخترع كاميرا عندها القدرة انها تراقب التفاعلات السريعة جدا ودوت عن طريق تكنولوجيا ليزر بترسل نبضات (يعني حزم او حتت بالمصري) على سرعات عالية جدا بتوصل الى عشرات من الفيمتوثانية وعن طريقها قدرت اني اراقب اللي بيحصل في التفاعل الكيميائي زي بالضبط الاعادة بالتصوير البطىء في متش الكورة (اللي دايما بتكون مش اوف سايد)

وعن طريق الكاميرا قدرت اعرف ليه تفاعلات بتحصل وتفاعلات لا وعرفنا كمان انه لما مادة تتحول لمادة تانية بيتكون في الوسط مادة متوسطة بتختفي بسرعات مهولة لكن مع اختراع الدكتور قدرت اراقبها..


بعد الاكتشاف العظيم للدكتور ابتدا ينشا علم اسمه الفيمتوكيمياء وهو متخصص فقط في دراسة التفاعلات على مستويات زمنية قصيرة جدا والدكتور احمد زويل هو الاب الروحي للعلم ده بالاضافة انه الان وصلت تقنيات اسرع بكتير جدا في التصوير والعلم مازال يتطور ويكسبنا معلومات هائلة عن طبيعة التفاعلات اللي بتحصل..



نقطة اخيرة احب انبهكم ليها وهو انه الدكتور خد جائزة نوبل لوحده يعني مقتسمهاش مع حد وده يدل على عظم اكتشافه..


وربنا يكتر من امثاله
ويا رب يكون الموضوع عجبكم

[sh.Madrid.kaka8]

هههههههههههههههههههههههههههههههه
انا معرفش هوا اخترع ايه
بس
المهم ان الموضوع
جميل جدا
وتـــــــــحياتي لك^_^

[लंबे रियल]

يعطـيك العاافـيه حمامـه ~

[ام روني]

حبيت الموضوع تقريبا قريب من مجال تخصصي وهالعلم
لو مجرد دخول المختبر وصنع دواء حاجه مرة عظيمه
ادام الله من ينفع المسلمين بعلمه

ام روني

[NEecLAce]

نفع الله بك وبه

سلمت يمينك لا عدمنااك