غلطــانـَه الليّ { تعُشقُ } اليــًوم رجُال ..

[&& أبيــك روح &&]

اليوم لك ثاني مع راحة البال
وأنا بعد همي له اليوم ثاني..


اليوم تاركني أناظر بالأطلال
صورة ,, رساله ,, حلم ,, جرح وأماني ..


ليلي قضيته بين همٍ وغربال
وأقول في نفسي حبيبي نساني ..


غنيت أنا عقبك من الضيق موال
يومك تسمع للطرب والأغاني..


لي دمعةٍ من فوق الأوجان تختال
يومك تلاعب مترفات المباني..


وبي عبرة منها المخاليق تهتال
ياعبرتي لاتفضحيني عشاني ..


ياعبرتي خلي لك الصدر منزال
لاهوب بك داري ولا هوب عاني ..


مشغول له في ترفة حالها حال
ماهوب فاضي لعبرتي أو جناني ..


في يوم واحد نسته كل اللآمال
وش عاد لو يدري بشوق غشاني ..


ماهوب مثل أول هذاك الغلا زال
عزاه كيف الود زال بثواني ..


أربع سنينٍ طوال ياكيف تنزال
وتحط في قلبك أحد مكاني !!.


ماكنت اظنك تجحد الود لاطال
اثرك على طريف وتبيني أعاني ..


قد قالوا إن البعد والصد قتال
وأنا اشهد انه علة بالمحاني ..


يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمةٍ تزيد امتحاني ..


دمعي بلا علمي على وجنتي سال
اشتقتلك ليتك تحس بحناني ..


ليتك تشوف الحال يامتلف الحال
بس التفت لي شوف شالله بلاني ..


نصيتها تضحك لها لاهيٍ سال
وأقول ياليته حبيبي نصاني ..


الله يادنيا التعاسه والأهوال
الله يستر وش يخبي زماني ..


غلطانه اللي تعشق اليوم رجال
مهما حلف بالود يبقى أناني..


وقلب الرجال مابه من الحب مثقال
والبنت ترفه قلبها مايداني ..


حاولت أعبر والقلم في يدي مال
من هول مابي انعقد بي لساني ..

[™al3nood]

الله يادنيا التعاسه والأهوال
الله يستر وش يخبي زماني ..


غلطانه اللي تعشق اليوم رجال
مهما حلف بالود يبقى أناني..


وقلب الرجال مابه من الحب مثقال
والبنت ترفه قلبها مايداني ..


حاولت أعبر والقلم في يدي مال
من هول مابي انعقد بي لساني ..



الله عليك نوفاا
من عرفتك وانتي مبدعه يابعدهم
تسلم ايدينك ياغاليه
وصح لسان قايلها
تقبلي مروري المتاخر
لك كل الود

[روحك خيالي]

نثرتي ابداعتك في هاذه الكلمات

انني انتضر جديدك لا عدمني تواجدك ياقمر

بنتظار اجمل مما لديكي

لك ودي

[معاوية فهمي إبراهيم]

جهد في غايـــــــــة القمـــــــــة

أقف احتراماَ على ربيع كلماتك الفواحـــــــــــة

لكِ أطيب وأرق تحيـــــــــــــــــــــــــــــــــــــة.